Friday, January 19, 2007

أنقذوا فـُلـّة




فـُلـّة .. الإرهابية المحجبة


أن يَقلق نظام من إنتشار الحجاب ويجد فيه مؤشر على إنتشار تيارات فكرية دينية تُخالف توجهاته هذا وارد وفيه أخذ ورد ، ولكن أن يَقلق نِظام من حجاب عروسة .. أيوه عروسة .. دمية يعني بصراحة كده كتير وكتير أوي كمان


Fulla Doll



فـُلـّّة هي دمية عربية نشأت منذ سنوات تحاكي الدمية باربي الشهيرة وطبيعي عندما تظهر دمية عربية أو بمعنى أدق خليجية أن تتشابه مع الشكل والتقاليد العربية وبالتالي ظهرت الدمية بأشكال لطيفة وترتدي بالطبع العباءة هذا الزي الخليجي المتعارف عليه ، وقد حرص المصنعون أن يكون الشكل يحاكي الواقع فظهرت بغطاء الرأس المرافق للعباءة دون نقاب
ولكن تونس وماأدراك ماتونس ، قامت حملة تفتيشية نشطة على كل المحلات وصادرت جميع الأدوات الدراسية التي تحمل صورها بزعم أنها تحمل دعوة للباس الطائفي ، ويعلق أحد الصحفيين أن الشنط المدرسية تحمل صور فلة وبالتالي الخوف على الأطفال الصغار أن يتعرضوا للتحقيق والإستجواب من جراء حملهم للشنط
بصراحة كده زيادة وزيادة أوي كمان ، إذا كنت نظام تنادي بالحرية والليبرالية فكل شخص حر في ملبسه مالم يؤذي الآخرين فمن تريد الإحتشام فهي حرة ومن تريد العري فهي حرة ، وإذا كنت ترفض الحجاب فيكون ذلك من خلال الفكر مثلما إنتشر الحجاب عن طريق الفكر والدعوة ، فليكن سلاح الفكر والدعوة هو الآخر طريقك وفي النهاية المواطن حر فيما يستجيب له ، أما فرض الأمر بالقوة والمنع والمصادرة فهذا لن يزيد المخالفين لوجهة نظركم إلا تمسكاً
غباء فعلا غباء ، ولك الله يافلة
تحية ل مي تو التي إلتقطت الموضوع أولاً في فراغ محايد


--------------------------------

تيجي نتحدى أنفسنا ونشوف هانقدر ولا لأ ؟



سؤال تحدي وجهناه في بوست سابق عقب نشر مجلة تين إستاف لصورة من صور المدون الفنان أحمد المنشورة في موقع فليكر دون أي إشارة أو إستئذان ، وكان التكتيك وقتها مختلفاً وذلك بالدعوة لإرسال إيميلات للمجلة تطالب بعودة حق أحمد إليه
ومن خلال مشاركتكم الإيجابية وصل المجلة سيل من الإيميلات بالآلاف كان من نتيجته أن أعادت المجلة نشر الصورة في عددها التالي مع نشر مجموعة كاملة من صور أحمد على صفحة كاملة تحت عنوان قطعة من الفن مع إسم لأحمد وتوقيعه على جميع الصور
شكراً لكم جميعاً على الإهتمام فهذا يؤكد أن التدوين أصبح سلاح لايستهان به ، وبه عاد الحق لصاحبه ولم يكن أيضاً ليتأتى ذلك لولا إدارة واعية من المجلة لم نخسر الرهان عليها وكانت على قدر المسئولية في معالجة تنم على حرفية شديدة في حل الموضوع
تحية لكم ولتين إستاف

----------------------------

تحديث : تم التنويه عن هذه التدوينة

في نشرة جلوبال فويسس
في نشرة دايف لوكاس الدولية
في نشرة دوكسدو الإيرانية

مدونة كونسيرفاتيف ثوتس الإنجليزية
مدونة باد جيرلز الكندية
سبيس ليل سان شاين
____________________

أعتذر كثيرا في التأخر في الرد على التعليقات ، باكر إنشاء الله

62 comments:

  1. والله لا اندهش ان يحدث هذا فى تونس ، ولا اندهش ان حدث هذا فى اى قطر عربى واسلامى حتى لو كان مصر

    المعادله سهله وبسيطه "كيفما تكونوا يولى عليكم" او كما قال صلى الله عليه وسلم

    ونحن فقط فى بداية طريق طويل فالأسوأ فم يأتى بعد

    ودعنى أسألك سؤال هل تصدق اى شعار ينادى يه هؤلاء وامثالهم من دعاه مبدأ كان على مستوى العالم الأسلامى كله ، ولا اكون متجاوزاً ان قلت على مستوى العالم فالسواد الأعظم ينادى بمبادئ فقط لأستفادتهم منها وان انتهت المنفعه توجهوا لمبدأ اخر وهلم جرا

    هذا واقع نعيشه على كافه المستويات ، شخصى دينى سياسى محلى دولى كله كله ولكننا بكل اسف ننسى

    ReplyDelete
  2. كنت لسة باتكلم في موضوع مشابه مع صديقة
    ما أتعجب له أن ممارسات علمانيات دكتاتورية مثل منع الحجاب تماما في تونس أو منعه في جميع المدارس و الجامعات في تركيا لا تحظى بربع الاهتمام الشعبي الذي حظي به قانون منع الرموز الدينية في المدارس الحكومية في فرنسا
    لي عودة

    ReplyDelete
  3. قبل ما اتكلم علي تونس والذي تعانيه تونس مش عارف ابدي اعجابي واحترامي لشخصك ازاي اثبت يا احمد ان كبير بجد كشخص قبل ما تكون كبير كا مدون مقدرش اقولك انحني احتراما او تحياتي او اي حاجة من الحاجاتي دي لاني قلتلهالك كتير لانك استاذي ولانك تسحتق اكتر من كده وبيتهيألي انت عارف السبب وشكرا بجد يا احمد
    اما بالنسبة لتونس اعتقد ان حكومة تونس تحاول جاهدة محاربة كل ما هو ديني او اسلامي واعتقد ان هذا لن يضعف قوة المسلمين بل سيزيدهم قوة فازدياد عدد المسلمين في اوربا بعد الاهانة المشينة من ذلك اللعين لروسولنا الكريم هو خير دليل علي كلامي ان الله سبحانه وتعالي قد تكفل بحفظ الاسلام ما دامت الحياة

    ReplyDelete
  4. سوري يا احمد كنت فاكر انك شلت المدونة المشبوهة بس كانت غلط مني انا اسف بجد مش اقصد سلام لحين اشعار اخر

    ReplyDelete
  5. العزيز احمد

    مهاجمة المعتنقات الدينية والفكرية هو تحجيم للحرية الشخصية فى زمن المفروض ان الحرية اخذت اقصى اتساع لها
    انا شوفت العروسة فى مصر ولفت نظرى غطاء الرأس مش عارفة هى فلة ام لا بس عروسة بغطاء رأس وضعت ابتسامة على وجهى
    ليكن النوعين متوافرين كما قلت حرية انتقاء الفكرة لغرسها فى الاطفال تعود الينا لا للحكومات
    تونس فى اتجاه عجيب غير مفهوم ليبرالية بلا ليبرالية او حتى تعقل لمعنى الكلمة
    فواضح ان الليبرالية تعنى البعد عن الاسلام من وجهه نظرهم للاسف

    تحياتى

    ReplyDelete
  6. بجد كده زيادة أوى


    الله بيحصل ده حرااام

    للدرجة دى


    وصلو انهم يحاربو عروسة علشان مغطية راسها


    انا بجد مذهول

    انا عارف فلة وسمعت عنها كتيير وكنت مبسوط ان العرب بيحاولو يعملو حاجة تحافظ على هويتهم

    بس ان الحرب تيجى عليهم من دولة عربية والمفروض انها اسلامية فدى المصيبة

    والدكتاتورية والتعنت فى رفض الحجاب وجميع اشكاله بيأكد ان الغرض مش تحرر ولا ليبرالية

    ده استهبال

    انا معاك اوى فى رأيك وبتقطع من جوه والله على اللى وصلناله

    بالنسبة لمدونتى اللى على البيتا كنت انت قلت انك مش عارف تدخل عليها

    العنوان بتاعها اهه

    htp://ma3nafsy.blogspot.com/

    تحياتى

    ReplyDelete
  7. انا هحكيلك علي موقف كنت ناية اعمله بوست
    رشحت اني اطلع مشرفة علي بنات من كلية تربية رياضية للمشاركة في مراسم البطولة العربية لالعاب القوي المقيمة في مصر
    وبما اني معيدة صغنتته فكنت باخد الاوامر من الدكتورة الكبيرة
    ولما وصلنا للبس وازاي هنلبس البنات
    فالدكتورة قالت هنخلي الطرحة اسبانش
    اللي هي الطرقة الجديد للحجاب
    في بنات رفضت لانهم مش معتبرين ان دة حجاب
    وكانت النتيجة ان الدكتورة وهي مش محجبة زعقت وقالت لهم ان هما كدة متخلفين ولازم نبان متحضرين ادام الشعب لانهم فاكرينا ارهابين
    انا لولا الملامة كنت قلتلكم اقلعوه
    وما كان من البنات ان هما يرضخوا للاوامر اللي جاتلهم

    تفرق ايه بقي طريقة الحجاب في اني ابان متخلفة ولا مش متخلفة
    ادي البشرية في مصر
    فانا مش مستغربة ان هما يعملوا كدة في عروسة
    وحسبي الله ونعم الوكيل

    ReplyDelete
  8. مبسوط أوي من موضوع تين ستاف ده
    كان يفرق معايا هيحصل ايه
    عقبال ما نقدر نعمل حاجات أكبر بكتير من كده عن طريق وقوفنا صف واحد
    شكرا لنشرك الدعوه
    تجربه صغيره يوما ما ستطبق علي أشياء أكبر بكثير

    ReplyDelete
  9. و عجبي على الزمان
    و لسه ياما حنشوف
    مش لاقيين حد يحاربوه قامو حاربو عروسه ؟؟؟

    ReplyDelete
  10. تحياتى للجميع و على راسهم الحاج احمد شقير حامى حمى الحقوق الضائعة

    أحب ابتدى بموضوع فلة لاهميته عندى اكتر من اى حاجة تانى لانة بيمثل عندى مشكلة جامدة جدا هو ان فى نظام بلد خايف من عروسة عمركم شفتوا حاجة اسخف من كدا انا لما عرفت الموضوع نزلت على هسترية ضحك و بعديين حسيت بمرارة غريبة و دا مش علشان الحالة اللى وصلها نظام دولة المفترض انها أسلامية لا المرارة انى تخيلت بنت تونسية صغيرة كانت بتحلم بالعروسة دى و مرة واحدة بخ لا يا حبيبتى مفيش اوعى تجيبى السيرة دى تانى

    او بنت صغيرة تونيسية امورة كانت رايحة مدرستها و مرة واحدها وقفها ظابط و خد منها الشنطة اللى مرسوم عليها فلة و رملها كتبها على الارض و قالها ان اللى عملتوا دا غلط و ان الحجاب غلط و ان الاحترام غلط و ممكن بابها و مامتها ممكن بيتعرضوا لتوجيه التهم لهم لمجرد انهم اشتروا شنطة مدرسه مرسوم عليها عروسة محجبة
    و عجبى

    عايز اقول حاجة ان المجلة ماكنتش حتنشر الصورة لولا الاستجابة السريعة للمدونون لان فى ظرف يومين اتبعت 3000 ايميل احنا جامديين اوى يا جدعان

    ReplyDelete
  11. إقترب جدا ذلك الزمان الذي أخبر عنه رسول الله صلى الله عليه وسلم والذي سيكون فيه القابض على دينه كالقابض على جمرة من نار .. ألا نحس الآن بإقتراب تلك الحرارة؟ حرارة الجمرة؟

    اللهم لا تجعل مصيبتنا في ديننا

    ReplyDelete
  12. على كده تنصحني اغير اسمي يا احمد؟

    ReplyDelete
  13. طيب انا عندي فكرة كويسة
    احنا نهرب عرايس فلة من السعودية لمصر و نوزعهم على معارفنا الاول و لما الجبهة تكمل نوزع على كل المنظمة
    بس خلي بالك لو اتقفشت انا معرفكش قلت اية
    افيش الهوامش؟

    كل سنة و انت طيب

    ReplyDelete
  14. كل سنه و انت طيب يا احمد باشا

    ReplyDelete
  15. هي تونس دي وصلت من زمان قوي على فكرة

    أنا سامعة انهم بيورثوا الراجل زي الست و اللي بيتجوز على مراته بيدخل السجن

    بس على فكرة العروسة دي لما شوقفتها عجبتني جدا جدا

    لحد لما عرفت ان الشركة اللي عاملاها شركة أمريكية و عشان كده ملامحها قريبة قوي من باربي

    كنت أتمنى ان انتاجها يبقى عربي أو إسلامي و شكلها كمان

    آية بنت جارتي جاتلها واحده هدية راحت مقلعاها الحجاب و ملبساها شورت

    جيل الدش يا سيدي

    ReplyDelete
  16. سوسة
    فلة عروسة سورية و لأسباب يطول شرحها فما لاحظته أن الشركة تحاول بها خلق "باربي مسلمة" و هو ما يجعلها في الغالب أقل جاذبية لفتيات العائلة عندنا من باربي

    على فكرة أنا أصلا مش حابة فكرة العروسة المحجبة للسبب اللي قلتيه , الطفلة عادة لا تتعامل مع العروسة على أنها أنثى و انما على أنها طفلة مثلها و هو نفس تحفظي على باربي

    ReplyDelete
  17. بصراحه .. لا تعليق

    دايما اجيلك اتلجم ولا اعرفشي انطق

    ReplyDelete
  18. تونس دول عايزين ضرب ....
    و لا بلاش اخواتنا برضه و الحكومه راكباهم و ماشين في ديل فرنسا
    ربنا يهدي
    و بعدين فله دي رمز جميل للبنوته العربيه بلبسها و ملامحها دول بيستعبطو اصلا
    حسبي الله ونعم الوكيل

    ReplyDelete
  19. للاسف

    شى محزن جدا اننا نلاقى الدول العربية والمفروض انها مسلمة فيها الحملة الشرسة دى على الاسلام والحجاب اللى يمكن تكون اشرس من اللى بيحصل فى الدول العلمانية

    والمؤسف انه الحكومة التونسية او اى حكومة بتقوم بحاجة زى دى بتبقى متخيلة انها كده ماشية على طريق التحضر


    بجد حاجة تقرف

    ReplyDelete
  20. سلام عليكم احمد باشا انا بعتلك ايميل على الفليكر زى المرة اللى فاتت انت مردتش و فى تعليقك على موضوع تين ستاف قلتلى ان الفليكر مش بيظهر فى السعودية نصيبة لايكونوا حجبوه ماهى ناقصة انا حاشوف ردك بعد بكرة بليل بعد مارجع علشان مسافر كمان شوية

    ReplyDelete
  21. أحمد أمبارح كنت بتفرج على برنامج "الليلة الكبيرة " لخالد أبو النجا على قناة دبى الفضائية و أقتبس منك مدونة المصرى هو.... أنا مش فاكر اسم المدونة بس انا حافظها صم من كتر ما قرأتها

    ReplyDelete
  22. ليس من المستبعد أن يخاف الديكتاتور من دمية صغيرة لم تكن يوما اتنحارية ولا قنبلة ولم تحمل فكرا هدما
    ان الحاكم الظالم يخاف مجرد الخوف من أن كلمة
    أو رسمة
    أو بيت شعر
    فما بالك بفلة
    فاحتمال ان يكون مرعوب من ان تنفجر فيه يوما
    يارب ليه لأ
    =
    وعن ستف فمبروك لأحمد وللمدونين وليك يبو حميد

    ReplyDelete
  23. كل ده من فله العروسة البنوته الجميله

    بنت بطرحه جميله رقيقة ظريفه خفيفه خجوله


    امال لو شافوا أبوها هايعملوا اية ؟

    ReplyDelete
  24. فلة دى حبيبتى
    لأنها كانت البديل لباربى اللعينة اللى كانت لعبت كتير فى دماغ بنتى لدرجة انها ادمنت موقعها على النت وبتقعد بالساعات تقلع وتلبس فيها هدوم ما انزل الله بها من سلطان
    بس من ساعة العمرة ورجوعنا بفلة
    تغير الوضع تماما
    الفكرة مش فى العباءة او الجينز
    لكن الفكرة فى اعتيادها على رؤية شىء محتشم ..وعلشان كدة فى تونس مرعوبين من اعتياد الناس على فكر مغاير رغم انه اصلى واصيل
    اكيد هم حاسين بمدى تأثير مجرد دمية على فكر النشء ولذلك جاءت خطوة اعدام فلة هناك
    يتشدقون بحرية وليبرالية هم ابعد ما يكونون عنها.. ربنا يستر علينا

    ReplyDelete
  25. استاذ احمد تعرف
    انا بيتهيألى انهم ماقدروش على -عفوا- الحمار اتشطروا على البردعه
    يعنى مش عارفين يتكلموا مسكوا فى الهيافه
    المشكله اصلا ان غطاء الرأس او الحجاب قديم جدا يعنى كان مفروض على المسيحين فى الدين المسيحى
    وعشان يفرقوا بينا وبين الاخوه المسيحين هما خلعوا غطاء الرأس
    لكن لسه بيلبسوه لما يدخلوا الكنيسه
    حد فيهم يقدر يتكلم ويقول انه لما بيدخلواالكنيسه اللى فى بيت لحم بيكونوا بشعرهم

    والله انا مش عارفه اقول ايه لكن حقيقى لك الله يافله

    ReplyDelete
  26. احمد انا بحترمك فعلا

    موضوع تين ستف مكنتش عارفاه
    بس تحياتي لك جميعا

    موضوع العروسه

    لا تعليق
    فعلا من كتر الكلام اللي عاوزه اقوله مش عارفه اقول ايه

    ReplyDelete
  27. معلش أنا هاعلق بعيد عن الموضوع..

    أنا متشكرة قوي يا أحمد عشان موضوع
    post of the day da :)

    أنا كنت عندك بالصدفة، ولقيت اسمي، فقلت لنفسي أكيد فيه حاجة غلط! بعدين عرفت إنك قريت التدوينة الأخيرة وعجبتك وكمان حطيتها هنا! :)


    ربنا يخليك يا رب إنت متعرفش إنت خليتني مبسوطة قد إيه :)
    ربنا يكرمك يا أحمد!


    p.s.
    أنا عملت
    print screen
    واحتفظت بالصورة
    :))

    ReplyDelete
  28. يا عمي
    ما احنا في عصر سعاد صالح وعلي جمعة
    واحدة تقول انا باشمئز من النقاب والتاني يقول معدش في حاجة اسمها ربا خلاص والبنوك حلال في حلال
    فها تيجي علي الحجاب المسكين
    انا رأيي الكل يمشي ملط ونخلص من موضوع الحجاب والتحرش الجنسي وكل شئ

    ReplyDelete
  29. لا فض الله فوهك ايها اللواء .... واتضح ان المجرم اخواني
    بوست جديد في المدنة

    ReplyDelete
  30. اولاً قال المثل الشعبى علمنى يا ابت الهيافة فقال له تأتى فى الهايفة وتتصدر ومن هنا تبرز هيافة الاخوة فى تونس اللى خايفين من دمية امال لو كانت واحدة بنى ادمة من لحم ودم ومحجبة كانو عملوا اية اكيد كانو قتلوها زى الرئيس صدام حسين وهتفوا باسم مرتضى علشان بيحبوا الزمالك ههههه

    ReplyDelete
  31. بالرغم ان فعلا فله دي بتغظني علشان بصراحة كنت بحب باربي وكل عرايسها كانت عندي تقليد واصلي وبيت باربي ومطبخ باربي ومكياج باربي كان هوس يعني
    بس اللي يغيظ ف الموضوع تونس يعني وهما عندهم الحريه ف الحجات اللي ع مزاجهم يعني مالهم يلبسوا باربي ولا فله ويعني ايه ارهابي علشان شنطة فله بس بجد اللي نفسي افهمي مدام هما عايزين حرية وديمقراطية يبقى ع كله يعني اللي عيز يتحجب يتحجب يمنعوه ليه بجد بتغظ وحاجة تانية ع فله دي اللي بجد غاظني منها الاعلانات بتاعتها تجيب الضغط وشكلها كمان يعني ملامحها مش عربية خالص اممكن تقول اوربية مسلمة يعني خدوا الشكل ولبسوها وغيرو اسمها بس كده

    ع فكرة انا كاتبه لحضرتك كل سنة وانت طيب عندي وحاجة تنية الكلام عندي بيطلع هيلغريفي ع كل كمبيوتر اخش عنده فبقراه الحجات دي بطريقة رائعة اخش ع الكومينت واعمل شو اوريجينال بوست المشكلة فين ؟؟

    ReplyDelete
  32. زودوها خالص !!!

    لا اعرف لماذا يحكمون على الشخص من لبسه ؟؟؟

    هل لبس الحجاب سوف يمنعني من ممارسه حياتي الطبيعيه ؟؟؟ صحيح ناس متخلفه...

    ReplyDelete
  33. عروسة بلاستك لا بتهش ولا بتنش يعملوا الهيصة دى كلها عشانها .. اومال لما الواحدة تتحجب هيعملوا فيها ايه بس

    حسبنا الله ونعم الوكيل

    الرقاصة بقت قدوة على رأى المبجلة فيفى عبده
    واللى تحتشم تبقى إرهابية وفيها كل العبر

    حسبنا الله ونعم الوكيل

    ReplyDelete
  34. lol enta 3ayez tnker en folla elola bt7arrad 3alka elfsad w elerhab wla eh :d

    tadweena dawlya 3assal

    ReplyDelete
  35. يا أستاذ أحمد ياريت تشيل كود الريت كليك و أعتقد كود التظليل كفاية ولا إيه. حاكم أنا بحتاج الريت كليكز

    ReplyDelete
  36. مهم لو كانوا عملوا عروسة على شكل رقاصة ولا لابسة قميص نوم كانوا سابوها وساهموا فى انتاجها وتوزيعها مجانا .. عاوز تقول ايه فى بلد بيدخلوا الناس المساجد بكروت .. ومش مسموح ان حد يخش غير الجامع المشترك فيه .. حاجة اخر مسخرة .. الحكومات العربية معظمها خلاص تحكم فيه جنون السلطة .. مش مهم بقي الدين والكلام ده .. المهم ازاى يتحكم فى الشعب ويذله .. ربنا يستر على باقي الشعوب .. وده مش معناه ان نسيب موضوع تونس لأ طبعا .. اكيد فى حل .. بس ربا قال اسعى يا عبد وانا اسعى معاك ..

    ولا انا كلامى غلط ..

    ReplyDelete
  37. السلام عليكم................
    أنا دايما باعدي هن هنا وخصوصا لما ضغطي بيعلا مما يكتبة بعض المدونين الأشرار....أنا قولت أسجل حضوري النهاردة وأسلم الناس الطيبين........... ياسلام لو الناس تتعلم منك الهدوءوالأدب في الحوار والفكرالسليم ... على فكرة أنا كمان محتاج للرايت كليكز.....سلام

    ReplyDelete
  38. حتي العروسه مش سايبينها في حالها حسبي الله ونعم الوكيل

    ReplyDelete
  39. el blogger feeh 3afreet wala eh...el kalam 2alab 7eroof 3ageeba!! mafeesh encoding wala eh :S!!

    Allah yesam7o el blogger!! :(

    ReplyDelete
  40. والله اللي بيحصل ده بقا فوق العقل
    الناس دي مصدقت تلقى حاجة
    الا وساتغلتها وبقت تنهش في الاسلام والمسلمين اعوذ بالله

    استاذ احمد
    انا بعت لحضرتك تاجين ياريت حضرتك ترد عليهم
    بعد اذنك

    ReplyDelete
  41. فلة لماذا
    احد مظاهر الاسلمة الفارغة المستوردة من البدو رعاة الاغنام الذين اتبعهم الغوغاء والمنحرفين والوطنجية والقومجية وهؤلاء جميعا سبب هزائمنا وتاخرنا عن ركب التطور والحضارة

    ReplyDelete
  42. مريض نفسى

    بسم الله الرحمن الرحيم
    الاجابة الصحيحة هي
    تونس

    ReplyDelete
  43. استاذ احمد شكير
    ليك عندي تاج ممكن تمر تستلمه
    و ما تنساش تمضي على محضر الاستلام

    ReplyDelete
  44. أنا من منبرى هذا
    اؤيد وأشجب وأساند

    حلوة دى؟؟ زى بتوع الحكومة

    اللعبة الجديدة اللى نازلة الأسواق وحتى الآن قيد التصميم هى عروسة وعريس
    على شكل السيدة الفاضلة دينا هشك بشك والسيد الفاضل شريكها أبطال السى دى اياه
    واللعبة حتكون بنفس تفاصيل السى دى

    والمرشحة للطرح فى الأسواق بعد رواج تلك اللعبة هى لعبة كلينتون ومونيكا وحيسموها الفستان الأزرق

    وستنافسها فى الطرح بالأسواق لعبة جديدة
    اسمها عصاية المقشة
    تمجيدا للموقعة الميمونة فى كليب عماد الكبير
    وبنفس تفاصيل الكليب برضة

    بادر بحجز نسختك
    وستصلك لحد باب البيت
    ويحظر على من يتجاوز 12سنة ان يلعب بها
    فهى تخص فئة عمرية تبدأمن 2الى12سنة
    وبالشفا ان شاء الله

    ReplyDelete
  45. ايه يا عم شقير
    التدوينة دي طولت قوي
    انت اعتزلت التدوين ولا ايه
    بقالي مده كل ما ادخل الاقي فله في وشي

    علي فكره لسه شايف اعلان ليها النهارده علي قناة
    space stoon

    ReplyDelete
  46. زيادة قوي كمااان....هي مش تونس بس..الموضوع كله بقى ماسخ


    سعيد قوي بموضوع تين ستف ده..الصحافة الشعبية بتقوى
    lol

    ReplyDelete
  47. إيه يا حاج .. فين مواضغك الجديدة؟ غبت كتير قوي .. لعل المانع خير

    ReplyDelete
  48. عقدة نفسية
    يريدون الفرار من أى مظهر عربى او اسلامى
    حساسية من أصلهم.. من ثقافتهم .. من لبسهم .. من لغتهم .. من دينهم...

    نتخلى عن حضارتنا مقابل لا شىء فلا احنا اقمنا حضارتنا العربية ولا لحقنا بالحضارة الغربية

    ReplyDelete
  49. امس باربي
    و اليوم فلة
    و غدا حيعملوا عروسة طهقانة
    و عريس طهقان
    زورني

    ReplyDelete
  50. الغريب يا شقير انى علمت بالحملة من الريدر بتاعك
    ارجع بسرعة يا شقير
    http://www.maroc2007.info/archive/2007/2/157254.html

    ReplyDelete
  51. الله مع فلة...

    ReplyDelete
  52. لعل يكون المانع خير

    انت فين يا حاج

    انت نسيتنا ولا ايه

    ReplyDelete
  53. و مازال البحث مستمر عن المدعو احمد شقير و كانت هناك بعض الاقاويل التى رجحت ان يكون جهاز الكمبيوتر الخاص به قد سرق لكنه لم يأكد صحة او نفى تلك الاخبار و قد توجهنا بالسؤال الى أحد المنتظرين امام مدونتة نستفسر منه عن سر غياب الراجل الكبير

    انا المذيع: تفسر ايه بغياب الحاج احمد شقير؟

    الراجل اللى واقف: بسم الله الرحمن الرحيم
    انا بقول ان مادام الحاج احمد اهلاوى يبقى انشالله هو بخير و سلامى الى كل اهالى طنطا و السيمبلاوين و الضرب الاحمر


    انا المذيع: ضرب احمد ايه يا استاذ بقولك احمد شقير!؟

    الراجل اللى واقف: ايوة ايوة احمد شقير عارفة بيلعب ناشئين تحت 45 دا عليه هيد 10 على 10 و احب اقول ان اللى عمله ابراهيم سعيد دا عيب اوى علشان الرياضة عمرها ما كانت كدا


    انا المذيع:دا انت حتولع انشالله طيب تحب تقول اى حاجة لأحمد شقير قبل مكسر الميكرفون على دماغك؟


    الراجل اللى واقف: ايوة احب اقوله يرجع للملاعب بسرعة علشان الجماهير محتاجينلة فى الماتش اللى جى قدام انبى



    انا المذيع و هكذا اعزائى المدونين تسبب غياب احمد شقير فى أزمة تدونية خطيرة و نرجو منه التعليق على هذة الاخبار منعا للشائعات و عايز اقوله انشالله حتجيب جوون فى ماتش انبى و كان معكم احمد اتش من برنامج الكوررة فى المدونات و السلام عليكم و رحمة الله و بركاتة

    ReplyDelete
  54. انا فعلا مش عارف ايه الاستهبال ده .. حكومة كاملة خايفة من لعبة .. و منعتها عشان محجبة

    و لو
    طيب البنات الصغيرة بقى يجيبوا باربي و يلبسوها طرح

    ReplyDelete
  55. ممكن متكنش عيشت ايامها ولا رن في ودنك صوتها الحنين و هي بتقول يا حبيابي يا حلوين
    بس اكيد سمعت عنها استهويتك مرة حواديتها او شعرها او لقائتها اكيد قريت نهايتها المؤلمة
    احي ذكراها يوم 21فبراير اديها فرصة تعيش في قلوبنا تاني متخليش ذكراها تموت

    ReplyDelete
  56. أنا معك في موضوع أن الحجاب إنتشر كفكر ودعوة ومن يعتبره خطر وتجب مواجهته فكل ما عليه أن يواجه بفكر وليس بمنعه وإعتباره إرهاب فالإسلام كجوهر دين لا يخشي المناقشة والمناظرة بل إن جوهرة السليم لا يظهر إلا من خلال الإحتكاك والتفاعل فبالحرية سينتشر الفهم الصحيح للإسلام وسيظهر فئة من الناس مؤمنين ولكن ناجحين ومتفوقين وستندثر صورة المسلم القديمة التي كونها الإرهابيون في كل مكان

    ReplyDelete
  57. ايه ده ماشاءالله
    بقى اسيبك كام شهر ارجع الاقيك بقيت مشهور كده؟

    على فكرة انت عارف ان في تونس الراجل مايقدرش يتجوز على مراته وذلك بحكم القانون؟؟؟
    يبقى فله دي حاجة سهلة :)

    ReplyDelete
  58. كل ده لسة مرجعتش وحشتنا مووووووت

    ReplyDelete
  59. gai tagged u..
    ارجع بقى

    ReplyDelete
  60. ممكن اسألك سؤال

    هو انت حتكتفي بدور المتفرج في المدونات؟


    كل ده وقت يا احمد حرام عليك و كفايه كده

    كل مره اقول اكيد بكره حيكتب و مافيش فايده .. بعدي عليك يوميا و الله اشوف بوست اليوم الل بتنوه عنه و اقرا و اقول بكره حيكتب حاجه هو شخصيا و مفيش فايده


    انا مش بحب اكون لحوحه و بحاول اسيب لكل واحد مساحته الخاصه
    بس كده كتير فعلا

    انت حتتتفرج و تنوه و خلاص؟ مش ممكن

    ReplyDelete
  61. beyo2lak wal3ohda 3ala elaph en el ostaz kareem zar3 el nawa entass 4 seneen segn .
    bass lelassaf el khabar ta7t 3enwan edana l 7okoumet mobarak el moftareya.
    tab3an bassarf al nazar el walad da yestahel kol kher w arba3 seneen showya awee 3ashan yeb2a yetraba.
    bass el gahreeb en el khabar etshal f sa3etha,ana mosh 3arfa ya a7mad hal dee esha3a wala eh danna 7atta kont 3awza aseeb fel comments beta3et el site , el link beta3 el blog al khass bel mazkoor -ellee a3ed f gropy torraa -3ashan el nass te3rafo 3ala 7akeekto bass mal7aetesh ,mosh 3arfa dee 7aga tar2a wala el kahabr fe3lan etshal.
    anyway,rabena yehdeeh bardo wyerodo 3an khebto.

    ReplyDelete
  62. الاخ العزيز الاستاذ احمد
    سعدت بالتعرف اليك والى مدونتك التى لم يكن لى حظ فى ان اتعرف عليها قبل كده..سعدت فعلا ولى عود الى المدونه بس على رواقه

    ReplyDelete