Saturday, September 01, 2007

أسوأ عشرين ديكتاتور


من هم أسوأ عشرين ديكتاتور

على مستوى العالم لعام 2007


إعتادت مجلة باراد الاميركية والتي توزع أكثر من إثنين وثلاثون مليون نسخة أن تنشر سنوياً قائمة بأسوأ عشرين ديكتاتورعلى مستوى العالم من أصل سبعين ديكتاتور ، وقد أشارت أن قائمة 2007 قد شهدت وجوها جديدة تدخل القائمة للمرة الأولى مثل الرئيس المصري حسني مبارك والرئيس الروسي فلاديمير بوتين وخرج منها الزعيم الكوبي فيدل كاسترو لتسليمه مقاليد السلطة لأخيه

إحتل القائمة للعام الثالث على التوالي بنجاح ساحق الرئيس السوداني عمر البشير بعد أن كان يحتل المركز السابع مذ أربع سنوات

إقشعر بدني عندما وجدت أن ربع القائمة يحتلها حكام عرب ، أربعين في المائة منهم ضمن العشر الأوائل ، وصابني الغم عندما وجدت زعيمنا ضمن القائمة فحقيقي مصر لاتستحق ذلك ، وتعجبت أن زعيمي الدولتين الوحيدتين في العالم اللتان تحملان في إسميهما الصفة الإسلامية بالقائمة وهما جمهورية باكستان الإسلامية وجمهورية إيران الإسلامية ، وفوجئت بإدراج إسم خادم الحرمين وإن كنت أعتقد أن المعنِي هو نظام الحكم وليس الحاكم فدائما ماتحتوي القائمة على إسم العاهل السعودي وذلك لوجهة نظر القائمين على التقييم في عدم وجود نظام برلماني منتخب بالمعنى المتداول والشرطة الدينية ، وأعتقد أنه الوحيد في القائمة المحبوب من شعبه
إعتمد التقييم على مصادر مثل هيئة أمينستي العالمية ، هيومان رايتس ووتش ، منظمة صحفيون بلا حدود ، فريدوم هاوس ، هيئة حماية الصحفيين


--------------------------------------

2006 Dictators List 2005 Dictators List

2004 Dictators List 2003 Dictators List

---------------------------------------


والآن هل تعتقد أن هناك أسماء يجب أن تضاف أو أسماء يجب أن تحذف أو أسماء يجب أن يعاد تعديل مواقعها
________________________

تحديث : إقرأ تدوينة قائمة 2008

31 comments:

  1. wow! in the rank 18!!!!!

    where he'd take us then?! to the top 5? hope he is aware that it's not a contest he'll be awarded of and Ahram and Akhbar being proud of such an achievement with headlines

    "Naga7 el Ra2ees Muhammed Hosni Mubarak bi Sadaret qa2met el dictatoreen bel 3alam, mo7qeqan engaz gadeed li mesr, fa misr mubarak" onzor baqy el khabar fi saf7et "wafyat masr"

    !!!!

    ReplyDelete
  2. على فكرة فيه كوسة يعني حسني المفروض يبأى الاول و بجدارة كمان يعني متفهمنيش ان الملك عبد الله المركز الخامس و هو 18 ازاي يعني ما هما لازم يحطو اعتبار برده لرأي الشعب في الحاكم ساعتها صدقني حسني هيتصدر اللايحة

    ReplyDelete
  3. والله بقي انا زعلان وتوتة عدها حق
    ازاى يدوله المركز ال18 هما عاوزين ايه تانى يعمله الراجل عشان يبقي ى المراكز الاولى المتقدمة

    يعنى تعذيب وبيعذب
    اعتقال وبيعتقل
    هبل وبيستهبل
    امريكان وبيصاحب
    اسرائيلين وبيطبع

    يعنى على رأى محمد صبحى لعبهم كل الالعاب
    يعنى ينيموا الراجل زعلان وهو على وش وفاة كده ..

    معلش بقي يشد حيله كده بس وهو هيبقي الاول .. ومن غير ميشده هو مشدود جاهز

    تحياتى وربنا يستر :]

    ReplyDelete
  4. كون ان المجلة اجنبيه فهذا يضايقنى حتى ولو كانوا على حق ، انا اشتم اخويا اه انما واحد غريب لا

    وكون ان المجلة امريكية فهذا يفقدها 50% من مصداقياتها لدى

    ولو نحينا كل ما سبق جانباً فأرى ان اختيارتهم العربيه والأسلامية والأفريقيه لا تخلوا من مؤامرة

    ReplyDelete
  5. أتفق مع الاخ الغالي محمد عبد الغفار في جزئيه عدم المصداقيه فالقائمه لا تحتوي علي مثلا
    جورج بوش وايهودد المرت و ساركوزي
    وهولاء رموز لابد ان تضاف

    ReplyDelete
  6. الحمد لله أحمد شقير مش في القائمة
    ولا عصفور
    بس القايمة منورة ياراجل مزهللة كدة تحس فيها بألفة

    ReplyDelete
  7. انا شايفه ان القائمه ينقصها سفاح خطير الرئيس بوش بس كده الجريدة الامريكيه اثبتت واكدت وجود الكوسه فى بلدهم يعنى مفيش لا ديمقراطيه ولا يحزنون صحيح اللى يشوف استفتاء غيره
    بس احنا دايما على طول كده متاخرين فى كل شىء حتى الريس فى اخر القايمه والله ده ظلم يا ناس بقى بعد العذاب ده كله فى الشعب ويوصل للمركز ده بس
    الاستفتاء ده مضروب ولازم يعاد

    ReplyDelete
  8. اخيرا خدنا مركز متقدم في حاجة
    :)
    ويريتها حاجة حلوة

    محمد سمير

    ReplyDelete
  9. سلام عليكم
    ازيك يا فندم
    مش عارفة ليه ضحكت لما شوف صورة القذافى وسطهم
    اصل فكرتى ان اهل ليبيا بيحبو الريس بتاعهم اوى
    لا والى يضحك انه رقم تسعة فى حين ان الريس بتاعنا رقم 18
    غريبة دى
    عامة اكيد فى ناس لازم تتحط اسمها اولهم بوش طبعا وربنا يستر
    سلام

    ReplyDelete
  10. استغرب من وضع خامنئي في المرتبة الثالثة
    برأيي أن النظام الإيراني مع سلبياته يبقى أفضل من كثير من الأنظمة اللي وضعت في القائمة في مواقع متأخرة

    ReplyDelete
  11. واضح ان الاختيارات يغلب عليها التوجهات الامريكية

    فالسودان تواجه ضغوط بسبب دارفور وكوريا الشمالية وايران باعتبارهما الضلعين الباقين من محور الشر المزعوم والصين لكونها العدو الاقتصادي الاول لامريكا..واختيار بوتين يضع علامات استفهام كبيرة حول مصداقية الاختيار...في ديكتاتور في الدنيا يرفض انه يرشح نفسه للرئاسة على الرغم من نصيحة رئيسنا له بتغيير الدستور حتى يستطيع ان يرشح نفسه!؟..دة يبقى ديكتاتور اهبل قوي ومالوش في الدكتاتورية وبهدلة الشعوب :D

    من وجهة نظري جورج بوش يجب ان يكون في المرتبة الاولى بلا منازع..او على الاقل يكون له وجود في القائمة...كم قرار خرج من الكونجرس يدعو للانسحاب من العراق ولم ينفذ بسبب اعتراض الرئيس
    كم مظاهرة خرجت تدعوه للانسحاب وولا مظاهرة خرجت تؤيد الاحتلال و مع ذلك لا يزال يؤيد البقاء هناك

    ReplyDelete
  12. ترتيب جامد
    مشكور جدا أستاذ عصفور

    ReplyDelete
  13. انا مش مقتنعه بالكلام ده المجله اميركيه و لازم تتطلع في الدول المستهدفه كل شيء سيء انا عايزه اعرف ماوضعوش بوش ليه
    هي الاشخاص تحمل بعض الحقيقه بس ياريت البيته من الزجاج لا يرمي الناس
    انا و اخويا علي ابن عمي و انا وابن عمي علي الغريب
    ده احساسي

    ReplyDelete
  14. مهما حاولت المنظمات التى تدعى الحياد او انتحال النزاهة والمصداقية بعيدا عن تأثير دوائر المخابرات الغربية
    فأنها تفشل دائما فى اخفاء دورها فى منظومة البروباجندا الغربية لتسويق مشاريع الغرب التى لم تتغير منذ
    عصور الاستعمار الاولى وحتى الان والتى تتلخص فى الشعار الازلى لكل الافاقين والمغامرين من فاسكو دى
    جاما بتاع راس الرجاء الصالح والذى احرق مراكب الحجاج فى بحر العرب وحتى جورج بوش لص بغداد مرورا
    بنورمان شوارسكوف محرر الكويت
    تاك زير مونى اند كيك زير اس

    هذة هى كلمة السر المحركة لكل الانشطة والسياسات ودستور الكارتلات المتحكمة فى انظمة العرائس الغربية
    من اول ساكن البيت الابيض وحتى ساكن بالاتسو كيجي فى روما
    فهذا التقرير ينبغى النظر الية فى سياق الحملة من اجل زغزغة الحكام ليس اكثر فقد جمع الروسى على الكورى
    ووضع بينهم الباكستانى (الذى لم يكن يستطع ان يمارس مهام عملة لمدة ساعة واحدة الا بعد مباركة واشنطن
    لانقلابة ان لم تكن هى التى ساعدتة على الانقلاب
    ) ومن لم نسمع عنهم ابدا من مغامير مجاهل افريقيا ولا اظنهم
    تم حشرهم وسط المقصودين من الرؤساء الا من اجل اضفاء صفة العمومية والشمولية على القائمة
    فحسنى مبارك مثلا يعتبر افضل الحلول الامريكية لمصر لمدة خمسة وعشرين عاما وغالبا يمثل جمال مبارك
    الجوكر للادارة الامريكية لسد الفراغ الناتج عن غياب حسنى مبارك المتوقع خلال شهر
    (شوفت الادارة الامريكية
    خايبة لدرجة اية؟)
    ولا يفرق كثيرا عبداللة بتاع السعودية عن عبداللة بتاع الاردن فلم يشفع كثيرا لبتاع السعودية صفقة اليمامة
    التى بمقتضاها اشترى بتاع السعودية حاجات مش حيعرف يستخدمها لوحدة من امريكا فقط من اجل ان ينال الرضا
    السامى من بوش وابتسامة من الساحرة كونداليزا (الناس دى ممكن تهيج على اشياء من عينة كونداليزا )
    اما روبرت موجابى فكان حلو وكويس لغاية ما لَسع وامم مزارع البيض التى يديرها اصحابها بمنطق الادارة
    العنصرية السابقة فى جوهانسبرج حتى ان اصحاب المزارع قاموا بتوظيف الضباط االسابقين فى جهاز الامن
    للسيطرة على الفلاحين السود فى روديسيا سابقا فاستحق ان يوضع فى القائمة من اجل هذا وليس من اجل سواد
    عيون جوشوا نوكومو طبعا
    ويغيب عن القائمة اسماء من عينة نورى المالكى الذى يدير نظام عشائرى طائفى هو الاقذر والاوسخ فى العراق
    وبمساعدة مباشرة من واشنطن وبدعم عسكرى لم يسبق لة مثيل ممن يدعون نشر الحرية والديمقراطية وغيرها
    من السخافات التى يختبىء خلفها العنصريين الجدد واللصوص فى احط صورهم
    رئيس اخر يبدو انة يعيش خارج اطار التاريخ يستحق لوحدة جائزة تخصص باسمة فقد فاق قراقوش الذى منع الملوخية فقام هو باختراع مبدا التنسيق الجغرافى للمصلين يعنى سعادتك مسجل فى جامع السيدة زينب مثلا ما تقدرش تصلى العصر فى الحسين ولا عزاء لعبد المطلب الذى نحتفل بذكرى وفاتة يوم احراق اليهود للمسجد الاقصى انة زين العابدين بن على شوفت الاسامى بتخدع ازاى يا ابو حميد اين تاة هذا العبيط عن تلك القائمة
    وماذا عن زائير موطن موبوتو سيسي سيكو_كنت باتكسف انطق اسمة وانا صغير_ التى يدير الرئيس الامريكى كارتر جيش خاص فيها لحماية استثماراتة فى مناجم اقليم كاتنجا بمساعدة السلطات المحلية هناك وترتكب المذابح بواسطة قوات بلاك ووتر
    كل هذا يثير الشك فى مصداقية تلق القوائم ويضعها ال جانب اخواتها من القوائم الدح والكخ
    فالرئيس انور السادات نال جائزة اشيك راجل فى العالم سنة تسعة وسبعين بعد اتفاقيات كامب ديفيد وسوزان مبارك نالت جائزة ست الستات من كام شهرواللة اعلم كان بسبب اية بالظبط_اكيد الموضوع مالوش دعوة بزيارة رئيس نوادى الليونيز الى القاهرة

    ReplyDelete
  15. they ranked khamn2y the third as he hanged a man charged with homosexuality!!!!

    ReplyDelete
  16. يعنى مبارك كان ال18 و اول مرة يدخلها
    هم الناس دى كانت فين طول السنين الى فاتت
    ده دى اكتر حاجه تفقدهم مصدقيتهم اساسا
    و سلملى على الديموقراطيه!

    بجد ندعو من الله ان مبارك مياخدش باله ويحب يزود من شعبيته و يزيد علينا احنا خراب الديار قولوا امين!

    ReplyDelete
  17. السلام عليكم ورحمة الله وبركاته


    فين بوش وبلير

    كووووووووووووووسه

    ----------------------

    كل سنة وحضرتك طيب يا استاذ احمد

    ReplyDelete
  18. Guys they said dictators, not mass murders or the infintely stupid, therefore bush, barak or blair should not be on the list

    a dictator by definition is a ruler who weilds absolute authority and uses that authority against his own people

    think about the list again in that light

    while all media is biased towards some direction, in this particular case they were concerned with dictators not bad presidents or policy makers.

    cheers :)

    ReplyDelete

  19. كنت حزعل قوي لو كان طلع الاول او التاني الراجل مش وحش قوي برضو

    وكمان كنت حزعل قوي لو مطلعشي خالص في الليستة الراجل يعين منتخب

    :))

    تحياتي لك من مانساس البلد

    ReplyDelete
  20. الغالى بالأوى شوكير
    بعد السلام و الأشواق
    بقولك ايه يا غالى : مفيش حاجة اسمها حاكم دكتاتور .. لكن فيه حاجة اسمها شعب خرفان-جمع خروف- و نعاج - جمع نعجة - عرفت كيف؟
    يعنى ازاى مثلا شخص واحد : بنى آدم زينا كده : عرقة تنتنه و بقة تؤرقة و شرقة تقتله يصل الى مرحلة : "الدكتاتورية" و التحكم فى المصائر الا اذا تدلدلت له الرقاب طواعية - ابحث عن الشعوب المحكومة بهؤلاء الدكتاتورات -صح الجمع ولا ايه؟ - و اعرف اين العلة - فلا واحد من المذكورين أعلاه يستطيع أن يمارس ما يمارس على شعوب ناضجة أخرى .. فنحن من نستحق العقاب وليس الرثاء .. فلم نتعلم قط أن نحفظ كرامتنا .. بل فقط نجيد فن الدلدلة و الطرمخة و تصدير القفا .. هذا عزيزى ما نتعلمة من مراحل التعليم الأولية .. نتعامل مع بعابيع : مدرسة الروضة - حضرة الناظر - الأب فى البيت - الزوج - الأستاذ فى الجامعة - مدير المصلحة .... أجدنا فن الخوف بل و رضعناه من أثداء أمهاتنا
    و الله أنا لا أعيب على أيا من هؤلاء الدكتاتورات .. بل العيب فينا -
    قطيعة

    ReplyDelete
  21. يسرني ان اتقدم بخالص التهاني وأطيب التمنيات
    لكم والأسرة الكريمة والأصدقاء
    بمناسبة حلول شهر رمضان المبارك ،
    أعاده الله علينا وعليكم وعلى مصرنا الحبيبة
    بالخير واليمن والبركات
    تقبل الله وكل عام وانتم بخير

    ReplyDelete
  22. نسيوا اهم واحد بوش ولا هي كزسه

    ReplyDelete
  23. مش فاهم إذاي الناس عايزه بوش ف اللستة؟
    دا واحد منتخب ف إنتخابات بجد
    واللستة دي بتاعت الناس الدكتاتوريين
    قولولي إذاي بوش ديكتاتور؟

    ولا اللي قالك ساراكوزي
    ساراكوزي اللي الفرنسويين إنتخبوه ف واحدة من أحلي الإنتخابات اللي حصلت ف العالم

    حاجة تحزن لما نشوف مصر ف قايمة زي دي
    بس الوضع فعلا زفت

    تحياتي

    ReplyDelete
  24. في البداية أود أن أوضح نقطة هامة أشار إليها كريم وإليان في تعليقهما على كثير من التعليقات وهو تعريف الديكتاتورية

    الديكتاتورية : هو حكم الفرد الواحد المستبد المطلق الذي يجمع جميع مقاليد السلطة في يده وينحي القاتون جانبا او يعدل القانون بما يمنحه جميع السلطات أو يتحايل عليه ويعمل من خلال تلك السلطة على قهر وقمع شعبه وإلغاء الرأي الآخر عن طريق التخلص منه أو رهنه قيد المعتقلات ويستخدم في ذلك بعض التشريعات القانونية التي تهيئ له حكمه الإستبدادي ويعزز حكمه بالسيطرة العسكرية أو قوات خاصة تابعة له
    وبالتالي جورج بوش وساركوزي وبلير وحتى إيهود أولمرت لايندرجوا تحت بند الديكتاتورين ، قد يندرجوا تحت الحكام الأسوأ من وجهة نظرنا أو من وجهة نظر الآخرين ولكن يظلوا بعيدا عن تصنيفهم ديكتاتوريين


    Epitaph
    المشكلة أن يتقدم في الترتيب فحى لو كان لتقرير منحاز ولكنه سوف يعبر بطريق أو بآخر أن الاوضاع من سيئ إلى أسوأ .. توب فايف حرام عليكي

    توتة توتة
    أعتقد ان رأي الشعوب مهم في التقييم وقد أشرت لذلك في تعليقي على المركز الخامس

    Islamz
    ماذكرته فعلا هي المقاييس الأساسية للديكتاتور ولكن يؤحذ في الإعتبار أيضا مدة الحكم وكيفية الوصول للحكم وعدد من يحكمهم والمساحة التي يحكمها .. وربنا يستر

    Mohamed a. ghaffar
    نقطة مهمة أن التقرير من مجلة اميركية ولكن منذ متى ونحن نستطيع أن نصدر مثل تلك القوائم وعلى أي منظمات ودراسات سوف يصدر مثل هذا التقرير .. لاتقل لي منظمة حقوق الإنسان المصرية الرسمية والتي يرأسها بطرس غالي فهي منظمة لم نشعر بها في اي من مما يتعلق بحقوق الإنسان

    محمد مفيد
    نقطة ذكر أسماء مثل بوش واولمرت اوضحتها من وجهة نظري انهم من يمكن اعتبارهم من الحكام الأسوأ وليس الحاكم الديكتاتور

    عصفور المدينة
    هههه .. خوفي اكون أنا اللي في قائمة تانية

    Lamada
    والله هو ظلم لو كان في ذيل القائمة او قمة القائمة او حت خارجها . في جميع الأحوال هو ظلم لانرضاه لمصرنا

    غمض عينيك
    هو إحنا كده ماناخدش مراكز متقدمة إلا في أمور متأخرة

    البنت الشلبية
    القذافي منور القايمة منذ أن أنشئت ، ولكني لاحظت ان مصر محاطة بكل الديكتاتورين ليبيا من الغرب والسودان من الجنوب وسوريا والسعودية من الشرق ومافيش غير البحر في الشمال ، فعلا موقعنا إستراتيجي

    ماشي صح
    اكيد التأثير الاميركي واضح على تحديد القائمة وبالفعل القائمة تحتاج لتعديل في الترتيب ، سعيد بوجودك معانا بعد غيبة

    واحد زهقان - Mavel
    تحليلك صح من ناحية ترتيب دول محور الشر بالغضافة للسودان ولكن لاتنسى ان القائمة تشمل دول صديقة مثل مصر وباكستان والسعودية ، وبالفعل وضع بوتين غريب إذا رفض ان يترشح مرة ثالثة طبقا للدستور

    عصفور بلا أجنحة
    والله الترتيب واضح إن فيه خلاف

    دنيا محيراني
    بالنسبة لوضع بوش اوضحت رؤيتي الشخصية في بداية التعليق

    أدهم
    تحليل رائع يظهر معلومات عالية استطعت ان تفند فيه إلى حد كبير اسباب وضع معظم الشخصيات في القائمة من وجهة النظر الغربية والأميريكة ، واتفق معك في إمكانية وضع نوري المالكي في القائمة وخصوصا ان تحت السطح كثير من حكمه وسجونه سوف يحكي التاريخ يوما ما عنه ، وكفاية كده واترك القارئيين يستمتعوا بتعليقك

    Esper
    الحقيقة ماعنديش فكرة عن إعدام شخص في إيران بتهمة الشذوذ الجنسي ولكن التقييد الديني بلاشك احد اسباب الوضع السيئ لإيران من وجهة نظر من شارك في وضع القائمة

    Manora
    بالفعل مصر اول مرة تدخل القائمة وندعو ربنا ان تستعيد عافيتها وتخرج منها بسرعة وبلاش مراكز متقدمة في قوائم سيئة بهذا الشكل

    خمسة فضفضة
    كل سنة وانتي طيبة ، وضع بوش وبلير قلت رأي فيه في بداية التعليق وسعيد بزيارتك

    Kareemfromegypt
    ماقد اوضحته كنت اود توضيحه من البداية ولكني افضل دائما عدم التدخل في التعليقات إلا في النهاية وقد أوضحت وجهة نظرك كاملة في البداية .. شكرا لمداخلتك الثرية

    The groom
    والله هو امر محزن في جميع الاحوال سواء في الاول او في الآخر او خارج القائمة حتى ، ولكن رايك هام وأنت تعيش في بلاد العم سام صاحبة القائمة

    تمر حنة
    نقطة مهمة جدا أن جزء من ديكتاتورية الحاكم تنبع من سلبية المحكومين الذين سمحوا لأنفسهم ان يحكموا بهذه الطريقة وقد فندها كثير من الباحثين في الديكتاتورية ودور الشعوب في ظهورها وجلد الذات في تلك الحالة ليست طريقة سيئة ومغالطة بالعكس فيها كثير من الصحة .. ومعاكي العيب فينا مش في حبايبنا

    يامصر أكتب ليكي رسايلي
    رمضان كريم وكل سنة وانت طيب

    Emy
    موضوع بوش ينفع يكون في قائمة أسوأ الحكام

    The alien
    بالفعل حاجة تحزن وجودنا في القائمة واتفق معك في توضيح الحاكم السيئ من الحاكم الديكتاتور


    تحياتي للجميع

    ReplyDelete
  25. بص بصراحه يا ابوحميد

    انا مش محتاج ان اعرف من مجله امريكيه مين اللى بيحكمنا لان الموضوع اكيد فى كوسه زى ما انت عارف

    يعنى مثلا مطلعين ملك السعوديه قبل الريس بزمتك دا اسمه كلام بلا نيله
    أساسا الريس المفروض يحتل المراكز الاولى من القائمه !!!

    ReplyDelete
  26. أتمنى أعيش واشوفه ألأول ...الراجل يا جماعة يستحقها عن جدارة..وحزنى أن أرى الملك عبدالله ..وهو المحبوب من شعبه..فى نفس القائمة .زبل ويسبق..."رائدنا " العظيم...

    ReplyDelete

  27. رأيي ان تلاتيب الاوائل هوا

    هوا فيه واحد كان يستاهل المركز الاول عن جدارو بس يا خسارة مات من كام شهر هوا صابر نيازوف بتاع تركمنستان المعقد نفسيا

    1-بتاع كوريا عبادة الرئيس

    2-بتاع ميانمار تطهير عرقي زي اللي حصل في كمبوديا

    3-فلاديمير مثال مصغر لستالين

    4-كاريموف ده لوحده حكايه

    5-بشار نفاق نفاق نفاق

    6-قذافي عبط علي هبل بس بقسوة

    7-مبارك الي حد ما لا يستطيع مجارة اتللي اللي سبقوه في الترتيب

    8-متشرف هوا لو فيه قائمة باهم عميل يبقي دا الاول

    علي فكرة الترتيب مقصود به ترتيب الشخصيات الديكتاتورية مش الانظمة الاستعمارية

    ReplyDelete

  28. باقي الشخصيات معرفش عنها حاجة فعشان كده متخلتهاش

    فيه واحد رد رد غريب بيقول ان الخامنئي حطوه التالت عشان موت واحد شاذ يا سلام لو ثقافة شايفه ان الشواذ لازم يتقتلوا عشان ما يلوثوش المجتمع يبقي الراجل ايه زنبه

    اساسا ايران الدوله الوحيده في المنطقة اللي نظامها الي حدا ما ديموقراطي هيا وتلاكيا

    ReplyDelete
  29. للامانه الكل ينحط وكل شخص منهم اللي يعرفه اكثر شعبه بعيدا عن الصور الخلابه واضيف كل حكام العالم حتى الكويس حطه وخلي القائمه تبقى كامله اما مين سبعه ومين عشره للامانه كله محصل بعضه العالم في انحدار ( بالذات السياسه )والشعور بالاخر قليل قليل قليل والقيامه ح تقوم على اشر الناس ترى في مصر ناس بتحب حسنى وتموت فيه مين هم ؟ اللي مستفيدين من وجوده واغتنوا في عهده وقيس على ذلك في كل الدول العربيه او دول الرباطيه نظام علي بابا والاربعين حرامي اما بقى النظام الامريكي فحدث ولا حرج قتلوا ولادهم عشان شوية بترول في العراق لا عندهم عزيز ولا غالي ..القلب مليان تنكشه ليه ...البلدان جنه والذكريات فيها حلوه ولو كانت مره ..لكن الحكومات لا يهمها مين موهوب ولا مين ظلم مات

    ReplyDelete
  30. انا مش عارفه همه عاوزين ايه من الراجل
    دا حوسنىى غلبان اوى يا جدعان
    هيعمل ايه علاشنكو اكتر من كده يعنى
    يطلع من هدومو
    سايب كل واحد فى حاله
    والبلد فُل واليسطه
    وكل واحد فيها ماشى سلانسيه
    والمخدرات عينى عينك كدا
    والكباريهات مفتوحه حتى فى رمضان
    يعنى حريه مفيش بعد كده
    دكتاطور ايه بس
    ربنا يديلو الصحه
    عمار يا مسر

    ReplyDelete
  31. طبعا

    الملك عبدالله السعودي
    هو حد طااااايل يكون مثل

    شعبه ؟
    كل الفضائيات الممتازه سعوديه
    اخباريه وفتزياتيه

    الشعب السعودي منتشر على

    كل محطة اطر في العالم

    ازا وقف القار لااااازم

    بيششششششششششششيل سعودي

    ترزي بس واسكتي عن

    حكام الخليجين كلهم
    بلا حقد وبلا كزب

    شششششوفي هم بؤوا فين
    وحنا فين ؟
    واسالي نفسك دخل ثالث
    دوله بالعام من البترول
    الليبي وداه الحمار القذافي
    فييين

    الشعب اللليبي في طوابير
    الخبز كاذباب من الجووووع

    سسسسسسسسسسسسسسلام

    ReplyDelete