إلحقني ياأبوحميد بنصايحك عندي إنترفيو بكرة الساعة عشرة لوظيفة في -
شركة كبيرة
حظك والله حلو يابني ، انت أ ُمك داعيالك إنك قابلتني ألف مبروك -
شوف ياأبو الشباب -
أولا : لازم تحسسه إن الشركة دي مش كبيرة قول له أنا مش فاهم إنتو بتعملوا إيه في الشركة دي؟
ثانيا : لازم تديله برستيجه ، قول له إنما إنت ليه مش في وظيفة أحسن من كده ؟
ثالثا : عرفه إنك بار بوالديك وإساله هو التأمين الصحي بيشمل الوالدين ولا لأ ؟
رابعا : لازم يحس إنك طموح وأكّد له إن هدفك على الأمد القصير إنك تحل محله
خامسا : لازم يعرف ان وقتك ثمين وإطلب منه ان المقابلة تكون على الواقف
سادسا : لازم يكون ليك أسرارك وإساله إنت ليه بتسأل على الريفرانسز بتاعتي؟
سابعا : لازم يعرف ان عندك إنتماء قول له إنهم لو عيّنوك في الوظيفة هاترسم لوجو الشركة تاتّو على دراعك
ثامنا : فهمه إنك مهتم بسياسة الشركة وإسأله إذا كانت سياسة الشركة بتسمح بسلفة من الشهر الأول
تاسعا : لازم يعرف انك راجل مريح وقوله إنك ممكن تاخد أجازة في أي وقت
عاشرا : لازم يعرفوا إنك راجل مش هايف وقول لهم إن سبب تركك الشغل القديم إنك قلبت الترابيزة على مديرك
أنا متشكر جدا ياأستاذ أحمد -
أي خدمة ياأبوالشباب ألف مبروك ومتنساش بس في دعوة حلوة -
إيه رأيك أنا عايز أعزمك بكرة عند عزت باي باي ؟ -
إممممم .. طيب ماتخليها النهاردة أحسن -
--------------------------
لمزيد من النصائح يُرجى مراجعة التدوينات السابقة
الموظف المثالي ، الوصايا الثماني الذهبية
كل سنة و انت طيب يا باشمهندس
ReplyDeleteلما تشوف صاحبك ابقى باركله
او اديني عنوانه في مصحة الإكتئاب اللي هيتعالج فيها وانا اباركلو انا
.
مصر في امس الحاجه للنصايح الذهبية دي يا فندم
ما تحرمناش من خبراتك
ده أكيد موظف كبير في شركة ملهاش منافس
ReplyDeleteخصوصاً حكاية التاتو دي
كل سنة وانت طيب
بلوج جميل جدًا وحس ساخر مـُتميز
ReplyDeleteسؤال بس: ما شفتش الوصلات دي أو سمعت عن اللي فيهـا قبل كده؟
http://www.darlila.com/site/index.php?option=com_content&task=section&id=7&Itemid=34
http://www.darlila.com/forums/index.php?showtopic=2703
تحياتي الشديدة وتمنياتي بالتوفيق
واضح انك بتعز الجدع ده اوي
ReplyDelete:))
حرام عليك
ReplyDeleteدا انت ضيعته
وباين عليه هو كمان البعيد
غبي
احلق شنبي إذا قبلوه في الوظيفة
ReplyDelete:))
كل سنه وانت طيب وعيد سعيد
ReplyDeleteya 3eeni 3la sa7bak
ReplyDeleterabena yewaffa2o b2a
loooool
تصدق عمرى ما حاسألك على نصيحة فى الشغل، كويس ان كل شىء انكشفن وبان
ReplyDeleteكل سنة وانت طيب ياباشمهندس
تاتو؟؟؟؟
ReplyDeleteهههههههههههههه
و راح الصديق
انما ايه عزت باي باي ده؟؟ هههههه
يا جمااامد
ReplyDeleteانا خلاص السنه الجاية بكالريوس
وهحفظ نصايحك دي عن ظهر قلب
يوووووة
مش ظهر طاوله يا سيدي
المهم اوعي تكون نصايح فشنك من بتعت اسماعيل ياسين لتوفيق الدقن دي
وتحياتي
دي نصايح غاليه قوي يا ابوحميد
ReplyDeleteوالوظيفة مضمونه ميه في الميه بشرط يديلوه قلمين وشلوتين وتفه بالمره كده عالماشي
احمد شقير
ReplyDeleteدا انت عندك دماغ رهيه ما شاء الله عليك
قريت ياخويا نصائع العمل و الزواج
تودي في ستين داهيه
بقه الستات بيمشو في الشقه فرده و فرده لأ ؟؟؟
احسن من الي بيمشو حافيين نص العمى و لا العمه كله
و قلي الاشخان الي انت بتنصحهم بتشوف و شهم تاني؟؟؟؟
هههههههههههههه
زلمه خبره