Monday, November 23, 2009

ماتزعليش يامصر



للتكبير .. إضغط على الصورة


تحولت حالة الغضب التي إنتابتنا خلال الأيام القليلة إلى حالة إرتباك .. إرتباك شديد فنحن لانعرف ماذا حدث وماذا يحدث ، ولماذا يهاجمنا الجميع ، مرتبكون لأننا وجدنا أنفسنا في لحظة غدر نحن المتهمين بالفوضى والشغب والبعد عن الروح الرياضية ، متهمين لأننا أحسسنا بالظلم وبدلاً من دعم الآخرين وجدناهم لايصدقون بل ويكادوا يفرحون فينا ، مرتبكون لأننا شعرنا بعيون تداري سعادة داخلية لما حدث لنا ، مرتبكون لأننا وجدناهم لا يتفهموا أن الإهانة كانت جارحة في مشهد يبدو عبثيا ظلامياً مصر مع الجزائر على أرض السودان .. بعدها يصل بك الوضع لأنك تهرول مذعوراً ، أمن يحميك من إهانتهم ، تخلع قميصك الذي يكشف عن مصريتك ، تتنصل من هويتك ، تخفي علم بلادك ، ولو كان هناك علم للجزائر لإلتحفت به رعباً في مواجهة لم تكن تتوقعها .. الصدمة قاسية والأقسى هو تهوين الأمر وإنكاره وعدم تصديقه .. إحساس يدعو للإرتباك في مشهد عبثي .. لاتقل مبارة كرة .. الصدمة ليست في نتيجة المبارة .. كلنا تقبلنا النتيجة بعدها مباشرة .. وكلنا كان راض .. فقد فعلنا مانستطيع لم نتهاون وكنا على مستوى المواجهة فلم يظهر فريقنا بمستوى سيئ ولم يحمل نتيجة ثقيلة ... خرجنا راضيين عن مصر ونحبها وكتبنا كلنا على الفيس بوك ومواقعنا الجملة الشهيرة التي عبرت عن أحاسيسنا


إتْغِلْبي يامصر ولا يِهِمِّك ولا يفرق ولا يحرَق دَمِّك ، والله مسامحِك وبحبك ، ولا فوز هيزيدك يا جميلة ، ولا غُلب العالم هايقلك

مرتبكون لأن الصدمة فيما حدث أربكتنا .. مرتبكون للإنكار وعدم التصديق .. مرتبكون لفرحة التشفي التي رأيناها في عيون البعض .. مرتبكون لأن بعض الأقلام التي نعتبرها مصرية ونحترمها .. أظهرت تشفي فيما حدث لأسباب شخصية .. مرتبكون لكتابات مدونون مثلنا مصريون خلطوا الأوراق وزايدوا وهاجموا لأننا ليست لنا كرامة في بلدنا فلماذا نطلبها الآن .. مرتبكون لأن المفاجأة لم تكن من الجزائر فقط .. ولا من العرب فقط .. ولكن من كتابنا ومدونينا .. كتابات بدت مريضة ولهجة نشاز بدّلت حالة الغضب لحالة إرتباك ، ولكن أحياناً هناك من غير بلدك من يعيد لك بعض التوازن .. من هناك من السودان .. من هناك .. من الجزائر .. وماأخترته ليس من كتاب ولا إعلاميين ولكنهم ناس زي وزيك بيقولوا اللي في قلبهم .. كلمة حق .. ماحدش هايحاسبهم ، لا حد هايصقفلهم ولا حد هايلوم عليهم

من السودان يكتب الهادي عيسى .. يجب أن نعترف .. لقد أهين المصريون في بلادنا
ومنها ... المصريون الذين تعرضوا لتلك الاهانة والاذلال وأغلبهم مثقفون وفنانون ورجال مجتمع كانوا ضيوف في بلدنا ، يجب حمايتهم حتى يعودوا سالمين الى مصر وهذا من واجبات الضيافة ، الضيافة لا تنتهي بنهاية المباراة بل بالمغادرة من المطار وهذا ما لم يحدث بعد المباراة حيث تٌرك الحبل في القارب ونحن الذين سمحنا للجزائريين ان يهينوا المصريين في بيتنا لا مجال لإنكار ذلك
لقراءة المقالة كاملة

ومن الجزائر تكتب أخت جزائرية .. لا أطيق فقدان حبكم لنا
ومنها ... لا أطيق فقدان حبكم لنا .. أقسم أني أحس كأن شخصاً عزيزاً علي قتل أمام عيني .. ولن أراه ثانية .. لقد نجحوا في تفريقك عنا يا مصر .. سأفتقد لكل نظرة حب ولكل كلمة من القلب .. سأفتقد حبك يا مصر
لقراءة المقالة كاملة

ومن السعودية .. بالأمس وفي أحد مطاعم الوجبات السريعة وبينما كنت أنتظر وجبتي للتيك أواي ، إقترب مني أحد السعوديين بثوبه الأبيض لا أعرفه ، حيّاني وسلّم عليا باليد ، ثم قال لي ماتزعلش .. والله كنا بنشجعكم وكان نفسنا تكسبوا ، سألته .. هو باين عليا أوي كده ؟ .. قالي لي مبتسماً : آه

الإرتباك يفقدك القدرة على التعبير فتصبح مشوشاً ، فلا تستطيع أن توصل للآخرين مشاعرك .. ولكن هشام عباس فعلها بكلمات وألحان رائعة وبسيطة لعزيز الشافعي تقول






آه ياغالية .. ماتزعليش يامصر

اللي يغلط في البلد دي .. واللي مش عارف قيمتها
يبقى مش عارف تاريخه .. يبقى مابيقراش تاريخها
إسأل اللي قبله كانوا .. مصر عملت إيه عشانوا
ولاّ كل التضحيات دلوقتي هانوا
آه أخويا وإبن عمي .. بس بلدي مصر أمي
يعني عندي أغلى من العالم بحاله

وآآآآه ياغالية .. آه ياغالية .. آه ياغالية
ياحبيبتي يابلدي رايتك برده عالية
وماتزعليش يامصر .. ماتزعليش .. ماتزعليش يامصر .. حقك عليّا

هنا قامت ثورة حركت العرب فاتحرروا
مدرسين ومهندسين ودكاترة راحوا وعمّروا
فنانين أُدبا وعُلما .. في السلام والحرب زُعما
واللي ناسي كل دا .. دم الشهيد يفكروا
مصر من قبل التاريخ بتاريخ وهيا
إنكتب عليها تحمي الأمة ديا
إحنا أكتر شعب شال المسؤلية
إحنا أكتر شعب حارب للقضية
مصر لو هاتنسوا .. مش هاتنسى مصر دورها
جمهورية مصر تفضل عربية

وآآآآه ياغالية .. آه ياغالية .. آه ياغالية
ياحبيبتي يابلدي رايتك برده عالية
وماتزعليش يامصر .. ماتزعليش .. ماتزعليش يامصر .. حقك عليّا

ياريت تسمعوها

26 comments:

  1. يا يا استاذ احمد
    انت قلت الي نفسي اقوله
    فعلا ارتباك
    انا هشير الاغنيه عشان كل الناس تسمعها
    ياريت نفوق بقى الموضوع مش موضوع كله يركب الموجه عشان يظهر
    خلاص فوقنا ان كلهم بيكرهونا
    واخيرا اتحدنا
    مصممين نتفرق ونطاطي تاني ليه بقى
    ما خلاص كله بان

    ReplyDelete
  2. اسمع الآن استطيع ان اتفهم كل كلمة تكتبها ,, ولكن لا استطيع فهمك او حتى التعاطف معك و انت تتحدث بعصبية شديدة البدائية .. حينها انا لا استطيع ان افرق بينكما .. بين من تعامل بهمجية و من رد بلسان مشابه ....

    ReplyDelete
  3. موافق على كلامك كله
    و لكنى رافض ماسورة الأغانى الوطنيةاللى ضربت فى البلد فجأة
    لأنها كل غنا على الناس مش ليهم
    كفاية غنا بقى زهقنا
    تقدر حضرتك تقولى لما قريت كلمات اغنية هشام عباس افتكرت ايه

    مصر دلوقتى مش هى مصر اللى فى كلمات الأغنية
    مع الأسف

    و بعدين الكرامة اه موافق اننا ناخذ حقنا بس على طووول مش مواسم مش اوقات تجيلى كرامة و اوقات لأ
    المواقف الرسمية بختار امتى تسيب المصرى يتهان و متتكلمش و امتى تتكلم
    و انا عاوز كرامة دائمة
    مش غدد بتطلع فجأة

    ReplyDelete
  4. *
    معلش تصحيح انا اقصد
    المواقف الرسمية بتختار

    ReplyDelete
  5. إتْغِلْبي يامصر ولا يِهِمِّك ولا يفرق ولا يحرَق دَمِّك ، والله مسامحِك وبحبك ، ولا فوز هيزيدك يا جميلة ، ولا غُلب العالم هايقلك

    ده الرد الوحيد على البوست الرائع ده
    انا عملتله شير عالفيس عندى بعد اذنك

    ReplyDelete
  6. احا
    متزعليش يا مصر يقوموا جايبين الصورة على شوية ممثلين وسعد الصغير وأحمد عز
    أحا...وبتقولوا احنا اللي بنخلط الاوراق
    وربنا شعب ابن قحبة يستاهل اللي بيجرى فيه

    الأغنية روعة...من حيث اللحن، كلماتها فيها مزايدات بنت قحبة

    مصر اللي الأغنية بتتكلم عليها ماتت واحنا عايشين بنتباها باللي ماتوا...وعلى رأي الشاعر

    ليس الفتى من قال كان أبي * إن الفتى من قال هاأنا ذا

    ممكن أمسك لك كل حتة في الأغنيةأطلعها لك غلط
    ممكن أمسك كل لقطة في الكليب اوريك إنها اتوظفت غلط أو إنها بتتكلم عن مصر اللي ماتت

    فوقوا بقى...اصحوا...متضحكوش على نفسكم ولا تضحكوا الناس عليكم

    ReplyDelete
  7. اللعيبة الجزايرية اتضربوا عندنا واحنا عرصنا وقلنا محدش اتضرب وقلنا مثلوا...مع إن الفيفا أثبتت الإصابات...فولنا دول ضربوا نفسهم

    لكن احنا لازم العالم كله يصدقنا، لازم العالم كله يصدق إنهم أوغاد وإحنا شعب طيب...أصل احنا ولاد وادي النيل الطيبين، وهم ولاد قحبة بربر وبيمثلوا

    لما نتضرب في السودان بشوية طوب يقولك كانت مذبحة، ولما الناس تقول بنهول نزعل

    20 واحد اتصابوا اصابات طفيفة ويتقال مذبحة...أمال غزة تبقى ايه؟؟ ما هو مفييش كلمة تتقال بعد مذبحة
    لما شوية شراميط وخولات اتضربوا بطوب وقعدوا يصوتوا شوية عملناها مذبحة وطلعناهم في الفضائيات على إنهم فدائيين يبقى نستاهل اللي بيجرى لنا

    أي واحد بيشجع كورة عارف إن بيحصل أوسخ من كده بين جمهور الأهلي والزمالك والأهلي والإسماعيلي...بيبقى ضرب وشتيمه وناس بتتعور وبهدلة بنت كلب

    بطلوا مزايدات...مش كل الدنيا غلط واحنا اللي صح

    أخدته شعب كامل بجريرة أحداث شغب تمت في ماتش كورة...هتقولوا القصة مش قصة ماتش...ماشي

    بيحصل بعد الماتشات خناقات دايما....ومش جمهور الكورة هو اللي بيعبر عن 35 مليون، حتى لو كان المشجعين دول مدفوعين من الحكومة الجزائرية، فالحكومة دي لا تمثل الشعب الجزائري كله زي ما حكومتنا بنت الوسخة لا تمثلنا ولا اختارناها

    أنا اللي فعلا مصدوم في مدونين ومثقفين وكتاب وشعراء...بقت حاجة تكسف وتحرق الدم، لأن من أبسط قواعد المنطق عدم التعميم

    مينفعش واحد يشوف العشوائيات في مصر يقوم يقول دي مصر كلها كده...ارحمونا بقى من التخلف ده

    ده احنا عيوبنا قد كده وكله حوالينا بيتقدم واحنا لسة شغالين على نغمة مصر أم الدنيا

    ReplyDelete
  8. بلد الشعارات الجوفاء والجعجعة والضحك على الدقون وكدب على شعب والرموز اصبحوا سعد الصغير ومحمد فؤاد

    ReplyDelete
  9. والله يا استاذ أحمد انا مش مزعلنى الاختلاف بيننا كمصريين فى تفسير اللى حصل وفى رد الفعل المناسب اللى يجب ان يكون خالى من المبالغة والتسفيه فى نفس الوقت ...قد ما مزعلنى تعليقات وردود افعال البعض تجاه كل وجهة نظر تعارض رأيه الشخصى ....
    المشكلة تحولت بيننا دلوقت كمصريين بشكل اكبر من مشكلتنا مع الجزائريين وباقى افراد قبيلة العرب والغير عرب

    فى النهاية اقولك...هون عليك..كفاك احساس الغربة اللى بيضاعف اى شعور مؤلم

    ReplyDelete
  10. سيدتى , عسى ان تكرهوا شيئا وهو خير لكم, اكييد هانتعلم ونفووق

    ReplyDelete
  11. ياه كنت كاتبه تعليق طويل و رد مستفيض .. بس الصراحه مالوش لازمه بقى .. الفيلم ده طوّل من كل الجهات و مفروض يبقى له قفله طالما مش باين إن هيبقى فيه رد فعل -فعل مش مجرّد كلام- حقيقى على ما حدث و هو أمر كان معروف على أى حال بس كان محتاج لمرور بعض الوقت لإثباته .. لهذا أنا هابدأ بنفسى .ه

    ReplyDelete
  12. يا استاذ احمد حضرتك علشان مصرى شريف وعندك كرامة عبرت عن كل اللى فى قلوبنا اما الناس الحقيرة اللى مش تستاهل انها تكون مصرية اساسا وقاعدة تنبح سواء فى الجرايد او فى المدونات فدى ناس متعرفش يعنى ايه كلمة كرامة
    مش عارفين يفرقوا بين النظام اللى هو الحكومة واهانته ليهم وبين ان بلده اسمها يتهان من شوية رعاع .. فلا تأسف يا عزيزى على من لا يملك الكرامة وعنده استعداد يبيع نفسه مش وطنه ... يمكن لما يقول كلمتين ضد مصر المهارضة ترضى عنه

    ReplyDelete
  13. بلوج استاااااااااااااااااااذ
    اسوء حاجه فى الدنيا لما تتطعن من حد قريب ليك

    بس انا بقسم بالله بينى وبين نفسى انى هجيب حق بلدى بايدى فى اول فرصه حتى لو حاولوا يهدوا الجو ويقولوا احنا اكبر

    ومع كده نفسى ان اللى مش بيعرف يتكلم فى البرامج لازم يتمنع لان اى واحد بيكدب او بيبالغ فى برنامج ده مش بيضرهم ده بيضرنا احنا

    ReplyDelete
  14. يا استاذنا أحييك
    على البوست دا
    كنت عاوزة اكتب حاجة فى البوست اللى قبله
    بس انت كنت منفعل
    و محبتش اتكلم معاك و انت متعصب ..لأنه يكفيك و يكفينا ما نحن فيه
    انا متفقة جدا معاك و مع
    jana
    إننا مختلفين كمدونين و مثقفين و جمهور
    بس محدش عاجبه رأى التانى
    مش عارفة ليه؟!!!
    انا من انصار إننا تبهدلنا
    و المفروض منسكتش على المهزلة دى
    يكفى السكوت الرسمى المهين و المعتااااااد
    كوننا جينا متاخرين فى الحمقة ..او غدة و طلعت
    زى بداروى الغالى ما بيقول
    فيمكن لأن الحدث دا حاصل فى ظروف مختلفة
    عن زمان
    و احنا كمان مبقيناش زى زمان
    و الجيل اختلف
    و افكاره اختلفت
    و ردود افعاله كمان
    ودى مش اول مرة نتتفض
    احداث غزة اكبر مثال
    ماذا فعل الناس ؟؟
    رد فعلهم كان صامت زى الحكومة ؟؟
    و لا أنفعلنا و روحنا على الحدود
    و جمعنا تبرعات و بعتتنا اللى قدرنا ربنا عليه
    و شجبنا و نددنا فى اللى حسبى الله و نعم الوكيل
    فيهم هناك و هنا ؟؟
    و حرب لبنان الاخيرة
    الموقف الشعبى و من ضمنهم المدونين
    كان عامل ازى ؟؟
    الانتفاضة مش كروية المرة دى و مجرد ماتش
    اللى هيصغرها و يوصلها للحجم دا
    يبقى بيحكم بشكل ناقص على الحكاية
    احنا صحينا و خلاص
    وبطلنا نسكت
    بقينا بنربط الاحداث ببعضها
    و اللى يسكت على اهانته بعد ماتش كورة
    زى دا ..خلاص بقى يسكت على أى حاجة
    و احنا سكتتنا
    كتييييييييير
    و قررنا نبطل سكوت
    حتى دى مستنكرينها ؟!!!

    ReplyDelete
  15. ...............
    الاخ الانونيمس اللى بيشتم و بيقول
    وربنا شعب ابن قحبة يستاهل اللي بيجرى فيه...
    و بيلومنا عشان بنعمم ..
    طب منتا كمان بتعمم أهو!!!
    و الشتيمة انسحبت علينا كلنا ؟؟؟
    اسمحلى
    انت عاوز شوية دروس فى معنى الكرامة
    فى معنى انك تحترم نفسك
    و اللى حواليك شوية
    عشان تفرض على الناس الباقيين
    احترامك
    كلامى مش هيعجبك انا عارفة
    و هتشتم برضو انا عارفة
    لكن موقفك دا يعكس جانب مهم
    من إن الناس دى بتهيننا ليه؟!!!
    زى اللى كتبوا
    و قالوا اننا روحنا نشتغل
    و نجيب فلوس و ملناش فضل
    هوه احنا بنقول كدا عشان نتفضل ؟؟
    و لا عشان نقول اننا كنا عشرة
    و جيرة زمن و عمر طويل
    و انا كنت مغتربة لوقت ما
    و فاهمة انا بقول إيه؟؟
    مينفعش تعيش مع حد سنين طويلة
    اكل و شرب و تعليم و خروج و علاقات اجتماعية و انسانية
    و مشاركة تقريباً فى كل شىء
    و بعدين يبقى المسالة مجرد شغل و بس
    احنا شعوب عاطفية فى المقام الاول ..
    غير العرب ألف رابط ما بيننا بيجمعنا
    و بعدين معلش يعنى
    كأن احنا الناس الوحيدة اللى راحت
    و اشتغلت و كسبت من عرق جبينها و كدها
    اشمعنى الفلسطنين و الأردنين و العراقيين
    و كل الجنسيات التانية حتى الهنود و الباكستانين و الفلبينين اللى بيشتغلوا فى مهن درجة عاشرة
    محدش بيبعتر كرامتهم كدا ...
    دول بيشتغلوا ببلاش و لا مبيقبضوش فلوس
    و شغالين لله و للوطن العربى؟!!!
    فين الحدود و الأصول ؟
    ضاعت كتير بسبب استهانة حكومتنا و حكامنا
    و احنا كمان سكتنا
    آن الاون ننتفض و نقول للاهانة لااااااااا
    مستكترين علينا نرفض ننضرب على قفانا عاشر ...؟!!!
    غريبة قوى
    قوى
    قوى
    ...........
    يا استاذ احمد .. يا شقير
    يسلم قلمك و بالأحرى
    كيبوردك
    و الغنوة تحفة
    انا بكيت لما سمعتها لأنها مكتوبة بصدق
    و ساعات كتير أسأل روحى
    ليه الناس مستكترة الواحد يكتب و يغنى و يبالغ فى حبه لما يكون زعلان و حزين ؟!!!
    عموما الاختلاف ظاهرة صحية
    و اتمنى كلنا نتعلم نبقى اصحاء

    ReplyDelete
  16. الأنونيمس اللى بيقول هباخد حقه فى أقرب فرصة
    اتمنى حضرتك تكون قاصد تاخد حقك
    بشلك عقلانى
    مش العقلانى اللى هوه نصفى النفوس و نضبط النفس بتاع الأيام دى
    لأ
    انا اقصد تاخد حقك بشكل ميخليش خصمك يغلطك
    بس كدا
    تحياتى و معلش
    لانى رغيت قوى وكفاية كدا
    - لمؤخذاة يا استاذ احمد
    - لامؤاخذتك معاكى يا فاتيما.. مفيش حاجة
    - ما قولت كدا برضو المدونة مدونتى
    - و لا تغلى عليكى يا ستى
    - كلك ذوق يا فندم ما دا العشم برضو
    (دا حوار تخيلى )
    و اتمنى العيد يعدى عليك
    دون منغصات زيادة اكتر من كدا
    خالص ودى

    ReplyDelete
  17. أتمنى ان كل واحد يأخذ حقه فى الموضوع و من الواضح ان المصريين هما إللى اتضروا أكتر من الجزائريين
    http://monawa3at-blog.blogspot.com/

    ReplyDelete
  18. اشكرك و اكاد ارغب في تقبيلك لقد اعدت الي توازنى وثقتي في القلم الشريف فقد كنت ابحث في المدونات بجنون وفوجئت بكميه الشماته والغل وكأن كرههم للنظام الحاكم مبرر لخيانه مصر حاده تقرف

    ReplyDelete
  19. انا شخصيا من الناس اللي قالت ان المصري مهان في بلده وملوش تمن فشيء طبيعي انه يبقى مهان برة بلده..هي الكرامة دي بتطلع الساعة كام؟ يعني هي غدة وضربت فجاة - على راي بدراوي - ولا ايه بالظبط؟ بس معنى كلامي اني شايفة اننا ناخد حقنا من حكومتنا الاول اللي خلت المليون مننا بقرش ف كل الدول وكل الجنسيات وجوة بلدنا..وبعدين مينفعش نطلع نقول كلام فارغ واهبل يزود الطين بلة ويقطع علاقتنا لامد غير معروف بشعب مسلم وف قارة واحدة معانا - وبلاها انه شعب عربي لان الناس المتحمسة جالها حساسية من كلمة عرب وبيردوا بكلمة خالد الذكر لا داعي لذكر اسمه لما قال دول مش عرب اصلا يبقوا يروحوا الاول يتعلموا يتكلموا عربي - وكانه ذنبهم ان فرنسا استعمرتهم .. معلش نسيوا يقدموا اعتذار رسمي لكل الشعوب العربية عن ان فرنسا استعمرتهم وانهم قدموا مليون شهيد - شهيد مش لقيط يا استاذ احمد - عشان ينالوا حريتهم
    انا حزينة على سنين طويلة ومجهود كبير قضاه عبد الناصر يربطنا بالدول الشقيقة وفي الاخر جم بعده ناس طيروا كل اللي عمله بتخطيط واضح ومدروس.. مش مهم مين فينا اشعل نار الفتنة الاول.. المهم انها بدات وربنا وحده اللي عالم هتاكل ايه ف سكتها

    ReplyDelete
  20. طفح الكيل وبلغ السيل الزبى

    يا أستاذي الفاضل

    بما أنكم زعلانين جدا من اللي حصل للمصريين في السودان وهذا من حقكم , فالأولى بكم أن تحزنوا لحال المصري في وطنه

    كل ما يحدث يثبت كم هو سهل أن يتم جر قطيع الماشية حيث أراد راعيها

    هذا المستوى من الانحطاط هو الأكبر من حيث شكله ومضمونه

    ReplyDelete
  21. مصر غالية و عالية بالرغم من كل هذا
    نحبها دائما و سنحبها مستقبل
    مع خالص الاحترام و التقدير
    أحمد الزنارى

    ReplyDelete
  22. يا أستاذ أحمد
    أنا شكلى هحتل صفحة تعليقاتك
    و لا إيه ؟؟
    عاوزة بس ارد على الاخ سرحان
    من فلسطين
    يا فندم
    مين قال لحضرتك إننا كمصريين
    مش زعلانين على حال بلادنا
    حضرتك ما دمت فلسطينى يبقى انت حاسس بينا
    بسبب الجيرة و العشرة
    حضرتك شايفنا ميت فل و اربعتاشر؟!!
    فرحانين بحالنا؟؟
    و كله ساكت!!!
    الدنيا تمام ؟
    معقول دا حكمك علينا ؟؟
    هو احنا عشان بناكل و نشرب
    و نلبس و ننام
    و نخرج للشغل و التعليم
    و نتجوز و نخلف
    يبقى خلاص راضيين و عايشين
    و محدش بيقول حاجة؟؟
    ليه...معندناش معارضة؟؟
    مفيش حد بيقول لأ؟؟
    طالما حضرتك بتدخل المدونات ..
    مش شايف مدونات مصرية كتير مش عاجبها الحال؟؟
    مبتسمعش عن الوقفات الإحتجاجية
    من أغلب طوائف الشعب بدءاً
    م القضاة و حتى عمال القمامة ؟؟
    صحيح الوقفات مش كما يجب من القوة
    بس فيه ألف إعتبار و سبب
    يا سيدى الفاضل
    إنت من أرض الكرامة و العزة فلسطين
    انتوا حالكم اشبه بحالنا
    بس على أبشع شويتين تلاتة عشرة
    بتعيشوا و تاكلوا و تشربوا
    و تخرجوا للحياة و لا لا؟؟
    حد يقدر يلوم عليكو
    و يقول كان المفروض تنتفضوا اكتر من كدا
    محدش ..ارجوك انت كمان متحكمش علينا
    الحكم القاسى دا
    من عشر سنين كنت أقولك أه
    انت صح
    لكن دلوقتى بعد الدنيا ما اتغيرت
    و بقى فيه صحوة
    و ايجابية من الشعب
    الكلام دا مش منطقى
    معاك إن درجة الايجابية لازم تبقى أقوى
    بس دى ظروف و ضغوط
    و انت ممكن تحكم بشكل احسن من أى حد تانى
    لأنك تعرف معنى القهر و الظلم
    لما يتحكم فى شعب بحاله
    لسنوات طويلة
    إحنا حزانى على حالنا من زماااااان
    و احيان نقطة مية عبيطة
    هيا اللى تخلى المية تفيض من الكوب كله و تغرق حواليها
    خالص ودى
    ---------------
    و معلش يا استاذ احمد بقى
    بس انا بناء على المحادثة التخليلة
    فى آخر تعليقاتى اتعشمت وجيت تانى
    عيد سعيد عليك

    ReplyDelete
  23. السادة الزعلانين، يعنى محدش سمع حس ولا شعارات واغانى اهانة المصريين لما اسرائيل ضربت البيوت فى رفح ولا الحرب فى سينا على البدو بقيادة اشاوس وزارة الدخلية ولا على اهانة المصريين كل يوم فى عربيات مواشى لسكك الحديدية ولا عشان العيال السيس الى راحت السودان من الحزب الواطى و اهانة حجز اماكن السفر لرقاصين السياسة و جنبهم رقاين العهر و الدعارة و لا مش على دماغكم اهانة المصريين لما يبقى المشروع القومى للبلد ماتش كورة لو صعبان عليكو اهانة المصريين اقترح كل واحد نائح عليه مصريتو ياخد رجله لحد مركز ولا قسم شرطة ولا حتى نقطة و يعمل اى محضر ولا مذكرة و حيشوف التكريم الحقيقى و الى خايف يتكرم يروح اى مستشفى حكومى او تعليمى و يشوف اهانة المصريين، هى الكرامة حتيجى منيين شعب كل واحد بيهين التانى لو قدر و حكومة متهانة يمين و شمال ونظام متهالك دة حتى كل رئيس ييجى يغير النشيد الوطنى او الشعار او العلم والادهى ان البلد جريت ورا واحد كداب على الهوا ما هو شغلتة كداب و لانسى اما كان سمكرى وده دليل خيبة البلد http://www.youtube.com/watch?v=H2liF63R5D8&feature=player_embedded
    و لا ماتش الاسمعاعيلى و الاهلى لما كانت مدبحة و ضرب بجد مش 23 اصابات سطحية ما كانش اهانة

    ReplyDelete
  24. آخر مرة هعلق بقى
    عشان بصراحة التعليقات هنا
    تستفز الحجر
    و محدش بيرد
    ------------
    يا اخ أنونيمس
    مين قالك إن الشعب المصرى مش متعاطف قلبا
    و قالبا مع اهل رفح و غزة
    و كل شبر فلسطينى ؟
    و مين قالك إن كل اللى سافر يشجع
    ف السودان لا يستحقون الواحد يتحمق
    عشانهم ..وصمتهم جميعا بالعهر و القوادة
    و دا منتهى الظلم و الأفترا
    مين قالك إن عشان واحد فيهم
    كان شغال سمكرى يبقى المفروض
    و بناء على هذه المعلومة
    إنه يتعامل بلا كرامة
    و ميطالبش بحقه و ينقهر على نفسه
    لما يترمى على أرضية اتوبيس بمذلة
    و الحجارة و السكاكين تترمى عليه
    و يتعمله ترويع
    إيه علاقة نوعية العمل بالإهانة ؟؟؟
    و ليه النعرة الغريبة دى فى كلامك
    و بتتكلم معانا بإعتبارنا السادة الزعلانين
    كما لو كنا عايشين مرفهين
    و بنكلمك من على شط الريفيرا
    و لا بنشتى فى سويسرا
    إحنا أغلبنا مصريين حقيقين
    و اغلبنا دخلنا أقسام و اتبهدلنا
    و شوفنا التكريم الحقيقى اللى بتتكلم عليه
    اغلبنا دخل مستشفيات حكومة
    و خاصة كمان و اتبعترت صحته
    و قبلها كرامته
    اغلبنا دخل مدارس و أتهضم حقه و اتهان
    إنت بتكلمنا زى ما نكون مش
    من البلد دى ؟؟
    و بعدين كون فيه سلبيات و اهانات ..
    احنا بتعترض عليها كل حسب قدرته
    و امكاناته على المقاومة
    مع احترامى ليك
    انت مين؟؟؟
    و بتعمل ايه
    عشان متبقاش زينا
    بتقاوم أزاى الاهانات ؟؟
    و لا بتسكت و خلاص
    زى باقى الخلق العادية و مصلحتك
    و خوفك على من حولك
    و نفسك بتخليك تتراجع
    دنت حتى مقولتش إسمك هنا
    و محدش هنا يملك سلطة يأذيك
    أومال بتعمل غيه فى الحاجات الاكبر
    عملت إيه لأهلنا فى رفح
    متدينى فكرة ..عشان
    اتعلم منك الشجاعة
    لما موقف زى دا يحصل
    مستكتر ليه على الناس تنتفض
    و ترفض تتنضرب على قفاها
    مش لسه مبستفنا من شويتين
    إننا شعب سلبى و مبنروحش نتبهدل فى الأقسام؟؟!!
    الناس مجريتش وراواحد
    احنا بقالنا اسبوع و زيادة
    بنسمعه هوه و الف غيره
    و نحلل و نستجمع فى الأراء و المشاهدات
    و كل حاجة بتبان و احنا ناس متعلمة و بتفهم
    وعندنا عقل نفكر بيه
    و نقدر بالخبرة نغربل الأشياء
    و نحكم حكم منطقى من وجهة نظرنا
    هتبقى وصى على عقولنا ليه؟؟
    كون راينا مش عاجبك
    خلاص ..دى حرية شخصية
    و الأختلاف شىء كويس
    لكن تعمم و تتهمنا إننا ناس فافى
    و قاعدين بناكل فى جاتوه و
    منعرفش حاجة عن البلد دى ؟!!!
    لأ معلش
    إنت بتقلل قوى من قدر من امامك
    --------------
    و أسفة للمرة الألف يا أستاذ احمد
    على مجييى كتير هنا و تعليقاتى
    بس الحكاية مستفزة زى ما قولتلك
    و خلاص بقى كفاية كدا مناقشات
    ما دام الحوار وصل لدرجة
    أن البنى آدم بيتصنف مصداقيته
    من مهنته
    و يااااه لو كان بيشتغل سمكري
    يبقى كداب فى أصل وشه
    تحياتى ليك

    ReplyDelete
  25. كل سنة وحضرتك طيب يابشمهندس
    ومازلت محتفظه برأيى جوايا فى موضوع مصر والجزاير
    عيدك سعيد ان شاء الله :)

    ReplyDelete
  26. احسن من البوست اللي قبله
    :)

    كل سنة و انت طيب

    ReplyDelete