Thursday, September 06, 2007

كيف تعرف أننا في عام 2007



كيف تعرف أننا في عام 2007


عندما تفتح ردايو السيارة على موجة الإف إم وتجد المذيع يقول بالإنجليزية هنا إذاعة القوات الأميركية ، أو زيس إز أميركان فورسس نتووركس

إستمعت لها اليوم وانا أقود السيارة




عندما تجد على قمر الهوت بيرد قناة موجهة للعرب إسمها تعريص

هكذا وجدتها مكتوبة وأنا أقوم بعملية توليف القنوات




عندما تقول أحدث الدراسات أن الحمار الغربي وللمرة الأولى أطول عمراً من الحمار العربي

خبر منشور بجريدة الحياة والسبب أن الحمار العربي مصاب بالأنيميا


عندما ينفي سعد الصغير ترشيح نفسه لمجلس الشعب

قرأت النفي في مجله هي وأنا عند الحلاق مستني دوري





عندما يدخل الرئيس المصري قائمة أسوا عشرين ديكتاتور

إقرا البوست السابق




عندما تسعى دبي لشراء مطار أوكلاند الدولي بنيوزيلندا ومصر تسعى لبيع بنك القاهرة

الخبر من نشرة الجزيرة الإقتصادية



عندما يعلن كاتب عربي أن سعر المواطن المصري لايزيد عن ثمن غسالة كورية

ملحوظة التسعيرة بسعر السوق الحرة بمطار القاهرة



عندما ينتهي فيديو كليب لروبي بجملة مصر مهد الحضارة ومقصد المستقبل

لا أدري من سمح بوضعها هكذا



عندما تقدم قناة عربية في برنامج مسابقات جائزة يومية رمضانية قدرها يعادل مليون ونصف مليون جنيه

الجائزة يومية خلي بالك



31 comments:

  1. is that 2007 for God's sake?!!!


    dah youm el 2eyama 2arab ba2a 3ala keda!

    PRECISE...Harsh..and Painful is your post!

    ALARMING!

    ReplyDelete
  2. بوست تحفه يا باشا

    ReplyDelete
  3. يا نهار ابيض يا شوكير.!!
    هى العملية وصلت للحمير وترشيح سعد !!
    بجد بجد مش عارفه ااقول ايه غير حسبى الله و نعم الوكيل
    بجد احنا عدينا الحضيض بجد!

    ReplyDelete
  4. صديقي الاستاذ المبدع احمد
    لم تدع لي مجال للتعليق

    ReplyDelete
  5. Ana ma narvisneesh `3er issafil il kweti. safil 7aqeeqi. howwa o kol man sama7lo yiktib il kalam da.

    fi3lan, tara il 7ofat irro3ata il 3ala, yata6awaloon bil bonyan.

    ReplyDelete
  6. بوست جامد
    بوست شدنى جدا فعلا انا كنت بدائ من حاجات كتير فيه زى الاخت روبى دى والاخ سعد مش عارف بجد مش عارف اقول تعليق عليهم مش جايبه معايا تعليق عليهم
    بوستك شغاااال اوى
    تقبل ارق تحياتى وسلاماتى

    ReplyDelete
  7. how come no one commented on the channel???

    COME ON!!!!!

    ReplyDelete
  8. عجبي عليك يازمن
    وغسالة كوري كمان
    :s

    ReplyDelete
  9. نعم ياصديقي
    وهذه بدايات لما بدها أيضا
    ومكر الليل والنهار شغال
    والحمد لله أن من عندهم الحصانة لا زالوا موجودين مثلك ومثل زوارك هنا
    أبدعت وأحرجتنا وحملتنا الهم

    ReplyDelete
  10. ومن العجائب ما لم يأتي بعد...لا زال هناك 4 اشهر حتى نهاية العام..وكل عام وانتم بخير
    :D

    ReplyDelete
  11. حتي الحمير جالها انيميا
    بس كويس ان الغساله كوري اهي حاجه مستورده برضه

    ReplyDelete
  12. من ساعة ماقريت البوست وباحاول اشوف ارد عليه من اي نقطة

    لقيت ح يجيلي نقطة من المذكور فيه

    بقى سي اسم الله عليه بينفي ترشحه لمجلس الشعب

    متصورة منظره وهو بينفي نفياً قاطعا وكأنه بينفض عن نفسه تراب لو فكر يدخل المجلس

    وصلنا لهذا المستوى فطبيعي جدا بعد مؤتمرات الرقص التي تعقدها الست دينا لرفع اسم مصر عاليا منذ عدة سنوات ان يصل بنا الحال لهذا المستوى

    وكمان أغنية للست روبي تتحدث عن مصر مهد الحضارة ومقصد المستقبل

    طيب والله كويس انهم ماكتبوش ان الست روبي هرم من اهرامات مصر

    اصل اهرامات مصر اصبحت بلا صاحب وكل شوية واحدة من اياهم يعتبروها هرم من اهرامات مصر

    اما بقى الكاتب بتاع الغسالة الكوري فلاألومه والله

    معلش ياجماعة من يهن يسهل الهوان عليه

    واحنا حكوماتنا المتعاقبة ربنا يكرمهم يارب عملوا لنا قيمة معتبرة

    كويس انه حسب سعر الغسالة بسعر السوق الحرة
    وماقالش غسالة كوري مستعملة

    خلاص بقى مابقاش لنا قيمة في بلدنا فلانتوقع ان نجد الاحترام خارجه

    وخاصة من هؤلاء المتنطعين

    ReplyDelete
  13. هو كمان سعد قاله عليه هيرشح نفسه في مجلس الشعب
    ينهاار
    وكمان سعد هو اللي بينفي

    ربنا يرحمنا

    ReplyDelete


  14. مممممم

    المهم انت صحتك عاملة ايه ؟ كويس؟ ما يكونش جالك نقطة وانت بتكتب مثلا

    انا فغرت فاهي متعجبة ً في نقطة سعر المواطن المصري !!! ازاي بيقارنوا سعر بني آدم بألة ؟؟

    ReplyDelete
  15. حاجه ترفع الضغط
    و تحرق الدم
    حسبي الله و نعم الوكيل فيهم كلهم

    ReplyDelete
  16. من بين القليل الذى كنت اعرفه سلفاً ومن بين الكثير الى اضفته

    لازالت تزهلنى قدرتك على المتابعه

    ReplyDelete
  17. بالنسبةلسعد وحسنى وبنك القاهرة يبقى انت محتاج تسمع قصيدة .....ميات اما بالنسبة لدبى والباقى ااى اصلا نتقارن بيهم

    اذاعة القوات الامريكية هتركبكو وتدلدل وكملت بقناة الت3ريص


    الواحد بيدور على خرم فى البلد يخرج منه ( على راى شادى )

    ReplyDelete
  18. تعليق خارج السياق
    هو حضرتك ا.احمد شقير
    compuer science diploma
    issr
    2000?

    ReplyDelete
  19. ياااه بس كده
    يا استاذنا انته لسه شفت حاجة

    ده 2007 حيمشي وحييجي 2008 والجايات اكتر

    بس انته متأكد ان الجايزة يوميا
    ؟؟؟؟؟؟؟

    بالنسبة لفيديو روبي هانم دي كلمة خالدة قالها المفكر الكبير د. شريف صبري
    .........

    ReplyDelete
  20. انت 2007
    مش هتقدر تغمض عنيك
    نسيت تقول ان ربع المصرين اتجوزة اللى قادرين طبعا فى 7-7-2007
    مش عارفه ليه

    ReplyDelete
  21. epitaph
    هي عبارة عن ملاحظات خلال اليومين اللي فاتوا وزي مابتقولي لقيتها اد ايه مؤلمة وغريبة ومش متوقعة

    cabotsha
    ميرسي على تعليقك وماتنسيش انك كنتي سبب في أني أذكر واحد منهم

    manora
    شفتي يامنورا وصلت للحمير وللي بيغنوا للحمير وماحدش عارف السنة الجاية هانكتب إيه

    محمد مفيد
    شكرا يالورد .. هو فعلا التعليق على كلام من النوع ده بيكون مُر أحيانا

    khalid jarrar
    بصراحة هذا النوع من السفالة ليس بجديد ومن وقت للآخر تجد من يتطاول على وعسى أن يجد من يرد عليه .. وهؤلا ء الكتاب لايشتهروا ولايعرفوا إلا بمصر حتى ولو عن طريق سبها وشتمها ودي احيانا بتكون الضريبة

    حسام مراد
    اتفق معك ان تلك النوعية من البوستات يكون من الصعب التعليق عليها .. هي جرس إنذار اكثر .. تحياتي لك

    KareemFromEgypt
    التعليق على القناة صعب شوية أنا اصلا ترددت إني احطه حتى انت ماعلقتش عليه .. وإن كانت هذه النقطة تحتمل فلسفة كبيرة يمكن الحديث فيها كثيرا كبوست لوحده

    Rivendell**
    كويس إنه قال غسالة كوري وماكملش الملطشة وقال جزمة إيطالي

    عصفور المدينة
    تقول هذه بدايات وهي بالفعل أجراس لأمور سيئة كثيرة نعيشها حاليا كما تقول إبيتاف
    وبالفعل دي إنطباعات من خلال يومين فقط ماذا لو اكملناها شهر ؟

    Marvel - واحد زهقان
    أعتقد كما تقول لوأعدنا كتابة هذه التدوينة بعد أربع شهور سو تكتب أشياء جديدة تماما سوف تلغي معظم بل كل النقاط السابقة

    emy
    موضوع انيميا الحمير ده مؤشر جامد جدا على اللي هايحصل بعد كده
    والكوري هي شيئ وسط بين الياباني والصيني

    bella
    بصراحة تحليلك للنقاط اكثر من رائع حتى أكاد أشعر أنك كنتي بجانبي وأنا أكتب تلك النقاط فقد وقفتي على كل نقطة مثلما اعنيها تماما
    شكرا لتعليقك وتحليلك .. اسعدتيني

    غمض عينيك
    بصراحة أنت وقفت في النقطة اللي وقفت عليها مش خبر ترشيحه لأ خبر نفيه وده الجميل في الموضوع .. جديدة بصراحة

    علا - من غزة
    في نقطة سعر المواطن المصري .. هذه كانت سفالة من احد الكتاب يقيس الإنسان وأقول الأنسان وليس المصري بالمال وليس بما يحمله من فكر ونبوغ وثقافة وعلم وأعتقد بهذه الحالة عند تقيمنا لهذ الرجل من خلال طريقته بالنسبة لتفكيره فهو لايساوي مانرتديه في أقدامنا ، واكر تقييمنا لفكره وليس له هو
    تحياتي

    دنــــيــــــا مـحـيـرانـي
    ماهو انا ماحبتش دمي يتحرق لوحدي قلت أبعبع شوية

    Mohamed A. Ghaffar
    محمد .. بصراحة اخجلتم تواضعنا ودي على فكرة متابعة يومين بس ومعظمهم بطريقة غير مباشرة يعني النقطة بتيجي لوحدها تخبط عليك وتقولك إكتبني

    Taher
    ماهو الغريب ياطاهر فعلا إننا وصلنا لمرحلة زي مابتقول بتلقائية إزاي نقارن نفسنا بدبي زي مانكون بنقول إزاي مصر نقارنها بالجابون مثلا
    الكلام ده ماكانش وارد اصلا من عشرين سنة إن مجتمعات حديثة تتقارن بينا
    اما بالنسبة لنجيب سرور فحاجات كتيرة بتفكرنا بيه

    مجهول
    أنا فعلا كنت لسه بقول فوق اعتقد إن لو اعدنا كتابة هذا البوست بعد شهور مش بعيد كل النقاط دي تتلغي وتيجي مكانها نقاط أفظع
    حلوة المفكر الكبير دي

    semsem
    ربع المصريين إتجوزا في سبعة سبعة الفين وسبعة .. هي معلومة جديدة انا إفتكرت إن المصريين ماعادوش بيتجوزا

    تحياتي للجميع

    ReplyDelete
  22. ya shokeir basha ana ma3alaktesh 3aleh 3ashan i'm not sure analyzing such a channel is in the nature of your blog

    i could do it on mine though :)

    i thought it was funny and sad at the same time

    ReplyDelete
  23. اشياء اخرى

    آسف جدا سقط سهوا الرد على تعليقك وانا برد على التعليقات
    وبالنسبة لسؤالك .. لأ أنا مش الشخص ده خالص ، بس نادر إن يكون فيه كتير اسمهم بنفس إسمي

    كريم

    أنا قلت كده برده وقلت ده اكيد السبب في عدم تعليقك على الجزئية دي

    تحياتي

    ReplyDelete
  24. ياااااااااااااااااااااه
    اومال في 2017 هتبقى الدنيا عاملة ازاي؟
    الطف بعبيدك يا رب يا كريم

    ReplyDelete
  25. أتصدق بالله

    اول مره اقرا بوست و أضحك و أحزن و اتخنق و تصعب على البلد زى البوست دا

    تحفه كالعاده يا أبوحميد

    ReplyDelete
  26. و كيف ستعرف ان العام القادم - دة ان جه - هو 2008 ؟ الاجابة عندما يباع كيلو البنى ادمين المصرييين بعشرة جنية وعليه تذكرة دريم بارك هدية

    طبعا العشرة جنية تدل انى متفائل

    ReplyDelete
  27. بالنسبة لروبي والجملة والأغنية وسؤالك عمن سمح بوضعها هكذا

    تقصد طبعا حضرتك "الوضع" اللي فيه روبي في الصورة؟

    فعلا يا شقير مصر مهد الحضارة ومقصد المستقبل... مستقبل مهبب طبعا!!

    ReplyDelete
  28. كل سنة وانت طيب ..


    رمضان كريم

    تحياتى

    ReplyDelete
  29. looooool
    ايوا وخصوصاً روبى دى
    كل ما اشوف الكلام اللى بيتكب
    اقول ايه الاهبل دا
    هوا بيضحك على نفسه ولا بيضحك على مين بالظبط
    وايه الهبله اللى جايبها تتنطط اودام الاهرامات
    احنا ناقصين تخلف

    ReplyDelete