أحمد مدون فنان حباه الله بموهبة التصوير الفوتوغرافي
أحمد وراء كل صورة يلتقطها قصة ومجهود ذهني حتى تصبح قطعة فنية
أحمد عندما يكون لديه فكرة معينة تحتاج لأسطر عديدة وكلمات كثيرة تعبر عنها يختزل أفكاره في صورة
أحمد إذا كان يلتقط صوره في كسر من الثانية تبعا لسرعة اللاقط ، فكثير لايدري أن هذا الكسر من الثانية وراءه مجهود أيام وليالي
أحمد مثل أي مبدع يحتاج لتشجيع الآخرين بالتعليق على صوره ولذلك نشرها في موقع فليكر حوالي مائة وعشرون صورة
أحمد كان يتابع يوميا التعليقات التي تشيد بصوره وتشجعه على مزيد من الإبداع
أحمد كان يتمنى أن تصل صوره يوماً ما إلى معارض التصوير الفوتوغرافي أو الصحف والمجلات
أحمد كان يتمنى جنيهاً واحداً يدخل جيبه من وراء مجهوده الإبداعي ولن ينفقه فسوف يكون أغلى جنيهاً في حياته حيث يكون نتاج أحب الأعمال إليه
أحمد راجل طيب وحط علامة الكوبي رايت © على صوره في موقع فليكر
© All rights reserved
أحمد مدون قرأ ماحدث في مدونة حائر في دنيا الله ودخل عندي كتب تعليق يستنكر ودخل نام ولم يكن يحسب أنه سوف يكون التالي
أحمد إكتشف أن إحدى صوره الإبداعية ، بل أكثر صورة نالت أكبر عدد من التعليقات تعدت الستون منشورة في مجلة تين ستاف
أحمد لم يكن ليبخل بأن تنشر صورته في المجلة مجاناً بل كان يتمنى ذلك ، ومطلبه بسيط جداً ولن يضير أحد وهو أن تذيل الصورة بإسمه تصوير : أحمد
كده بكل بساطة بضغطة واحدة (سيڤ بيكتشر آز) وحُطها مع شوية الكلام وإنشر ياجدع في المجلة وإطبع ووزع
السرقة
الأصل
المشكلة ليست في دعاء سامي التي وُجدت الصورة في تحقيقها ولكن في المحرر الفني الحرامي اللي حافظ عنده شوية صور مسروقة عمّال ينقي منها الأنسب لموضوعه
المشكلة ليست في دعاء سامي التي وُجدت الصورة في تحقيقها ولكن في المحرر الفني الحرامي اللي حافظ عنده شوية صور مسروقة عمّال ينقي منها الأنسب لموضوعه
--------------------------------
لو كل واحد أخد من وقته دقيقة واحدة وبعت للإيميل ده يستنكر ماحدث أوعلى الأقل يعمل كوبي وباست من البوست ده ، هايكون إتصرف بإيجابية ويكون بجد شارك في عودة الحق لأحمد اللي متأكد إنه حقه هايعود بإيجابيتكم
تيجي نتحدي أنفسنا ونشوف هانقدر ولا لأ ؟
----------------------
تيجي نتحدي أنفسنا ونشوف هانقدر ولا لأ ؟
----------------------
-----------------------
تحديث
طبقاً لتعليق أحمد ومانشره في مدونته إلى أنهم إتصلوا به وماأكدته مديرة تحرير المجلة له بأنه خطأ غير مقصود وسوف يتم إعادة نشر الصورة بالعدد القادم مذيلة بإسمه وإعتذار له وتقبل أحمد لذلك فلنعتبر أن الموضوع مُعلق مؤقتا حتى صدور العدد القادم لنعلق عليه
طبقاً لتعليق أحمد ومانشره في مدونته إلى أنهم إتصلوا به وماأكدته مديرة تحرير المجلة له بأنه خطأ غير مقصود وسوف يتم إعادة نشر الصورة بالعدد القادم مذيلة بإسمه وإعتذار له وتقبل أحمد لذلك فلنعتبر أن الموضوع مُعلق مؤقتا حتى صدور العدد القادم لنعلق عليه
وذلك بالرغم من تحفظي وآخرين على الردود التي إنهالت من المجلة على مدونته
تحية لكل من أرسل إيميل أو علق او بادر بالنشر بمدونته
يبقى الشكر أخيراً لمجلة تين ستاف التي أثبتت أنها على مستوى كبير من المسؤلية تبعث على الإحترام
تحية لكل من أرسل إيميل أو علق او بادر بالنشر بمدونته
يبقى الشكر أخيراً لمجلة تين ستاف التي أثبتت أنها على مستوى كبير من المسؤلية تبعث على الإحترام
ولنا لقاء بعد صدور العدد القادم
--------------------------
تحديث أخير 13 يناير 2007
الشكر مرة أخرى لجميع فريق مجلة تين ستاف هذه المرة بقوة بعد نشر صور أحمد مع إسمه على صفحة كاملة ، كان الشكر السابق مُعلق على صدور عدد يناير
مرة أخرى أثبتكم جميعكم أنكم على مستوى كبير من المسئولية التي تبعث على الإحترام
--------------------------
--------------------------
نقدر
ReplyDeleteبس سؤال يعنى
هو انا لما ابحث فى صور جوجل وياهو والاقى صور انشرها مع مواضيعى دة يعتبر وحش كمان
يعنى ساعات بتقابلنى صور تقوللك دى ليها حق نشر
على طول باسيبها
لكن الاغلب مافيش
هل الاغلب دة فور فرى يعنى وللا ايه
معلش يا احمد يا فنان
ان شاء الله حقك يرجعلك
مشكله فعلا..انسان موهوب وحقه يضيع كده
ReplyDeleteكل يوم اعجابي بيك بيزيد بجد
ReplyDeleteانا عملت زي ما قولت لنا و لازم تعرف ان احنا نقدر بس انا عندي نفس المشكلة اني اوقات بحتاج صور فبعمل زي ما قال حلم هو كده سرقة
انا عندي سؤال صغير برضه...الفوتو شوب اللي احمد انتج بيه الصور دي اوريجينال ولا نسخه مضروبه كالعاده، طيب و الويندوز اوريجينال؟
ReplyDeleteللعلم سعر نسخة الفوتو شوب حوالي 400$ يعني اكتر من 2250 جنيه....اكيد انا ضد السرقه، بس بكره النفاق اكتر
يا ربي علي السرقات التي لن تتوقف !!!!!!!!!!!!!!!!!!!!!!!!!
ReplyDeleteمش ممكن بجد
يعني نعمل في البلد دي ايه علشان كل صاحب مسؤولية يكون فعلا جدير بالمسؤولية اللي في يدة و براعي ربنا بجد ...
الاستسهال ... ثم التواكل ...و طبعا اكيد اغلب الناس دي جم بالكوسة اللي غطت في السوق
ربنا يستر علينا بجد
تحياتي لحضرتك يا اخي الفاضل احمد شقير
بجد مدونة محترمة :)
مش عارف اقولك ايه بس بجد ربنا يكرمك
ReplyDeleteمتشكر جدا ياجماعه على تعليقتكوا
ReplyDelete@badr
عجبنى كلامك مع انى مافهمتش تقصد ايه بالنفاق بس مش مشكله حتى لو تقصدنى حتى لو الفوتوشوب و الويندوز مضروبيين انا لما عملت الصوره ماكنتش عايز ابيعها و دا مش علشان مش عارف لا فى مواقع كتير جدا بتعرض الصور الديجيتال فى مزادات على النت و كنت ممكن ابيع و اكسب بس انا قلت لا
انا عمرى فى حياتى ماعملت كوبى لنسخةويندوز علشان حد وطبيعى عمرى ماعملت كوبى من برنامج حد حيستخدمه فى شغل علشان كدا لاقيت ناس زى شقير و طعمه و ايجى مان و غيرهم وقفوا معايا
شركة وويندوز و فوتوشوب تقدر تقفل كل نسخه مضروبه بتخش على النت و تقدر تمنع شركات الانتى فيرس من التعامل معها بس دا مابيحصلش مش علشان هم طيبين و عايزينا نتعلم لا علشان هم بيكسبوا اكتر كدا
شركة سونى بتاعت البلاى ستيشين ممكن تقفل الشركات الى بتضرب العابها و تنزلها ب اقل من خمس تمنها بس مابتعملش كدا علشان عايزيين البلاى ستيشين يتباع و مش مشكله يكسبوا جامد من الارباح
دى لعبة البيزنيس يا صاحبى
انت بتتكلم فى برامج ب3000 دولار انا بعمل مشروع التخرج بتاعى على برامج تمنها اكتر من 450000 ايجيبشن باوند و الجامعه عندنا اشترتها
على فكره نسخة الوندوزدى اصليه
واو دول شكلهم مجلة بتاعت العيال اللى بتاكل كرواسون
ReplyDeleteوالهوانم اللى ما سكينها اكيد اعضاء فى نادى الليونز وغالباً ما بيعتذروش وممكن يقدموا فيك انت واحمد محضر فى قسم الوايلى ورئيس المباحث يلفق لوكوا قضية تعاطى بقرش هههههههه
هجوم هجوم هجوم هو ده الحل الوحيد
ReplyDeleteطبعا نقدر وحنعمل ده وربنا يستر مش اننا مانتسرق لانها واضح بقت صعبة، المهم اننا نكتشف ....
ReplyDeleteوقد تكون المشكلة في الظاهر شخصية ولكنها ليست كذلك مطلقا,فمعني هذا أن جهد كل المدوينين معرض للسرقة والاقتباس والنقل الحرفي دون ذكر أي مصدر
ReplyDeleteياريت لو تضامن معي كافة المدونين فإنها ليست مسألة أن صحفي قد سرق موضوع بل أكبر من ذلك, بكثييييييييييييييير
وما أريده فعلا هو أن يتكاتف جميع المدوينين لحماية إنتاجهم الشخصي من السرقة والنقل
حد سامعني؟!
قلت الأسطر السابقة حين تم نقل أو سرقة سبعة تدوينات من مدونتي لجريدة الميدان مرة واحدة
وبالفعل يتكرر الأمر مرة ولن ينتهي هذا الموضوع
اعتقد يجب ان نوجه مجهودنا لحركة اكثر ايجابية فيبدو ان خطوة التسامح التي أخذناها مع الميدان فهمت بشكل خاطئ وقد تتطور
أتمني أن يكون للمدونين طريقة تحفظ انتاجهم عن طريق جميعة ما أو شيء من هذا القبيل كجمعيات حماية حقوق المستهلك
كل تضامني مع احمد المسروق
وعلى فكرة كل واحد اسمه احمد احتمال يبقا هوا اللي عليه الدور يتسرق
انا بهنيك يا احمد على السرقة اللي اتسرقتها لانها بتعلن و بقوة ان عمل الفني تحفة و يستاهل النشر و ده بجد شئ جميل يفرحك
ReplyDeleteده الجزء المليان من الكباية
--
الجزء الفاضي بيقول
ان مادام انا منل اي حاجة سواء كانت بوست او صورة او فيديو
اي شئ
مادام عرضه على النت يبقى
متزعلش مني
اللي ما يشتري يتفرج او يتنيل زي بعضه
لو حريص على شغلك من السرقة احفظه بشكل يمنع نسخه او حتى حاول تبيعه
-----------
باختصار
انا مسبش ورقة بمائة جنية في الشارع و ازعل لما تتسرق
----
كويس دلوقت امشي بقى اروح ابعت لهم ايميل بستفه حاكم انا بموت في الحاجات دي موووت
---
كلنا معاك يا ابو حميد بس متنسناش بقى في الحلاوة
---
تحياتي العالية للراقي الاستاذ
احمد شقير
عمدة البلوجرية
done!!!!
ReplyDeleteللاسف تينز ستف كانت مجلة محترمة و ليها مصداقية كويسة ..و كنت بتابعها من ايام ما كنت في اعدادي و بتلاتشر جنيه
:))
المهم.اعتقد ان احنا لازم يبقي لينا وقفة
و فكرة الايميل دي حركة ايجابية جدا
و ربنا معاك يا احمد
تحياتي لاستاذي الفاضل احمد باشا شقير نصير الشعب البلوجراوي المنهوب
:)
احمد
ReplyDeleteبحد شكرا على انك عرضت الموضوع وطريقة حله
ولن يضيع حق ورائه مطالب
انا كمان بعت الميل
تحياتى
أ/احمد
ReplyDeleteبتوع المجله اخدو خطوه ناحيتنا ، ظاهرها الهجوم وباطنها فيما اعتقد الخوف
جانى تعليق مطول مش عارف ليه اختارونى عشان يبعتوه عندى ولا ليه كاتبين بالأنجليزى رغم انى باعت لهم بالعربى ولا ليه داخلين بأسم مجهول
انا مش قادر ارد عليهم دلوقتى بعد يوم عمل شاق للغايه ، الصبح بإذن الله هفند كل كلمه فى التعليق وارد عليها انا بس حبيت اعرفك انت واحمد صاحب المدونه المسروقة
they sent a reply! at least they took it into consideration! But I am not wholly convinced with their resolution in fact!
ReplyDeleteاول حاجه احب اشكر كل واحد وقف معايا من غير مايعرفنى و بما ان ماحدش يعرفنى شخصيا
ReplyDeleteفانا بشكركم كلكم
كلنا تابعنا موضوع الصوره و انا بقراء التعليقات لاحظت ان المجله كل دا ماكنتش ردت على و انا كان سبب نشرى للموضوع من الاول ان ماحدش رد على و زى ما وضحت قبل كدا ان ماكنتش عايز المجله تنشر الصوره تانى او تنشر اعتذار لانى كنت فرحان انهم نشروها اساسا بس كنت مضايق ان ماحدش رد على الايميل وقلت فى نفسى اكيد شافوا الايميل وماحدش رد على المشكله كلها كانت ان مفيش حد شاف الايميل منهم و اول لما عرفوا يتكلموا اتكلموا على طول و فى ناس كتير كلمتنى من المجله و استغربوا ازاى الفيلم دا كله حصل لان من الواضح ان كمية الايميلات كانت كبيرة جدا الى وصلت هناك بعد تبنى احمد شقير الموضوع و المشكله انى كنت ببعت الاميل بالعربى و السيرفر ماكنش بيستقبل عربى وهو دا الى عمل المشكله كلها
المهم انا اتكلمت مع مها عفيفى مدير تحرير مجلة تين ستاف و بصراحه هى قالتى انها ماعندهاش مشكله انها تنشر الاعتذار مع انها مش غلطتها ان الصوره بتظهر فى السيرش على الصور البابليك و بعد اتصالى بالموقع نفسه و بلغتهم بالمشكله اكتشفت ان الصوره بعد كدا مش بتظهر فى السيرشات و اكتشفت ان كل دا كان ممكن يكون بسبب غلط فى الموقع نفسه و ممكن لا فقررت انى اكتفى بوعد منها بنشر صوره تانى و تحتيها اسمى و على ما اظن دا كافى بالنسبه لى جدا و عجبنى جدا انها عرضت على انها تنشر الاعتذار مع انى مش محتاجله لانها فعلا ممكن ماتكنش غلطتهم و بعد لما تنزل الصوره الجديده انا برضه حانشرها هنا و ياريت اى حد وقف معايا و نشر الموضوع عنده ينشر الكلام دا علشان نصلح اى سوء تفاهم حصل
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
ReplyDeleteخلاص تنزل المرة دي
ReplyDelete---
ههههههه
مبروك يا سيدي
من اول لحظة عرفت ان البلوجرية بقى ليهم صوت مسموع و انهم بقوا قوة لا يستهان بقى
---
الحاج احمد شقير عمدة البلوجرية
ازيك يا ابا العمده و ازيك كده
عايزاك ترفع لنا قضية على بيتا بلوجر اللي بيلاعبنا عسكر و حرمية و كل يوم في حال
لحسن انا خلااااص حطيت صوابعي في الشق منه
و دمتم
ميس كلبوزة لكن مش عارفة تسيب كومنت
that's good!! we 've done something then!
ReplyDeleteCongrats Ahmed!~ wish you all the best
and thanks again Mr Ahmed Shokeir naseer el do3fa2 wel masakeen! :D
LOL @ Kalboza's comment
مش عارف يا أحمد
ReplyDeleteانا معرفكش
لكن مظنش انك هتتدعي حاجة ليك يعني احساسي كده .
عشان كده انا بعت رساله ليهم شديدة شوية أصلي حقيقة انا بكره السرقة وعلى الأقل ان كان العمل مش مقصود ببساطة المفروض ينشرة الصورة تاني تحتها اسمك مع تزييل المقال بإعتذار انيق
لك محبتي بالغيب
روح جميلة منك وهي الحفاظ علي حقوق المدونين الادبيه نشكرك عليها
ReplyDeleteكلاكيت تاني مره
واحشاني تعليقاتك عندي
ايه يا عم احمد الحزن اللي باين المره دي في موضوعك
ReplyDeleteانا بقالي فتره متابعه مدونتك مع اني عمري ما تابعت مدونه لكن عندك كده حاجه بتشدني ومع ذلك ولا مره فكرت اكتب تعليق لكن المره دي مختلفه لاني عمري ما وقفت مع حد (ندله يعني) ولا حتي بأني ابعت ايميل احتجاج
لكن المره دي علشان خاطر عيونك وعلشان حزنك اللي باين قوي ده انا لازم ابعت ايميل الاحتجاج واعمل اي حاجه تاني علشان خاطرك ياعم بس انت ماتبقاش زعلان
انا بعتلهم يا احمد واكيد الحاجات دى ميتسكتش عليها ولازم نوقف السرقات دى
ReplyDeleteتحياتى
يااااااااااااااه
ReplyDeleteده طلع احمد تاني غيرك
علي العموم مش مهم
أدينا برضه عملنا حاجه كويسه
يااااااااااااااه
ReplyDeleteده طلع احمد تاني غيرك
علي العموم مش مهم
أدينا برضه عملنا حاجه كويسه