Saturday, June 10, 2006



رنات .. لوجوهات .. إتصل الآن


أحيانا يمكن معرفة شخصية الآخرين من شكل توقيعاتهم وأحيانا من ألوان ملابسهم وأحيانا أخرى من أنواع طعامهم فهل يمكن معرفة ذلك من رنات المحمول

لي صديق إكتشفت أن رنة الرسالة عنده صوت الرسالة المميز وعليه صوت أقرب لصوت فطوطة يقول ماسيدج .. جالك ميتين أم ماسدج ولست في حاجة أن أقول أنه دائما متوتر لايحب المفاجات ، وآخر شخصية رزلة تقليدية لايضحك للرغيف السخن بالرغم من انه يحمل أحدث الموبايلات إلا أن رنته هي الرنة السخيفة لتليفون البيت زمان ترن ترن .. ترن ترن ولا يغيرها أبدا حاجة تخنق، والآخر رنته عشرة بلدي بتاعت سهير زكي وهو بصراحة رجل مسخرة دايما تأتيه الرنة أثناء الإجتماعات الهامة علما بأن شكله جد جدا وأقرع وبشنب وملامحه قاسية جدا ، وهناك الرايق الصديق الدائم لإتصل الآن لتحصل على أحدث النغمات الذي من خلال جواله تستطيع أن تعرف التوب تونتي فهو كل يوم بنغمة فهذه مروة والأخرى هيفا والتالتة ماريا والرابعة بيلا والخامسة يالا بينا يالا، وهناك اللي عايز يتوب ومش عارف وده دايما حاطط سامي يوسف ، وهناك الصامت بطبيعته اللي عامله سايلنت على طول من غير فايبريشن وحتى الآن لاأدري كيف يعرف ان هناك مكالمة له عندما يخرج الموبايل من جيبه ليتحدث ، وهناك الناقم دائما وهذا فوجئت بأن رنته هي بلادي بلادي قبل أن يبدلها بأغنية شكله عامل عملة لإيهاب توفيق بعد الإنتخابات الأخيرة


وأخيرا سمعت نغمة سألت صاحبها عن إسمها قاللي دي حمادة يلعب ، هل لأحدكم تفسير عن شخصيته ؟

43 comments:

  1. tab tesada2 nazrya!

    heya sa3at betemshy 3la el sha7'syat la2ny ana garabt el mawdoo3 dah yantabeq 3la nas a3rafhom! ely hatet hayfa2 wahby...wely hata Elissa ..wely 7ata el Azan,,,wely wely..!

    fakrt tab wana...? la2eit 3andi collection 3'areeba,,,la tatanasab tamaman...(sami yussef, Omar khairat, rag3ony 3eneik le Om Kalthom, Mosika shar2ya kaman :)) Asala mab2ash ana we makto3et ana bamasy el tamasy le sa3eed sale7 fi madrest el mosha3'been! ))) edafatan le Nancy 3agram AH we Nos! ?????????? eh dah?! haha

    belnesbaly..el mawdoo3 7ala mazagya ba7ta...aktar menha mawdoo3 personality! hmmm..a3taked keda, wala enta eh ra2yek?!

    wala honaaaaaaa wakfah..(3la ra2y Muhammed Sob7y fi wegeht nazar)

    bas eh 7amda yel3ab di,,,? me7taga ta7leel lel sha7'sya fe3lan!!!:))

    so2al mohm...enta ranet mobilak eh???! :)))))))

    ReplyDelete
  2. worst thing is when you are in the mosque, as you pointed in one of your posts earlier, and then some mobile starts playing a6a6b6ab...adalla3 :P :P :P

    ReplyDelete
  3. نسيت تقولنا رنة موبيلك إنت إيه؟
    بس على فكرة أنا معاك إن رنات الموبيل بتدل على شخصية صاحبها

    ReplyDelete
  4. طيب انا الحمد لله وبشهادة زملائي شخصية مرحة..رغم ان رنة موبايلي هي الترن ترن اللي مش عاجبة سيادتك:D

    الحكاية وما فيها ان العدة اللي معاية هي العدة صاحبة الأسطورة الأخيرة...طبعا عرفتوها يا شاطرين..ايوة نوكيا 3310
    وطبعا دي صوتها عالي ورخم ونغمتها نغمة عادية..وبما ان الموبايل طول اليوم شفال ميسد فعلى طول عامل الموبايل سايلنت
    ومشغل الفايبريشن
    ولو شغلت الصوت بخليه الترن ترن ال polite
    منعا للإزعاج

    كده انا ممكن أكون شخصية عملية؟؟؟

    ReplyDelete
  5. مش عارف ليه حاسس ان حمادة يلعب دى رنة موبايلك انت
    :D
    عشان كدة انا مش هاقول رأيى
    :P

    ReplyDelete
  6. ana ranit mobily kanat nasheed maw6ini la fatra 6aweelah jiddan, o halla `3arrart.ha la "inshoodt il athan" la mshari il 3fasi, ra2i3a, you can check his album " qa9a2id 7aneeni" jameel jiddan.
    o shokran:)
    ya akh a7med ana a3taqid kaman inno mobilak howwa illy birin 7amada yil3ab;))

    ReplyDelete
  7. This comment has been removed by a blog administrator.

    ReplyDelete
  8. بجد عقلك بيروح لحاجات غير تقليديه بالمره و ده سر انك تاني بلوج بفتحه ..

    من وجهة نظري الرنه مش بتدي ايحاء عن الشخصيه قد ما بتدي انطباع عن اتجاه الانسان ده ف الحياه .. يعني ممكن يكون شخصيه منطلقه جدا و اكتر ش مناسب ليه انه يحط رنة لنانسي ولا لبهاء سلطان .. بس انسان ملتزم دينيا فيحط اغنيه لسامي يوسف او نشيد لمشاري راشد ..

    و ممكن يكون بني ادم رخم و دمه تقيل لكن يحب المنظره و كل يوم برنه .. قال يعني الواد ع الموضه و هو الله يرحمها خالته ..

    و فيه حد بيحط النغمه مناسبه للبني ادم اللي هيطلبه .. يعني اصحابه حاجه روشه .. اهله حاجه مختلفه .. حبيبه/حبيبته نغمه تدل علي هذا الحب .. بس الصراحه انا حاطه لكل الناس رنه و لخطيبي رنه له لوحده ..

    اللي حاطط رنة حماد يلعب ده واد لعيب قوووووووووي .. باين واحد صاحبنا اسمه احمد "حماده" شقير .. تعرفه ؟

    سؤال علي جنب .. انت فيك عرق اسكندراني ؟؟

    ReplyDelete
  9. حلوه بتاعت سامى يوسف دى
    كتروا قوى اللى عاوزين يتوبوا دول
    بالرغم من أنهم مش عارفين عاوزين يتوبوا عن ايه

    ReplyDelete
  10. تصدق الفكرة دي راودتني كذا مرة، وكنت بافطس على نفسي م الضحك أو أغرق من الدهشة لما أكون واخدة فكرة معينة عن شخص ما ليفاجئني بنقيضها أو ما لا يتوافق معها لما أسمع رنة موبايله... زي بالظبط الراجل الجد ده اللي عامل رنة عشرة بلدي... طيب، تقول ايه على اللي عامل رنته "صوت صرصار الساعة"؟؟! هي بصراحة صراصير مش صرصار واحد... وتخيل كمان لما أول مرة أسمعها يكون بالليل في السي تي ايه... تقول على ده ايه
    أو اللي عامل رنته صوت بكاء طفل!! بكاء مش ضحك

    أقول لحضرتك حاجة؟ رنة الموبايل، ونوعية الموسيقى، ومحتويات المكتب اللي بيقعد عليه في بيته أو شغله، وطريقة الأكل، والضحك، والألوان المفضلة، والصورة اللي على الديسك توب، والمشية، وحركات الجسد والايدين أثناء الكلام والانفعال، كل دي حاجات جانبية صغييييييرة جداً تبـيّن كوامن في الواحد فينا المستخبية
    بس اللي يركز ((:

    ReplyDelete
  11. احمد
    بص من غير سلام ولا كلام
    بقى انا هنا مش عشان اعلق على موضوع الرنات دة.. مع انه جمييل جدا
    بس جاية اعلق على موضوع الفلاشات بتاعك
    ايه دة!!!
    ايه الروعة دى!!!!!!!

    اصلا دى لحظات غبت فيها عن الوعى اساسا... واى حد يجى يكلمنى اقول له "بس..... سبونى اكمل قراية"

    يعنى.. بس... بجد بس.. مافيش كلام تانى عندى اقدر اقوله

    انت رائع

    وعلى فكرة... فرصة سعيدة جدا انك اتجوزت صديقة للراديو كمان
    ياااااه.. ولحقت طارق شرارة
    انا كنت لسا صغنووونة وقتها... بس... يااااه

    بص ممكن افوت وقت تانى اعلق عشان دلوقتى الكلام بيهرب منى

    سلاماتى

    ReplyDelete
  12. لي صديقة رنة الموبايل بتاعها صوت قطة حد بيدوس على ديلها

    متصورين الرنة تبقى ازاي لو التليفون حد اتصل بيها

    كل الناس تتلفت تشوف فين القطة المسكينة ومين المجرم اللى دايس على ديلها

    اعتقد رنة الموبايل مرتبطة بالحالة المزاجية للشخص ودي بتتغير حسب تغير الحالة

    عن نفسي بقالي فترة ماغيرتش رنة موبايلي وسايباها زي ماهي من الملل

    لكن لو مزاجي منتعش باحط رنة لطيفة ولكن غير ملفتة او مزعجة

    وصراحة ومن غير زعل مش غاوية قوي امشي ورا احدث موضة في الرنات والكلام ده

    يعني تقدر تقول عني كلاسيكية شويتين تلاتة

    هذا طبعا لايمنع اني مرحة

    لكن ليس للمرح من عدمه علاقة برنة الموبايل

    ده عن نفسي يعني

    ReplyDelete
  13. لو اسمه حمادة ؟
    فهو اكيد يتمنى انه يلعب بس مش عارف

    ReplyDelete
  14. مشكلتنا يبو حميد يا سكرة إن إحنا مش عارفين عايزين إيه بالظبط
    شيلين موبايل شايلينه ليه أساساً
    بنغير النغمات وعلى أي اساس محدش عارف

    الموبايلات تصغير لمشاكل كتير عندنا, بيخليني أحس أن الشعب المصري فيه حاجات كتير مشوهة عايزة تتظبط
    وإن التفاهة صارت هي ما يعلو التفكير وإن الصدأ هو ما يملأ العقل
    غير ذلك قليل إلا من رحم ربي

    ReplyDelete
  15. الغالى حماده
    لما ناس عايشة فى بلد كيلو اللحمة البتلو فيها وصل 46 جنيه مصرى و الجزمة المحترمة ب 150 جنيه و دوا الجلطه ب360 جنيه و الرغيف بربع جنيه و هما مضيعين فلوسهم على الرنات و كروت الشحن يبقى فيه ايه؟
    يبقى احنا وقعنا فى الدوامة - صدقنا البت ام صوت نواعمى اللى بتقول: اتصل اللآن 0900 معرفش كام أحدث رنات و لوجوهات الحق قبل مايلعب- مين اللى يلعب؟ أكيد حماده
    حماده ده راسه لفت من اعلانات الموبايلات و الرنات - لم أرى فى حياتى كم اعلانات عن سلعة كما رأيت اعلانات الموبايلات و مستلزماتها
    معاك نوكيا كام؟ شفت الموتو الجديد؟ بينك ولا سيلفر ؟ عندك بلو توث ؟ أنا عندى كاميرا و انت عندك ايه؟
    أنا عندى ضغط ..ضغط - أصبح الكلام عند العرب أبدى من العيش و من دوا الجلطة
    ممكن البنات تعمل حاجات مش ولا بد عشان تشحن موبايلهاو تنزل عليه رنه ذات مغزى - عرفت ليه بقى الغرب بيضحك من جهلنا؟ عرفت بيبيعولنا ايه؟ كلااااااااااااام
    و فى النهايه أقولك اشمعنا حماده اللى مش هيلعب - يعنى مالوش نفس !!!ا

    ReplyDelete
  16. انا رنة موبايلي
    ايها الراقدون تحت التراب
    اصلي باسمعه بصعوبة
    ههههههههههههههه
    بهزر طبعا
    وعادة بحب اخصص رنات للاشخاص تدل على شخصياتهم
    فعلا موضوع لذيذ
    ملعوبة يا شقير

    ReplyDelete
  17. العزيز أحمد
    على فكرة سواء أكان هاتفا جوالا أو ساعة يد أو سيارة أوغيرها من المنتوجات التقنية، فإنها سرعان ما تتحول في بلداننا الزراعية إمّا إلى لعبة صغار أو علامة وجاهة وتظاهر.. تصور أني لاقيت ذات يوم في بلد عربي متسولا يحمل جوالا، افتُضِح حين رنّ فجأة في جيبه فابتعد مسرعا.. أمّا بالنسبة للموسيقى فصحيح أنها تعكس شخصية من يختارها.. من ناحية أخرى اسمح لي أخي أحمد أن أعقب على ردك على تعليقي ضمن تدوينتك "لقطات من حياتي"، حيث لم أكن أقصد أن تحلل سياسيا تلك الأحداث بل فقط انطباعاتك الشخصية حولها كما فعلت تجاه أحداث السبعينات. مع العلم أن مدونتي هي أيضا ساخرة ولا تتحمل تحاليل سياسية.
    وفي كل الأحوال أحييك على سعة صدرك.
    جُحَا.كُمْْ

    ReplyDelete
  18. اظن ان رنة موبيل الواحد بتدل على حالته النفسيه اكتر من شخصيته يعني لو مبسوط تلاقي رنه مرحه لو مكتئب رنه كثيبه و هكذا
    انا عن نفسي بخصص رنات لواحد او اتنين في موبيلي و الباقي كله زي بعض و مش بغير الرنه خالص و دايما صوت موبيلي واطي جدا
    مش بطيق صوته لما يبقى عالي

    بالنسبه لموضوع حماده
    باين كده ان حماده بيلعب بديله في السعوديه
    :P

    ReplyDelete
  19. بص انا بصراحة معرفش حمادة ده ايه نظامه لكن عايز اقولك حاجة

    بما انك خبير في الشخصيات والرنات

    فانا كنت مألف نغمة زي سرينة الاسعاف بالظبط وعاملها رنتي

    ده معناه ايه ؟

    هعيش ؟

    ReplyDelete
  20. شقير باشا

    أنا شايف إن شخصية كل واحد و حالته النفسية بتطلع على كل تفاصيل حياته

    بس هو فيه حاجات بتعلق مع الواحد كده , من غير ما يكون ليها أى لزمة (زى نغمة حمادة يلعب دى) .. أو ممكن يكون ليها معنى أ.... و لا أقولك

    خليها بينى و بينك

    أنا شخصيا بحب نغمات كارتون جريندايزر (فاكره) ... معلق فى ذهنى جديد , مش عارف ليه


    أما بالنسبة للاب توب التوشيبا , فا إنت اللى قلت بعضمة لسانك إن حرف ال ذ موجود عندك جنب المسطرة ,, و مفيش لاي أوت لكيبورد فى الدنيا كلها كده إلا فى اللاب توب التوشيبا الستالايت و الكوزميو الجديد

    أى خدمة يا باشا

    ReplyDelete
  21. هههههه

    أنا لسة سامعة رنة عسل عند واحدة صاحبتي و هي :

    الحلة عالوبور عشي عيالك
    أنا رايحة بيت أبوية مش رجعالك


    ايه تحليلك لها بقى ؟

    ReplyDelete
  22. موضوع مشكلة
    احلى ما فى موضوع الرنات ده انك تكون مع صحابك فى خروجة وتسمع رنة غريبه بقى طالعه من موبيل شخصا ما
    تضحك و الشخص ده ياما يحرج ياما يفرح بفلت الانتباه!

    ReplyDelete
  23. انهم يبيعون لنا "الوهم" حتى اصبح جزء من احتياجنا.... لقد نجحوا بالفعل
    وماقالته تمر حنه اتوافق معه تماما

    ReplyDelete
  24. أنا مابتفرقش معايا الرنات المهم انها تكون موسيقي .. والطريف ان لما الأسرة كلها تجتمع في بيت أبويا يوم الجمعة ويرن تليفون تلاقي خمسميت واحد بيقول موبايل مين اللي بيرن دة ودور بقي تحت الكنب وبين الشلت ويطلع معاك في الآخر ريموت تليفزيون ضايع بقاله شهر

    ReplyDelete
  25. شفت بقي الكلام خدني ونسيت ما أقول لك أن حمادة بيقول لك ان صاحب الموبايل جه وعايز الموبايل بتاعة

    ReplyDelete
  26. هههههههههه
    انت عارف بتاع رنة حماده يلعب ده يبقى مين؟؟
    واحد بيجهز ابنه يمسك البلد
    ايون هو ده

    مدونتك رائعه

    ReplyDelete
  27. انا شايفة بأة ان رنة الموبايل بتفضح دايما العقل الباطن

    كل الرنات المتدلعة بالاقيها مع ناس محترمين جدا

    واساسا اللى بيهتم يجيب موبايل حديث جدا فدة سببه الرئيسى انه عايز يتروشن وينزل نغمات تكون مثار تعليق ولفت انتباه
    لكن اللى عايز تليفون وبس هو دة اللى ترن ترن

    احدث نغمة الان هى نغمة العاشرة مساءاً

    :)

    ReplyDelete
  28. شوكير باشا
    طبعا مافيش كلام كتير اقوله بعض كل التعليقات الجميلة دى بس
    انا شايف ان موضوع الرنة ممكن يدل على الشخصية او لا على حسب الشخص نفسه لان فى ناس بتحب تغير مفردات الحياة اليومية بتاعتها زى رنة الموبايل او حتى لون البدلة على حسب المود بتاعها و فى ناس ما بتفرقش
    معاها الحاجات دى خالص

    بس الموضوع بتاع الرنات ده لذيذ قوى و
    بالمناسبة انا لسه فارى نكتة على الميل دلوقتى يمكن مالهاش علاقة بالموضوع بس جامدة ولازم اقولها

    بيقولك مرة صاحب شركة كادليز اتقبض عليه فى قضية فخرجوه بكافولة

    :)

    نهارك قشطة

    سلام

    ReplyDelete
  29. هههههههههه حمادة بيلعب

    ما شوفتش حاجه لســـــه هههههه

    ReplyDelete
  30. Just today I figured out why you have this deep insight into human nature and...like to investigate personalities...as this topic of Ringtones!

    You are a Capricorn! :))))))

    Hahahaha...irrelevant point..but believe me this gives a great deal of background of the personality of one person!

    let's say a capricornian does not show his true feelings..may appear indifferent, calm and so cool!...though deep inside he does care and carefully listen and remember and record this!

    Thus a nice ringtone as "7amada yel3eb" will take others to one's real personality..;) anyway..one's ringtone reveals it! or could be!

    hmm..it's my opportunity to analyse the man who long anlysed everyone else here! hahaha

    Your very passionate writing about women,,and their inner feelings..is part of your insight to feel their tortured soul...whereas you don't testify this through your real actions in real life!

    the play with fate, destiny...in your writings...is related to the pessimistic and fatalistic side of a capricornian!


    هل اصبت كبد الحقيقة؟

    just quick remarks...:))) could be right..and could be wrong
    !

    it is just some guessing after all!

    Thanks for your nice comments on my blog....!

    By the way..I am a capricornian as well! hahahahaha
    N.B. I am here taling about Zodiac not horoscope (7azak el youm) which is 7aram of course!

    ReplyDelete
  31. Just today I figured out why you have this deep insight into human nature and...like to investigate personalities...as this topic of Ringtones!

    You are a Capricorn! :))))))

    Hahahaha...irrelevant point..but believe me this gives a great deal of background of the personality of one person!

    let's say a capricornian does not show his true feelings..may appear indifferent, calm and so cool!...though deep inside he does care and carefully listen and remember and record this!



    My O My!!!
    epitaph i was checking the blog, when i read your reply!!
    one day, i used to have an argue about zodiac and stuff with a friend, while he was all the way with it, and i was all the way against... day after day, things revelead in a way makes me belive it more than ever before..

    ReplyDelete
  32. بالمناسبة

    كنت في إجتماع شغل

    مع محافظ من السادة المحافظين الأجلاء

    وجا له تليفون في وسط الاجتماع

    كانت حاجة مسخرة

    متنفعش تتحكي أساساً


    الانكت منها

    داعية إسلامي مشهور

    كنت متخيل رنته الاذان مثلاً

    كان حاطط مزمار بلدي

    وأحلى سلام على طول السلام

    ReplyDelete
  33. وآخر شخصية رزلة تقليدية لايضحك للرغيف السخن بالرغم من انه يحمل أحدث الموبايلات إلا أن رنته هي الرنة السخيفة لتليفون البيت زمان ترن ترن .. ترن ترن ولا يغيرها أبدا حاجة تخنق

    بقى كدة يا عم أحمد؟
    انا رزل و أخنق؟
    طيب رمضان كريم

    ReplyDelete
  34. انا بقى كل ما موبايلى يرن اللى معاى يتخض لانه موبايل مفزع (او الاسلكى زى ما بيسموه اصحابى) اما بالنسبة لموضوع حمادة يلعب

    يبقى حمادة عاوز يلعب بس مش عارف فقال اهه نسمعها
    !!

    ReplyDelete
  35. حمادة يلعب..؟
    دي تقريبا مشكلة كانت من أيام الطفولة مع حمادة :)

    ReplyDelete
  36. جامده اوى حكايت حماده يلعب
    وهيفا
    وروبى
    وتامر
    وعمر دياب
    ايه مفيش حد يحط نغمه مثلا اسماء الله الحسنى
    هههههههههههههههههه
    بجد مدونه جميله جداااااااااا

    ReplyDelete
  37. إبيتاف
    أنت متاكدة ان اللي معاكي ده موبايل ولا أى بود .. كل دي اغاني على تليفونك .. بس تجميعة حلوة
    بتعجبني اوي اغنية اصالة مابقاش انا .. اكيد خدتي بالك من كلماتها
    اعتقد انك وجهة نظرك اقرب الي الصحة هي فعلا ممكن تكون حالة مزاجية بس ممكن برده يكون ليها علاقة بالشخصية

    خالد جرار
    فعلا كله كوم ورنات موبايل اللي في الجامع كوم وخصوصا لما تكون حاجة لربة الصون والعفاف الانسة عجرم

    تاتي
    زنقتيني
    أنا رنتي جيتار وتقريبا ماغيرتهاش من سنة ونص

    محمد محرز
    هو انت معاك التليفون ده ، فعلا ده صوته عالي عامل زي الاسعاف بس كده مجبر اخاك لابطل

    سويدي
    انت بتقفشني برنة حمادة يلعب ، لأ حلوة بس عموما نا عمري ماكان اسمي حمادة

    خالد جرار
    اعنية موطني دي اعتقد اللي باسمعها في اعلانات العراق اللي بتيجي في قناة العربية .. عموما بتكون حاجة اكيد حلوة في الزمن اللي بتمروا بيه
    طبعا راشد العفاسي له حاجات رقيقة ولو اني ماسمعتش له كتير هاحاول اسمع شريطه اللي قلت عليه

    رومانتيك روز
    والله حاجة جميلة اني اكون تاني بلوج بتفتحيه ، بس ياترى ايه اول بلوج ولا ده سر؟
    فعلا ممكن تكون الرنة بتعبر عن الحالة المزاجية اكتر من الشخصية وان كان برده ليها علاقة غير مباشرة بالشخصية
    لأ انا فيا عرق منصوراوي

    شادي
    فعلا اصل بلاقي الي حاطيين سامي يوسف معظمهم شباب روش وبنات روشة بس كده تشعر ان عندهم احساس بالذنب

    دعاء سمير
    بتاع الصراصير وبتاع بكاء الطفل دي شخصيات سيكوباتية متعفنة عايزة تتعالج
    اللبس مع الاكل مع الغاني مع رنة الموبايل وحاجات تانية فعلا كلهم مجتمعين ممكن تدي صورة كاملة عن الشخصية

    لست ادري - بلو
    اخجلتم تواضعنا بتعليقك الجامد ده على بوست الفلاشات ، تخيلتك فعلا وانتي بتقريه
    طارق شرارة .. تعرفيه منين
    ده راجل جنتلمان زي العسل ومهذب جدا بشعره الابيض وشخصيته الهادية
    لا فعلا تعرفيه منين ده انا لحقته في الاخر

    بيلا
    واضح ان شخصيتك هادية ومستقرة ده من اللي قلتيه على طبيعة رنة موبايلك ، لو كان ده صح يبقى فعلا هي بتدل على الشخصية مش الحالة المزاجية بس
    لكن برده ماقلتيش هي الرنة ايه بالظبط

    مهندس اسلام اس ام اس ام
    اسمك برده ممكن يدل على شخصيتك
    عموما هو اسمه مش حمادة بس اعتقد انه بيحب يلعب

    نفرتيتي
    شخصية هادية ومستقرة ومش بتحب الانفعال ، ده تفسيري ياترى صح

    حائر في دنيا الله
    عندك حق التفاهة بقت سمة اساسية وللاسف كتير بينجر وراها
    اما الصدأ في العقول فحدث ولا حرج

    تمر حنة
    بصراحة الموتو البينك الجديد ده تحفة ، لونه بيعقد على رأي اللبنانيين
    اما عن حكاية انت رنتك ايه ؟ وانت عندك بلو توث فانا اكتر حاجة تشليني في الكوفي شوب لما يتجمع تلاتة اربعة ويقعدوا جنبي بالساعات يسمعوا لبعض ام النغمات .. فشل
    وبعدين ماتنسيش تاكسي فون تاكسي في التليفون
    أي كلام
    ألووو مين .. ده محمود عبد العزيز
    محمود عبد العزيز
    بيقول احنا هانكسر عضمك واحنا ناس بتاكل الظلط
    ده تلاقيه الواد ميدو بيعمل فيك مقلب
    والله المقلب معمول فينا كلنا

    جيرو نيمو
    مش عارف ليه ياسمسمة حاسس ان موبايلك رنته فايبريشن بس ، بس ده مش معناه شخصية مهزوزة .. دي كهربا

    جحا كم
    اتفق معاك انها غالبا ماتتحول التقنية الى نوع من علامات الوجاهة وده سببه برده طريقة تفكير المجتمع
    انطباعات شخصية عن السياسة مكن تكون فكرة بوست انشاء الله

    بسبس
    فكرة كده ان حمادة بيلعب بديله في السعودية ، يعني مالاقتيش الا السعودية زي ماكون كده في باريس ولا بيروت
    مافيش هنا مجال للعب بالديل ولا بالإيد
    مش عارف ليه كنت حاسس ان رنة موبايك صوتها منخفض فعلا زي مابتقولي

    أدم المصري
    رنة إسعاف ياراجل حرام عليك .. ده معناه انه تحت الطلب وانت فاهم طبعا

    أحمد السعيد
    للاسف جرانديزر ماتابعتهوش ، كان ايام الشقاوة بأه
    ياراجل نشفت دمي بحكاية التوشيبا دي وقعدت اسال الناس وسمعت فتاوي كتير واحد منهم طلعك من مباحث امن الدولة وقالي اصلهم بيعرفوا كل حاجة عن الجهاز بتاعك عشان كده كنت ناوي اخاصمك لكن براءة
    بس برده زكاء المهندس عندك بسم الله ماشاء الله عالي

    تشانج ديستني

    الحلة عالوبور عشي عيالك
    أنا رايحة بيت أبوية مش رجعالك

    دي رنة دي ولا طبيخ ، عموما هي تنفع ماسيدج اكتر

    مانورا
    هو فعلا لفت للانتباه ده حتى الرنة ماتكونش رنة موبايله ولما يسمع الرنة يطلع التليفون يبص فيه

    متكازي
    ولو اني مش فاهم اسمك كده زي بعض الرنات ولكن ملعوبة بتاعت يمسك البلد دي ، بس ياعم ابعدنا عن السياسة

    بعدك على بالي
    دول مش بيبيعوا الوهم دول بيبيعوا الهبل وانتي عارفة باه رزق الهبل على مين ، علينا طبعا

    زبادي
    هو الريموت برده بيستخبى تحت الشلتة وبتدورا عليه بالشهر
    انا مرة لقيت سكينة تحت الشلتة مش عارف باه اذا كانت تايهة فعلا ولا مقصودة .. إيه ايوه الشلتة الي جنبي

    حلم
    تصدقي فعلا نغمة العاشرة مساءا فكرة برده ، انا احمد صاحبي في السعودية نغمته مش عارف هاتعرفيها ولا لأ نغمة خبر عاجل اللي بتيجي في الجزيرة ودي طبعا معناها ان الرنة وراها مصيبة

    صباحك سكر
    طبعا إذا حضر الماء بطل التيمم
    فعلا انتي استاذتنا في حكاية الشخصيات دي وانتي جبتي المختصر المفيد
    بس ياترى رنتك ايه؟

    هشام
    نكتتك ملعوبة وبالمناسبة دي لسه واصلاني نكتة فهمتها بعد ساعة ، بيقولك ايه أصغر من الحشرة ؟
    .
    .
    .
    .
    .
    .
    .
    .
    تسحة

    صباحوا ابيض

    كويتية
    ايه هو انا لسه هاشوف ايه تاني ؟ مافيش باه غير واوا حاجة كده

    إبيتاف
    إحنا بتوع الكابريكورن ، بصراحة انا ماليش في الحاجات دي
    بس تحليلك عشرة على عشرة زي الراجل اللي بييجي بتاع الأبراج في قناة انفينتي اللي بيقول زحل دخل في الشمس والعقرب خرج من المريخ وده معناه ان نهار ابوك اسود لمدة تلات شهور وبعدين بعد كده هايحصل تثليث بين الشمس والمريخ والحوت وكده هايبقى نهاره ابيض من اللبن
    وبعدين ايه كبد الحقيقة دي انتي اصبتي مصران الحقيقة الاعور

    لست أدري بلو
    كابريكورن برده .. ميه ميه حقيقي
    خلاص هانكون بأه مجتمع الكابريكورن الذيذ وده غير البوب كرون انا عارف واهو كله فشار ، أنا قريت البوست بتاع الموضوع ده عندك اللي بالعنجليزي وبافكر نعمل منظمة كابريكورن بلا حدود

    ابو شنب
    وقعت يامعلم، انت بتقعد مع محافظين يبقى انت باه اللي بتبلغ عن المدونين ياجاسوس .. وكمان بتقعد مع دعاة ده انت شكلك كده طلعت حكاية
    طلع طلع ايه مستخبي كمان

    من يمشي وحده
    والله ياهندسة ماكنت عارف ان نغمتك من نوع ترن ترن وبعجين دي نغمة زي السكر طالما انت حاططها والله اكرم

    طاهر
    ايه رنات الرعب دي ، رنة لاسلكي برده ياطهور .. فكرة تلاقيه طالما حمادة مش عارف يلعب قالك طيب اسمعها على الاقل

    عبده باشا
    من وهو صغير ياباشا والواد عايز يلعب وشكله كده هاينولها قريب

    ابن الشارع
    فعلا بس برده فيه اللي حاطط سامي يوسف مش كله يعني الانسات الفاتنات من عينة اليسا واخواتها


    تحياتي للجميع

    ReplyDelete
  38. بمرتبات مغرية جامعيين وجامعيات للعمل بالكويت بظروف عمل مرضية - يوجد ايضا احتياج لتخصصات الكمبيوتر والشبكات المختلفة وسوف يكون لهم تقدير مادى خاص. نرجو من الجميع الجدية والرغبة الحقيقية فى السفر

    http://www.geocities.com/jobsbaraka

    ReplyDelete
  39. للراغبين فى الهجرة الى استراليا يفضل المؤهلات العليا والألمام بالأنجليزية

    http://www.geocities.com/jobs166

    نتمنى للجميع التوفيق والسداد

    ReplyDelete
  40. فورا للكويت بمرتبات مغرية جدا مؤهلات عليا ومتوسطة

    بمرتبات مغرية جامعيين وجامعيات للعمل بالكويت بظروف عمل مرضية - يوجد ايضا احتياج لتخصصات الكمبيوتر والشبكات المختلفة وسوف يكون لهم تقدير مادى خاص. نرجو ارسال سيرة ذاتية مختصرة على البريد الألكترونى التالى

    jobs323@gmail.com

    ReplyDelete
  41. مطلوب للسعودية مؤهلات عليا ومتوسطة بمرتبات ممتازة

    مطلوب للسعودية مؤهلات عليا ومتوسطة بمرتبات ممتازة للعمل فى مجال الفندقة يفضل معرفة الحاسب الآلى نرجو ارسال سيرة ذاتية مختصرة على البريد الألكترونى التالى

    jobs323@gmail.com

    ReplyDelete
  42. للراغبين فى الهجرة الى استراليا يفضل المؤهلات العليا

    للراغبين فى الهجرة الى استراليا يفضل المؤهلات العليا والألمام بالأنجليزية نرجو ارسال سيرة ذاتية مختصرة على البريد الألكترونى التالى

    jobsbaraka@gmail.com

    حظ طيب للجميع

    ReplyDelete