Tuesday, April 07, 2009

أخبار ... وتعليقات





في تدوينة طريفة قدمت أسور روشتة كاملة للزوج الخائن ، كيف يتم إكتشافه من قبل الزوجة ؟ وماهي الطرق المناسبة للتعامل مع الزوجة في حالة إكتشافها خيانته ؟ وتوقعت أنها أوفت الموضوع بصورة كاملة ، حتى إكتشفت أنها فاتها حالة غير متوقعة ، في خبر طريف لصحيفة التابلويد البريطانية
ذي صن عن طلب زوجة الطلاق من زوجها الخائن بعدما إكتشفت خيانته لها بطريقة غير متوقعة ، بينما كانت الزوجة تتجول على جوجول ستريت فيو أحد خدمات جوجول مابس والتي تقوم بتصوير شوارع بصورة واقعية بزواية 360 درجة ، وعندما كانت الزوجة تتصفح منزل صديقتها من أحد الكاميرات في الشارع ، إكتشفت وجود سيارة زوجها الرانج روفر المعروفة بحلي إطارتها المميزة والمختلفة أمام منزل صديقتها ، في الوقت الذي أخبرها الزوج انه في مشوار عمل ، الأطرف أن محامي الزوجة صرح بأن زميله محامي الطلاق هو الآخر يرفع قضية طلاق لنفس السبب وعن طريق جوجول ، أيها الخونة خلوا بالكوا جوجول وراكم

***********************



في ظل الأزمة المالية العالمية الحالية والتي كانت إحدى نتائجها إحتفاظ كل فرد بماله في جيبه ، وأصبح إخراج القرش من الجيب أصعب من إخراج اليد من فم الأسد الجائع ، في عز تلك الأزمة ذكرت دار سوذبي للمزادات نتائج بيع مفتاح الكعبة المشرفة في مزاد بريطاني ، بيع المفتاح بمبلع يعادل أكثر من خمسة وسبعين مليون جنيه ضعفاً لثمنه المبدئي ثماني عشر مرة ، وقد تم إلغاء البيع بعد إثارة خبراء شكوك حول أصالة المفتاح ، ولا ادري لماذا يبدو لي أن من حاول شراء المفتاح بهذا السعر قد إختلط عليه الأمر أن مفتاح الكعبة مرادفاً لمفتاح الجنة ، مفتاح الكعبة بهذا السعر لا أعتقد أنه أبداً سوف يكون مرادفاً لمفتاح الجنة ، أعتقد أن مفتاح الجنة أرخص كثيراً ، فقط إتقوا الله تحصلون على مفتاح الجنة

***********************



لايصح أبداً أن يصبح صاحب هذا المنصب الرفيع منصب الأمام الأكبر شيخ الأزهر مأذوناً ، مهما كانت الأسباب والدوافع ، قد تكون هناك بعض المجاملات بأن يتبرك أحد كبار المسئولين بأن يقوم شيخ الأزهر بعقد القران ولكن ينبغي ان يكون ذلك في حالات خاصة وإستثنائية ولا ضرر منها ، ولكن أن يقتطع شيخ الأزهر من وقته الثمين لعقد قران رجل الأعمال الشاب أمير إبن المستشار مرتضى منصور على جارميس خليفة كريمة رجل الأعمال الليبي إبراهيم خليفة طبقاً لما نشرته مجلة الرجل ، هذا كلام فارغ ولا معنى له ، ولا ينبغي لإمامنا الأكبر الإنزلاق في مثل الأمور ، ولو كان الأمر متاحاً للجميع فأنا على إستعداد لعقد قراني مرة اخرى لو قام به مولانا الأكبر الدكتور سيد طنطاوي شيخ الأزهر

12 comments:

  1. ايوة يا فندم
    انا سمعت كمان ان فى موقع تانى بيتيح للخائن الإتصال بالزوجة عن طريقه من استخدام مؤثرات صوتية معينة
    يعنى صوت ناس فى اجتماع
    او صوت قطار او مكان عام
    المهم انه بيدى الصوت المناسب للكذبة
    هاهاها
    رغم كل الاحتياطات دى
    الست بيبقى عندها رادار

    تحياتى

    ReplyDelete
  2. جميل البوست ده جدا ويودى فى داهية فى نفس الوقت

    الجزء الاول فى تعليقى
    الحمد لله الكلام ده ما ياكلش فى مصر ...... لسه يعنى


    الجزء الثانى
    فى ناس بتحب تشترى المقتنيات الثمينة من باب الوجاهة اشطة يعنى اهم حاجة نعرف فلوس المزاد رايحة فين

    الجزء الثالث
    انا ميهمنيش ان شيخ الازهر يكتب كتاب اى حد صباح الفل هو وراه ايه يعنى غير انه يفتى ما فى مصلحة الدولة (ومحدش يفهمنى صح) انا اللى لفت انتباهى الجملة اللى بتقول

    لو كان الأمر متاحاً للجميع فأنا على إستعداد لعقد قراني مرة اخرى لو قام به مولانا الأكبر الدكتور سيد طنطاوي شيخ الأزهر

    عندك استعداد تكرر الغلطة دى تانى

    :)

    اه بالمناسبة فيه مراقبة على الانترنت اليومين دول برضو وصدقنى الصدف وحشة

    ;)

    ReplyDelete
  3. رغم اختلافي في الاراء مع كثير مما يقوله شيخ الاذهر و خاصة علاقتنا المايعة مع اسرائيل ... الا انه للانصاف الرجل يقوم بتلبية اي طلب لقيامه بعقد قران لانه هو شخصيآ كتب كتابي على زوجتي و حمايا دخله في مكتبه المتواجد في مشيخة الاذهر و طلب منه ذلك فلبى الطلب .... و انا كنت فرحان و حاسس اني في التلفزيون و هو بيكتب الكتاب .... و الصورة المحطوطة في البوست واضح فيها كلمة الشريف يعني الاذهر الشريف معناه ان كتب الكتاب كان في المشيخة وهو ماراحش لابن مرتضى منصور مخصوص ولا حاجة .... لو اي حد كتب كتابه في المشيخة و دخل لشيخ الاذهر وطلب منه انه يعقد له القران مش هايقوله لأ ..... لو مش مصدقني الصور عندي

    ReplyDelete
  4. اولا .. الخونة ربنا اللي بيفضحهم و يكشف سترهم .. لا جوجل ولا غيرة .. الله اكبر ع المفتريو ابن ال ....

    ثاني حاجة .. كنت سمعت من عمرو خالد ان فية عائلة ف السعودية هي اللي معاها مفتاح الكعبة لان الرسول عليه الصلاة و السلام سلم كبيرهم او جدهم الكبير المفتاح ده و من ساعتها و المفتاح معاه .. الا اذا كانت الازمة الاقتصادية بقي خلت العيلة دي تنزل المفتاح ف المزاد !!

    اخيرا بقي .. انا واحدة من الناس مارضاش ان شيخ الازهر يكون هو المأذون اللي كتبلي كتابي لاسباب اعتقد انها لا تخفي علي احد .. و الله اعلم به و بنيته .. بس انا لا ارتضيه شاهد "عدل" حتي !!

    ReplyDelete
  5. romantic rose
    من الواضح انك متشددة اوي و متأثرة بالتيار السلفي الوهابي .... طلعتي للسعوديين اعذار للنصب و بيع مفتاح بسبعين مليون جنيه
    و في نفس الوقت حقرتي شيخ الاذهر الي يعتبر اعلى منصب دبني في مصر لمجرد انك مختلفة معاه في الاراء

    ReplyDelete
  6. هههههههههههههه .. مش متخيلة رد الاستاذ / هشام اساسا .. انا ابعد ما اكون عن السلفيين الوهابيين و اللي بالمناسبة ما بيحملوش نفس الافكار و ان بدوا كده .. اذا كنت بقول سمعت لعمرو خالد .. عمرك سمعت سلفي بيسمع لعمرو خالد ولا بيقيم وزن لكلامة اساسا ؟؟

    و ثانيا انا محقرتش شيخ الازهر .. انا قلت اني ما ارتضيهوش لا شاهد ولا كاتب علي قراني و ده رأيي فيه .. و قلت كمان الله اعلم بيه و بنتته ..يعني فوضت فيه الاعلم بالنوايا ..

    اعتقد ان بأسلوب حضرتك الهجومي المتجهم المبالغ فيه ده غلطت ف حقي .. ف حين انا انا كنت بقول رأيي اللي اكيد ما يهمش حضرتك ف شئ

    ReplyDelete
  7. ياعم شيخ أزهر مين اللي يكتب كتابك ياعم
    كبر دماغك

    ReplyDelete
  8. romantic rose
    ما هو عمرو خالد امتداد للفكر السلفي الوهابي في ثوب جديد و متطور ..... نفس التدين المظهري بعيد عن مضمون الاسلام.. نفس الجري وراء الخزعبلات و الانفصال عن الواقع .. نفس المتاجرة بالدين على اعلى مستوى ...و على فكرة بيحبوه اوي في السعودية و دول الخليج و بيروح يلم من هناك دولارات بالزكايب!!!وطبعآ سعادتك واحدة من الي بيقعدوا قدام التلفزيون علشان يغسلهم دماغهم و في الاخر يقولهم يلا عيطوا!! يلا عيطوا!! هو ده الي احنا فالحين فيه نسمع قصص و نعيط .... مش احسن نعمل حاجة مفيدة علشان بلدنا تتقدم و نحسن صورة الاسلام بدال ما شيوخ الفضائيات فاضحنا بالفتاوي المضروبة لكن مافيش فايدة كله كلام.. كلام وبس

    ReplyDelete
  9. استاذ هشام .. يكفي اقول لحضرتك اني مش معاك ف كلامك تماما و اسفة جدا انك تعتقد اني من السطحية و السذاجة علشان استني حد يستدر دموعي و يغسلي دماغي "بالخزعبلات و دعوات الانفصال عن الواقع" .. فلذلك مش هرد علي كلام حضرتك بالرغم من اني ممكن افنده تماما .. بس اعتقد من طريقتك الهجومية اللاذعة اننا لو فضلنا علي كده هندخل ف سكة "جدل" ما وراهوش فايدة و مش هيوصلنا لحاجة .. و علي رأيك .. كفاية كلام

    ReplyDelete
  10. البويت ده واللي فات في رأيي المتواضع
    ليس لهما اي محل من الاعراب

    شكلها باظت
    انظر حولك
    د. خالد عزب

    ReplyDelete
  11. السلام عليكم
    الخائن خصوصا لما بيبقى الزوج بدون وسائل مراقبة ولا حاجة ممكن بحس الزوجة وحُكم عشرتها لزوجها هتعرف ومن اول يوم كمان مش محتاج الموضوع تقصي وترقب انا عن نفسي باعتبر الست اللي زوجها بيخونها وما شعرتش به من البداية يبقى فيه حاجة غلط ربنا يهدي يارب
    اما بالنسبة لشيخ الازهر كتر خيره يمكن دي من ضمن واجباته واحنا ما نعرفش
    مفتاح الكعبة برضه مش عارفة ايه المغزى من دفع كل الفلوس دي
    سبحان الله العلي العظيم
    المسلمين فيهم فقراء ومحتاجين كتير ومبلغ زي دة يصلح حال بلد بحالها
    مش عارفة ايه الادمغة دي
    مفتاح الجنة لا اله الا الله
    تحياتي

    ReplyDelete
  12. 3ala fekra shiekh el azhar katab ketab okhty we7na 3ila motawasita 3adia we men gheer wasta
    kol el 7ekaia en etkatab el ketab fe dar el efta
    we ba2olak la wasta wla diawlo

    ReplyDelete