Tuesday, December 23, 2008

بعوضة هلسنكي



بعوضة هلسنكي


قد يصيبك سوء الحظ وتستيقظ مبكراً فلا تجد سيارتك في مكانها ثم تكتشف سرقتها ، أمر وارد ... ويظل إحتمال إستعادتها أمل مشكوك كثيراً في تحقيقه ، وقد يبتسم لك الحظ فتظهر السيارة في مكان ما ، في تلك الحالة يتم إنها إجراءت محضر السرقة الذي حررته وتقيدها الشرطة ضد مجهول وتذهب لحال سبيلك حامداً شاكراً ربك ، هذا في مصر ولكن في هلسنكي الوضع مختلف ، الشرطة لم تكتفي بإكتشاف السيارة في يونيو الماضي بالقرب من محطة قطارات تبعد عشرين كيلومتراً عن مكان سرقتها وتغلق القضية ، كان همها منذ ذلك الوقت معرفة السارق

تم تفتيش السيارة بالكامل بمعرفة رجال المعمل الجنائي للوصول إلى أي خيط يدل على سارق السيارة ، لم يكن هناك شيئ يذكر لا آثار ولا بصمات ولا أي متعلقات بالسارق ، ولكن أحدهم لاحظ وجود بعوضة ميته ، لم يغفلها ... أرسل البعوضة للمعامل لتحليل الحمض النووي ، وتبين أن البعوضة قد إمتصت دما آدمي ، تم الكشف عن الحمض النووي للدم الآدمي وتمت مقارنته بالحمض النووي للمشتبه بهم في سرقة السيارات من سجلاتهم ، فتطابقت مع أحدهم وتم رفع التقرير للنائب العام لتحديد ما إذا كانت قرينة كافية لتوجيه الإتهام بعد
ستة أشهر

إيه ده .. إيه الرفاهية دي .. ؟؟ ماهذا الإسلوب العلمي وهذا الصبر الكبير والبعيد كل البعد عن سياستنا في الكشف على الجاني ، عندنا يكفي وجود مشتبه به ليتم سحله والتنكيل به (وترويقه) حتى يقوم بالإعتراف سواء عن حق أو تحت وطأة العنف

في قضية مقتل إبنة ليلى غفران تكتشف معاينة متسرعة مرتجلة ونقاط دم شوية هنا وشوية هناك ، وملابس داخلية وشنطة وأدوات جريمة ، وشخص يتحفظ على حقيبة من موقع الجريمة دون علم النيابة ويظهر لاحقاً وبها نقاط دم ، ثم حمض نووي لجلد المجني عليه تحت أظفر الضحية ، ثم تكتشف أن المتهم لا يوجد به أي آثار خدوش ، عك وأسلوب إرتجالي وغياب للاسلوب العلمي ، ولا أحد يدري هل قام فرد أو أكثر بالجريمة ، بالرغم من توافر أثار عدة تستطيع أن تكشف عن خبايا كثيرة

هناك يتم القبض على الجاني ومواجهته بالإتهام في آخر خطوة وفي نهاية المشوار بعد تقديم جميع الأدلة الدامغة ، ولكن هنا يكفي أن تكون مشتبه به لتقدم أنت بالتنكيل مايؤكد إرتكابك للجريمة ومافيش داعي لوجع الدماغ

وصباح الخير يافنلندا

17 comments:

  1. !!!!!!!!!!!!!!
    هو فى كدا ؟؟
    ربنا يباركلهم والله

    ReplyDelete
  2. مش بعيد جمعيات الرفق بالحشرات فى فنلندا ترفع قضيه على الحرامى علشان قتل البعوضه لما مصت دمه !!! شفت اخر كليب بتاع الظباط اللى ضربوا نار على مواطن مصرى سيناوى و قعدوا يتصوروا جمبوا !!! يــاخى *** ولا بلاش

    ReplyDelete
  3. يا سبحان الله
    لأ وحظه إن البعوضة دي تموت داخل السيارة كمان
    ده منحوس جداً

    ReplyDelete
  4. كويسين بتوع فنلندا دول
    بس مصر هي الحضار برضه

    ReplyDelete
  5. مصر او اي بلد عبارة عن منظومة متكاملة
    استحالة تلاقي المنظومة اصلا بايظة و جزء فيها صالح الفساد بيجي حتة واحدة و مصر في اوج عصور فسادها و ضياعها علي الاطلاق

    البلد دي اللي يموت فيها او يعيي ملوش ديه فعلا

    ربنا يستر علينا جميعا

    ReplyDelete
  6. ونقاط دم شوية هنا وشوية هناك ، وملابس داخلية وشنطة وأدوات جريمة
    ----------------------
    قضية بنت ليلى غفران متواضعة جدا و مش القضية اللى يتعمل فيها كل الرويات دى
    كفاية اوى كل الادلة اللى انت قولتها امام محقق بجد و القضية تنتهى كأى قضية قتل عادية

    ReplyDelete
  7. هههههه
    مقال في الجون
    جاء في وقته .. مستفزني موضوع الولد اللي قتل بنت ليلى غفران ده من يوم ما جابوه في العاشره مساءا يحكي عن ارتكابه للجريمه فقعد يسمع و في الآخر قال لهم نسيت
    !!!!

    سأشير لهذا البوست في مدونتي
    قلت كل اللي عاوزاه و اكتر

    ReplyDelete
  8. لما سمعت الخبر دة امبارح فى العاشرة مساء
    افتكرت المسلسل الاجنبى csi
    انا من اشد المعجببين بية جدا
    بس كنت متخيلة ان دة فى عالم السينما و بس
    و ان حتى امريكا مفهاش الكلام دة
    بس بعد خبر امبارح اكتشفت ان الاسلوب دة فى التحقيق عادى جدا فى العالم
    احنا الى عيشين فى كوكب اخر

    ReplyDelete
  9. مش عارفة احنا دايما نظلم ظباط الشرطة في مصر كده

    يعني هما فاضيين لنا .. مش اللي يقتل من الشعب الرذل ده يخلي عنده دم و يقول هو مين ؟ و احنا نديله برائة و نبعته بعثة لندن كمان

    الشرطة في مصر مشغولة بأشياء أكثر أهمية من المصريين

    ReplyDelete
  10. يعنى فرق بين ناس بتشتغل وتتعب وناس بتتعامل كده بالفكاكة من زمان وانا صغير كنت بقول ان مهنة الظابط او المحقق زى كونان كده :)
    تحتاج لذكاء وتحرى وبحث زى ما كنا بنشوف فى الافلام الامريكية

    بس ده للاسف هناك بس هنا مجرد سوابق بتبحث عنهم وتدور وتلف حواليهم واذا ملقتش يا تقيد ضد مجهول يا اما يلبسوها لاى حد سوابق وخلاص

    ReplyDelete
  11. الحقيقة مقارنة مخجلة للغاية لينا فعلا .. فبالرغم من طرافة القصة الفنلندية إلا إنها فيها مفارقة صارخة .. وتحديدا بعد الهراء الذي نسمعه كل يوم في معالجة الجرائم المختلفة عندنا

    This is a contrast .. a sever one

    ReplyDelete
  12. يا استاذ احمد فى تاج عندى اتمنى من ك انك تقوم بحلة

    ReplyDelete
  13. السلام عليكم ورحمة الله وبركاته

    احنا بنتكلم في ايه ، مافيش مقارنه اصلا

    انتوا عاوزينا نلحق ناس سابقينا ب 500 سنة ضوئيه

    ReplyDelete
  14. يا سلام
    كل ده حصل

    ناموسة وحللوها وفضلوا وراها لحد ما وصلوا
    العيب عندنا ايه ؟؟ كسل ولا استعباط ولا جهل ؟؟

    ReplyDelete
  15. انا شايف انك اخطأت يا بشمهندس في المقارنة
    هما دول عندهم بعوض وناموس وحشرات
    وامكانياتهم علي قدهم
    اما احنا معندناش دبان ولا ناموس اصلا
    ولا احنا يعني عايزين كل ظابط ومحقق يجي بدبانه وبعوضه معاه من البيت
    احنا بلد نظيفه ومفيهاش الكلام ده
    جتنا القرف ملينا البلد

    ReplyDelete
  16. معلش ما هنا برضو معزورين الشعب معندوش دم اصلا كله فصيله دم واحد

    فيروس سى على بلهارسيا على سرطان اللهم ما احفظنا

    هيحللوا هيلاقوا كله نسخه واحده

    التنكيل اسهل يا راجل

    لسه هيحللوا

    صباح الفل يا معلم !!

    ReplyDelete
  17. عشان مش بيستعمل كيتو... يستاهل

    ReplyDelete