Monday, August 29, 2005


رساله من إمرأه محششه

---------------------------


إبنى الحبيب مختار

أكتب لك هذا الخطاب ببطء لإنى أعرف إنك لا تستطيع القراءه بسرعه
أنا أحوالى بخير والحمد لله وماتقلقش انت نفسك على ، أنا عارفه أشغل وقتى كويس أصل أنا لقيت جماعه كويسيين أوى بتكلم معاهم مسميين نفسهم المدونيين ، إلا إنت تسمع عنهم دوول يامختار ، هما عموما جماعه كده من سني ماوراهمش شغله ولا مشغله إلا الكتابه بيضيعوا وقت زيي.. بس باين عليهم كده عيانين عندهم زهايمر لاحول الله يارب بيتكلموا عن الإنتخابات مايعرفوش إنها إتعملت من شهرين .. ربنا يشفى بأه .. المهم فيهم
واحد منهم بيقول كلام أبيح وبيتكلم عن الزنبور وبيقول كلام كده زى أطرطر .. انا بصراحه خفت أتكلم معاه لحسن يشتمنى ولا حاجه أصل هوه اللى مابيعجبهوش بيشتمه .. وكمان فيه واحد يامختار بعت ميل بيقولى فيه إنه معجب بى جدا وبالكلام بتاعى وعايز يتعرف على ..بصراحه أنا برده خفت منه ونفضتله.. وواحد تالت شكله عامل زى البيبيهات بيفكرنى بيك وإنت صغير بس وشه مكرمش ومع إن شكله غريب بس انا باحب أبصله كل شويه ، وكمان عندى مشكله معاهم يامختار إن كتير كده بيكتبوا حاجه عامله زى الشعر أنا مابفموش يامختار عشان الكلام مش شبه الكلام اللى بنقوله حاولت يابنى وتعبت ..هما كده بيجيبوا كلام مالوش دعوه ببعض ويحطوه جنب بعض وأنا الموضوع ده مضايقنى أوى .. بس أنا عايزه لما تيجى ترد عليهم مش إنت مثقف ولا لأ .. ربنا يكملك بعقلك وبعدين هما كده شكلهم بيعرفوا بعض وبيرحوا باليل فى حته فلاحين يتقابلوا عند الساقيه والنبى لما تيجى تبأه تودينى هناك أصل الواحد نفسه برده فى الجو الريفى ده.
والنبى يامختار ماتنساش تجيب لى الموبايل النوكيا اللى بكاميرا بس يكون فنلندى إوع يكون ميد باى نوكيا هتلاقى مكتوب تحت البطاريه ميد إن فنلنده
ملحوظه : أنا راحه باليل أنا وطنطك حسنيه دريم بارك عشان تذكره التوتو عليها تخفيض وبيقولوا إنهم جايبين تامر حسنى

وأشوف وشك بخير
ماما تهانى

Saturday, August 27, 2005

وقفات
------------------------------


إلحق نفسك ياحاج فتحى .. قبل مايبيعوا البيت ..!! - من شريط الرسائل الأسفل لإحدى قنوات الأغانى

كشاف النور للخادمه اللعوب : زملائى حذرونى منك
الخادمه اللعوب : وقالولك إيه بأه ..!!؟
كشاف النور : إنك بتسخنى ومابتبرديش - من فيلم ديل السمكه

يقول إبن القيم رحمه الله أن من سمع الغناء ومات قبل أن يتوب ، مسخ فى القبر قردا أو خنزيرا - لوحه موضوعه على أحد أعمده النور بالطريق

باشكر الجمهور وباشكر اللعيبه ..!! - حسن شحاته فى البرومو الخاص ببرنامج الكره مع دريم

بنات اليومين دوول زى البطيخ .. إذا ماكنش حد شقها يبقى أكيد إتحسس عليها - رساله جت لى على الموبايل

أنا عزير ... ياقطه .. إسم مستعار لأحد الشخصيات على دردشه إم أى أر سي

أقوم بالإستمناء على زميلتى فى العمل .. أثناء الشغل .. ماذا أفعل !؟ - سؤال فى برنامج عم يتساءلون على قناه دريم2

إنتهيتى ياحقيرة - عنوان أحد البلوجات العربية

روتانا سينما .. مش هاتقدر تنزل رجليك - محمد صاحبى

Thursday, August 25, 2005

وحشتنى


--------------------


وحشتنى ..... عدد نجوم السمااااا......!!وحشتنى

Tuesday, August 23, 2005

يوميات زهقان
صباح الخير

صحيت النهارده متأخر كالعاده .... فتحت التلفزيون على قناه العربيه وانا بالبس هدومى .. لقيت المذيعه فى برنامج صباح العربيه ( حاجه كده زي صباح الخير يامصر ) بتقول العنوان الرئيسي لإحدى الجرائد المصريه بعنوان إتفضل شاى ياريس انتبهت كده وحسيت ان ريقى جرى وحبيت اشرب شاى، قلت خلاص بأه يابنى اشربه فى المكتب انت إتأخرت


نزلت وركبت العربيه ويادوبك لسه خارج من أول الشارع وواحد من عفاريت الأسفلت ساب الشارع كله وجه رمى الميكروباص عليه ، شكله كده كان بيلم الاجره لسه هافتح الإزاز وأشتم لقيته بيضحك وبيقول صباحك فل ياعسل لامؤاخذه ياباشا ...بصراحه هديت وضحكت وسكت
شغلت راديو العربيه لقيت أغنيه جديده لإيهاب توفيق وبيقول فيها ( ..... هيا ناقصاك انت كمان ... كنت فاكرك بحر أتاريك عطشان ...... ) قفلت الراديو
دخلت المكتب ولسه هاقول ياهادى التليفون الداخلى بيرن .....
رديت-أيوه
صوت رجالى هادى ومستحمى ومتفائل جدا بيقول –صباح الخير استاذ رفعت ولا استاذ رأفت معايا؟
رديت -لا ده ولا ده
إتغير الصوت من حاله التفاؤل لحاله الجد –اسف النمرةغلط
رن التليفون تانى ونفس الصوت - صباح الخير استاذ رفعت ولا استاذ رأفت معايا
يافتاح ياعليم يارزاق ياكريم –فيه ايه ياحضرت ماقلنالك
إتغير الصوت –خلاص أسفين بالراحه ماتزقش
بعد ماقفل السماعه افتكرت إن اسمى فيه رفعت ومراتى فيه رأفت
ياترى عايزإيه.... ومين ... وليه متفائل كده ؟
قلت أفتح الميل وأبص عليه ..لقيت ميل من (بلوج اكسبلوجن) والله الناس دى محترمه انا كلمتهم امبارح ولأحت البلوج بتاعى عليهم عشان يضيفوه عندهم ، ناس محترمه الرد على طووول لقيت عنوانه إعتذار بكل أدب بيعتذروا عن عدم استضافه البلوج بتاعى .. طب ليه ياعم الحاج ماإنت مستضيف مليون بلوج اشمعنى بتاعى ياعنى .. قال إيه باللغه العربيه وهمه ماعندهمش استعداد دلوقتى ونظام (سي يو لاتر) لأ ناس محترمه بجد ، وبعدين لقيت ميل تانى من الجماعه بتوع الفياجرا والحاجات بتعات الإنلارجمنت والتطويل وكده فكرت فى شويه وقلت وقلت لأ مش وقته ..يس وحوالى
الساعه 12 اتصل محمد صاحبى على الموبايل
بيقول-صباح الخير يأحمد
رديت -صباح الخير ياحماده
سألنى-شفت دريم امبارح ؟
قصدك حلم ولا قناه دريم
رد على -برنامج العاشرة مساء ياأحمد
جاوبته -لأ من ساعه حلقه أحمد الصباحى وأنا حرمت ...... ليه؟
قاللى -كانوا جايبين أسامه شلتوت
سألته باستغراب وقرف -أسامه شلتوت مين؟
رد على -واحد من المرشحين ... بس رغاى اوى بيقول انه شريف
ضحكت -ماكلهم بيقولوا كده .. يعنى عايز يقول انه حرامى
ضحك وقال -لألأ شريف من الأشراف... يعنى من سلاله الرسول صلى الله عليه وسلم
رديت -عليه الصلاه والسلام
قاللى -بيقول ان الصوفيين هاينتخبوووه
أنا بقرف -والنبى اعمل معروف ياحماده أنا قدامى 100 عفريت بيتنططوا دلوقتى إقفل الخط دلوقتى
الساعه واحده الضهر نفسي جابتنى اكل طعميه ... رحت محل الفول وقطعت بون بإتنين طعميه سندوتشين يعنى إديت البون للراجل وهو واقف مابيعملش حاجه استنيت دقيقه وقلتله ماتخلص ياباشا انت مستنى ايه؟ . من غير مايبص لى قالى اصبر! قلته هو فيه ايه بالضبط ، قالى مافيش عجينه .... قلت فى بالى ومافيش عجينه ليه وماعملش حسابه ليه من باليل وكل واحد مابيعملش شغله صح ليه ؟ ولسه هاسأله رحت مرجع الفلوس وماشى
ركبت العربيه بابص من الشباك لقيت يافطه مكتوب عليها الحاج / حسين مش عارف ايه عبد اللطيف يقول نعم لحسنى مبارك ، قلت فى بالى هوه مش موضوع نعم ولأ ده بأه خلاص إنتهى وبأه فيه اكتر من مرشح هى الناس مش فاهمه ولا ايه ؟
شغلت الراديو لقيت إيهاب توفيق بيقول .... ( ..... هيا ناقصاك انت كمان ... كنت فاكرك بحر أتاريك عطشان ...... ) قفلت الراديو

Monday, August 22, 2005

The Donkey الحمـــــــــــــــــار
.....................................
........................................
الحمــــــــــــــــــــار The Donkey
ياترى هو مين بالظبط ؟
Whom do you think ..!!??

Sunday, August 21, 2005


حوار الطرشان

مبارك : ايه اللى انته عاملينه ده انتوا فاكرينها فته ولا ايه .. ده فيلم ياجدعان
العجرودى : شبعان .. مين قال كده ده أقل كيلو سمك بعشرة جنيه
الأقصرى : بوفيه ... هو انتوا عاملين بوفيه ... طب ماقولتوش ليه من زمان
نعمان : حبهان ... ايه الكلام الغريب ده .. اتكلموا عن الإنتخابات
نور : الشهادات .... ايوه انا معايا دكتوراه علميه
الصباحى : الطاقيه .... لألأ الطربوش هايكون موضه
مبارك : بوحه ... صبح صبح ياعم الحاج
العجرودى : البق ...ايوه انا فى البرنامج بتاعى لازم نحارب الحشرات
نعمان : الحوارات .....اهم حاجه قانون الطوارئ
مبارك : ام طارق مين بس ..... والأقصرى ده منين بالظبط
نور : الحظ .... لا والله ماضربه حظ انتوا اللى بتحقدوا على الحزب
الأقصرى : اللب .... لب ايه اللى انت جاى تقول عليه ولا ايه يانور
نور : منصور ... قصدك مرتضى منصورقليل الأدب بتاع الزمالك
مبارك : جمارك ... ماخفضنا الجمارك والضرايب
نعمان : حبايب ... مين قال كده الوفد لازم يقول كلمته
العجرودى : عملته ... هو عمل ايه؟
الصباحى : ابونيه ..لازم كل واحد يكون عنده ابونيه عشان يقرا الكف
الأقصرى : اللف ... الواحد تعب من اللف والدوران بس مش عايزين حرب
نعمان : ضرب ... انا ماحبش اضرب على قفايا
عبد الحليم قنديل : كفايه .... حد بيقول كفايه
ممكن انتوا تكملوا حوار الطرشان .....فى تعليقاتكم
Spot the difference حدد الإختلافات
..........................................................
مش عارف بس عاجبتنى كده صورتهم التلاته مع بعض .... مش عارف ليه
I don't know , but I liked their photos gathered togther


Saturday, August 20, 2005

نشرة الأخبار عام 3000

اخواني واخواتي ........... السلام عليكم اليكم أخبااار عام 3000 م
اكتشاف فيروسات كمبيوتر خطيرة تنتقل إلى الإنسان عن طريق الشاشة والماوس
إختفاء طبقة الأوزون نهائيا فوق فرنسا
إسرائيل ترفض الانسحاب من البصرة إلا بعد ضمان أمن مستوطناتها في بغداد
القذافي يطلق صواريخ نووية في الفضاء الخارجي احتفالا بزفاف نجله الساعدي
عودة وفد الكونجرس الأميركي بعد أداء مناسك العمرة
مبادرة إسرائيلية لحل الخلاف الحدودي بين الإمارات العربية وسلطنة عمان
سيريلانكا تطرد ثلاثة آلاف خادمة عربي
إعفاء ذوي الدخل المحدود من دفع ضريبة الهواء
زهوة عرفات : نطالب بالانسحاب حتى حدود 2005 وسنعلن الدولة في أيار
واشنطن تتهم ليبيا بتفجير سفينة فضاء فوق المريخ
وزارة الداخلية اليمنية تحذر من استخدام الصواريخ في الأفراح
فتوى تثير جدلاً واسعاً : الطلاق بواسطة الايميل غير جائز
عشرات الجرحى معظمهم من السياح إثر انهيار برج بيزا المائل بشكل مفاجيء
تحطم مركبة فضاء موريتانية على سطح المريخ بعد نفاذ الوقود فور دخولها مجال الكوكب المغناطيسي
اختطاف سفينة فضائية أثناء توجهها إلى المريخ والمختطفون يطلبون حق اللجوء السياسي إلى كوكب الزهرة
في يوبيل تحّولها من إمارة إلى مملكة : البحرين تتحول إلى إمبرطوريه
أنباء عن وقوع اشتباكات على الحدود الإسرائيلية المغربية
زفاف المطربة صباح على حفيد الفنان الراحل راغب علامة
الفنان محمد هنيدي يهاجم نجوم الكوميديا الجدد

Thursday, August 18, 2005

Mobile with Cam in KSA

Finally, Saudi authorities permit to use mobiles with cam inside the kingdom.

Congratulations..! Bluetooth women ....




















Please don't abuse ........
Home Delivery .... Becomes Faster !!!!

Do you feel hungry ......!!
Wanna have somthing fast
What about... a one Big Mac with One Coke!
What about Light Coke ... Wow ....Deit
Let's call for the delivery ..
Mac ...To Go































Hey.....!! Wanna have another !?

Wednesday, August 17, 2005







همومك
عندما يكون عمرك 4 سنوات ما يهمك هو أن ......... لاتتبول على ملابسك
عندما يكون عمرك 6 سنوات ما يهمك هو أن ......... تجد طريق الرجوع الى البيت من المدرسة
عندما يكون عمرك 12 سنة ما يهمك هو أن ......... يكون لديك اصدقاء
عندما يكون عمرك 18 سنة ما يهمك هو أن ......... يكون عندك رخصة قيادة
عندما يكون عمرك 20 سنة ما يهمك هو أن ......... تشبع رغبتك الجنسية
عندما يكون عمرك 35 سنة ما يهمك هو أن ......... تحصل على المال
عندما يكون عمرك 45 سنة ما يهمك هو أن ......... تحصل على المال
عندما يكون عمرك 55 سنة ما يهمك هو أن ......... تحصل على الم
ال
عندما يكون عمرك 60 سنة ما يهمك هو أن ......... تشبع رغبتك الجنسية
عندما يكون عمرك 65 سنة ما يهمك هو أن ......... تحافظ على صلاحية رخصة قيادتك
عندما يكون عمرك 70 سنة ما يهمك هو أن ......... يكون لديك اصدقاء
عندما يكون عمرك 75 سنة ما يهمك هو أن ......... تجد طريق الرجوع الى البيت من اي مكان تذهب اليه
عندما يكون عمرك 80 سنة ما يهمك هو أن ......... لاتتبول على ملابسك
__________________

محركات بحث مدونات عربية

Blog Engins

Blogarama - The Blogs DirectoryBlog serch enginBlogwise - blog directory

Posted by Picasa

Site Meter