Tuesday, February 07, 2006


الحب المُرهِق



لفتت لوسي إنتباه هنرى في أحد المطاعم ، تعرف عليها وحاول كل منهما إكتشاف الآخر تحركت مشاعر كل منهم وفي نهاية اللقاء داخل المطعم إتفقا على ان يلتقيا صباح اليوم التالي فى نفس المكان كانت السعادة تملأ كل منهما وإنصرفا وهما يفكران بلقاء الغد
في اليوم التالي إلتقيا وفوجئ هنري عندما إقترب ليتكلم معها أنها تنكره ولا تعرفه ولا تدري شيئا عن لقاء الأمس ، إكتشف هنري أن لوسي تعاني من مرض أصيبت به بعد حادثة تعرضت لها قبل عام ، وهى أنها تتذكر تماما ماقبل الحادثة أما ذاكرتها القريبة بعد الحادثة فإنها تنتهي مع نهاية اليوم لتبدأ يومها الجديد دون أن تدري شيئا عن يومها السابق أو يوم الحادثة ، كانت تستيقظ كل يوم تهنئ والدها بعيد ميلاده الذي كان يوم الحادث ، وتذهب إلى نفس المطعم وتعود لتشارك والدها حفل عيد ميلاده الذي كان يقوم بعمله كل يوم ، ويشاهدا نفس المبارة المسجلة على شريط فيديو على أنها مباشرة



إكتشف هنري قصة لوسي من صاحبة المطعم ، وأصبح شغله اليومي محاولة التعرف عليها ولفت نظرها وجعلها تنشغل به بعد أن شغف بها حبا ، أياماً ينجح وأياماً يفشل في محاولته التعرف عليها ، أحياناً تعتذر له لأنها مرتبطة كذباً أو تكلمه لغة أخرى كذباً حيث تظهر له أنها لاتفهم مايقول ، كانت عملية مرهقة جدا لهنري محاولاته اليومية جذب أنظار لوسي له وإيقاعها في حبه ، وبعد أيام كثيرة ناما سويا في نهاية يومهما للمرة الأولى معا ، لتستيقظ في اليوم التالي لتصرخ في وجهه حيث تكتشف هنري رجلا غريبا في سريرها ، ترك لها هنري شريط فيديو يحكي قصتها وقصة الحادثة ، وماكتبته الصحف ولقاء مع طبيبها يشرح حالتها ولقائتهما المتعددة لتعود له في محاولة منها للتعايش معه ولتسأله هل مارسا الجنس معا ؟ هل يحبها ؟ لماذا يفعل ذلك ؟ لينتهي اليوم ويأتي اليوم الجديد ولاتتذكر شيئا ، وتشاهد الشريط وتعود لتتكرر نفس الأسئلة وتستكمل يومها ، لتمر الشهور والسنوات وهي تستيقظ يومياً لاتعلم شيئا عن يومها السابق ، لنجدها في أحد الأيام تستيقظ وبعد أن تشاهد شريط الفيديو تجد طفلاً في الخامسة من عمرها يقول لها صباح الخير ياماما ويقف بجواره هنري


هذه بإختصار قصة فيلم أول خمسين موعد غرامي لأدم ساندلر في دور هنري ، ودرو باريمور في دور لوسي ، شاهدته بالصدفة على الموفي تشانيل ، وبالرغم من أن الفيلم يندرج طبقا لتنويه المحطة تحت الأفلام الكوميدية إلا أنه يحمل مواقف وعواطف رومانسية عالية جداً
الفيلم تم عرضه أول مرة في فبراير 2004

Movie Trial

تريلر الفيلم



23 comments:

  1. ممكن في المحطة يكون قصدهم كوميديا الموقف إن هنري كل يوم بيصحا و يقابل الإنسانة اللي بيحبها و هي ناسية كل شيء عنه
    بس فعلاً أكيد الفيلم فيه مواقف وعواطف رومانسية
    كفاية شعور الإنسان إنه بيحب حد و الحد دة كل يوم بينساه و كل يوم بيتعامل معاه كأنه أول مرة يشوفه أكيد شعور صعب
    بجد أنا هدور على الفيلم و أتفرج عليه عشان أشوف رد فعل هنري كل يوم بيبقى إيه؟

    ReplyDelete
  2. الفيلم فعلا رومانسي و حلو قوي

    بس بذمتك مش شيئ جميل انك تصحى كل يوم مش فاكر ايه اللي حصل في اليوم
    اللي قبله
    و تتعرف على الشخص اللي بتحبه و تحبه تاني كل يوم من اول و جديد
    ده كفايه انك مش هتحس انك بتكبر ولا العمر بيجري

    ولا ايه؟

    ReplyDelete
  3. متهيألي أجمل مافي الفيلم اصرار ومثابرة هنري على تذكير حبيبته والسعي في علاجها .. واحد تاني كان يكبها فورا وينقل على واحدة تانية ذاكرتها حديد تفتكر كل كلامه الحلو و فنجرته العشمانة وبلاويه السودا أيضا ... يبقى يشرب بقة ساعتها

    ReplyDelete
  4. ياااااااااااااه
    فيلم جامد
    فعلا عاوزة اشوفه بس ياترى ايه اللى فكرك بيه يا احمد

    ReplyDelete
  5. عود أحمد
    :)

    يذكرنى هذا الفيلم بفيلم رأيته زماااان
    24 hours

    نفس الفكرة
    حتى الغرب بيقتبسوا من بعض
    !!

    ReplyDelete
  6. شفت الفيلم , بيتهيألي بيثبت ان الحب نوع من أنواع الجنون

    ReplyDelete
  7. ادم ساندلرز دمه خفيف .. ملوش حل.. في حد قالي قبل كده انه اصلا اهله يهود عراقيين بس ان مش متأكد من الكلام ده

    ReplyDelete
  8. مضبوط ادم ساندلر يهودى بس مش عارف عراقى و لا ايه

    ReplyDelete
  9. أحلى حاجة في الموضوع
    إنك تبدأ الحياة كل يوم
    كل يوم الحياة تبدأ من جديد
    ممكن تكون مملة أيوة بس مريحة
    بس يخسارة الفيلم دا فاتني

    متعرفش ألاقيه عند أي كبابجي
    :)

    ReplyDelete
  10. لا فيلم جامد وجديد احلى حاجه طرافة الفكره
    وطبعا البطله

    ReplyDelete
  11. very nice movie indeed, but i guess it is a fantasy and can't be real.
    Simply anybody else would give up .yedeeha sekka ya3nee .

    ReplyDelete
  12. لم أرى الفيلم
    ولكن اتوقع يستحق
    بس ياخي حرقت الشغله كلها :)

    ReplyDelete
  13. fekret el film fe3lan ghareebaa bass 7elwaa....bass 2aktar 7aga 3agbanee heyya el 2esraar beta3oo 3ala ta72ee2 7elmoo ma3a el 2ensaanaa 2ellee bey7ebbahaa 7atta wee howwa 3aref 2ennaha mesh 7ateftekroo taanee yoom.....

    " Never Give Up On Someone You Can't Go A Second Without Thinking About "

    ReplyDelete
  14. taty
    هو طبعا الفيلم فيه مواقف كوميدية وفي شخصية صديق البطل متوظفة تماما للكوميديا بس انا ركزت على الجانب الرومانسي
    فعلا دوري على الفيلم هايعجبك

    bosbos
    هو شيئ جميل إن الواحد يصحى مش فاكر اللي حصل اليوم اللي قبله
    بس هيا كانت كل يوم مشاعرها تجاه الشخص اللي بيحيبها مختلفة

    فهرنهايت 541
    طبعا هو كان شيئ جميل بس المشكلة انه ساعات كان بيفشل
    صعب جدا إنك كل يوم تحاول لفت نظر فتاة وإيقاعها بحبك في عدة ساعات وقبل ان تستشعر الحب ينتهي اليوم لتبدأ من جديد

    Geronimo
    فعلا هو فيلم رقيق .. اللي فكرني بيه إن شفته بالصدفة من فترة قريبة وعجبني

    حلم
    حاولت اجيب معلومات عن الفيلم لقيت فيه فيلم إسمه
    24 hour woman
    والتاني إسمه
    24 hour party people
    بس مش لاقي أي علاقة .. ياريت تديني فكرة اكتر عن الفيلم ده

    change destiny
    أول حد اشوفه شاف الفيلم .. طبعا فكرة مجنونة

    إبن مصر
    هو آدم ساندلر ليه فيلم مشهور هنا في مصر إسمه
    Big Daddy
    وليه فيلم إسمه كليك هاينزل في الصيف

    Anonymous
    هو شكله يدي على عربي شوية بس برده أنا كمان ماعرفش

    حائر في دنيا الله

    هاها
    هو أنا سمعت إنهم نزلوه في الصيدليات وفيه من لبوس كمان
    طبعا أنك تبدأ حياتك من جديد كل يوم دي حاجة كويسة بالنسبة ليك بس بتكون شاقة على اللي حواليك القريبين منك

    shady
    هي فعلا البطلة حكاية انا اول ماشفتها ماعجبتنيش وكنت فاكرها كومبارس .. بس بعد كده طلعت حكاية

    rania
    جايز من الناحية العلمية ماتنفعش وغن كان الفيلم دخل الطبيب يأكد الحالة من الناحية العلمية وعند الشك إنها ممكن تطلع طبيعية طلع الطبيب وقال إستحالة

    sydalany-وش مكرمش

    هو حلاوة الفيلم إنك حتى لما تشوفه وإنت عارف القصة مابتقللش من جماله .. يعني ماتحرقش ولا حاجة

    Slim Thug
    أعتقد إنك لو شفت الفيلم بعد ماعرفت القصة مش هايقل كتير من جماله

    mohammed yousef
    هو فعلا عنده إصرار جامد بالرغم من إن ابو البنت وأخوها كانوا رافضينه ووصلت لمرحلة ضربه ، يعني الموضوع ماكانش سهل برده
    وفعلا الواحد مايستسلمش أبدا

    ReplyDelete
  15. على فكرة انا اولا كده اتفرجت على الفيلم ده الفيلم فعلا لذيذ جدا
    ثانيا كلامك ليه في السبيس بتاعي مش كلام عادي وده اللي انا متوقعه من حضرتك دايما
    حقيقي كلامك جميل اوي ياريت نبقة نتكلم سوا شوية قريبا
    سلام ومع تحياتي
    حسام حسن

    ReplyDelete
  16. هذه اول مرة اري فيها هذه المدونة بجد اعجبتني جدا, وكتابتك عن موضوع فيلم اول خمسين موعد غرامي رائعة جعلتني بجد نادم علي عدم مشاهدته في السينما وقت عرضة حيث رفضت دخوله, علي العموم مدونتك جميلة وانت عندك حس عالي في الكتابة

    ReplyDelete
  17. سبحان الله
    أنا نفسي أعرف إنت بتغطس مرة واحدة كدة تروح فين؟

    ReplyDelete
  18. انت فين؟؟؟!!!؟؟؟
    بقالك مدة ماكتبتش حاجة والا بيتهيألي؟؟؟!!؟؟؟

    ReplyDelete
  19. حمدا للة على السلامة انت فينك وحشتنا قصصك متبقاش تعمل كدة تانى
    وعلى فكرة الفيلم تحفةةةةةةةةةةةة

    ReplyDelete
  20. أحمااااااااااااااااااااااد
    انت فين يا احماااااااااااااااااااااااد؟

    ReplyDelete
  21. فيييييييييييييينك يا كبيرنا
    الف سلامة عليك

    طمننا بس على الاقل

    ReplyDelete
  22. فينك؟؟؟؟؟؟؟؟؟
    ايه الغيبه دي ؟؟؟؟؟

    ReplyDelete