Late Night Stories حكاوى آخر الليل

في النهار تولد الحكايات .... وفي أول الليل نحكيها .... وفي آخر الليل أسمع أحلى الحكايات

: Name: Ahmed Shokeir; Location: Cairo, Egypt

View my complete profile

E-mail me @

This blog is best viewed with ... Internet Explorer

Today's Quote ...

" When Israel sends a Satellite into space .. Arabs would invent a new type of Hummus "

- Dan Shiftan - The University of Haifa

Today's Quote Powered By: Shokeir

Monday, July 06, 2009

ميلودي أفلام : أفلام عربي ** أم الأجنبي

بروموهات جديدة لقناة ميلودي أفلام أعتقد أنها سوف تثير كثير من التعليقات والضجة خلال الفترة القليلة القادمة ، أكثر كثيراً من البروموهات السابقة الخاصة بتحدي الملل وبطلتها بوبي أو جوليا مع الشاب السمين ، هذا إذا وجدت طريقها إلى شاشة قناة ميلودي أفلام ، لست متابعاً للقناة ولا أدري هل فعلاً أخذت طريقها للعرض أم لا

لاحظوا الإهتمام بجميع التفاصيل المتوافقة مع عام التصوير من ملابس وديكورات والربط بينهم ، وكذلك وضع البنايتين بجوار الإستوديو في بداية الإعلان الثاني وربطهم بنفس اللقطة في الإعلان الأول

ولكنها بلاشك بروموهات جريئة وصادمة وهناك ذكاء كبير في فكرتها وإنتاجها ولايعيبها إلا الخروج العام على المألوف وخصوصاً في إعلان تايتانك ولحم رخيص ، ولايفوتنا شعار مجموعة البرومهات الرئيسي .. أفلام عربي ** أم الأجنبي .. ولا أعتقد أن النقطتين تم وضعهما إعتباطاً

الإعلان الأول

الإعلان الثاني

19 Comments:

نـــــــــــــور said...: تصدق
ربنا يجزيك خير يابشمهندس والله انا سمعت الاعلانات دى مرتين وكل مره اقول اموت وافهم ايه القرف ده والله انا مافاهمه اصلا بتاعت ايه ولا لايه اساسا!!!!!!!
بس والله انا بصراحه بقيت بقرف من اى اعلان اسمعه وكلها بقت مستفزه
تكره الواحد فى المنتج مش تخليه يشتريه!!; July 06, 2009 11:00 PM
مخبر قمل دولة said...: قلة ادب .. حقيقي
لكن مانكرش ان ميلودي دول دماغهم عالية اوي الصراحة ..
في حاجة حضرتك نسيتها .. وهو ظهر عوامل تقدم السن على تهامي باشا ووديع كمان
حاجة كمان انا مافهمتهاش .. وهو موضوع البنايتين ده .. يعني ايه " وضع البنايتين بجوار الإستوديو في بداية الإعلان الثاني وربطهم بنفس اللقطة في الإعلان الأول "
البنايتين اصلا مالهمش وجود في البرومو الاول
انا مش فاهم قصد حضرتك; July 06, 2009 11:19 PM
جاد الربيع said...: أحلى حاجة في إعلان روكي، دخلته مع الموسيقى و هوا بيقول "صباح الفل على عمي و عم الإنتاج السينيمائي ف مصر، تهامي باشا"

أنا قاعد بعيد في اللقطة دي من ربع ساعة

الأكتر من اللبس و الديكور، طريقة التصوير و الألوان نفسها اللي تم اختيارها عشان تناسب زمن المشهد

أعتقد إن الحكمة الخالدة في الفيديو هي" يعني مفيش بطل و مفيش قاضية؟" و هي دي الجملة اللي ممكن تختصر إنتاجنا السينيمائي الجميل; July 06, 2009 11:20 PM
Desert cat said...: انا الحمد لله بتفرج على التى فى طشاش واخرى
كام مسلسل الواحد مش عنده مرارة; July 06, 2009 11:58 PM
زمان الوصل said...: مشكلة إعلانات ".. أم الأجنبى" أنّها صعب أن تُفهَم دون أن تشاهدها و تشاهد كيفية كتابة "الشعار" فى نهايتها .. أوّل مرّه شفت إعلان فيلم "روكى" لم أصدّق أن يكون هذا هو الشعار الذى يمكن أن يصاحب الحمله !! صحيح إعلانات "ميلودى" وقحه بشكل معروف لكن مش للدرجه دى .. و بعدين إعلان "تايتانيك" ده اتعرض فعلا ؟!! أنا أوّل مرّه أشوفه من خلال المدوّنه هنا لكن إعلان "روكى" شاهدته بالفعل على القناه ..

بالنسبه لملاحظاتك القويه على التغيّرات اللىّ حصلت من سنة 75 لسنة 95 -مع إن تايتانيك على ما أظن أنتج ما بين 97 ل 98- بس مش مشكله .. ملاحظات فى الجول فعلا بس الكاسيت اللىّ "وديع" شغّل عليه موسيقى "تايتانيك" كان عتيق أوى بالنسبه لهذا الوقت و شكله كان موجود من الإعلان السابق !! صورة "تهامى" كمان تم تغييرها لتعكس التقدّم فى السن ده غير أن الإعلان الأوّل كان يشير لعدد السينمات التى عرض بها الفيلم بينما فى الثانى كان التركيز على عدد نسخ الفيديو التى طبعت .. الإعلان كمان طويل نسبيا مع الإقرار بطرافة الفكره لكنّها تبدو إعلانات استعراضيه يريد بها صاحبها أن يقول أنا باعمل إعلان للإعلان عن نفسى و عن مواهبى و أفكارى الجديده حتى لو كان اقتصاديا طويل مقارنة بغيره من الإعلانات .. حاجه كده شبه إعلانات "موبينيل" مبهره لكنّها لا تقنعك بتغيير الشبكه ..; July 07, 2009 12:06 AM
Anonymous said...: ... أم ميلودى

بس بصراحة

احلى حاجة انك اترت لفظة

المألوف(

فى جملة

الخروج العام على المألوف

بدل

الذوق العام)

هو انت منفتح اوى للدرجة دى; July 07, 2009 1:37 AM
karakib said...: di elet adab 3ala fekra; July 07, 2009 5:38 AM
على باب الله said...: انا شخصياً عاجباني الإعلانات دي جداً ، بس واضح من الإعلان التاني أنهم قاصدين يعملوا للمشاهد نوع من الصدمة .. يمكن لأنهم لاحظوا أن الحكاية دي بتعمل دعاية أكبر للإعلان و بالتالي للقناة; July 07, 2009 1:42 PM
خمسة فضفضة said...: السلام عليكم ورحمة الله وبركاته

اول مره اشوف اعلان تايتنك هنا اما روكي فاكل مافتح ميلودي الاقيه مع اني مش بافتحها الا بالصدفه

اول مره شفته فيها عجبني جدا علي فكره اعلان معمول بمزاج ومصروف عليه ومرعيين فيه كل حاجه تخليك تحس انه فعلا انتاج السبعينات لحد ما وصل لجملة النهاية بتاع ام الاجنبي دي
في الاول مافهمتش كنت فاكرهم يقصدوا يعني ان السنيما العربيه ام السنيما زي مصر كده ام الدنيا
اه والله افتكرت كده
هههههههههه
وبعدين مش عارفه مين قال عليها علي تويتر فاعرفت الحقيقه المُره
وده مش غريب علي ميلودي اللي بدعت اعلانات الوقاحه

ولسه ياما هانشوف; July 07, 2009 2:06 PM
Foxology said...: كالعادة تخرج علينا ميلودى افلام باعلاناتها الصادمة الوقحة المخالفة للذوق العام ضاربة كل الأخلاقيات بعرض اكبر حائط فى عالم الأعلام

!!!; July 07, 2009 11:41 PM
قلم جاف said...: هل لا يوجد لدينا منتجون يفكرون بتلك العقلية التي يفكر بها تهامي بيه؟ مجرد سؤال.. هذا أولاً..

ثانياً..تايتانيك سمج ويستاهل ..وتعجبني وبشدة فكرة التقليد والتهكم على نسخ الأفلام الأصلية التي ظهرت في الإعلانين .. والفيلمين بصراحة "ملقف" إن كان روكي ولا تايتانيك .. وفيهم مشاهد تستحق السخرية.. سواء بالنسبة للبيه سلفستر استنوني ولا جيمز باشا كاميرون عم العنصرية والتطرف..; July 08, 2009 11:56 PM
Anonymous said...: على فكرة انا مش فاهمة اعلان روكى دا خالص عايز يقول ايه و مشوفتش اعلان تايتنك; July 09, 2009 2:17 AM
دودو said...: منقدرش ننكر فضل ميلودى

ولاننسى دورها العظيم فى نشر القباحة

وللاسف كل مرة بيعملوا حاجة
بنتصدم الاول
وبعدين كلة بعد كدة بيبقى عادى

بس انا لسة قدامى شوية على مااقدر اتجاوز صدمة اعلان لحم رخيص

مبدعين حقيقى

فعلا ....ام ميلودى; July 09, 2009 12:08 PM
مـحـمـد مـفـيـد said...: أن لم تستحي فأفعل ما شئت; July 09, 2009 12:44 PM
أسوور said...: نفسى اعرف انت بتعرف الحاجات دى ازاى ... معرفتش ان السى ان ان كتبت الا لما انت قلتلى فى التعليق

شكرا ليك يا باشا بس عايزة اعرف بتلحق تعرف كل حاجة ازاى؟؟ ... تكونش انت مراسل السى ان ان وانا مش عارفة

:)))

تحياتى الطيبة; July 09, 2009 4:21 PM
ياسين said...: حملات ميلودي دائما تعجبني والسبب هو "الخروج العام على المألوف!" بدل التكرار الملل والبروموهات تحفة فعلاً، وهي على فكرة حملة كبيرة ولسّه فيه إعلانات كتير جايه في السكة بعد ما ميلودي اشترت حق استغلال وعرض وتسويق أكثر من 400 فيلم من تراث السينما المصرية بـ 15 ميلون دولار.. مستني أشوف هايعملوه إيه في الأفلام القديمة الأبيض وأسود :); July 15, 2009 10:42 AM
Ahmed said...: ماذا عساي أن أقول؟
اللهم إنا نسألك رد القضاء
إنحطاط أخلاقي منبثق من البعد عن الفضيلة

لا حول و لا قوة إلا بالله العلي العظيم
لا حول و لا قوة إلا بالله العلي العظيم
لا حول و لا قوة إلا بالله العلي العظيم; July 15, 2009 9:52 PM
Anonymous said...: الاعلان بتاع روكى بايخ جدا ومصارعة بايخة واعلان ميت مكملتوش غير مرة واحده اما بتاع رشا قنبلة طبعا هو فى صياعة اوى بس فكرته قوية بدليل انك لو نزيت الشوارع هتلاقى فى اوساط الشاباب بيكلموا بعض بجملتين
تهامى باشا
ايوة كده يا وديع

ناس كتير اوى بتقولهم حالا
المشكلة الكبرى ان منتدى اسمه روسيا اليوم واحد عمل موضوع وشتم فى الاعلان وفى مصر والافلام المصرية وكبر الموضوع اوى وعضو واحد رد عليه وقعدوا يردوا على بعض يريت نشارك فى الحوار والله انا اشتركت مخصوص فى المنتدى عشان اهزئه

http://forum.rtarabic.com/showthread.php?t=6465

شاكرين لكم حسن تعاونكم; August 04, 2009 4:51 PM
Anonymous said...: على فكره الإعلان دا غبى جدا جدا ... و مينفعش قلة الأدب دى; August 23, 2009 3:51 AM