Monday, August 29, 2005


رساله من إمرأه محششه

---------------------------


إبنى الحبيب مختار

أكتب لك هذا الخطاب ببطء لإنى أعرف إنك لا تستطيع القراءه بسرعه
أنا أحوالى بخير والحمد لله وماتقلقش انت نفسك على ، أنا عارفه أشغل وقتى كويس أصل أنا لقيت جماعه كويسيين أوى بتكلم معاهم مسميين نفسهم المدونيين ، إلا إنت تسمع عنهم دوول يامختار ، هما عموما جماعه كده من سني ماوراهمش شغله ولا مشغله إلا الكتابه بيضيعوا وقت زيي.. بس باين عليهم كده عيانين عندهم زهايمر لاحول الله يارب بيتكلموا عن الإنتخابات مايعرفوش إنها إتعملت من شهرين .. ربنا يشفى بأه .. المهم فيهم
واحد منهم بيقول كلام أبيح وبيتكلم عن الزنبور وبيقول كلام كده زى أطرطر .. انا بصراحه خفت أتكلم معاه لحسن يشتمنى ولا حاجه أصل هوه اللى مابيعجبهوش بيشتمه .. وكمان فيه واحد يامختار بعت ميل بيقولى فيه إنه معجب بى جدا وبالكلام بتاعى وعايز يتعرف على ..بصراحه أنا برده خفت منه ونفضتله.. وواحد تالت شكله عامل زى البيبيهات بيفكرنى بيك وإنت صغير بس وشه مكرمش ومع إن شكله غريب بس انا باحب أبصله كل شويه ، وكمان عندى مشكله معاهم يامختار إن كتير كده بيكتبوا حاجه عامله زى الشعر أنا مابفموش يامختار عشان الكلام مش شبه الكلام اللى بنقوله حاولت يابنى وتعبت ..هما كده بيجيبوا كلام مالوش دعوه ببعض ويحطوه جنب بعض وأنا الموضوع ده مضايقنى أوى .. بس أنا عايزه لما تيجى ترد عليهم مش إنت مثقف ولا لأ .. ربنا يكملك بعقلك وبعدين هما كده شكلهم بيعرفوا بعض وبيرحوا باليل فى حته فلاحين يتقابلوا عند الساقيه والنبى لما تيجى تبأه تودينى هناك أصل الواحد نفسه برده فى الجو الريفى ده.
والنبى يامختار ماتنساش تجيب لى الموبايل النوكيا اللى بكاميرا بس يكون فنلندى إوع يكون ميد باى نوكيا هتلاقى مكتوب تحت البطاريه ميد إن فنلنده
ملحوظه : أنا راحه باليل أنا وطنطك حسنيه دريم بارك عشان تذكره التوتو عليها تخفيض وبيقولوا إنهم جايبين تامر حسنى

وأشوف وشك بخير
ماما تهانى

16 comments:

  1. This is really funny You had put a smile on my face

    Thank you ofr your lovely visit on my blog ..hope I did not bore you with my poetry

    ReplyDelete
  2. حلوة قوي بيتقابلوا عند الساقية دي...
    ملعوبة

    ReplyDelete
  3. بجد مسخرة
    :D
    Keep it up ya Mr. A7mad..

    ReplyDelete
  4. إلا إشمعنا تهانى ومختار؟!
    هاهاهاهاها

    بس اللى ملعوبة بجد

    "أكتب لك هذا الخطاب ببطء لإنى أعرف إنك لا تستطيع القراءه بسرعه"
    ;)

    ReplyDelete
  5. طنت تهانى حانعمل أيه
    ما أنتى معانا ف كل كافيه
    وعند الساقيه ماترضيش تيجى
    ولاّ عشان مختار بقى بيه
    طنت تهانى ماتيجى ويانا
    عند الساقيه مادام عيانه
    يمكن لما تروحى تخفـّى
    جربى مش حاتكونى ندمانه
    بسرعه يا طنت بلاش همدان
    قومى دى الساقيه مكانها جنان
    دوقى الفن بتاع دلوقتى
    و أحكمى هو و للاّ زمان
    ماتقومى يا وليه
    KING TOOOT

    ReplyDelete
  6. ربنا يجبلك مختار بالسلامه يا طنط
    بس على فكرة فى فرق كبير فى السن
    بالنسبه لموضوع الساقيه انا فلاح وبروح الغيط كتير ممكن اعزمك على فطير مشلتت وقشده لما مختار يرجع بالسلامه

    ReplyDelete
  7. ايه يا عم احمد الصياعة الكتابية دى

    آه صحيح ... قول لمختار ماما تهانى بتقوله... ماينساش الضمان بتاع التليفون الفرلندى قصدى الفنلندى ..... ويبقى يسلم لها على صحابه المخاتير ...... ودمتم

    ReplyDelete
  8. Iamnasra
    Thanks for your visit, your poetry didn't bother me at all cause it is in English which is naturally not to understand ..lol
    بقولك إيه هو إنت أيمن ولا إيمان

    BeastBoy
    تصدق فيه ناس مافهموش حكايه الساقيه دى..هاها

    Lost in the Life
    تم المرور ، وكله تمام

    Nour
    نورتينا ، قريب هايكون رد مختار على ماما تهانى

    Lasto-Adry
    هاها .. الإسمين مختار وتهانى ..هما جم لوحدهم على بالى

    Iron Mask
    والله إنت عسل

    محمـــد
    أهلا بعمان ....وبلوجات عمان

    King Tout
    نفهم إن دى دعوه مفتوحه للساقيه
    عموما ، خلينا نستنى مختار هايرد يقول إيه لماما تهانى
    بس شعر حلو .. أهو ده أنا فهمته

    Shady
    شكللك كده شقى أوى ..عايز تخدنى الغيط لوحدى
    طبعا فيه فرق فى السن ..بس هى مش فاهمه كده
    وبعدين بأه أنا عايزه الساقيه اللى فى الزمالك

    Mahmoud Zidan
    مش عارف إسم البلوج بتاعك (الفارس الأخير) والصورة بتحسسنى إنك فغلا من زمن تانى
    ضمان مين ياعم إنت صدقت إنه هايجيب حاجه


    Son of Egypt
    صباحوا عسل إنشاء الله.. ماشفتش أم عصام النهارده ..؟

    ReplyDelete
  9. وكمان ام عصام !!!! دي طالبه سيجارة :)

    ReplyDelete
  10. هي محششة ؟
    أنا فهمت انها اعقل وحدة فينا


    بوست يجنن

    ReplyDelete
  11. يا سلام
    اخيرا ظهر واحد يحرك الاصبع الأوسط للمدونين

    ReplyDelete
  12. حلوة :)

    أنا ماما مصممة تقول على الساقية "ساقية مكّي" مهما أحاول معاها مش نافع...آخر انتصار إنها بقت تقول عليها مكّي دي بتاعتكم...طب ما تقول ساقية! لأ...مكّي!

    ReplyDelete