Tuesday, January 02, 2007

عائد .. من الحج


عائد .. من الحج


Mecca
Click the image to see the clear and high resolution image



الحمد لله أديت حجة الإسلام العام الماضي وعندما تركت البلد الحرام لم أكن اتوقع أن أكون فيها العام التالي وذلك حتى قبل موعد يوم التروية هذا العام بيومين وبالرغم من قربي من أماكن مناسك الحج فلم أفكر بتكرار فريضة الحج من واقع أن يكون المكان المتاح لي لشخص آخر لم يؤديها والذي يقوم بها على أقصى تقدير أربعة في الألف من المسلمين فقط سنوياً
إلا أن إتصال تليفوني من أحد الأصدقاء الغير حميمين قبل بداية الحج الفعلي بيومين تدعوني إلى الحج على مستوى عالي جدا ومرتب جدا وليس المطلوب مني سوى أن ألبس فقط ملابس الإحرام
إعتذرت بلطف لأن عندي أعمال وذلك في محاولة لإستكشاف جدية الموضوع ولم يتركني هذا الشخص إلا على وعد بإتصال باكر أؤكد فيه موافقتي

لم يكن لدي بُد فهذه هدية بعث الله سبحانه وتعالى بها إليّ لايمكن رفضها بأي حال من الأحوال


الحج عرفة

Arafat
Click the image to see the clear and high resolution image


يوم الثامن من ذي الحجة بعد طواف القدوم بالمسجد الحرام تم التوجه لمنى للمبيت فيها يسمى بيوم التروية إستعداداً للوقوف بعرفات يوم التاسع من ذي الحجة فيما يسمى بيوم الوقفة
لايشترط الوقوف على جبل الرحمة فمنطقة عرفات كلها وقفة وجبل الرحمة لونه أبيض من كثرة الحجيج عليه والطريق إليه مزدحم جدا بصعوبة وصلت إليه وإلتقطت مجموعة فريدة من الصور ومن الشروق حتى الغروب على صعيد عرفات صلاة ودعاء وقراءة قران وخطبة من مسجد نمرة ، دعوت لكل من أمنني الدعاء ولجميع المدونين

بعد الغروب نفرة الحجيج إلى مزدلفة والمبيت بها في مكان مكشوف ملتحفا بالسماء وطبعا الدنيا برد وهناك يفضل النوم أكثر من أي عبادات أخرى وحتى الفجر ومنها الذهاب لمنى

وجوه

Faces
Click the image to see the clear and high resolution image


صباح اليوم الجديد في منى هو يوم النحر أو أول أيام العيد مازلنا بملابس الإحرام والجميع يعيد ونحن مازلنا في طريقنا إلى الجمرات تم رمي السبع جمرات واحدة تلو الاخرى ثم حلاقة الشعر للإستحمام وخلع ملابس الإحرام ولبس الملابس العادية حتى اليوم التالي
تأتينا اخبار إعدام صدام الكل يتحدث ولايقر بما حدث وتنتاب الجميع حالة من الضيق نسيت ان اقول أن جميع الجنسيات معنا إشتركت في نفس المشاعر عراقيين وسوريين وأردنيين ومغاربة وتوانسة ويمنيين وسودانيين وطبعا مصريين


رمي الجمرات

Al-Jamarat
Click the image to see the clear and high resolution image


التحلل

Hair Cut
Click the image to see the clear and high resolution image


أيام التشريق الثلاثة وهما ثاني وثالث ورابع أيام العيد يتم في كل يوم منهم رمي الجمرات سبع جمرات في كل موقع جمرات من المواقع الثلاثة الصغرى والوسطى والكبرى والعودة لمِنى ويمكن الإكتفاء بيومين فقط على ان تغادر مِنى قبل مغيب يوم التشريق الثاني وهو ثالث أيام العيد لتعود إلى مكة لتطوف طواف الإفاضة وهو يغني عن طواف الوداع


مِنى أكثر الأيام مبيتا في الحج

Mena
Click the image to see the clear and high resolution image


طواف الوداع

Mecca
Click the image to see the clear and high resolution image


في مكة لطواف الوداع كان دور البرد قد تمكن مني تماما أثناء الطواف كانت هناك مواقف طريفة جدا وخفة دم المصريين مازالت حاضرة كما هيا دائما في جميع المناسك ولعل هناك بوست خاص لتلك المواقف ، والحمد لله ان جميع مناسك الحج قد أعانني الله عليها وقبل الثانية عشرة مساء أمس كنت في جدة أبيت في منزلي أتناول ليمون وبنادول كولد اند فلو


أربعة مليون حاج

4 Million hajj
Click the image to see the clear and high resolution image


الوداع وربنا يتقبل


Departure
Click the image to see the clear and high resolution image




25 comments:

  1. حمد الله على السلامة و ان شاء الله حج مبرور و ذنب مغفور

    ReplyDelete
  2. العزيز احمد
    تقبل الله منك وغفر ذنبك وجعلك من عباده الذين كلما دعاهم لبو النداء ورزقنا زيارة بيته التى اشتقنا اليه
    وحودا حميدا
    تحياتى

    ReplyDelete
  3. تقبل الله يا حاج احمد
    Wonderful shoots ya raais
    i send you mail on flickr

    ReplyDelete
  4. الحجاج ضيوف الرحمن
    وهو من يختار ضيوفه
    فهنيئاً لك على نيل الشرف مرة أخرى
    وحجة مبرروة وذنب مغفور ياعمنا

    ReplyDelete
  5. kol sana we 7adretek tayyb

    w 7amdelah 3al salama..

    your words and the pictures evoked tears in my eyes..ya rab papa yerga3 bel salama howa kaman! insha Allah

    taqabal Allah!! w 3awdon a7mad :D

    ReplyDelete
  6. مقدرتش اتملك نفسى
    وعنيا دمعت

    كنت سعيدة اوى
    لما عملت عمرة و انا عندى 24 سنة
    كنت فرحانه اوى ساعتها

    كلامك جميل اوى
    وحسسنى انا اد ايه نفسى اروح احج

    ربنا يتقبل منك ومن كل المسلمين يا رب

    ReplyDelete
  7. عيدك مبارك وتقبل الله طاعتك ان شاء الله...:)

    ما شاء الله الصور حلوه....:)

    وكل عام وانت بخير...:)

    ReplyDelete
  8. حج مبرور وذنب مغفور ان شاء الله وكل سنه وانت طيب

    ReplyDelete
  9. السلام عليكم

    حمدا لله على السلامة و تقبل الله منك .

    و الف لا بأس عليك من دور البرد .

    ممممم بصراحة فى بالى كذا حاجة عايز اقولها , بس حأجلها لبوستك الجاى اللى وعدت بيه عن مواقف الحج معاك .

    مش عاوز اتقل عليك و حمدا لله على السلامة مرة تانية .

    حافظ على صفحتك بيضا زى ماجيت بيها من الحج على قد ما تقدر .

    اخوك مؤمن

    ReplyDelete
  10. اللهم تقبل منك حجك و طوافك و سعيك و صلاتك
    حج مبروك عقبالنا يارب

    ReplyDelete
  11. حمدا لله على السلامة و تقبل الله منك
    يا عم أحمد
    أسمك نزل فى أخر بوست عندى
    بتاع أطفال الشوارع
    أيه العلاقه معرفش
    بس شرفنى يا شقير باشا

    ReplyDelete
  12. حج مبرور وذنب مغفور
    طيب كنت ابعت تأشيرة وانا كنت طرت
    بدل القُرعة القَرعة اللى بتطلعنى كل سنة برة
    بس معلش كل شىء بأوان
    لما الولاد يكبروا
    وياريت كنت قلت بدرى كنت كتبت لك لستة بالدعوات
    ربنا يكرمك يا شقير انت تستاهل كل خير

    ReplyDelete
  13. حمد الله على السلامة يا هندسة

    بصراحة انا مش عاوز اعرض اللى عاوزة اقوله فى نقط لانه حياخد وقت كتير بس بجد محتاجين يكون الكام تدوينة الجايين على اللى حصل معاك فى الحج لانك تقريبا عرضت رؤوس مواضيع

    عموما ايه موضوع

    وطبعا الدنيا برد وهناك يفضل النوم أكثر من أي عبادات أخرى وحتى الفجر

    انا مت من الضحك صراحة ولا الكلام ده بجد
    ؟!

    ReplyDelete
  14. حمد الله علي السلامة يا احمد وحج مقبول وذنب مغفور بمشيئة الرحمن واسأل الله لنا ولك ولكل المسلمين ان يرزقنا الزيارة قبل الممات

    وبجد يا احمد مش مجاملة نفسي انحنيلك احترام من قبل ما تبقا عم الحاج اما لما بقيت عم الحاج اعمل ايه دي مش مجمالة علشان تقولي شكرا ورسميات وكده متردش احسن

    ReplyDelete
  15. تقبل الله منك و حج مبرور و ذنب مغفور ان شاء الله و يا بختك

    ReplyDelete
  16. حج مقبول و ذنب مغفور انشاء الله وربنا يجمعنا سويا علي عرفات انشاء الله

    ReplyDelete
  17. حج مبرور وذنب مغفور ان شاء الله ياعم
    الحاج

    الصور كانت رائعة جدا

    ReplyDelete
  18. شكر الله سعيك وغفر ذنبك
    حج مبرور وزنب مغفور ان شاء الله تعالي
    عقبالنا يارب احنا كمان بحجه تساعدنا علي غفران الذلات

    ReplyDelete
  19. حمدلله على سلامتك و حج مقبول ان شاء الله

    ReplyDelete
  20. تقبل الله ، حج مبرور وذنب مغفور بإذن الله
    احرص على حجتك بعد عودتك

    ReplyDelete
  21. الف حمدلله على السلامة يا احمد .. حج مبرور وذنب مغفور ان شاء الله .. ادعيلي انجح فى امتحاناتى بقي والنبي ... وكل سنة وانت طيب ..

    واشوف وشك على خير :]

    ReplyDelete
  22. حج مبرور و ذنب مغفور إن شاء الله يا شقير

    ReplyDelete
  23. ألف حمدلله ع السلامة
    الله؟!!!!!ده انت كنت هناك برده بقى؟
    تقبل الله منا ومنكم يا حج احمد
    والله مشكور ع الصور الرائعة والكلام الجميل
    واللي لسه ماراحش مستنيين ايه؟
    بس انا كان نفسي اعرف حاجتين لو سمحت
    حضرتك قدرت تصور في المسجد الحرام ازاي؟؟؟
    وف اي وقت رحت الجمرات عشان تلاقيها فاضية كده؟

    حج مبرور

    ReplyDelete
  24. الف الف حمدلله على السلامه البلوج بتاعك يجنن و محترم و انا مبسوطه بيه جدااااااااااااا تحياتى

    ReplyDelete
  25. ياريت تحذفوا موضوع الاستهزاء بالقران
    وعذب الله عز وجل كل من فعل وكتب بهذا الكلمات

    ReplyDelete