Late Night Stories حكاوى آخر الليل

في النهار تولد الحكايات .... وفي أول الليل نحكيها .... وفي آخر الليل أسمع أحلى الحكايات

: Name: Ahmed Shokeir; Location: Cairo, Egypt

View my complete profile

E-mail me @

This blog is best viewed with ... Internet Explorer

Today's Quote ...

" في عيد ميلاد الوزارة : لايكفي أن تكون نظيفاً .. لكي تكون رئيساً للوزراء "

- Me

Today's Quote Powered By: Shokeir

Saturday, December 23, 2006

للتاريخ .. عام 2006 في 32 صورة

ياتري إيه الصور الناقصة اللي ممكن نضيفها ؟

فيه صورة مش مفهومة ؟ فيه صورة مش متوقعة ؟

فيه صورة مش مستاهلة ؟

-------------------------------------

ملحوظة : حجم أو ترتيب الصور ليس له أي دلالة خاصة

-----------------------------------

روابط للتدوينة : سنة رايحة ... وسنة جاية لعُلا ومدونة من غزة

41 Comments:

mahmoud zidan said...: انت روعة روعة روعة يا ابو حميد
واغنية العنب فعلا رمز من رموز 2006
وما تسالنيش جبتها ازاى .. ومعلش احنا بتكلم
كل سنة وانت طيب

----------------------

Ahmed Shokeir reply

الفارس الاخير

يااااه إيه الغيبة الطويلة دي فينك من زمان ياراجل

lol @ el-3enab; December 23, 2006 3:32 AM
emz said...: قشطه كده
مفيش حاجه سبتها
حتى العنب
تحياتى

---------------------

Ahmed Shokeir reply ...

إيمز تحياتي على الزيارة
:); December 23, 2006 4:09 AM
Mohamed A. Ghaffar said...: فكرةرائعه وغير مستغرب عليك الروائع

الصوره الناقصه صورة اطفال مذبحة قانا 2 صحيح صورة نصر الله تعبر عن احداث لبنان انما لا يجب ان ننسى المذبحة

الصورة الغير مفهومة لا يوجد

الصورة الغير متوقعه صورة العنب

الصورة اللى مش مستاهلة صورة كريم

تحياتى

------------------------

Ahmed Shokeir reply

محمد
فعلا صورة قانا كانت صعبة وقد توقعت ان صورة نصر الله تغني عن كل الاحداث اللبنانية السنة دي من الغزو للإعتصام
أما صورة الشخص إياه فقد فرضت نفسها على التدوين وليست كل صورة موجودة صورة إيجابية; December 23, 2006 8:49 AM
ahmEd_H said...: انا شايف ان فى صور فعلا مايستحقوش انهم يجيول مع ناس زى نصرالله و لبنان بس خلاص محظوظين; December 23, 2006 6:24 PM
ahmEd_H said...: قصدى نصرلله و محفوظ و ابوتريكه ووقفة القضاء المهيبه بس يلا دخلوا التاريخ ولاد المحظوظه

----------------------

Ahmed Shokeir reply ...

أبوحميد

ولاتزعل نفسك .. تم الحذف

:); December 23, 2006 6:27 PM
Epitaph said...: فعلا

السنة كلها مرت بحلوها م مرها

تحياتي

وكل سنة و حضرتك طيب
:); December 23, 2006 7:30 PM
Romantic Rose said...: صورة كريم مش مستاهله حتي و هي نيجاتيف .. و صورة الشيخ عطية صقر "الله يرحمه و يغفرله و يسامحه" ناقصه ..

تجميعه حلوه قوي بجد .. بس متهيألي ناقص حاجات تاني مش حاضراني دلوقتي .. هفكر كده و يمكن ارجع اعلق تاني .. كل عام و انت الي الله اقرب .. دعوتين حلوين بقي و احنا داخلين علي وقفة عرفات .. ماشي ؟

--------------------------

Ahmed Shokeir reply ...

رومانتيك روز

تم إزالة صورة اللهو الخفي بناء على طلب الأعضاء
وتم إضافة صورة الشيخ عطية صقر رحمة الله عليه

:); December 23, 2006 9:17 PM
tota said...: العزيز احمد

كل سنة وانت طيب
اعتمدت على رؤية الصور لا الكلمات المصاحبة لان المدونة بتاعتك اتغيرت ومش عارفة اعملها انكودنج لانك عامل حماية فبالتالى مش عارفة اقرأ ولا كلمة
لكن فاهمة البوست بيتكلم عن ايه والفكرة كأنها شريط سينمائى بيمر علينا يفكرنا باحداث 2006 اللى بتلم اوراقها علشان تسيبنا لسنة جديدة مش عارفين هتكون ازاى لكن خلينا نتمنى تكون احسن

تحياتى
ومش مبسوطة لانى مش عارفة اقرالك حاجة

------------------------

Ahmed Shokeir reply ...

توتة
كويس إن البوست يكون صور على الاقل هايكون مفهوم من غير الكلمات المكودة
عموما تقدري تغيري الإنكودنج بطريقة تانية غير الرايت كليك
دوسي على فيو من القائمة ومنها هتلاقي إنكودنج
إختاري
Unicode (UTF-8)
الكتابة هاتظهر بالعربي
:); December 23, 2006 10:16 PM
مؤمن said...: مين الست المحجبة دى يا احمد ؟

غريبة انك حطيت صورة رئيس الجمهورية !!

ماعرفش دى حتصنف تحت اى بند ؟؟؟!

2006 مليانة احداث و القياس نسبى, عموما صورة قبر مفتوح و طفل مولود , صورة ضحكة من القلب و دمعة برضه من القلب هى ملخص صور عمرنا

على فكرة انت نسيت العبارة و القطر و نقل تمثال رمسيس و صور التعذيب و...

و كل صورة و انت طيب

اخوك مؤمن

و برضه مش حتعرف تحمى المدونة

-------------------

Ahmed Shokeir reply ...

صورة الريس دي لازم تكون موجودة كل سنة
فعلا قطار قليوب ونقل تمثال رمسيس تاهوا مني بس تم عمل اللازم
الست المحجبة : هي المستشارة نهى الزيني اللي إكتشفت التزوير في دايرة مصطفى الفقي وجمال حشمت وأعلنت عنه بالتفاصيل في المصري اليوم

وكل سنة وانت طيب; December 23, 2006 11:37 PM
مؤمن said...: عفوا .. انا اقصد صورة السيدة المحجبة اللى قبل صورة ابو تريكة ( مش اسمه كده برضه؟)

معلش اصل انا لا اتابع كرة القدم من بعد خروج مصر من كاس العالم ايام مجدى عبد الغنى; December 23, 2006 11:41 PM
هبه الضوي said...: هي فعلا في صور ما تستحقش تبقي موجوده ياعم احمد بس الناس دي اكيد كانت عامله ضجه السنه ومينفعش نتجاهلها

تحياتي ليك

-------------------------

Ahmed Shokeir reply ...

هبة
أتفق معاكي ان فيه صور سلبية لناس بس نتيجة انهم كاموا عاملين ضجة فكان لازم نحطهم
لكن نزولا على رغبة الكثير تم إزالة واحدة منهم
شكر لمشاركتك معانا; December 24, 2006 1:20 AM
shady said...: من عام إلى عام أحزان يا عرب

-------------------------

Ahmed Shokeir reply ...

شادي

دايما كده طبعك المختصر المفيد

:); December 24, 2006 4:01 AM
أُكتب بالرصاص said...: الله يا فنان

برافوا عليك والله
فكرة اكثر من رائعة

اجملت الاحداث في شريط من الصور

فعلا احييك; December 24, 2006 6:41 AM
أُكتب بالرصاص said...: صورة محمد عبد الوهاب

صورة مرتضى منصور

صورة العبارة وممدوح سالم

وياريت تشيل صورةكريم
مش مستاهلة

-------------------------

Ahmed Shokeir reply ...

أكتب بالرصاص

تم عمل اللازم وإضافة صورة محمد عبد الوهاب وصورة العبارة اما ممدوح إسماعيل فصورة العبارة كافية
بالنسبة لعم مرتضى لو فيه ناس تانية شايفة كده ممكن نحطها
اصل هو عامل قلق كل سنة مش السنة بس فاصبح شيئ عادي
وتم إزالة صورة المحروس; December 24, 2006 7:06 AM
بعدك على بالى said...: الصورة اللى ماتستاهلش
طبعا كريم على اساس انه نكرة فكان من الافضل ان يظل هكذا، زى منال وعلاء مايستحقوش مع احترامى بس مش شايفة انهم علامات 2006 ومش علشان اتقبض عليه
كمان حسنى البتاع ده وفاروق او فرى هما كمان ياريت يتشالوا مش من مدونتك بس ، لا ومن الدنيا قادر ياكريم...

الصورة اللى ناقصة .. نفسى اى امل ، معرفش طبعا ايه الصورة اللى ممكن تعبر عنه
او اللى تدخل الامل فى قلوبنا، بس ياريت تلاقى اى مشهد يدينا الامل فى بكرة ..

تحياتى على الفكرة الذكية فى تقييم ورصد سلبيات وايجابيات 2006 اللى حنكسر وراه ستميت قله

--------------------------

Ahmed Shokeir reply ...

بعدك على بالي
لو على الصور السلبية يبقى هانشيل صور كمان غير اللي قولتيها
عموما تم إزالة صورة واحدة
اما صورة تبعث على الامل فدي حاجة نادرة ولكن صور زي نهى الزيني وحسن نصر الله وأبو تريكة أعتقد انها ممكن تكون نوعا ما مناسبة

تحياتي :); December 24, 2006 8:47 AM
Mohamed A. Ghaffar said...: انا مقصدتش ان كل الصور تكن ايجابيه ، وفاهم ده كويس وفى صور غير ايجابيه تانيه ولم اعلق عليها

انما هذا الشخص لا يستحق ان يكون له زكر لا فى الأيجابى ولا السلبى وهذا ما كنت اعنيه

----------------------

Ahmed Shokeir reply ...

محمد
خلاص يالورد بناء على طلبك وطلب الجماهير ماأقدرش أأخر طلب
وتم الحذف

:); December 24, 2006 9:41 AM
Epitaph said...: اضافة

الدكتور احمد مستجير رحمه الله

...
و اللاعب محمد عبد الوهاب في الاهلي الله يرحمه

بس احمد مستجير اكتر
نفتقده بشدة

-----------------------

Ahmed Shokeir reply ...

إبيتاف
جبتي التايهة ، د. أحمد مستجير
ومحمد عبد الوهاب تم طلبه سابقاً لذلك تم عمل اللازم وتم إضافة الإتنين ربنا يرحمهم جميعا

:); December 24, 2006 12:49 PM
Anonymous said...: مفيش صورة عن انفلونزا الطيور، ولا السلام 98، ولا شباب الاخوان في الأزهر

-----------------------------

Ahmed Shokeir reply

أنينوموس باشا

فعلا عندك حق ، تم إضافة إنفلوانزا الطيور والعبارة أما شباب الازهر وصامدون والميليشيات لو إختارها حد تاني نقدر نحطها

شكرا على تعليقك; December 24, 2006 2:37 PM
citizenragb said...: نهي الزيني وشهادتها في المصري اليوم
كانت السنة اللي فاتت

----------------------

Ahmed Shokeir reply ...

رجب

برافو عليك ده كان في نهايات نوفمبر الفين وخمسة
وبالتالي تم الرفع
برافو; December 24, 2006 7:34 PM
Romantic Rose said...: انا افتكرت .. صورة ميليشيات الاخوان ف جامعة الأزهر .. دي صورة مهمه قوي .. يا ريت تحطها يا احمد ..

فيه صورة التحرش الجنسي ف العيد "عارفه انك مش مقتنع بيها" .. بس اظن انها بناءا علي ضجة الاعلام ممكن تكون من ابرز احداث 2006 .. و ممكن تبقي مصاحبه او تاليه لصورة العنب ..

الانتخابات .. انتخابات الرئاسة و مجلس الشعب و الانتخابات العماليه .. اختارلك اي مذبحة فيهم .. كله ماشي .. و ممكن بدال صورة زي دي .. يبقي تحط صورة حبيب العدلي ..

و جتلي دلوقتي فكره .. ايه رأيك الصور الايجابيه تسيبها زي ما هي و الصور السلبية تقلبها .. يعني تحط قمة الصوره لتحت و قاعدتها لفوق ؟؟

:) تحياتي

--------------------------------

Ahmed Shokeir reply ...

رومانتيك روز

ميه ميه
صورة الأخوان في الازهر وصامدون ..صامدون .. تم الإضافة
إنتخابات الرئاسة وإنتخابات مجلس الشعب كانوا في الفين وخمسة
صورة التحرش الجنسي .. انا نشرت صورة مدونة الوعي المصري دلالة على حادثة التحرش لانه اشاراليها مع مالك وكمان عشان فيديوهات التعذيب اللي عملت ضجة وكمان عشان جايزة افضل موقع الكتروني من حركة شايفنكم

فكرتك عن الصور السلبية انها تكون بالمقلوب
فكرة خطيرة بس كنتي فين من الاول
صعب جدا دلوقتي اقلبهم
ممكن باه انتوا تقلبوا الصورة اللي شايفينها سلبية; December 24, 2006 9:43 PM
Romantic Rose said...: This post has been removed by a blog administrator.; December 24, 2006 9:48 PM
epitaph said...: أحمد .. هههه تالت مرة آجي

مافيش صورة كده عن إنفلوانزا الطيور وكمان كأس الأمم الإفريقية
وحاجة كده عن جمال مبارك وخديجة
وبعدين فين طلعت السادات وواقعة الجزمة الشهيرة واحمد عز

أنا كل ماهافتكر حاجة هاجي أقولها

سلام باه

-----------------------------

Ahmed Shokeir reply ...

إبيتاف
إنتي تنوري مليون مرة
بالنسبة لصورة إنفلوانزا الطيور زز تم تنزيلها من خلال طلب سابق
بالنسبة لصورة طلعت السادات .. تم عمل اللازم
بالنسبة لصورة كأس الأمم الإفريقية ... تم عمل الللازم
الصورة التانية بأه ... مالهاش لزوم

:); December 24, 2006 9:50 PM
shaimaa said...: العنب اكتر صورة لفتت نظرى
ووقفة القضاة

انت عينك عين فنان ثاقبة
تحياتى

---------------------------

Ahmed Shokeir reply ...

شيماء
ميرسي على ذوقك
للاسف مالقيتش صورة للمدعو عماد بعرور صاحب اغنية العنب
انا اصلا ماعرفش شكله فلقيت الصورة دي تقوم بالواجب; December 25, 2006 12:10 AM
daktara said...: يابن الايه يا شقير
طول عمرك رائع وصاحب التجديد والافكار الرهيبه
انت كل مره بتتحفني بحاجة جامده موت

كلاكيت رابع مره
وحشاني تعليقاتك عندي

-------------------------------

Ahmed Shokeir reply ...

دكترة
تسلم يالورد على التعليق
إحنا لينا الشرف نجيلك انا بصراحة مقصر معاك

آه كنت هانسى الكومبيوتر عندك يامعلم فيه فايروس وكل شوية يخش على ليستة الكونتاكت عندك في الإيميل ويبعتلي فايروس
شوفلك حل يامعلم
إيميلاتك بقت مشبوهة; December 25, 2006 1:21 AM
Anonymous said...: حوادث التعذيب والشرطة المصرية

--------------------

Ahmed Shokeir reply ...

معاك إنها من اهم الأحداث بس اعتقد وجود شعار مدونة الوعي المصري كافي للإشارة لذلك; December 25, 2006 2:34 AM
SaSo said...: ياأحمد باشا
موش عارفين نقرا المدونه ياعم,الحروف بتطلع هيروغليفى-عندى انا بس موش عارفه ليه- عاجبك كده؟
اجى اعمل انكوندج الاقيه بيقولى
copy rightموش عارف ايه كده
ليه المعامله دى؟
شوفلنا حل بقى انت عارف مدونتك ادمان
بس اوعى انا فهمت البوست عن ايه
عن حوادث2006
نبيه انا

----------------------------

Ahmed Shokeir reply ...

ثروة
من القائمة إختاري فيو ، ومن فيو إختاري إنكودنج
ومنها إختاري

Unicode (UTF-8)

بس غريبة إنك فهمتي البوست بالرغم من إنه هيروغليفي

:); December 25, 2006 5:27 AM
Anonymous said...: متهم حادثة بنى مزار يا استاذ احمد
ازاى تنساه ...

walaaz

-------------------------------

Ahmed Shokeir reply ...

ولاء معاكي إنها من الحوادث الغريبة والمهمة بس هيا وقعت في نهاية الفين وخمسة واتمسك الجاني في اوحد واحد الفين وستة عشان كده بيتهيألي ماينفعش نحطها في الفين وستة
ولاّ إيه رأيك ؟; December 25, 2006 1:51 PM
Anonymous said...: أبو حميد.... أظن صورة أحمدى نجاد لازم تبقى موجودة.... الراجل عامل دوشة فى العالم كله
تحياتى

--------------------------------

Ahmed Shokeir reply ...

انينوموس

عندك حق .. مش عارف راحت عن بالنا إزاي
تم التدارك وضع الصورة; December 25, 2006 2:11 PM
قلم جاف said...: اختيار موفق للصور .. تدوينة شديدة..

-----------------------

Ahmed shokeir reply ...

قلم جاف

شكرا على الزيارة
:); December 25, 2006 4:57 PM
Anonymous said...: ايوة
ما هى الفكرة ان الجانى مطلعش الجانى
وصدر حكم تبرأته 2006
يفضح قسم (هيئة المتخلفين عقليا لتلفيق التهم)بوزارة الداخلية

عامة زى ما تشوف بس القيل والقال عن الحدث دا متقفلش الا قريب

كل سنة وانت طيب

walaaz,,

--------------------------

Ahmed Shokeir reply ...

ولاء

تم عمل اللازم ونشر صورة حادثة بني مزار

:); December 25, 2006 5:50 PM
الحصان الأسود said...: وهل علاء ومنال و الكافر كريم و جمال سليمان او مرتضى مضقور من رموز العام 2006

لية بقى ان شاء الله

وياريت تضيف صورة عن احداث التحرش بوسط المدينة

و صورة عن الباشا الصغير جيمي وتعديل المادة 76 لتوريثة

مجهود رائع تشكر علية

تحياتي; December 25, 2006 7:28 PM
sabrina said...: تحفه وروعه
شكل slides awsome & new
ووافيه وشامله
ممكن كان مهرجان القاهرة السينمائي بشكله الجديد
وسفر حكيم علشان يغني في نوبل
happy new year; December 25, 2006 11:03 PM
Aoossa said...: مجهود تشكر عليه
واضح أنك من عشاق كرة القدم
متهيألى ناقص حاجات مهمه لسه
و هو التواجد الأمنى فى 2006
صور ضرب القاضى
و ضرب المتظاهرين
و قضية التوربينى لا تقل عن قضية بنى مذار
ودموع الشعب
أهم حاجه دموع الشعب
مستنياك تعلق على قصه بوليسيه
كتباها
كل سنه وأنت طيب
بمناسبة العيد
و تعديل الدستور; December 27, 2006 12:57 AM
Aoossa said...: فكرت أتقدم بألتماس
عشان تحذف صورة علاء ومنال
بعدين أفتكرت أنهم كانوا السبب
فى معرفة عدد كبير من الناس بالتدوين
وأنا واحده منهم
أنا سيبتلك رد على تعليق
كنت كتبته
مش عارفه أوعا تكون واخد موقف بعدين أقتلك
أختيار الجميله أبيتاف صورة دكتور احمد مستجير بيدينى أمل كبير فى بكره
و بيخلينى أحترمها أكثر
هم دول الجيل اللى بنتمناه; December 27, 2006 1:20 AM
عامر حريري said...: في صورتين لازمهم حذف صورة وزير الثقافة المصري وصورة بابا الفاتيكان
شكرا على الصور عزيزي
مع تحياتي; December 27, 2006 1:10 PM
HebA said...: ما شاء الله فكرة هايلة

اقترح وضع صور لـ
البورصة
عمر افندي
الجزيرة 10 سنوات
الشيخ سالم ابو الفتوح بتاع الاحلام

وايه رأيك في الصورة دي "لمبارك الاستسلام"؟

http://www.masrawy.com/Images/SGE%2EDIA33%2E050606075611%2Ephoto00%2Equicklook%2Edefault-245x173_tcm6-621043.jpg; December 28, 2006 1:55 AM
change destiny said...: كل سنة و انت طيب يا كبير

مكنتش متوقعة اشوف احمد مستجير
جميل انك افتكرته .. مشفتش صورة عودة مع اني كنت متوقعاها قوي

مفيش مش مستاهل

عيد سعيد غير مبارك; December 28, 2006 11:54 AM
عبدالرحمن said...: أين قتلى العراقيين والفلسطينين؟; December 28, 2006 4:25 PM
عروسة النيل said...: سلام عليكم
ماشاء الله ، أنا شفت السنة كلها بتعدي قدام عيني
متهيألي مش ناقص غير صورة للتوربيني إللي شكل قضيته هتطلع زي قضية بريء بني مزار

و كمان لو صورة للشاب أمجد

شكراً
عيد سعيد، و حج مبرور; December 30, 2006 12:25 AM
fnan_geology said...: بجد بجد احلى تلخيص لسنه 2006 شوفته
وحلو العنب دلى

وتقريبا منسيتش حاجه

وسلاااااااااااااام; January 03, 2007 8:10 PM
Anonymous said...: اكتشاف التوربينى و عصابتة
2006 عام الكوارث

روضة; January 10, 2007 3:56 PM