Wednesday, November 29, 2006

إعتذار جريدة الميدان


وهكذا يتصرف الرجال

شكرا



إعتذار الرجال

نتيجة سوء فهم وخطأ غير متعمد نشرت "الميدان" في عددها السابق عدد من الآراء الشخصية بهذه الصفحة ، وتبين أنها تعود إلى إحدى المدونات على شبكة الانترنت "مدونة حائر في الدنيا" والتي يحررها المدون احمد عبد العزيز ولم يتم الإشارة إلى مصدرها ، لذا لزم التنويه والإعتذار لصاحب المدونة بالرغم من الإساءة البالغة التي وجهها المدون وعدد من المدونات الأخرى للجريدة وللزميل باهر السليمي محرر الصفحة في العدد الماضي, وذلك حرصا من "الميدان" على تنقية الأجواء مع وساط الاعلام المعروفة بما فيها المدونات التي ساهمت في كشف عدد كبير من قضايا وهموم الوطن, في اطار عملية التطوير الشاملة التي تشهدها الجريدة ، وأولها فضيلة حفظ حقوق الغير

"الميدان
"


مثلما كان رد فعل المدونون عنيفا على ماحدث لتدوينات المدون أحمد عبد العزيز في جريدة الميدان ، يجب أن تكون تحيتنا لجريدة الميدان ولنشكر رئيس تحريرها والصحفي باهر السليمي على ماتم نشره اليوم بالجريدة
فما نشرته الجريدة اليوم شيئاً يزيدهم إحتراماً وتقديراً ، ولا يصدر إلا عن أشخاص على قدر كبير من تحمل المسئولية
أعتقد أنه لم يكن لي ولا لأي مدون أموراً شخصية تجاه الجريدة أو رئيس التحرير أو الصحفي باهر السليمي حتى أنني تعمدت عدم ذكر إسم الصحيفة في أي فقرة مما كتبت

إلى باهرالسليمي
يجب ان أوضح اني لم أكن أقصد الهجوم والإساءة إلى شخصك بالرغم من تكرار ذكر إسمك في التدوينة ولكن كان الهجوم في إسمك كمثال على ماعهدناه خلال الفترة السابقة من تكرار التعدي على تدوينات المدونين دون إستئذان
أعلم أن رد الفعل كان عنيفاً إذا ماقورن بمواقف سابقة لتجارب مشابهة ولكن عذرنا أننا كان يجب أن نأخذ موقفاً وكنت أنت منتظرعلى الموعد

إلى المدونين
مبروك ... لاشك أن موقفنا الواحد كان له تأثير في عودة الحق لأحد المدونين ، تحية لكن من عرض القضية وتكلم فيها وتحدث عنها

إلى أحمد عبد العزيز
قلتها في التدوينة الاولى يكفيك أنك كنت السبب في موقف جديد للمدونين تجاه ماينشرونه على النت ، فبعد تدويناتك أعتقد أنه يصعب تكرار ماحدث مستقبلا

إلى الميدان ورئيس التحرير
...شكرا
-----------
وأخيراً ، حقيقة ولا أخفيها أن هذا الإعتذار لأحمد
"بغض النظر عن بعض مما جاء في المحتوى"
هو ماكنت أرجوه كمدون كما أعتقد أنه أيضاً كان مطلب أغلب المدونين الآخرين فلا أستطيع التحدث بلسانهم
---------------------

روابط للتدوينة

مدونة في العمق ، مدونة طعمة ، مدونة السيف والقلم ، مدونة تداوين ، مدونة صالح الزيد

31 comments:

  1. اعتذار واجب من جريدة الميدان ولكن ماذا بعد

    ReplyDelete
  2. يعني الموضوع خلص؟
    خلاص؟
    فينيتو

    طب خير

    منجيش في حاجة وحشة ابدا

    بس لو اتكررت تاني بقي من صحيفة تانية و لا اي حاجة

    ايه
    نعين حد يقرا لنا كل الجرايد و يتأكد ان مفيش اي تدوينة من اي نوع اتنشرت

    :)

    ReplyDelete
  3. دا بجد انتصار جديد
    الف مبروك لينا كلنا

    ReplyDelete
  4. amazing. amazing!
    amazing end.
    I am so happy, thanks so much for taking a brave stand.
    :)

    ReplyDelete
  5. رد الميدان ده غير انه انتصار فى الحرب ضد سرقة المدونات، هو كمان إشارة لتاثير المدونات على الناس وعلى الصحافة، يعنى المدونات بقت مصدر اعلامى تقيل ومهم وله تاثير، وكفاية ان الرد على الحملة على باهر السليمى واللى كان عنيف زيادة عن اللزوم تمت الاستجابة له بسرعة لسببين :

    الاول هو قوة المونات زى ما قلت
    والتانى ان جورنال الميدان شكله كده ناوى يتعدل ويبقى جورنال محترم أكتر من اى وقت فات وده كمان ظاهر فى الجورنال نفسه
    وانا عرفت من صحفى صديق فى الجورنال ان اللى كاتب الرد ده هو حسن الزوام اللى بقى مساعد رئيس التحرير، وان باهر السليمى استقبله بصدر رحب ورحب بيه بعد نشره.

    يعنى ياريت المدونين يساندوا الجورنال ويقفوا جنبه تحية على موقفه ولا انتوا ايه رأيكم؟

    ReplyDelete
  6. بس كده؟؟؟؟؟؟؟
    يالله اهو درس للحاول يطاول علينا

    ReplyDelete
  7. العزيز احمد
    يبدو ان المرات التى سيظهر فى التأثير التجمعى الايجابى للتدوين ستزداد يوما بعد يوما لتأكد ان للكلمة التدوينية اثر بعد معنى
    فعلا تستحق انت الشكر ويستحق احمد الاعتذار والترضيه التى وجهت اليه لانه لا يضيع حق ورائه مطالب

    واخيرا جريدة الميدان فعلت ما يفترض ان يكون فلا اعتقد ان الشكر يلزم لها ولو تداركت الفعلة بغير هجوم المدونين لاستحقت الشكر

    لكن على الاقل الاعتراف بالحق فضيلة

    تحياتى

    ReplyDelete
  8. أرى أن ما حدث بمختلف أبعاده شيء ايجابي جدا و يبشر بخير ، فلنحاول أن ننظر الى نصف الكأس الممتليء

    ReplyDelete
  9. مش هازايد بس هاحاول اوضح حاجة

    دعونا لا نكتفى بالعمل السيبرى الافتراضى

    الاعتذار ماجاش الا بعد ما اطبعت التدوينات و راحت الجرنال

    يعنى حتى العمر الافتراضى مش كفايه

    و الجلوس خلف الكيبوردات مش هوه الحل

    مش مزايدة بقدر ما هو ايضاح لواجبنا الحقيقى اللى المفروض نعمله و ما ننساهوش بشغلنا على الانترنت

    و على راى اللى قال

    بوستاتكم لا تصنع المجد

    و لكن صانع المجد الحقيقى هو دبيب ارجلنا على ارض الواقع

    و مانجيش فى حاجة وحشة تانى يا شقير

    بس على فكرة يا ريت تصحح ان اللى عمل كدة مش باهر السليمى الىل الا عمرى ما شوفته و لا عرفته

    و لا عايز اعرفه اساسا

    اللى عمل كدة الاستاذ محمد على خير رئيس التحرير

    و الىل نقل و سحب الصفحة بالكامل من باهر دة

    ReplyDelete
  10. ياسلام .. اشمعنى التجريس ده مش نافع مع ناس تانية؟
    بص أنا مش بقلل من وقفة الرجالة أمام الظالمين - لكنى مابقتش أتفائل كثيرا حتى لا أصدم كثيرا
    صباحووو

    ReplyDelete
  11. انا ايضا اتفق معك تماما حول اعتبار ماحدث انتصارا لنا و للتدوين الذى فرض شروطه على الساحة"رغم محتوى الاعتذار"

    و اضم صوتى لتوته فأنت ايضا تستحق الشكر لقوة مساندتك، مع بقية من شاركوا فى الحمله كتابة وتعليقا وان كان لا شكر على واجب

    تحياتى وجدا

    ReplyDelete
  12. بعيداً عن موضوع الاقتباس من المدونة وهو الأمر الذي نرفضه جميعاً أريد أن أبدي إعجابي بطريقة التصدي لمثل تلك المحاولات

    لي ملاحظة الصورة المستخدمة في هذه المدونة تذكرني بعض الشيئ بلقطة النهاية في كل حلقات إديني عقلك (المرادف للكاميرا الخفية)

    ReplyDelete
  13. أنا كنت حاسس ان الموضوع سينتهي على خير وسيرد لكل صاحب مظلمة حقه، والحمد لله أن الموضوع قد أكد قوة المدونين في عالم الصحافة الالكترونية كما هم أقوياء في عالم الصحافة الالكترونية

    أتمنى أن يكون ما حدث مع جريدة الميدان عبرة لزميلاتها بألا تسول لهم صفحاتهم بالاقتباس أو السرقة من أي أحد دون اشارة أو تنبيه، وإلا فأحمد شقير موجود للترهيب كما هو جاهز دائما للترغيب

    تحياتي، ومبروك على المدون أحمد الحائر برد حقه وشرفه المسروق

    ReplyDelete
  14. كويس كده الف مبروك لكل المدونين

    اهي كانت شدة ودن صغيره

    بس بجد موقف جميل منك يا احمد

    ReplyDelete
  15. لازم يعتذر طبعا بعد الجرسه اللة انت عملتهالو دى
    ربنا يخليك للغلابه يابو حميد
    احنا نشتغلهم ف سياسيه "التجريس " دى على طول طالما بجيب نتيجه

    ReplyDelete
  16. هييييه

    يحيى العدل يحيى العدل


    بس برضه لسة معظم المدونين و من ضمنهم انا ميعرفوش اي حاجة عن حقوق الملكية الفكرية الالكترونية

    نريد حلا

    ReplyDelete
  17. عملوها الوحوش
    ياريتني كنت معاهم
    والله وبقينا عزوة يا احمد
    عملوها الرجالة

    ReplyDelete
  18. انا فعلا مبسوطىة جدا جدا جدا

    و من اوجة الاحترام ان اضع تنويه عن الاعتذار في نفس مكان التنويه عن السرقة

    كل انسان يفعل ما يستطيع ... نحن اساسا - كمدونين - نواه مجتمع ايجابي ...من يستطيع ان يكتب يبكت ...و من يستطيع ان يطبع يطبع و يرسل, و مين يستطيع ان يفعل ابدع من ذلك فليقعل ...المهم ان النتيجة هي اتحاد و راي عام غاضب ثم تغيير و فعل و تحرك ...
    من ايام تحرشات العيد و انا اعرف ان التدوين اصبح سلاح لا يستهان به

    حتي انه كل كام يوم يطلع حد علي التليفيزيون يتكلم عن التدوين كظاهرة

    احسن

    عقابل اللي في بالنا

    مع خالص تحياتي :)

    ReplyDelete
  19. مش عارفة انا ايه حكاية الاعتذار دي
    كل واحد يتطاول و يستهبل و يرجع يعتذر
    العتذار كلمة سهلة
    و معنى غائب
    اتمنى ان يكونوا يعنوا الاسف
    و يلتزموا بعدم التكرار

    ReplyDelete
  20. هو سؤال غريب معلش

    هي مدونة الاخ الحاشر في دنيا الله راحت فين ؟؟؟؟

    بقالي فترة مش عارفة ادخل عليها ... هما عماوا فيه ايه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    ربنا يستر

    ReplyDelete
  21. أصدقائي
    أشكركم جميعا, على حسن تفاعلكم مع ما حدث ووقفتكم الرجولية..
    وأتمنى من الله أن لا تضطرنا الظروف أن نقف مرة أخرى مرة أخرى أمام صحيفة أو صحفي, فهناك أشياء أهم لنا ولهم كي نغوص فيها
    ولكن قطعا إن تكررت مثل تلك التجربة سواء معي أو أي مدون آخر فسيكون رد الفعل أقوى وأعنف وأقسى
    فحقوقنا ليست منهوبة لمن يشاء الاغتراف
    ومع انني رأيت صيغة الاعتذار تحمل فيها نوعا من تحميلنا الخطأ ولكن مرحب بها إذا كانوا بالفعل لن يكرروا ذلك لاحقا


    والشكر واجب للجميع ولشقير على الأخص

    ReplyDelete
  22. مشاركه متأخره شويتين
    بس معلش الظروف بقى

    الى حد كبير انا مرتاحه للنتيجه اللى انتهى اليها الموضوع

    على الاقل كان فيه تصرف ايجابى من الطرفين
    بغض النظر عن الدوافع اللى حركت ده بس ما نقدرش ننكر ان فيه نتيجه انتهى اليها الحال
    وده مش بيحصل فى اى مجال فى حياتنا الفتره دى

    بجد عاوزه احييك على تحركك الجميل وتضامنك مع الحدث واللى كان باسلوب اكتر من رائع

    المهم انا عاوزه اسال عن حاجه

    حد عارف اى حاجه عن مدونة حائر فى دنيا الله ؟؟؟؟؟؟؟؟

    مش بتفتح معايا وانا قلقانه وعاوزه اطمن

    وشكرا

    ReplyDelete
  23. انبي يا سي شقير يا خويا ترفعلي قضية على البيتا بلوجر النشال اللي كل ما اجي ادخل باسمي يقولي معندناش اكومنت باسمك
    يا فضيحتي امال البوستات اللي منشرة على السطوح البلوجراوي دي كلها اية
    كشفت راسي و دعيت علي اللي كان السبب
    يا رب سرته تقع
    انستنا و شرفتنا في جيران يا سي شقير
    يجعل دخلتك عليا سال اخضر
    و ميحرمنيش من عطفك عليا

    ReplyDelete
  24. كلبوزة ,احمد
    أنا فرحان يا ولاد
    ههههههههههه

    لا بس بجد كنا رجاله ووقفنا وقفت رجاله

    ReplyDelete
  25. زبادي في الخلاط

    العزيز أحمد إسمح لي أعلن عندك ودة من عشمي
    إن بتاعتي في بلوجر مش عايزة تفتح وانا نقلت لمكان تاني

    زبادي في الخلاط

    http://zabady.tadwen.net/

    لك كل التقدير

    ReplyDelete
  26. الاعتذار ده بيبين انهم جريدة محترمة
    شكرا اخي العزيز

    ReplyDelete
  27. ممكنيا حمد معلش يعنى
    تقولنا مدونة الاخ الحائر دةراحت فين
    بصراحة انا حيران مش لاقيها خالص

    ReplyDelete
  28. كويس فعلا
    دي اخلاق رجال

    http://nightlyhartalh.blogspot.com/

    ReplyDelete
  29. هاي يا ابو حميد

    حتوحشني

    وحدتي ضاعت خالص
    و حغيب
    و مش حتاخد من عندي حكم و لا مواعظ

    اهيء اهيء

    المهم
    اكتب حاجات جديده على ما ارجع اقراها

    و يا ريت قصه قصيره من فضلك
    من قصصك الحلوه

    ReplyDelete
  30. ايه خلاص .. ياعني مافيش فضيحة ؟

    يا خسارة

    ReplyDelete
  31. حياة
    هذا هو ماكنا نريده اما ماذا بعد فأعتقد ان هذا النهج هو الافضل حاليا

    Epitaph
    خلاص فنيتو ، فيه حاسة سادسة لما ينشر في الجرائد منقولا عن المدونات
    خايف على تدويناتك المرة الجاية نلاقيها في الصحف

    [ahmEd_H]
    فعلا يمكن دي اول مرة نقدر نحصل على اللي عايزينه يمكن عشان طلبنا كان موضوعي ولنا حق ميه في المية فيه

    khalid jarrar
    مافيش شك انه شيئ رائع أن يكون فيه اعتراف بهذا الشكل الجميل في وقت سريع
    احيي الميدان على ذكائهم وحسن تصرفهم

    Anonymous
    لاشك انا يجب ان نكون موضوعيين ونعرف ماذا نريده وهو ماساعد في انهاء القضية برضاء الطرفين
    احيانا يكون الإعتذار اصعب مايمكن ان تحصل ليه ولو لك الحق الكامل
    وتحياتي لحسن الزوام الذي كتب الرد ولكا العاملين واعتقد ان اسمه مش غريب عليا

    ام العيال
    كفاية ياام العيال ، انتي عايزة ايه افضل من كده وكما قلتي اهو درس

    tota
    فعلا لخصتي القضية فاحمد يستحق التحية والميدان تستحق التحية في وقت يصعب فيه الإعتراف بالخطأ

    7ala
    فعلا شيئ إيجابي جدا وما كتبته هذه المرة هو محاولة النظر للنصف الممتلئ من الكوب

    Mr.GEMYHOoOD
    طبعا مش مزايدة ابدا ، انا ليست لدي أي تفاصيل بأبعاد الموضوع على الإطلاق وأحييك على مبادرتك بالإتصال بهم وبتوضيح المعلومات كاملة وأدوارنا جميعا أدوار مكملة لبعض لتنجح قضيتنا
    وقد كتبت انت من قبل الإعتذار محددا انهم قرروا الإعتذار
    تحياتي لك وللسيد محمد على خير كما تقول فليس لدي اي تفاصيل على الإطلاق

    تمر حنه
    أهي نفعت وقفة الرجالة المرة دي ، حاولي تاني يمكن تنفع ف مواقف تانية
    تحياتي .. محمدابو سويلم

    بعدك على بالى
    حقيقي انا لم افعل شيئا سوي اني كتبت بوست مثلما كتب مثله مدونون كثيرون كان لجميعهم معا النتيجة الغيجابية التي حصلنا عليها

    المسافر
    بصراحة ضحكتني كتير وكا ماشوف الصورة بقيت بافتكر برنامج إديني عقلك
    فعلا ملحوظتك جامدة جدا وخلت الصورة ليها معنى اجمل

    المواطن المصري العبيط
    كلنا لازم نبارك لاحمد وارجو ان يكون راضي على النتيجة وله وحده تقبلها من رفضها ، فما زلت اشعر ان غير راض كثيرا عن النتيجة
    واعتقد انه ليس بسهولة سوف يتم اقتباس كتابات تدوينية دون إستئذان

    bosbos
    ميرسي ليكي يابسبس بس كويس والله انك متابعة المواضيع دي في اجمل ايام العمر

    SaSo
    ساسو ماذكرته في التجريس هو كان نوع من السياسة فلن تجدي امور اخرى حاليا في الحصول على حقك
    وهي سياسة اثبتت انها تجدي طالما انتي على حق ولم تختلقي امورا غير صحيحة
    عندما يخطئ الشخص فلا يلام احد على رد الفعل


    change destiny
    ببساطة لاتوجد اي قوانين حقيقية تحمي حقوق المدونين وحتى الآن لايوجد الا سلاح التشهير وللقارئ الحك في النهاية من صدق رد الفعل ام تكذيبه

    Geronimo
    ايه ده انعام محمد علي معانا ولا ايه
    وحوش مرة واحدة
    معانا دايما ياسمسمة

    شــــمـس الديـن
    لاشك انكي كان لك دور مؤثر في الموضوع وغيرك من المدونين
    ولاشك ان المدونين اصبح لهم نواة ولو صغير للتاثير سرعان ماتكبر

    كلبوزة لكن سمباتيك
    ماحدث حدث ماا سوف يكون الحل ، الإعتذار عن الخطا في الوقت الحالي يكفي أكثر من ذلك يحتاج جهد اكبر لااتوقع اننا كمجتمع صغير نستطيع على اكثر من ذلك

    شــــمـس الديـن
    احمد صاحب مدونة حائر كتب اليوم تدوينة يشرح فيها اسباب عدم وجود مدونته وهو عيب في السيرفر الخاص بتدوين التي تستضيف مدونته

    حائر في دنيا الله
    تحية لك انت ، وان كنت استعشر انك غير راضي تماما عن النتيجة ولكن في الوقت الحالي اعتقد ان هذا مرضي حتى يكون لنا كيان قوي نستطيع ان ندافع به اكثر للحصول على حقوقنا

    حنيـــــــن
    اسعدني شعور كثير من المدونين بالغرتياح الى تلك النتيجة فقد كنت اشك ان كثيرا سوف يتفق معي فيما وصلت اليه من خلال هذا البوست ان النتيجة مرضية

    shady
    حقيقي اعتبار المدونين ان ماوصلنا اليه يعتبر نجاح يسعد الجميع

    زبادي في الخلاط
    هارد لك صحيح .. لاشك ان بيتا بلوجر له مشاكل كثيرة وان كنت اعتقد ان ذلك بالسعودية بشكل خاصولكن توجد طرق لحل المشكلة في جميع الاحوال

    واحـــد مـــــن الـنـــاس
    لاشك انها نتيجة مرضية في جميع الاحوال

    adhm
    ظهرت خلاص مدونة احمد اليوم وشرح اسباب غيابها

    King A.S.R
    جبت الخلاصة فعلا اخلاق الرجال هي التي تعترف بالخطأ

    farida
    بصراحة انا مش فاهم ايه اسباب الغياب اعتقد انها اسباب شخصية وده بيطمن ان هاترجعي بسرعة فالاسباب الشخصية دائما تكون سريعة الزوال
    اما بالنسبة لنضارة فانا غعلا كسلان ولكن قريبا جدا هناك قصص جديدة

    ادم المصري
    الفضيحة كان ليها وقتها ودلوقتي خلاص

    تحياتي للجميع

    ReplyDelete