Sunday, October 23, 2005





Seven things I plan to do:
سبعة أشياء أخطط لعملها
أمشى تحت المطر .. بس الشتا ييجي
أبطل شيشة .. حلم طبعا
أنزل أضرب جارنا اللى تحت
أكل أيس كريم .. باسكن روبنز .. صايم
أستعمل فرامل اليد
أحلق شنبي .. مش عشان حاجه والله
أصلح إطار العربية الإحتياطي .. بايظ منذ شهر

Seven things I can’t do:
سبعه أشياء لا أستطيع عملها
أستحمى بماء بارد
أخرج من البيت بالبيجاما
أشرب قهوة .. عكس المدام
أشتغل بالهندسة .. أنا خريج هندسة
أسمع راغب علامة ، أو أشاهد فاروق الفيشاوى
أعاكس بنت الجيران .. عشان عيب
ألبس أسود على لون بني

Seven things I say most often:
سبعه أشياء عادة أقولها

هو فين البتاع ؟
ماشى ياجميل . اوكيه ياجميل .. حتى لو شبه محمد نجم
إرحمني
باشا
آه ياني يامه
زيد وعبيد ونطاط الحيط
أنا تعباااان

Seven people I want to pass this tag to:
سبع مدونين أرسل لهم هذه الأسئله للإجابه عليها

خجل
شادي
ميندونا
تارا
كنج توووت
نيرو
وإنت أو إنتي ....
-------------------------------------------------------------

SMS أخر الكلام

الآن أفضل شبكة إستقبال فى مصر .. شبكة نادى الزمالك
Posted by at

15 comments:

  1. نون النساءOctober 23, 2005 10:58 AM

    تضرب جارك؟؟

    مو مشكله بعد ارمضان روح سو فيه اللي انته عاوزه

    بس لازم يكون بسبب

    :)



    زيد وعبيد ونطاط الحيط

    اتوقع انه يشبه المثل الكويتي القائل

    زوير وعوير والمنكسر والمافيه خير

    ReplyDelete
  2. AnonymousOctober 23, 2005 12:16 PM

    FIX YOUR TIME ZONE
    Check out Tatabotata.com post about fixing the time zone ..

    ++ Why i found u listid on kuwaitblogs and you aren't kuwaitie !!!!!!!!

    ReplyDelete
  3. Hadia ( pseudoname)October 23, 2005 1:57 PM

    تروح تضرب جارك
    ؟
    الاجر برمضان ضعف يا أخ... أنطلق وتسابق على فعل الخير

    ReplyDelete
  4. ابن مصرOctober 23, 2005 9:04 PM

    البيبي ده شكله وحش قوي .انا لو ابني جه شكله كده انا حاتبرع بيه

    ReplyDelete
  5. chatterboxOctober 23, 2005 10:42 PM

    تحلق شنبك؟؟؟؟؟ طب قولي بيني وبينك عاوز تحلق شنبك ليه؟؟؟؟؟

    تضرب جارك اللي تحت؟؟ عادة الناس بتضرب جيرانها اللي فوق عشان الازعاج يعني بس جارك اللي تحت دي غريبة شوية


    ياعيني ياعيني
    you have been tagged by four girls
    مدامتك بتعرف الحكاية دي؟؟؟

    ReplyDelete
  6. KING TOOOTOctober 24, 2005 12:29 AM

    سبعة أشياء أخطط لعملها
    ------------------------
    أبيع العربية بتاعتى
    أبيع الشقة بتاعتى
    أبيع العفش اللى فى الشقة
    أبيع الأجهزة الكهربائية
    أبيع الكمبيوتر و البرينتير و الأسكانير
    أعمل الكشف الطبى أللى فاضل
    أستلم تأشيرة الهجرة و أزوّغ من البلد دى
    ___________________________________
    سبعة أشياء لا أستطيع عملها
    ---------------------------
    أروح أسكندرية يومين وسط الأسبوع
    آكل على كيفى
    أمشى فى شارع مش مكسر
    ألعب فى دولاب أبويا زى زمان
    أسيب ذقنى من غير حلاقة
    أبطّل لبس كرافتات خالص
    أتفرج على أبراهيم نصر
    ___________________________________
    سبعة أشياء عادة أقولها
    -----------------------
    هو البتاع فين ؟
    ماحدش فاهم حاجة
    مش عارف .... يمكن
    يا عم أرحمنا
    أيوة يا مشمش ,, لما بأنادى صاحبى ماجد
    أنت حاتفتى ؟؟
    طيب طيب .. يوووه عالشغل و سنينه
    ___________________________________
    KING TOOOT

    ReplyDelete
  7. TaraOctober 24, 2005 2:24 PM

    اول شي :ليش ما تقدر تسمع راغب علامة بالله ؟
    و ثاني شي :الحمد لله انك ما تلبس اسود على بني
    و ثالث شي :شي مشترك :انا مثلك ما اقدر اشرب قهوة ،بس اموت على ريحتها

    ReplyDelete
  8. AnonymousOctober 24, 2005 2:43 PM

    برافو...مش بستحمل أشوف حد لابس اسود مع بني...بتعفرت...نظرية ان الأسود و الأبيض بيمشوا مع كل حاجة...مش صح خالص :))

    ReplyDelete
  9. Slim ThugOctober 24, 2005 4:06 PM

    اما حتة واجب على رمضان
    ياعمنا , دنتا عندك اغلاط كتير مع الصبح :)
    بس واجبك ماشي حاله
    10 على 10 ههههههه

    تضرب جارك ؟؟
    تحلق شنبك , هذا شي راجعلك وشكله عشان المدام ..
    لكن تضرب جارك .. ايه ياعم مالك معصب بس ؟
    نهارك فل

    ReplyDelete
  10. shadyOctober 24, 2005 8:15 PM

    ياه سبع حاجات اخطط انى اعملها
    بصراحه يا ابو حميد التخطيط ده بالنسبه ليا ترف مقدرش عليه
    لكن هو فيه مخطط وحيد اخليه يبيع الارض واعمل مشروع هو ايه مش عارف
    وشوية حاجات ثانويه منها
    اشترى جرنان الكرامه بكره
    اقوم اروح الكافتريا بعد شويه
    ماردش على مكالماتها علشان خنقتنى
    واروح اقابل فادى فى البورصه
    ارحم نفسى من الجدل مع ناس ما بتفهمش


    بالنسبه للسبعه الى مقدرش اعملهم
    انى اركب الموجه واخد وظيفه حلوه من اونكل عضو السياسات مرشح الحزب
    انى اقعد فى البيت لوحدى
    انى احضر كل مظاهرات كفايه
    اصلى التراويح (رجلى بتوجعنى من طول الوقفه)
    اهاجر واسيب البلد دى(سافرت وارجعت بعد 48 ساعه)
    اقعد مع احمد وشوفه(اصله فى قطر من اربع سنين)
    اقبل عروسة امى(مابحبهاش


    اما بالنسبه للسبعه اللى بقولهم
    الله يرحمك يا ابو خالد
    دى عالم حراميه يابا
    انا راسى حتنفجر
    يادى النيله
    قرفاااااااااااان
    ماشى
    يا عم واحنا مالنا

    ReplyDelete
  11. نون النساءOctober 24, 2005 11:39 PM

    صح

    اربع بنات عملولك تاغ

    حتئول لمراتك إيه

    :P

    ??

    ReplyDelete
  12. mindonnaOctober 25, 2005 12:16 AM

    ماشي يا شوكير

    هفكر فيها انهارده و اكتبها عندي باذن الله

    ;)

    ReplyDelete
  13. الاء سعود المجيبلOctober 25, 2005 3:22 AM

    زيد وعبيد ونطاط الحيط

    لوووول جديده علي هذي...!

    ان شاء الله تبطل الشيشه...!


    ماشي يا جميل لووووووول حلوه حلوه

    ReplyDelete
  14. Ahmed ShokeirOctober 26, 2005 2:10 PM

    نون النساء
    أضرب جارى اللى تحت .. أكيد طبعا بسبب .. بس طبعا محتاج تخطيط أوله ألاقى سبب

    Tatabotata
    Cause I really like Kuwait and Kuwati bloggers as well as all Arabs

    عطاء
    هلا بيكى ... ماتخديش الموضوع جد أوى

    sonofegypt
    حراام عليك .. مش عاجبك البيبى .. ده عمره يوم واحد ، ولو ناوى تبيع عندى المشتري

    Chatter box
    أحلق شنبي ليه ..؟ الأسباب كتيره . أهمها إنى ماحلقتوش من 25 سنة
    المدام ماتعرفش أصلا إنى مدون .. دىأكتر إمرأه غيارة على الكرة الأرضية

    King Tooot
    هاها ..إنت عايز تزوغ وتروح على فين ؟
    هو إنت بأه من النوع اللى بيلبس كرافتات
    الواجب بتاعك عشرة على عشرة خصوصا حكاية الأكل على مزاجك دى


    تارا
    راغب علامة ..؟ بصراحة زعلتينى منك
    طيب حاولى تكتبى كلمات أخر أغانيه وإنتى تشوفى أد إيه الكلمات ركيكة .. زى مايكون واحد كاتبها وهو فى الحمام

    nerro
    واضح إن الشعور تجاه تناسق الألوان متبادل

    Slim thug
    هاها ده كمان الكلام ده وفى رمضان .. بعد رمضان هتلاقى كلام تانى خالص
    .. وتوقعاتك بالنسبة للشنب بعيدة شويه

    shady
    تعليقك حكايه
    بس ليه مابتحبش عروسة ماما .. هى لازم يعنى تكون يسارية ، ومين بأه اللى مش عايز ترد على مكالمتها عشان خنقتك
    وأخيرا دى عالم حراميه يابا

    نون النساء
    ده عملا بمبدأ إمرأه واحدة لا تكفى
    وبعدين الشرع محلل أربعة .. هاها

    mindonna
    مستنين حل الواجب

    q8tya
    إنشاء الله نبطلها على إيديكى


    Finally, Thanks for Noon Alnesaa, Tara, Saudi Girl and Chatter box

    Really nice .. Four girls .. WOW

    ReplyDelete
  15. AnonymousFebruary 23, 2007 1:33 PM

    This is very interesting site... Scrabble definition Paintballing in birkenhead Blake house moving company inc. Rn health plan muvo sport

    ReplyDelete

Subscribe to: Post Comments (Atom)