Friday, April 14, 2006

وحشتوني


من أكتر الحاجات اللي كانت بتضايقني في البلوجات ، إن بعد فترة من المتابعة والتعليقات بتتكون عشرة بين المدونيين وبعضهم وفجأة يختفي المدون بدون أي أسباب ويفضل أصحابه التخيلين اللي ارتبطوا بيه وإرتبط بيهم يسألوا عليه من وقت للتاني ويزورا مدونته ومافيش حس ولا خبر ، ويبتدوا يكتبوا تعليقات يسألوا فيها عليه بكل حب وخوف وقلق وهو عنده برود انجليزي ولا بيرد ولا حتى بيدي إعتبار للناس اللي بتسأل عليه
بصراحة كانت الظاهرة دي بتنرفزني جدا وكنت داخليا باعتب على صاحب المدونة لعدم اتباعه اصول اللياقة والذوق في تجاهله السخيف والممل والمنعدم الإحساس في هذا التصرف
ويبدو أنني أخيرا إتبعت هذا الإسلوب البايخ
الحكاية ببساطة اني كما عقبت في آخر تدوينة إنني سافرت من خلال العمل لكل من البحرين ثم السعودية ، ثم أعقب ذلك إصابتي بأحد أنواع الحساسية الشديدة لمدة تكاد تقارب الشهر أفسدت حياتي خلال تلك الفترة ثم تركي وظيفتي لإنتقالي لعمل أفضل بشركة أخرى خارج البلاد وبالتحديد في السعودية واليوم هو اليوم الثالث لي بمدينة جدة
وسوف تكون بالتأكيد هناك حكاوي كثيرة بالإضافة لكثير من الحكاوي إختزنتها خلال الفترة الماضية ، أعتقد انه في خلال عشرة أيام أستطيع أن أعود بشكل منتظم للمدونة وأن أرد على جميع التعليقات ومتابعة جميع مدوناتكم بعد أن أنهي ترتيبات السكن والعمل
أعتذر للجميع بدون استثناء وكل من سأل أو شعر بغيابى أو إفتقد المدونة خلال الفترة السابقة

وأخيرا ... وحشتوني ... وحشتوني ... وحشتوني

52 comments:

  1. الحمد لله أنا أول واحد أرد عليك

    واضح ان العالم كلها نسيتك يا ملك

    مفيش غيري

    عموما انا في قطر حاليا

    فممكن نتقابل في مجلس التعاون الخليجي

    وحاسب على باقي المدونيين

    لأحسن نلاقيهم اتوزعو همه كمان على باقي الدول

    وبعدين البلد تفضى من المدونين

    وبلدنا تبقى من غير مدونين يارجالة

    حمد الله بالسلامة يا حمد

    ReplyDelete
  2. يأخي كفارة .. واللة أنا كنت حازعل بس لما عرفت أن فيها خير ليك طبعاً من قلبي أتمني لك الخير ومبروك عليك الشغل الجديد ويبارك لك فيه .. بالمناسبة يسعدني تقديم أي مساعدة انا معاك في جدة .. ودة شئ يسعدني يابو حميد
    الف حمد الله علي السلامة ,,, ياه دا أنت كنت سايب فراغ كبير والله

    ReplyDelete
  3. hamdela 3ala el salama we nawart donia el tadwin

    ReplyDelete
  4. حمد اللع على السلامة .... اتبسط قوي لما لقيت الدبدوب .... ايه يا عم كل دة ؟ دة أنا كنت قربت أكره أمل و المخدة بتاعتها عشان كل ما بادخل بلاقيها في وشي

    حمد الله عالسلامة و بطل تنطيط بقى تعبتنا

    أقولك حاجة مش المفروض أقولها : أنا اتضايقت انك رحت الخليج لأني بتخنق لما أكون هناك بس كويس انك في السعودية عشان تبقى جمب الكعبة . مبرووووووك

    ReplyDelete
  5. حمد لله علي السلأمة
    wait for your new posts

    ReplyDelete
  6. حمدالله على السلامة يا أبو حميد

    ReplyDelete
  7. حمدا لله على سلامتك

    ومبروك الشغل الجديد

    يارب يكون فيه كل الخير ليك

    نورت من تانى

    ReplyDelete
  8. حمد الله على السلامة
    و مبروك الشغل و بالتوفيق انشاء الله
    بس برضوه زعلانة منك

    ReplyDelete
  9. أحمد شقير

    أولا عود أحمد


    وثانيا مبروووووك الوظيفة الجديدة والله تستاهل والله يوفقك فيها


    وثالثا لحد اول امس كنت اقول فكرة معينة أحمد شقير بيشأر على المدونه وهالنتيجة طلعت فيها لما شفت فترة الغياب زادت والمدونه ما انلغت فكان عندي امل بعودتك



    اشتقنا لكتاباتك الساخنه



    تحياتي

    ReplyDelete
  10. ياراجل وحشتنا بوستات زمان
    مبروك الشفاء ومبروك الشغل الجديد
    وعلى فكره جده حلوه قوى أنا من مواليد جده

    ReplyDelete
  11. انت ليك حساب
    عسير
    اهلا بيك على ما تفرج

    ReplyDelete
  12. Hamdellah 3la elsalama wy mabrouk! Rebana ywafa2ak in the new post. Waiting for your late night stories. Salamat

    ReplyDelete
  13. شكلى وحشششششششششششششش لردى المتاخر بس والله سائل عليك فى المدونة اللى قبل دى (بتاعة الفيلم)

    الف سلامة عليك يا غالى وبالتوفيق فى شغلك الجديد

    حمد الله على السلامة مرة تانية يا كبير

    ReplyDelete
  14. سلامات يا شقير
    افتقدناك بالفعل..

    ReplyDelete
  15. welcome back & welcome to Saudi Arabia Ahmad.. i hope it treats you well.

    ReplyDelete
  16. منور الخليج بطوله وعرضه يا أحمد

    :P

    الحمدالله على السلامه أولا وأخيرا

    ReplyDelete
  17. اولا حمدالله على السلامه
    ثانيا مبروك الشغل الجديد عقبالي

    ثالثا اوعى تفتكر انك عشان رجعت و حطيت لنا دبدوب بيعيط هتصعب علينا و هنسامحك لا يا استاذ الموضوع اكبر من كده بكتير
    مش كل شويه هتختفي من غير تحذير كده و تسيبنا نقول يا ترى راح فين

    لأ و اكتر حاجه كانت بتنرفزني لما ادخل
    ahmed funny pictures
    الاقي صور جديده كل يوم و مع ذلك برضه مش بتطمنا عليك يعني فاضي تحط صور و مش فاضي تقول يا جماعه انا اهو متقلقوش

    ماشي يا احمد
    لن انسى لك هذا الموقف

    ReplyDelete
  18. وانت وحشتنا اكثر واكثر واكثر
    ومبروك الوظيفة الجديدة وعاوزين صينية كنافة بالمناسبة الحلوة دي :)

    ReplyDelete
  19. Welcome back and mabroook the new job...

    it must have been a terrible period, the allergy & changing jobs... i know how both feel like :D

    Welcome back, we missed you buddy

    ReplyDelete
  20. welcome back !
    زبونة جديدة على المدونة ,,أول ما جيت نزلت قراية فى كل القديم,,,وبعدين استنيت ,,انك تنزل حاجة جديدة ,,ابدا,,ولا حس ولا خبر ,,,قلت بس خلاص ,,هو عرف انى وصلت قفلها وعمل واحدة جديدة عنوانها سرى
    حمدلله على السلامة
    ولاز

    ReplyDelete
  21. حمد الله على السلامة

    نورت المدونة

    الف سلامة عليك

    فى انتظارك

    ربنا يوفقك

    الى الامام

    ReplyDelete
  22. حمدلله ع السلامة ياعم الكل
    وألف مبروك
    انت لك وحشة وشوق .. وغيابك أثار القلق والتساؤل والله ... فكرت أعمل بوست بعنوان (البحث عن أحمد شقير) لكن انشغالي عن التدوين مؤخرا واعتذارك المكتوب جعلني منتظرا في حماس تدوينتك القادمة
    ألف سلامة ياباشا
    المدونات كانت ناقصة كتير من غيرك

    ReplyDelete
  23. أنا اتعقدت من امل ومخدة امل و اساور امل
    كل ما اجي اشوفها و ما اشوف بوست جديد

    لاتغيب مرة ثانيةالله يخليك ترة طولتها هالمرّة الى ان قلت انك ما راح ترجع وتركت التدوين

    الحمد لله ع السلامة

    ReplyDelete
  24. حمد لله على السلامه يا ابو حميد
    انت يمكن ما تعرفنيش
    بس طبعا انا قر يت معظم اللى انت كتبته
    وبالمناسبه انا متابع صورك الطريفه باستمرار
    مجهود رائع
    والف مبروك السفر والعوده

    الا صحيح هو المفروض الواحد يسافر عشان يرجع؟؟

    ReplyDelete
  25. متعرفنيش انت بس انا اعرفك ومتابعك جدا
    حمدالله على سلامتك
    واهى كلها بلاد ربنا

    ReplyDelete
  26. الحمد لله على السلامة يا باشا

    ReplyDelete
  27. اهم حاجة انك بخير والحمد لله...:)

    ان شاء الله تكون مبسوط بالشغل الجديد...:)

    حمد الله بالسلامه وفعلا افتقدناك...:)

    ReplyDelete
  28. 7amdella 3al salama, and alf mabrook...you've been missed mister :D

    ReplyDelete
  29. عود أحمد..
    ليك وحشة بجد
    :))

    ReplyDelete
  30. اولا الف سلامة عليك
    ثانيا مبروك على الوظيفة الجديدة
    ثالثا وحشتنا فعلا

    ReplyDelete
  31. Welcome back man, we missed you.

    start writing soon, and give us some more sunglasses, they are the best.

    ReplyDelete
  32. هيييييه..الحمد لله أنا مش اتأخرت أوي

    حمدا لله ع السلامة يا أستاذ أحمد..أخيراً؟!! د
    ((:
    ده أنا قلت إنك خلاص اعتزلت الحياة الافتراضية وقلت دول ناس فاضية بقى وحضرتك مش عندك وقت
    :P

    المهم، في انتظار الجديد في حكاوي آخر ليلك وأوله كمان، والحواديت اللي بتشوفها بالنظارة الشمس أو بالنظر أو بعينك المجردة
    مبروك على الشغل الجديد وربنا يحلي إقامتك في جدة.. جدة من المدن الجميلة وإن كان جوها حار رطب صيفاً.. وأهي حوالي 75 كيلو وتبقى في مكة المكرمة
    (((:
    صفحة التعليقات في مدونتك بقت تقيييييييلة جداً فشوف لها حل بقى
    لأن الناس مش هتبطل تعلق وأنا أولهم

    عود أحمد يا أستاذ أحمد

    ReplyDelete
  33. Alf Salama 3aleek ya abo 7meed ... we alf 7amdellah 3ala el salama , we isA tekon fat7et kher 3aleek enta we el madam isA .

    Waiting for new posts !!

    ReplyDelete
  34. حمد الله على السلامة وبالاستمرار فى الكتابة من جديد ان شاء الله

    ReplyDelete
  35. حمد لله عالسلامة يا جميل
    :)))

    ReplyDelete
  36. إنا خلاص عرفت سبب حضورك القوي و إنجذاب جماهير المدونين ليك و ليه بنقلق عليك
    أتاريك رشدي أباظة و إحنا مش واخدين بالنا

    ReplyDelete
  37. عذرك معاك . . و ما تغبش تانى . .

    ReplyDelete
  38. الحمد لله على سلامتك لوصولك أرض الوطن التخيلي
    جمهورية البلوجات المهلبية
    وحشتنا يا أبنى جدا
    مستنيين ضحكتك
    KING TOOOT

    ReplyDelete
  39. ياخرااااااااااااابي ايه ياعم الشعبية الجامدة دى
    كل دى نااااااااس بتقرالك وبتحبك وبترحب بيك
    يا بختك
    وجتنا نيلة ف حظنا الهباب

    ReplyDelete
  40. و الله ليك وحشه يا استاذ احمد
    حمد الله على السلامه
    افتقدناك فى عالم المدونات

    ReplyDelete
  41. اول مرة ادخل عندك وكل الناس بتقولك حمد الله عالسلامة
    حمد الله عالسلامة وحشتنا والله

    ReplyDelete
  42. الحمدلله على السلامه

    نورت السعوديه بوجودك
    :)

    ReplyDelete
  43. حمد الله على السلامة يا حج انا كنت متابع مجوناتك من تحت لتحت كدة بس ما بدهاش بقى لازم اقولك حمد الله على السلامة يا استاذ
    :D

    ReplyDelete
  44. علي انت من ضمن الناس اللي بتتكلم عنهم

    لا انت تفوقت عليهم

    ReplyDelete
  45. حمدالله على السلامة يا أحمد وأهلاً بك في جدة.
    اتصل بي عشان نتقابل وأعرفك بالمدونين الجداويين إذا تحب.

    ReplyDelete
  46. الف الف حمدالله علي سلامتك ياباشا
    والله واحشنا كتير, ويكفي اننا اتحرمنا من حكاياتك ومن ارائك في كتابتنا
    حمدالله علي السلامة ومستنين تحكيلنا عمات ايه الفترة اللي فاتت

    ReplyDelete
  47. حمد الله عالسلااامة يا شوكيير

    نورت البلوجات كلها :)

    ReplyDelete
  48. يااااااااااااااه .. تقريبا مش مصدقه اني بنقرا من تاني بلوج حكاوي اخر الليل بقلم احمد شقير ..

    علي قد ما فرحت انك رجعت بالسلامه و طمنت اصحابك و حبايبك عليك علي قد ما اتنكدت لما عرفت انك سافرت تشتغل ف السعوديه " و مكنش شعوري هيختلف كتير لو كنت رحت اي دوله تانيه سواء عربيه او اوروبيه او حتي امريكا لاني أكره السفر و الغربة .. ما علينا" .. ربنا يوفقك و يقصر غربتك علي خير ان شاء الله ..

    ممكن سيادتك في حالة اي انشغال من اي نوع تبقي سايب اخبارك مع اي حد من اصحابك المدونين المقربين بحيث يقدر يطمنا بدال ما كنا بنكلم نفسنا ؟؟و أكيد الاحسن و الاحسن لو انك ما تغيبش ابدا ..

    وحشتنا .. وحشتنا .. وحشتنا ..

    ReplyDelete
  49. بسم الله ماشاء الله ، والله خففتوا عليا الغربة ورجعتوني مصر من تاني

    أبو شنب
    بالعند فيك لإ .. الكل فاكيرني بس احلى حاجة إنك أول واحد تعلق لأنك المدون الوحيد اللي كنت عارف كل أخباري من فترة
    عموما قطر نورت وخلاص طالما إنت في الدوحة وأنا في جدة يبقى نتقابل في المنامة لما تصحى .. مستنيين حكاويك عن الدوحة

    زبادي
    متشكرين ياباشا على التدوينة الخاصة برجوعي ، أنا بصراحة فوجئت
    وطامل غنت في جدة يبقى أكيد هانتقابل قريب ، ياريت يبعت ليا ميل في تليفونك

    ensan
    ربنا يخليك لينا ياإنسان

    change destiny
    هاها حلوة حكاية امل ةالمخدة دي ، عموما خلاص ماعدش فيه تنطيط ، فعلا احلي حاجة إني في جدة هاكون جنب مكة المكرمة

    sabrina
    الله يسلمك والبوستات إبتدت

    ماشى الطريق
    الله يسلمك ياباشا ، إسمك معبر عن ظروفي اليومين دوول

    حلم
    الله يسلمك والتدوين منور بيكي ، كنت مستني تعليقك على ليلة رأس السنة

    taty
    فعلا وحشتيني جدا وإتأثرت بسؤالك ، بس انتي ليه لسه زعلانة ماأنا بهدلت نفسي ونزلت تهزيئ في نفسي في البوست ده

    صباحك سُكّر
    شكرا على متابعتك وحقيقي أنا كمان احب أقول إن كتابتك أصبحت اكثر سخونية في الفترة الأخيرة

    shady
    وانت كمان يازعيم وحشتنا ووحشنا العواطلية بتوعك ، قول لهم مايقلقوش هابعتلهم عقود مزيكا قريب جدا

    adhm
    إنت كمان وحشتنا جدا ياراجل ، وسماح المرة دي بأه

    Whynotwhywhynot
    الله يسلمك هواي نوت هواي هواي نوت
    وانا بدوري اقولك برده وليه لأ

    Taher
    وحشتني جدا ياطهوور وسؤالك وصل بالتأكيد ودايما معاك ع الخط

    أبو الليل
    وإنت كمان بأبو اليالي ليك وحشة بالتأكيد زرت مدونتك أول ماجيت بس بصراحة ماعرفتش أرد انت عارف بأه PG ... parental guidance

    saudieve
    ميرسي على سؤالك وإنشاء الله خير ، ومدونتك جميلة بس ياخسارة بالإنجليزي عشان كده مافهمتش حاجة
    لأ بجد أرائك قوية وجريئة وجديدة وتستاهل التحليل

    نون النساء
    الخليج منور بيكي يانون عموما السعودية قريبة من الكويت

    bosbos
    لأ يابسبس خللي قلبك طيب أنا عارف إني مش هاهون عليكي وحكاية الصور الطريفة انا كنت حاطط كمية محترمة منها في الدرافت وكان محمد صاحبي بيعمل لوج إن وينزلها وهو في الشغل
    شفتي باه كنتي إزاي ظالماني

    chatterbox
    الله يبارك فيكي ، بس المشكلة اني عندي حساسية من الكنافة إيه رأيك في الكبسة؟

    Lilli
    إنتي كمان وحشتينا ياليلو طبعا انت اكتر واحدة عارفة احساس ترك العمل القديم وبداية عمل جديد لانك مجرباها قريب وكمان الأرتيكاريا كانت فعلا رهيبة

    Anonymous
    نورتي المدونة ياأنينوموس ، بس أعتقد ان إسمك ولاء يبقى نورتينا ياولاء ونتمنى انك تكوني زبونة دائمة علينا لغاية مانشوف مدونه ليكي

    tamer
    شكرا ياتامر ياأبو الأفكار على السؤال

    451 فهرنهايت
    وحشتنا يامعلم ووحشني الاندرتيكر بتاع مدونتك مش بتاع المصارعة ، وانت كمان ماتنشغلش عنا كتير

    Tara
    شكللك مش انتي اللي لوحدك اتعقدتي من مخدة أمل
    متابعك ومتابع كل تدوينك من العراق

    kalam
    شكرا على متابعتك ، وأرجو انها تستمر وسعدت فعلا إنك بتابع مدونة الصور
    اللي على فكرة بتاخد وقت برده في انتقائها
    ومش لازم كل اللي بيروح بيرجع

    egiziano
    شكرا ع المتابعة ومدونتك في بصراحة في الموكن

    ملك
    الله يسلمك يا(ملك) اسم ووظيفة برده ياريت تطمنا على كتابة

    Q8ya
    الله يسلمك وانا كمان افتدقتكم خلال الفترة اللي فاتت اما عمل الجديد فاكيد له حكاياته

    Nerro
    وانتي كمان وحشتينا أوي ووحشتنا كتابات نرنورة الشتوية

    Ghada
    وإنتي كمان وحشتيني ، اتبسطت أوي لما لقيت بوست ليكي منشور في الدستور

    rubyeldaly
    ميرسي ياروبي على سؤالك وكمان وحشتينا إنتي وعشقك ندى

    KareemFromEgypt
    شكرا ياكريم على السؤال ، على فكرة كنت فاكراك واحد أعرفه هو اللي علق فى نضارة شمس وطلعت مش هو والراجل ولا عنده فكرة يعني ايه بلوج من اساسه

    Doaa Samir
    كروان .. شكرا على سؤالك وماتعرفيش انا كنت منتظر اد إيه تعليقك في نضارة شمس عشان يهمني جدا وباإعتذر عن التاخير في الرد على التعليقات لكن هافضليها يوم
    عند حق صفحة التعليقات بتاعتها تقيلة فعلا انا كمان باتوه فيها
    فعلا احلى حاجة ان مكة قريبة من جدة .. وغالبا ايام الجمع هاكون هناك

    Ahmad El-Saeed
    ربنا يخليك يابوحميد ويسمع منك ربنا وشد حيللك وتحصلني

    m.yasser
    ربنا يخليك ياباشا ونتمنى تزورنا دايما

    HERA
    الله يسلمك ياهيرا وغن كنت زعلت اوي انك ابتعدتي من فترة ، ياريت تكون امورك على مايرام وسيبك من التعليقات السخيفة
    وبيني وبينك شكرا على حذف احد التعليقات عندك بالرغم اني عارف انه مش شيئ سهل على المدون

    sasha
    شكرا ياساشا ومعلش في تعليقي لخبطت بينك وبين سابريناتحياتي ليكم جميعا

    taty
    رشدي أباظة مين ياتاتي ده لو محمد نجم يبقى حمد وشكر من عند ربنا

    KING TOOOT
    وإنت كمان ياوليد وحشتنا ووحشتنا رباعياتك

    Geronimo
    ليه بس القر ده ياسمسمة ده مش طبعك خالص .. عموما كتاباتك الرومانسية تعمل شعبية اكتر من دي بكتييييير

    islam yousef
    الله يسلمك ياإسلام وحشتنا ووحشنا الجيش ووحشتنا المنصورة وحبايب المنصورة

    هوميروس
    أرجو إنها ماتكونش اخر مرة ياهوميروس
    :)

    ~ se3loah
    السعودية منورة بأهلها .. بيقولوا الرياض مختلفة كتير عن جدة ..عموما انا زرت الرياض قبل كده من مدة وليا بوست خاص عنها

    m_elsewedy
    شكرا ياسويدي ع المتابعة وإنشاء الله نتواصل قريب

    admelmasry
    تفوقت عليهم .. ياراجل بلاش القسوة دي
    بس فعلا شكرا على متابعتك
    :)

    فؤاد الفرحان
    شكرا يافؤاد .. وأكيد احب اتعرف على المدونين هنا في جدة وإنشاء الله يكون بينا تليفون قريب

    daktara
    الله يسلمك يادكترة .. وانت كمان وحشتنا وخصوصا انك ظهرت في اول بدايات غيابي عموما لينا تواصل خاص مع بعض

    mindonna
    الله يسلمك ياميندونا يانور المدونات

    Romantic Rose
    شكرا ياروز على سؤالك انتي كمان وحشتينا بتعليقاتك ، بس فعلا غريبة انك بتكرهي الغربة هو فعلا في فرق كبير بين السفر والغربة
    الغربة طبعا صعبة وخصوصا لما تكون عن مصر
    وإنشاء الله مافيش عياب تاني

    تحياتي للجميع مرة أخري .. بصراحة لتالت مرة أتأثر كده بتعليقاتكم

    أحمد

    ReplyDelete
  50. حمد لله ع السلامة (f)

    ReplyDelete
  51. الحمد لله على السلامه
    وحشتنا

    ReplyDelete
  52. Excellent, love it! » »

    ReplyDelete