Monday, July 06, 2009

ميلودي أفلام : أفلام عربي ** أم الأجنبي





بروموهات جديدة لقناة ميلودي أفلام أعتقد أنها سوف تثير كثير من التعليقات والضجة خلال الفترة القليلة القادمة ، أكثر كثيراً من البروموهات السابقة الخاصة بتحدي الملل وبطلتها بوبي أو جوليا مع الشاب السمين ، هذا إذا وجدت طريقها إلى شاشة قناة ميلودي أفلام ، لست متابعاً للقناة ولا أدري هل فعلاً أخذت طريقها للعرض أم لا

لاحظوا الإهتمام بجميع التفاصيل المتوافقة مع عام التصوير من ملابس وديكورات والربط بينهم ، وكذلك وضع البنايتين بجوار الإستوديو في بداية الإعلان الثاني وربطهم بنفس اللقطة في الإعلان الأول

ولكنها بلاشك بروموهات جريئة وصادمة وهناك ذكاء كبير في فكرتها وإنتاجها ولايعيبها إلا الخروج العام على المألوف وخصوصاً في إعلان تايتانك ولحم رخيص ، ولايفوتنا شعار مجموعة البرومهات الرئيسي .. أفلام عربي ** أم الأجنبي .. ولا أعتقد أن النقطتين تم وضعهما إعتباطاً



الإعلان الأول



الإعلان الثاني


19 comments:

  1. تصدق
    ربنا يجزيك خير يابشمهندس والله انا سمعت الاعلانات دى مرتين وكل مره اقول اموت وافهم ايه القرف ده والله انا مافاهمه اصلا بتاعت ايه ولا لايه اساسا!!!!!!!
    بس والله انا بصراحه بقيت بقرف من اى اعلان اسمعه وكلها بقت مستفزه
    تكره الواحد فى المنتج مش تخليه يشتريه!!

    ReplyDelete
  2. قلة ادب .. حقيقي
    لكن مانكرش ان ميلودي دول دماغهم عالية اوي الصراحة ..
    في حاجة حضرتك نسيتها .. وهو ظهر عوامل تقدم السن على تهامي باشا ووديع كمان
    حاجة كمان انا مافهمتهاش .. وهو موضوع البنايتين ده .. يعني ايه " وضع البنايتين بجوار الإستوديو في بداية الإعلان الثاني وربطهم بنفس اللقطة في الإعلان الأول "
    البنايتين اصلا مالهمش وجود في البرومو الاول
    انا مش فاهم قصد حضرتك

    ReplyDelete
  3. أحلى حاجة في إعلان روكي، دخلته مع الموسيقى و هوا بيقول "صباح الفل على عمي و عم الإنتاج السينيمائي ف مصر، تهامي باشا"

    أنا قاعد بعيد في اللقطة دي من ربع ساعة


    الأكتر من اللبس و الديكور، طريقة التصوير و الألوان نفسها اللي تم اختيارها عشان تناسب زمن المشهد

    أعتقد إن الحكمة الخالدة في الفيديو هي" يعني مفيش بطل و مفيش قاضية؟" و هي دي الجملة اللي ممكن تختصر إنتاجنا السينيمائي الجميل

    ReplyDelete
  4. انا الحمد لله بتفرج على التى فى طشاش واخرى
    كام مسلسل الواحد مش عنده مرارة

    ReplyDelete
  5. مشكلة إعلانات ".. أم الأجنبى" أنّها صعب أن تُفهَم دون أن تشاهدها و تشاهد كيفية كتابة "الشعار" فى نهايتها .. أوّل مرّه شفت إعلان فيلم "روكى" لم أصدّق أن يكون هذا هو الشعار الذى يمكن أن يصاحب الحمله !! صحيح إعلانات "ميلودى" وقحه بشكل معروف لكن مش للدرجه دى .. و بعدين إعلان "تايتانيك" ده اتعرض فعلا ؟!! أنا أوّل مرّه أشوفه من خلال المدوّنه هنا لكن إعلان "روكى" شاهدته بالفعل على القناه ..

    بالنسبه لملاحظاتك القويه على التغيّرات اللىّ حصلت من سنة 75 لسنة 95 -مع إن تايتانيك على ما أظن أنتج ما بين 97 ل 98- بس مش مشكله .. ملاحظات فى الجول فعلا بس الكاسيت اللىّ "وديع" شغّل عليه موسيقى "تايتانيك" كان عتيق أوى بالنسبه لهذا الوقت و شكله كان موجود من الإعلان السابق !! صورة "تهامى" كمان تم تغييرها لتعكس التقدّم فى السن ده غير أن الإعلان الأوّل كان يشير لعدد السينمات التى عرض بها الفيلم بينما فى الثانى كان التركيز على عدد نسخ الفيديو التى طبعت .. الإعلان كمان طويل نسبيا مع الإقرار بطرافة الفكره لكنّها تبدو إعلانات استعراضيه يريد بها صاحبها أن يقول أنا باعمل إعلان للإعلان عن نفسى و عن مواهبى و أفكارى الجديده حتى لو كان اقتصاديا طويل مقارنة بغيره من الإعلانات .. حاجه كده شبه إعلانات "موبينيل" مبهره لكنّها لا تقنعك بتغيير الشبكه ..

    ReplyDelete
  6. ... أم ميلودى

    بس بصراحة



    احلى حاجة انك اترت لفظة

    المألوف(

    فى جملة

    الخروج العام على المألوف

    بدل

    الذوق العام)

    هو انت منفتح اوى للدرجة دى

    ReplyDelete
  7. انا شخصياً عاجباني الإعلانات دي جداً ، بس واضح من الإعلان التاني أنهم قاصدين يعملوا للمشاهد نوع من الصدمة .. يمكن لأنهم لاحظوا أن الحكاية دي بتعمل دعاية أكبر للإعلان و بالتالي للقناة

    ReplyDelete
  8. السلام عليكم ورحمة الله وبركاته

    اول مره اشوف اعلان تايتنك هنا اما روكي فاكل مافتح ميلودي الاقيه مع اني مش بافتحها الا بالصدفه

    اول مره شفته فيها عجبني جدا علي فكره اعلان معمول بمزاج ومصروف عليه ومرعيين فيه كل حاجه تخليك تحس انه فعلا انتاج السبعينات لحد ما وصل لجملة النهاية بتاع ام الاجنبي دي
    في الاول مافهمتش كنت فاكرهم يقصدوا يعني ان السنيما العربيه ام السنيما زي مصر كده ام الدنيا
    اه والله افتكرت كده
    هههههههههه
    وبعدين مش عارفه مين قال عليها علي تويتر فاعرفت الحقيقه المُره
    وده مش غريب علي ميلودي اللي بدعت اعلانات الوقاحه

    ولسه ياما هانشوف

    ReplyDelete
  9. كالعادة تخرج علينا ميلودى افلام باعلاناتها الصادمة الوقحة المخالفة للذوق العام ضاربة كل الأخلاقيات بعرض اكبر حائط فى عالم الأعلام

    !!!

    ReplyDelete
  10. هل لا يوجد لدينا منتجون يفكرون بتلك العقلية التي يفكر بها تهامي بيه؟ مجرد سؤال.. هذا أولاً..

    ثانياً..تايتانيك سمج ويستاهل ..وتعجبني وبشدة فكرة التقليد والتهكم على نسخ الأفلام الأصلية التي ظهرت في الإعلانين .. والفيلمين بصراحة "ملقف" إن كان روكي ولا تايتانيك .. وفيهم مشاهد تستحق السخرية.. سواء بالنسبة للبيه سلفستر استنوني ولا جيمز باشا كاميرون عم العنصرية والتطرف..

    ReplyDelete
  11. على فكرة انا مش فاهمة اعلان روكى دا خالص عايز يقول ايه و مشوفتش اعلان تايتنك

    ReplyDelete
  12. منقدرش ننكر فضل ميلودى

    ولاننسى دورها العظيم فى نشر القباحة

    وللاسف كل مرة بيعملوا حاجة
    بنتصدم الاول
    وبعدين كلة بعد كدة بيبقى عادى

    بس انا لسة قدامى شوية على مااقدر اتجاوز صدمة اعلان لحم رخيص

    مبدعين حقيقى

    فعلا ....ام ميلودى

    ReplyDelete
  13. أن لم تستحي فأفعل ما شئت

    ReplyDelete
  14. نفسى اعرف انت بتعرف الحاجات دى ازاى ... معرفتش ان السى ان ان كتبت الا لما انت قلتلى فى التعليق

    شكرا ليك يا باشا بس عايزة اعرف بتلحق تعرف كل حاجة ازاى؟؟ ... تكونش انت مراسل السى ان ان وانا مش عارفة

    :)))

    تحياتى الطيبة

    ReplyDelete
  15. حملات ميلودي دائما تعجبني والسبب هو "الخروج العام على المألوف!" بدل التكرار الملل والبروموهات تحفة فعلاً، وهي على فكرة حملة كبيرة ولسّه فيه إعلانات كتير جايه في السكة بعد ما ميلودي اشترت حق استغلال وعرض وتسويق أكثر من 400 فيلم من تراث السينما المصرية بـ 15 ميلون دولار.. مستني أشوف هايعملوه إيه في الأفلام القديمة الأبيض وأسود :)

    ReplyDelete
  16. ماذا عساي أن أقول؟
    اللهم إنا نسألك رد القضاء
    إنحطاط أخلاقي منبثق من البعد عن الفضيلة

    لا حول و لا قوة إلا بالله العلي العظيم
    لا حول و لا قوة إلا بالله العلي العظيم
    لا حول و لا قوة إلا بالله العلي العظيم

    ReplyDelete
  17. الاعلان بتاع روكى بايخ جدا ومصارعة بايخة واعلان ميت مكملتوش غير مرة واحده اما بتاع رشا قنبلة طبعا هو فى صياعة اوى بس فكرته قوية بدليل انك لو نزيت الشوارع هتلاقى فى اوساط الشاباب بيكلموا بعض بجملتين
    تهامى باشا
    ايوة كده يا وديع

    ناس كتير اوى بتقولهم حالا
    المشكلة الكبرى ان منتدى اسمه روسيا اليوم واحد عمل موضوع وشتم فى الاعلان وفى مصر والافلام المصرية وكبر الموضوع اوى وعضو واحد رد عليه وقعدوا يردوا على بعض يريت نشارك فى الحوار والله انا اشتركت مخصوص فى المنتدى عشان اهزئه

    http://forum.rtarabic.com/showthread.php?t=6465

    شاكرين لكم حسن تعاونكم

    ReplyDelete
  18. على فكره الإعلان دا غبى جدا جدا ... و مينفعش قلة الأدب دى

    ReplyDelete