إلعب .. إلعب .. إلعب
جالك تعليق وفيه كلمة غلط أو كلمة منسية مثلا وأصبح التعليق مش واضح
جالك تعليق وفيه كلمة مش ولابد ، بس باقي التعليق كويس وصالح للنشر
جالك تعليق من واحد بينتقدك وعايز تغيظه وتغير كلامه اللي كتبه
زمان كان عندك حل من اتنين ياتنشره زي ماهو ياإما تلغيه
لا تدور ولاتحتار .. شرفني هنا وصلـّح تعليقات مدونتك
إزاي ؟؟؟
وإنت عامل ساين إن في البلوجر وفاتح تعليقات مدونتك تعال عند علامة ولامؤاخذة صفيحة الزبالة ( 
) وبالرايت كليك إختار (كوبي شورت كت) وتعال في البوكس اللي تحت هنا وإعمل باست بالكنترول في
وبعدين دوس على المربع اللي تحت هاتطلعلك صفحة زي بتاعة تحرير التدوينة وفيها التعليق ، إلعب فيه زي مانت عايز وبعدين دوس بابلش هتلاقي التعليق الجديد ظهر ... نياهاهاهاها
ملحوظة1 : الكلام ده للبلوجر العادي ، أما بيتا بلوجر فالله أعلم
ملحوظة2 : تم العبث ببعض التعليقات على هذا البوست بس مش في الكلام
الله ينور
ReplyDeleteهههههههه
بس السؤال
المدونين ح يستخدموا الطريقة دي فعلا؟؟
ودي مجربة؟
;)
علي فكرة انا كنت عايزة اعلق بقي علي حكمة اليوم
ReplyDeleteهههههههه مقولة جبارة متطلعشي غير من ممتاز القط فعلا
تحياتي يا استاذي العزيز
:)
ههههههههههههههههههه
ReplyDeleteايه يا كبير دا كلام
دا انت لجان الحريات ولجنة حموم اللسان حتعلن عليك الحرب
(;
إبيتاف
ReplyDeleteجربيها بنفسك عندك
وهاجربها على تعليقك اللي فوق
إنتي كاتبة
هههههههه مقولة جبارة متطلعشي غير من ممكتاز القط فعلا
وطبعا كاتبة ممتاز غلط كاتباها ممكتاز
هاصلحها دلوقتي وهاخليها ممتاز
شفتي السحر
معلش نسيت موضوع ض . ج
ReplyDeleteوالله اللى سماه ممتاز ظلمه ياعم دا المفروض اسمه راسب او ض . ج اخره
مفكر نفسه طالع رحلة مع المدرسة بروح امه والناظر مركبه فى الكرسى اللى قدام
طاهر
ReplyDeleteالتعليقات كلهاعن ممتاز القط ، شكله كده محتاج بوست محترم
عموما أبو الليل عامل بوست محترم عليه
هههههههههه
ReplyDeleteحلوة اوى
بس مش كنت تقول يا راجل
قبل ما ابقى بيتا
وبعدين بصراحة اللى عندى كلهم ناس كويسة
محدش بيغلس
مش عارفة ابقى اعرف طريقة بيتا لو سمحت استحياطى
و فعلا تحياتى
ههههههههههههه
ReplyDeleteوانا كمان كنت الضحية
ههههههه ولازم يعني التشريد ليا اني كتبت غلط
لا لا بس الموضوع من غير سحر و لا شعوذة
بسم الله الرحمن الرحيم
ارقي المدونة
بس انا تعليقاتي كمان اتشقلبت يعني اللي تحت بقي فوق و اللي فوق بقي تحت
ههههههههههه
الواحد يطلع العشر اختلافات ما بين التعليقين بقي و لا ايه
هههههه
صباح الفل يا باشا
:))
ملحوظة: تم المراجعة اللغوية للتعليق من قبل المجمع اللغوي قبل النشر
هههههه
ياعينــي عليك ياعمو أحمد
ReplyDeleteتحية للبلوقر القديم
ووداعاً للديمقراطية
:P
حلو أوي
ReplyDeleteبس ممكن بعد كده منصدقش التعليقات
والخوف فعلاً من الموضوع اللى اثارته توته
بس لو ده حصل يا توته يبقى مفهوم التدوين انهار من اساسه
بس لازم الواحد ييجي البوست هنا عشان يعدل
ReplyDeleteبرجاء عدم تعديل السؤال..؟
:))
يبقى انا بغش نفسى
انا بسيب
التعليقات بعبلها
على عينك يا تاجر
ولا يهمنى
تحياتى
الله!!!
ReplyDeleteده انا كنت كاتبة بوست بنفس العنوان
العب العب العب
بس الموضوع مختلف تماما
انا غيرت اسمو على كل وخليتو اقوى افلام العيد
صباح النور يا استاذ
يا معلم
ReplyDeleteكدا خربت
احمدك يارب انا بيتا علشان مالعبش فى حاجه
بس حلو انى احط اللينك عندك و كدا
الله حلوه دي يا احمد
ReplyDeleteجبتها منين؟؟
والله انت جامد
ايه ده
ReplyDeleteانت ليك في النظام ده
بس علي فكره
اللي يلعب في تعليقي هلعبله في ط....
ولا بلاش
-------------------
أحمد شقير : هههه .. هاتلعبله في إيه يادكترة بس
بصراحه صفحة التعليقات تطورت كتييييير عن الاول
ReplyDeleteبقيت اشوف ناس تكتب بخط تقيل
او تلون الخط اصلا
او تسيب لينك جوة التعليق
الحاجات دي بصراحه انا فاشل فيها جدا
لكن ما مانع من التطوير
وتبقي للافراد حرية الاختيار
تحياتي يا كبيييييير
بس يبقى فين الضمان لمصداقية التعليقات بعد كدة؟
عموما كل مدون وضميره
وكل واحد يخلي باله من لغاليغه ... لأن اللعب في اللغاليغ بقى منتهى السهولة
:)
صباح الفل
looooooool the last picture is incredible!! looool
ReplyDeleteسلام عليكم
ReplyDeleteميرسي جداً بجد عالمعلومة دي
هية صحيح هتفتح باب اللعب في التعليقات
بس أهه أرحم من لغة الشتايم اللي بقت حاجة عادية عند ناس كتيرة جداً
و للأسف
أنا بيتا
عااااا :'((((((
ReplyDeleteاتمنى لو ينفع اصلح ايامى بالسكريبت ده
اضع فيه احداث اليوم و اعدل فيها , الغى و اصلح كل ما اّلمنى , اضيف لحظات سعادة ,
ازود كلمة شكر كان نفسى اسمعها و اشيل كلمة حقد افسدت يومى.
الون ضحكات ابنى و امسح خناقى معاه .
اكبر حجم كل دعوة من شخص يحبنى و اصغر كل كلمة سؤ.
لو فيه سكريبت يعدل ايامنا باحداثها المرة فدلنى عليه .
نفسى اعمل كنترول زد لايامى بس ماينفعش .
اخوك مؤمن
من الاخر انا لسة جديد على بلوجرر بس باين كده ان انا هشوف معاه ايام سووووودة
ReplyDeleteاحمد شقسير انا اشك فيك
ReplyDeleteاشمعنى ادوس عندك يعنى وانا عامل ساين ان فى البلوج بتاعى هة
افكارك مجنونة بس جامدة .. عجبانى كل بوستاتك .. تحياتى لك واسمحلى ازورك تانى ..
ReplyDeleteوالسلام ختام ... :]
العلام حلو ياجدعان برضه
ReplyDeleteبس الخوف من إساءة الاستخدام بصراحة
على فكرة ملوش لزمة الموضوع ده لان ان انت هتفترض ان كل الناس هتستخدمه بامانة و ده صعب
ReplyDeleteانا افضل اسيب تعليق الناس زى ماهو و لو فيه حاجة مش عاجبانى اشيله احسن اما بقى لو فيه غلطة مطبعية او حرف ناقص ف الاولى ان اللى كتبه يصلحه
ولا ايه؟
احمد شقير
ReplyDeleteانت مش بتزورني ليه
هه؟؟؟و الله لازعل منك
يالله اروح ارقي البلوج بتاعي من عفاريتك
جمييييييييييييله
ReplyDeleteكانت فين من زمان ايام ما كانو شغالين شتيمه عندي ههههه
تسلم ايديك
انا شخصيا برشحك و بدون منافسة لنيل درجة الكتوراه فى البلوجرز وتقنياته...
ReplyDeleteربنا يخليك للغلابه اللى زينا بتوع محو الامية التكنولوجية
تحياتى
تعرف انى طلعت عينى فى البلوج ريدر بتاعك
الفضول خلانى اقضى فيه كام يوم علشان اعرف بيشتغل ازاى
وبعد ما كنت خلاص هاوصل.. النداهة ندهتنى وانشغلت ونسيت انا وصلت لايه
تعرف ان اكتر حاجة عاجبانى ومستغرباها
انك رغم كل التطوير والتحديث متمسك بالستايل بتاعك ومش بتغير التامبلت
زهد دة وللا حاجة؟؟
طب دلوقتي انا مش بلوجر
ReplyDeleteأدوس كليك برده وأجرب
ولا العمر مش بعزقة
هههههه
:)
يللا مع تحياتي
انتوا بتعملوا الخطل الوان ازاي ؟
ReplyDeleteو بتعملوه بولد ازاي ؟
و بتضيفوا صوره مع التعليق ازاي ؟
و بتحطوا اللينك مع التعليق ازاي ؟
ايه اللي بيحصل ده ؟ ايه اللي انا شايفه ده ؟
أحمد .. أمانة عليك ما تغيرش شئ ف تعليقي مهما كان حتي و لو غلط .. خليني احس بمصداقية المدونة و تعليقاتها حتي نهاية علاقتي بدنيا المدونات .. ممكن ؟
خليك معايا انا كمان يا برنس
ReplyDeletehttp://ahmedhelmasry.blogspot.com/2006/12/blog-post_17.html
الطريقة مش شغالة فى كل القوالب
ReplyDeleteو حتى مش كل القوالب القديمة شغالة فيها الطريقة دى
هى شغالة بس فى القوالب اللى التعليقات فيها زى عندك كدة
موجودة فى نفس صفحة البوست
يعنى تبع القالب
تحياتى