Sunday, February 25, 2007

بورصة المدونين


بورصة المدونين


أيمن فاروق ، احمد المصري ، ابراهيم ، رؤوف ، محمد حامد ، محمد ، بيشوي


كانت الساعة قد تعدت السابعة بقليل ، قبل أن أكتشف مكان تجمع المدونين في مقهى البورصة وسط كمية مهولة من مقاهي وسط البلد التي تعطيك مساحة لإكتشاف مصر الجميلة بعيدا عن ما أ ٌٌتهمت به وسط البلد بما يسمى التحرش الجنسي
لم أبذل مجهودا لكي أتعرف على موقعهم فقبل موقعهم بخطوات إستمعت الى كلمات من نوعية البلوج ، التدوين ، المدونين إقتربت منهم وتسائلت بلوجرز ؟

ثم بدأت بالسلام على الجميع وفي منتصف التحيات عرفتهم بنفسي متسائلا إذا كان يعرفني أحدهم ، فكانت المفاجاة بأنهم كانوا في سيرتي قبل وصولي بلحظات ، بالرغم من أني لأعرف أي منهم شخصيا بإستثناء أحمد الذي أقابله للمرة الأولى لم أكن أتوقع تلك الحميمية التي تولدت لدي منذ الحظة الاولى وكأني اعرفهم جيدا ، خجلت من نفسي كثيرا لأنني لم استطع أن أتعرف على أي منهم أو على مدوناتهم بالرغم من متابعتي للكثير من المدونات حتى سمراء النيل وياسمين خلطت بينهم كثيرا في البداية، حقيقة كانت أسماء الأشخاص ومدوناتهم بالنسبة لي جديدة تماما

تميز جميع الحضور بأن مدوناتهم على مستوى عالي من ناحية الموضوع مثلما كان حديثهم وإن كان التميز الواضح بأنها بعيدة نوعا ما عن السياسة بإستثناء بعض التدوينات التحليلية ، في البداية كان كل مدون يقوم بالتعريف عن نفسه ومدونته وكانت البداية من عندي وتهربت مقترحا بأنه من الأفضل تركي للنهاية فأنا لاأحبذ الكلام كثيرا عن نفسي

ساعدني أحمد في حوارات جانبية بتعريفي بهم وهم يتحدثون عن أنفسهم ولكن تركيزي ضل الطريق بعد فترة لأعاتب نفسي ثانية أني لم أسمع بهم أو عنهم سابقا ، ولكن ودهم معي خلال اللقاء جعلني وكأني اعرفهم جميعا منذ سنوات

الفنان التشكيلي الأستاذ حسني أسعدني حضوره للقاء بعد وصولي بمدة ، كانت في البداية سعادة داخلية بأني لست أكبر الحضور سنا ولكن زادت سعادتي قبل نهاية اللقاء به بعدما تجاذبنا أطراف الحديث سريعا أنا وهو وياسمين لأكتشف عقلا شابا وروح خفيفة متسامحة يصعب عليك في البداية توقعها ولا تملك إلا أن تأسرك

تمايلت لمن يجلس بجانبي بعد أحمد فقد أصابني الزهايمر ثانية أسأله إنت مين ؟ قالي أنا الدبور لأكتشف أن أسامة شخصية تأسرك للغاية من إبتسامته الهادئة الرقيقة ، أسامة طبيب أتى من الإسماعيلية خصيصا لحضور اللقاء

محمد حامد كان أول من تحدثت معه شخصية هادئة تستطيع منذ اللحظة الاولى أن تدخل معه في حوار لو تركته ممكن أن يتشعب لتقضي يوما كاملا في الحديث معه ولذلك توقف الحديث معه بعد فترة كي أستطيع التعرف على الآخرين

أحمد المصري صاحب الصورة الشهيرة كانت جلسته بجواري ، في الحديث معه أشعر بأني شاب في أوائل العشرينات وكأني مازلت طالب في سنة تالتة جامعة

على الجانب الآخر كان يجلس بجواري مدون آخر قال لي إسمه مرتين ولم أتبينه وتحرجت في الثالثة أن أسأله مرة أخرى وتركت الموضوع ، وبعد فترة كان إيلاري من أكثر الشخصيات التي أحب أن أتجاذب معه أطراف الحديث ، فهو منصت ومستمع جيد

إليان أو بيشوي هو الآخر مستمعا جيدا قليل الحديث حتى عندما كان عليه الترتيب في الكلام وتحول الحوار عنه لحوار آخر لم يظهر عليه أي علامات ضيق فقد كان مستمتعا بالإستماع للآخرين ، تفادى الجميع التحدث في موضوع قضية كريم وإن كان هذا لم يمنعه من توضيح وجهة نظره منتقدا الحكم ولما كان من الممكن أن يأخذ هذا الموضوع جانب من المناقاشات آثر الجميع غلق الموضوع

أيمن فاروق الشهير براسبوتين كان متنقلا بين المدونين والكراسي من وقت لآخر وإنتهى به الحال واقفا على قدميه بدون كرسي وهو شخص من الوهلة الاولى تشعر إنك تعرفه من قبل بوجهه ذو الملامح المصرية زي الكتاب مابيقول

إبراهيم هو أديب قاص وشاعر حضر ومعه نسختان من كتاب أصدرته له دار أكتب مع مجموعة من الكتاب الشبان تصفحت صفحات الكتاب سريعا ووجدته يحتوي على قصص قصيرة جيدة تحرجت أن أطلب نسخة لي

خفة الدم المصرية الصافية تنبع من محمد صاحب مدونة مصر هي أمي ، محمد تحدث عن تاريخ مدونته وموضعاتها المتنوعة وأخرها موضوعان تحليليان عن الاخوان وسألته منذ متى بدأ التدوين قال منذ يناير ، أجبته إمممم يعني أكتر من سنه ، قال لي لأ من يناير اللي فات يعني من شهر

عمرو أحمد أعتقد انه أصغرنا سنا تسعة عشر عاما صاحب مدونة شدني اسمها وهي بعنوان أريدك أنثى ، العنوان بالنسبة لي أعتقد أنه ملهم جدا لكثير الموضوعات من خلال هذه المساحة ، للأسف لم يتسنى لي الوقت للحديث معه كثيرا

نفس الحال مع مايكل او ميشيل حضر متأخرا نوعا ما لذلك لم يسعفني الوقت لتبادل الحديث معه ولكن يبدوا أنه شخصية جيدة للتعارف

أخر الحاضرين كان محمد رؤوف صاحب مدونة كلمة وللأسف جلوسه على الطرف الآخر من الجلسة لم يجعل هناك بيننا مجالا للحوار

إيهاب صاحب مدونة ايجلز كان يحاول في الخباثة أخذ صورة لي ولكنه تراجع بعدما إكتشف اني لاأفضل التصوير كنت أتمنى التواصل معه هو الآخر ولم يتسع الوقت وكان يقوم بتسجيل أسماء المدونين وعناوين مدوناتهم حتى يستطيع الكل متابعة الكل

سمراء النيل أول ماشاهدتها ذكـٌرتها مداعبا بآخر بوست لها عن لحظات العشق وأخبرتها أني انتقيته لأضعه في ركن بوست اليوم فذكرتني بأن تلك هي التدوينة الثانية لها في بوست اليوم تعجبني تدويناتها كثيرا، كانت في غالب الأحيان تستمع أكثر مما تتحدث

ياسمين صاحبة الدعوة ونجمة اللقاء وأكثرنا تألقا ، أخجلتني كثيرا بترحيبها بي وبسعادتها لوجودي معهم ، متحدثة لبقة ذات رؤية ، بطريقة غير مباشرة كانت هي المسئولة عن إدارة الحوار بين الجميع وكانت روحها المرحة كافية لإشاعة جو أنثوي جميل وسط هذا الهدير الذكوري

بينما أشرفت الساعة على العاشرة إستأذنت الحضور في الإنصراف وتركتهم يستكملون حواراتهم التي أصبحت جانبية مابين حورات ثنائية وثلاثية

مش عارف نسيت حد ولا إيه ، لأني حضرت اللقاء ولم تكن في نيتي الكتابة عنه وبالتالي لم أركز كثيرا في التفاصيل ولكن بعد كتابة العديد من المدونين على لقاء البورصة وجدتها فرصة لكتابة هذا البوست

------------------------------------

إلى جميع المدونين بلا إستثناء لايفوتكم اللقاء الثالث بأي حال من الأحوال
تتبعوه من الآن

46 comments:

  1. يعنى انا اول ما قريت فرحت وقولت هشوف صوره احمد شوكير ..هيههههههههههه.. تقوم تكسر بخاطرى ومتتصورش معاهم ليه كده والنبى لدخل انام وانا مقهوره

    ReplyDelete
  2. كنت من حضور اللقاء الأول ، ولم يسعفنى الوقت لحضور التانى حيث تم تحديده قبلها ب 24 ساعه فقط

    الحقيقة خسرت لقائك

    ReplyDelete
  3. حمد لله على السلامة وعود احمد

    ReplyDelete
  4. استاذى احمد شقير
    كنت احد اكبر مفاحأتنا ذلك اليوم
    وبجد اتشرفت بحضورك اوى مع انى ملحقتش اقعد معاك وزى ما انت شايف انا كنت حريص على انى اتعرف على اكبرعدد من المدونين
    وبجد عايز اقولك حضورك لينا كان ليه معنى كبير اوى جوانا ربنا يخليك لينا ونشوفك على طول بس اعمل حسابك انى هتصور معاك المره الجايه
    اوكى

    تحياتى ليك

    ايمن فاروق

    ReplyDelete
  5. أنا جيت أصلا صدفه ... مش مرتب أي حاجه ولا عارف أي حاجه عن أي حاجه
    و كمان كنت مضطر أمشي بدري لظروف خارجه عن أرادتي
    بس فعلا أنا كنت مستني أتعرف أكتر علي مدون حكاوي أخر الليل
    أنا متابع شبه جيد للمدونه بس مش بحب أدون تعليقات الا للضروره القصوي

    تشرفت فعلا بلقائك

    ReplyDelete
  6. وجودك كان إضافة وقيمة كبيرة للقاء
    أنا إتشرفت فعلا ومبسوط إني إتعرفت عليك
    ونفسي المرة الجاية يكون بنا حديث أكبر
    شكرا علي الكلام والوصف الجميل
    تحياتي

    ReplyDelete
  7. استاذ / احمد

    طبعا مش عارف اقول ايه بعد الكلام الجميل اللى حضرتك قولته علينا كلنا وكنا نتمنى تفضل معانا اكتر من كده بس مش هنتنازل المرة الجاية انك تتصور معانا وتقضى اطول من كده معانا احنا اتشرفنا بيك جدا

    ياريت تزورنى دايما

    ReplyDelete
  8. استاذنا الرائع احمد شقير

    وجودك بينا فعلاً كان له اكبر الاثر فى سعادتنا لاننا حسينا ان لقائنا فعلاص مهم و ان فيه شخصيات بهذا القدر من الروعه مهتمه انها تحضره
    وجودك ضاف لنا الكثير و شجعنا اننا نكمل مسيره اللقاءات
    و كلامك عنى ده لوحده شرف كبير ليا و كمان الى يقعد معاك و يشوفك مفروض انه يصمت تماماً علشان يسمع حكاويك الجميله و صوتك المميز

    تحياتى و اتمنى تزورنى لانى امبارح شفت مصر و كنت عايز اوريهالك

    ReplyDelete
  9. هاعيط
    كان نفسى تسمح لى ظروفى بحضور لقاءات زى دى
    يعنى احيانا كتيرة بيتفرض على الواحد انه يفضل يتعامل فى حياته مع ناس بعيد فكريا عنهم كل البعد
    ومتهيألى علشان كدة بتحصل ألفة اللقاء
    لأن المفترض ان كل واحد شايف دماغ التانى جداً

    بس معلش
    كفاية اقرا عن لقاءاتكم.. اضعف الايمان

    ومنور مصر يا أحمد باشا

    ReplyDelete
  10. حمد الله على السلامة يا ابو حميد انا بجد كان نفسي اكون معاكو بس الانفلونزا كانت طرحاني ارضا بجد لازم اكون معاكو المرة الجاية

    ReplyDelete
  11. العزيز / احمد شقير
    اولا عودا حميدا للمدونه وكم كنا نفتقدك
    فكره رائعه وانا معكم بأمر الله في المره القادمه

    ReplyDelete
  12. استاذى
    اولا:
    دعنى اشكرك على وصفك الجميل لى ولكل اصدقائى واخوتى اللى كانوا حاضرين
    هذا شرف ووسام على صدورنا جميعا ان تصفنا بهذا الشكل وان تكون قد قرات لنا وان تصف مدوناتنا المتواضعة هكذا
    اعترف ان مدونتى ليس بالمقام ولن ان شاء الله سوف تكون عند حسن ظن حضرتك وجميع الحضور

    شوفت بقى حضرتك الكل كان عايزك تتصور مش لو كنت سيبتنى بس اصورك بس ياللى بقى اللى حصل
    هههههههه
    انا سعيييييييييد جدا بمعرفتى بحضرتك وفناننا الكبير الاستاذ حسنى اسماعيل وباقى الحضور
    لن اطلب منك ان تضع لى تعلق لانى من متابعة باقى المدونات ومن كلام حضرتك علمت انك تقرا بصفة مستمرة ولكن قلما ما تضع تعليق
    فانى اطلب منك طلب صغيييير جدااااا وهو لو شاء القدر وكتبت بوست واعجب حضرتك اتمنى ان يشرفنى تعليقك
    شكرا على تشريفك لنا


    والسلام...........

    ReplyDelete
  13. انا سعيد جدا ان المدونين تحولوا الي مرحله جديده من الصداقه و هي التعرف علي الاشخاص بعد الافكار
    هي فكره ظريفه جدا اتمني ان اشارك فيها يوما ما
    لكم جميعا تحياتي

    ReplyDelete
  14. با شمهندس.....
    أخيرا رجعت ... حمد الله علي السلامة
    بلاش تتاخر كدة تاني

    هبة

    ReplyDelete
  15. حقيقي ، مش عارف أقول لك إيه /، بجــد كان يوم رااائع جـــدًا ، وكلكم كنتم رااائعين ! ، بس المشكلـــة إني مش لااااقي وقت أكتب فيه عن اليوم الجميل ده !!!



    وكل شهـر واحنا مع بعض إن شاء الله



    بــــس خلااااص

    ReplyDelete
  16. هههههههههههههه
    الف الف الف الف الف الف مروك رجوعك بالسلامة

    تصدق وتامن بالله

    انا فرحان انك رجعت مصر

    وفرحان انك رجعت تدون عد فترة غياب طويلة

    وفرحان ان فيه ناس شافتك

    ياعني مش عيد علي رنا انه يمد في عمري كام يوم كدا واشوفك


    تحياتي

    ReplyDelete
  17. استاذى العزيز وأستاذنا كلنا
    أحمد شقير

    أنا كل يوم كنت بأدخل المدونة عشان اشوف كتبت ايه عن اللقاء
    وكنت أستنى البوست دة بفارغ الصبر
    سعدت جدا عندما وجدتك تواضعت وكتبت عن هذا اللقاء الجميل
    ولو نعرف اك هتيجى تحضر لينا كنا فرشنا السجادة الحمرا

    لية الشرف انك ذكرتنى فى البوست وكفاية انك بتدعو للقاء الثالث بنفسك ودى فى حد ذاتها دعاية بمليون جنيه
    مش عارفة أشكرك ازاى .. لسانى يعجز وقلمى ضئيل بالمقارنة لسعادتى

    ReplyDelete
  18. أنا من الناس اللي دايما بيدخلوا مدونتك بيقروا و بيخرجوا دون أن يتركوا أثر أو تعليق

    بس ليا طلب ليه ما بترتبش أسماء أو المدونين حسب الحروف الأبجديةLink

    ReplyDelete
  19. أستاذ أحمد
    حضرتك و الاستاذ حسني شرفتوتنا بجد في هذا اللقاء المثمر و باذن الله المرة الجاية حاجي في ميعادي عشان اقدر اقعد و اتكلم مع حضرتك أنت و الاستاذ حسني
    في انتظار اللقاء القادم..لك تحياتي

    ReplyDelete
  20. احنا اللي حصلنا شرف كبير فعلا بتواجد مدون رائع زيك وسطنا...كان فعلا نفسي نتكلم اكتر من كده

    اتمنى نتقابل في اللقاء الثالث وميبقاش دي دعوة منك للمدونين دون اصرارك على الحضور معانا في اللقاء الجاي

    هنطون سعداء لو شفناك مرة تانية
    تحياتي

    ReplyDelete
  21. This comment has been removed by the author.

    ReplyDelete
  22. الاستاذ الكبير اوي
    تصدق انا كان نفسي اقابل اللي كتب البوست تاع المصري و يظهر ان انا من حسن حظي ان انا اقبلك و اتعرف عليك بجد كنت هايل كان نفسي تكمل اللقاء للاخر و شكرا علي المجئ و قطع اجازتك من اجلنا ان شاء الله تكون اللقاء اللي جاي مشرفنا ومنتظر بوستاتتك الاكتر من رائعه و اتحفنا اكثر مما نحن فيه

    و السلام عليكم و رحمه الله وبركاته
    الدبور

    ReplyDelete
  23. أستــاذ أحمد ، نسيت كمان أقول لحضرتـك إنه كان يشرفني إنـك تاخد نسخة من كتاب المغامير الأول ( عندما يتمرد الصدى) وإن شااااء الله أجيب لحضرتك نسخة المرة الجاية


    ــــــــــــــ
    اكتشفت إني من متابعي ( نظارة شمس) على فكرة :)


    تحيااتي

    ReplyDelete
  24. عود احمد يا عم احمد
    ايه الغيبه الطويله دي كلها

    والله وحشتنا كتاباتك
    يا راجل ده انا بقالي شهر كل لما ادخل الاقي فله في وشي لما اتخنقت منها رغم تعاطفي معاها
    كده تتقابل انت وشلة المدونين من غير متقولولي بس متعوضه ان شاء الله
    صحيح ليا سؤال عندك
    هي فين قصصك الرائعة يا عم انت اعتزلت الغرام ولا ايه؟
    عايزين نقرالك قصص تانيه وياريت بسرعة
    تاني حمدالله علي السلامه

    ReplyDelete
  25. الحقيقة كل المدونين اللى حضروا من الناس اللى بحترمها جدا

    ReplyDelete
  26. سعيده انك رجعت تاني

    و مستنيه موضوع جديد
    :)

    أو قصه جميله على نظارة شمس

    في انتظارك بقى و كفايه تقل علينا

    تحياتي

    ReplyDelete
  27. فعلا كان نفسي أجي و كان لازم تعلنوا عن الموضوع ده عن طريق الايميلات يا عم أحمد

    ReplyDelete
  28. مش مصدقة
    هى فلة خلاص اتحركت من مكانها؟؟؟

    طيب يا سيدى شكرا على عودتك

    تحياتى

    ReplyDelete
  29. بقالى كتير ما علقتش عندك يا احمد و مش عارف انمت عارف و اللا لأ .....أنا كنت فى الجيش
    و خلصته الحمد لله من ييجى أسبوع
    أنا عاجبنى الوصف اللى انت وصفت بيه المدونين كل على حده و حللته فى كلمات بسيطه
    انت أكيد من اللى بيكتبوا التقارير
    أنا كمان عاجبنى اللقاء ده و كان نفسى من زمان أشارك فى أى لقاء للمدونين لو كان فيه فرصه تانيه أتمنى انك تقوللى عليها

    ReplyDelete
  30. حمد لله ع السلامة

    اخيييييرااااا

    :))

    وصفك للقاء
    كأني كنت معاكم
    :))


    منتظرين الجديد

    ReplyDelete
  31. الف حمد الله عالسلامة ... استاذنا العظيم

    طولت الغيبة اوي

    مستنيين الجديد في نضارة شمس


    سها

    ReplyDelete
  32. أستاذ أحمد..أنا استقريت علي مواصله التدوين في المدونة اللي بكلم حضرتك منها و دي غير المدونة اللي حضرتك حاطط لينكها عندك...أنا وضعت لينكات مدونتكم عندي من خلال المدونة الللي بكلم حضرتك منها و عملت فيها البوست الخاص بلقائنا
    تحياتي لك و في انتظار اللقاء القادم

    ReplyDelete
  33. هههههههههههههه
    بقي انا كنت بستمع اكثر ما اتحدث
    يا لهوووووووووووووي
    اومال مين اللي كان واكل دماغكم
    دة انا مش بطلت لا تريقة ولا كلام ولا ضحك
    بجد كان وهم بالنسبة ليا اني اشوف حضرتك
    ياريت تكررها تاني كانت منتهي سعادتي وحسيت اد ايه انا وياسمين نجحنا في اللي كنا بنعملوا وخططنا ليه في الاول
    شكرا علي اليوم دة بجد
    ومش قادرة اوصفلك اد ايه فرحت لما قلت ان تدويناتي بتعجبك

    ReplyDelete
  34. هو الحضور بدعوات
    والا الدعوة عامة
    وإلا احنا مالناش دعوة .؟

    على كل حال انا اللي أخرني عنكم الشديد القوي
    .. المواصلات
    ملحووووق في الاصدار القاجم إن شاء الله

    ReplyDelete
  35. استاذ احمد

    انا حبيت افكرك بميعاد اللقاء الثالث
    ان شاء الله هيكون الجمعه الجايه مش بكره لاء اللى بعدها
    وهيكون بأذن الله فى كوفى شوب داخل دار الاوبرا المصريه
    والتفاصيل هتلاقيها عندى وعند ياسمين وعند سمراء النيل

    تحياتى ليك

    ReplyDelete
  36. إيه ده

    تجتمعوا من غيري يا خونه؟

    هوة الإجتماع للمصريين بس يعني؟ عاملين عنصرية؟

    طب ما أنا بتكلم مصري زي الفل أهو
    و ساكن في مصر
    و بؤول إشطة كمان
    و باكل فول كل يوم الصبح
    وبشرب أصب وسوبيا

    إنتو مش ح تعزموني والا إيه؟

    ReplyDelete
  37. Anonymous
    ماقدرش والله تنامي مقهورة بس دايما الصورة اللي تكون في الخيال بتكون اجدمل واحلى من الصورة الواقعية وده السبب الأساسي في عدم تفضيلي التصوير

    Mohamed A. Ghaffar
    بصراحة كتابتك عن اللقاء الأول هيا احد الاسباب الاساية الي شجعغتني على حضور اللقاء وحقيقي كنت اتمنى وجودك وحضورك مع هذه المجموعة

    بنت مصرية
    والله يازيزي الدعوةى كانت عامة واتنا شفتها بالصدفة في تدوينة ياسمين واكيد حضور مدجونة مخضرمة مثلك كان هايضيف كتير لهذا اللقاء

    Anonymous
    الله يسلمك ؟ بس الجميل فعلا لو اعرف التحية دي من مين؟ شكرا للتحية

    raspoutine
    أيمن .. دينامو المجموعة والله سعدت جدا بوجودك والتعرف عليك ولاول مرة وميرسي جدا على الكلام الجميل بتاعك ده

    كلمه
    فعلا فترة حضورك كانت قصيرة للغاية ، اتمنى المرات القادمة ان تكون اطول ونتعرف عليك اكتر

    The Alien
    انشاء الله يكون بينا حوارات اكتر المرات القادمة نتعرف فيها على بعض اكتر وخصوصا ان مجالات الحوار اعتقد انها سوف تكون كثيرة

    مصر هى أمى
    محمد سعدت بالحوار معاك في الفترات القصيرة التي تبادلنا فيها الكلام والمرة الجاية نكون قريبين من بعض اكتر عشان نعرف نتكلم

    whyme
    إيلاري كنت محظوظ اني مقعدي كان بجورك سعدت جدا بتبادل اطراف الحديث من وقت لاخر معاك ، وعجبتني حكاية الصوت المميز دي ، شكرا على إطرائك

    حلم
    لو ظروفك سمحت بوجودك سوف تكونين بلا شك إضافة هامة لمثل هذا اللقاء بوجود مدونة من العيار الثقيل مثلك

    توتة توتة
    فعلا وجودك معانا سوف يجعل اللقاء متكيزا وسوف تكونين نجمة اللقاء بلاشك وخصوصا بعد ماعرفت بعض من شخصيتك من خلال ماكتبته سهروزة عند زيارتها وإستقبالك لها ، ياريت تحاولي المرة الجاية والف سلامة

    مـحـمـد مـفـيـد
    وعد الحر دين عليه ووجودك المرة الجاية لابد منه انشاء الله عشان نتعرف عليك اكتر واكتر واعتز بصداقتك جدا

    The Eagles
    ملحوظة ذكية فعلا حكاية ندرة تعليقاتي بالرغم من متابعتي الدائمة وهو عيب اتمنى ان تتيح لي الظروف التخلص منه وقد كتبتب بوست سابق يشير باهمية التعليقات عند المدونين
    وبصراحة اخجلتم تواضعنا بالكلام الكبير اللي قلته ده .. تحياتي العميقة ليك


    ذو النون المصري
    لاشك ان المشاركة فيها سوف تزيد اللتفاعل والتواصل مع مايكتبه المدونون منتظرينك في اي من اللقاءات القادمة انشاء الله

    Anonymous
    والله ياهبة التاخير ده مش بيكون بإيد الواحد واحيانا كثيرا بيكون غصب عنه وهذا لايمنع من متابعة مايكتب او مايخطه المعلقون
    تحياتي ليكي

    إبـراهيم ... معـايــا
    سعدت جدا بوجودك والتعرف عليك للمرة الاولى واتمنى التواصل دائما وكل توفيق في كتاباتك

    ادم المصري
    فعلا سوف يكون شيئ رائع التعرف عليك شخصيا في مرات قادمة انشاء الله انا بجد اللي هاكون فرحان جدا

    ياسمين
    حقيقي كنت نجمة اللقاء واسعدني كثيرا التعرف عليكي ويوم ورا يوم هايكون لقاء المدونين ده شيئ رئيسي عند المدونين ومن نجاح لنجاح ان صاحبة البذرة الأولى فيه ، هذا فصلا عن شخصيتك الحاضرة والملفتة للنظر التي سعدت جدا بالتعرف عليها

    anima
    سعيد جدا انك من احد الشخصيات الخفية التي تدخل تقرا دون ان تشعر بها ولكن فعلا ان باشعر بيكم جميعا ومدونتك مع بدرجميلة بلاشك ، اما بخصوص اللينكات والأبجدية فده لاني حاططها في البلوج رولينج تحت تصنيف راندوم فكل مرة هتلاقي الترتيب مختلف وده لان عدد اللينكات كثير فصربة حظ هاتكون افصل

    micheal
    احنا اللي اتشرفنا بيك وانشاء الله المرة الجاية نقدر نتواصل اكتر ونتعرف عليك اكتر

    frozen love
    محمد الشرف لينا في وجود شخصية رائعة مثلك ووعد المرة الجاية انشاء الله نكون على تواصل اكتر

    الدبور
    سعدت كثيرا بالتعرف عليك وعلى مدونتك وعجبني فيها التصميم والثيم بتاعها ، وانشاء الله المرة الجاية ظروفك تسمح وتكون موجود ، لاشك وجود شخص مثلك قادم من سفر خارج القاهرة يضيف كثيرا لاهمية اللقاء

    إبـراهيم ... معـايــا
    احيانا كثيرة ينبع جمال الكتاب في انه مهدى من مؤلفه اكثر من انه كتاب اشتريته بنفسك كنت ناوي اشتريه بس اكيد هايكون اجمل لو كان مهدى منك ليا 
    daktara
    خالد باعتز كتير بمتابعتك الدائمة لي وفعلا انا عن نفسي كرهت فلة وام فلة بقالها اكتر من شهر منورة المدونة مابالك بقى بالقراء ، بس السبب في الغياب والله مش بايد الواحد وقصص نضارة هارجع اكملها قريب هو كسل بس والله لكن عندي شوية افكار لقصص محتاجة بس وقت للكتابة

    Sharm
    هو فعلا ناس محترمين جدا سعدت بمعرفتهم ولقائهم للمرة الاولى

    Farida
    والله يافريدة مش تقل ولا حاجة هيا بس ظروف بتأخر الواحد في الكتابة شوية بس فعلا ناس جميلة زيك من متابعتها الواحد بيخجل من نفسه وقصص نضارة قريب جدا

    كراكيب
    ياريت تكون معانا المرة الجاية ، بس النقطة اني لست من منظمي اللقاء وبالتالي طريقة الإعلان كانت من عند ياسمين وسمراء النيل اصحاب الفكرة والدعوة عاملينها عامة لجميع المدونين

    شهروزة
    انا عن نفسي زهقت من فلة والحمد لله اهي اتحركت اخيرا من مكانها ، ياريت نشوفك دايما ياشهروزة

    islam yousef
    مبروك التخرج من الجيش واهلا بيك في معترك الحياة ، حاول مرة تنزل من المنصورة وتيجي لقاء من دول التواصل بيكون فعلا جميل

    Epitaph
    الله يسلمك وانشاء الله نعود للكتابة قريب جدا

    Rivendell**
    الله يسلمك ياسها ، الغيبة كانت غصب عن الواحد وانشاء الله نصارة شمس قريب جدا

    micheal
    فعلا التركيز في مدونة واحدة افضل كتير والبوست بتاعك جميل وانا كمان في الإنتظار

    smraa alnil
    فعلا وبدون مجاملة بتعجبني جدا تدويناتك حتى تدوينتك على اللقاء جميلة جدا وبلغة مختلفة تماما اعجبتني جدا ، اما يمكن عشان ماكنتش قريب منك مالاحظتش كلامك وخصوصا صوتك واطي كمان ، لكن طالما انك بتاعة تريقة فهتلاقيني المرة الجاية قاعد جنبك

    أُكتب بالرصاص
    دعوات ؟ طبعا لأ مالكل مدعو من غير استئذان ، انت بس كل المطلوب منك اقرب مواصلة توصلك للمكان وسيب الباقي على الموجودين

    raspoutine
    موعد جيد وان كان قريب من موعد اللقاء السابق اقصد مافتش شهر ، عموما كما لاحظت ينبغي التنويه بشكل اكبر في المدونات لان الكتير ماعرفش موعد اللقاء السابق ولاسمع عنه الا بعدها

    Majed Jarrar
    ياريت يارائد والله تكون موجود هاتنورنا كتير وهاتحس ان كل الموجودين انت تعرفهم وياريت كان خالد ورائد معاك كمان ، تحياتي ليك وشكرا على تعليقك

    ReplyDelete
  38. طيب يا حاد اجمد

    ما تخلو المواصلات عليكم والباقي علينا

    أصلي مشواري بعيد شوية

    ReplyDelete
  39. مدونة ممتـــــــــاز

    ReplyDelete
  40. بعدي عن القاهرة يجعل الحضور صصعب فعلا يبو حميد ولو اني في شوق للقائك
    فما رأيك بأن نعمل لقاء دلتاوي بالمنصورة

    بسألك رأيك
    وياريت تشجعني ونعملها للمدونين الفلاحين الغلابة اللي زي حالاتي

    مع تحياتي

    ReplyDelete
  41. طيب ما تقولولنا الميعاد التاني امتي ... و لا هنترقبة ازاي دا ؟؟؟

    انا سمعت اوشاعات انه بكرة ...جد ولا ايه ؟

    ReplyDelete
  42. حمد الله عالسلامة

    وحشتنا كحتير

    البوست دة بسطني بجد


    عقبال مدونين اسكندرية

    :)

    ReplyDelete
  43. انا عايزة اسألك سؤال
    انت ليه جبت اسماء البنات في الاخر يا أستاذ

    ReplyDelete
  44. اللقاءات دى بتدى احساس بالحياة كل لقاء وانتوا طيبين واتمنى اكون من زمرة اللقاء الثالث لو اسعدنى الحظ واعطانى ربى العمر

    ReplyDelete