Thursday, August 26, 2010

كبسولات رمضانية




إلى وزير التضامن الإجتماعي: كلنا هانشرب فانتالوب لأن مصيلحي في الشغل سيد الكل

إلى وزير الكهرباء: كنا نحتفل بساعة الأرض يوم واحد في السنة ، الآن نحتفل بها كل يوم

إلى وحيد حامد: منتظرينك العام القادم لكتابة برنامج فابريكانو

إلى إبراهيم عيسي ووائل الإبراشي: ننتظر أن نراكم أبطالاً لمسلسلات رمضان القادم

إلى عمرو أديب: .... حمرا

إلى السيد البدوي: حزب ومحطة وجرنال .. بتفكرني بشورت وفانلة وكاب

إلى وزير الثقافة: يقيم مركز ضاحى خلفان للمراقبة دورة تدريبة في تشغيل كاميرات المراقبة

إلى موبينيل: عرض إحكي نهار رمضان ببلاش كشف حقيقة كثيرين كان يمنعهم عنا سعر الدقيقة

إلى أحزاب المعارضة: كلنا مانحبش ندخل معارك خسرانة .. إضرب صاحبك لو هما كتير

إلى نقيب الأطباء: شوفلك حل .. الممرضة زهرة تتزوج خمسة والدكتورة علا عايزة تتجوز

إلى الدكتور البرادعي: إذ لم تشارك اليوم فلا تشكو غدا

إلى خالد الصاوي: أثبت أن الكبير أوي مش بالإسم ولكن بالفعل


إلى سمير رجب صاحب كبسولات جمهورية يوم الخميس: عذراً على إستخدام عنوان مقالاتك لأن البديل سيكون لبوساً


20 comments:

  1. جامده
    و فعلا خالد الصاوي هو الكبير قوي

    ReplyDelete
  2. ضرورى يكون فى "لايك" فى بلوجر زى الفيس بوك
    ...
    like
    :)

    ReplyDelete
  3. لأن البديل سيكون لبوسا

    أعجزت فأوجزت كل عناصر المقال في هذه الجملة

    :-)

    ReplyDelete
  4. مختصر مفيد
    وفى الصميم

    ReplyDelete
  5. كبسولاتك يا جمال كبسولاتك.. مع الاعتذار للسيد جمال لورود اسمه

    ReplyDelete
  6. ودي تتاخد علي الريق ولا محتاجة تبليط

    ReplyDelete
  7. :)
    حلوة مدونتك اوي
    انا لسة مكتشفاها
    :)
    كبسولاتك دمها خفيف جدا ..
    مصافحة أولى

    ReplyDelete
  8. ازيك يا صاحب الحكاوى

    حلوة الكبسولات جدااااا

    اكتر واحدة عجبتنى بتاعة وزير الكهربا
    احنا كدا
    شعب ميتحضرش و يلاحق باقى العالم
    الا غصب عنه

    الله ينور


    دى دعوة
    ذات حدين الايام دى
    و متخدهاش ببساطة

    ReplyDelete
  9. كلامك صحيح جداا , سعيد بمرورى عليك و تحياتى

    ReplyDelete
  10. رائع يا شقير
    اكثر من رائعة توقفاتك وتعليقاتك
    وجون وجون وجون
    :)

    ReplyDelete
  11. قلت كل اللي عايزين نقوله

    ReplyDelete
  12. انا بردو عايزه اقول
    like!

    ReplyDelete
  13. طبعآ خالد الصاوي هو الكبير اوي .... اهل كايرو مسلسل رائع بيورينا الفساد و الفوضى في البلد من خلال قصة بوليسية ..... فكرة جديدة رائعة من بلال فضل ...... سؤال للأستاذ شقير ليه وحيد حامد يكتب فابريكانو ؟؟؟ ممكن توضح سبب اعتراضك عليه

    ReplyDelete
  14. حلو اوى اوى اوى يا احمد من الاخر جابت هدف كبير

    ReplyDelete
  15. بجد تحفة
    بس حلو اوى بتاع وزير الثقافة امال لو سمعت الخبر الجديد اللى خلانى اخرج من قوقعة الامتحان واعمله بلوجر جديد
    مش قررت وزارة الثقافة تشديد الرقابة على المواقع الالكترونية مش كان الاولى ان يشدد الرقابة على المتحف
    على رأى سمبل أشى خيال يا ناس

    ReplyDelete
  16. جميلة فعلاً
    ضحكتنى :)

    سعيدة بزيارتى ليك

    ReplyDelete
  17. كل سنة و انتا طيب يا صاحب الحكاوى
    عيد سعيد عليك انتا و الأسرة الكريمة
    والكبيرة و الصغيرة

    كل سنة و حكاويك اجمل حاجة تنقرى
    ف آخر الليل و اوله كمان


    خالص ودى
    و دعواتى
    و احتراماتى
    و امتنانى لمعرفتك

    ReplyDelete
  18. عيد سعيد سيدي

    حضرتك قل لوزير الكهربا يقفلوا أنوار الشوارع المضاءة حتى السابعة صباحا .ويقفولا أنوار المدارس المضاءة طول الليل لمين معرفاشي

    الظاهر اتباعا لمقولة العلم نورن والجعل ظلامن

    تحياتي

    ReplyDelete