إستووا .. إعتدلوا .. إستقيموا يرحمكم الله
الله أكبر
الله أكبر .. أحمد ركز بأه في الصلاة وبلاش تسرح ، طيب خلاص ، إمممم .. هو الراجل اللي جنبي ده صوابع رجليه عاملة كده ليه ؟ صباعه الكبير ده كبير أوي ، أه بمناسبة الصوابع هي صوابع زينب دي اللي هيا إيه ؟ بيتهيألي دي اللي عاملة زي الزلابية ، زلابية ؟؟ زلابية إيه بس وبتاع إيه
الله أكبر
أحمد ركز ياأحمد ، طيب ماأنا مركز أهوه ، مركز إيه طيب إنت قريت سورة إيه ؟ أنا قريت سورة اللهب شفت بأه أنا مركز إزاي ؟ لألأ دي كانت سورة الفيل
سمع الله لمن حمده
ربنا ولك الحمد ، أنا جعت ، بس مش عارف أفطر إيه النهاردة ؟ آه المطعم الجديد اللي كانوا بيتكلموا عنه إمبارح ، بيقولوا عليه أكله حلو ، بس هو في شارع إيه ؟ لما أخلص صلاة أتصل بالتليفون أعرف العنوان
الله أكبر
هيا الساعة كام دلوقتي زمانها أربعة وخمسة ، على فكرة هيا الساعة التانية الجلد كنت حطيتها فين ؟ آه ياإما في الدرج ياإما في الدولاب ، دولاب ايه بس ياأحمد ركز ياأحمد إنت بتصلي ، أستغفر الله
الله اكبر
الله أكبر
الله أكبر .. أحمد ركز بأه في الصلاة وبلاش تسرح ، طيب خلاص ، إمممم .. هو الراجل اللي جنبي ده صوابع رجليه عاملة كده ليه ؟ صباعه الكبير ده كبير أوي ، أه بمناسبة الصوابع هي صوابع زينب دي اللي هيا إيه ؟ بيتهيألي دي اللي عاملة زي الزلابية ، زلابية ؟؟ زلابية إيه بس وبتاع إيه
الله أكبر
أحمد ركز ياأحمد ، طيب ماأنا مركز أهوه ، مركز إيه طيب إنت قريت سورة إيه ؟ أنا قريت سورة اللهب شفت بأه أنا مركز إزاي ؟ لألأ دي كانت سورة الفيل
سمع الله لمن حمده
ربنا ولك الحمد ، أنا جعت ، بس مش عارف أفطر إيه النهاردة ؟ آه المطعم الجديد اللي كانوا بيتكلموا عنه إمبارح ، بيقولوا عليه أكله حلو ، بس هو في شارع إيه ؟ لما أخلص صلاة أتصل بالتليفون أعرف العنوان
الله أكبر
هيا الساعة كام دلوقتي زمانها أربعة وخمسة ، على فكرة هيا الساعة التانية الجلد كنت حطيتها فين ؟ آه ياإما في الدرج ياإما في الدولاب ، دولاب ايه بس ياأحمد ركز ياأحمد إنت بتصلي ، أستغفر الله
الله اكبر
أهوه أنا مركز أهوه ، إنظر لمكان السجود وركز في الأيات اللي بيقولها الإمام
الله أكبر
الشيطان ده أعوذ بالله بيخلي الواحد يسرح ، مش هو الشيطان بيتسلسل في رمضان ، يعني بيتسلسل تلاتين يوم ، أيوه بس هو رمضان ده تسعة وعشرين ولا تلاتين ؟ هو إبتدى إمتى ؟ تعالى نحسبها كده هو كان يوم السبت وفي مصر الأحد غريبة أوي الحكاية ؟ طيب لو واحد على الحدود ورجل بره ورجل جوه يصوم ولامايصومش ؟ أحمد شفت أهوه إنت رجعت تسرح تاني
الله أكبر
الله أكبر
الشيطان ده أعوذ بالله بيخلي الواحد يسرح ، مش هو الشيطان بيتسلسل في رمضان ، يعني بيتسلسل تلاتين يوم ، أيوه بس هو رمضان ده تسعة وعشرين ولا تلاتين ؟ هو إبتدى إمتى ؟ تعالى نحسبها كده هو كان يوم السبت وفي مصر الأحد غريبة أوي الحكاية ؟ طيب لو واحد على الحدود ورجل بره ورجل جوه يصوم ولامايصومش ؟ أحمد شفت أهوه إنت رجعت تسرح تاني
الله أكبر
هو إحنا في الركعة الكام ؟ يعني هانقوم ولا هانقرأ التشهد ؟ لا دي التانية ، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر
أيوه دي الركعة التانية ، شفت بأه عشان سعادتك عمال تسرح ، لأ خلاص أعوذ بالله من الشيطان الرجيم
الله أكبر
السجادة دي مريحة ولونها حلو ، هيا سجادة ولا موكيت ، لاموكيت بنسيج السجاد ، آه على فكرة إبقى إفتكر تكنس السجادة اللي في البيت بالمكنسة ، بس لازم أنضف كيس المكنسة عشان بقالي مده مانضفتوش
الله أكبر
الراجل اللي جنبي ده ، رجليه بتزق في رجلي ، طيب أحرك رجلي شوية ، الله ده بيلزقها فيا تاني ، أستغفر الله
الله أكبر
فيه صوت موبايل ، الناس دي ليه مش بتقفل الموبايل ساعة الصلاة مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس بس هو الموبايل ده كان نوعه إيه ؟ بيتهيألي سيمنس هيا إيه الرنة دي ؟ آه أنا عايز أبقى أغير الرنة ، فاكر الموضوع اللي كتبته عن رنات الموبايل
.
.
.
.
الله أكبر
الراجل اللي جنبي ده عمال يتحرك كتير ، أستغفر الله مافيش خشوع خالص ، أنا أهوه مش باتحرك
السلام عليكم ورحمة الله ، السلام عليكم ورحمة الله
إيه هيا الصلاة خلصت ؟
السلام عليكم ورحمة الله ، السلام عليكم ورحمة الله
الله أكبر
أيوه دي الركعة التانية ، شفت بأه عشان سعادتك عمال تسرح ، لأ خلاص أعوذ بالله من الشيطان الرجيم
الله أكبر
السجادة دي مريحة ولونها حلو ، هيا سجادة ولا موكيت ، لاموكيت بنسيج السجاد ، آه على فكرة إبقى إفتكر تكنس السجادة اللي في البيت بالمكنسة ، بس لازم أنضف كيس المكنسة عشان بقالي مده مانضفتوش
الله أكبر
الراجل اللي جنبي ده ، رجليه بتزق في رجلي ، طيب أحرك رجلي شوية ، الله ده بيلزقها فيا تاني ، أستغفر الله
الله أكبر
فيه صوت موبايل ، الناس دي ليه مش بتقفل الموبايل ساعة الصلاة مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس بس هو الموبايل ده كان نوعه إيه ؟ بيتهيألي سيمنس هيا إيه الرنة دي ؟ آه أنا عايز أبقى أغير الرنة ، فاكر الموضوع اللي كتبته عن رنات الموبايل
.
.
.
.
الله أكبر
الراجل اللي جنبي ده عمال يتحرك كتير ، أستغفر الله مافيش خشوع خالص ، أنا أهوه مش باتحرك
السلام عليكم ورحمة الله ، السلام عليكم ورحمة الله
إيه هيا الصلاة خلصت ؟
السلام عليكم ورحمة الله ، السلام عليكم ورحمة الله
أستغفر الله العظيم
ملحوظة : مش أنا اللي في الصورة
--------------------------------
هذه التدوينة أعادت نشرها المواقع التالية دون الإشارة إلى صاحبها
منتدي دي في دي فور أراب ، مدونة فوضى الحواس ، منتدى عيني عينك ، مندي صُناع الحياة ، منتدى مزكوني ، منتدى عمر خالد ، منتدى محبي الحبيب ، منتدى قمر العين ، منتدى شباب الإسلام ، منتدى الطلبة ، منتدى ليالي لبنان ، منتدى الضحى ، منتدى فرسان الحق ، منتدى كاش
............. وكفاية كده
بص بقى ضحك وللصبح
ReplyDeleteحوار مع النفس قذر جداااااااا
وراااااااائع منك جدا
شوفت ازاى
الجامع اللى عندنا عامل عرض كويس
كل اربع ركعات عليهم اربعه هديه
الف سلام وتحيه
يخرب
ReplyDeleteشيطانك
يا أحمد
نهار أسود هو انت كمان بيحصلك كده؟
ReplyDeleteبحاول بشده أجيب فى مرة الأربع ركعات بتركيز بس صعب - تحس ان دماغك عيل محبوس مش عارف يفلفص قوم تفلفص فى اى حاجه فى الدنيا لحد الصلاه ماتخلص - انت عايش جوانا ولا ايه؟
حلوه طحن..
ReplyDelete..فعلا ده اللي بيحصل مع كله
..
بس بستغرب حاجه لو الامام غلط..بتلاقي كله بلسنه وبيرد
...
وانا كمان برد
..
احمد باشا شوقييييييير
ReplyDeleteوالله ما قدرتش امسك نفسي م الضحك يا استاذ
انت ليك جاذبية لا تقاوم
اوعي بقي ما تبصليش بعنيك
هههههههههه
بجد بجد كلامك مش عارف اقولك عليه ايه
اكتر من رااااااائع
مش ممكن
ReplyDeleteعمري ما شفت حد قادر على الافصاح بالحقيقة بالشكل ده
بس بجد عامله كده زي الكوميديا السوداء
تتضحك لدرجة البكاء
بس مش انت قلت انه اتحبس هو خد افراج ولا ايه
سلام
الإعتراف بالحق فضيله
ReplyDeleteولكن متى سنتخذ قرار التغيير
في حياتنا
اخي حكاوي آخر الليل
أنت مبدع أنت صادق
نرى الشمس بقلمك آخر الليل
لك مني التحيه
وبعدين بقي ياأحمد الواحد ما يعرفش يصلي جنبك أبدا بعد كدة .. ح يكرشونا برة
ReplyDeleteبركة أنك ما كنتش أمام .. كانت ولعت يا باشا
احمدالعزيز
ReplyDeleteلكم كنت صادق مع تفسك فى هذا البوست لكن للاسف كل منا يحدث له هذا وخاصة كلما اطال الامام فى الصلاه
وطبيعى والا مكنش نص القرأن يقول وَاسْتَعِينُوا بِالصَّبْرِ وَالصَّلاةِ وإنها لكبيرة إلا علي الخاشعين
كبيرة فى الحفاظ على مواقيتها وفى تركيزك فى الصلاة وفى خشوعك لله عز وجل
ربنا يهدينا ويبعد عنا وساسوس انفسنا ووساوس الشياطين
تحياتى على مواجهة النفس
هههههه
ReplyDeleteما تركز ياعم احمد مش معقول كدة :p
هو الامام صلى كم ركعة صحيح ؟!
الفرض ولا السنة ولا التروايح ؟!
طب وقال كم سورة وقعت الصلاة اد ايه ؟ ربع ساعة ولا كام يا عم رد عليا :p
طب انا عندي اقتراح .. صلي في الجامع ده بكرة وحتدعيلي
http://fromghazza.blogspot.com/2006/10/blog-post_10.html
وتحياتي ليك يا بطل
السلام عليكم استاذ احمد
ReplyDeleteبصراحة فكرة رائعة
كلنا بنقع فيها وقليل مننا ما تأتيه الشجاعة ليعترف بها ويناقشها
اسلوبك جميل
وهادف
نسال الله ان يرزقنا الخشوع
فكرتني بواحد كان بيصلي وفي التشهد لقيته قاعد بيبص في الساعة
ReplyDelete:)
جميل جدا جدا يا أحمد
ReplyDeleteبجد لذيذ واجمل ما فيه إنه من نوعية الكتابات الي بتفضحك قدام نفسك من صراحتها ولا تجد أمامك بدا من الضحك بدلا من الضيق
برافو يا أحمد، قليلين هم من وجدتهم يمتلكون ناصية هذا النوع من الأدب
وإلى الأمام
كنت بافتكرك معتكف
ReplyDeleteاتاريك بتجاهد علشان تصلى
:)
ياه خلصت بسرعه
ReplyDeleteده العادى بتاعنا هههههههههه
هو انت كمان كده
ReplyDeleteمين مش كده ؟؟ بدون وعى منى و أنا بصلى طلعت الموبيل من جيبى لحسن يرن فى الجامع !!!!
ReplyDeleteحسيت أده إيه أنا خاشعه مع ربنا
بجد ربنا رحيم عشان سيبنا نعمل كده و أحنا بين إيده
قولوا أستغفر الله العظيم
أستغفر الله العظيم
ReplyDeleteالواحد موش عارف يعمل ايه,ركزززززززز ياحاج
الفكرة جديدة و جريئة و بتمس الوتر الحساس
ReplyDeleteانا بركز اكتر لما بصلي في حجرتي في ضوء خافت
لكن في المسجد بيكون في حاجات كتير تلفت الانتباه و تشتت
بس انت طبعا لازم تصلي في المسجد
تعرف ركز علي نقطة ثابتة في سجادة الصلاة و متغيرش نظرك عنها
ده حيساعدك
ربنا يرزقنا جميعا الاخلاص و الثبات علي الحق
خالص تحياتي
جرب تصلي في مسجد الشاطري اخر الاربعين يمين
استغفر الله العظيم ربنا يهدينا و ميشغلناش فى الصلاه
ReplyDeleteبوست جميل ودمك خفيف
الا قولى انت قلت قبل كده على بوست اتنشر فى روايات نت هو انت مين فيه انا هناك عاشق منير ابقى رد عليا هنا ولا عندى فى البلوج عايز اعرفك
ya basha de moshkela kebeera 3andena kolena
ReplyDeletethat is because when we go to pray we don't really understand the meaning of praying, we don't really understand the meaning of being on front of god, talking to him directly without anyone in between, we don't appreciate that enough
that is because with most of us praying has become a practise that we do everyday without caring about the spritual side behind it, we loose the soul and the meaning and so we loose our focus
by the way my name is maged shafie
ReplyDeleteماجد شافعى
not sherif, i don't know how many guys read it so :D
ramadaan kareem ya basha, wish me luck in the army :::(
FreeSoul
هههههههههههه
ReplyDeleteبجد بتحصل بالضبط واكتر شوية كماان
طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
ReplyDelete:D
بتحصل كثيييييير
البوست لذيذ خالص
السلام عليكم
ReplyDeleteاخى الفاضل : لا توجد سورة اسمها سورة اللهب اعتقد انك تقصد سورة المسد فارجو ان تعدلها .
مهما سهينا فى الصلاة فلن نخطىء فى اسماء السور على ما اعتقد .
شكرا لك
أستاذ نفس بشرية
ReplyDeleteورئيس قسم
يا معللللللللللللللللم
:)
قصدك صورتك فى البوست دة ولا البوست اللى فات
ReplyDeleteمعلش بس علشان ما يحصلشى لبس
أستحضروا عظمة الله فى قلوبكم و صلوا صلاة مودع يرحمنا و يرحمكم الله
ReplyDeleteعلى فكره من الو اضح ان الموضوع دا جه على الجرح
بس الفكره عجبتنى اوي
نفس اللي بيحصللي مع اختلاف سكك السرحان ... يعني ساعة السجود اشم رائحة السجاد المعفنة والعن المصليين اللي بيتوضوا ولاينشفوا رجليهم كويس , أو انظر للكعبة المرسومة ع السجادة وافكر كم هي ركيكة وتقليدية , وبختلط الأمر في ذهني بين التركيز في طقوس الصلاة نفسها وبين السرحان همومي الشخصية اثناء الدعاء ... والغريب ان الواحد لاينتبه حقا للصلاة الا ساعة التسليم
ReplyDeleteاستغفر الله ... بس شديدة التدوينة ... كعادنك دوما يابرنس
استاذ احمد لقد استعرت موضوعك عندى بالمدونه وارجو تشريفك
ReplyDeleteوالتاكسى على حسابى
:))
حرام عليك يا أحمد
ReplyDeleteمن ساعة ما قريت البوست دة و أنا كل ما أجي أصلي أضحك
:) و أستعفر و أعيد من الأول
ركز بقى
تعرف كلنا فعلا بيحصلنا كده بس محدش فينا فكر يعترف بالطريقة دي
ReplyDeleteسبحان الله كمنت هكتب بوست شبه ده بس كسلت الشيطان متسلسل طب احنا بنغلط ليه؟؟
ReplyDeleteممكن علشان خلاص اتعودنا فمش فارقة معانا موجود او متسلسل
المهم حضرتك فطرت ايه ؟؟
هههههههه
ReplyDeleteلا تعليق
ربنا يثبتنا جميعا
تعرف يا احمد ان حكاية الشياطين اللى بتتسلسل فى رمضان دة لخبطنى شوية وخلانى ادور
ReplyDeleteلقيت ايه بأة
:
إذا كانت الشياطين قد صفدت في رمضان فإن هناك أسبابا أخرى لوقوع المعاصي مثل: النفس الأمارة بالسوء التي تطيع الهوى المذموم، وشياطين الإنس، وقد يكون المراد من تصفيد الشياطين المردة منهم، وأما غيرهم فلا يقيدون
احمد
ReplyDeleteمتنساش ان الشيطان دية مهمتة وشوف فى سورة الاعراف الايات 16 و 17 الله عز وجل بيقول اية عن لسان الشيطان
قال فبما اغويتنى لاقعدن لهم صراطك المستقيم * ثم لاتينهم من بين ايدبهم ومن خلفهم وعن ايمانهم وعن شمائلهم ولاتجد اكثرهم شاكرين ـ صدق الله العظيم
بس انت وصفت بمدونتك وحرفنتك حال الكثير منا ودة يطمنا على ان الواحد ماشى صح لانة لو محصلناش كدة معناها ان احنا غلط فرب ضارة نافعة ـ تحياتى
ما ان صرح الرجل بوساوس النفس او الشيطان اثناء الصلاه حتى اتخذها الجميع مجالا للفكاهه والتندر بدلا من النقد الموضوعى للبوست أو التواصل بالحوار للتوصل الى طرق للتغلب على تلك الحاله التى يعانى منها الجميع اثناء الصلاه ، والادهى من ذلك ان البعض اعتبر البوست قافيه ودخل من خلالها للوصول بالحاله الفكاهيه الى ذروتها وكاننا فى حوار مسرحى عبثى مع اننى بهذا التوصيف اظلم المسرح العبثى .
ReplyDeleteوملاحظه عامه واخيره ، ما ان ينشر بوست على اى من المدونات إلا وتجد الجميع فى حالة تشجيع حاد ومدح وإطراء للناشر ولكن ليس من باب التشجيع الموضوعى وانما من باب مجاملة الصنايعيه والورشجيه بعضهم لبعض (الله ينور..فل يامعلم .. تسلم ايدك يااسطى) .
المفترض ان من يتعامل مع الميديا التفاعليه هذه هو على درجه معينه من الثقافه والفكر المنهجى المنطم والذى لاتنسجم معه مثل تلك السلوكيات ودون توصيف اتمنى ان نكون على قدر من المسئوليه وسعة الأفق فى حواراتنا ومناقشاتنا بما يعود على الجميع بالفائده العلميه والثقافيه.
تحياتى للجميع وللأستاذ احمد وتعليقى على البوست انما الاعمال بالنيات اولا واخيرا واحسبها من نوايا الخير ، ولا نزكى على الله احدا.
يا جماعه انا لسه سامع الحل فى التليفزيون بيقولك لنك لازم تتوضاء صح و بهدوء و بعدين تستحضر الخشوع لله فى قلبك
ReplyDeleteههههههههههههههههههههههههه
ReplyDeleteبجد مش عارف اقول ايه
أغلبية اللى بيصلوا بالشكل ده
ReplyDeleteما هى هيا دى الصلاه المودرن
بزنس از بزنس
intp h2ololy, that's how i pray mn ayam mkn 3ndy 8 aw 9 sneen, welmoseba iny lessa m5lsa elfagr we wana feltashahod mesh fakra iza kont slt elrak3a eltnya de asln wala la2a, howana bad2tha ah, bs kmlt, emta, mesh fakra elsara7a, we by the way elshayatien mtsalsela we kol 7aga, e7na yababa elshyaten mesh m7taga tglna asln, e7na kda 5l2a, lesa knt hdyha post bmnsbt salt elfgr elmosharefa ely ana lsa knt b2ol 3leha, bs inta omt belwagb, bs leh bnn7s belznb, we so2al fel3'ree2 b2a, howa e7na fe3lan 7asien belznb we far2a m3ana, wala de 7ala we dor bn3eysho felwa3y we akna3na beh elwa3y -7elwa el7ta elnfsawy de-? do we really care? if we did we would've don't righte melawel, yalla, law fat7t fel7ewar da htl2eny ktbalk hna post mesh comment, good after night
ReplyDeleteLOOOL!!
ReplyDeleteأبدعت يا أحمد
موضوع واقعى بس الحلو ف الموضوع انك بتوصف بدقة كأنك مركب جهاز تجسس على كوامنك الداخلية
ReplyDeleteوحكاية الخشوع دى صعبة واحنا بيتشرحلنا حلول ليها نظرية ولكن ما بتنفعش معانا
مثلا فيه ناس بتقول التقوى هى الحل
بمعنى إيه ما تعرفش
يعنى ما احنا برضة تقاة هو احنا يعنى بنسكر م العصر ولا بناكل مال حرام
وغيره بيقول دوام الذكر / ذكر الله هو اللى بيوصل بيك لهذا الخشوع
اما اتهامنا للشيطان فلا محل له من الإعراب
زى اتهامنا لإسرائيل انها السبب ف الكثير من مشاكلنا
ع العموم الخشوع من وجهة نظرى يأتى إذا وضعنا العبادة رقم واحد فى حياتنا وبعدين تاجى اهتماماتنا النت و الرياضة والفن
ووووو
اما خلاف ذلك فاسمحلى
اقولك احنا بننفخ ف قربة مقطوعة
عشان كدة الصلاة تعتبر جهاد مع النفس ربنا يقوينا عليها بقي
ReplyDeleteههههههههههه
ReplyDeleteالله يلعن الشيطان
امس كنت اطالع إيد اللي بتصلي جمبي
هيه ليه ما تئصش اضافرها
جتك أرف
LooooooooooooooooooooL
يا سبحان الله .. انا باقول نعمل حركة و نسميها كلنا احمدP:
ReplyDeleteربنا يسامحنا جميعا يا رب و يرزقنا الخشوع ف الصلاة
يقال ان لو الانسان عايز يخشع ف الصلاة يصلي و كأنها اخر صلاة له ف الدنيا(صلاة مودع)
شكرا علي الموضوع الواقعي جدا
اى اضافه مش هاتبقى جديده عن اللى اتقال هنا
ReplyDeleteبس فعلا انت عبقرى ببساطتك فى التعبير عن معظم الحاجات اللى بنفتكرها وبننشغل بيها فى الصلاه
مش هاتفرق اذا كانت البنت اللى جنبى حاطه مانيكر .. مش هاتنفع صلاتها اكيد .. ولا بتستعمل نفس البرفان بتاعى ولا المشوار اللى هاعمله بعد ما اخلص الصلاه
فعلا استغفر الله العظيم
الله اكبر
ReplyDelete..... .. ...........
.. ..... ....... .. .
.... .
ايه ياماما فيه ايه موش مركزه ليه,هنعمل زى شوقير ولاايه
الله اكبر
. ... ....... . .....
......... ........
لا مينفعش خالص حركات احمد شوقير دى
سمع الله لمن حمده
............ .... ..... ....
... ........ ........ ......
شوفتى قفشت بردو ,زى احمد شوقير اللى كنت بتتريقى عليه
خد عندك لحد "السلام عليكم ورحمه الله"
طول الصلاه بفضل سرحانه
فـــــــــــــيك
احمد ربنا انو مجاش جنبك واحد من اللى بيردوا على الموبيل وهما بيصلو
ReplyDeleteللحين فى صلا اتصل بعدين
واحد تانى رن الموبيل فى جيب وهو كان نوى وصبى شغال عندة مد اية فى جيبة واخد الموبيل علشان يرد هو فهمسلة فى الصلاة الاحمر كانسل يعنى
وهلم جرا
على فكرة جالى زياد يوم 6 اكتوبر
يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال
ReplyDeleteتعالو بسرعه ادعو معايا
ReplyDeleteالحق اليوم الاخير ليله القدر
وادعى معايا
وقول امين
كالمعتاد تكتب مالا يكتبه غيرك
ReplyDeleteرائع
تحياتى ومودتى
صح جدا و بيحصل...كل سنة و انت
ReplyDeleteطيب، هتعيد في مصر؟؟
احمد فوزى اصحى وركز معايا فى الكلام مافيش وقت
ReplyDeleteممكن تاجى عندى وتقرا الأسئلة بتاعة اختبار شهر رمضان وتجاوب عليها عندك
وتبعتهم لخمسة مدونين للفائدة
ياريت
كل سنة وانت طيب
كان ردي علي البوست عند جبلاوي
ReplyDeleteاني لما قررت يوم اني اصلي بتركيز شديد من غير ماغلط
كانت النتيجة اني قضيت اليوم كلة باغلط علشان مركزة ازاي مافقدش تركيزي ده
النصيحة اللي سمعتها.. لو بتصلي لوحدك اقرا سور طويلة نسبيا غير السور المعتادة ودعاء مختلف كل ركعة
اما اذا كنت في الجامع فتخير الامام الذي ترتاح لصوتة واطالتة للصلاة
اما عن الاسلوب ذاتة فكالعادة رااااائع
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
ReplyDeleteتحياتي
حلوة قوي الفكرة دي
ReplyDeleteوالجميل انك حكيت علي هيئة صلاة كاملة
يا سبحان الله كنت فاكره انا بس اللى كده .ده الشيطان بيعمل عمايل سوداء فى الناس كلها. ربنا يرحمناجميعا و يرزقنا الخشوع والاخلاص .
ReplyDeleteكل سنة و انت طيب
ReplyDeleteوالسنة الجاية تقضي العيد في مصر ان شاء الله
على فكرة كل شوية الاقي بوست من بتوعك مبعوتلي
chain mail
عم يا عم بقيت مصدر ينقل عنه . اللهم لا قر
العيد يعود
ReplyDeleteوالشعب مزيد
الشعب بعيد عن فعل الكلمه
والفعل قدير بالارض تميد
الفعل قدير بالارض تميد بعروش الحكم واذناب الطغمه
قد قال حكيم فى الكلمه :
الكلمة نور
ودليل تتبعه الأمة
الكلمة زلزلت الظالم
الكلمة حصن الحرية
نشهد ان الكلمة نور
وان كثير الكلمات قبور
والفعل هو ايضا كلمه
لكن ليس ككل الكلمات
به تحيا أمه .. او تطعن فى القلب تموت
به تسمو أمه .. او تهوى للدرك الاسفل
به ترفع هامه .. او تركع فى قيد الرق مذلل
به تنطلق الخطوه .. او تتعثر فى ذل الحاجه للأرزل
الفعل هو ايضا كلمه
لكن ليس ككل الكلمات
به تنشد حرا .. او تبكى فى كهف مظلم
به تنزع حقا .. او تترك فى ايدى لصوص
به تحمى وطنا .. او تجبن فى وجه طـغاه
به تغدو حرا .. أو تمسى سجينا كل صباح
الفعل هو ايضا كلمه
لكن ليس ككل الكلمات
الفعل دليل على صدق الكلمه
والصدق حياة الاحرار
فلنفعل شيئا ولنحيا حياة الاحرار
لنحرر وطنا من بغى وجور الاشرار
ونهدم اسوار السجن
ونحطم قيد الاسر وحصون الفجار
لنفعل شيئا
ولينهض شعب على فعل الكلمه
ونعيد بناء الامه على صدق الكلمه
وتعود مدينتا لتبقى مصر الاحرار
الفعل هو حقا كلمه
لكن ليس ككل الكلمات
الفعل حياة او وأد حياه
قد تشعل نارا او توقد نورا للخير طريق
قد تقتل شعبا او تحمى امه من فعل الطامع والزنديق
الفعل حياة او وأد حياه
وسواه من الكلمات سكون
فلنفعل شيئا
فلنفعل شيئا ليعود العيد ومعه مزيد
معه مزيد من عشاق الفعل وعلى نور الكلمه .
وكل عام وانتم بخير
احمد فتحى
S well all the same problem (il shittan yilaab fiena)
ReplyDeleteاستغفر الله ...الله يثبتنا ان شاء الله..:)
ReplyDeleteعيدك مبارك..:)
العزيز شقير
ReplyDeleteازيك يا طيب
كل سنة وانت بخير
وعيد سعيد على الكل يا رب
جينا نعيدوا عليك
وماله يعنى الجدع اللى فى الصورة؟
اكمنه اصلع يعنى وبكرش؟؟
ولا عشان باين انه راجل كبارة كدة وفوق الخمسين بخمستاشر سنة؟؟
هاااة؟؟
بس شغال برضه
ههههههههههه
الجدع اللى فى الصورة حليوة رغم الظلام
وماشى الحال بيه
كل سنة وانت طيب
حد ياجماعة يحط نفسه مكاني رديت على خمسة وستين تعليق وجيت انشر الرد البلوجر قالي انه في حالة صيانة والرد اللي كتبته على التعليقات طار في الهوا
ReplyDeleteنرجع نرد تاني
اولا اشكر الجميع
ثانيا الردود مرة اخري
Gbalawy
عجبني تعبير حوار قذر جدا لأنه فعلا جاي من النفس الامارة بالسوء
MAKSOFA
يسمع منك يامكسوفة وربنا يخرب بيته فعلا
تمر حنة
فعلا هو عيل محبوس جوه وعيل رزل وشقي وصوته عالي فعلا
ربنا يهدينا انشاء الله
خجل
لو الإمام غلط كله بيحاول يرد فعلا انا كتبت بوست السنة اللي فاتت عن الحكاية دي
ادم المصري
واضح اني مش لوحدي ياآدم في الحكاية دي انت طلعت منهم ولا ايه
ام العيال
فعلا زي ماقلتي هيا كوميديا سوداء بتخلينا ناسف على حالنا والله وربنا كريم انشاء الله
رحال
شكرا على كلامك الرائع واعتقد ان اظهار مدى الحال بهذا الشكل بداية لمراجعة حساب لتغير طريقة اداء العبادات
zabady
وانت بتقول فيها يازبادي المشكلة فعلا بتكون اكبر لما الواحد الظروف تحطه في موقف يكون فيها إمام وتظهر مشكلة عدد الركعات
tota
فعلا الآية الكريمة بتؤكد انها فعلا محتاجة جهاد مع النفس
اللهم الهمنا الخشوع في صلاتنا وكل عبادتنا
3ola
ايه الجامع ده ، هما كمان بيقيسوها بالوقت بالشكل ده
يعني لاتركيز وسرعة كمان
بس ده الجامع في غزة ياعلا
أُكتب بالرصاص
ماخبيش عليك أنا فكرت كتير قبل مانشر البوست ده لانه في فعلا مواجهة مع النفس كبيرة
Abdou Basha
اللي بيبص في الساعة ده امره هين امال تقول ايه في اللي بيحط صباعه في مناخيره وبعدين يطلعها ويقعد يبص عليها
Dr. Zeus said...
شكرا يادكتور على تشجيعك الجميل ده اللي بيصعب كتير على الواحد وهو بيكتب بوستاته التالية
حــــــلــم
وانتي بتقولي فيها ياحلم دي فعلا مجاهدة بجد
shady
يعني مطلعتش لوحدي ياشادي امال ماحدش بيتكلم ليه؟
daktara
هو انت كمان كده
Noran
عندك حق ان ربنا رحيم بينا ان احنا بنعمل كده واحنا بين ايديه
اللهم الهمنا الخشوع في عبادتك
Sarwa
يعني الموضوع مش رجالي بس ياثروة
ركزي بأه
كلبوزة لكن سمباتيك
فعلا كلامك فيه بعض الحل بالتركيز على نقطة معينة
جامع الشاطري بعيد عليا ده خمس شوارع بيني وبينه انا تقريبا على طريق المدينة
محمد ياسر
شكرا على كلامك الجميل
اما ياعاشق منير حكاية المواضيع اللي بتنشر على روايات نت انا بصراحة مش مشترك في المنتدى ولا بانشرها بس هما بينششروها وانا بس باشير ليها عندي كنوع من اثبات الملكية
free soul
تحليلك للموضوع هايل ومعرفة الاسباب بلاشك اول خطوة للتصحيح
واتفق معك ياماجد تماما
free soul
معلش على الخطا في الاسم ، الدنيا صيام باه وتم عمل اللازم وتصحيح الاسم
shababik
أكتر من كده كمان ياشبابيك ، هاها كده يبقى كتير بصراحة
توتي فروتي
هو فعلا ده اللي بيحصل ونورتينا في المدونة
مؤمن
وعليكم السلام بصراحة ملحوظة في الجون يامؤمن بس أنا ماغيرتهاش لانها فعلا جت في بالي كده وأنا كنت باكتب اللي في بالي
برافو يامؤمن
ME
جميل اللقب ده ياست الكل تحية كبيرة أوي عليه
adhm
هاها .. قصدي ياأدهم الصورتين عشان مايحصلش لبس
ahmEd_[H]
فعلا كلام الإمام لما بيقول صلوا صلاة مودع فعلا لو كلنا ركزنا في معنى الجملة دي النتيجة هاتختلف كتير للاحسن
451 فهرنهايت
فعلا يادكتور أنا فعلا غزاي مااخدتش بالي من حكاية الكعبة اللي مرسومة على سجادة الصلاة فعلا دي اخدت من فكر الواحد كتير اللهم إرحم الجميع
Gbalawy
سعدت بتحليلك للموضوع في مدونتك واتمنى ان تكون اسباب اغاق المدونة خير وتزول الاسباب وترجعلنا بسرعة
change destiny
كده برده .. انتي كده هاتحسسيني بالذنب .. حرام
انسيني خالص
توتة توتة
أحيانا بتكون الفكرة قريبة منا جدا ولكن غالبا لانلتفت اليها
شرفتي المدونة
Nouran
شفتي بأه عشان لما تجيلك فكرة إكتبيها على طول
Epitaph said...
يسمع منك ربنا وكانت جميلة اوي تدويناتك النورانية في رمضان
حــــــلــم
فعلا ياحلم هو الكل اجمع على حكاية النفس الامارة دي لكن سياطين الانس دي اول مرة اخد بالي منها
Gid-Do - جدو said...
فعلا الايتين الكريمتين دول اكبر دليل على تربص الشياطين لنا من كل اتجاه
ربنا يحفظنا جميعا انشاء الله
احمد فتحى - بعضا من الموضوعيه يرحمكم الله
فعلا مالفت نظري في تعليقاتك هي عمقها وتحليلها الشامل وفعلا الواحد بيكتب في موضوع جيد بطريقة خفيفة ليصل المقصود من الفكرة بطريقة سهلة
اشكرك على تعليقك ودايما نشوفك
ahmEd_[H]
سعيد جدا بتواصلك وإضافاتك المفيدة والجيدة
أجدع واحد في الشارع
شكرا ياجميل على تواجدك ومعنى كلامك وصل
islam yousef
اللهم ارزقنا الخشوع وابعد الرياء في الصلاة وجميع العبادات واجعلها خالصة لوجهك
Anonymous
good after night
فعلا نقطة وجيهة جدا وهو الاحساس بالذنب اعتقد ان الاحساس بالذنب شيئ جيد في هذا الموضوع وهو يعتبر مفتاح البداية لحل هذا العبث
~ se3loah ~
بصراحة ياسعلوه باكون سعيد جدا لما الاقي تعليق ليكي عندي
The Doctor !i..
والدكتور عندنا كمان نتمنى نشوفك دايما يادكتور
أبو أمل
اعتقد انك مسكت بداية لحل وهو ان نجعل العبادة هي في اول اهتماماتنا وعندها تاتي التقوى ومنها يكون الخشوع والاحساس بعظمة من نقف بين يديه
شكرا ابو امل
sahar
هي فعلا الصلاة لو اخدناها من زاوية جهاد مع النفس هايكون ليها نتيجة مبشرة
بالمناسبة الاسم ساهر ولا سحر؟
نون النساء..
هاها
اهتمامات الستات بتختلف بس برده كلها بتقلل التركيز
المانيكير فعلا حاجة ملفته للنظر غصب عن البني آدم
Nour
فعلا الاحساس بان الصلاة صلاة مودع بمعنى الكلمة تفرق كتير في القضية
كلنا احمد دي جديدة
حنيـــــــن
الموضوع ماطلعش رجالة بس ده الستات نفس الحكاية ربنا يقويكوا ويقوينا
فعلا استغفر الله العظيم
Sarwa
كده برده ياثروة محسساني بالذنب وبقيت انا كمان احد اسباب السرحان مانا قلتلك فوق ركزي باه
asadma7bos
لا لسه ماحصليش مقابلة اللي بيردوا على الموبايل
الف مبروك زياد ويتربى في عزك انشاء الله
يا مصر اكتب إليكي رسائلي
عيد سعيد عليك وعلى كل حبايبك انشاء الله
أجدع واحد في الشارع
كلنا معاك في نفس واحد اللهم امين
بعدك على بالى
ميرسي على كلماتك الجميلة والاجمل عودتك للتدوين مرة اخري بتدويناتك المتميزة والعميقة
Nerro
وانتي طيبة يانرّو
كنت امنى اقضي العيد في مصر بس الظروف ماسمحتش
أبو أمل
كل سنة وانت طيب ياابو امل واتمنى ارد على اسئلتك في اقرب فرصة وشكرا على الدعوة الجميلة للاسئلة الجميلة
saso
عجبني ردك عند جبلاوى وفعلا التركيز في نقطة مهمة جدا والنظر محل السجود حديث عن الرسول صلى الله عليه وسلم
yellowkitty
شكرا لتشريفك ونتمنى نشوفك دايما
كلبوزة لكن سمباتيك
ةكلنا بنقول امين في دعائك ياكلبوزة
باسم شرف
شكرا ياباسم على تعليقك
i`m just depressed
لا طلع بيحصل مع كتير وده اللي اكتشفته من التعليقات
المرة الجاية مش عايزين تكون محبط واسمك يكون ايام جست هابي.
change destiny
وانتي طيبة ويسمع منك ربنا
الايميلات دي جت لي برده واكتر من كده جت لي على اميل الشغل
واللي باعتينها مايعرفوش اني صاحبها
احمد فتحى
الفعل هو حقا كلمه
لكن ليس ككل الكلمات
الفعل حياة او وأد حياه
قد تشعل نارا او توقد نورا
كلمات جميلة ووجهة نظر جيدة وجديدة للاحتفال بالعيد
ليه ياحمد مش بتعمل مدونة تكتب فيها الكلام الجميل ده
ياريت نشوف ليك مدونة قريب انشاء الله
iamnasra
واضح ان الغالبية كده فعلا ياايمان
ربنا يهدي الجميع ويعينا على حسن عبادته زي مابنقول عقب كل صلاة
Q8ya
نستغفر الله العظيم
وعيد سعيد عليكي وعلى كل عائلتك وماتنسيش تعيدلنا على سمايل
شهروزة
اخر تعليق وهو اللي خد باله من موضوع الصورة
اصل الصورة بالرغم من اني شايفها جميلة
لكن لما دققت في الراجل لقيته زي مابتقولي
لكن كويس برده انه شغال
نفسك حلوة ياشهروزة
كل سنة وانتي طيب
واخيرا اشكر كل اصحاب التعليقات والحمد لله انه لم يصل لي تعليق اشعر منه انه قد اسيئ فهمي لهذا البوست او يشعر اي من قرأ الموضوع ان هناك اي نوع من الاستهزاء واعتذر ان كانت هناك اي خطأ غير مقصود
ممكن تكتب الرد الاول فى اى نوت باد وبعدين تحفظة
ReplyDeleteوتنشرة بعد كدة براحتك
لان الانطباعات الاولى .......تدوووووم
it is avery amazing essay.walahy ele bn3mlo dah mas7'ra ,,but i think it is an awful doing ,exist and run in our blood
ReplyDeleteروووووووووووووعه
ReplyDeleteاسلوبك جامد جدا بصراحه
والبوست عجبني جدا جدا
وواقعي للغايه
اوعي تكون بتحضر شياطين وتعرف منهم الافكار اللي بيشغلونا بيها في الصلاه
كلمة بسيطه خالص لو تسمحلى مفيش سورة اسمها اللهب
ReplyDeleteMohamed A. Ghaffar
ReplyDeleteمحمد إقرأ تعليق مؤمن وردي عليه أشار إلى هذه النقطة
الحقيقة ربنا يكرمك لاني كنت في مود امينة رزق و كنت عاوزة اضحك و علقت علي اللي ضحكت عليه.تحياتي
ReplyDelete