Sunday, March 25, 2007

صوتك ... أمانة


صوتك أمانة

محمد إسماعيل - دمياط

---------------------------------


هؤلاء عينة من أعضاء مجلس الشعب ممن مثلوني ومثلوك وناقشوا التعديلات الدستورية وقتلوها بحثا ونقاشا وأخيرا وافقوا عليها لأجل غد أفضل
وعشان كده بنكرمهم ونحط صور بعضهم للتاريخ والذكرى

.
.


ابراهيم الدسوقي حسين محمد الجنيدي - بني سويف



ابراهيم محمد صدقي عبد الحميد نوار - البحيرة



ابو القاسم عبد العزيز كامل البحيرى - سوهاج




ابو الحسن حسن الجزار - قنا



احمد مصطفى عبد الرحمن احمد - قنا




احمد فؤاد فتحى نعمان - أسيوط




احمد منسى إبراهيم نصر الله عياد - الإسماعيلية




احمد شاكر عثمان محمد - أسيوط



احمد محمد متولى درويش - سوهاج - احمد ابو حجى

.......... وطبعا الصور بتتكلم .........

الصور ل .. عزت هلال - مجموعة المحروسة البريدية

39 comments:

  1. غير مستغرب ما تفضلت بفضحه ، وعشان هو امانه مش سهل افرط فيه

    انا مع المقاطعه التامه للأستفتاء

    لكن للأسف هناك من سيلبى النداء لأجل وجبه كنتاكى وعشرين جنيه ، أو علبة سمن صناعى وشنطه أستفتاء

    ReplyDelete
  2. حسبي الله
    انا باة ضد المقاطعة التامة
    و ضد وجبة الكنتاكي

    ReplyDelete
  3. لو في ماكدونالدز ممكن أغير رأيي!!!

    ReplyDelete
  4. فعلا صوتي أمانة
    علشان كده هاروح أسقطه بنفسي
    قبل ما حد يستخدمه استخدام آخر

    ReplyDelete
  5. انا معالذهاب وةالرفض وليس المقاطعه

    ReplyDelete
  6. انا مع المقاطعة

    هم يريدون ان يصوروا ان هناك اقبال والنتائج حتما سيتم تزويرها

    يريدون ان تصور وسائل الاعلام وخاصة الاجنبية اعداد المواطنين المشاركين في الاستفتاء حتى يحصل تمريرهم على الشرعية اللازمة ومن سيشكك في نتيجة الاستفتاء سيُقال له ان الاقبال كان شديداً

    احساس مرير بالعجز وقلة الحيلة

    بعد ساعات سيتم اغتصاب حقوقنا جميعا

    ياتري هل يستطيع الشعب المصري القيام عصيان مدني شامل ؟؟؟

    ReplyDelete
  7. يا لهووووووووي

    انا لسة كنت باقول في مدونتي

    اما نعيمة نعمين


    حكاية كدة صغنونة بس من نوع اخر
    بس متفرعم عن اما نعيمة نعمين

    جيت انت يا احمد باشا تكمل عليا

    ااااااه ياني

    يا مصر ليكي رب يحميكي بقي

    ReplyDelete
  8. مين دول يا حاج أحمد

    يعنى دول فى مجلس الشعب ولا فى المجلس المحلى و لا فى مجلس القرية

    ReplyDelete
  9. أنا من أنصار المقاطعه..ما هي خربانه خربانه و بعدين اليوم ده حتحصل فيه مهازل اكتر من يوم الانتخابات
    تحياتي لك يا أستاذ احمد

    ReplyDelete
  10. احنا الي عاملين كدة في نفسنا في ناس حاتزل تاخد فلوس و تبيع نفسها و معاها بلدها و مستقبلها عشان عشرين ولا خمسة جنيه كمان
    ربنا يستر علي البلد

    ReplyDelete
  11. مش مع المقاطعة

    اللى خايف على صوته يروح يقول لأ او يبطله

    هو من امتى الانتخابات نزيهة مية ومية وانت ضامن صوتك مش هيتزور؟

    ReplyDelete
  12. من غير ما احس .. بمجرد ما قريت اول صورة .. لقيت الدموع ف عيني و علي خدي .. احنا ايه يا بشر .. بنزق ف جبل .. حسبي الله و نعم الوكيل .. حسبي الله و نعم الوكيل .. حسبي الله و نعم الوكيل ..

    و مع ذلك .. مش هقاطع .. لو أحياني ربنا هروح و أرفض التعديلات .. و أياكش ابقي من نسبة 001و0% اللي هيرفضوها ..

    ReplyDelete
  13. لا سيبكوا من الكلام ده

    تعالوا شرفونى فى مدونتى و قولوا لللايس اللى انتوا عايزينه


    http://neekmubarak.blogspot.com

    ReplyDelete
  14. انا بعد ما روحت و شوفت الاعتصام انهارده
    اكيد انا مع المقاطعة مش بس التدستور و كل الدساتير و كل التصويتات و كل اي حاجة
    انا هعتزل الحياة دي خلاص
    دي حاجة قرف

    ReplyDelete
  15. يا بشمهندش :::
    عايزة اعرف انت حاطط صور الاخوة اعضاء مجلس الشعب اللي اغلبهم لابس جلاليب بلدي كونهم فلاحيين
    للاعتراض عن تمثيل هؤلاء لنا في مجلس الشعب
    طيب ما احنا اكثر من نصف شعبنا فلاحيين ولابسين جلاليب وغير مثقفين
    ولا اية وجة النظر بالضبط؟؟؟
    انت عايز تقول ان هم دول اللي بيقرروا التعديلات الدستورية وهم غير مؤهلين مثلا.... بس دة واقع ان معظم شعبنا شبة الناس دي في شكلهم وتفكيرهم...هي دي مصر يا عبلة

    ReplyDelete
  16. وربى ودينى واسلامى لو استطعت الخروج من تلك البلدة الظالم اهلها لخرجت اننا شعب يتضور جوعاً وفقراً ويلهث وراء لقمة العيش فلنا الله

    ReplyDelete
  17. لا والف لالالالالالالالا
    لكن.. ما المتوقع من شعب يلهث وراء
    مطالبه واحتياجاتة الضرورية اليوميةمن شعب 40%منة به اميةلك الله يا مصر

    ReplyDelete
  18. الموضوع كله إشتغاله
    وإحنا عارفين اللي فيها واللي هيحصل
    أنا مش عايز أشارك عشان مشتغلش نفسي

    تحياتي

    ReplyDelete
  19. الصور فعلا تعبر عن نفسها
    صوت الشعب الحر ينادى .. اسقوا ولادكوا الصبح زبادى

    ReplyDelete
  20. الصور تعبر عن ناس بسيطة
    زى جارى ووالدى وعمى وخالى

    جارى ووالدى وعمى وخالى ويمكن حاكم مدينتى اللى ميعرفش يعنى اية كلمة دستور
    وصبح الصبح لاقى اللى يقول له حنعدللك فى الدستور علشان تعيش حياة أفضل

    كان من باب أولى ان الناس فى الشعب تعرف الأول اية هى المواد الأصلية
    يعرفوا اية هو الدستور من الأساس

    كان مفترض زى ما كل دول العالم حتى النامى منها ما بتعمل
    يتعمل هنا

    ينطبع كتيب بالمواد المقرر تعديلها قبل التعديل
    وتحت كل مادة التعديل المقترح
    وطرح اختيارات المواد اللى يراها المواطن ويقتنع بيها من الشروة اللى رموها له مرة واحدة دى
    ويتوزع على المواطنين اللى لهم على الأقل الحق فى معرفة اية هى المواد دى وحتتقلب لاية

    مش يغيروا كدة بالزوووفة مرة واحدة؟؟

    دة اللى كان مفترض يحصل
    مش مرة واحدة فى تلات شهور
    بلد مساحته مليون كيلومتر مربع
    وسكانه قاربوا الـ80مليون
    وبلاوى الدنيا والآخرة منتشرة فيه والسوس بينخر فى نخاعه
    وكابس على نفسه نفر واحد بس من اكتر من ربع قرن
    قرن طور يعنى
    يتغير دستوره فى تلات شهور؟؟؟

    صح النوووووووم يا بشر وانتشر

    ReplyDelete
  21. العزيز احمد
    طبعا بعد نشر الصورة المذكورة وتوارد الاخبار من كل مكان عن تسويد النتيجة اى تزوير النتيجة فى اكتر من مكان
    لا معنى اذا للتصويت بنعم او بلا او حتى المقاطعة لان فى جميع الاحوال النتيجة واحدة
    النتيجة هى تعديل حسب رغبة الحكومة

    اما بخصوص صور الاعضاء بصراحة لا املك غير رد واحد ومش تريقة خالص
    ليهم حق يطبقوا قانون الارهاب بس يا ريت بقى يطبقوه صح علشان ما ينفعش فعلا يكونوا دول الاعضاء اللى يصوتوا بأى حال من الاحوال على قوانين دستورية دول بس يتصوت عليهم لما يطبق عليهم قانون الارهاب

    تحياتى

    ReplyDelete
  22. خلاص مش النتيجه طلعت 76% يبقي خلاص...الحمد لله الشعب قال كلمته و كأن كلنا مش من الشعب...إحنا الظاهر من دوله أخري...إسرائيل مثلا

    ReplyDelete
  23. بوست جميل بيوضح الرموز الوطنية لمصر المأروسة,,بجد حاجة تأرف سورى تشرف

    عمار يا مصر

    ReplyDelete
  24. استاذي المحترم
    بعد نشر الصور
    حقول تزوير ليه بقا
    دي نزاهه وديموكراتيه
    لكني اشفق علي من تحمل
    واجب ومسؤليه لم تخلق له
    لنا الله
    ممكن اوافق ادي صوتي لو جابولي كنتاكي علي فكره
    بضعف قدام الفراخ صراحه
    تحياتي يا استاذ

    ReplyDelete
  25. مش جديد علينا التزييف في الانتخابات

    اللي مش قادرة الناس تستوعبه وتفهمه
    ان في مصر الانتخابات والاستفتاءات
    دي كلها مجرد شكليات
    او اتيكيت الدول اللي بتوهم نفسها بالديمقراطية

    ReplyDelete
  26. سيماهم في وجوههم
    إلي مزبلة التاريخ

    ReplyDelete
  27. السلام عليكم ورحمة الله وبركاته

    يا استاذ احمد الصور دي مهما كانت بتصور ناس بسيطه من الخارج بس مش بتدل علي المخبر وياما ناس بيبقي شكلها غبي ومتخلف ومابيفهمش بس الحقيقه بتبقي حاجه تانية خالص

    وعموما بقي شكلهم غبي او ذكي مش هاتفرق لان مجلس الشعب ده مجرد صوره قدام الشعب لا اكثر ولا اقل وانت سيد العارفين

    ReplyDelete
  28. Mohamed A. Ghaffar
    سعيد بإن تعليقك فتح القضية لجميع المعلقين برأيه في مقاطعة الإستفتاء أو المشاركة بالرغم من إن البوست لم يناقش هذه النقطة
    وفعلا طالما ان الصوت امانة فلا يجب ان نفرط فيه سواء بنعم او بلا لا نعرف مصيرها

    عروسة النيل
    يعني اللي ماقاطعش عملوا بصوته إيه ولو كانت اصوات لأ تعدت نسبة محدد لها كانت إتغيرت بقدرة قادر لنعم

    ALiaa
    كنتكي ده في الإستفتاء اما ماكدونادز ده بيكون في الإنتخابات .. اما غنتخابات الشورى والمحليات بيكون الشبراوي

    te3mah
    حتى لو اسقطتيه بنفسك هما هايصلحوه ويعدلوه بمعرفتهم
    ماكنتش عارف إنك طيبة كده ياإيمان

    مـحـمـد مـفـيـد
    ياترى يامحمد رحت وصوت ، وياترى إحساسك إيه بعد بعد ماشفت النتائج

    Bella
    أتفق معكي يابيلا وماتوقعتيه قبل الإستفساء هوكان ماحدث فعلا بعدها ولكن إنكشفت الفضيحة نوعا ما بالمقاطعة لأن النتيجة لم تكن للتغير لو حصل مشاركة بس ساعتها هايقولك إنتوا صوتوا والشعب قال كلمته وبالتالي يجب إحترام كلمة الشعب
    لكن المقاطعة بينت حجم الرفض للتعديلات

    Epitaph
    دي عشان تبقى نعم ونعيمة ونعمين بشكل رسمي ومع توجهات الدولة

    ahmEd_H
    دول ياعم احمد نواب في مجلس الشعب لا مجلس محلي ولامجلس قرية ودول المفروض إنهم هما اللي بيمثلوا الشعب
    يعني دول جوه والبدري فرغلي وايمن نور وخالد محي الدين وجمال حشمت بره

    micheal
    المهازل ظهرت يامايكل والكليبات بتفضح كل حاجة في تسويد البطاقات

    sarah la tulipe rose
    الناس دول هما سبب المشكلة الحقيقة الناس اللي بتنزل عشان اتنين كيلو رز ولا وجبة ولا عشرين جنيه ، المشكلة انهم اول ناس بعد كده بتاعني من التصرفات دي

    walaaz
    طيب وتروح ليه طالما كده كده هاتتزور ، ساعتها هايقولك ان فيه مشاركة شعبية وده راي الأغلبية
    المقاطعة كانت افضل
    واعتقد ان المقاطعة لفتت الأنظار إلى الموضوع اكتر

    Romantic Rose
    فعلا بنزق في جبل ، ماحدش عايز يتحرك وماحدش عايز يفهم ولو كلمتي حد يتفلسف ويهد اكتر واكتر
    فعلا الفجوة بتزيد بين العقول بشكل رهيب والتراجع مستمر بشكل رهيب

    Anonymous
    مدونتك واضح فيها انك واخد راحتك على الآخر
    عموما غير مسموح لأقل من 18 سنة

    توتة توتة
    فعلا حاجة تسد النفس خطوات متسارعة للوراء
    أجمل مافي قرارك إنه عن إقتناع

    هبة
    سؤال وجيه حاطط صورهم ليه .. كنت مستنيه السؤال ده
    طبعا زي مانتي بتقولي دول ناس واضح إنهم طيبين وولاد بلد وفلاحين .. ولايمكن أن يكون غرصي الإستهزاء من تلك الفئة ولكن انا صد إستغلال هؤولاء وتكليفهم بما لاطاقة لهمك بليه ليتحكموا ويتكلموا بإسم الملايين من الشعب وان يتحولوا لأداة رمن جانب الدولة ليبصموا بالعشرة على قراراتهم ليست تلك النوعية التي نريدها لكي يمثلونا .. فليكفوا عن ذلك ويعودوا الى قراهم ويتركوا الامر لمن أجدر منهم كفاءة وإدراك من اهالي بلدهم ليقوموا بدورهم التشر يعي والرقاتبي
    وكفاية باه إستخدامهم بتلك الطريقة التي جعلتهم يرقصون بعد إقرار التعديلات وكأنها فرح او خناقة إنتصروا فيها

    نبيــذ
    ماقل ولكن دل

    asadma7bos
    ماهما عايزين كده يامحمد من كل ناقم ورافض
    يسيب البلد ويهج

    afnan
    مشكلة الشعب الأساسية فعلا هي إلهاءه في لقمة العيش والخوف على الوظيفة وعدم العمل بالسياسة حتى لايكون مصيره حجرة ربع متر في ربع متر تحت الأرص

    The Alien
    فعلا إشتغالة وماظهر بعدها يؤكد كلامك

    ياسمين
    فعلا ياياسمين أحيانا كثيرة تغني الصور عن كلام كتير يمكن ان يقال


    شــهــروزة
    بتقولي المفروض ، ماهو عشان المفروض ده مايحصلش ، كانت تلك النوعية من النواب التي توةافق دون ان تناقش وتهلل دون ان تستوعب ومايقال لهم يتم تنفيذه حرفيا ومع نوعية مثل هؤلاء من النواب لن يصلح حال الجميع وهم منهم على الزمن الطويل في أبنائهم واحفادهم
    سعيد إدراكك للمعنى الموجود من عرض الصور

    tota
    مافيش شك إن النتايج بعد الإستفتاء وامظهر من تسويد للبطاقات وكليبات التزوير تفضح كثيرا منما ماحدث
    وكما فهمتي ان الغرض من النشر ليس إستهزاء بقدر ماهو يوضح أنه يجب من البداية ان يكون الرجل المناسب في المكان المناسب وهذا المكان لايصلح لهم ولكن بصلح لهم مكان آخر
    وصوتي عليا وغطيني

    reri
    ماهي دي ياريري مش اول مرة الشعب يقول كلمته ، الشعب يقول كلمته من زمان وهما كما يقولوا كلمتهم وطبعا إحنا زي مابتقوالي مش من الشعب إحنا شوية خونة عايزين الحرق

    مجهول
    فعلا اتفق معك ان الشفقة هنا لمن يتحمل مسؤلية لاطاقة له بها وكان يجب أن يتركها لمن يقدر عليها
    ولكن تقول ايه في البني آدم

    shlapia
    فعلا هي مش حاجة واحدة بس اللي تقرف دي حاجات كتير واحوال كتير والناس خلاص قرفت بجد

    ريما
    لأ المشكلة إن الناس فاهمة بس ماحدش عايز يتكلم
    ودي دايما اكبر مشكلاتنا إنه كله فاهم وعارف بس ماحدش عايز يقول

    قاسم أفندي
    دول ياسيد اللي بقرروا وبيوافقوا بإسمي وإسمك المشكلة كانت في الإختيار من البداية وإحنا إخترنا غلط او تركناهم يختاروا غلط

    خمسة فضفضة
    أيوه معاكي بس الناس دي هي الأداة او الوسيلة اللي بيستخدموها لإعطاء قراراتهم وتوجهاتهم مشروعيتها

    تحياتي للجميع وكل إستفساء وانتم بخير

    ReplyDelete
  29. متشكر جداً على ردك ، فى الكثير من الأحيان وبعد دوخه وسط الأراء المتناثره هنا وهناك نتوه ساعات والواحد بيبقى محتاج ان حد مستنير يقله انت صح

    متشكر

    ReplyDelete
  30. غريبه اعتراضك على اعضاء مجلس الشعب. انا شايفهم مصريين زيهم زيك وزي اهالي اي مصري، ولا انت عاوز اعضاء مجلس شعب من امريكا، سناتورات يعني.......عجايب.

    ReplyDelete
  31. مش عارف ليه
    حاسس ان وضع الصور ده الغرض منه
    السخرية او الاعتراض على اشكالهم


    لو كان ده فعلا ما تقصد

    فانا اعترض على هذا الاسلوب

    اشكالهم لنفسهم احنا لينا عملهم

    ولا ايه؟؟؟

    ReplyDelete
  32. الأخ انينوموس
    الاخ شادي

    بالرغم من إن ردي على هبة وضح ماأهدف له من عرض الصور لكن مافيش مانع نقول تاني
    ياسيدي لايكلف الله نفسا إلا وسعها
    المفروض إن دي ناس بتناقش وتعدل وتوافق على اهم حاجة في حياتنا الدستور ومع إحترامي ليهم دي ناس لا ناقشت ولاعدلت ولكن وافقت وخلاص واكيد انت عارف هما مش عارفين وافقوا على ايه
    ده في التصويت وافقوا على طلب بإعادة النظر في المادة 76 بناء على طلب أحد اعصاء اليسار ووافقوا صمن هوجة الموافقة على التعديلالت لولا غن رئيس المنجلس نبهم إلا انهم بيوافقوا على طلب من المعارضة بإلغاء التعديلات على احدى المواد المراد تعديلها فرجعوا وماوافقوش وقالهم رئيس المنجلس صحصحوا كده معانا
    ياسيدي دول ناس طيبين على العين والراس يشتغلوا في اللي يعرفوه ماكفاية عليهم يكونوا عمد ومشايخ ويسيبوا الدور ده لواحد برده من اهل بلدتهم فاهم وواعي للدور الرقابي والتشريعي للعضو
    إحنا مش مأخرنا إلا النوعية دي اللي بتفك الخط بالعافية وفي الآخر دول يمثلونا جوه المجلس بأه ده كلام
    واضح كمان إني باشير للبند الغير دستوري بتاع خمسين في المية فلاحين وعمال
    أخدنا منهم إيه إلا الموافقة والطبل والزمر
    وياسيدي لاعايزين سناتورات من بره ولا حاجة عايزين ناس بتفهم صعبة دي ، مش ناس معاها محو الأمية
    لو كانت النوعية دي زي عبد العليم ولا جمال زهران ولا كمال احمد ولا الكتاتني ولا من نوعية رحمة الله عليه الوفدي ممتاز نصار مش كان المجلس هايكون له شكل تاني
    أما بأه إن الصدف خلت الصور المتاحة لناس صعايدة وحضرتك صعيدي ، فده مش سبب وجيه للإعتراض ، لو عندي صور من الفلاحين وانا فلاح من المنصورة كنت وضعتها
    وأرجع اقولها تاني أيوه هي دي الأشكال اللي مررت التعديلات بإسمنا وافهمها كما ترى

    ReplyDelete
  33. سلامو عليكووووووووووووو

    أزيك يا شادى

    عايز اقولك على حاجة

    على ما اظن وضع الصور كان الغرض منه السخرية من تسخير الحكومة لنواب من الشعب كلنا عارفين هم كسبوا الانتخابات ازاى اساسا

    يعنى من الاخر مش علشان واحد وزع توب قماش ولا دفع خمسين جند يقف يناقش الدستور
    الناس دى جاية علشان تقول نعم ملهومش اى دور تانى

    و ما اظنش ان أستاذ شقير بيتريق لانه اساسا راجل اصله فلاح زينا كلنا يعنى

    ReplyDelete
  34. والله يا احمد باشا منا عارف اقولك ايه انا موت على روحى من الضحك فعلاً على راى مفيد فوزى ولاونى مبحبوش الصورة بالف كلمة

    ReplyDelete
  35. أيون طبعاً

    مش احنا غيرنا كل حاجة في الدستور و يبنا البند بتاع 50% جهلة ونصابين ؟؟؟

    قصدي 50% عمال وفلاحين

    بس برضة في الأخر هيه هيه ما أحنا اللي سيبنا شوية جهلة و بصمجية و اغبياء يمثلوا رأي الشعب و يدرسوا استراتيجيات و مسيرة أمه و بلد

    تعرفوا انا زمان كنت باقول اية نسبة الأغبياء اللي بتطلع في الانتخابات ويقولك صوتهم باطل ومنهم اللي بيروح ويعلم عالمربعين

    كانت النسبة دي دايما واحد او واحد ونص في المائة ايام انتخابات السادات الشهيرة
    بتاعة نسب ال 99,9% بس دلوقتى استغرابي راح و فهمت ان فية ناس بتروح علشان تبطل صوتها لأنها ماتقدرش تقول لأ

    يارب توب علينا بقى

    تحياتي

    ReplyDelete
  36. كلمة أخيرة

    شعب مصر قال كلمتة

    "سمنة النخلتين سمنتة"


    مين بقى النخلتين

    ولا نخلة و أبنها

    ReplyDelete
  37. بص يا ابنى وياريت ماتضحكش من كلامى

    انت متحيز شوينين وزعلان كتيير من التعديلات

    بس انت مش عارف ان الصور دى مفهاش حد خالص من شمال مصر

    ولا اللى ربنا ادالهم عقول بس من الشمال

    ولا اقولك
    ان والله الناس اللى قدامك فـ الصوره
    بخلاف جلابيه ولاقمبص وبنطلون عقولهم
    توزن الف واحد من اللى لابسين بدل

    ولو التريقه علـ اللبس يبقى
    لوعشت ايام الرسول عليه الصلاه والسلام

    كنت حاتلبس ايه........؟!

    وعلى فكره انك ممكن تقول انا من الصعيد
    علشان كده بدافع عنهم
    لكن سبحان الله

    انا محمد محمود غزالى
    مصر..الداهر...

    ReplyDelete
  38. بالنسبه للنائب قاسم البحيرى اللى من مدينة اخميم ده حمار مش بيفهم حاجه خالص والله ودخل البرلمان بالصدفه البحته وبعد ما اهالى دائرة اخميم انتخبوه محدش شاف لا وشه ولا قفاه لانه راح يدور على الهبر من وضع يده على اراضى الدوله والتنقيب عن اثار فى المنيا والفيوم وكفايه انه يوم التعديلات الدستوريه وقف على دكة البرلمان وقال مدد يا دستور مدد وكانه فى مولد سيدى العبيط

    ReplyDelete