Monday, September 26, 2005


حياة كمبيوتريه جدا





Ahmed Funny Pics

حياتى أصبحت تكنولوجيه جدا ، فزوجتى مدمنه كومبيوتر وإنترنت ، وأصبح الكومبيوتر يتدخل فى أدق تفاصيل حياتنا ، فعندما أقص عليها موقف طريف تنظر لى ببلاهه وبإبتسامه باهته وتقول لى لول ، وهى تتخيل أن أى شخص يدق الباب هو سبام يجب التخلص منه مباشرة ، وعندما أسألها عن هوية الشخص الذى يتصل يوميا بالتليفون ولا يرد تقول لى إنه أنونيموس ، وأستيقظ بالثالثه صباحا على أصوات وكلام غريب اكتشف أنها تحلم وتهذى بلغة ال إتش تى إم إل ، وعندما توقظها وتتكلم معها لتنهى هذه المهزله تقول أن هذا ليس وقت شات وأنها مضطرة لأن تعمل لي إجنور إذا لم أكف عن الكلام ، منعها هذا الكومبيوتر اللعين عن الإهتمام بإدارة شؤون المنزل وإذا سألتها عن الغداء تقولى عندك كوكيز على الترابيزه ، أخر مبلغ من المال كان معى أخذته لتغير دهان جدارن الشقه وتضع وول بيبر بدلا منه ، وعندما قابلت زميلتى بالعمل فى السوبر ماركت سارعت هى وسألتها إيه إس إل .. بى إل إس ؟ ، وذهل طبيب الأسنان عندما سألها عن شكل السنه التى تريد تركيبها قالت إنها تريد سنه زرقاء بلو توث يعنى ، ونلف وندور على الكوفى شوبات طول الليل حتى تجد الكوفى المفضل لها من نوع الجافا ، ولا تترك الكومبيوتر إلا لتشاهد برنامج فن أون لاين ، وأخيرا عندما نتطارح الغرام وتصل هى إلى مرادها مبكرا تقول لى خلاص جيم أوفر

26 comments:

  1. أنا مش عارف إن كانت الصورة اللي فوق مقصود بها المزاح أم الجد!! أصلي كننت معتاداً أن أذهب إلى الحمام بكتاب أو جريدة وأغيب نصف ساعة. الآن صرت آخذ معي
    laptop
    وأقضي وقتاً لا بأس به أسطر أفكاراً لتدوينات أو أقرأ تدوينات متكوّمة...
    ـ

    ReplyDelete
  2. حرام عليك يا ابو حميد
    بصراحه ادعيلك النت يفصل من عندكم

    ReplyDelete
  3. حرام عليك بجد على راى شادى ... انت ناوى تقضى علينا من كتر الضحك ...

    شكلنا ح نتضامن مع بعض ونعمل حزب
    فصل النت الاخير عن المعلم احمد شقير

    روح يا شيخ وتعالى بسرعة

    ReplyDelete
  4. انا لو حد قالى جيم اوفر اكيد هاسيّف الجيم واعمله ريستارت

    ReplyDelete
  5. أنا رأى أنك تتجوز عليها
    واحده تكون هاكرز و تقعد على قلبها
    KING TOOOT

    ReplyDelete
  6. مش بذمتك اما تحصل حاجة غلط بينك وبينها تقولك انا حابعت
    error report
    لماما:)

    ReplyDelete
  7. انا شايفة ان حرمكم انظلمت بهالبلوج
    كل يوم بوست عن غرائبها و طرائفها
    :سؤال بريء
    هية تقراه ؟


    !!!د. رامي يقرا المدونات في الحمام ؟؟
    واااااو

    ReplyDelete
  8. عليك خفة دم غير طبيعيه

    وينك من زماان
    :D

    ReplyDelete
  9. هههههاهاهااهاهها

    كالعادة انت بتقدر تسحب الضحكة من جواتي غصب عني :)

    ReplyDelete
  10. أنا هنجت من كتر الضحك .. وطلعلى باد سيكتور في وشي :)

    ReplyDelete
  11. موضوعك لطيف جداً وكذلك تعليقات الزملاء الأصدقاء الرفقاء الأخوة (أي حاجة) هنا، لأنها أضافت جديداً إلى ابتكارك.
    لكن السؤال كم يبعد ما قلته عن الواقع، ألم تصل الأمور في التعاطي بين الزوج وزوجته وبين الأب وابنه إلى هذا الحد من الآلية (الميكانيكية) الالكترونية؟
    ربنا يستر من أعظم.

    ReplyDelete
  12. برافوا
    قدمت منلوج لطيف طلعلك خمسين نكته وتكنه
    ........
    افتكر يا احمد انك فعلا بتكتب مش علشان تضحكتنا وبس لكن كمان علشان تضحك علينا -اقصد تعليقتنا
    .......
    مره في جريدة الدستور قريت ان المذيعة بتسال مواطن غلبان عن همومه قالها
    -النت بطئ عندي شوية
    :-)
    تعليق علي جمب
    د .راء
    طبعا مش مستغرب انا بدخل الحمام بالكيسة

    ReplyDelete
  13. مصيبة وقعنا فيها جميعا لاكنها مصيبة لا بد منها بالرغم من أنني ضحكت عند قرائتي موضوعك الطريف إلا أنني في نفس الوقت راجعت نفسي وكانت خلاصة علاقتي منذ أن أصبح عندي كونميوتر مرتبط بالآنترنيت :
    - ابتعدت عن أصدقائي من لحم و دم و أصبحت أجالسكم أحمد و نون و نهاد و بوقال و.... أكثر
    - أشتاق إلى محادثتكم أنتم أكثر من أصدقائي في مدينتي
    - قلة سهراتي العائلية و الأسرية
    - أحكي لكم أكثر مما أحكي لزوجتي
    - أهملت مكتبتي و تحولت حكمة - الكتاب خير صديق - إلى الكونبيوتر خير جليس
    - انقطعت على شراء جريدتي و أصبحت أتتبعها في الشبكة
    - نقصت تسائلاتي و بحث عن أجوبة كوكل
    - أبتعدت عن هواية التشكيل و غيرت أصباغي ببانت شوب
    - أقفلت التلفاز و فتحت الكونبيوتر
    - أصبحت أفضل الشات على الهاتف
    - نزهة في المدينة مع أولادي لم تعد مبرمجة كما كان و أصبحت أفضل السفر عبر 3D
    - وووووووووووو.........
    أليست مصيبة.. و بالرغم من ذلك أجدها مفيذة فقد انتهى الممنوع و أقفلت مكاتب الرقابة و أصبح الأصدقاء من كل العالم و ليس من مدينتي فقط ..
    فقط علينا أن ننظم وقت كل شيء و مصيبتنا نحن العرب أننا لا نهتم بالتنظيم و ضبط الوقت و نؤمن أن كل شيء بقضاء .. و انتظار القضاء قد يطول ونجد أنفسنا في سبات بين الحقيقة و الخيال..
    موضوع جدير بالمناقشة و هي إشكاليتنا جميعا أعتقد و ليست عند زوجتك و حدها.. إنها كذلك عند زوجتي و ابنتي الكبرى و الوسطى و ابني الكبير و حتى أصغرهم طلبت مني أن لا تخرج للعب مع أقرانها و أن تلعب على الكونبيوتر .. و حتى أنا..أمي نفسها قلصت من زياراتي أخي و فضلت الإتصال به عبر الكاميرا..
    علينا مراجعت علاقتنا بالأنترنيت و المصيبة أنها ليست مرحلة فائتة .. فعلاقتي بلأنترنيت تعود ل 3 سنوات و كلما اكتشفت جديدا به تعلقت أكثر...........
    أستسمح أصدقائي عن هذا التطويل و الموضوع فيه الكثير...

    ReplyDelete
  14. والله حكايه ممتعه ..لكن ياريت حقيقيه ..دي دي تبقى كتير لذيذه ....

    ReplyDelete
  15. Ramy
    هلكتنى من الضحك . وأنا متخيلك فى الحمام بالاب توب .. وعمال تدون
    ليليت
    شرفتينا
    Shady
    يقطع غيه ياعم .. ده غتغير بأه دى إس إل
    mahmoud zidan
    ماحدش يقدر يفصله ده بسرعه واحد ميجا ياباشا
    أيوب
    وتسيف الجيم ليه .. إنسرت أنازر كوين
    king tout
    هاتجيبلى فايروس لو بس فكرت فى الجواز
    Ghada
    lol
    sonofegypt
    الإيرور ريبورت .. دى تبقى حماتى
    نون النساء
    ساعات الواقع بيكون اغرب من الخيال
    tara
    لأ طبعا ولا تعرف إنى افهم حاجه فى الكومبيوتر
    -se3loh-
    أنا تحت الطلب
    ironmask
    أسحب الضحكه غصب عنك من جواتك .. تروجان بأه
    haitham
    معنى كده إن لازم يتعمل دفراجمنت لوشك .. هاها
    mahmoud
    مين عالم .. ربنا يستر على الجيل الجاى
    y.mejahed
    هاها .. طيب رامى وباللابتوب وماشى .. لكن بالكيسه صعبه أوى دى .. هاها
    أقواس
    فوجئت بردك .. المشكله عندك كبيرة أوى .. بس عجبنى السخريه فى الموضوع ..ضحكتنى جامد
    خجل
    عايزاها حقيقه .. حرام ..ليه بس كده؟

    ReplyDelete
  16. يا راااجل

    انت بتشتكي ان مراتك هي المدمنة نت

    و انت ايه بقي ان شاء الله

    تلاقيك انت راخر دخلت في السكة دي
    ولا ايييه
    :)

    ReplyDelete
  17. انت بصراحه فطستنى من الضحك انت انسان مبدع فى ىالفكاهه بس ده على فكره ماهوش شىء إيجابى تماماًلأن الساخر دائماً يا إما يائس يا إما بيدافع عن نفسه بالهجوم على ىالواقع المرير او بمعنى انه بيخلقله و اقع خاص بيه و فيه شىء كويس ان انت بتحاول تنقد الواقع تعريه يعنى انت خليت اللى بيقروا اليوميه بتاعتك يتعروا و يحطوا على عورتهم ورقة توت دا لو هما لقيوها إحنا ممكن نطلق عليم إسم (الساخر دوماً) باى شَت داون

    ReplyDelete
  18. انا برضك باخد اللاب توب معايا
    الحمام
    :)

    ReplyDelete
  19. ده يبقى اسمه الشخاخ الافتراضى

    ReplyDelete
  20. مممممممم والله انا بعانى برده من كتر استخدام الكمبيوتر يعنى انا لما بيتدلق منى حاجه على المكتب او بتقع منى حاجه على الارض او ابقى برسم واعمل خط غلط اوتوماتكلى بعمل كنترول زد " undo" بسس للاسف مابتنفعش :(

    ReplyDelete
  21. This is very interesting site... » »

    ReplyDelete