Thursday, March 19, 2009

لقطة من الماضي - 5


العالم يغني ... حمدية حمدي



لقطة اليوم تعود بنا لواحد من أشهر برامج الثمانينات ، كان يذاع على القناة الثانية مساء يوم الأحد في العاشرة مساء وبعد المسلسل الأجنبي ، برنامج العالم يغني الذي تقدمه حمدية حمدي ، شهرة البرنامج ليست في كونه برنامج منوعات عالي المستوى فهو لايتعدي كونه برنامج عادي يقدم أغاني عالمية ، ولكن الشهرة في كونه البرنامج الوحيد الذي يقدم أغاني أجنبية على التليفزيون المصري على مدار خمسة وأربعون دقيقة أسبوعياً بالتزامن مع برنامج إخترنا لك الذي يقدم في سهرة الأربعاء أغنية أو أغنيتن معادتين من البرنامج ، وكانت ثقافتنا الموسيقية الغربية يتشكل جزء كبير منها من هذا البرنامج

البرنامج فقير بشكل كبير وكانت مكتبته تضم مجموعة صغيرة جداً من الأغاني حفظناها كلها عن ظهر قلب من كثرة إعادتها ، بعض الأغاني نالت شهرة كبيرة في مصر نتيجة إذاعتها بالبرنامج من الرغم من عدم قيمتها عالمياً ، وجدت
على اليوتيوب فيديو نادر للقطات من البرنامج ، وتستطيع من الدقائق القليلة أن تكتشف ضعف مكتبة البرنامج فالمذيعة تعتذر عن عدم وجود أغاني البيتلز لعدم وجودها في تلفزيونات العالم ، ولنا أن نصدقها فلا يوجد نت ولا فضائيات ولا إذاعات عالمية ، وبعدها تعتذر المذيعة عن تلبية طلب أحد المشاهدين لأي أغنية هندية لعدم توفر أغاني هندية

تقريبا يتذكر الجميع معظم أغاني البرنامج من كثرة تكرارها في هذا الوقت مابين فقرة التسجيلات وفقرة الذكريات ، وهنا سوف أحاول ان أسترجع بعض تلك الأغنيات الشهيرة

تينا تشارلز .. كانت بيضاء مربرة جميلة لها أغنيتان .. أي لاف تو لاف . ودانس ليتل ليدي دانس ، هذا فيديو للأغنية الأولى وهذا للثانية ولكنها تختلف عن تسجيل البرنامج ، وهذه كانت تينا تشارلز يومها وهذه تينا تشارلز الآن





فريق أوتاوان كان له أغنية وحيدة يتيمة مابين الإنجليزية والفرنسية على إيقاعات الديسكو وهي أغنية ديسكو أو دي أي إس سي أو ، هذا هو فيديو الأغنية والذي كان يذاع في البرنامج وهذه صورة الفريق حالياً





جنكيز خان فريق ألماني له شهرة محدودة ولكن مسابقة اليورفيجين كان سبباً في شهرة جميع المشاركين فيه ، فكانت مادة المسابقة هي مصدر الأغاني الرئيسي للبرنامج ، وكانت أغنية موسكو من أشهر أغانيه وهي تذكرني بأغنية راسبوتين للبوني إم ، وهذه صورة للفريق من مسابقة اليوروفيجين قد تذكركم بالفريق




الدولي دوتز ... فريق ألماني مغمور جداً من ستة فتيات كنت أعتقد أنه فريق هولندي حسبما كان يخبرنا البرنامج حتى كتابة هذه التدوينة ، شهرته كانت كبيرة بسبب أغنية ليلا كوين أوف شيبا ، وقيل وقتها أن مسروقة من أشهر أغاني محمد عبده ليلة ليلة وبالفعل الكورال يشبه أغنية عبده كثيراً ، كما قيل أن عبده رفع دعوى قضائية ضدهم




باتريك دافي وميري ماتيه ... توجيزر وي آر سترونج كانت أغنية مشهورة لباتريك دافي بطل حلقات مان فروم اتلانتيس أو كما أطلقنا عليها الرجل السمكة ، مع ميري ماتييه ، ودي صورة باتيرك دافي زمان وباتريك دافي دلوقتي






الباكراه .. فريق أسباني مكون من فتاتين أحدهما شقراء الشعر ترتدي الأبيض والأخرى سمراء الشعر ترتدي الأسود ، أشهر أغانيهما كانت أغنية يس سير أي كان بوجي ، كانت تقدم بشكل شبه إسبوعي ، ودي صورة حديثة لهم



كانت هناك أغنية لخوليو إيجلسياس مصورة في أحد البرامج مع طفلة عمرها تسع سنوات إسمها أنيتا ، كانت هذه الأغنية تعاد وتكرر كثيراً وللأسف لم أجد لها أثراً على النت --
تحديث: شكراً للصديقة عزة عطوان لمساعدتها في الوصول للأغنية وهي أون ماي أون والطفلة كانت إسمها نيكا كوستا مع خوليو إجليسياس


بالطبع كان هناك الفيلدج بيبول .. وأغنية واي إم سي إيه ، وسوبرترامب .. وأغنية ذي لوجيكال سونج ، وفقرة الذكريات كانت دائماً مع أغاني لجو داسان وميري ماتييه وتوم جونز وإنجلبرت هامبردينك ، وتوقفت الأغاني الحديثة في فقرة التسجيلات على أغاني المودرن توكينج وساندرا ، وطبعا المقصود بالتسجيلات وقتها إنك تجيب الكاسيت جنب التليفزيون وتسجل الأغنية ، كان البرنامج يذاع في شهر رمضان بإسم العالم العربي يغني نظراً لمقتضيات الشهر الكريم

على اليوتيوب وجدت حلقة مسخرة من
البرنامج الكوميدي توك شو عن برنامج العالم يغني ، ويبدو أنه تم إستنساخها من نفس الحلقة اليتيمة الموجودة على اليوتيوب ، وبالصدفة كان البرنامج الساخر يحمل أغنيتين تم الحديث عنهما لتينا تشارلز والثانية للباكراه

*******************

لقطات سابقة

لقطة من الماضي - 1 ... من أطلق النار على جي آر ؟
لقطة من الماضي - 2 ... أهم خمس لقطات في تاريخ التليفزيون
لقطة من الماضي - 3 ... أطول وأكبر حفلة غنائية في العالم
لقطة من الماضي - 4 ... أهم العشرات ... في الثمانينات

17 comments:

  1. السلام عليكم ورحمة الله وبركاته

    جميل اوي يا استاذ احمد دا يما كده بتاخدنا للماضي الجميل وترجعنا لاحلي ايام

    كنت لسه هاقولك فيه حلقه من التوك شو بتتريق علي البرنامج لقيتك قايلها في الاخر

    بس عاوزه ما ننساش ان البرنامج بالنسبه للامكانيات وقتها كان يعتبر برضو الي حد ما مقبول ومش عاوزين نقلل من حق التليفيزيون المصري اللي كان سباق في كتير من المجالات وله الفضل علي كل تليفيزيونات المنطقه والفضائيات كمان


    استمتعت جدا بالتدوينه دي ورجعتلي مشاعر جميله اوي مع اني ما كنتش بتابع البرنامج عشان كنت بتخنق من حمديه حمدي

    بس كنت باتفرج علي مارك علي فكره اول مره اعرف ان اسمهاذا مان فروم اطلنتس

    :))

    سلام

    ReplyDelete
  2. جميلة الذكريات القديمة

    ReplyDelete
  3. ماعرفتش من كل دولا الا "باتريك دافي" لانه كان بطل من ابطال مسلسلي المفضل :the bold and the beautiful : بس يا خسارة بطل يتزاع من شهر تقريبا :(

    بما انك مخضرم ف الامور دي .. ما تعرفش اقدر اتابعه علي انهو قناة دلوقتي ؟؟

    ReplyDelete
  4. لو اننى محظوظ وكنت فى مصر فانه يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

    المكان : مكتبة ديوان بمصر الجديدة
    العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
    التاريخ : الاحد 5 ابريل 2009
    الميعاد : 7 مساءا

    فى انتظار تشريفك

    ReplyDelete
  5. يااااااااااااااه :) دولى دوتس دى كانت أغنيتهم المفضّله لى أنا و بنات خالاتى أمّا كنّا أطفال .. لدرجة إنّى ممكن عينى تدمّع لو سمعتها كما أفعل الآن ..

    من أهم الحاجات اللىّ كانت بتميّز العالم يغنّى موسيقى التتر اللى لو سمعتها مش هتفتكر غير البرنامج ده .. تترات برامج زمان كانت فعلا علامه مميزه لكل برنامج .. جولة الكاميرا و نافذه على العالم و على الطريق و كانت ايام و طبعا اوسكار و نادى السينما و اخترنا لك .. اين هذا ممّا نحن فيه الآن

    ReplyDelete
  6. من الأشياء اللي أفتكرها هو تخصيص حلقة أو أكثر لمغني فرنسي بعد موته المفاجىء فى سن صغير ، مش فاكر إسمه ، حمدية حمدي كانت تقريباً حاتبكي كل ما تجيب سيرته وكانت دايماً تجيب سيرته! وتتكلم عنه بوله زائد

    ReplyDelete
  7. عدى النهار
    أعتقد إنك تقصد كلود فرانسوا ( كلو كلو ) لأنه مات وعتده 39 سنة متكهرب في البانيو بتاع الحمام
    وعلى فكرة هو إتولد في مصر في الإسماعيلية سنة 39 ومات سنة 78

    زمان الوصل
    كويس إن فيه حد فاكر حاجة من البرنامج .. والدولي دوتس كمان .. انا كنت متوقع ان مافيش حد هايكون فاكر حاجة تحت سن الاربعين

    العزيز شرين الكردي
    مبروك الكتاب ، وكنت اتمنى الحضور بس الوقت ده للأسف هاكون موجود خارج مصر .. الف مبروك

    رومانتيك روز
    بالفعل باتريك دافي كان احد نجوم بولد اند ذي بيوتيفول وكمان يمكن ماتعرفيش أنه أشترك في مسلسل دالاس وكانت اصابع الإتهام تشير له في مقتل جي آر

    بنت القمر
    :)

    نانا
    الحنين للماضي بالفعل من اجمل المشاعر

    خمسة فضفضة
    الحلقة الكوميدية فعلا رهيبة وفيها تفاصيل صغيرة متقنة جدا ماياخدش باله منها الا اللي يعرف البرنامج كويس

    ReplyDelete
  8. ذكريات جميلةلايام اجمل

    ReplyDelete
  9. الله اشكرك استاذ احمد
    واشكر اللى حط اللنك بتاع
    المدونة دى بالصورة (لحمدية حمدى)الله يرحمها
    والا صراحة يمكن كانت تعدى علىّ من غير ما أخد بالى .باشكرك ليه بقى ياأستاذ احمد؟لانك رجعتنى لكذا
    سنة(خلى السر فى قلبى)وفكرتنى بكل الاغنيات الحلوة دى واللحظات (المسروقة)من ورا اهالينا من المذاكرة وكمان سماع اغنيات (عنجليزى)والله عال والله عال :
    (بدال ما تذاكروا(حاجة تنفعكم
    المهم ياأستاذ احمد ما ذكرت اهم
    اغنية يمكن كانت الاستاذة حمدية
    دايما بتجيبها(TO SIR WITH LOVE)
    وكمان فريق الابا واغنية شيكيتتا
    احتراماتى

    ReplyDelete
  10. تمام هو كلود فرانسوا.. ماشاء الله على ذاكرتك
    :)

    ReplyDelete
  11. هو انا مش عارفة البرنامج رغم ان حقبة الثمانينات كنت حلوة كدة وبتفرج علي التليفزيون

    بس الاكيد ان عندك موضوعات مختلفة جدا

    تحياتي

    ReplyDelete
  12. الحنين للماضي
    هل هو بكاء على ما مضى؟ و رغبه في ان يعود الزمان الى الوراء؟
    ام
    رفض للحاضر و ذوقه و جميع مظاهره؟

    لم اكن من متابعي البرنامج
    كنت بستتقل دم حمدية حمدي قوي
    :)
    خالص مودتي و تحياتي

    ReplyDelete
  13. حلوه قوي الذكريات دي

    انا فاكره اني كنت باموت في تينا تشالرز وموش عارفه ليه كنت متوهمه أني أشبها، وبعدين أتغيرت فكرتي لما أشتهر مسلسل دالالس وكانوا بيقولوا لي انت شبه سوالين مرات جي آر وطبعا كنت بأبقى سعيده جدا من التشبيهات دي يعني من الآخر أنا شبه نجمات السينما والغناء بتوع العالم المتقدم ، وكمان كنت بحب الباكراه جدا وفريق البوني أم والواد اللي علطول لابس كرافته او جاكيت على اللحم من غير قميص، وتوم جونس،وديمس روسوس، ودونا سمر اللي بيعيدوا أغانيها دلوقتي المطربين الجداد،اما باتريك دافي فكنت معلقه صورته على الحيطه قدام المكتب مباشرة اذاكر وانا بأبص له وأمني نفسي بعريس شبهه،

    فعلا رجعتني لأيام جميله


    أه ليت الشباب يعود يوما


    تحياتي

    ReplyDelete
  14. شكرا على الاغاتى الحلوه و الذكرى ال بتخطف القلب

    ReplyDelete
  15. http://www.youtube.com/watch?v=_4A6-hAJQQw
    استاذ احمد:اشكرك جدا على الذكريات الجميلة جدا وحقيقى كأنك تحكى ذكرياتى!!!
    اللينك اللى مع التعليق للاغنية للطفلة
    Nikka Costa, avec / Julio Iglesias
    on my own
    سعيدة جدا لعودتك للكتابة واتمنى لك ولكل عائلتك الصحة والسلامة
    ااه.. ومبروك لفوز مصر على الجزائر وعلى غانا..
    تحياتى
    عزة عطوان

    ReplyDelete
  16. hiiiiiiiiiii
    انا عمرو كنت وانا صغير بسمع الحاجات ده وخصوصا برنامج اوسكار وموسيقتها الرهيبة وبرنامج تكنولوجيا وغيرهم وعارف موسيقاتهم والى عايز ممكن اقله وعندى كتير من الاغانى ده والموسيقات الكلاسيكية للديسكو والهادى للسبعينات واواخر الستينات

    ReplyDelete