Tuesday, July 04, 2006



رسالة إلى زوجتي العزيزة


message to wife


بالنيابة عن جميع الأزواج عشاق كرة القدم أقدم هذه الرسالة إلى زوجاتهم

زوجتي العزيزة

إسمحي لي أن أقول لك ان كأس العالم دخل في الجد إعتبارا من اليوم فلم يعد هناك سوى أربعة أيام فقط اليوم 4 وغدا 5 يوليو ويوم 8 يوليو وأخيرا يوم 9 يوليو وبهذه المناسبة تقبلي تحياتي واليك التوجهيات الآتية

واحد : يجب أن تعرفي جيدا موقف الفرق الأربعة وظروف وصولهم وإن كانت معلوماتك ضعيفة فهناك صفحات الرياضة بالصحف ومواقع الإنترنت يجب ان تكوني على دراية كاملة إذا كنتي تريدين ان تدخلي في حوار معي لأن أي حوار آخر أو حوار ذو معلومات ضعيفة لن يجدي وسوف يقابل باللامبالة التامة ، ممنوع الشكوى

إتنين : خلال تلك الأيام التلفزيون لي وحدي وكل الوقت وليس وقت المباريات فقط بدون أي استثناء وأي محاولة لأخذ الريموت سوف تقابل بكل حزم ، ممنوع الهزار

ثلاثة : خلال المبارة مسموح بالمرور أمام التلفزيون طالما أنه سوف يكون بسرعة وفي مرات محدودة ، ويجب أن تعلمي ان هذا الوقت غير مناسب بتاتا لأي علاقات زوجية خاصة فتلك الدقائق سوف تكون عصيبة على الجميع

أربعة : خلال المباريات أنا مابسمعش ومابشوفش غير الماتش ومابتكلمش إلا إذا كنت عايز بيبسي واحد لتر ، فلا داعي للأحاديث العامة عن الاهل والأصدقاء والجيران واللي حصل في الشغل ، جرس التليفون والموبايل والباب من مسؤلياتك الكاملة خلال تلك الأيام

خمسة : فكرة جيدة ان تكون هناك في الثلاجة المشروبات الغازية والعصائر ولامانع من بعض الشيبسي والذي منه ، مافيش داعي لنظرات وايماءات بالوجه سواء إيجابية أو سلبية فهي بالنسبة لي سوف تكون كلها سلبية في المقابل سوف يمكنك استخدام التليفزيون في تلك الايام في الفترة من الواحدة صباحا وحتى السادسة صباحا شرط عدم وجود برامج رياضية في تلك الفترة

سته : أرجوكي ارجوكي أرجوكي لو شفتيني متضايق عشان أي فريق باشجعه ، من فضلك ممنوع التعليقات من نوعية ماتضايقش نفسك دي مجرد لعبة أو هما برده لعبوا كويس ، عشان لو قلتي كلام زي سوف تكون نتيجته زيادة كمية غضبي وضيقي أكتر ، وتذكري أنك لا تعرفي كرة أكثر مني

سبعة : مرحبا بك بالجلوس بجانبي خلال المبارة ومن الممكن أن تتحدثي معي خلال الإستراحة طالما أنه ليس هناك تحليل فني وطالما كانت نتيجة وأداء الشوط الأول مرضية بالنسبة لي ودائما تذكري أن وقت المبارة ليس مناسب تماما لفكرة قضاء وقت ممتع معا

تمانية : إعادة الأهداف مهمة جدا بالنسبة لي حتى لو إتعادت ألف مرة فلا يهم كم مرة شاهدتها فأنا أريد ان أشاهدها ثانيا وثالثا ورابعا ، بعد المبارة البرنامج الرياضي مهم جدا تماما مثل المباريات وهما بيعيدوا اللقطات المهمة ، همهمات من نوعية مش خلاص الماتش خلص أو مش إنت شفت الحاجات دي ، سوف تكون له آثار سلبية عليا وعليكي وعلى البيت

تسعة : مبارة تحديد المركز الثالث بالرغم إنها بين فرقتين مهزومتين وتحصيل حاصل إلا انها مهمة بالنسبة لي أهمية المبارة النهائية

عشرة : مع نهاية اليوم الأخير لا أريد سماع كلمات حمد وشكر من الله ان البطولة خلصت أو الحمد لله أن كأس العالم كل أربع سنين لأني سوف اكون في حالة مزاجية سيئة ، ولا تنسي أن بطولات أفريقيا للأندية على الأبواب

وختاما أتمنى لك وقتا ممتعا ، شاكرين حسن تعاونك معنا

المخلص للأبد

زوجك الغالي

---------------------

تحديث1

first goal
أندريا بيرلو والهدف الأول الدقيقة 119

second goal
أليساندرو ديل بيرو والهدف الثاني الدقيقة 121

والله وعملوها الرجالة ... الماتش اتسرق في آخر دقيقتين 119 ، 121 حيث لايمكن التعويض بصراحة الألمان كانوا زبالة بس شوفوا الجمهور مش مصدق .. والصورة بتتكلم

agaga

germany out

germany out
Yahoo الصور من
Copyright : Reuters

شكرا على الإفادة عن ظهور الصور من عدمها
------------------------------

تحديث2

فرنسا في النهائي بهدف زيدان من ضربة جزاء

France on the final

----------------------------------------

آخر تحديث 9 يوليو 2006

شكرا زوجتي العزيزة تقدري دلوقتي تاخدي الريموت ، بس معلش هو ميت حتة




[France out




[France out

Hard Luck Barthez


[France out
Fabio Gross and the last goal along with the cup


[France out


Zidan


مبروك إيطاليا

42 comments:

  1. ياحمد
    المنفستو اللى انت حطة دة لو طبقناة حيقلب علينا غم بعد انتهاء المونديال وانت عارف ان كيدهن عظيم والسيدات حيعملوا بنصيحة علشات ما نعلى ونعلى ونتحكم فى الاخر يبفى نفوت الكام يوم دول حتكون فى اى عناية مركزة علشان الم حبيبك من المدونين ونيجى نزورك وعلى فكرة دى اول مرة اعلق عندك رغم انى متابع منتظم لكل كتاباتك اللذيذة افتكرت اشترى تلتفزون تانى حيكون احسن

    ReplyDelete
  2. ايوة كدة يارجالة ابرموا شنباتكوا

    دى كل اربع سنين مرة

    ReplyDelete
  3. عايزين كمان نعرف نتائج هذه الخطوة الذكورية على الأسر العربية في بلداننا الحبيبة..

    ReplyDelete
  4. الحمدلله انكو كل واحد في بلد و الا كانت العواقب هتكون وحشه قوي

    ربنا يصبر كل الزوجات لحد ما يخلص

    ReplyDelete
  5. الله اكبر اخيرا في واحد اتكلم عن احد اهم مشاكل الرجالة
    يحيا العدل والنبي ابقي عدل العنوان وخليه الي زوجتي او اختي او امي الاعزاء

    ReplyDelete
  6. أنا الموضوع عندي مختلف شوية لأن أنا زي ما نت عارف شخصيتي قوية خالص .. آه والله خالص . ورغم إني حاطط تليفزيون تاني في أوضة النوم مخصوص للمباريات إلا انهم بقدرة قادر هي والأولاد ألاقيهم فوق السرير مش عارف أزاي واللي جاي باللعبة بتاعتو واللي جاية بالعروسة بتاعتها ومعاها الحلل والبوتجاز اللعبة وعايزة آل تطبخ لي العشاء فبل الماتش مايخلص وكل شوية دوق يا بابا وطبعا بابا بيدوق .. دا أنا دوقت دوق يوم ماتش البرازيل
    المهم وفي الآخر تيجي أمهم وتقولي أية الزفت اللي انت بتتفرج علية دة بدل
    تقعد الشويتين دول تتكلم معانا
    عموما .. قلوبنا معكم والله يرعاكم

    ReplyDelete
  7. بصراحة بقي...انا مع حق الرجالة انهم يتفرجوا و بمزاج كمان..و متزعلوش مني يا ستات
    انا عن نفسي ححاول اخذ بابا من سكات كدة ونطلع ع النادي و نتفرج هناك
    و يا ويلي من ماما
    :))

    ReplyDelete
  8. by the way, Ahmed Basha..I don't see any picture..but the box of the pictiger..and the hosting link..and no real pic displayed but that of the link itself..and aslo the one on Brazil topic..mosh el Cup la2, el tanya..hmm..howa eh el nezam?

    ReplyDelete
  9. هههههههههههه
    اسمحلى ابعته ميل لمراتى

    ReplyDelete
  10. طب انا اعمل ايه ماما واخواتي مش بيردوا مش مكفيهم الامتحانات طيرت نص المونديال وبابا مبسوط لانه بيتفرج بمذاج لانه لسه منزلش الاجازة وهينزل بعد الماتش النهائي بس انا ان شاء الله هناضل علشان اتفرج ع النهائي ادعولي :)

    ReplyDelete
  11. رغم ان كل كلامك حقيقى وبيحصل

    بس جاى معايا بالعكس

    ربنا يخلى الشيخ صالح

    ساعات بنضرب الشفرات الاوروبية واعانى من اللى بتقوله

    بس بنتفرج فى مول أحيانا

    هو يتفرج وأنا أشترى

    :)

    ـــــــــــ

    ممكن كلمة بجد

    سمعت ان بعض الأدباء والصحفيين والاعلاميين رفعوا قضية على الشيخ صالح علشان قال ان مصر فيها ستة مليون حرامى
    واحنا عايزين ننضم لهم

    حد يعرف نوصل للناس دى ازاى

    ReplyDelete
  12. أحمد .. حسبنا الله و نعم الوكيل في كل ظالم قاهر جبار .. يطالب برفع الطوارئ من الشوارع و يطبقها بكل جبروت ف البيت تحت دعوي "المونديال" .. الله يسامحكم ياللي هتسمعوا كلام احمد و تعكننوا البيت كله بسبب ماتش ولا بينالتي الحكم محسبهوش ..
    :'(

    ReplyDelete
  13. ياجي الكورة اللي مش هنخلص منها
    علي العموم أنا مريحه نفسي وعندي تليفزيون في أوضه النوم وهو بقي يتفرج بره
    بس المشكله وقت العشل لازم نشوف الماتش غصب عننا
    أنا بس صعبان عليا حرقه الأعصاب دي علي ايه يعني
    امال لو مصر كانت بتلعب لا سمح الله كنتوا عملتوا ايه؟

    ReplyDelete
  14. الصورة مش باينة عندى يا شقير

    ReplyDelete
  15. ولا باينه عندي
    .................
    بس والله موتني من الضحك
    وبالذات ممنوع الهزار

    ReplyDelete
  16. تعرف انا بصراحة شديده مش عارف اقول ايه

    كلامك موتني م لضحك
    انا لسه طبعا ما اتجوزتش ولا حاجة .. لكن لو اتجوزت مش هتفرج ع الكورة طبعا لاني مش بحبها ياعني اسمحلي مش هاخد بنصيحتك


    لكن انا عايز اقولك نصيحة تانيه


    يارت تقرا البوست بتاعك تاني .. وتقرا التعليقات وراه علي طول اقراها بالترتيب

    اقولك نزلها بوست لوحدها
    لحسن دي تعليقات تموت م الضحك راخرة خصوصا تعليق زبادي

    اخر كلام
    الصورة مش باينه هاهاهاهاهاهاي

    ReplyDelete
  17. أنا لما قيت العنوان قلت حتبعت لمراتك ورد أو كلمتين حلوين أو حتة نص كيلو برتقان

    لكن بصراحة بعد اللي انت قلته دة أنا متأكدة انها حامدة ربنا و شكراه على الساعتين اللي بتروح فيهم الشغل

    و أنا اللي بقول على بابا ديكتاتور


    صورة حارس المرمى اللي بيصد الكورة ظاهرة عندي

    ReplyDelete
  18. Aywaaaaaaa keda! kol she2 inkashfen we ban! looooooooooool

    shukran ya 3am Ahmed))) eh el gamal dah..wala balash "Gamal" beyfakrny bi Jemmy :D...Eh el ebda3 da kolo..masha Allah..touch wood! ..shukran 3ala sor3et el estegaba!! eb2a t3ala sayf 3andena ya 3amna! :D

    ReplyDelete
  19. نصيحة يا أحمد

    بلاش تنزل صور من الموقع دة

    لأنك لازم تدفع يا باشا

    بيعملوا الحركات دى علشان تشترى

    بس الصورة دى باينة

    ووقعته مش عاطفية خالص

    ReplyDelete
  20. المااااااااااااانيا خرجت انا زعلانة بس اخر جونين الوحيدين في الماتش جامدين جدا
    شفتوا ماما اتفرجت عل الماتش معايا شكلي هكسب الجولة بتاعة النهائي وهضمهم معايا :)

    ReplyDelete
  21. اهلا اهلا
    الحقوا ياستات حركات التمرد بدأت من هنا
    وقفشنا شقير متلبس بمنشور رجالى عن احتكار التليفزيون
    جمعيه الحركه النسائيه دلوقتى بتدور عليك ياشقير الحق استخبىىى

    بس والله ساعات بحس ان الرجاله كتير مظلومين فى حركه التيلفزيون دى
    يعنى الستات بتتفرج على هما عايزينوا والاولاد برضه
    لكن يجوا على الراجل الغلبان اللى هو بره البيت طول النهار ويحكموا عليه لاء للابد
    ده رايى الشخصى لكن بقيت الجنس اللطيييف بيقول غير كده خالص

    ReplyDelete
  22. يااحمد
    الصورة ظاهرة لحارس مرمى ماسك الكورة وهوه على الارض ـ
    الجونين بتوع ايطاليا فى اخر دقيقتين من الوقت الاضافى كانوا اخر ما اتصور انه يحصل محدش يقول ان فية مستحيل فى الكورة

    July 05, 2006

    ReplyDelete
  23. يا جدع ما تحط سلك شائك وتكتب ممنوع الاقتراب او التصوير احسن

    ReplyDelete
  24. جدو
    اهلا وسهلا .. اتعرفت عليك قبل كده من خلال تعليقاتك اللي كنت بقراها في المدونات الأخري بالرغم من إن ماأسعدنيش الحظ اني ادخل عندك لكن العزومة عندك قريب اشاء الله أما اكام يوم دوول فخلاص هانت

    دوك
    معاك حق اصل فيه شوية مدونات شاديين حيلهم اليومين دوول ع الرجالة

    عبده باشا
    أعتقد إن في الخليج الرجالة لسه واخدة حقهم لما بيكون فيه مجلس الستات بتخش جوه ، ومابتظهرش وده بيحل مشاكل كتير

    بسبس
    إنتي بتصدقي .. ده كلام بس ساعة الجد هيا بتشوف اللي عايزاه وإحنا نقدر برده نزعلها

    هوميروس
    هو غنت من قبل الجواز وبتمارس عليك حالة القهر دي ، الله يعينك بعد الجواز
    وياكل أم ويا كل أخت وياكل ست ماتقولش ايه إديتنا ... لألأ مش دي

    زبادي
    موتني من الضحك ، لا صعب اوي الكلام ده ساعة الماتش بس عموما ردك لوحده ينفع بوست

    إبيتاف
    بصراحة تعليقك مفاجأه إني الاقي واحدة مع حق من حقوق الرجالة ياهناه اللي هايتجوزك .. بتشوفي الماتش انتي وبابا بره أكيد بابابكي محتاج نسخة من الرسالة دي

    إبيتاف
    شكرا على ملاحظاتك .. دي دوختني الصور دي أحطها من البلوجر انتوا تشوفوها وانا لأ واضح ان صور البلوجر محجوبة في الشعودية قلت أغير طريقة الرفع وارفع من موقع تاني انا اشوفها وانتوا لأ .. دوختني لغاية ماظبطت
    ربنا يقدرنا على خدمتك

    كلام
    أحسن تبعته ميل عشان لو قريته لها العواقب هاتكون وخيمة

    نوران
    ماما واخواتكم مش بيردوا يخليكي تتفرجي على الماتشات .. على فكرة دي احد اسباب اللي بتخلي الست بعد الجواز تعمل قلئمة ممنوعات وهي انها مرت بيها
    بس واضح ان بابا مروق وظابط مواعيد أجازته كويس

    حلم
    هو قال زي ماكتبتها في البوست مصر ولبنان فيهم عشرة مليون حرامي .. مش عارف مين باه قسمهم ستة مصر وأربعة لبنان
    أينعم مصر فيها ستة مليون حرامي بس مش دول اللي قصدهم عمنا الشيخ ثانيا كما جاء في احد التعليقات انا اشتمها والعن سلسفينها آه لكن ييجي حد مش منها ويشتمها لأ والف لأ
    لكن انا ماسمعتش عن حكاية القضية دي .. الموضوع مش مستاهل عندنا حاجات تانية اهم

    رومانتيك روز
    بتدعي عليا يارومانتيك وبتتحسبني كمان
    عموما اللي كاتب الرسالة دي بيفضفض بس لكن في الواقع انسى ياعمر دي احلام ياست الكل احلام يقظة

    جوجا
    يعني سيبتي له الصالة ودخلتي جوه ومشاركتيهوش افراحه واتراحه
    لو مصر كانت بتلعب كانت الرسالة دي هاتكون من اول المونديال عشان هانخرج بدري بدري

    أحمد السعيد
    شكرا على التعاون وتم عمل اللازم بفضلكم

    غادة الكاميليا
    دلوقتي ظهرت ياغادة
    اصل الرسالة ياغادة طالعة من القلب باسم ملايين الازواج اللي مابيتكلموش وحاطين لسانهم في بقهم

    أدم المصري
    تصدق الفكرة دي جاتلي قبل كده فعلا حتى في تدوينات اخرى كان فيه تعليقات تهلك من الضحك اقوى من البوست فعلا تعليق زبادي يجنن

    تشانج ديستني
    اد ايه حبيت تعليقك عشان قولتي ان الصورة بانت شكلي كده هاتفائل بيكي
    اما الرسالة فدي فضفضة على الورق لن تتم على ارض الواقع فنحن في الاخر همنا الاساسي ارضاء الزوجة

    ابيتاف
    ده احنا اللي متشكرين والله زي ماواحدة مدونة قالت ليا عليكي بنت جدعة بصحيح

    حلم
    انا غيرت الموقع اللي بانزل منه بس حكاية
    help us keeping this site free
    ده تهريج من عندي

    نوران
    ايه التطور الخطير ده ماما شافت الماتش معاكي .. وكمان اول تعليق بعد الماتش .. بصراحة الجونين رعب في وقت رعب ونتيجة غير متوقعة

    ام المريلة كحلي
    وشهد شاهد من اهلها فعلا مظلومين واللي قلتيه صحيح الولاد لازم يشوفوا الكارتون نتوورك والستات اي حاجة غير الماتش او الجزيرة
    وبعدين احنا مش حركات النساء التحررية ودي ليها معايا بوست لوحده

    جدو
    فعلا مش المفاجاه خروج المانيا لكن المفاجاة في الوقت القاتل اللي جه فيه الجونين .. ماتعرفش تعوض ودي حلاوة الكورة

    ليتل مو
    بس السلك الشائك ده لازم يكون متكهرب

    ReplyDelete
  25. استاذى شقير
    مش هتصدق
    انا شوفت الماتش اللى فازت فيه فرنسا
    انا اعرف قواعد الكره عامه
    بس بجد الماتش كان تحفه وعجبنى
    الصور واضحه المره دى على فكره
    شكراا

    ReplyDelete
  26. انا دخلت متاخر علشان مش في البيت بس الماتش حرق دمي بالذات الشوط التاني انا حاسه ان الحكم كان متحيز لفرنسا بس شكل الماتش النهائي هيبقى جامد جداااا

    ReplyDelete
  27. هههههههههههههههههههههههههههههههه

    كله كلام فى الهوا ولا كلمة منه بتتطبق فى الواقع

    وانا اللى قلت بادئ بزوجتى العزيزة حيدوس بقى فى كلام وحواديت جميلة كده

    بس واضح انك اكتفيت او واضح انها ما تعرفش اك بتكتب فى بلوج
    !!!!!!!

    ReplyDelete
  28. بصراحة بعد اقلاعى عن ادمان مشاهدة كرة القدم
    أصبحت استعجب لما كانت كل هذه العصبية وحرق الدم
    أكتشفت اننى كمصرى من المفروض ان اخر شئ احرق فيه دمى هو كرة القدم
    فلم يعد هناك فائض من الدم للحرق فى كرة القدم

    ReplyDelete
  29. نصيحة من القلب:
    الي كل زوجة او ام او اخت,حاولوا تشاركوهم اهتمامتهم مهما كانت تقيلة علي قلبكم,اكيد مع الوقت حتلاقوا فيها جانب لذيذ و خصوصا الكورة دي بجد موضوع المونديال دة ظريف جدا بس رجاء اجتناب عقد اي مقارنات بين اللعيبة او الجمهور -من الجنسين طبعا-بأي فرد من افراد العائلة.المقارنة ليست في الصالح العام ولا الخاص.

    ReplyDelete
  30. يارب ايطاليا تكسب

    ReplyDelete
  31. أم المريلة كحلي
    واضح إن الجنس الناعم ابتدى يستمتع بالكورة وده مؤشر لأنك هاتكوني زوجة ناجحة
    :)

    نوران
    مفاجاة جميلة متابعتك لكرة القدم إحساسك تجاه الحكم بس ناتج من انك كنتي يظهر بتشجعي البرتغال زي

    طاهر
    أكيد ياطهوووور هي ماتعرفش حاجة عن موضوع البلوج ده وإلا ماكنتش هتلاقي البوست ده وغيره كمان

    شادي
    معاك حق بس حاجة شوية تغير جو الإكتئاب بتاع الفساد والبطالة والمظاهرات والشرطة
    التنوع برده في حرقة الدم مطلوب

    رانيا
    كلامك جميل فعلا هاتبقى لذيذة لو الزوجة والجنس الناعم شاركوا الآخرين ماتشات الكورة
    أما المقارنات بالنسبة للمشجعين والازواج والزوجات فطبعا في ماتشات كاس العالم النتيجة سلبية بالنسبة لمن يشاهده عبر الأثير

    هوميروس
    أنا كمان معاك هاشجع الطلاينة في النهائي

    ReplyDelete
  32. دى بقى لازم نعلق الوصايا العشرة بتوعك على الباب علشان يكون كل البيت واخد باله

    ReplyDelete
  33. الحمدلله انى بحب الكوره ومتابعه كأس العالم بأدبى
    بس ممكن سؤال والنبى
    انت قاعد بره ومحدش وبتتفرج بمزاااااااااج ,محدش بيكلمك,لازمته ايه تسخن الرجاله على مراتتاتهم؟

    ReplyDelete
  34. ana m3ak ya a7mad fe en llregala kol el7o2 enohom yetrafagow bra7ethom 3ala el motosha.bas ya reat bardo el regala yedehom nafs el 70202 ely enta katebha we yesbohom yetfaragow 3ala el t.v bra7ethom bardo mesh ye7lalhom el talabat lama el mosalsal yegy ely hya mtab3ah we inshala el mosalsal et3ad 5000 mara raghm in dah beishleny bsra7a bas kol wa7ed we bra7to we kol wa7ead yseab el tany ytfarag 3aly howa 3awzoh men gher rakhama 3ala 7ad.

    ReplyDelete
  35. شوقتوا ايطاليا كسبت بس والله فرنسا صعبت عليا كانت بتلعب حلو اوي الشوط التاني وحظهم وحش ان زيدا خد كارت احمر بس الماتش كان جامد اوي استمتعت فعلا اروح اشوف التتويج

    ReplyDelete
  36. استاذ شقير دليل استمتاعى بالكره العالميه جه على نافوخى اتخانقت مع خطيبى عشان الماتش عشان انا عايزه اشوفه وهو عايز يقعد معايا
    بس مبروك لايطاليا

    ReplyDelete
  37. مساعد
    انت سميتهم الوصايا العشرة ، تصدق اول مرة آخد بالي انهم عشرة بالرغم من اني عاددهم في التدوينة

    ثروة
    أينعم انا قاعد بره وباتفرج بمزاج ومافيش حد يعكنن عليا وباعمل اللي انا عايزه ، بس انا ماقدرش انسى بني جنسي الرجالة
    ماإستحق أن يولد من عاش لنفسه فقط

    مووني
    أسعدني تفهمك للموضوع وحق الرجالة انهم يتفرجوا براحتهم ، والحق متبادل الستات كمان ليهم حق يتفرجوا ع
    المسلسلات والافلام براحتهم من غير نكد الزوج


    نوران
    انا مبسوط جدا من روح الحماس اللي عندك واعجابك بالماتشات
    مرة ثانية اتوقع لك حياة زوجية سعيدة
    ياريت التتويج يكون عجبك

    أم المريلة كحلي
    أنا كمان كنت باشجع ايطاليا
    بكرة الاية تتعكس هوه عايز يتفرج ع الماتش وانتي عايزة تقعدي معاه
    صالحيه خطيبك دلوقتي وقوليله بكرة أفكرك

    ReplyDelete
  38. أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
    اتمني ان ندون مدونه واحد بتاريخ 27/07/2006
    كلنا كمدونين نكرر عباره واحده
    كلنا مع لبنان وفلسطين ضد اسرائيل والمحتلين
    بالعربي بالانجليزي المهم نسمع صوتنا للعالم
    وان لم نستطيع حمل السلاح فالنحمل الكلمه
    ارجو النشر -تحياتي للجميع

    ReplyDelete
  39. ههههههههه يا راااجل انا افتكرتك حتكتب رسالة للمدام تقعد تحب فيها شوية وتهون عليها ايام الغربة ..تقوم تقعد تديها درس فى الكورة؟ ههههههه اللة يسامحك

    ReplyDelete
  40. This is very interesting site...
    »

    ReplyDelete
  41. Very nice site! »

    ReplyDelete