Tuesday, August 07, 2007

أفضليات


أفضليات



Thinking

الجزيرة أفضل من العربية

الليل أفضل من النهار

العاشرة مساء أفضل من تسعون دقيقة

إسماعيل هنية أفضل من سلام فياض

الزمالك أفضل من كهرباء طلخا

عن العشق والهوى أفضل من تيمور وشفيقة

المدونات أفضل من المنتديات

الإنترنت إكسبلورر أفضل من الفايرفوكس

فصل الصيف أفضل من فصل الشتاء

إبراهيم عيسى أفضل من مجدي الجلاد

المصري اليوم أفضل من الدستور

نساء الدنيا أفضل من الحور العين

الحنة الطبيعية أفضل من الصبغة

إلعن الظلام أفضل من أن توقد شمعة

صيام شعبان أفضل من صيام الأشهر الحرم

المرأة المحتشمة أفضل من المرأة المحجبة

أصدقاء النت أفضل من أصدقاء الواقع

السودوكو أفضل من الكلمات المتقاطعة

شيكاجو أفضل من عمارة يعقوبيان

ألا تكون لك قوانين أفضل من عدم احترامها

غداً أفضل من اليوم

طلعت السادات أفضل من مصطفى بكري

عبد الرحمن عزام أفضل من جيفارا

أن تحترم تفكيري أفضل من أن تحبني

زيت السمسم أفضل من الفياجرا

الصدقة في وقت الحاجة أفضل من عمرة التطوع

قيادة الرجال للسيارات أفضل من النساء

الغناء الردىء أفضل من التفرغ للهجوم على الآخرين

شعبان عبد الرحيم أفضل من سعد الصغير

العام الماضي أفضل من العام الحالي

تمانية آذار أفضل من أربعتاشر آذار

المحجوب محافظاً أفضل من المحجوب وزيراً

مدونة إبن عبد العزيز أفضل من مدونة مالك

التدوينة الجاية أفضل من التدوينة دي


38 comments:

  1. افضليات .. انها بالفعل افضليات .. ولكن شخصية جميل ان يعرف الشخص اولويات نفسه ويعرف ماذا يفضل اكثر .. صدقنى عجبنى جدا فكرة البوست ده ..

    وانك تكون عارف نفسك افضل من انك تقول انا ممكن اكون كذا ..

    تحياتى لك .. :]

    ReplyDelete
  2. :D
    الفكرة جميلة
    استمتعت بقراءة البوست

    تحياتي

    ReplyDelete
  3. أصدقاء النت أفضل من أصدقاء الواقع
    انت كمان بتقول كده
    انا باتضايق من الكلمه ديه مع انها حقيقه
    ليه قلت كده؟؟؟

    بخصوص العام الماضي
    قصدك شخصيا يعني؟؟؟؟
    ده كان اسوأ عام ليا
    و الحالى افضل كتييييييييييييير :)

    ReplyDelete
  4. حلوة قوي الفكرة

    لو الواحد قعد يكتب ايه افضل من ايه عنده ح نلاقي حاجات كتيرة قوي
    وكمان ح نلاقي تقارب في الاذواق

    ح اروح الم شوية حاجات عندي افضل من حاجات ونشوف

    خد دول على ماتفرج

    الكتاب الورقي افضل من الكتاب الالكتروني

    النباتات الطبيعية افضل من الصناعية

    الخياطة افضل من التريكو
    ( ده طبعا في الحر ده )

    ههههههههه

    وراجعة تاني

    ReplyDelete
  5. في معظمها عسل
    بعضهم مش تبعي
    NA
    ابن عبد العزيز لا يقارن بمالك خالص هذا ظلم لشريف
    يعيش فايرفوكس
    يعني إيه محتشمة ويعني إيه متحجبة
    تقصد انها تكون مغطية شعرها بس لابسة مش كويس
    وازاي غدا أفضل من اليوم والعام السابق أفضل من الحالي
    دايما اأمس أفضل من اليوم
    الأحوال من سيء لأسوأ
    ساعات باختلف معاك بس باحترم طريقة تفكيرك فمش باعلق
    صيام شعبان أفضل من صيام الأشهر الحرم ما عدا محرم هو أفضل
    تعيش المدونات وتسقط المنتديات
    وفي انتظار التدوينة القادمة

    ReplyDelete
  6. عجبتنى الفكره دى جدا و استمتعت بيها بس ان اختلف فى ان الصيف احلى من الشتاء لا الشتاء احلى تحياتى وبوست رائع ( عاوزه قصه جديده من نظاره شمس )

    ReplyDelete
  7. ان تحترم تفكيرى افضل من ان تحبنى ده اكيد

    العشق و الهوى احلى من تيمور و شفيقه لا تيمور و شفيقه احلى

    أصدقاء النت أفضل من أصدقاء الواقع
    يعنى ممكن برضو

    العام الماضى احلى من العام الحالى لاااااا السنه دى احسن كتيير تحياتى

    ReplyDelete
  8. ان تحترم تفكيرى افضل من ان تحبنى

    عجبتنى اوى

    ان المدونه القادمة افضل من الحاليه كلهم افضل من بعض

    الكلمه اللى لفتت نظرى ( انا جعان ) اللى فى الصوره بجد والله العظيم صعبت عليه اوىىىىىى سلام soha

    ReplyDelete
  9. بجد يا أحمد
    افضليات رائعه ولكن تختلف معايير الافضليات من شخص لاخر ولكنها تبقي مميزه لكي تعرفنا بك أكثر

    ReplyDelete
  10. هو ما ينفعش تحترم تفكيرى و تحبنى ؟؟؟؟

    ReplyDelete
  11. فكرة حلوة فعلا
    تحياتي

    ReplyDelete
  12. جميلة التدوينة
    مختلفة فكرتها
    ماشاء الله
    رغم اتفاقي معك في بعضهم
    و اختلافي في البعض
    الا اني استمتعت

    بس انا عجباني الصورة جدا :)

    ReplyDelete
  13. تدوينة جميلة و فكرتها جديدة

    و الافضليات دى شىء اساسى فى الحياة و كل واحد ليه افضلياته اللى بتعبر عن اولوياته فى الحياة

    بس على فكرة انا معجب جدا بالصورة اللى فى البوست و رسمة العربية لذيذة جدا

    الواحد لما بيقعد يشغبط فى الورق و يكتب كلام و هو بيفكر ساعات بيطلع حاجات غريبة و غير متوقعة على الورق

    تحياتى

    ReplyDelete
  14. أحييك على النهج الجديد
    :)
    شقير أفضل من أنيس منصور
    :)))

    سعدت بقراءة البوست وبأنك زميل فى حل السودوكو

    بس بتوجع الدماغ وتجيب صداع فى الآخر ..صح؟

    ReplyDelete
  15. افضلياتك ..افضلهن وجودك

    جميل انك تستطيع ان تفاضل فى افضلياتك
    وتعرف ما يدور بداخل نفسك
    وما يفضلة او لا


    تحياتى لافضليات عرفتها

    وتحياتى لك

    ReplyDelete
  16. ya bash mohandis,
    awwalan:

    this phootoe you used is old, and you used it before!!!!
    i am pretty sure, because you wrote on the paper shoker.blogspot.com and not shokeir.blogspot.com and i made a comment about that before even!!
    :D

    tani shee, post gameel, i agree with all your preferences, some fo them i didnt know what you are talking about mostly tv shows, i dont watch mosalsalat 3araby :) and the point that confused me is: izzay bokra 2a7san min il yom bas il sana il ma`9yah 2a7san min il issana di?

    the only point i strongly disagree with is the firefox, its way, way much better than internet explorer, try the adds on of firefox also, they are amazing!
    :)

    ReplyDelete
  17. جامدين اوى

    رغم اختلافى معاك فى كام واحدة كده زى :

    أصدقاء النت أحسن من الواقع

    او المحتشمة أحسن من المحجبة
    (ممكن تخليها المحتشمة احسن من اللى مغطية شعرها .. لأن الحجاب مش غطاء الرأس وبس )

    كمان شيجاغو أحسن من عمارة يعقوبيان
    (الاتنين زبالة معلش)

    ReplyDelete
  18. طبعا يا خالد الصوره قديمه مش شايف مكتوب فيها نوفمبر تاريخ ارسال الجواب تحت اللى من ساندرا تحت الورق انت بس اللى مش واخد بالك و سلام


    SOHA

    ReplyDelete
  19. السلام عليكم ورحمة الله وبركاته

    جميل جدا ان نعرف افضلياتنا واولوياتنا

    اتفق معك في بعض الاشياء واختلف في الاخري

    فأكيد لولا اختلاف الآراء لبارت السلع

    تحياتي

    ReplyDelete
  20. حلوه الفكره يا احمد
    3عجبتني و استمتعت بيها
    :)

    ReplyDelete
  21. وإنت أفضل من ناس كتير

    إتبسطت وأنا بقرا التدوينة دي
    تحياتي

    ReplyDelete
  22. متفق معاك في معظمهم

    ReplyDelete
  23. بجد جميلة وفكرتها حلوة ... أحترم أفضلياتك وأحترمك أنت شخصياً منذ دخلت مدونتك للمرة الاولى وقرأت تدوينتك " انا من هذا الجيل " التى أثرت فى كثيراً وكأنك جمعت كل ما كناه يوماً فى كلمات بسيطة ومعبرة ... أشكرك على ما تتحفنا به من أن لأخر وأتمنى دوام التواصل

    ReplyDelete
  24. بوست ممتع و خفيف محستش بيه غير لما خاص
    :)
    تحياتي لك يا أستاذ أحمد

    ReplyDelete
  25. حكاوى آخر الليل افضل مدونة .....نظارة شمس احلى قصص قصيرة
    تحياتى

    ReplyDelete
  26. حكاوى آخر الليل افضل مدونة .....نظارة شمس احلى قصص قصيرة
    تحياتى

    ReplyDelete
  27. بحييك على التدوينه
    اتفق معاك فى معظمها
    لكن اختلف معاك فى ان الشتاء افضل كتير من الصيف

    التعليق الجاى أكيد افضل من التعليق ده
    :)

    تحياتى

    ReplyDelete
  28. نختلف هنا قي
    تيمور وشفيقه
    أفضل بكتييييييير من
    العشق والهوي!!!!!!
    وكمان
    نسيت تقول
    أن أبوتريكه
    أفضل لأعب في مصررررررررر
    هههه!!!!

    ReplyDelete
  29. حلو البوست بس بيقكرني بالعربي بلاش السيرة ديه

    بس اسئلة
    ليه مقولتش الاهلي افضل من الزمالك
    وعن العشق والهوى مش احسن من تيمور وشفيقة
    واصدقاء النت لو بقوا اصدقاء الواقع هيبقوا كويسين :)
    ليه التدوينة اللي جاية افضل علشان هتبقى عيد ميلاد البلوج مثلا ؟؟؟

    ReplyDelete
  30. الفكرة جميله ...وان كنت لا أوافق على بعض النتائج
    يعيش الفايرفوكس
    يعيش الزمالك
    يحيا الشتاء
    الدستور الاسبوعي أولا والمصري اليوم يوميا ثانيا
    لم نشاهد الحور العين ولكنهم بالتأكيد أفضل من نساء الدنيا خاصه من نعرفهم...ههههههه
    المرأه المحجبه أم المحتشمه.... في الحقيقه لا أدري
    تحياتي وسلااااااامي

    ReplyDelete
  31. islamz
    بالفعل ليس بالشيئ السهل ان يعرف الفرد اولوياته وخصوصا إذا كانت تنحصر في أفضليات دون تحديد السبب

    Nada
    وانا استمتعت بتعليقك وزيارتك

    Esmeralda
    طبيعة اصدقاء النت مختلفة ففيها تستطيعن ان تجدي من يتوافق مع ميولك بصورة اكبر وأسهل واعمق دون الدخول في علاقات صداقة حقيقة كاملة حتى تكتشفيها

    Bella
    الكتاب الورقي افضل من الكتاب الإلكتروني .. عجبتني دي فعلا ماعرفش إزاي فاتت عليا .. أما عن غعتقادك بتقارب الأذواق فانا الآخر اعتقد بذلك

    عصفور المدينة
    أقصد ان طريقة اللبس والإحتشام والرقي فيه أفضل كثيرا من محجبة على جينز مزعج لايدل على الإحتشام
    باأسعد بتعليقاتك دايما

    dina
    واضح ان تيمور وشفيقة يكسب وانا غلطان فعلا ومضطر أقر بذلك لسبب هام سأذكره في تعقيبي على التعليقات القادمة .. أما العام الماضي افضل من العام الحالي فدي اكيد على المستوى الشخصي لازم تفرق كتير من شخص لشخص أتمنى ان يكون بقيه هذا العام على نفس المستوى

    Anonymous
    سها ربنا يكرمك .. انا فعلا وقت ماكتبت كلمة انا جعان كنت فعلا كده ووقتها كنت افكر في ماأذا أأكل ومن اي مطعم
    وكل التدوينات افضل من بعض بصراحة كلام يسعد اي حد بيدون انه يسمع كده

    مـحـمـد مـفـيـد
    حمدالله على السلامة وعمرة مقبولة انشاء الله .. الأفضليات فعلا تختلف من شخص لآخر بل تختلف من الشخص ذاته من وقت لآخر بإختلاف الأزمان وتبقى محاولة تحديد الأفضليات

    Anonymous
    ينفع طبعا أن تحبني وتحترم تفكيري لكن عندما تكون هناك مفاضلة بين أي منهما يكون غحترام تفكيري هو الافضل

    Tarek
    شكرا على المرور والتعليق ولكن لن تكون الفكرة أفضل من افكارك الرائعة والمبدعة في تدويناتك دائما مع إبحارك في النت بشكل رهيب

    Epitaph
    مبروك التخرج والدخول في عالم آخر من نوع جديد
    سعيد بترحيبك بالبوست

    hesham
    لما صورت الصورة دي صورتها كما هي بشكل طبيعي جدا .. وانا فعلا من النوع الذي احيانا يشخبط ويكتب كلام غريب وهو قاعد
    ولاشك فعلا ان الأفضليات بشكل او بآخر تعبر عن الاولويات

    حــلم
    السودوكو رائعة فعلا .. هيا بتبوظ الاعصاب فعلا وخصوصا لما تكون إدمان
    أنيس مرة واحدة ياست حلم .. ربنا يكرمك

    شيماء الجيزى
    أشكرك جدا على العبارة الأولى حقيقي أسعدتني جدا
    لاشك ان تحديد الأفضليات يريح المرء كثيرا ويجعله أكثر سرعة ودقة ووضوح عند تحديد الأراء

    توتة توتة
    هههههههههه ... وقتها كنت جعان بس دلوقتي الحمد لله

    khalid jarrar
    دايما قافشني كده .. فعلا الصورة قديمة ونزلتها في بوست قديم بس القصة كلها اني كنت بادور على صورة تنفع للبوست وبالصدفة نطت الصورة قدامي فلقيتها مناسبة فحطيتها تاني والغريب انك مكتشف عنوان رابط المدونة مش مكتوب مظبوط
    أما حكاية السنة اللي فاتت احسن من السنة دي وبكرة احسن من النهاردة فمافيش فيها تناقض فالاولى تقول ان الماضي أحسن من الحاضر والثانية تقول ان المستقبل افضل من الحاضر فبكل المعاني نقول ان الحاضر ليس الأفضل لا من الامس ولا من الغد

    omar مشروع بطل
    المحتشمة افضل من المحجبة في حالة ماإذا كان الحجاب غطاء رأس وفقط
    أصدقاء النت افضل من اصدقاء الواقع عندما يتم تحديد نوعية الافضلية ورديت عليها فوق في ردي على أزميرالدا
    أما بالنسبة لشيكاغو وعمارة يعقوبيان فمش عارف رايك ده بعد قرائتهم ولا رأي عام

    Anonymous
    واضح ياسها إن مش خالد لوحده اللي متابعني وقافشني .. بعد كده الواحد لازم ياخد باله كويس ... هههههه

    خمسة فضفضة
    وعليكم السلام ورحمة الله وبركاته
    اكيد الافضليات بتختلف من شخص لآخر والمثال اللي قولتيه اكبر تأكيد على ذلك

    farida
    سعيد ان الفكرة عجبتك .. بالرغم من تخوفي انها كانت فكرة ضعيفة لأن تكون تدوينة

    The Alien
    بيشوي .. وانت كمان جميل وأفضل ماغيك هدوؤك غير المفتعل ديما

    karakib
    هاني .. جميل أن يجد الواحد من يتفق معه في افضلياته وخصوصا واحد زيك وده افضل مافي التدوينة إن اصدقاء النت افضل من اصدقاء الواقع

    حازم شلبى
    حازم .. لم اكن أدري ان تدوينة انا من هذا الجيل هناك من مازال يتأثر بها .. أسعدني وجودك وتعليقك

    afnan
    استاذنا حسني سليمان .. تأكد تعليقك ووجودك أكثر ماأسعدني حقيقة .. وحتى الآن اشعر بأسى لأنني لم استطيع ان انتهز فرصة مقابلتك مرتين لمعرفتك اكثر

    micheal
    مايكل .. سعيد بوجودك وتعليقك لما باشوف اسمك بافتكر يومين جمال من ضمن افضل أيام ليا خصوصا وانا بعيد عن مصر

    Reemo
    هههههههه التعليق الجاي افضل من التعليق ده .. ماشية معايا على الخط
    يمكن عشان احنا في الصيف لما ييجي الشتا مش عارف رأيك هايفضل هو ولا لأ لاننا احيانا بنرفض الواقع اللي احنا فيه يعني لما بنكون في شغل بنتضايق منه وننقده ولما نروح شغل جديد نكتشف أن القديم افضل وهكذا

    sabrina
    حكاية تيمور وشفيقة لازم اعيد نظر فيها وده ببساطة لاني ماشفتش تيمور وشفيقة بس شفت عن العشق والهوى وعجبني وشفت دعايات تيمور وشفيقة فلم تعجبني ومن هنا قلت رأيي الذي يبدو انه غير صحيح

    Nouran
    يبدو ان تيمور وشفيقة يكسب زي ماقلت لسابرينا طيب خليها عن العشق والهوى افضل من بونو بونو بتاع نجمة الجماهير
    فعلا ذكري الميلاد التاني لمدونتي قرب
    بس انا قلت التدوينة اللي جاية افضل يمكن عشان كنت حاسس ان البوست ده ضعيف فقلت اقول انا قبل ماحد يعلق ويقول

    أفندينا
    انا تعاملت مع الفايرفوكس لمدة خمس دقائق اول مالقيت ان الفونت بتاع المدونة اتغير وصغر ومش عايز يكبر تاني زائد ان شكل الفونت ماعجبنيش كرهت الفاير فوكس وشلته خالص
    فعلا الدستور الاسبوعي مازال افضل من المصري اليوم اليومي ولكن الاكيد انه لم يزل بجودة زمان
    انا زملكاوي .. انتوا نسيتوا اني قلت ان الزمالك افضل

    تحياتي للجميع
    :)

    ReplyDelete
  32. ترددت فى التعليق على هذا الموضوع كثيراً اولاً لإنها اراء شخصيه تخضع لنطاق حريتك وثانياً لأن فيها مطبات صعبه ونقاط خلافيه بالنسبة لى لم اصل فيها لرأى بعد وثالثاً ان فيها بديهيات ورابعاً ان فيها نقاط لا اعرفها اصلاً

    اما نقطه طلعت السادات فقد اربكتنى حقاً فهما عجينه واحده من الأفاقين ويتفوق طلعت على مصطفى بكرى فعلاً فى مهارات الإفق والأفاقين فهل هذا ما رميت اليه؟ لا اظن ، ومن هنا كانت صادمه

    ReplyDelete
  33. ازاي معمول تحفة وخفيف كدة
    رائع
    مش هجادلك في بعض الحاجات اللي مش مقتنعة بيها زي سواقة الرجالة
    شفعت لك جودة ما كتبت

    كل التحايا

    ReplyDelete
  34. و كلهم ولاد كلب عايزين الحرق ، ماعدا مالك و شريف

    ReplyDelete
  35. من أحلي البوستات اللي قريتها قبل كده
    استمررر

    ReplyDelete
  36. مدونتك افضل من مدونتى

    ReplyDelete
  37. تسعون دقيقة أفضل من العاشرة مساءً..

    مجدي الجلاد أفضل من إبراهيم عيسى..

    سمير رجب أفضل من محمد علي إبراهيم!

    عاطف بشاي أفضل من أسامة أنور عكاشة..

    سومة أفضل من سمية..

    أي مخرج آخر أفضل من محمد كامل القليوبي وأحمد صقر وهاني إسماعيل وهشام أبو النصر!

    ReplyDelete