Thursday, November 12, 2009

يومان قبل .. مبارة مصر والجزائر 2009


رسالة إلى زوجتي العزيزة




بالنيابة عن جميع الأزواج عشاق كرة القدم أقدم هذه الرسالة إلى زوجاتهم

زوجتي العزيزة

إسمحي لي أن أخبرك بأنه لم يتبقى سوى يومان على مباراتنا مع الجزائر ، وبهذه المناسبة تقبلي تحياتي وإليك التوجهيات الآتية


واحد : يجب أن تعرفي جيداً ظروف تلك المبارة ، وإن كانت معلوماتك ضعيفة فهناك صفحات الرياضة بالصحف ومواقع الإنترنت ، فيجب ان تكوني على دراية كاملة إذا كنتي تريدين أن تدخلي في حوار معي كما تفضلين دئماً ، لأن أي حوار آخر أو حوار ذو معلومات ضعيفة لن يجدي وسوف يقابل باللامبالة التامة ، ممنوع الشكوى

إتنين : خلال اليومين القادمين التلفزيون لي وحدي وكل الوقت وليس وقت المباريات فقط بدون أي استثناء وأي محاولة لأخذ الريموت سوف تقابل بكل حزم ، ممنوع الهزار

ثلاثة : خلال المبارة مسموح بالمرور أمام التلفزيون طالما أنه سوف يكون بسرعة وفي مرات محدودة ، ويجب أن تعلمي أن هذا الوقت غير مناسب بتاتاً لأي علاقات زوجية خاصة ، فتلك الدقائق سوف تكون عصيبة على الجميع

أربعة : خلال المبارة .. أنا مابسمعش ومابشوفش غير الماتش ، ومابتكلمش إلا إذا كنت عايز بيبسي واحد لتر ، فلا داعي للأحاديث العامة عن الأهل والأصدقاء والجيران واللي حصل في الشغل ، جرس التليفون والموبايل والباب من مسؤلياتك الكاملة خلال تلك الأيام

خمسة : فكرة جيدة أن تكون هناك في الثلاجة المشروبات الغازية والعصائر ولامانع من بعض الشيبسي والذي منه ، مافيش داعي لنظرات وإيماءات بالوجه سواء إيجابية أو سلبية فهي بالنسبة لي سوف تكون كلها سلبية ، في المقابل سوف يمكنك إستخدام التليفزيون في تلك الايام في الفترة من الثانية صباحا وحتى السادسة صباحا شرط عدم وجود برامج رياضية في تلك الفترة

سته : أرجوكي ارجوكي أرجوكي لو شفتيني متضايق أثناء المبارة ، من فضلك ممنوع التعليقات من نوعية ماتضايقش نفسك دي مجرد لعبة أو هما برده لعبوا كويس ، عشان لو قلتي كلام زي سوف تكون نتيجته زيادة كمية غضبي وضيقي أكتر ، وتذكري أنك لا تعرفي كرة أكثر مني

سبعة : مرحبا بك بالجلوس بجانبي خلال المبارة ، ومن الممكن أن تتحدثي معي خلال الإستراحة طالما أنه ليس هناك تحليل فني وطالما كانت نتيجة وأداء الشوط الأول مرضية بالنسبة لي ، ودائما تذكري للمرة الثانية أن وقت المبارة ليس مناسب تماما لفكرة قضاء وقت ممتع معاً

تمانية : إعادة الأهداف مهمة جدا بالنسبة لي حتى لو إتعادت ألف مرة فلا يهم كم مرة شاهدتها فأنا أريد ان أشاهدها ثانياً وثالثاً ورابعاً ، بعد المبارة البرنامج الرياضي مهم جداً تماما مثل المبارة وهما بيعيدوا اللقطات المهمة ، همهمات من نوعية مش خلاص الماتش خلص أو مش إنت شفت الحاجات دي ، سوف تكون له آثار سلبية عليا وعليكي وعلى البيت

تسعة : مع نهاية المبارة لا أريد سماع كلمات حمد وشكر من الله إن المبارة خلصت أو الحمد لله أن كأس العالم كل أربع سنين لأني سوف أكون في حالة مزاجية غير لذيذة

وختاما أتمنى لك وقتا ممتعاً ، شاكرين حسن تعاونك معنا

المخلص للأبد

زوجك الغالي


---------------------

نشرتها هنا للمرة الأولى عام 2006 في نهائيات كأس العالم 2006

21 comments:

  1. حلوة و مناسبة للماتش يا رب نكسب

    ReplyDelete
  2. ده زوج محترم جدا :D
    على فكرة

    ReplyDelete
  3. هااااااا
    يا لهوى ع الرجالة ؟!
    إيه الإفترا دا
    طب منا بشجع كورة
    و جدا
    مبعملش كدا لييييه
    بس تصدق يظهر فعلاااا
    انها طقوس رجالى بحتة
    اصل اخويا وقت أى ماتش
    بيتفرج فى اوضة
    و انا فى اوضة
    و كل شوية اروحله عشان
    أعلق على كورة و امشى
    الاقيه مش معايا خالص ...
    واقوله اشمعنى بتتفرج على الماتش
    مع اصحابك على القهوة يعنى
    و مبتقعدشى معايا نتفرج سوا ؟!!!
    ميردش
    و الله تعليقاتى مش خيبة
    و بفهم حبتين يعنى
    دنا بشجع كورة من ربع قرن يا ظلمة
    بس انتوا عاوزينها جمع مذكر سالم بس
    ماشى ماشى
    طييييييييب
    اللى عاوز بيبسى يقوم يجيب لنفسه بقى
    مش فاضيين احنا
    ونتقابل بعد آخر برنامج
    فى القنوات الرياضية يا أستاذنا
    إن شاء الله نقول مبروك
    و لو انى غير متفائلة
    بس مين عالم ؟؟؟
    بوست واقعى جدا
    و لطيف جدا
    و ف وقته جدا
    خالص ودى ليك

    ReplyDelete
  4. ياااه ..
    البوست ده من 2006 بس؟ مش عارفه ليه حاسّه إنّه كان ممكن يبقى مفهوم سنة 89 مثلا قبل تأهل "مصر" للمشاركه فى تصفيات 1990

    بس بعد ما بقت البنات تظهر -أكتر من الاولاد- فى عدسات مصوّرى المباريات الرياضيه و بقوا همّا فاكهة المشهد الرياضى الكروى شايفه إن الصوره بسبيلها للتغيّر خالص .. بدليل الزوجه المصريه التى اختلفت مع زوجها الجزائرى بسبب الماتش فسابت البيت و خدت العيّل ابنها معاها و الزوج راح يشتكى للسفير المصرى :) و أقتبس من "سعاد حسنى" الجمله الشهيره التى أمقتها بشدّه بس معلش نستلفها فى التعليق و نرجّعها تانى : الست خلااااااااااص بقت وزيره و سفيره و انتو لسّه فاكرينها مش بتتفرّج ع الكوره و مش هتستقل بجهاز تليفزيون لوحدها تتفرّج بعيد عن صريخكم و زعقيكم و معاها احتياجاتها من بيبسى و فيشار و شيبسى و خلافه و يمكن تعزم صاحباتها يتفرّجوا معاها و تكرُش الزوج يتفرّج ع القهوه مقابل المشاريب :)) و مش بعيد بعد كام سنه يبقى فيه قهاوى للستّات بس تتابع فيها الماتشات براحتها إيه اللىّ يمنع !!

    مش قادره بصراحه أدعى و أقول يا رب "مصر" تكسب من ساعة ما عرفت إن كل لاعب سينول -فى حالة المكسب- اتنين مليون جنيه حسب كلام سى "سمير ظاهر" !! بصراحه مش قادره أتمنّى لهم الفوز من قلبى بسبب العته فى الإنفاق الذى يصاحب هذا المكسب و فى الآخر هيروحوا و يرجعوا و يقولوا لنا كفايه التمثيل المُشرّف .. أنا خلاص كرهت التمثيل بكل أنواعه اللىّ تشرّف و اللىّ تكسف

    ReplyDelete
  5. هههههههههههههههههههههههههه

    جامدة اوى بجد النصايح العشر دى قبل المبارة

    ياااااارب

    ^_^

    ReplyDelete
  6. مش ممكن.. فطستني من الضحك والله.. حلو اوي البوست دا.. 1 ، 4 ، 6 ، 8 احلى نصايح عجبتني.. بس الواحدة والنبي تتثقف كرويا منين وازاي؟ صحيح انا جوزي مش متعصب في العادة لكن اوقات المباريات المهمة بيكون مركز تماما واحب اكون برضه معاه على نفس اللينك
    تحياتي

    ReplyDelete
  7. صدقني انت راجل عسل يا عم أحمد

    ReplyDelete
  8. جميل يا باشمهندس احمد
    بجد حضرتك بتبهرنى ببوستاتك القيمة
    الله يباركلك

    ReplyDelete
  9. ممكن نسخة بالإنجليزي يأبو حميد علشان مراتي التانية الفلبينية .. just kidding

    ReplyDelete
  10. ربيع مالوش فى الوش ده و لكم احمد الله على ذلك
    بس بص بقى ده اسمه استبداد يا رجالة يا مفتريه
    ده غير انه يوم عيد جوازنا
    حبكت يعنى ؟؟؟

    ReplyDelete
  11. ههههههههههههههه
    طيب انا بقول نص الكلام ده لماما يا استاذ احمد
    بس بجد
    البوست ده كله شقاو وخفة دم
    الصراحه عشره على عشره
    انا هكتب الوصايا العشر دي واعلقها في البيت عالرسيفر

    ReplyDelete
  12. ما هو لو مكنتوش تبطلوا تفتروا على الستات الغلابة
    كانوا التلات إجوان جم و خلصنا
    بس عموماً
    مبروك يا أستاذنا
    و لو انها جت بطلوع الروح
    و بعد يأس قاتل امتد لآخر ثانية
    من الوقت الأضافى
    بس أهو فرصة تانية
    زى الملحق بتاع المدرسة كدا ....
    و لا المادة بتاعة الكلية اللى
    بنمتحنها دور تانى
    بس هقول اللى قولته لنفسى وقتها ...
    العبرة بالخوايتم
    و المهم ننجح فى الآخر
    و نعدى
    و ناخد التقدير و بس
    اتمنى يشدوا حيلهم فى السودان بقى
    و يبطلوا يكسفونا الكسفات الفحقلى
    دى كل شوية
    خالص ودى ليك
    و تحياتى لزوحتك العزيزة
    و كل الزوجات العزيزات
    و عشان تعرفوا إننا غلاااااابة
    و اللى بييجى علينا ميكسبش
    غير اتنين صفر
    و بس

    ReplyDelete
  13. باموت في البوست ده يا أحمد...

    ألف مبروك لمصر وان شاء الله تكمل فرحتنا يوم الأربعاء القادم

    ReplyDelete
  14. و انا برده بقول انا قريت الكلام ده قبل كده فين .. كويس انك نوهت ف اخر البوست .. و الحمد لله ربنا نصرنا و ربنا يتم نصره علينا .. امين

    ReplyDelete
  15. oh my god... i'm sooo imparesed.... i'm sooo sorry... i did not read the discription about the song.... this is an old song about getting over problems and move on. has nothing to do about this comment... oh my GOD... I'm sorry....
    i did not read it untill now nov.16 6: am your time please forgive.
    five days ago i was reading the titil for my massege, and iwas unhappy because i said "this" i thought you might understand the massege in a wrong way... oh may god!!! i was thinking who it is so nice to have that kind of trust in people that you let them be your friends... i was thinking it is not apropreat to call you by your first name!!! i was thinking i should send you an appology just for that!!! forgive me .. i'm too new to youtube and blog tech.
    now i reilaze thad i have been awaaaaaay from life for so long.
    please.. please.. lesten to the song it is long pome with music from 70's .
    oh my god... i'm sooo imparesed.... i'm sooo sorry... i did not read the discription about the song.... this is an old song about getting over problems and move on. has nothing to do about this comment... oh my GOD... I'm sorry....
    i did not read it untill now nov.16 6: am your time please forgive.
    five days ago i was reading the titil for my massege, and iwas unhappy because i said "this" i thought you might understand the massege in a wrong way... oh may god!!! i was thinking who it is so nice to have that kind of trust in people that you let them be your friends... i was thinking it is not propreat to call you by your first name!!! i was thinking i should send you an appology just for that!!! forgive me .. i'm too new to youtube and blog tech.
    now i reilaze thad i have been awaaaaaay from life for so long.
    please.. please.. lesten to the song it is long pome with music from 70's . azza atwan@facebook

    ReplyDelete
  16. Time sheds it's hours
    Like a tree sheds it's leaves
    Life is made of give and take
    And each day carries new beliefs
    For each ship about to sail,
    There are thousand returning
    And for every new born love,
    There's million lovers parting

    If in your thoughts,you must measure time into seasons
    Let it's seasons in circles only other seasons
    and farewell to yesterday is today's dream

    Though yesterday plays no more it's melodies
    And it driftsaway like the clouds above the sea
    Leaving me tonight with my joys and tears behind
    And so distant light in the corner of my mind

    Though yesterday slowly walked away from me
    Through the morning haze it has gone in harmony
    There is no protest in my soul
    There's no disguise
    There are no regret and no sorrow in my eyes

    Chorus:
    For tomorrow's memories fill my heart
    For tomorrow's memories only start
    There's new song for each morning
    And my life is just beginning everyday
    For tomorrow's memories fill my heart
    For tomorrow's memories only start
    Through the sound of distant drumming
    There's a thousand hopes are rising everyday,every way

    When you went away you shattered all my dreams
    As a north wind waste the flowers and the trees
    Spreading on the ground all the fragments of my life
    Sleeping stars around in the summer sky above

    Now the rain has gone
    And the sun is breaking through
    And what's done is done
    There is no use in feeling blue
    Though I loved you so
    you'll never hear me sigh
    Now I had the blow
    There in no reason to cry

    Chorus

    Someone who cares can paint your world in blue
    Someone who shares can make your dreams come true
    And life is like a shooting star so bright

    Chorus

    Now the rain has gone
    And the sun is breaking through
    And what's done is done
    There is no use in feeling blue

    ReplyDelete
  17. ادينا أتهزمنا ياأستاذ أحمد
    ايه نصيحتك دلوكيتى بجى:)
    متهيأللى تاخد شنطتها
    وعيالها وتروح لمامتها:)
    هاردلك وخيرها فى غيرها:(

    ReplyDelete
  18. tesada2 bellah .. ana ostafazeet :)
    Abeer

    ReplyDelete