Thursday, December 06, 2007

تهييس


تهييس



Tahyees



قالت لي زوجتي يوما ما : تصدق ياأحمد فيه واحدة صاحبتي رفضت عريس جالها وكان كويس جدا
أنا : ورفضته ليه ؟
ردت وهي تضحك : تصدق عشان بيقول على الكركديه .. كركريه
أنا بجدية وبعد فترة صمت : عندها حق ..يمكن لو كان قال عنّاب كان أرحم


***********************


دسوقي السيد على ده أمين مخزن وعنده سبعة وتلاتين سنة كسب فلوس كتيرة مُلة عشان جاوب على السؤال بتاع حاجة في الشارع وليها أربع عجلات .. وقال عربية سباق .. إنشغلت كثيرا بإجابة دسوقي السيد على وليه لم يكتفي بإنه يقول عربية .. النتيجة اللي وصلتلها فلسفية جدا تعبر عن صفات خاصة جدا نتميز بها نحن المصريين

ملحوظة للتوضيح على بعض التعليقات
دسوقي السيد على ده إعلان عن قناة ميلودي تريكس بيجي على كل قنوات ميلودي


***********************


صديق تعرفت عليه مؤخرا عمره تلاتة وخمسين سنة خالي عمل بعد ما إستغنى عنه كفيله .. صديقي هذا أصبحت لديه الجرأة أنه يدخل أي مكان يسأل على أي عمل بعدما فلوسه قربت تخلص .. بمظهره المهيب ولبسه الأنيق دخل بنك وبكل جدية وتأفف سأل الموظف فين مدير البنك .. سرعان ماأخذه إثنان من الموظفين على غرفة مدير البنك الذي ما أن رآه حتى هب واقفا وإستأذن من كان معه من المديرين .. وبعد أن إستقبله المدير وقام من على مكتبه وجلس على الكرسي المقابل له قال له صديقي : أبغى شغل
خر مدير البنك على قدميه ضاحكا لم يستطع أن يتماسك وهو يظنه أحد المودعين الكبار أصحاب الملايين ورفض أن يدعه يخرج قبل أن يتناول قهوته وأصر على أن يجلس مع صديقي أطول وقت ممكن .. وهكذا مازالت روح الدعابة في أصعب المواقف تجد طريقها


***********************

قال لي صديقي : ماهو مش معقول كل واحد حَفظ "قل أعوذ برب الفلق" يقعد ينصح ويفتي وده حلال وده حرام وهو لو سألته يعني إيه "ومن شر غاسق إذا وقب" مش هايعرف يقولك معناها
قلتله : والله عندك حق
وفي المساء تسللت إلى الكومبيوتر أعمل بحث علي تفاسير القرآن الكريم


***********************


رسالة تلقيتها من زوجتي تقول إن واحد بيقول لأخوها أنا باخد كورسات في البريتش كانسر


***********************


إحدى الصديقات العزيزات أرسلت لي تهنئني على ماأكتبه من تدوينات ، سعدت بإيميلها ثم طلبت منها رأيها في تدوينات نضارة شمس ، أرسلت لي قائلة بالنسبه لنظاره فعجبتنى جدا ومش هقول أكتر من كده .. أنا بدخلها لما أكون بحب أضحك من حاجه مضيقانى
أعتقد أنها كانت تقصد مدونة صور طريفة


***********************


وهذه تهييسة لا أجد لها تفسيراً .. شاهدت مبارة الدور قبل النهائي لكأس الامم الإفريقية السابقة بين مصر والسنغال مع محمد صاحبي في أحد المقاهي ، وقبل بداية المبارة حصلت حاجة غريبة أوي .. كانت الأعصاب بايظة وماعرفش إيه اللي خلاني قربت من محمد وقلتله على فكرة إحنا هانجيب جون في الدقيقة خمسة وتلاتين من الشوط الأول .. نظر لي محمد شذراً قائلا : وإشمعنى يعني الدقيقة خمسة وتلاتين ؟ رددت عليه : ماعرفش ! هو كده إسمع الكلام وبس ... في الدقيقة خمسة وتلاتين أحرز أحمد حسن هدف مصر الأول من ضربة جزاء .. كان الكل بيتنطط ونظرت لمحمد وجدته ينظر نحوي مذهولاً .. وبالأمانة أنا كمان


***********************

على المقهى هنا في جدة .. سألت صديقي القادم تواً من مصر عن آخر الأحوال في مصر .. شد نفساً عميقاً من حجر السلوم وأخذ ينفثه ماداً شفته السفلي وهو يقول لي .. البلد بتتحرك .. ولم ينسى صديقي أن يصدر صوتا أبيحاً وهو يحاول أن يأخذ النفس التالي

***********************

43 comments:

  1. البريتش كانسر

    :D D D D

    --------

    رجاء بعيدا عن موضوع البوست ... ممكن أغنية حمادة عزو دى تبطل تشتغل كل ما افتح المدونة يعنى خليها تشتغل لما حد يدوس PLAY بس

    أحسن خلاااص بقيت بنام أحلم بيها وتعملى كوابيس :D

    ReplyDelete
  2. جميله حكاوي آخر الليل دي


    عجبني موقف الكركريه
    وسورة الفلق

    سعيد بمعرفة مدونتك
    تقبل تحياتي

    ReplyDelete
  3. ده مش تهييس دي أغلبها حكم رائعة

    ReplyDelete
  4. في الدقيقة خمسة وتلاتين أحرز أحمد حسن هدف مصر الأول من ضربة جزاء .. كان الكل بيتنطط ونظرت لمحمد وجدته ينظر نحوي مذهولاً .. وبالأمانة أنا كمان
    !!!!!!!!!!
    أنا بأه مش مذهولة

    هبـــة

    ReplyDelete
  5. ههههههههههه
    انا فعلا مخدتش بالى الا بعد ما دوست ارسال
    بس قلت والله ما انا مغيراها عشان تعرف الطب والامتحانات عملوا فينا ايه وتعذرنى
    هههههههه

    ReplyDelete
  6. الله عليك يا احمد
    وعندي ليك واحد كركريه
    :)
    ياعم كنت اتفرجت علي ماتش الاهلي والمجم الساحلي وقلت ان العرجون هيموت في الدقيه 10 من الشوط الثاني
    كنا خدنا الكاس

    بوست اضحكني من قلبي جدا
    دمت بخير

    ReplyDelete
  7. ده احلى تهييس فى الدنيا
    :D
    بموت انا فى التدوينات المتنوعة دى اللى دمها خفيف
    كركريه؟ ما بيقولش على الجوافة دوافة يعنى؟
    :D
    وعجبنى اوى البريتش كانسر
    :D

    تحياتى ليك يا فندم
    :)))
    عايز اعرف اجابتى على صورة المشاهير صح ولا لاااا
    عايز اتشهر بقى يا نااااااس
    :D

    ReplyDelete
  8. looooooooooool @ british cancer

    :D LOL

    I have like a comment for each an every "tahyeesa" then I said..I'd suffice with a smile..and wishing you a great time..for I did enjoy your post a lot in fact :)))

    ReplyDelete
  9. طيب لو كركديه سخن يقول ايه؟؟؟

    ايه كتير مله ديه؟؟ و واجعين دمغنا
    بلغه الشباب

    و الله قلبه جامد و برافو عليه

    فى موضوع الفتاوي ديه بالم نفسي الحقيقه و بامسك لسانى

    يا ساتر

    عندها حق
    هو كتر مدونات و خلاص
    حاجه تلخبط

    بتحصل بجد
    اوقات كتيره باخاف من نفسي

    ايه حجر السلوم ده؟؟
    غير النرد؟؟؟
    ازاي يعني؟؟؟

    و الله العظيم مش متخيل باضحك ازاي دلوقت
    بوست مسخره ( ديه كلمه اعجاب مش حاجه وحشه)

    ReplyDelete
  10. السلام عليكم ورحمة الله وبركاته

    ههههههه
    لا حلوه

    هي حكاية دسوقي السيد علي دي حقيقية ولا برضو تهييس

    ReplyDelete
  11. بصراحة مش عارف أعلق من كتر الضحك خاصة على الزبون بتاع البلد بتتحرك وشكله وهو بيقولها.. المنظر على بعضه بقهوة جدة والشيشة اللي خرطومها زى خرطوم عربية مطافى. مش عارف الناس بتسحب منها إزاى

    ReplyDelete

  12. بوست كتير حلو عنجد
    الموضوعات الي من هالنوع كملاحظات متفرقة بيكون احلى حاجة

    خليني اعلق على قصة الكركريه .. ههه انا بسميه كدة بردو بس كدلع يعني .. بس اعرف ان اسمه الاصلي كركديه محدش يضرب نار هههه

    اسمححلي اقول ان الست دي اكيد مخبية اسباب تانية .. لا يمكن يكون هو السبب الوحيد :)

    ضحكت مطولا على موقف صاحبك الخالي شغل ..
    وازبهليت تماما بعد قراءة موقفك في المباراة :))

    وكل سنة وانت طيب (متأخرة شويتين تلاتة)

    تحياتي :)

    ReplyDelete
  13. طب تعرف حاجة على حاكية الكركدية والعناب..
    انا عارف الكركدية طول عمري بحكم عيشتي برة مع اهلي عندكم بس مش في جدة..
    :D
    بس مكنتش اعرف العناب دة اية
    :D:D
    ولما جيت مصر علشان الكلية..وانا قاعد على القهوة مع زميلي قلت عايز عناب..نفسي اشوف العناب دة ..أعرف شكلوة بس ..بعد مادقتوة قلت اية دة كركدية
    ::$
    طبعا كان موقف بايخ..
    الراجل معذور يا جدعان الراجل متربي في احراش الصعيد
    :D

    تحياتي..اعجبتني مدونتك

    ReplyDelete
  14. اكيد تعرف المثل اللى بيقول (هم يضحك وهم يبكى) ضحكت كغيرى ولكنى شعرت ببعض المرارة وانا اقرأ فقرتى الاصدقاء(ربما اكون مخطئة وربما...؟ صحح لى
    عموما كعادتك دائما رائع
    تحياتى

    ReplyDelete
  15. انا كنت عايزة حد يضحكني كدا

    شكرا

    ReplyDelete
  16. اولا عندها حق الست ترفض عريس الكركريه ، ماهو ياريته حايقول كركريه ويسكت لأ دي مقدمه لحاجات تانيه كتيره ، يعني مثلا حايقول لها علي التذاكر دازاكر ،وعلي البنطلون منطلون ، وعلي المهندس مهندز ، وعلي الباسبورت البازابورت ،وياسلام لو أسمها فاطمه حايقول لها فطنه يعني من الأخر حايشل الست فكويس انها رفضت ،
    ==========================
    اما دسوقي السيد علي فهو نموذج عادي وأعتيادي لطبيعه الشخصيه المصريه المحبه
    للفهلوه والفكاكه ودين أم الأفتاءات
    =============================
    اما خالي العمل الذي تحول موقفه الصعب الي نكته ، فهو نموذج للمثل القائل شر البليه مايضحك
    ===============================
    اما تفسير من شر غاسق اذا وقب ، فمعظمنا هكذا ، لكن ازاي ؟ لازم نعمل نفسنا عارفين ونفتي كمان
    ===================================
    البريتش كانسر ، مايمكن هي اللي باعته الرساله غلط
    وبعدين أيه المشكله الي بيروح بريتش كانسر والا البريتش كاونسل، هو لامؤاخذه بيقبضوا عليه
    ==================================
    هي لاتقصد دي ولا ديه ، وكثير من التعليقات علي البوستات أصحابها لايقرأون البوست ، بل يعتبرون تعليقهم شر لابد منه مجرد أعلان لم
    مدونته أو أثبات مرور زي مايكون بيمضي في دفتر التشريفات
    ==================================
    تهيسه الماتش دي عاديه وفي اطارها مثل مصري بيقول تيجي مع العور طابات ============================

    أخر البوست نهيته بالأسكندراني
    وكان غايه في الروعه ، لخصت أحوال البلد في نفس سلوم وشخره
    ===========================
    بالتأكيد أستمتعت بالبوست كثيرا ، فقد جمعت عده قضايا وقمت بتبسيطها بشكل كبير ، ولم يخلو الأمر من تغليفها في أسلوب ساخر وجميل
    ===========================
    هكذا أنت دائما يا أحمد مبدع فنان

    ReplyDelete
  17. مشكلة انت يا أبو حميد
    دائما تأتي بالجديد الجديد
    انت خلتني كأني قاعد متفرج على مسرحية من عدو فصول وكل فصل من حلاوته بتشوق اشوف الفصل اللي بعد أقصد التهييسة اللي بعدها

    على فكرة فين البوست اللي مقتبساه العزيزة مكسوفة منك
    قرأته عندها وكان شيق جدا وهو خاص بتسأولات كثيرة عن الحب
    أحببت أطالعه عندك وأشوف ايه الفرق وايه الإضافات
    امتعتنا وشكراً

    ReplyDelete
  18. صباح التهييس و الدماغ العالية
    :)))
    عليا النعمة انت راجل زى الفل و ما يتبعش من قعدتك

    خالص تحياتى

    هش

    ReplyDelete
  19. انا كمان مع هشام فى رايه

    عليا النعمة انت راجل زى الفل و ما يتبعش من قعدتك

    تحياتى

    ReplyDelete
  20. يخرب عقلك

    والله هاموت م الضحك

    شكرا عشان احتفاءك بيا وانك حطتني في بوست اوف داي لتاني مرة


    ربنا يخليك وترسم ضحكتنا دايما يا شقير

    ReplyDelete
  21. ههههههههههههههههه

    انا بجد مفزوعة

    من الحال اللي وصلنا ليه

    هم يضحك و هم يبكي


    شكرا استاذ أحمد

    بجد مدونة رائعة

    ReplyDelete
  22. احلى تهييسه يا استاذنا

    ReplyDelete
  23. دي حقيقة مش تهييس

    صحيح .. جبت تفسير الآية منين ؟؟

    ReplyDelete
  24. كل موقف منهم لوحدة حكاية

    عجبني موقف صاحبك الي علي القهوة في جدة

    مشهد معبر

    اصل بيتكرر معاي وكل مرة اقول اخد قرار وارجع مصر استقر واسيب الكويت واحد من دول يعمل كدة قدامي ارجع في كلامي مش عارف لامتي

    والموقف التاني بتاع البنك

    ReplyDelete
  25. استاذ أحمد
    تهييس ايه يا عم
    ده انا بقالي 4 ساعات باضحك على العناب

    اصلي ساعات اقول لمراتي عاوز شاي ميزة

    وعلى ما ترجمت الكلمة، خدنا ييجي 15 سنة جواز

    مش عارف اقولك متأثر بمقالك انا من هذا الجيل ازاي

    تسلم ايديك

    ReplyDelete
  26. هههههههههههههههههههههههههههههههههههههههههههههههه

    البريتش كانسر دي جامده موووت

    ـــــــــــــــــــــــــ
    الماتش وضربة الجزاء ..انا مش مستغربه خاااااااالص ...انا امي نوستر اداموس الماتشات كلها ..فأخدت علي موضوع التنبؤات دا عاادي .. وساعات بقعد احايلها كمان قبل الماتش عشان تقولي الاهلي هايغلب 2 صفر :d

    ـــــــــــــــــــــــــ
    انا مع صديقة زوجتك جدا في موضوع الكركريه دا ..انا مرة رفضت عريس عشان بيقول فليزر علي الفريزر!

    واخيرا ..فين الردود والصورة النهائيه للبوست اللي فات

    و

    تقبل تحياتي :)

    ReplyDelete
  27. على فكرة صاحبك اللي بيقولك البلد بتتحرك شكله بيكدب

    ومش جاي من مصر ولا حاجة

    محدش في مصر بيشخر الايام دي يا استاذ احمد

    كل مواطن بقه معاه شخارة بالكهربا

    الناس تعبت من الشخر البقيقي خلاص

    ReplyDelete
  28. والله ضحكتنى فى وقت الضحك فيه بقى نادر ؟؟!! تحياتى

    ReplyDelete
  29. LOL
    والله ضحكتني وأنا دمي محروق
    والمشكلة ان اللي بتتكلم فيه ده خيبة من أم ديل
    كركريه وبطالة وكانسر والبلد بتتحرك
    إشطه
    LOL

    ReplyDelete
  30. ههههههههههههههههه
    اية يا احمد دة
    اخيرا حد علق على موضوع ميلودي و الاعلان المستفز دة
    بس مقلتش لية صحيح عربية سباق انا فضلت اسال نفسي نفس السؤال من غير ما لاقياجابة اشمعني يعني
    تحياتي

    ReplyDelete
  31. جميل أوي البوست ده

    ReplyDelete
  32. ياااه يا احمد من زمان والواحد مخرجش التهييس على الورق وحوله لكلام

    من كتر ما بقت الحياه كلها تهييسة كبيرة
    بس هايل ما زلت تملك القدرة على الخروج من علم التهييس بوقائع حقيقية مش تهييس خالص

    تحياتى

    ReplyDelete
  33. تهييسس جامد جدا جدا
    بس بجد حاجات غريبة
    البريتش كانسر....اللهم احفظنا
    اما بقى
    من شر غاسق اذا وقب
    صاحبك معاه حق والله التقصير من ناحيتنا فعلا
    تحياتي لك ماتغيبش كتير عن التدوين

    ReplyDelete
  34. تهييس ايه بس

    ده مش تهيس خااااااااااااالث

    ده ببساطة واقعنا الصعب

    تهييس حضرتك ده هو بالظبط مجموعة من المضحكات اللي بينطبق عليها وصف انها ضحك كالبكاء

    ReplyDelete
  35. الهنا ما اعدلك
    مليك كل من ملك
    ............
    لبيك قد لبيت لك
    لبيك ان الحمد لك
    ............
    و الملك لا شريك لك
    ما خاب عبد سالك
    ...................
    انت له حيث سلك
    لولاك يارب هلك
    ..................
    لبيك ان الحمد لك
    و الملك لا شريك لك
    .....................
    كل نبي و ملك
    و كل من اهل لك
    ...................
    و كل عبد سالك
    سبح او لبي فلك
    ................
    لبيك ان الحمد لك
    و الملك لا شريك لك
    ...................
    و الليل لما ان حلك
    و السابحات في الفلك
    .................
    علي مجاري المنسلك
    لبيك ان الحمد لك
    .........................
    و الملك لا شريك لك
    يا خاطئا ما اغفلك
    ....................
    اعمل و بادر اجلك
    و اختم بخير عملك
    ...............
    لبيك ان الحمد لك
    و الملك لا شريك لك
    ....................
    هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
    .........................

    ReplyDelete
  36. This comment has been removed by the author.

    ReplyDelete
  37. مواقف سريعه و معبره
    بعضها ينفع يبقي بوست لوحده
    ...........
    لغيت تعليق كان متوجه الي مدونه اخري و اتاك بطريق الخطا

    ReplyDelete
  38. حلوة قوي البريتش كانسر دي
    وبعد ما يخلص الكورس هيروح ياخد علاج بالشعاع
    راديوثيرابي

    ReplyDelete
  39. كل عام وانتم بخير
    اوعوا تتقلوا من لحم العيد
    اللحم حسب الاسعار الحالية فيه سم قاتل
    عيد سعيد

    انظر حولك
    د. خالد عزب

    ReplyDelete
  40. زورونا تجدون ما يسركم .


    قائمـة من الكتب الأدبية والثقافية والفكرية المتنوعة للعديد من دور النشر

    تحت سقف واحد، وبأسعار لا تقبل المنافسة


    وعيد أضحى ...كويس :)

    ReplyDelete
  41. البوست جميل أوي بس ليا تعقيب صغير يمكن يحل مشكلة

    دسوقي السيد على بيقول عربية " زبالة " مش عربية سباق

    سمعتها كزا مرة على يوتيوب عشان أتأكد

    هي دي اللي فعلا الشخصية المصرية

    K

    ReplyDelete
  42. de 7aga gmda awi bs yarat blash nda5al el quran

    ReplyDelete