Thursday, December 14, 2006

اللعب في تعليقات البلوجر


إلعب .. إلعب .. إلعب


Shokeir - Edit comment



جالك تعليق وفيه كلمة غلط أو كلمة منسية مثلا وأصبح التعليق مش واضح

جالك تعليق وفيه كلمة مش ولابد ، بس باقي التعليق كويس وصالح للنشر

جالك تعليق من واحد بينتقدك وعايز تغيظه وتغير كلامه اللي كتبه

زمان كان عندك حل من اتنين ياتنشره زي ماهو ياإما تلغيه

لا تدور ولاتحتار .. شرفني هنا وصلـّح تعليقات مدونتك

إزاي ؟؟؟

وإنت عامل ساين إن في البلوجر وفاتح تعليقات مدونتك تعال عند علامة ولامؤاخذة صفيحة الزبالة ( ) وبالرايت كليك إختار (كوبي شورت كت) وتعال في البوكس اللي تحت هنا وإعمل باست بالكنترول في



وبعدين دوس على المربع اللي تحت هاتطلعلك صفحة زي بتاعة تحرير التدوينة وفيها التعليق ، إلعب فيه زي مانت عايز وبعدين دوس بابلش هتلاقي التعليق الجديد ظهر ... نياهاهاهاها



ملحوظة1 : الكلام ده للبلوجر العادي ، أما بيتا بلوجر فالله أعلم
ملحوظة2 : تم العبث ببعض التعليقات على هذا البوست بس مش في الكلام

35 comments:

  1. الله ينور
    هههههههه

    بس السؤال

    المدونين ح يستخدموا الطريقة دي فعلا؟؟

    ودي مجربة؟
    ;)

    ReplyDelete
  2. علي فكرة انا كنت عايزة اعلق بقي علي حكمة اليوم

    هههههههه مقولة جبارة متطلعشي غير من ممتاز القط فعلا

    تحياتي يا استاذي العزيز
    :)

    ReplyDelete
  3. ههههههههههههههههههه

    ايه يا كبير دا كلام

    دا انت لجان الحريات ولجنة حموم اللسان حتعلن عليك الحرب

    (;

    ReplyDelete
  4. إبيتاف
    جربيها بنفسك عندك

    وهاجربها على تعليقك اللي فوق

    إنتي كاتبة

    هههههههه مقولة جبارة متطلعشي غير من ممكتاز القط فعلا

    وطبعا كاتبة ممتاز غلط كاتباها ممكتاز

    هاصلحها دلوقتي وهاخليها ممتاز

    شفتي السحر

    ReplyDelete
  5. معلش نسيت موضوع ض . ج


    والله اللى سماه ممتاز ظلمه ياعم دا المفروض اسمه راسب او ض . ج اخره
    مفكر نفسه طالع رحلة مع المدرسة بروح امه والناظر مركبه فى الكرسى اللى قدام

    ReplyDelete
  6. طاهر

    التعليقات كلهاعن ممتاز القط ، شكله كده محتاج بوست محترم

    عموما أبو الليل عامل بوست محترم عليه

    ReplyDelete
  7. هههههههههه
    حلوة اوى
    بس مش كنت تقول يا راجل
    قبل ما ابقى بيتا

    وبعدين بصراحة اللى عندى كلهم ناس كويسة
    محدش بيغلس
    مش عارفة ابقى اعرف طريقة بيتا لو سمحت استحياطى

    و فعلا تحياتى

    ReplyDelete
  8. ههههههههههههه

    وانا كمان كنت الضحية

    ههههههه ولازم يعني التشريد ليا اني كتبت غلط

    لا لا بس الموضوع من غير سحر و لا شعوذة

    بسم الله الرحمن الرحيم

    ارقي المدونة

    بس انا تعليقاتي كمان اتشقلبت يعني اللي تحت بقي فوق و اللي فوق بقي تحت
    ههههههههههه

    الواحد يطلع العشر اختلافات ما بين التعليقين بقي و لا ايه

    هههههه

    صباح الفل يا باشا
    :))

    ملحوظة: تم المراجعة اللغوية للتعليق من قبل المجمع اللغوي قبل النشر

    هههههه

    ReplyDelete
  9. ياعينــي عليك ياعمو أحمد

    تحية للبلوقر القديم
    ووداعاً للديمقراطية
    :P

    ReplyDelete
  10. حلو أوي
    بس ممكن بعد كده منصدقش التعليقات

    ReplyDelete
  11. جعلك الله زخراً للمدونين

    والخوف فعلاً من الموضوع اللى اثارته توته

    بس لو ده حصل يا توته يبقى مفهوم التدوين انهار من اساسه

    ReplyDelete
  12. بس لازم الواحد ييجي البوست هنا عشان يعدل
    برجاء عدم تعديل السؤال..؟



    :))

    ReplyDelete
  13. مش ممكن الجأ للطريقة دى
    يبقى انا بغش نفسى
    انا بسيب
    التعليقات بعبلها
    على عينك يا تاجر
    ولا يهمنى
    تحياتى

    ReplyDelete
  14. الله!!!
    ده انا كنت كاتبة بوست بنفس العنوان
    العب العب العب
    بس الموضوع مختلف تماما
    انا غيرت اسمو على كل وخليتو اقوى افلام العيد
    صباح النور يا استاذ

    ReplyDelete
  15. يا معلم
    كدا خربت
    احمدك يارب انا بيتا علشان مالعبش فى حاجه



    بس حلو انى احط اللينك عندك و كدا

    ReplyDelete
  16. الله حلوه دي يا احمد
    جبتها منين؟؟



    والله انت جامد

    ReplyDelete
  17. ايه ده
    انت ليك في النظام ده
    بس علي فكره
    اللي يلعب في تعليقي هلعبله في ط....
    ولا بلاش

    -------------------

    أحمد شقير : هههه .. هاتلعبله في إيه يادكترة بس

    ReplyDelete
  18. بصراحه صفحة التعليقات تطورت كتييييير عن الاول

    بقيت اشوف ناس تكتب بخط تقيل

    او تلون الخط اصلا

    او تسيب لينك جوة التعليق

    الحاجات دي بصراحه انا فاشل فيها جدا

    لكن ما مانع من التطوير

    وتبقي للافراد حرية الاختيار

    تحياتي يا كبيييييير

    ReplyDelete
  19. حلوة دي يامعلم

    بس يبقى فين الضمان لمصداقية التعليقات بعد كدة؟

    عموما كل مدون وضميره

    وكل واحد يخلي باله من لغاليغه ... لأن اللعب في اللغاليغ بقى منتهى السهولة

    :)




    صباح الفل

    ReplyDelete
  20. looooooool the last picture is incredible!! looool

    ReplyDelete
  21. سلام عليكم
    ميرسي جداً بجد عالمعلومة دي

    هية صحيح هتفتح باب اللعب في التعليقات
    بس أهه أرحم من لغة الشتايم اللي بقت حاجة عادية عند ناس كتيرة جداً
    و للأسف
    أنا بيتا
    عااااا :'((((((

    ReplyDelete

  22. اتمنى لو ينفع اصلح ايامى بالسكريبت ده
    اضع فيه احداث اليوم و اعدل فيها , الغى و اصلح كل ما اّلمنى , اضيف لحظات سعادة ,
    ازود كلمة شكر كان نفسى اسمعها و اشيل كلمة حقد افسدت يومى.
    الون ضحكات ابنى و امسح خناقى معاه .
    اكبر حجم كل دعوة من شخص يحبنى و اصغر كل كلمة سؤ.
    لو فيه سكريبت يعدل ايامنا باحداثها المرة فدلنى عليه .

    نفسى اعمل كنترول زد لايامى بس ماينفعش .

    اخوك مؤمن


    ReplyDelete
  23. من الاخر انا لسة جديد على بلوجرر بس باين كده ان انا هشوف معاه ايام سووووودة

    ReplyDelete
  24. احمد شقسير انا اشك فيك
    اشمعنى ادوس عندك يعنى وانا عامل ساين ان فى البلوج بتاعى هة

    ReplyDelete
  25. افكارك مجنونة بس جامدة .. عجبانى كل بوستاتك .. تحياتى لك واسمحلى ازورك تانى ..

    والسلام ختام ... :]

    ReplyDelete
  26. العلام حلو ياجدعان برضه

    بس الخوف من إساءة الاستخدام بصراحة

    ReplyDelete
  27. على فكرة ملوش لزمة الموضوع ده لان ان انت هتفترض ان كل الناس هتستخدمه بامانة و ده صعب

    انا افضل اسيب تعليق الناس زى ماهو و لو فيه حاجة مش عاجبانى اشيله احسن اما بقى لو فيه غلطة مطبعية او حرف ناقص ف الاولى ان اللى كتبه يصلحه
    ولا ايه؟

    ReplyDelete
  28. احمد شقير
    انت مش بتزورني ليه
    هه؟؟؟و الله لازعل منك

    يالله اروح ارقي البلوج بتاعي من عفاريتك

    ReplyDelete
  29. جمييييييييييييله

    كانت فين من زمان ايام ما كانو شغالين شتيمه عندي ههههه

    تسلم ايديك

    ReplyDelete
  30. انا شخصيا برشحك و بدون منافسة لنيل درجة الكتوراه فى البلوجرز وتقنياته...

    ربنا يخليك للغلابه اللى زينا بتوع محو الامية التكنولوجية

    تحياتى

    ReplyDelete
  31. حلو اوى البتاع دة
    تعرف انى طلعت عينى فى البلوج ريدر بتاعك






    الفضول خلانى اقضى فيه كام يوم علشان اعرف بيشتغل ازاى
    وبعد ما كنت خلاص هاوصل.. النداهة ندهتنى وانشغلت ونسيت انا وصلت لايه
    تعرف ان اكتر حاجة عاجبانى ومستغرباها
    انك رغم كل التطوير والتحديث متمسك بالستايل بتاعك ومش بتغير التامبلت
    زهد دة وللا حاجة؟؟

    ReplyDelete
  32. طب دلوقتي انا مش بلوجر
    أدوس كليك برده وأجرب
    ولا العمر مش بعزقة
    هههههه
    :)
    يللا مع تحياتي

    ReplyDelete
  33. انتوا بتعملوا الخطل الوان ازاي ؟
    و بتعملوه بولد ازاي ؟
    و بتضيفوا صوره مع التعليق ازاي ؟
    و بتحطوا اللينك مع التعليق ازاي ؟

    ايه اللي بيحصل ده ؟ ايه اللي انا شايفه ده ؟

    أحمد .. أمانة عليك ما تغيرش شئ ف تعليقي مهما كان حتي و لو غلط .. خليني احس بمصداقية المدونة و تعليقاتها حتي نهاية علاقتي بدنيا المدونات .. ممكن ؟

    ReplyDelete
  34. خليك معايا انا كمان يا برنس

    http://ahmedhelmasry.blogspot.com/2006/12/blog-post_17.html

    ReplyDelete
  35. الطريقة مش شغالة فى كل القوالب
    و حتى مش كل القوالب القديمة شغالة فيها الطريقة دى
    هى شغالة بس فى القوالب اللى التعليقات فيها زى عندك كدة
    موجودة فى نفس صفحة البوست
    يعنى تبع القالب
    تحياتى

    ReplyDelete