Saturday, December 13, 2008

أستحلفكم بالله .. إرحمونا





منذ فترة ليست بالقصيرة وأنا تحاصرني رسائل .. تستحلفني بالله أن أردد دعاء معين أوأن أنطق بقول معين ، وأن أعيد نشره على أصدقاء آخرين .. هذه الرسائل زادت في الفترة الأخيرة فإقتحمت البريد الإلكتروني لعملي ورسائل الموبايل والأوف لاين ماسيدجز عبر برامج المحادثة ، والمجموعات البريدية والبريد الإلكتروني الشخصي .. العجيب أنها تأتيك من أشخاص أصحاب أنماط مختلفة .. فتارة تأتيك من شخص ذو أهمية وحيثية كبيرة ولم يتذكرك يوما على هاتفك المحمول بمكالمة أو حتى برسالة سوى رسالة من تلك النوعية .. أو تأتيك من البريد الأكتروني أو عبر الماسينجر من إمراة أنت متشكك كثيراً في أخلاقها ، أو شخص تعرف كثيراً عن علاقته السلبية بالدين ، وقد يتسائل البعض وماالضرر في ذلك لعل وعسى تكون هذه الرسالة سببا ً بشكل أو بآخر في تغيير يحدث لأحد مستقبليها

وقبل أن استطرد في الرد على هذه التساؤل أو شرح وجهة نظري تجاه تلك الرسائل أود أن أسرد تلك الرسالة التي وصلتني منذ دقائق من أحد المدونين عبرالأوف لاين ماسينجر تقول الرسالة

قوووووووووول اللهم ارحم المؤمنين والمؤمنات والمسلمين والمسلمات الأحياء منهم والأموات الى يوم الدين بالله عليك ابعتها لكل اميل عندك انا حلفتك لااله الا الله محمد رسول الله امانه فى عنقك الى يوم الدين ترسلها الى كل الاميلات الى عندك اقسمت عليك بالعزيز الجبار ان ترسلها لكل الموجدين عندك انشرها عسى الله يفرج همك

جميل نبل هذا الدعاء ولكن مالم يعجبني الآتي

أولا : البداية ... دون تحية .. وهذا مدخل غير محبب حتى دينياً
ثانياً : فعل الأمر في بداية الجملة .. دائما فعل الأمر يصيبني بحساسية
ثالثا : الإلحاح في نشر الدعاء بكل الطرق إلى جميع من في قائمة البريد عندي ثم قسمه عليك في الإرسال
رابعا : بعد الإلحاح والقسم .. تحول الأمر للترهيب بأن ذلك أمانة في العنق إلى يوم الدين .. ثم تحول للقسم بالعزيز الجبار مرة أخرى

لا ياجماعة .. الدين ليس بتلك الطريقة ولا حبك لدينك يكون بتلك الصورة .. نظام إرسل كلمتين وإجري .. ويبقى عملت اللي عليا .. مافيش حاجة اسمها كده .. ولا الدعوة لحب الدين تكون بالقسم عليك أن تفعل كذا ولا تفعل كذا ..
التذكرة في الدين هامة ومطلوبة .. ولكن ليست بتلك الطريقة .. أن تأتيك التذكرة من أحد المديرين الكبار وأنت تعلم أنه به من الرذائل مالايطيق عن حمله بشر فهو مرتشي تمتد يديه للحرام ، وظالم يأكل حقوق موظفيه ولا يتورع عن طردهم من وظائفهم والإقتصاص من دخلهم ، أو من إمرأة مارست الرذيلة معك أو مع غيرك لايهم ، أو من شخص لايبدأ حديثه إلا بسب الدين .. أو من صديق نذل لايعرف من معنى الصداقة إلا مصلحته فقط .. أعتقد بذلك أن الرسالة قد تاهت لأنها من البداية خطأ وإختزلت الدين بطريقة مجحفة ، بل وتسئ للدين

الدعوة والتذكرة بالله للمحيطين بك وأنت منهم يجب أن تكون بذكاء ولين ولطف وأن تكون مؤهل لها وأن يكون وقتها مناسباً ، حتى تأتي بنتائجها وغير ذلك سوف تأتي بنتيجة عكسية

وصلتني تلك الرسالة ولم أشعر بإرتياح .. فما بالك لو أرسلتها لمسيحي في القائمة عندي كما يستحلفني صاحب الرسالة .. وهو بالأمس هنأني بالعيد وأنا اليوم أبعث له برسالة استحلفه بأن يقول لا إله إلا الله .. محمد رسول الله

وأخيراً .. أستحلفكم بالله ان ترسلوا هذه التدوينة إلى كل من في بريدكم الإلكتروني


ملحوظة : التدوينة لاتمت بصلة لصاحب الرسالة

23 comments:

  1. صحيح

    الدعوة لازم يكون ليها فن وادب
    عشان تؤتى ثمارها

    بس اللى بيعملوا كده بيكون فى سبيل انهم ياخدوها ثواب
    بس للاسف مش عارفين انهم فعلا ممكن يضروا من غير ما يخدوا بالهم

    صعب انك تفرض على حد يعمل حاجة معينة وتحلفه

    ReplyDelete
  2. صح كلامك
    والله صارت الانترنت محجبة
    صارت الانترنت فقيرة من معلومة
    من فكرة من طرفة من برنامج من معارف
    كثير كثير جدا من الأدعية والمواعظ
    الله يهديهم

    ReplyDelete
  3. فعلا والله معاك حق
    الموضوع ده زاد جدا الفترة الأخيرة
    لدرجة إني بمجرد أما بشوف رسالة بالشكل ده باحذفها مباشرة قبل ما أكمل قرائتها وأوصل للقسم والتهديد والوعيد بإعادة إرسالها لكل من اعرفهم
    لأ وفيه ناس لئيمة كمان بتبدأ الرسالة بالقسم عليك علطول عشان تبقى اتدبست واللي كان كان بمجرد ما تقرأ أول كلمة

    ياريت فعلا يرحمونا

    ReplyDelete
  4. هههههههه
    بضحك لأني لسة من دقيقة قبل قراءة البوست كنت أمرر إجدى تلك الرسائل لكل من عندي إيميلاتهم
    ابقى اكتب إيميلك هنا علشان أمرر لك الرسايل

    بجد الموضوع زاد عن حده
    و مش عارفة مين اللي بيبتديه
    و إيه الهدف منه
    أنا أخاف من القسم بالله و لدلك أمرر الرسائل
    و أعترف أنها غالبا تكون بقراءة سريعة جدا أو حتى دون قراءة
    و متأكدة أن هده حال الكثيرين
    عارفة إن الموضوع جاد
    بس خلاني أبتسم :)

    ReplyDelete
  5. دي المرحلة التالية للرسالة اللي لو مابعتهاش ل 20 واحد ع الأقل عربيتك هاتتحرق و لو بعتها هاتكسب 20 ألف جنيه بكرة

    الفكرة في ان كتير من الراسلين بيكونوا مش ملتزمين كما توحي الرسالة انها فعلا دين سهل

    ابعت رسالة لكل اللي تعرفهم و كدا تنام و انت مبسوط انك عملت حاجة "للآخرة" , واحدة صاحبتي دايما تقول أصل الحاجات دي أسهل
    هي فعلا أسهل

    فيه رسالة ع الموبايل "ابعت لا اله الا الله ل 9 على الأقل تتحقق لك أمنيتك بكرة" , جات لي ليلة كل امتحان في البكالوريوس من نفس الشخص :)))

    أنا كنت باقراها للآخر و أسيبها مابعتهاش , دلوقتي فعلا بقيت أي رسالة تبدأ ب "أقسمت عليك" أو "و الله العظيم هابعتها .... شوف انت كدا حلفت و لازم تبعتها" أو أو أو تلقائيا باقفلها

    ReplyDelete
  6. والأخطر من ده إن فيه رسائل كمان بتتوعدك إنك لو ما مررتهاش للآخرين هيحصلك كذا وكذا وهتعيش فقير وهتحصلك حوادث وهتشهر إفلاسك وهتتكدر في طابور العيش المصري إلخ

    مع إن ربنا سبحانه وتعالى قال: قل لن يصيبنا إلا ما كتب الله لنا

    ودي بيسموها سياسة التمرير دون تفكير .. أو دون تحقق قبل التمرير

    ReplyDelete
  7. :))))))))

    no comment bsara7a

    inta akhbarak aih ??

    ReplyDelete
  8. صح و100%

    تستفزني كثيرا هذه الرسائل وعندنا اقوم بحذفها لأن الدين ليس بالإكراه أو بالإجبار أو بالأمر

    تحياتي

    ReplyDelete
  9. كلامك رائع يا احمد .. المشكله انك لما تقول كده يتبص لك انك عدو الدين والعثره فى سبيل تحقيق النهضة الإسلامية .. وتتلاقى ألف واحد يتهمك بالكفر والإلحاد أو على أقل إعتبار بمعاداة الدين .. أنا رأيى قبل منفهم الناس إن إقتحام خصوصياتنا بالشكل ده ضد الدين أساسا , لازم نفهمهم أن اللى بيحصل ده مش لصالح الاسلام من اساسه .. وكنت كتبت من فتره موضوع ساخر ممكن تشوفه من هنا

    http://demaghy.blogspot.com/2008/07/1.html

    عن الكثير من المظاهر السلبيه الى عملهالنا الإسلام المتعصب .. والنتيجه ؟ اتهامات بتوصلنى لحد النهرده إنى بتريق على (الدين) والإسلام والمسلمين .. وكإن المتشددين أصبحوا هما المسلمين ولا مسلمين سواهم ! عجبى

    ReplyDelete
  10. صدقت

    هذا الاسلوب منفر أكثر منه مرغب

    نسأل الله أن ينعم علينا بالفهم

    ReplyDelete
  11. This comment has been removed by the author.

    ReplyDelete
  12. الموضع حلو قوي يا أ.أحمد
    أكتر حاجة بتغيظني في الرسايل ده التهديد
    بالموت والافلاس والحوادث
    بجد حاجة غريبة وطريقةسخيفة

    ReplyDelete
  13. الموضوع فعلا زاد عن حده اوى والمشكلة انه بيتطور مع التكنولجيا اللى بتحيط بينا يعنى زمان كان ورقة تتوزع فى اى مكان عن الحلم اللى شافه الشيخ احمد خادم قبر الرسول الكريم صلى الله عليه وسلم وامانة تبليغ الرسالة بالكامل وطبعها عدد معين وتوزيعها والا هيكون له عقاب اليم والأستشهاد بواحد اتشل لما نفض ومبعتش الرسالة دى للعدد المعين ده

    مع التطور بأة بقى الموضوع عن طريق الموبايل والأنترنت كأننا ف نفس العصر الجاهلى من التخلف والولع بالخزعبلات لكن بشكل جديد يتناسب مع التطور التكنولوجى اللى بنمر بيه !

    عندك حق .. ارحمونا بأة

    ReplyDelete
  14. الموضوع ليس كما يبدو و لكن احيانا بتكون هناك اغراض خفيه لتتبع اى ميل معين و عدد المتصلين و الذين على صله به عن طريق هذه الرسائل لأنك اكيد حاتفكر فى اقرب الأىميلات او اللى انت مخزنهم عندك و بالتالى يتم عمل حصر لكل المتصلين بك الجديد بقه انها كمان على البلوج
    و طبعا ممكن ان يستخدم هذا التتبع فى التجسس او فى ارسال اعلانات او فى اى شئ أخر
    دى وجهة نظرى فى الموضوع و الله اعلم

    ReplyDelete
  15. السلام عليكم

    انا لما بتجيلى رسايل من النوع ده مببعتهاش
    وخصوصوا سمعت أكتر من فتوى بتقول ان النوع ده من الرسائل غير لائق
    والمفروض اننا منساهمش فى نشره

    ReplyDelete
  16. هما شايفين انها طريقه لكسب الحسنات ببلاش , تكة ماوس مش حتكلف بس حتدي حسنات
    مش باقراها بالغي على طول
    ده غير عنواين زي
    منزلك الجديد , تفتح تلاقيه صورة قبر
    تقوم تسب له الدين

    ReplyDelete
  17. هما اللي حلفو يبقى هما اللي يشيلو الذنب

    وربنا بيحاسب على النية

    طب الايميل ببلاش

    شوف نفس النوعيه sms
    بتكلف كام وتكسب شركة التليفون كام

    عشان احنا ما عندناش عقل

    ومش فاهمين ديننا فعلا

    وابسط حاجة انه الدعاء افضل لما يكون بظهر الغيب

    ReplyDelete
  18. ده نتيجة التخبط اللي في حياتنا عموما
    يعني اللي بيبعت الميل ده ممكن يكون مقرهوش ولا عمل اللي فيه

    فيه متناقضات كتيرة في الموضوع
    وللأسف سيل الميلات ديه مش هيخلص

    ReplyDelete
  19. السلام عليكم ورحمة الله وبركاته

    اول ما باشوف رساله من النوعيه دي بامسحها علي طول من غير تردد

    ReplyDelete
  20. اول ما الموضوع دا ظهر على الموبيلات من كام سنه كدا .. اخبرنا احد المطلعيين ان احدى شركات المحمول هى من تبداء بأرسال تلك النوعيه من الرسائل ثم تنتشر كالطاعون لأن مكسب شركات الاتصالات فى مصر على الاقل اصبحت نسبته الكبرى من الرسائل

    بس بصراحه مؤخرا اكتشفت فعلا فكرة الترهيب و الارهاب الفكرى البشع اللى بيسلطه عليك الراسل !! و الله الحمدلله من سنين الواحد ماعملش الهبل دا ربنا يعافينا

    اختيارات مواضيعك متميزه كالعاده يا زعيم

    ReplyDelete
  21. فعلا عشان كده مسحها والواحد قلبه مستريح بيكون احسن كتير
    لان مجرد قرايتها بالشكل ده شىء مستفز
    وبعتها لناس تانيه اكثر استفزاز
    تحياتي يا استاذ احمد
    الموضوع ده جه متأخر قوي
    كان حقك اتكلمت عليه من فتره

    ReplyDelete
  22. سا يقة عليك النبي و حيات عنيك و عفيتك يا رب يعطيك ما يحرمك و يرزقك ما يقطعك و يا رب ما يقع شعرك و لا ينكسر عظمك تشتري مني كيس المناديل ده
    و يا رب اللي ما يشتري مني يجيله و يحط عليه و ركبه تقع في كعوبه و لا يعرف يصد و لا يرد
    ---
    في النهاية ..ده اسلوب اتوبيسات و رمي البضاعة على الحجر

    اسيبك بقى و اروح انشر الدعاء ..اه العمر مش بعزقة

    ReplyDelete
  23. انا سمعت الشيخ عبدالله المطلق من اكبر المفتين في السعوديه يقول انه يتعرض لهذا الموقف دائما ولكن كل انسان يدعي لنفسه ولست مجبور بتنفيذ طلبه واذا اردت ان تدعي له فهذا كرم منك ولست مجبر وهذا كلام الشيخ مثل ما سمعته تقريبا

    ReplyDelete