Thursday, July 06, 2006


تقرير شقير النصف سنوي


Egypt



لو عرفنا نجمع شعب مصر في قرية صغيرة عددها مائة فرد سوف تكون الصورة كالاتي

عدد 51 فرد رجل والباقي نساء
عدد 23 فرد من القاهرة و8 من اسكندرية و9 من المنصورة
عدد 9 أفراد يملكون تليفون محمول منهم 7 كارت مدفوع مقدما
عدد 11 فرد مسيحي والباقي مسلم
عدد 4 أشخاص إخوان
عدد 11 شخص يشاهدون كأس العالم منهم 9 بطريقة غير شرعية
عدد 3 أفراد في سن العمل عاطلين عن العمل (إقرأ التحديث) آخر التقرير
عدد 23 فرد أمي يجهل القراءة والكتابة
عدد 6 أفراد يمتلكون 59% من ثروة المائة فرد
عدد 8 أفراد يمتلكون كومبيوتر منهم 6 يستخدمون الإنترنت
عدد 16 فرد شاهدو فيلم بوحة منهم 3 أفراد شاهدوه أكتر من مرة
عدد 9 أشخاص أدلوا بصوتهم في إنتخابات الرئاسة الأخيرة
عدد 4 أفراد مهندسين من تخصصات مختلفة
عدد 6 أفراد يعملون بالخارج
عدد 6 أفراد يمتلكون سيارة
عدد 18 فرد مدخن منهم 3 أفراد يدخنون شيشة
عدد 29 إمراة محجبة
عدد 20 فرد يعيشون تحت خط الفقر منهم 13 من صعيد مصر
عدد 5 نساء تخطين سن الزواج وأصبحن فوق ال35 عاما
عدد 1 إمراة مطلقة
عدد 1 إمراة حامل وآخر على وشك الوفاة
عدد 5 أفراد مثليين مابين رجال ونساء
عدد 1 فرد يعرف إسم وزير التعليم
عدد 18 فرد يعرفون إسم حارس مرمى الأهلي
عدد 8 أفراد أكلوا من ماكدونالدز
عدد 39 فرد عاصروا رئيس جمهورية واحد فقط
عدد 2 فرد يقرأ الجرائد اليومية بصورة منتظمة
عدد 34 أهلاوي و23 زملكاوي والباقي مالوش في الكورة
عدد 61 فرد لم يروا أهرامات الجيزة
--------------------------------------

المصدر جهاز شقير للتعبئة العامة والإحصاء : تقرير 2006 النصفي
--------------------------------------

تحديث : بناء على طلب الجماهير تم مراجعة عدد العاطلين وبعد فحص ومحص وتمحيص تم إكتشاف عدد ثلاث عاطلين أخريين متخفيين ليكون إجمالي العدد 6 أفراد ولايمكن الزيادة عن ذلك

32 comments:


  1. السلام عليكم

    فاضل نسبة من يمتلك مدونة على الانترنت

    ;)

    اخوك مؤمن

    ReplyDelete
  2. لا جامدة يا كبير
    انك تاخد النسب وتطبقها على مائة نفر جديدة

    بس الواحد حسن ان الموضوع سهل ولذيذ
    لانك نسيت تضيف ان 53% من سكان مصر عندهم فيروس سى وكام الف ايدز (والامم المتحدة بتطمنا انهم فى نمو) دا غير السراطانات و العيال اللى بيضربو كله ونسبة المدخنين والى بيشربو حشيش ( أقل من 50% مش حقبل ) وده شعارنا فى المرحلة الجاية

    ReplyDelete
  3. looooooool eh dah!
    masha Allah..afkarak motanawe3a..we gedeeda..and that's what I like about your blog..that what makes it so special :) masha Allah))

    ReplyDelete
  4. لأ... أنا أعتقد إن عدد الأميين هيكون أكبر بكتير ومعاهم المطلقات والحوامل.. أصل لو واحدة حامل قصاد واحد هيموت يبقى عددنا ثابت إلى حد ما.. لكن اللي بيحصل إننا في ازدياد مطرد.. وكمان المهندسين أكتر من كده.. أمال خريجي هندسة بيروحوا فين.. وكمان العواطلية نقدر نقول إنهم 33

    بس حضرتك نسيت حاجة، عدد الحرامية وبياعين الهوى

    ReplyDelete
  5. مؤمن
    إيه سرعة التعليق الرهيبة دي
    عدد من يمتلك مدونة ألف في السبعين مليون يعني واحد كل مائة الف مش كل ميه

    طاهر
    جهاز شقير لم يسجل بوضوح عدد مصابي فيروس سي بس المدخنيني تم ذكرهم
    أما نسبة الخمسين في المية فماتقلقش قربت يمكن في التقرير السنوي الجاي

    ابيتاف
    ربنا يكرمك .. انتي اللي كتاباتك ناضجة جدا
    رزوونا تجدوا مايسركم

    دعاء سمير
    دايما تعليقاتك بستفزني على الرد السريع وده سبب اني رديت على التعليقات سريعا
    واحد : نسبة الاميين من 35% يعني 35 شخص من المائة لو استثنينا اربعة اطفال دون سن المدرسة زائد ان غالبية الأميين فوق سن الاربعين وعددهم يمثل من المائة 30 شخص يبقى 23 شخص رقم صحيح بالنسبة للمائة
    إتنين : بما إن الفرق بين المواليد والوفيات لم يصل إلى الضعف لصالح المواليد فلايمكن ان يكون هناك انراتان حامل مقابل شخص على وشك الموت ، إختزال العدد في مائة يجعل الفارق يضيق حتى يبدوا متساويا
    ثالثا : المهندسين تقريبا حوالي 3 مليون وشوية يعني فعلا 5 اشخاص مش أربعة بس مش اكتر
    رابعا : العواطلية أقصى الاحصاءات بتقول اربعة مليون يعنى حوالي خمسة وسبعة من عشر في المية لو حسبنا من المائة من هو في سن العمل واستثنينا الطلبة والاطفال يصبح 3 اشخاص عدد مناسب جدا

    اما الحرامية فحصرهم الشيخ صالح ولم يتسنى التاكد حتى الان من الرقم

    تحياتي ونتواصل لو ليكي تعليق

    ReplyDelete
  6. تقرير جميل وفكرته بسيطة وتقرب الأرقام، بس نسبة البطالة ممكن تصل إلى 12 واحد من القرية دي للأسف :(

    ReplyDelete
  7. بس في سؤال ازاي 34 واحد اهلاوي و18 بس عارفين اسم حارس الاهلي هما بالسم اهلوية ؟؟

    ReplyDelete
  8. العزيز شوقير
    أنت عارف ان الأحصائيات دى مهمة جدا فى تقريب الصور الهامة بالنسبة للمواطنين المتنورين اللى زى حالاتى
    فى العادة لا نهتم - كعرب- بموضوع الأحصائيات والأستفتاءات - اللهم الا فى موضوع : أجمد مهززة لفوازير رمضان أو أشد مطرب كوول فى بر مصر وأرفع حواجب عربية و حاجات كده يعنى بس فعلا أنا كنت فاكرة ان :
    الستات أكتر من الرجالة ( ماحنا بنجيب أجلهم بدرى بدرى)!ا
    - ان 80 فرد يملكون أجهزة المحمول (سياسة اتكلم براحتك يا باشا و شوف مين هيعبرك)!ا
    - ان10 أفراد أميين( فاكر عبد البديع القمحاوى -عمل شغل برضه) الا هو كان عايز ورقة و قلم و مراية ليه؟؟ هموت و أعرف
    - ان 30 شخص يمتلكون أجهزة حاااسوب(لزوم الأنفتاح على السقافات الدوليةالمهبلبية)!ا
    - ان 16 فرد يعملون بالخارج
    - ان عدد المطلقات10 - بسبب السيد نظمى و أمثاله
    - ان محدش يعرف أسم وزير التعليم (لاهو اسمه ايه بالحق؟)
    - ان 20 فرد داقوا ماكدوتالدز(أنا شخصيا دقتوا مرتين)ا
    - ان فردين اللى يعرفوا اسم حارس مرمى الأهلى

    - عشر أفراد يقرأون الجرائد بانتظام كل الرجاله المصريين راجعين الضهر ببطيخة و جرنال -أمال هيقضوا الليلة فى ايه؟ا
    - عدد 10 أفراد لم يروا الأهرامات ( تصدق انى أنا شفتها فى رحلة مدرسية و لما خدت العيال يشوفوها لقيناها قافلة - آه و المصحف بيقفلوا الأهرامات )!!ا

    ReplyDelete
  9. والله يا شيخ انت طلعت ابن حلال انا من زمان تعبان من العمل الحر وبدور على حد يكون حبيبى يوظفنى فى وظيفة حكومية وانا مستعد ادفع اى مبلغ للوظيفة انشالله يكون خمسمية جنية مش خسارة مانا كنت هتوظف لكن دلوقتى ممكن بمجرد الطلب من احمد بية شقير على طول هيوافق يوظفنى فى جهاز التعبية والاحصاء بتاعة
    بياناتى c. v
    الاسم : احمد
    تاريخ الميلاد : 8/12/1974
    المؤهل :
    بكالوريوس علوم زراعية
    سنة التخرج : 1999
    الحالة الاجتماعية : متزوج ومعايا سارة
    : المهارات
    متحكيش لينا فى كلة
    راجين لسيدتكم دوام التوفيق

    ReplyDelete
  10. انا بس مش فاهمه حاجه .. هل الاحصائيه دي حقيقيه ؟؟ هل نسبة المناصره اكبر من نسبة الاسكندرانيه ف الشعب المصري ؟؟

    و هل نسبة الرجاله 51% من مجموع السكان ؟؟ يعني لسه عدد الرجاله اكتر من الستات ؟؟ أومال ايه الرعب اللي معيشينا فيه و مخليني ادعي ربنا ليل و نهار اخلف 5 صبيان علشان ابقي ف السيف سايد و بناتي ما يبوروش ف رقبتي ؟؟

    افدني يا باشمهندس افادكم الله ..
    :))

    ReplyDelete
  11. عدد 9 أفراد يملكون تليفون محمول
    اتقى الله يراجل

    عدد 3 أفراد في سن العمل عاطلين عن العمل
    باماره ايه

    عدد 1 إمراة مطلقة
    بحبحها حبتين

    الهوم ورك بتاع المره الجايه,
    كام واحد بتعاطى مخدرات خصوصا الحشيش,وكام واحد كحوليات
    وكام واحد ووحده خان مراته مره على الاقل
    امممممممممم وكام واحد خرج ف مظاهره ضد النظام وكام بيقروا صحف معارضه
    وكام واحد بيفضلوا هيفا على نانسى عجرم؟

    يلا يااحمد شوفلك ميه غيرهم

    ReplyDelete
  12. تقرير ظريف
    بس خلاص ياشقير انت فقدت الثقة
    من ساعة فضيحة نهائي كاس العالم
    وانزل بقة من على ودانا يا شيخ علام

    ReplyDelete
  13. نسبة الصعايدة كام يا عم الحاج .. طمني الله يطمن قلبك .. وما تخافش مهما كانت النتيجة أنا راضي ومش ح أزعل

    ReplyDelete
  14. الصور ظاهرة والحمد للة

    ReplyDelete
  15. وتني أدور أنا فين من الارقام الكتيرة اللي قدامي

    من الخمسة

    ولا الخمستاشر

    ولا الاربعة

    ولا الاربعة والاربعين

    لغاية ما اكتشفت اني ضمن مجموعة التلاتاشر

    بتاعت صعيد مصر

    ReplyDelete
  16. كام مطرب ومطربة ،
    كام واحد مشارك في سوبر ستار واستار اكاديمي الجايين
    كام رقاصة ؟

    وبعدين إزاي 11 ، مع ان نسبة المسيحيين في مصر 7%

    المطلقات !!! على راي اللي فوقي ... بحبح (صورة عباس فارس)

    على كل حال
    مشكور يجهد
    قصدي
    مجهود يشكر

    ReplyDelete
  17. والله رووووعه

    احصائيه ممتازة
    و معبرة
    وبسيطه

    ReplyDelete
  18. مش شايف انك متحيز لأهل المنصورة اكتر، وللمهندسين كمان بصفتك مهندس ومن المنصورة، كمان نسبه العوانس اكتر، وكذاك المحجبات....
    مش عارفه حاسه التقرير بتنقصه حاجات تانية... محتاج تحديث اخر يازعيم...

    ReplyDelete
  19. عدد 6 بس عاطلين
    أعتقد المية دول جايين من القاهرة واسكندرية بس

    حد بعتلى اللينك ده

    http://z3tr.loaloaa.com/showthread.php?t=5076

    ReplyDelete
  20. عدد 5 أفراد مثليين مابين رجال ونساء
    انت مش ملاحظ ان النسبة صعبة شوية
    قصدى كتير يعنى
    انا عن نفسى اعرف تلاتة بس وانت كمان عارفهم وكلنا عارفينهم
    بس الجديد والموضة اللى ماشية هى اسم الدلع اللى بيسموهم بية
    يعنى انت مثلا ترضى تقول عن واحد كدة لواحد صاحبك تانى
    انة البية مثلى
    طيب صاحبك اللى مش كدة اللى هو التانى حيفكر اية فيك
    مثلا مثلا
    يعنى بدون اى قصد للاهانة واللة
    طيب لو طبقنا النسبة دى سعادتك على مجموع الشعب المصرى اللى هو تقريبا سبعين مليون
    يكون
    تلاتة مليون ونصف من الشعب المصرى
    كدة
    طيب يرضيك كدة
    ولا كدة
    ولا يمكن التلانة اللى انا وانت وبقية الشعب المصرى عارفينهم
    كل واحد بمليون
    ----------
    ارجو الافادة سريعا
    علشان اتصرف بسرعة

    ReplyDelete
  21. و نسيت تقول ان في واحدة عمرها ما راحت اسكندرية و لا الغردقة و لا شرم و لا اتفسحت اصلاً
    يحضرني في موقفي هذا اغنية فريد الاطرش عذاب ليه يا دنيا العذاب

    ReplyDelete
  22. تسع افراد يملكون تليفون محمول بس يا احمد اتقي الله

    كمان اظن نسبة الفتيات اللي عدو التلاتين و متجوزوش اكبر شويتين

    ReplyDelete
  23. حلوة دي كمان ... مش عارف ايه غيتك في الأرقام دي؟ بس انت ليه اختزلت السكان في تلات محافظات ؟
    بس بصراحة المكان أبو ميت فرد دة هايبقى اّخر عظمة ...لازحمة ولازنقة ولا مشاكل تكدس ...النسب ساعتها بقى مش اشكال
    سجل اسمي ياريت في هذا المكان البحبوح لأكون من المائة المنتخبين

    ReplyDelete
  24. و مادام الموضوع فيه فصال يبقى لو سمحت نزل عدد اللي يعرفوا اسم وزير التعليم

    ReplyDelete
  25. عبده باشا
    بالنسبة لعدد العاطلين زودناهم لستة يعني عدد العاطلين 4 مليون وده اقصى تقدير للعدد في مصر من اشد المتشائمين


    نوران
    ملحوظة زكية فعلا بس مش كل واحد اهلاوي او زملكاوي متابع كورة
    هو مابيكونش ليه في الكورة بس لازم يشجع وخلاص

    تمر حنة
    أعتقد إن احنا محتاجين ميت سنة ع الاقل عشان نقدر نوصل لشكل الاحصائية اللي كنتي فاكراها
    يااااه انت لسه فكرة عبد البديع قمحاوي كنت باتابعه وباتلخبط في آخر الحلقة من طرقة الشرح
    اما بالنسبة للمرايا اللي كان عايزها انا كمان كنت عايز اعرف ليه ، القلم والورقة وعارفينها وبعد فحص وتمحيص اكتشفت ان المرايا عشان الواحد يشوف حركة الشفايف بالنسبة للحروف وهو بينطقها
    بالنسبة لوزير التعليم واضح انك من ضمن التسعة وتسعين

    أسد محبوس
    اهلا بيك يابو حميد تنضم لكتيبة العاملين بالجهاز وبكده نقدر نقلل عدد العاطلين
    وعشان خاطر سارة هانخلي السي في بتاعتك تحطك في درجة مدير على طول

    فيرو ان لاف
    المشردين والراقدين في المستشفيات لم أجد لهم اي احصائية ولو تقريبية
    اما عدد العاملين بالخارج تم ذكرهم بالتقرير

    رومانتيك روز
    أيوه الاحصائية حقيقية وبالنسبة لعدد اللي من المنصورة فعلا هما اكتر من اسكندرية وعشان كده ذكرتها وتقدري ترجعي لويكيبديا صفحة مصر تقدري تتاكدي
    مع ملاحظة المقصود بالمنصورة هنا محافظة الدقهلية حيث جرت العادة ان اي حد من الدقهلية يصبح من المنصورة حتى تثبت الحقيقة
    ثانيا قعلا نسبة النساء فعلا 49 % اما حالة الهلع فده ناتج من ان الست العانس وضعها يختلف عن الرجل الذي لم يتزوج

    ثروة
    أيوه ياثروة 9 اشخاص فقط يملكون تليفون محمول على افتراض ان عدد المشتركين بالنظامين في الشركتين تعدى الستة مليون

    اما عدد العاطلين فزودناهم
    وبالنسبة للمطلقات فعددهم تعدي الربعمائة ألف بما يعادل تقريبا واحد في المائة فلا يمكن بحبحتها

    أوعدك التقرير الجاي سوف يرصد محبي نانسي ومحبي هيفا وذللك لتطرية التقرير

    جيرونيمو
    انت قلبك اسود ليه كده ده انا باحاول انسي الناس موضوع توقع كاس العالم لمين وانتي لسه فاكرة
    واضح ان هاناخد معاكي مجهود مضاعف
    هو المشكلة بس ان زحل دخل العقرب ساعة العصاري وده بيخلي الحسابات ماتكونش مزبوطة

    زبادي
    إنت طلعت صعيدي ، عموما عدد الصعايدة تم اسقاطها دون عمد لكن عددهم 37 نفر ياعم اللورد

    عزيز
    تسلم يامعلم على ان الصورة لفتت نظرك وعجبتك

    مكسوفة
    ميرسي ، انا عارف انك بذلتي معايا مجهود مشكور عشان الصور تظهر
    تسلمي

    محمد يوسف
    بالنسبة لملحوظة عدد الذين عاصروا رئيس جمهورية واحد ، دوول لازم اللي عمرهم خمسة وعشرين شنة فيما أقل ودول بيمثلوا النسبة المذكورة ولا الشعب كله اقل من خمسة وعشرين ولا إيه ؟

    أبو شنب
    واضح ان نسب الصعايدة فعلا بتلقى اقبال من كثيرين سوف نراعي ذلك في تقريرنا الجاي

    اتيز تو لات
    بالنسبة لععد المسيحين فبالنسبة لويكيبيدا بتقول 6 % بس الواقع بيقول انهم فوق العشرة وتم الحصر فوجدناهم 11 واحد
    وبالنسبة للمطلقات فتم التوضيح كيفية حساب النسب لثروة

    نيلة
    مدونتنا الكويتية .. اهلا بيكي ياريت نشوف حاجة زيها كويتية
    نورتي مصر وبلوجات مصر


    بعدك على بالي
    نسبة العنوسة وصلت إلى 9 ملايين شاب وفتاة تجاوزوا سن الخامسة والثلاثين من دون زواج وقد وصل عدد الإناث إلى ثلاثة ملايين و962 ألف والباقي من الذكور
    راجعي تقرير الجهاز المركزي للتعبئة العامة والاحصاء
    http://www.arabiyat.com/magazine/publish/printer_285.shtml

    فعلا انا متحيز للمنصورة اللي اكتشفت انهم اكبر تاني عدد بعد القاهرة برده مع الاعتبار ان الدقهلية هيا المنصورة
    نورتينا

    شادي
    مش عارف يااخي وانا بكتب الرقم بتاع العاطلين ده كانت صورتك ومدونتك والحزب بتاعك على بالي وقلت شادي مش هايعديها
    عموما زودنا العدد للضعف عشان خاطرك
    إيه اللينك الغريب ده ، انت بتلم فلوس اليومين دوول؟

    اومني
    يالف اهلا وسهلا بيك من الولايات المتحدة الامريكية
    مدونتنا بقت عالمية


    أدهم
    بالنسبة لعدد المثليين اللي خلاك تفتكر اني مزود العدد الكلام اللي انت بتقوله وهو ان مافيش حد بيقول بصراحة انه مثلي وده كون عندك انطباع ان العدد كبير ومتنساش ان الخمسة دوول مابين رجالة وستات
    أما التلاتة دوول فكل واحد منهم على رايك بمليون
    أوكد لك ان النسبة مش مبالغ فيها ولو عملت سيرش في ام اي ار سي على اكتر غرف تشات مصرية سوف تجد أن بعد غرفة ايجيبت هيا جاي ايجيبت
    اعمل بحث بس مش تدخل يعني
    هاها

    خالد جرار
    الله يبارك فيك .. فعلا انا كنت باشجع الطلاينة ليه مش عارف

    تاتي
    مش فاهم عايزة تقولي انك عمري مارحتي المدن اللي ذكرتيها دي .. بصراحة انا صعقت
    ودي للاسف من الاحوال السيئة للمرأة وهي حرية السفر والتجوال بدون القيل والقال

    بسبس
    ملاحظة العوانس شرحتها يابسبس فوق والرقم صحيح
    وبالنسبة للموبايل فده لتوقعي لعدد المشاركين وهو ستة مليون

    أم المريلة كحلي
    لم يتسنى احصاء عدد المجانين لزيادة عددهم أثناء فريق العمل بإعداد هذا التقرير
    وعشان السنجة لسه بتقع والكمساري بينزل يعدلها
    احصائيتك ياهولندا دي على وزن موتسيكلاتك ياهولندا .. هاها

    فهرنهايت
    الارقام فعلا هي صدفة غريبة في الكام بوست اللي فات
    أما القرية دي برده فافيها نفس المشاكل والظروف والملاحظات
    يعني برده هاتلاقيها زحمة

    تشانج ديستني
    هاهاهاها .. مش ممكن يعني مافيش حد عارف اسم وزير التعليم
    من اهم الوزراء في مصر اللي مسئول عن تربية ونشا ةتعليم الجيل اللي جاي
    صباحوا


    تحياتي للجميع

    ReplyDelete
  26. Very funy post , if you need more information on Egypt and Arab world chck this link
    http://www.pogar.org/countries/stats.asp?cid=5&gid=1

    ReplyDelete
  27. حلو اوي التقرير ده

    ReplyDelete
  28. معلش نسيت تقول في مجال الكورة ان في اتنين اسمعلاوية انا واللي واقف جنبي

    ReplyDelete
  29. نسبة اللى عاصروا رئيس واحد عندك صغيرة اوى ..على اعتبار ان الرئيس الحالى قصف عمر الناس القديمة سواء بالجلطة او بالشلل او بالضغط والسكر..يعنى احان يا فندم جيل اخترناك اللى فضلنا صامدين ادامه لسة..اينعم مش عارفة حنصمد لامتا؟ بس اهو احنا اللى فاضلين ...يعنى نسبة اللى عاصروا رئيسش واحد فوق التسعين فى المية يا شقيرررر..وربنا يديمها نعمة

    ReplyDelete