Saturday, November 18, 2006

روحوا إتنيلوا – مليتوا البلد


روحوا إتنيلوا – مليتوا البلد



Shokeir - View


لمّا وزير الثقافة يقول الحجاب عودة إلى الوراء – يروح يتنيل

لمّا الإخوان تطالب وزير الثقافة بالإستقالة لهذا السبب – تروح تتنيل

لمّا مصطفى كامل يغني قصيدة في فيلم قشطة يابا – يروح يتنيل

لمّا رئيس الجامعة يؤكد عدم تدخل الأمن في إنتخابات الطلبة – يروح يتنيل

لمّا محمود سعد يتكلم في الدين وهو بيشرب العصير – يروح يتنيل

لمّا يسرا تقعد تبوس في يوسف شاهين كل ماتشوفه – تروح تتنيل

لمّا مفيد فوزي يسأل شباب أعزب عن أسباب الطلاق المبكر – يروح يتنيل

لمّا ممتاز القط يفتكر نفسه صحفي وهو بيكتب مقال السبت – يروح يتنيل

لمّا يكون .............. .................... – يروح يتنيل

لمّا واحد يتفرج على قناة النيل للاخبار عشان يعرف الأخبار – يروح يتنيل

لمّا هاني شاكر يقعد يحدف قبلات عل الجمهور وهو بيغني – يروح يتنيل

لمّا حد يفتكر إن فوز الديمقراطيين في الكونجرس هايغير حاجة – يروح يتنيل

لمّا واحد تجيله رسالة وتقوله إبعتها لعشرة ويصدق ويرسلها – يروح يتنيل

لمّا ممدوح الليثي يقول إنه قرفان من اللي بيحصل في الفن – يروح يتنيل

لمّا حد يقعد يتفرج على فيلم بونو بونو لنادية الجندي – يروح يتنيل

لمّا مسئول يقعد يتكلم عن الشفافية – يروح يتنيل

لمّا مصطفى بكري يفكر يقدم طلب بمنع عرض يعقوبيان - يروح يتنيل

لمّا عزيز صدقي يقعد يتكلم عن الاصلاح السياسي – يروح يتنيل

لمّا منى الشاذلي تستضيف كل شوية مكرم محمد احمد – تروح تتنيل

لمّا عمرو عبد السميع يصدق إنه ناجح في برنامج حالة حوار – يروح يتنيل

لمّا أحمد ماهر ينتقد جمال سليمان في حدائق الشيطان – يروح يتنيل

لمّا الدكتورة فرخندة حسن تتكلم بلسان المرأة في مصر– تروح تتنيل

لمّا مخرج يصور كافتيريا في جامعة في حديقة الجامعة – يروح يتنيل

لمّا عبلة كامل تفتكر نفسها ممثلة كوميدية – تروح تتنيل

---------------
أنا كمان رايح أتنيل
---------------

عبث .... يابتاع الشباشب

Click to activate and use this control

55 comments:

  1. لما يكون رأيك مش هيغير كل المتخلفين الذين ذكرتهم وأننى أضيف خلى بالك أننى أضيف المتخلفين الذين لم تذكرهم_سواء عن قصد أو دون قصد _وكمان أنا أول واحد يكتب لك تعليق فأرجوك لا تذهب الى مدونتى
    لأننى بلا أدنى شك رايح
    أتنيل

    ReplyDelete
  2. أقتراح
    أقترح أضافة اغنية نيلونى ازاى هو أنا نسيتك
    او أغنية نيلونى تانى عنك. نيلونى

    ReplyDelete
  3. انت غاوى ازمات لان الناس ده لما تروح تتنيل الكورنيش كله هايقف يتفرج
    تتنيل يعنى تتسبح فىالنيل
    مثل كلمة تتريض يعنى تلعب رياضة

    ReplyDelete
  4. عم احمد انت مش تروح تتنيل
    انت تيجي اعزمك علي حاجه علي حسابي علشان الكلام الجميل ده
    جامد اوي

    ReplyDelete
  5. علي فكرة .. البوست ده محتاج 2nd edition لان فيه ناس كتيره قوي ضروري و اساسي و منطقي للغاية انهم يروحوا يتنيلوا .. و الله الواحد بقي يجيله غممان نفس من اللي بيشوفه و يسمعه .. ما علينا .. و م الحق .. ما تروحش تتنيل انت يا احمد .. مانتاش منهم ..

    يا عم فين بوست نظارة شمس ؟؟ هفضل مستنياه كده كتير ؟؟

    ReplyDelete
  6. لو سمحت عايز اجي اتنيل معاك

    ReplyDelete
  7. هههههه

    وملقتش غير شركة الهدي

    اللي جايب لي صورتها في المدونة

    مش كفاية النيلة اللي احنا فيها

    جاتكو نيلة عالنيلة اللي هتتنيلوها

    مليتو البلد بصحيح

    ReplyDelete
  8. فعلا هي العملية متنيلة بس احنا اللي بننسى وبنصدق الأحداث
    أنا عموما نازل اتنيل كمان ساعة.
    **
    حلو العرض البانورامي ده لنيلتنا القوية.. وأجواءنا العبثية.
    إيه عبثية دي..؟
    :))
    مش عارف ليه بقلب فصحى وانا بتكلم .. هي طالبة نيلة زيادة..؟
    :)

    ReplyDelete
  9. جامدة يا أحمد
    انا عن نفسى سبت الناس فى مصر تتنيل ورحت أتنيل فى دول الخليج

    ReplyDelete
  10. ايوة، ضيف عليهم بتوع مجلس الشعب من فضلك.. همه كمان يروحوا يتنيلوا..
    واللى ماسكين ادارة المشروعات بالقسم عندنا

    مع كل احترامى ليهم طبعا

    ReplyDelete
  11. النيلة في عبد المجيد الصحاح هي زهرة الغسيل الزرقاء و لا حرج في ان اتنيل من باب ان اكون
    كلبوزة اكثر بياضا
    اين تتنيل هذا المساء؟

    ReplyDelete
  12. ده انت جبتها من الأخر , وتقدر تضيف كمان لما صلاح عيسى يبقى حكومجى , ولما المدونين يوجعوا دماغنا ليل ونهار بكلام فاضى , ولما انا ادخل احط كومنت

    واسمع سلام يا برادعى , متروح تتنيل

    ReplyDelete
  13. كل نيلة و انتوا طيبين يا جماعة

    ReplyDelete
  14. با شمهندس احمد
    انا بحب جدا اقرا لك بس النهاردة ا

    ReplyDelete
  15. باشمهندس احمد:

    انا بحب اقرا البوست بتاعك بس الاسلوب المرة دي مختلف شوية
    مش عارفة يمكن يكون اسلوب منيل فعلا

    ReplyDelete
  16. ولما سيد بية اوكية يسمع الكلام بتاع فاروق حسنى ومايردش _يروح يتنيل
    ولما المفتى يعمل زى شيخ الازهر _يروح يتنيل
    ولما اسامة سرايا يكتب فى الاهرام عن النزاهة و شروط القتال ضد اسرائيل_يروح يتنيل
    ولما عبمنعم سعيد يبقى خبير استراتيجى مهم جدا_يروح يتنيل
    ولما سوزان مبارك تحدد اربع محاور لتطوير التعليم_تروح تتنيل
    ولما مرشد الاخوان يهدد بارسال عشرة الاف مقاتل لقتال اسرائيل_يروح يتنيل
    ولما حسين فهمى يهاجم عبد الناصر على الفاضى والمليان لزوم الوجاهة_يروح يتنيل
    ولما طلعت السادات يفتكر بعد خمسة وعشرين سنة ان عمة مات مقتول_يتنيل حاليا
    لما يوسف بطرس غالى يعك فى وزارة الاقتصاد بعدين يمسك وزارة تانية مش فاكر اسمها_يروح يتنيل
    ولما جيهان السادات تتجوز الحارس الشخصى للسادات_ تروح تتنيل
    ولما جمال السادات يراس الشركة التالتة للمحمول ثمن سكوتة_يروح يتنيل
    ولما جمال مبارك يتكلم عن النووى وهو مش فاهم فى البطيخ_ يروح يتنيل

    ممكن سؤال واحد بس يا احمد
    تفتكر لية انور السادات وحسنى مبارك عندهم اولاد اسمهم جمال
    ومافيش ولا واحد من الشعب المصرى عنهم ولاد اسمهم
    حسنى او انور
    الا ما قد سلف
    سلامز

    ReplyDelete
  17. الظاهر إنها سنه نيلة

    ReplyDelete
  18. لا.. كله الا عبله كامل..والا اقولك انا بقالي مدة كبيرة متفرجتش علي افلام عربي يبقي تقريبا مفروض اروح اتنيل

    ReplyDelete
  19. لما المناضل حسين فهمى يقول ان كل واحده محجبه معاقه ذهنيا فى بلد اسلاميه واغلبها محجبات يبقى يروح يتنيل ولما وزيرنا الحبوب يقول ان اركان الاسلام اربعه ويبقى وزير ثقافه يبقى بجد احنا اللى نتنيل بستين نيله

    ReplyDelete
  20. تصدق بقالي كم يوم فيه لازمة على لساني شبه دي
    وهي جاتكم القرف بليتو البلد
    وفعلا ياصديقي
    فيه ناس كتير معدتش واخدة بالها من اللي بتعمله ولازم تضغط على زرار
    pause
    في حياتها وتشوف هي وصلت لفين
    يعني واحد زي فاروق حسني إيه فهمه في الدين مش دا اللي بيزعل لما حد من الشيوخ يتكلم عن رواية ويقول إيه فهمهم
    إيه بقه اللي فهمه هوا
    وكمان يقولك انتي ليه بتخبي شعرك الحلو دا
    طب ومع احترامي يعني فيه حاجات تاني \ة حلوة والستات لازم تداريها اشمعني الشعر اللي هوا زعلان عليه
    حته القرف هوا وحسين فهمي المعاق ذهنيا كما قال على المحور عن الستات المحجبات
    جتهم القرف بلو البلد أكتر مما هي مبتلاة
    !!!!!!!!!

    ReplyDelete
  21. العزيز احمد
    بصراحة كنت خايفة اخر البوست تقول واللى هيعلق كمان يروح يتنيل قلت مش هعلق ان مليش نفس اتنيل النهاردة يمكن يوم تانى

    بس الحمد لله ربنا ستر
    من البوست والتعليقات واضح طبعا ان النيلة زادت وغطت وفاضت واصبح عندنا وفرة نيلة للتصدير
    والجميع حاسس بيها جدا
    واضح ان اهداف الحكومة اتحققت بجدارة

    تحياتى

    ReplyDelete
  22. انا غرقت في النيلة دي بس احسن اول واحد اتنيل قوله روح اتنيل في ستين نيلة

    ReplyDelete
  23. ولما مديري السوداني يقولي أصل المصريين دول شعب بطيء الفهم.. يروح يتنيل

    ولما الخارجيه المصريه تستهين بمشاعر أم مصريه أبنها مخطوف في العراق ويقولوا لها أذا كنا معرفناش نعمل حاجه للسفير بتاعنا يبقي حانعمل لأبنك.. تروح تتنيل

    ولما مني الشاذلي ناتعرفش تحاور الضيوف الا لما تهرش في كل حته في وشها وتبص لضوافرها والمصريين فاهمين أنها مثقفه ومبيتعبوش نفسهم علشان يشوفوا فريق أعداد الملفات للبرنامج ..تروح تتنيل


    ولما دكتور زي الفيل يطلع علي الفضائيه المصريه يكلمنا عن أمراض السمنه ويقول لنا نعمل رجيم ...يروح يتنيل

    ولما باسكال مشعلاني تطلع في برنامج تقول ان عندها 26 سنه وهي من ربع قرن كانت بتغني في فنادق دبي ..تروح تتنيل

    ولما أحمد رزق يفتكرنفسه فنان كوميدي يروح يتنيل


    ولما علي الحجار يطلع علينا بعد غياب طويل بأغنيه يابنات بيروت وعامل فيها روميو..يروح يتنيل

    ولما مغنيه أسمه حمديه التيتي تصدعنا ..تروح تتنيل

    ولما ليلي غفران 55 سنه تتجوز أنس دعيه 25 سنه ..تروح تتنيل

    ولما كاطم الساهر يغني وهو حاضن دبدوب ..يروح يتنيل

    وأنا كمان حااروح أتنيل
    بس ممكن أسأل

    انت بتتنيل في اي كافيه

    ReplyDelete
  24. على فكرةيااستاذ احمد الموضوع بتاعك الظاهر ينفع تاج
    واضح ان كل واحد عندة نيلاتة الخاصة
    اية رايك تعمل دعوة لكل واحد يكتب نيلاتة
    ملحوظة
    لاعلاقة بتاتا بين نيلاتنا ونجيب سرور

    ReplyDelete
  25. اة ونجمعها فى الاخر فى بوست واحد من انتاجنا كلنا
    ونسميها
    نيلات ما قبل الانهيار

    ReplyDelete
  26. يادى النيلة .. كلنا لنا نيلاتنا الخاصة فعلا
    انا مع فكرة التاج اللى زى النيلة دة
    فكرة نيلة بجد

    ReplyDelete
  27. http://indifferentspace.blogspot.com/2006/11/blog-post_17.html
    ابسطوا يا جماعة فية حملة اسمها اتنيل

    ReplyDelete
  28. احمد باشا

    كلمة بسيطة لكن مفيدة

    بس لما اتمتة نقول اتنيل مفيش حل ولا اية للحالة دى

    تحياتى

    ReplyDelete
  29. بوست جامد جدا
    ولهذا انا كمان هاروح اتنيل
    علشان كنت هنزل اغنية الشباشب فى بوست من البوستات الجاية


    لا بجد
    كلمة صغير بس حلوة و معبرة
    شكرا على البوست

    ReplyDelete
  30. نسيت اهم واحد لازم يتنيل لما يقول انا علي قلبكوا لآخر نفس يبقي يروح يتنيل

    و ياريت

    كل واحد دخل كليه هندسه وفاكر نفسه هايتعلم يروح يتنيل

    اما انا شخصيا فمتنيل من سبع سنين

    بي اس:-
    لو رايح تتنيل ابقي قلي علشان احجزلك لوج

    ReplyDelete
  31. الأستاذ أحمد
    لك تحياتى
    انا اول مرة اتشرف بزيارتك
    لكن للأسف لقيت العملية منيلة خالص
    ومضروبة ضربة الدم
    فلم اجد لى تعليق
    الا ان اهنئك على هذه النيلة التى أطلقتهابصاروخك الجميل
    الى ان القاك فى متنيلة أخرى أقوى من هذه
    لك تحياتى والى الأمام

    ReplyDelete
  32. This comment has been removed by a blog administrator.

    ReplyDelete
  33. والله فكره

    اشكرك علي الفكره

    والسلام

    ReplyDelete
  34. لما الست أصالة تحب تتكلم عن الفيديو كليب والعفة وزميلاتها المطربات .. تروح تتنيل..

    لما الست سهير جودة تصدق فعلاً إن ليها علاقة بـ"كار الإعلام" .. تروح تتنيل..

    لما حمدي بيه رزق يصدق إن دمه خفيف وهو بيستظروف .. يروح يتنيل..

    لما يكلمك حسام بدراوي عن الشفافية ..يروح يتنيل..

    لما خالد منتصر يعيش في الدور في الأوضة اللي واخدها في برنامج منى الشاذلي .. يروح يتنيل..

    لما إقبال بركة وقبلها منى نوال حلمي يتكلموا بالأنعرة الكدابة وكأن المشاهدين نزلاء في حديقة الحيوانات .. يروحوا يتنيلوا..

    لما سناء منصور تفتكر إن حد بيشوف برنامجها الظل الأحمر .. تروح تتنيل..

    لما أي حد يشتغل لك في قافية المقاطعة والعزة والكرامة ويخطب لك .. يروح يتنيل..

    لما بتوع روزا اليوسف يتكلموا عن أخلاقيات المهنة .. يروحوا يتنيلوا..

    لما صحفي في جريدة الخميس يشيد بموضوعية منظره وهو عامل صفحة واحدة كاملة عن موضوع مسجد الحامدية الشاذلية في ليلة القدر اللي جايبه من وجهة نظر واحدة من غير ما يسأل أي متخصص .. يروح يتنيل..

    الأكاديمي الأزهري اللي يشتم أكاديمي أزهري زيه ويقول عليه غير مؤهل .. يروح يتنيل..

    كل مسئول (أو مسطول) يفرح بطولة لسانه.. يروح يتنيل..

    لما مرتضى منصور يتكلم عن المعارك اللي بيخوضها .. يروح يتنيل..

    أي صحفي يكلمك عن الإهمال ، ويبرأ الكبير والصغير ويبين لك إن الإهمال دة ظاهرة طبيعية مفيش للبني آدمين علاقة بيه .. يروح يتنيل..

    أي ناكد سحفي يشتم لك في المعروض في السينما والتليفزيون وهو بيعمل اللي أنيل منه .. يروح يتنيل..

    أي شلة أو مجموعة تحتكر لنفسها الحديث باسم الأمة .. تروح تتنيل..

    القائمين على قنوات الناس والمحور والنيلة للأخبار والإيه آر طين من نفسهم يروحوا يتنيلوا..

    ReplyDelete
  35. يادي النيلة
    مساء الخير يا جماعة
    ايه النيلة دي
    ليه كدة يا استاذي الفاضل

    ادي شوية نيلات بقي ع الماشي

    لما الكليات تزود ع المصاريف الجامعية عشرين جنيه تحت بند الرعاية الطبية الغير موجودة .. يروحوا يتنيلوا

    لما الريس يقول لن اتزعزع.. يروح يتنيل

    لما فيفي عبده تطلع ع التلفزيون مع بناتها يتكلموا عن الاخلاق و الدين.. يروحوا يتنيلن

    لما البصل يبقي باربعة جنيه .. يروحوا يتنيلوا

    لما تامر بسيوني يهاجم الاحزاب و يتكلم عن الحزب الوطني في البيت بيتك.. يروح يتنيل

    لما دكتور الجامعة يجبر الطالب علي شراء كتابه والا فاعمال السنة صفر.. يروح يتنيل

    لما اقعد لغاية دلوقتي ولسة مخلصتش تحضير و مذاكرة .. يبقي اروح اتنيل

    نيلاتي و تحياتي

    ReplyDelete
  36. الموضوع سخن اوى
    وعندك احلى نيلة مقدمة من
    Epitaph
    وقلم جاف
    وباش مهندس نور
    نصحى شوية يا جماعة عايزين نضرب الرقم القياسى فى النيلات
    لسة فية ناس ما سلمتش النيلة بتاعتها والوقت بيمر
    ----------------
    مرحبا بكم فى شات احمد شقير
    مش حتقدر تنيل عينيك

    ReplyDelete
  37. علي فكرة الموضوع سخن بجد .. و هاكم بعض النيلات علي قد ما قُسم ..

    لما فاروق حسني يطلع ف قناة الجزيرة يقول انا بتكلم عن الحجاب مش عن ركن من اركان الاسلام الاربعه .. يبقي يروح يتنيل !

    لما اقبال بركه تطلع تتكلم بمنتهي الصلف و العنجهية و تنكر الحجاب بملئ فيها و تقول سأظل علي مبدأي و رأيي .. يبقي تروح تتنيل !

    لما مايس و هشام عبد الرحمن يكونوا هما أبطال اول فيلم سعودي .. يبقي يروحوا يتنيلوا !

    لما يقرروا يعيدوا الانتخابات ف دايرة مرتضي منصور و يطرمخوا علي الانتخابات ف دايرة مصطفي الفقي و أمال عثمان .. يبقوا يروحوا يتنيلوا !

    لما دينا الرقاصه تقول انتوا بتتهموني اني رقصت ف الشارع فهزيت وسط البلد؟؟ يا جماعه انا لو رقصت ف الشارع ههز البلد كلها .. يبقي تروح تتنيل !

    لما البصل يبقي ب 5 جنيه و التوم الناس بتشتريه بالفص و الريس بيتكلم عن مُعدل تنمية و رخاء اقتصادي .. يبقي .......

    لما يخلوا مصاريف الماجستير 1000 جنيه علي اساس ان كل ساعة مع الدكتور ب 50 جنيه مفترضين ان الماجستير ياخد 20 ساعه الدكتور ما بيقعدش معايا اكتر من 20 دقيقه .. يبقي يروحوا يتنيلوا !

    و لما اسهر طول الليل و اقضي طول النهار تنطيط ف البلوجات و انا عايزه اخلص الماجستير و اناقش شهر 6 .. يبقي اروح اتنيل !!

    :))

    ReplyDelete
  38. ولما مني الشاذلي ماتذاكرش وتحفظ كويس الماده اللي كتبها لها فريق الأعداد عن المدونات وتقول عليها منتديات وتغلط ميت مره وهي بتهرش في وشها وتلعب في ضوافرها وتعمل فكيكه
    وماتعرفش اي حاجه عن سبب أعتقال المدونين وقصه كريم ----- يبقي تروح تتنيل


    ولما يطلع معتز الدمرداش يستخف دمه في برنامج تسعين دقيقه في المحور---- يروح يتنيل

    ولما تطلع علينا واحده في القنوات المصريه أسمها رولا خرسا فاكره نفسها أوبري وينفري ---تروح تتنيل

    ولما خالد منتصر يكلمنا عن الجنس ولابس جاكيت كاروهات---- يروح يتنيل

    ولما مدون أو قاريء يمر مرور الكرام علي بوست مكتوب --- ويقول كلمتين خايبين تدل علي انه أصلا مقراش الموضوع -----يروح يتنيل

    ولما مديري السوداني برضه يقول لي انا باكره اللهجه المصريه ، هي دي لهجه دي --- تاني أقول له يروح يتنيل

    ولما وائل الأبراشي يصر مع انه راجل صحفي محترم وبيقدم يرنامج كويس --أنه مايعرفش يفرق بين اللام الشمسيه واللام القمريه ويلخبط في النطق بينها ----يروح يتنيل

    ReplyDelete
  39. ممكن اضيف اى نيلات؟
    فيه مساحة؟
    لما اروح اشترى تورتاية قطرها خمستاشر سنتى ب90 جنيه لعيد ميلاد ابنى لازم
    اروح اتنيل

    لما اروح الشغل واسال الزميلات سمعتوا اللى قاله فاروق حسنى والاقيهم مش داريانين وبيتوشوشوا انى طاقّة ولاسعة يبقى يروحوا يتنيلوا

    لما اقبض جمعية وأدور على شقة والاقى ان رقم ربع مليون ماباقاش يعنى حاجة واقل رقم هو 350000 علشان المساحة تبقى آدمية وما نحتكش ببعض فى الرايحة والجاية يبقى لازم اشترى بالجمعية جزمتين وشبشب وكيلو توم صينى واروح اتنيل

    ولما اشوف امبارح علاء وهو بيتشخط فيه من راجل أمنى فى العاشرة مساءاً وبيقول له لما اتكلم ما تقاطعنيش -بلهجة ظريفة أوى، وبيقول ان المدونات زى الصحف وهتطبق عليها مواد رقم كذا وكذا وكذامن قوانين النشر و(هنسحلكم يا جزم)يبقى لازم اقول روحوا اتنيلوا كلكم

    ReplyDelete
  40. و حيث ان مصر ولادة بمتنيل كل 20 ثانية
    دعوة للانضمام لحملة
    اتنيل يا مدهول
    و ده بانر الحملة من تصميمي
    http://mrsneveen.jeeran.com/etnil2.gif

    و هو بانر دائم التحديث كلما اضيف المزيد من المدهولين
    اما رابط الحملة هنا
    http://indifferentspace.blogspot.com/2006/11/blog-post_9240.html

    ReplyDelete
  41. جتنا نيله فى حظنا الهباب

    ReplyDelete
  42. نسيت اقولك انها اغنية جامدة مووووت بس انا المرة اللي فاتت السماعة كانت مش شغالة

    ReplyDelete
  43. هو يعنى ايه اروح اتنيل

    انا موافق على شوية حاجات من الى انت قولتها بس النيله نفسها ايه نظمها مش فاهم

    ReplyDelete
  44. maged stephen
    أهلا بك في نادي المتنيلين ، لما الواحد يتنيل بمزاجه أحسن لما يتنيل غصب عنه زي إخوانا اللي فوق
    أنا لقيت أغنية بياع الشباشب افضل من نيلوني

    ahmedsobhy
    تتنيل جايه من النيل او النيلة مش هاتفرق كله منيل

    مـحـمـد مـفـيـد
    وانا موافق على العزومة يامحمد بس تكون عند زيزو نيلة

    Romantic Rose
    اتنيل احسن لان مافيش حد منهم عايز يتنيل المهم نبعد عنهم يمكن حالنا ينصلح

    SPRING
    ياربيع بتستاذن تتنيل معايا ده كلام برده والعزومة اصلا عندك
    حتى يتنيل في بيته برده

    أبوشنب
    انت جبت اسم شركة الهدى دي إزاي من الصورة ، اصل الصورة منيلة بستين نيلة

    Abdou Basha
    نازل تتنيل كمان ساعة ؟ عموما انا مستنيك عن نيلة بس ماتتاخرش لاحسن ليلتك تبقى منيلة

    sherif
    في مصر في الخليج النيلة في كل مكان وليه تتنيل اكتر لما ممكن تتنيل اقل

    Lasto-adri *Blue
    الاخوة الموقرين دول هم اساسا منبع النيلة اما حبايبنا بتوع ادارة المشروعات اللي لافاهمين مشروعات ولا إدارة احسن لهم يشوفوا لهم مشروع النيلة ينيلوه

    كلبوزة لكن سمباتيك
    الله يرحمه عبد المجيد الصحاح ماشفش النيلة اللي احنا فيها ولا كان زمانه غير التعريف المنيل ده

    HANY
    يعني هيا جت على صلاح عيسى ولا يهمك يروح يتنيل هو كمان يعني جت عليه ماجت على اللي احسن منه

    sha3'af
    وانتي طيبة ياشغف والسنة الجاية كده تكون النيلة منيلة نيلة سودا

    Anonymous
    في زمن النيلة لايوجد مجال للإستثناء تعال ياللا معانا

    adhm
    ده انتا بتانافسني باه في تعديد عوامل النيلة في بلدنا ، عموما اضافاتك اثرت النيلة بشكل ملحوظ
    وبالنسبة للسؤال الاخير المنيل ده فده محتاج نيلة لوحدها يمكن نعرف نجاوب عليه

    Me2
    بتقولي الظاهر انها سنة منيلة قصدك دي ولا اللي جاية عموما اللآتي انيل

    ابن مصر
    انت بالذات ماينفعش تتنيل عشان امريكا بلد جميلة مابيدخلهاش المتنيلين
    اما عبلة كامل فبروح ابوها باه دمها يلطش وهي بتتسهوك بالكلام

    رحمه
    المناضل حسين فهمي شادد السلخ على الحجاب ولم يتم اضافته للقائمة حيث ان نيلته من النوع اللزج اللي مابيطلعش

    حائر في دنيا الله
    عندك حق ايام ما الشيوخ هاجموا الكتب الثقافية قال هما يعرفوا ايه ان الفن والفكر والابداع
    دلوقتي ماله هو ومال امور الدين
    وبعدين انت لوحد نيلتك مسيحة في حكاية باهر السليمي جاته نيلة تاخده

    tota
    بصراحة كنت هاقول كل واحد عمال يقرا الكلام ده يروح يتنيل ورجعت في كلامي وقلت انا مش قد المدونين فجبتها فيا وجابت نتيجة كله هايتنيل

    توتة توتة
    كله يروح ينيل اول واحد اخر واحد كله في النيلة سواء

    MAKSOFA
    ايه الإضافات الثرية دي
    ده كده الامور اتنيلت خالص واصبحت تنفع تتجمع في كتاب النيلة الدولي
    بس كله كوم ومديرك السوداني كوم اللي بيقول ان المصريين فهمهم بطئ مع احترامي للسودانيين بس ده باه لازم يروح يتنيل بس لواحده عشان العملية مش ناقصة والواحد اصلا مخنوق

    adhm
    واضح ان النيلة فعلا بزيادة اوي والواحد ماكانش واخد باله بس لو اتعملت تاج هايبقى تاج منيل
    جميل اوي حملة اتنيل يامدهول لازم تتبناها منظمة نيلة بلاحدود

    حــــــلــم
    فكرة تاج النيلة فعلا فكرة منيلة واللي هايشترك فيه احسن له يروح يتنيل

    tamer
    بتسالني يعني مافيش حل
    حل بتقول حل دول صيع ، على راي حسن مصطفي في مدرسة المشاغبين

    shaimaa
    فعلا اغنيه الشباشب هي احسن تعبير على النيلة الي احنا فيها هو لما حبيبته راحت راح لبتاع الشباشب عايز شبشب بفيونكه يفكره بحبيبته اللي راحت
    اهو ده اتنيل من بدري وفهما صح

    NoOR
    ماتقول اني نسيته لو راجعت البوست هتلاقي فقرة وفيها نقط وعليها ايكون الرقابة والحدق يفهم

    gamal
    اول مرة تدخل وتلاقي الدنيا منيلة كده بصراحة معلش هيا مرة انا قلت بس اعمل النيلة وارميها البحر

    سندباد مصري
    بتشكرني على الفكرة طيب وبعدين هاتيجي معانا ولا هاتقعد لوحدك

    قلم جاف
    واضح ان روح النيلة عندك عالية جدا وكل الحاجات شايفها متنيلة بس بصراحة جبت شوية لقطات نيلة مش عارف كانت متنيلة على عينها وماجتش على بالي ازاي
    وخصوصا الحاج حسام بدراوي
    بس انا مش عارف مين سهير جودة دي ده حاجة جديدة في نادي النيلة الاجتماعي ولا ايه
    عموما اهلا بيها خليها تشرف وتنور وتتنيل

    Epitaph
    ابيتاف والقائمة الذهبية للنيلة
    بس مين تامر بسيوني ده واضح انه من الجيل الجديد المتنيل ماعرفش يظهر الواحد اتنيل وماعدش عارف يكتشف النيلات الجديدة اه منكوا ياجيل متنيل
    النيلة ايامنا كانت واضحة ومعروفة


    adhm
    فعلا ياأدهم الموضوع سخن وبصراحة ليك مجهود رائع تستحق عليه جائزة النيلة التشجعية على المجهود والمتابعة وكل نيلة وانت طيب

    Romantic Rose
    فعلا الموضوع سخن ونا ماعدتش ملاحق على النيلة دي
    اما بمناسبة السيد الوزير فاخر معلوماتي انه راح اتنيل في بيته وقال مش خارج الا لما اعضاء المجلس الموقرين يتنيلوا ويغتذروا له وإلا ماهواش لاعب
    اما بالنسبة لدينا فانا استاذن الجميع انا ودينا اتفقنا اننا هاتنيل سوا ومافيش حد معانا عشان دينا نيلتها غير اي نيلة

    MAKSOFA
    حرام عليكي سلخ في منى الشاذلي ده انتي نيلتيها خالص خلتيني اخد بالي من هرشها وضوافرها لما اتهرشت ونسيت النيلة اللي احنا فيها

    حــــــلــم
    ده انتي تضيفي وتضيفي وتضيفي ولومافيش مساحة نوجد نيلة مخصوص ويابخت من اتنيل مغلوب ولاتنيل غالب
    اما نيلة شخطة رجل الامن في علاء في العاشرة مساء كانت فكرة اني اكتب تحليل منيل عن النيلة دي

    منة الله
    ده الموضوع بجد باه فيه حملة وفيه بانر اصل انا مش باقتنع بالحملة الا اذا كان فيه بانر
    بس بصراحة حلو والمفروض كمان ان صور المتنيلين يزيدوا

    [ahmEd_H]
    بقى ياأحمد كل النيلة دي ومش فاهم يعني ايه نيلة
    ده دي لواحدها نيلة مسيحة

    7ala
    شرفتينا في نيلتنا المتواضعة
    مابتفكريش ولا ايه ؟

    raspoutine
    ايه الصورة المنيلة دي ، الصورة لوحدها تخلي اجدعها تدوينة متنيلة
    وبما انها الزيارة الاولي فلازم اقولك لني باهزر لزوم القافية

    توتة توتة
    أيوه كده رافعة روحي المعنوية بعد ماكانت هاتتنيل وماحدش علق على اغنية
    منشورات ممنوعة من النشر الشباشب
    إسمك لوحده يودي في ستين نيلة انت ماشفتش اللواء احمد ضياء


    واخيرا كل نيلة وانتم طيبين أرجوا ان تكونوا قد استمتعتم بنيلة اليوم والى اللقاء في نيلات قادمة
    وتصبحون على ألف نيلة

    ReplyDelete

  45. لو كل حاجة بنكرهها حنقول لها اتنيلى .
    لو كل شخص بيقول كلام مش عاجبنا او بيعمل حاجة غلط حنقول له اتنيل .

    حيجى يوم و نلاقى مصر تحولت لمستنقع من النيلة.

    اهم حاجة ان كل واحد يخلى دماغه نظيفة و متتنيلش علشان يعرف يهرب بحياته من مستنقع النيلة ده.

    اخوك مؤمن

    ReplyDelete
  46. . احمدشقير
    في مصر في الخليج النيلة في كل مكان وليه تتنيل اكتر لما ممكن تتنيل اقل
    . ادهم
    لية تتنيل بعيد لما ممكن تتنيل قريب

    ReplyDelete
  47. لا حول ولا قوة الا بالله

    ايه موجة النيلة الجمده اللى مشيه فى البلد دى على كده احنا هنبا كمان شهر واحد فى مستنقع وهنتحول كلنا لــــ ولاا بلاش

    بس تعرفوا انكم بالموضوع ده فتحتو باب لناس كانت مخنوقه ونفسها تفضفض بالنيله اللى شيلها جواها ومخنوقه منها

    وانضم لقافلة التنيل لو حد عنده امل فى التغير يروح يتنيل

    لو حد عنده امل ان فى خير قريب هيجى البلد دى يبا يدور انسان مش من هنا من المريخ

    يعنى لو حتى قلتله اتنيل مش هياخد باله


    واخيرا اللى فاهم حاجه فى البلد دى يروح يتنيل

    وعلى رائى فهمى هويده
    استمتع بالسئ فالاسواء قادم

    سلام

    ReplyDelete
  48. هيا 2006 كلها على بعدها سنة منيلة

    ReplyDelete
  49. تامر بسيوني
    هو ابن المذيع اللامع جدا جدا امين بسيوني
    تامر اخو علاء بسيوني
    يعني ايه
    يعني واسطة في التلفزيون المصري

    المهم بقي تامر باشا ده مندوب قصر الرياسة
    و ماشي في ديل الريس في الرايحة و الجاية و بيقدم برنامج البيت بيتك
    و دمه يلطش
    و لازم يروح يتنيييييييييل
    :)

    ReplyDelete
  50. حلوة أغنية الشباشب
    لن أتنيل، أصبح هناك الآن ألوان صناعية
    أسهل وأسرع مفعولاً من أي نيلة
    !

    ReplyDelete
  51. Epitaph said...
    تامر باشا ده مندوب قصر الرياسة
    و ماشي في ديل الريس في الرايحة و الجاية
    المطلوب
    اثبات ان الريس لة ديل
    ان تامر.........باشا
    اعراب الرايحة والجاية
    اكتب مقالة فى كيفية التعرف على الرئيس من ديلة
    وقت الاجابة
    على كيفك

    ReplyDelete
  52. معلش يا استاز انا جايه متاخرة بس هاتنيل معاكم ....لمل صحفيه فجريده الفجرزعلانه ان الناس بتلبس مايوة خمس قطع بدل المايوة ون بيس او البكينى فى زمن التحرش بقى جماعى وفوسط البلد تبقى تروح تتننيل
    لما ادفع 300 جنيه دروس خصوصيه فالابتدائي يبقي اروح انيل
    لما تروح تعمل محضر فالقسم سرقه موبايل وتفتكر ان حد هايعبرك يبقى لازم تتنيل

    ReplyDelete
  53. لما حد يجيب سيرة علي الحجار بسوء يروح يتنيل

    ReplyDelete