Saturday, August 11, 2007

هكذا أسمع الأغاني


أنا ... وعبد الحليم حافظ



Abdel-Haliem


فاتت جنبنا

في تسعة وأربعين دقيقة كاملة يحكي لنا عبد الحليم من خلال أغنية فاتت جنبنا قصة خفيفة جميلة .. القصة هي أن عبد الحليم وصديقه كانا يسيران معا في الطريق عندما مرت عليهما فتاة ضحكت لهما ضحكة جميلة ، رد عليها عبد الحليم الضحكة حتى غابت عن الأعين .. إنشغل بها عبد الحليم وتسائل لماذا يفكر بها وإنتبه على أنها ممكن أن تكون ضحكت لصديقه وليس هو ، ومرة تانية برده صدفة قابلها عبد الحليم وصديقه في الطريق وضحكت لهما نفس الضحكة وهنا تولدت لديه مشاعر الحب ثم مرت الفتاه تقول الأغنية "وراحت ماشية .. زي الدنيا ماتيجي في ثانية وتمشي في ثانية"
نظر عبد الحليم لصديقه وشعر أنه هو الآخر تولدت لديه نفس المشاعر تجاه الفتاة ، خجله منعه من أن يسأل صديقه هل هو الآخر إنشغل بها ، ذهب عبد الحليم للمنزل بين مشاعر متناقضة من فرح وسعادة بمشاعرالحب وهموم من أنها كانت تضحك لصديقه ، ومرت الأيام حتى سأله قلبه متى سيقابلها مرة أخرى فيرد على قلبه ويقول له هانشوفها فين تاني
حتى دوبته الليالي وظهرت أعراض الغيرة من صديقه عليه ، فإذا وجده سعيد توقع أنها قد قابلته وإذا وجده مهموم توقع أنها خاصمته ، ولم يجد حلاً إلا أن يبحث عنها في كل مكان وبصعوبة إستطاع الوصول إليها ، ثم أرسل إليها رسالة قصيرة يسألها أين هو في قلبها وجاءه الرد بأنها من الأول تضحك له هو
كان الجميع يتابع القصة بشغف حتى نهايتها وعندما قالت له " أنا من الأول باضحكلك ياأسمراني " لم تتوقف الجماهير عن التصفيق بهستيريا لدرجة أن عبد الحليم لم يستطع أن يكمل الجملة ... أتذكر إخوتي عندما كان عمري تسع سنوات وهم يستمعون للأغنية في المرة الأولى وهم يصفقون عند نفس المقطع بحماس وفرح شديدين ، لم أكن وقتها أعي الأغنية ولا أعرف لماذا يصفقون .. ولكني حتى الآن عندما أستمع إليها أسمعها بشغف وكأنها المرة الأولى وأصفق عند هذه الجملة ويمنعني حيائي أحياناً أن أصفق إذا كانت الظروف لاتسمح بذلك .. ولكن أجد قلبي داخلي يصفق بشدة


Click to activate controls
-----------------------------

موعود

agaga


هذه الأغنية عبارة عن حوار بين عبد الحليم وقلبه ... يشتكي فيها عبد الحليم لقلبه ويلومه ويعتب عليه بأنه كل مرة يعود من الحب بجرح جديد ، ويأتي الآن قلبه ليأخذه لحب جديد طالباً منه أن ينسى الآهات ، يذكره عبد الحليم ويقول له
تاني تاني تاني .. حنروح للحب تاني .. والنار والعــــــــذاب من تاني
تاني تاني تاني .. حنروح للحيرة تاني .. ونضيع ونجري ورا الأمــــاني
وأذعن لقلبه وإبتدى المشوار من تاني والنهاية كالعادة بعد أن تركته ، يعود يشكو لقلبه ويقول له
شــــــــــوف بقينا فين يا قلبي وهي راحــــــــــــــــــــــت فين
شــــــوف خدتنا لفين يا قلبي وشــــــــــــــــــــوف سابتنا فين

لم أنتبه لكلمات تلك الأغنية ولا معانيها إلا وأنا في بداية حياتي الجامعية وعندما إكتشفتها وجدت كم هي جميلة وتأثرت كثيرا بها بالرغم من إنني لم أكن أمر بأي تجربة حب فاشلة أو ناجحة ، وقلت لزميلتي في اليوم التالي عليها وعلى ماإكتشفته ، فقالت لي ضاحكة ... ياااااه إنت لسه واخد بالك منها .. ده إنت أخضر أوي باين عليك ... وسابتني ومشيت
وحتى الآن عندما أستمع لهذه الأغنية ماأزال أشعر أنني أخضر فعلاً


Click to activate controls
----------------------------

إستيقظت الجمعة مبكراً على غير العادة .. لم أرغب في مشاهدة التليفزيون ووجدتني عفوياً أبحث عن تلك الأغنيتين وأستمع إليهما وجاءت فكرة هذه التدوينة
---------------------------

تحديث
عن كيفية إضافة أغنية للمدونة راجع هذا الرابط
أعادت نشر التدوينة مجلة عليّ صوتك عدد سبتمبر

23 comments:

  1. انا اول كومينت لا لا مش مصدقة نفسي
    المهم يعني الحق اكتبه لحسن حد يعمل كومنت غيري
    وانا بحسب ان البوست اللي جاي ع العيد ميلاد ورحت عملت تهنئة عندي مش مشكلة
    بس البوست ده جامد ع فكرة انا مكنتش بحب اسمع عبد الحليم علشان الاغاني طويلة ويعيد ف الكوبليه 300مرة
    بس الاغنية بتاعه فاتت جنبنا ديه بحبها جدا وشدتني جدا وكل شوية اسمعها بالذات لما يجيلوا الرد احلى حتى فالاغنية
    اما الاغنية التانية مش عارفة ليه كل شوية ادخلها ف اغنية لام كلثوم بس حلوة برضهوبرضه ليه كذا اغنية حلوين كده
    ليه حضرتك محتطش الناجح يرفع ايده ؟؟
    يلا هي طلبت تهيس هنا ناسف للازعاج يا باشا

    ReplyDelete


  2. ايه ده

    تاااااني كومنت !!!! بردو مش مصدقة هههههههههههه


    عبد الحليم هو فعلا اكتر مغني قديم بحب اسمعله

    ولا يا سلام على قارئة الفنجااان !!

    وحتى اغانيه الخفيفة

    توبة
    اسمر يا اسمراني
    انا لك على طول
    اول مرة تحب يا قلبي

    كان ليهم حق البنات يموتوا فيه هههههههه

    بحس ان كاظم الساهر ماشي على مدرسته !! انت ايه رأيك


    بوستك جاب على بالي انزل كل الاغاني دي واسمعهم وحدة وحدة

    :)

    سلامات

    ReplyDelete
  3. برغم انى مش من الناس المتحمسه لعبدالحليم
    يعنى مش بتشد أوى لشخصيته
    وبتحمس أكتر لأخرين غيره من أمثال فريد الأظرش
    لكن فى بعض الأغانى بتجذبنى ليه
    يمكن من أكترها أغنيه موعود
    بجد الأغنيه دى ملهاش حل
    وكلماتها بتيجى على الوتر بالظيط
    وصوت عبد الحلم وطريقه أداؤه فيها بيحسسنى انه حاسس فعلا بالوجع ده وأتألم منه

    التدوينه فعلا جميله
    عجبتنى طريقه سماعك للأغانى
    تحياتى

    ReplyDelete
  4. عبد الحليم لا يستمع اليه الا هكذا
    او قل لم يستمع جيلك للأغانى الا هكذا
    او قل لا اتوقع إستماع احمد شقير للأغانى الا هكذا

    ReplyDelete
  5. ايه يا باشا الجوموديه دى ده انت اخترت اغنيتيين من احلى اغانى عبد الحليم بس مقلتلناش ايه رايك فى اغنيه بيلومونى ليه؟ لو شفتم عنيه حلويين اد ايه هتقولوا انشغالى و سهد اللليالى مش كتير عليه

    انا هروح اسمع عبد الحليم

    ReplyDelete
  6. السلام عليكم
    عارف أنا مسمعتش عبد الحليم منذ زمن بعيد الدنيا خدتنى بعيد
    أنته رجعتنى لرومنسيته فى لحظات
    شكرا لك

    ReplyDelete
  7. هذه اول زياره
    فاتت جنبنا من اجمل الاغاني فى نظري
    لانها قصه جميله رقيقه فيها
    الكثير من المشاعر
    انا اذكر ان النهايه كانت مفاجئه بالنسبه لى وكنت سعيده لان البطله طلعت بتحب عبد الحليم
    وبيني وبين نفسي قلت
    طبعا ييجى ايه صاحبه قدامه عشان تحبه؟
    اشكرك
    رجعت لى ذكريات جميله

    ReplyDelete
  8. واضح ان حصل توارد خواطر للكل... انا برضه افتكرتهم و رحت نزلتهم علي الجهاز... شكرا علي اضفاء شئ من السعادة علي قلبي... كنت محتاجة شئ جديد...

    ReplyDelete
  9. هههههههههههه
    حلوة اوي فعلا
    اول مرة اركز في النهايه، مفرحة اوي
    !!!!!!!!!!!!!

    ReplyDelete
  10. اية دة انا عاشر تعليق مش ممكن انا فرحان اوى
    يا ريتنا كنا فضلنا خضر
    مش احسن من الهباب اللى شايفينة

    ReplyDelete
  11. ازيك يا احمد

    موعود من الاغاني المفضله ليا دايما و من اجمل ما غنى عبد الحليم و لحن بليغ
    بوست حلو قوي يا احمد
    زي كل بوستاتك

    ReplyDelete
  12. و أنا كمان بعشق الاغنيتين دول بالرفم من انتمائي لجيل بيحي الاعنيه السريعه القصيره و أحيانا الهايفه
    :)
    تحياتي لك يا أستاذ أحمد و ترجعلنا بالسلامه

    ReplyDelete
  13. الجيل دا زى المحاربين القدماء يقعدوا مع بعض يتكلموا عن السادات والنكسه وعبد الليم ونحيه كاريوكا وحسن البنا ورموز الزمن دا بيكون الكلام فيه شجن
    انا بقى اغنيتى المفضله مداح القمر
    بيبداها حليم بتقديم بليغ حمدى بانه امل مصر فى الغناء
    عصر احترام مفيش حد دلوقت بيعترف بفضل حد كدا تحياتى

    ReplyDelete
  14. ياللي الزمان بعتك ليا
    تملا الحياة حب عليا
    لا قبل منك قابلني قلب ارق من قلبك ناداني
    ولا بعد منك شغلني شئ في الدنياعنك ولو ثواني
    ياللي بقيت فرحتي....بسمتي....دمعتي
    احلي طريق في دنيتي
    ليلة من ليالي عمري..بس ليلة بكل عمري
    لما شفتك بين الوجوه..وقلبي شاور عليك
    لقيت كل الزحام بيتوه..ولاشايفةالا
    عنيك
    كلمتك و كلمتني..خلصنا الكلام ف ثواني
    وسالتك وسالتني..مفضلشي اي سؤال تاني
    وقربناوكل لحظةتفوت عليناتقربنا
    ودقناحلاوةالحب نسقي منهاقلوبنا
    كان كل دا..كل دا بعنينا
    والوقت فات عليناوعدي ولاحسينا
    وف عز الحلم صحينا..واتاري الناس حوالينا
    زحام وهمس وكلام..لقاووداع وسلام
    خفنا من دقات قلوبناليسمعوها
    خفنا من نظرات عيوناليشوفوها
    وقبل ما يبان علينا..وقبل مايحسوابينا
    مشيت اناومشيت انت
    ولا عارفة راح اشوفك امتي!

    بذمتك يابو حميد مش تعبير محمد حمزةعن تقريبا نفس الموقف في اغنيةفايزةولحن محمد سلطان"احلي طريق في دنيتي" اجمل وارق من قصة حسين السيد"فاتت جنبنا"؟
    وكمان ماجدة الرومي تغنت بموقف مشابه لنزار و جمال سلامة في اغنية مع جريدة وبرضه كانت احلي من فاتت جنبنا!
    اقول قولي هذا مع حبي الشديد لثالوث فاتت جنبناو لشخصكم الكريم

    ReplyDelete
  15. من اربع سنين
    كنت ماشية في شوارع الجمالية بالليل

    عند بيت السحيمي كده مع اصحابي من دول عربية مختلفة

    بنغني بصوت عالي
    ضحكت تاااااااااااااني
    نفس الضحكة وراحت ماشية
    زي الدنيا ما تيجي ف ثانية وتمشي ف ثانية


    شكرا يا احمد انك فكرتني بيا

    ReplyDelete
  16. اغنية عبد الحليم موعود دى من اروع ما غنى العندليب زوقك راقى جدا

    ReplyDelete
  17. مش عارفة ازود اغنية للبلوج بتاعتى الصغيرة المتواضة ياريت تكتب لى الخطوات

    ReplyDelete
  18. عبد الحليم دا رائع انا باموت فى اغانيه , ابقى اسمع بقى زى الهوا واسمع موال النهار ___ تحفـــــــــــــة , بجد اغنيه تخليك تحس ان الاغانى الجديدة دى ولا حاجة

    ReplyDelete
  19. من احب الأغانى الى قلبى وياما اخدت منى وقت وكنت اكتب كلماتها لأحفظها عن ظهر قلب

    فكرتنى بالذى مضى
    تحياتى

    ReplyDelete
  20. عنيف الاستاذ عبدالحليم ده
    فعلا عنيف
    واغنية موعود بالمدونات كمان عنيفة

    انظر حولك
    د. خالد عزب

    ReplyDelete
  21. فى اغنيه لعبحليم بحبها جدا وكل اما اسمعها تحصل مصيبه معرفش ليه بجد وشها فقر حاجه تعل بطلت اسمعها
    اغنية زى الهوا

    ReplyDelete
  22. بصراحه انت مختار اغنيتين لهم عندي معزة خاصه وبحبهم جدا

    تحياتي علي البوست الجميل اللي خلاني اشغل الاغنيتين واسمعهم

    ReplyDelete
  23. bgd bamoot fe 7alim w bamoot f oghnyet fatet gnbna de.. bamoot feha f3ln .. song to7fa w alby byr2os fel akher ama te2olo enha kanet btd7klo

    ReplyDelete