Tuesday, March 24, 2009

ملاحظات على الماشي




جاء بنيامين نتينياهو للحكم في إسرائيل بينما كان حسني مبارك يمضي عامه الثامن عشر في حكم مصر ، ورحل نتينياهو وجاء إيهود بارك ، ورحل إيهود باراك وجاء شارون ، ورحل شارون وجاء أولمرت ، ورحل أولمرت وجاء بنيامين نتينياهو ... وحسني مبارك يمضي عامه الثامن والعشرون في الحكم .. تعيش مصر الإستقرار

إختيار خاطئ لحمدي قنديل في نقل برنامجه إلى قناة الليبية ... صعب جداً أن تهاجم قيادات وأنظمة عربية وتنتقدها من تليفزيون ينتمي في النهاية لدولة تنعم بالديكتاتورية ، وتتمتع بحكم الفرد منذ أربعين عاماً .. تباً لبريق المال ياسيد قنديل


لم أحزن كثيراً لخروج محمود أبو زيد من وزارة الري بهذه الطريقة المهينة ، فالرجل كان المشرف قانوناً على نقابة المهندسين وكان يد الحكومة في بسط نفوذها على نقابة المهندسين بعد وضعها تحت الحراسة في مايو 1995 ، وحارب كثيراً من أجل إجهاض إجراء إنتخابات ومعرقلاً كل إجراءات رفع الحراسة .. بالسلامة يابو زيد

مازال موقع الحكومة الذكية غير معترفاً بمشيرة خطاب وزيرة للسكان والأسرة حيث مازالت وزارة السكان تتبع
وزير الصحة ، ومازال أبو زيد وزيراً للموارد المائية والري .. حكومة ذكية ذكية



في الثمانينات كانت مصر تشهد إفتتاح مترو الأنفاق بمستوى عالمي ومراحل جديدة لكوبري ستة أكتوبر ، واليوم تهتم الدولة
برخص تسيير التكاتك أعجوبة القرن ، في إنحدار كبير يوازي رئاسة أنيس منصور لتحرير مجلة أكتوبر في الثمانينات ورئاسة مجدي الدقاق لتحريرها اليوم


الإشتغالات ... ألعوبة أصبحنا نجيدها ببراعة مثلما نجيد فن النكتة ( بعيدا عن فقرة إبن نكتة على نايل كوميدي .. فالشعب المصري منها براء ) ، زمان إنحصرت الإشتغالة في كدبة أبريل وتطورت بشكل أصبحت متقنة وملعوبة بدرجة كبيرة .. ولكني أعتقد أن أكبر إشتغالة في عصرنا الحديث تلك التي يمارسها علينا السيد عمرو أديب ، فهو يشتغلنا يوميا منذ سنوات وإنطلت إشتغالته على كثيرين وأنا منهم .. كفاية كده ياعمر

أسامة شلتوت ، رفعت العجرودي ، ممدوح قناوي ، إبراهيم ترك ، وحيد الأقصري ، فوزي غزال .. أسماء أو عاهات هبطت علينا عام ألفين وخمسة ثم إختفت بعد آخر ظهور لهم في العاشرة مساء من نفس العام ، ياتري بيعملوا إيه دلوقتي ؟ ومامدى إحتكاكهم برجل الشارع ؟ وما مدى تأثيرهم فيه ؟ في وقت نرى فيه تأثير لأحزاب مثل شاس وميرتس وإسرائيل واحدة وإسرائيل بيتنا وإسرائيل أمنا

14 comments:

  1. بالنسبه ل "عمرو أديب" .. وقت غضبة العاملين فى "ماسبيرو" بسبب إبعاد البعض منهم بداعى التطوير قرأت كلاما منسوبا ل "عمرو" يقول فيه ما معناه لو كانوا كفاءات حقيقيه لوجدوا قنوات أخرى للعمل بها !! و أنا بصراحه نفسى أعرف هل كنّا لنرى "كفاءته" هو شخصيا لولا القناه الأسريه الملاّكى التى يعمل فيها !! حد غيره ممكن يتكلّم عن موضوع الكفاءات ده ..


    أسماء مرشّحى الرئاسه لعام 2005 تذكّرنى بالأفلام الهابطه التى يكون بها عدد من المشتبه بهم ذوى الأسماء المميّزه أو عدد من المجرمين الذين يبحث عنهم البطل ليتنتقم منهم و يتخلّص منهم واحد ورا التانى على طريقة "حسن الهلالى" أو "المرأه الحديديه"

    ReplyDelete
  2. بالنسبه ل "عمرو أديب" .. وقت غضبة العاملين فى "ماسبيرو" بسبب إبعاد البعض منهم بداعى التطوير قرأت كلاما منسوبا ل "عمرو" يقول فيه ما معناه لو كانوا كفاءات حقيقيه لوجدوا قنوات أخرى للعمل بها !! و أنا بصراحه نفسى أعرف هل كنّا لنرى "كفاءته" هو شخصيا لولا القناه الأسريه الملاّكى التى يعمل فيها !!


    أسماء مرشّحى الرئاسه لعام 2005 تذكّرنى بالأفلام الهابطه التى يكون بها عدد من المشتبه بهم ذوى الأسماء المميّزه أو عدد من المجرمين الذين يبحث عنهم البطل ليتنتقم منهم و يتخلّص منهم واحد ورا التانى على طريقة "حسن الهلالى" أو "المرأه الحديديه"

    ReplyDelete
  3. بالنسبه ل "عمرو أديب" .. وقت غضبة العاملين فى "ماسبيرو" بسبب إبعاد البعض منهم بداعى التطوير قرأت كلاما منسوبا ل "عمرو" يقول فيه ما معناه لو كانوا كفاءات حقيقيه لوجدوا قنوات أخرى للعمل بها !! و أنا بصراحه نفسى أعرف هل كنّا لنرى "كفاءته" هو شخصيا لولا القناه الأسريه الملاّكى التى يعمل فيها !!


    أسماء مرشّحى الرئاسه لعام 2005 تذكّرنى بالأفلام الهابطه التى يكون بها عدد من المشتبه بهم ذوى الأسماء المميّزه أو عدد من المجرمين الذين يبحث عنهم البطل ليتنتقم منهم و يتخلّص منهم واحد ورا التانى على طريقة "حسن الهلالى" أو "المرأه الحديديه"

    ReplyDelete
  4. بخصوص الملاحظة الاولي:امبارح المصري اليوم مجلس الشعب يفوض الرئيس مبارك في بيع وشراء الاسلحه الي عام 2012
    بس
    ربنا يديك العمر والصحه
    لكن ما تشوفش اليوم ده
    ربنايكون حلها من عنده
    :)

    ReplyDelete
  5. والله اغلبها ملاحظات فى الصميم
    شكرا لحضرتك عليها
    هم يضحك وهم يبكى
    تحيتى

    ReplyDelete
  6. أختلف معك في نقطة حمدي قنديل... اذا كنت شاهدت استضافة منى الشاذلي له كنت ستتيقن أن بريق المال لا دخل له في ذهابه إلى الليبية ولكــن تسخير منبر حر وعدم التدخل في تسييره للأمور.. الحلقة الأولى بتتذاع دلوقتي.. ياريت تتفرج عليها

    ReplyDelete
  7. للاسف صدمتنى جدا تصريحات قنديل الاخيره فى حواره مع المصرى اليوم لان معظمها كان تبريرات لتخلى ادارة دبى عنه ومحاوله لايجاد اعذار لهم وبعدها وجه اتهامات كتير للجزيره ولا أعلم دخلها بالموضوع لانه هو نفسه اكد انها لم تعرض عليه تقديم برنامج
    ارى ان المزاج الليبى متفق معه كثيرا خاصه انه يباهى بناصريته
    يارب بس الكلام يكون له فايده
    ...
    عمرو أديب ده سمج

    ReplyDelete
  8. مصر الأستقرار ... حلوة بجد :)

    حمدى قنديل .. مش يمكن له وجهة نظر ؟؟

    محمود ابوزيد .. الله اعلم بالخبايا

    عمرو أديب .. واحد بيشتغل نفسه وبيشتغل فى ملك العائلة واحنا مالنا ؟

    رؤساء الأحزاب المذكورين ... لا تعليق

    ReplyDelete
  9. التحديث فى مواقع الحكومه الذكيه يتطلب تجديد العقد مع الشركه المسئوله عن تجديد المواقع لعمل موقع جديد للوزاره الجدسده !! و لما يبقوا يدفعوا اللى عليهم اساسا من باقى العقد اللى فات تبقى الشركه تحدث الموقع !! يا راجل بلا وكسه

    اتصدق البوست صدمنى حتى الثماله .. مكنتش اعرف ان حمدى قنديل نقل البرنامج بتاعه !! و ماظنش انه هيكمل كتير و ممكن بعد حلقه او اتنين القذافى يحلل دمه

    موضوع وزير الرى دا بقى عامل زى الاكله الصايصه

    تحيتى متميز كما انت دائما

    ReplyDelete
  10. طبعا بوست منوع وجميل
    معنديش تعليق اكتر من
    نعيش وناخد غيرها
    وتعيش وتفتكر

    شكلها باظت
    انظر حولك
    د. خالد عزب

    ReplyDelete
  11. 1- عاشت مصر حرة مستقرة !
    2- حمدي قنديل ليه موقف و وجهة نظر خاصة بصرف النظر عن مكان اذاعة البرنامج و الا ماكانش كل سنة و التانية ف محطة شكل ..
    3- محمود ابو زيد ده غار ف 600 داهية بعد ما طلع روحنا ف مهندسين ضد الحراسة .. يا رب احكام المحكمة تدخل طي التنفيذ بقي ..
    4- مجدي الدقاق ده رجل لا يستحق اني اخ من وقتي و اكتب عنه اساسا ..
    5- عمرو أديب ده بقي حبيبي رغم مهاجمة الكثيرين ليه و تشكيكهم ف نزاهته .. بس انا شخصيا بحبه كمذيع برنامج توك شو جدا .. علي الاقل هو الاقل مللا و الاكثر اضحاكا ..
    6- اللي اعرفه اني وحيد الاقصري ما دخلش الانتخابات اصلا و ان ابراهيم ترك الله يرحمه ف حادثة عربية ف فايد .. و الحاج ابو طربوش لسه علي قيد الحياة ..
    و عاشت مصر حرة مستقرة
    :)

    ReplyDelete
  12. حمدى قنديل هم اللى مشوه من دبى

    او ده اللى اتقال


    عمرو اديب كان قاعد قدام غيط الخارجية وهو بيرتعش
    وكانه قاعد قدام الناظر مش مقدم برامج محترم وشوف العيال بتوع الجزيرة والعربية والبى بى سى بيتعاملو ازاى

    محمود ابو زيد بقى صعب على يانهار اسود عاملوه معاملة كلاب الحكومة مش خيل الحكومة
    ههههههههههههههههههه

    عجرودى مين الناس دى كل واحد هبد المليون جنيه (ولا كانو اكتر مش فاكر ) واجر سرادق بحسبة الف وتلتمية ولا حاجة وجه التليفزيون صور عرفنا ان ده مرشح رئاسى

    كل زى الفل

    ReplyDelete
  13. تعليقاً على جزئية حمدى قنديل
    طيب يعرض فين؟ما هو لازم له حته يعرض فيها .كنت سمعت انه ناوى ينزل برنامجه على النت حتى لا يكون تحت رحمة احد .!!بس ارجع اقولك تفتكر لو قعد يقول من هنا لبكرة حيعمل تأثير ؟؟بصراحة ماشايفة لها حل الا من عند ربنا سبحانه وتعالى ما قصدى على السلطة بس...لألألألأقصدى علينا احنا كمصريين وعلى سلوكنا الاجتماى وللاسف(المتدهور) احتراماتى.

    ReplyDelete