Wednesday, November 21, 2007

تيجي نلعب


تيجي نلعب



World famous


وصلتني هذه الصورة الرائعة التي تحتوي على أهم مشاهير العالم على مر العصور من أحد المواقع الأجنبية ، وبدوري أرسلتها لبعض أصدقاء الميل ، وتفاعل معها على نطاق واسع عدد كبير لذلك قررت مشاركتكم جميعا فيها

كل المطلوب هو التعرف على أكبر عدد من الشخصيات الموجودة في تلك الصورة

إستطعت الوصول إلى أربعة وثلاثين شخصية .. والآن جاء دورك هل تستطيع التوصل لشخصيات أخرى؟

لمشاهدة الصورة مكبرة قبل مشاهدة الحل الخاص بي إضغط على الصورة أو

عقب الإنتهاء من محاولتك ، تسطيع أن تقارن بين نتيجتك ونتيجتي
لمشاهدة ماإستطعت أن أتوصل إليه
إضغط هنا

إذا كان لديك جديد برجاء إضافته مع تحديد موقع الشخصية

حظ سعيد

---------------------------------

تحديث

بصراحة فوجئت بالتجاوب الكبير وبكمية المعلومات والثقافات اللي عند جميع المعلقين
أعدت مراجعة التعليقات والبحث في صور من تم ذكرهم ، ووجدت أنني أستطيع أن أضيف بناء على تعليقاتكم عدد أربعة وعشرون إسماً آخر وهم

Socrates, Hulagu, Charles de Gaulle, Winston Churchil, Ernest Hemingway, Mozart, Plato, Abraham Lincoln, Pablo Picasso, Marie Curie, Marlon Brando, Salvador Dali, Van Gogh, Leo Tolstoy, Sigmund Freud, Mike Tyson, Mussolini, Audrey Hipburn, Nelson Mandela, Saladin, Genghis Khan, Galileo, Mother Theresa, Mihail Gorbatshov

ليصبح الإجمالي ثمانية وخمسون شخصية عالمية ، بعد أن إستبعدت بعض الإجابات تبين من تعليقاتكم أنها إما خطأ أو تحمل شكاً كبيراً

أدهشني .. مبرمج حر ، الدكتور ، محمد عبد الغفار ، إبيتاف ، رانيا .. وذلك على سعة الإطلاع الكبيرة
بصراحة أمامكم إكتشفت أني أجهل كثيراً


مازالت اللعبة مستمرة .. والرد على جميع التعليقات في النهاية
------------------------------------

التحديث الأخير

الصورة تعبتني أوي في التأكد من الإجابات وتحديثها ، عموماً من خلال إجابتكم الأخيرة قدرنا نوصل للأسماء التالية وعددهم واحد وعشرين إسم ليصبح المجموع تسعة وسبعون شخصية

Kim Jong Il, Christopher Columbus, Yao Ming, Dowager Cixi, Lao Tzu, Dante, Spartacus, Jean Paul Sartre, Leonardo de Vinci, Rasputin, Confucius, Darwin, Sebastian Bach, Nietzsche, Benjamin Herzl, Hitchcock, Chopin, Francisco Franco, Deng Xiao Ping, Bismarck, Alexander the Great

World famous
الصورة النهائية


والله أعلم
------------------------------------------------

شكراً لرودي على المجهود والثقافة العالية

وشكراً أيضاً لكل من أزميرالدا ، مؤمن ، ياسر بست ، السويدي ، دنيا محيراني ، من القلب ، إيه زد ، عابر سبيل ، وطبعا نون
وكل من قام بالتعليق وساهم بالمشاركة فيه

62 comments:

  1. ازيك يا استاذ احمد

    اخبار حضرتك ايه؟

    انا اول تعليق اخيراااااااااا

    انا هشوف الصوره و ان شاء الله هعلق تانى

    سلام

    soha

    ReplyDelete
  2. بوست ممتاز .. أحييى حضرتك بشدة

    فيه أبراهام لينكولن يمين ماو سى تونج .. مايك تايسون جنب بوتين .. حامد كرزاي يمين صدام حسين .. جنكيز خان ورا هتلر .

    فيه شخصيات مش متأكد منها اوى :

    ليو تولستوى ورا اينشتاين

    شارل ديجول بين عرفات وكاسترو

    سيجموند فرويد ورا تايسون عالطول

    صلاح الدين جنب نابليون

    الملك آرثر على عرش جنب جنكيز خان

    (جوبلز) أو (روميل) شمال عرفات

    ألف شكر على البوست الجميل دة

    :)

    ReplyDelete
  3. I knew only 44 person only

    ReplyDelete
  4. صورة جميله جدا فعلا يا استاذ احمد
    لما حضرتك بعتهالى انا طلعتهم كده مخدتش بالى انها لعبه بس لضيق وقتى اعذرنى فرصه اتفاعل فى المدونه
    :)
    انا مطلعتش غير 16 صراحه اللى اعرفهم كويس بس هدعبس فيها تانى كده اصلى كل ما اشوفها اكتشف حد جديد
    بس فنان اللى رسمها والله
    تسلم ايدك على اللعبه الحلوه دى

    ReplyDelete
  5. عرفت 36 شخصيه على وجه اليقين
    واضيف لأجاباتك الشخصيات التاليه وسأبدأ من يمين الناظر للصورة

    وليم والاس . . أقصى اليمين لأسفل فى ظهر ارسطو

    الأم تريزا . . فى منتصف اليمين محشورة بين مجموعه من الرجال خلف الرجل الذى يركع امامه رجل اخر

    ميخائيل جورباتشوف . . رافعاً يده يسار كوفى انان وخلف الأم تريزا مباشرة

    مارلون براندو . . أعلى منتصف الصورة بين عرفات وكاسترو وخلف مارلين منرو مباشره والصوره من فيلم العراب

    أبراهام لنكولن . . فى قلب الصوره بطرف المائدة المستديرة على يمين ماو سى تونج

    شارل ديجول . . جهة اليسار لأعلى على يمين مارجريت تاتشر

    تايسون . . جهه اليسار لأسفل يمين بوتين

    وعلى سبيل الشك الشخصيات التاليه

    صلاح الدين . . أعلى منتصف الصوره على الفرس فى ظهر نابليون

    نلسون مانديلا . . الى اليسار اسفل الصورة على المائده المستطيله خلف بوتين

    سيجمان فرويد . . على نفس المائدة يمين مانديلا
    نبى الله موسى . . اسفل منتصف الصوره يرعى الغنم ويجر الجمل

    امتعتنا انما المؤسف قلة العرب والأشد اسفاً ان لا احد من المشتركين حتى الأن استطاع معرفه العرب الموجودين فى الصورة

    ReplyDelete
  6. انا الصراحة اضافة للحضرتك ذكرتهم شكيت في صلاح الدين زي المعلقين ما آلو، و في كمان شكيت في شون كونري يسار الصفحة في مكان ما، و متاكد من صورة النعجة دولي بس ههههه

    ReplyDelete
  7. هاى يا احمد حلوة قوى اللعبة و عجبتنى ,ما اقدرتش اعرف زيادة عن اللى انت اتعرفت عليهم و ان كنت اعتقد و الله اعلم ان الرجل العربى على الحصان طارق ابن زياد او صلاح الدين مش عارفة

    ReplyDelete
  8. بص يا عم
    نبدأ من فوق
    زيادة على اللى انت قلتهم
    اقصى الشمال فوق سقراط(فوق بيل جيتس)
    و بعدين وينستون تشرشل تحت بروس لى
    و عندك اتيلا جنب نابليون(اللى على الحصان)
    ديجول جنب تاتشر
    ارنست همينجواى جنب الفيس بريسلى
    فرويد فوق بوتين و تايسون جنب بوتين
    موسولينى جنب صدام حسين
    ابراهام لينكولين جنب ماوتسى تونج و جنبهم بيكاسو
    هوشى منه تحت كاسترو

    سلفادور دالى تحت بافاروتى
    جنكيز خان جنب ارسطو تحت على اليمين

    ترو تسكى جنب بيكاسو

    كفاية كده النظر مش مساعد باكثر من كده

    ReplyDelete
  9. من الواضح ان فيه شخصيات فيها اختلاف بين الناس
    زى اتيلا فىه ناس شايفاه صلاح الدين

    ReplyDelete
  10. السلام عليكم ورحمة الله وبركاته

    ممتعه جدا بس عاوزه قاعده ، تقريبا ماعرفتش اكتر من اللي اتقال
    عرفت كمان أودري هيبرن سانده علي البيانو في اقصي يسار الصورة جمب بتهوفن

    واعتقد ان اللي قاعد علي الكرسي في اليسار ده لويس السادس عشر

    وماركوني في اقصي اليمين

    اكتر اللي زعلني ان فيه عرب كتير يعتبروا من المشاهير وللاسف مش موجودين
    زي احمد زويل و بطرس غالي ومحمد البرادعي
    وغيرهم

    و نفسي اعرف هو بوش بيبص علي ايه
    :-D

    ReplyDelete
  11. همخمخ فيها شوية
    بس فكرة حلوة قوى انه يجمع كل الناس دى فى صورة واحدة
    دى المفروض تتعلق فى متحف

    ReplyDelete
  12. فتشت ... فتشت ودورت كثيرا .. لكني لم اعثر ابدا على ... صورة النسر المصري .. الزعيم اللوذعي .. قائد الضربة الجوية (لليهود) والضربة القاضية (للمصريين) والجاثم على صدر الوطن والمواطنين منذ ربع قرن (فقط) فرعون مصر .. اطال الله عمره واجلسه على كرسيه سنين عديدة وازمنة طويلة مديدة

    والنبي اللي نظره اقوى من نظره ويلاقي صورة المبجل : حوسحوس رع موباراك
    يدلني عليها ضروري ... اصل بحب طلعته البهية طحن

    ReplyDelete
  13. بص بقى بأمانة كده ومن غير غش
    انا تقريبا جبت زيك بس مش هما هما الشخصيات يعني ,بص بقى يا سيدي سمي كده واضرب سيجارة وفنجان كوفي بلاك وصحصح معايا عندك مثلا الراس الموازية لراس تشارلز يمينك لجورباتشوف الست اللي مضلمة اللي تحته على طول-جورباتشوف- الام تريزا,يمين ماوسي تونج ده ابراهام ليكولن,انا عارفة شكلك تهت وزهقت بس انت اللي طلبت الحل وفتحت على نفسك فتوحة. اللي على شمال شكسبير ده موتسارت,اللي بين بيليه وهتلر من الشمال هولاكو,اما بقى اللي على يمين بوتين ده مايك تايسون اللي قرم ودن غريمه في مباراة ملاكمة بعيد عنك. نخوش بقى على اغلب الظن, خد عندك اللي على شمال غاندي اغلب الظن انه همينجواي-ابو دقن-, واللي شمال عرفات غالبا هوا يوليوس قيصر مش اللي انت فاكره بطوق ورق شجر , السادات اللي تحت جيفارا, واللي شمال ستالين افلاطون, والله اعلم. ده اللي عندي حاليا مش عارفة يمكن ربنا يفتحها عليا اكتر جايز.
    ملحوظة جايز تضحك عليا لما تقرا ده بس انا شاكة ان اللي فوق بوتين على طول ده ميلاد حنا تسألني ليه اقولك ماعرفش بس هوا شبهه جدا وسلامي وتحياتي على التست الجميل ده شحذت امخاخنا زي ما بتوع النحوي بيقولوا لك من تحياتي واتحفنا كده من وقت للتاني
    سلام

    ReplyDelete
  14. انا طلعت 20 شخصية بس عشان عارفة اساميهم لكن فى ناس عارفة الشكل لكن مش متزكرة الاسم دلوقتى

    دلوقتى هقولك على الشخصيات على جزأين

    >>>اعلى الصورة من اليمين للشمال>>>>
    الامير تشارلز--ديمس روسيس المغنى--كوفى عنان
    شارون--ياسر عرفات--مارلين مونرو--كاسترو
    جيفارا--نابليون--الفيس بريسلى--بروسلى المقاتل
    بيل كلينتون-- بيليه البرازيلى

    >>>>>اسفل الصورة من الشمال لليمين

    هتلى---صدام حسين--شارل شابلن
    محمد على كلاى--بوتين الرئيس الروسى--الملكة فكتوريا
    آينشتين---غاندى


    دول الى اعرفهم دلوقتى
    سلام

    ReplyDelete
  15. اودري هيبورن-اقصي الشمال
    مارلن براندو-اللي بين عرفا و كاسترو
    تشرشل
    هو اللي ع الترابيزة فوق بوتين ده..مانديلا؟ انا شاكة فيه برضه :D
    الام تريزا- اقصي اليمين راسها مش باينة
    ابراهام لينكلن- ع الترابيزة بتاعة ماركس
    Galileo , holding a book at the very right,infront Mother Teresa
    Moses, pulling a camel
    Plato , ta2reeban wara Bill Gates
    Tolstoy, behind Einstein


    ____
    those are the extras..I found what you found apart from few of them (Lenin, Stalin, Aristotle)

    ely 7ala2eeh..7agy a2ol 3ala tol :D

    ReplyDelete
  16. Leonardo Da Vinci,,is he the one on the table, holding papers before him?!

    marie Curie, infront of Napoleon, behind Lincoln

    ReplyDelete
  17. الاهرامات دي بتاعتنا يا جماعة

    لاحسن حد يجي بعد شوية ويطمع فيهم

    الاول بتاع جدي خوفو وجدي خفرع وجدي الصغير منكاورع

    على فكرة اللي تحت نابليون يشبه سيد درويش

    بوش بقه كان بيلعب صلح

    وحد اداله على قفاه

    واللي وراه رافع صابعه بعد ما لسعه على قفاه

    لكن هو فاكر ان بن لادن لادن اللي لسعه

    وماسك البتاعه دي وعمال يدور عليه وسط الناس

    مع ان بن لادن شاف له سكة خلاص

    وواخد مصر الاسكندرية الصحراوي من جنب الاهرامات

    صباح الفل

    ReplyDelete
  18. طبعا احلى صورة شفتها ع النت من زمن
    انا شفت فيها كمان صلاح الدين الايوبي ومحمد علي كلاي
    صلاح الدين اعتقد هو اللي راكب فرسه اعلى الصورة
    اما محمد علي كلاي ففي اسفل الصورة يلبس ملابس الملاكمة
    تحياتي

    ReplyDelete
  19. بص بقي باعم أحمد بعد التدقيق والتمحيص حاولت أطلع شويه أسماء ونبتدي من اليمين الي الشمال
    ----------------------------------------------------
    سعد الصغير

    شعبان عبد الرحيم

    عماد بعرورة

    عمده

    حسن الأسمر

    أحمد عدويه

    ------------------------
    ------------------------
    من الشمال لليمين
    أستفان روستي

    أسماعيل ياسين

    شكوكو

    الكسار

    عبد المنعم أبراهيم

    القصري

    محمود المليجي

    توفيق الدقن
    ------------------------
    أبعت لي الجايزة بقي خليك حلو

    ReplyDelete

  20. ههههههههه
    والله في عالم آخر روقان :p

    تعليق ابو شنب وتحليله عجبني جدا على فكرة :p
    محتاجين يفسرلنا حاجات اكتر من كدة

    كنت عايزة اقولك "مش قلتلك" على مارلون براندو :))

    اهو ابيتاف ومحمد عبدالغفار شايفينه من نفس الزاوية

    وفيه اشتباه في الرسام فان غوخ .. على يمين غاندي وشايل على ظهره لوحة رسم

    شوف البوتريه ده كدة

    ReplyDelete
  21. دول اللي عرفت أطلعهم;)
    كوفي عنان
    شارون
    الأمير تشارلز
    جورج بوش الابن
    جاليليو
    ياسر عرفات
    جورج واشنطون
    غاندي
    كاسترو
    جيفارا
    ماتسوي يونج
    فولتير
    مايكل جوردان
    ابراهام لينكلون
    آينشتين
    تولستوي
    ميخائيل جورباتشوف
    مروان البرغوثي
    نابوليون بونابارت
    جوزيف ستالين
    ويليام شكسبير
    الملكة إليزابيث
    سقراط
    كارل ماركس
    ارسطو
    ديستوفيسكي
    صدام حسين
    مايك تايسون
    فلاديمير بوتين
    بيل كلينتون
    لينين
    لويس الرابع عشر
    جنكيز خان
    بيتوهوفن
    بيليه
    هتلر
    شارلي شابلن
    ماتا هاري
    اديسون
    جرهام بل
    مطفي اتاتورك
    بيل جيتس
    الملكة فيكتوريا
    بروس لي
    اقليدس
    مارلون براندو
    الأم تريزا
    تشرشل

    ReplyDelete
  22. انا مطلعتش كتير يا جدعان وثانيا انا عارف اسماء مش صور

    يعنى كنت شفت سيدنا موسى ولا صلاح الدين فين قبل كده ولا فرويد ولا الام تريزا معاك ف الناس بتوع الالفينات دول (الفينات على وزن تسعينات

    ReplyDelete

  23. اطالب الاخ
    with myself
    بتوضيح مكان الناس الي بيقول عليهم :)

    جراهام بل ولا اديسون وفولتير .. وغيرهم

    وبعدين ... مروان البرغوثي ؟؟؟

    ReplyDelete
  24. علا:

    طيب عشان ضيق الوقت دلوقت ، مروان البرغوثي اسفل جورج بوش مياشرة الذي يراقب العالم بالمنظار في إتجاه يمين الصورة :)

    بالليل أبقي أحددلك بقية الناس :)

    ReplyDelete
  25. على فكرة اللي اسفل جورج بوش هو مغني الأوبرا pavarotti و مش مروان البرغوثي
    http://www.mikerouse.net/wp-content/uploads/pavarotti.jpg

    ReplyDelete
  26. كمان اللي بين عرفات و كاسترو
    هو الممثل
    Richard S. Castellano
    من فيلم
    the godfather
    http://img.tesco.com/pi/entertainment/DVD/LF/592799_DV_L_F.jpg

    ReplyDelete
  27. مضايقة اوى لانى شكيت فى الممثلة الجميلة اودرى هيبورن الى بعشقها ومقولتش عليها
    انا زعلانة

    ReplyDelete
  28. أيه ده دي الصور كمان فيها ستات ، طيب أنا برضه حا أكمل الأسماء =================================
    بوسي سمير
    روبي
    دينا
    دومنيك
    دانه
    ماريا
    والعب العب العب

    ReplyDelete
  29. ازا ما كنت غلطان
    بكون اللي على يسار مارجريت تاتشر هو
    Biniamin Herzl
    picture

    ReplyDelete
  30. كالعادة رائع ومتميز

    ReplyDelete
  31. ايه ده كله مسبتوليش حاجه ادعبس فيها
    طيب انا جبت شوية كمان اشطب الاول المحلول يبقى فاضل عندى الاتى
    -الاسكندر الاكبر فوق اعلى الشمال
    -ليوناردو دافينشى
    ارشميدس مش متاكده منه قوى-
    شارلوك هولمز برضه بس المفروض دى بايب برضه مشكوك فيها شويه
    -طاغور
    -اعتقد كمان راعى الغنم ده سيدنا موسى وعصاه
    -البنت الصغيره حاولت اعصر دماغى بس ممكن تكون دى اورفان انى
    هبقى ادعبس تانى واقولك لو عرفت حاجه جديده
    معلش بقى مستعجله حبتين

    ReplyDelete
  32. انا هابتدي من الصورة اللي فيها الاجابات النهائيه

    من اليمين اللي ساند علي الصور ورا جاليليو متهيئلي دا ممكن يكون نيوتن بنسبة 90 %

    اللي ماسك لوحه قدام ارسطو دا ممكن هو اللي يكون بيكاسو عشان اللوحه التكعيبيه اللي ماسكها في ايده

    ورا غاندي دا كونفيشيوس دي متأكده منها ..قدامه سيدنا موسي دي بردو متأكده منها ووراه دا ممكن يكون جيمس وات ..يعني مش متأكده اوي .. وبردو اللي جمب جميس وات دا ممكن يكون جوتنبرج مخترع الطباعه ..بس بردو مش متأكده

    فوووق ناحية اليمين بردو اول واحد فيه شبه من كيندي وهو صغير

    في متنصف اللوحه تقريبا عند موتسارت كدا .. اللي بينه وبين بيكاسو دا اديسون متأكده بنسبة 90 %

    اللي فوق جمب بروس لي بيرسم دا متهيئلي ممكن يكون مايكل انجلو

    اللي بين بيل كلينتون ومارجريت تاتشر دا ممكن يكون فاسكو ديجاما بتاع رأس الرجاء الصالح

    ناحية الشمال ..اللي قاعد علي عرش دا ممكن يكون الاسكندر الاكبر بنسبة 70%

    بس عموما اللي انا عرفتهم ومتاكدة بنسبه كبيره هما علي الترتيب من اليمين

    يوليوس قيصر و الام تريزا وارسطو وجورج بوش والامير تشارلز وشارون ومايكل جوردن وفان جوخ وغاندي وكونفيشيوس وسيدنا موسي ومارلين مونورو وياسر عرفات وكاسترو وجيفارا ونابليون وماوتسي تونج صلاح الدين وشكسبير وموتسارت واديسون ماركس وافلاطون وستالين والفيس بريسلي اينشتاين شيرلي تيمبل والملكه اليزابيث
    بروس لي ومارجريت تاتشر بيل كلينتون نيلسون مانديلا وفرويد تايسون وصدام حسين وموسوليني وهتلر ولينين والاسكندر الاكبر وسقراط بيل جيتس وبيلي وبيتهوفن وتشارلي شابلين

    وبجد استمتعت جدا

    شكرا جزيلا

    ReplyDelete
  33. علي فكرة نسيت معلش

    اللي بيشرب قهوة دا جمب مايكل جوردن تقريبا سارتر بنسبة 90% بردو


    يعني كدا الجديد اللي انا متأكده منه يقينا هايبقي نيوتن كونفيشوس وسيدنا موسي وسارتر واديسون

    وهادعبس تاني لو لقيت جديد هاقول

    ReplyDelete
  34. تحياتي
    ربما يمكن إضافة الأسماء التالية:

    الزعيم الصيني دينغ شياو بنغ.. تحت مارغريت تاتشر

    لاعب كرة السلة الصيني ياو منغ.. فوق كوفي أنان

    رئيس الوزراء الإسرائيلي إسحق رابين.. بجوار إرنست هيمنغواي

    الرسام مارك شاغال (مع اللوحة).. تحت مايكل جوردان

    ReplyDelete
  35. اهو اديك بتتعلم ولا يهمك وبنكسب فيك ثواب
    وبعدين ايه حكاية التفرقة دي طب حطيني في النص على الاقل ولا عشان مافيش محرم, يعني يا راجل الاضطهاد للبنات في كل حتة حتى المدونات قصدك ايه يعني اني اكون اخر اسم ده انت شككتني انك عديت الاسامي بتاعة كل واحد ولقتني اقل واحدة وفضلت اعد واقران لقيت مش هيا دي الcase .
    ماشي يا عم شقير مردودالك.
    سلام مؤقت حتى يتفتق ذهني عن انتقام مريح

    ReplyDelete
  36. Hi Ahmad,

    First the photo is very interesting :)and to be honest I searched online for some characters (ya3ni ana mesh mosakafa awy :D)

    Here are my findngs

    1-Confucius;The Chinese thinker and social philosopher,
    whose teachings and philosophy have deeply influenced
    Chinese, Korean, Japanese, and Vietnamese thought and life.
    (the one behind Ghandi)

    2- Francisco Franco; Fascist head and later became
    head of state of Nationalist Spain, he was a dictator (the one behind Queen Elezabith)

    3-Charles Darwin :the one with the sheeps bardo behind Ghandi
    and Confucius is inbetween them

    4-Archimedes:An ancient Greek mathematician, physicist and engineer.
    Beside Marliyn Monrou from the left

    5- Christopher Columbus :I guess the one in red akher el soora right

    6- Frederick Chopin : gada3 7elewa keda ta7t set Margret Tatsher labes badla soda :)

    7-Dowager Cixi;Empress of China: between Sharon w Salvador dali

    8-Takeru Kobayashi;the Japanese competitive eater :between Socrates and Lenin

    9:Little Orphan Annie : An American comic strip character

    10- Lao Tzu;philosopher of ancient China, gamb Sharon right

    11- Otto von Bismarck: 1st Chancellor of Germany
    In office: on the right from Saddam Hussein

    12-Dante Aligheri;an Italian famous poet,beside Van Gogh masek soora

    W Allahu a3lam !

    ReplyDelete
  37. I'm not sure for some of my findings as some ppl say that Moses and Prophet Muhammed are there which i doubt !!

    The one with the Sheeps looks like Darwin alot..some ppl say it'S Prophet Moses!

    A7mad ...Do u have the correct answers ?

    ReplyDelete
  38. اللى عرفتهم
    من فوق لتحت من الشمال ليمين
    ارسطو – لينين – بيليه- اودري هيبورن- بيتهوفن – هتلر – شارلى شابلن – صدام حسين – تايسون – كلينتون لويس 14– تاتشر-نيوتن – بوتين – بروس لى – الفيس بريسلى – ستالين – الملكه اليزابث – اينشتين- بطرس – شكسبير- موزارت -جورج واشنطون – نابليون – جيفارا- كاسترو- ياسر عرفات – اريك دوجلاس- مارلين مونرو – غاندي – فان جوخ – بيكاسو -جورج بوش – لوشيانو بافاروتى – كوفى انان – الامير تشارلز – شارون –-مايكل جوردن جورباتشوف – نيرون

    ReplyDelete
  39. ممكن يكون فيه حاجات غلط
    بس انا بجد مقارنتش مع حد
    لذيذه الفكرة

    ReplyDelete
  40. يا احمد باشا
    ده مش نيلسون مانديلا
    ولا يمكن يكون مانديلا
    لسببين
    الاول ده شعره ناعم
    ولابس بدله
    مع ان مانديلا معروف عنه قمصانه المزخرفة بالوانات غريبة
    اخيرا وده الاهم
    عمرك شفت يا راجل مانديلا لابس نضارة
    نضارة

    ReplyDelete
  41. واللي بيقول مانديلا
    ادي صور مانديلا
    على الموقع بتاعه
    طلع لي صورة بنضارة

    http://www.nelsonmandela.org/index.php/gallery/

    ReplyDelete
  42. يعزف بيتهوفن احدى مقطوعاته

    غالبا هي افتتاحية حطام اثينا

    ويستمع له الاشرار

    هتلر وموسيليني وصدام

    يسار الصورة

    يعزف تولستوي على الته الموسيقية

    فيتجمع حوله المفكرون وصانعو الافكار

    اينشتين وكارل ماركس وسيجمون فرويد

    ينفخ انا في نايه المسحور

    كي يطرب الاخيار

    الام تريزا واريل شارون وبوش الابن


    الا بصحيح الحيزبون اللي ورا شارون ما تديش على جولدا مائير

    ReplyDelete
  43. بصراحة اتعرفت على 30 شخصية فقط من الحاضرين

    لعبة جامدة اخر حاجة

    على فكرة حسنى مبارك فى الصورة و الى حيلاقيه حديلو ربع جنية

    ReplyDelete
  44. طيب و ما دام التجربة عجبتكم ننتقل الان للعبة الحقيقية

    http://www.thepictureofeverything.com/

    :D

    ReplyDelete
  45. انا جيت متأخر جداااااااا
    :(
    joseph stalin
    شبه فريد شوقى
    والراجل اللى هو جمب
    karl marks
    شبه عبد الفتاح القصرى
    :D:D

    بجد صورة جميلة جدا
    انا كدة هاشوف كل الشخصيات اللى مش عارفها واعمل عنها سيرش واقرا عنها
    100/100

    ReplyDelete
  46. فكره ظريفه قوي يا شوكير .. زود عندك

    George Bernard Shaw: the one holding the trumpet; between margeret Thatcher and Churchil

    Moses: Left of Ghandi

    Johann Sebastian Bach: The one with the violin below salahdin

    والله اعلم !!

    ReplyDelete
  47. اللى ورا الملكة اليزابيث ممكن يكون السادات؟
    واللى ورا بوش ممكن يكون جاكى شان

    ReplyDelete
  48. وفى دافنشى اللى جمب فان جوخ
    وفى النعجة دوللى اللى جمب غاندى
    وطبعا سور الصين العظيم والاهرامات
    والناقة اللى راكب عليها ياسر عرفات ممكن تكون ناقة صالح
    وبقرة بنى اسرائيل جمبها
    وسفينة نوح ورا بروسلى
    ومدائن صالح فى ورا خالص فى نص الصورة


    المعلومات دى بمساعدة صديقتى نهى مش لوحدى
    :D

    ReplyDelete
  49. و الله يا استاذ احمد انت عملت فيه اختبار حلو جدا انا قلت اعرف بنفسي و بعدين اقراء التعليقات و فوجئت بنفسي طلعيت عندي شويه معلومات مش بطله و الله كويس الواحد طلع في دماغه شويه معلومات انا لوحدي طلعت 40 شخصيه انا فرحانه اوي اغلبهم الكل قلهم الاي اتنين مش عارفه في حد قالهم و لا لا
    و هما
    هتشكوك الاي جنب إرنست هيمنغواي علي طول
    و الشخص التاني - شخصيه سبارتكوز الاي عاملها الممثل الامريكي كلارك دوجلاس و هو جنب ياسر عرفات علي طول
    فكره تجنن و اختبار حلو اوي للمعلومات شكلي كده هاخد قلم كبير في نفسي ههههههه

    ReplyDelete
  50. الصورة جميلة و فكرة جميلة

    ReplyDelete
  51. صورة رائعة
    اعتقد ان اللى جنب ماركس من اليمين هو نيتشه
    و اللى تحت قيصر فى اليمين خالص من الصورة هو كيم جونج ايل رئيس كوريا الشمالية

    هحاول تانى فيها :)

    ReplyDelete
  52. راسبوتين حبيب قلبى
    تحت فيديل كاسترو على طول لابس عبايه بيج كده

    واللى قال عليه محمد عبدالغفار انه النبى موسى انا اؤيد ذلك

    ReplyDelete
  53. والىل تحت بوش ده لوشيانو بافاروتى مغنى الاوبرا

    ReplyDelete
  54. Hello Eng. Shokair,
    Quite interesting & very challanging. thank you.
    I just wanna draw your attention to a little mistake u've made there: where u've written down Julius Ceaser's actually it's not. That person is certainly Dante Alighieri, Author of La Divina Commedia (alcomedia al-elaheya), the biggest & greatest italian poem that's never been composed throughout the Ages & he is considered one of the 3 Fathers of the Italian Language & Literature. He is some sort of the German "Goethe" & the Spanish "Cervantes" in Italy.
    salam salam

    ReplyDelete
  55. I got something new by the way, Julius Ceaser is the man where you wrote Spartacus.
    I'm quite sure of this as well.
    salam ;)

    ReplyDelete
  56. يا عم احمد
    عاجل و مستعجل
    الصورة انا حاططها حاليا ديسكتوب
    لكن كل اما ابص فيها افكر
    ليه ما نعملش صورة زي دي
    احنا عندنا بتوع جرافيكس مية مية
    و شخصيات بالعبييييييييط
    اذا كان شيوخ معاصرين
    مفكرين متنورين
    ناس قديمة و كان ليها دور
    كتييييييييييييير
    يا ريت يا احمد يا رييييييييييييت
    تدعي البني آدمين لكده
    اكيد حنعرف نعمل زيها
    انا فعلا منتظرها

    ReplyDelete
  57. بجانب بروس لي و شيرشيل
    يجلس على الكرسي الرسام ماتيس
    henry matisse

    -

    بجانب "دافنشي" يلبس قميص وقبعة حمراء

    الرسام رينبرانت فان رايغن

    Rembrandt

    -
    يجلس أمام فان جوخ
    بذقن وقبعة سوداء
    الرسام هنري تولوز لوتريك
    Henri de Toulouse-Lautrec

    -

    تحت السور، اسفل الكوري كيم
    يلبس القبعة شارلوك هولمز
    sharlok holmes
    بجانب هولمز يجلس الموسيقي باخ في معطف أحمر
    bach

    موزات يعزف على الكمان
    mozart
    -
    أميل لكون الصورة التي في الأعلى لجنكيز خان لا صلاح الدين.

    -
    شكوك لا تصل إلى حد اليقين:
    فوق إلفس
    يلبس القبعة ويدخن الممثل همفري بوغارت
    humphrey bogart

    -

    بين بافاروتي و عرفات
    الذي يرفع يده
    أظنه الممثل جون وين.
    john wayne
    أمتعك الله بالعافية كما أمتعتني هنا

    ReplyDelete
  58. نسيت أحدهم :p
    بجانب شارلي شابلن
    يمسك قبعة ويجلس أمام سيارة صغيرة هنري فورد

    henry ford

    ReplyDelete
  59. فيه
    تيمور لنك بجوار كولومبس
    وكمان اروين روميل بجوار تشابلن
    وsun tzu
    اللى قالب راسه وهو قاعد على الكرسى
    وفيه كمان sun yat sen
    بين ديجول وتاتشر

    ReplyDelete
  60. بين سقراط ولينون نيه ار بس مش متاكده

    ReplyDelete
  61. على فكرة الصورة الموضوعة لشخصية فيتو كوريونى للممثل مارلين براندو مش للممثل نفسه لانها اشهر شخصية سينمائية

    وعندك فى الصورة الراجل ابو قبعة وسيجارة بجوار شيكسبير دى شخصية جيمس بوند ( جيمس بوند = شون كونرى )

    ReplyDelete
  62. Darashaw Nosherwan Wadia
    الواقف بجوار فرويد ونيلسون

    اه اللى بجوار تشابلن ايزنهاور مش روميل

    وبيريز وزير خارجية اسرائيل اسفل جيفارا

    John McCrae
    بجوار سبارتاكوس

    ReplyDelete