في جولة على بعض التدوينات الحديثة وصلت لتدوينة للمدون المصري محمد جرامون كتبها في 17 أيار بعنوان حقوق وواجبات المدونين ، توقعت أنها وجهة نظر شخصية تشيد أو تنتقد تقاليد تدوينية جرى عليها العرف ، ولكن كانت بداية التدوينة كالآتي
تعقيبا على طرح موضوع قانون المدونات على الرأي العام و رغبة في التفاعل مع هذا الموضوع الهام.. كان لي تواصل مع سعادة / رئيس إتحاد المدونين المصريين الأستاذ / حسن توفيق بهذا الشأن و كتبت ورقة عمل تتضمن حقوق و واجبات المدون وفقا للتشريعات
القائمة
يعني إيه ده بالظبط ... إيه إتحاد المدونين المصريين ده ؟ ومين بأه الاستاذ حسن توفيق ومين اللي خلاه رئيس ؟
المهم دخلت على إتحاد المدونين المصريين الذي يتم الإعلان عنه في غفلة من الزمن لقيت الموضوع كبير وله لجان وقوانين وميثاق شرف وحاجات تخض شبه الحاجات بتاعت الحزب الوطني زي لجنة التطوير ولجنة الإعلام وإجتماع الهيئة الإدارية واللائحة التنظيمية ، وقائمة بريدية بعشرات من أسماء وهمية لمدونين
طبعا الإتحاد ده هايشرفنا في اللقاءات الصحفية والتليفزيونية متحدثا بإسم جموع المدونين المصريين ، وشوية وينتقد تصرفات المدون فلان ويشجب تدوينة المدون علان ويوقف عضوية زيد ويعلق عضوية عبيد ويصبح فلان نطاط الحيط ، ياجماعة عايزين تعملوا إتحاد ولا جروب على الفيس بوك ولا حتى جمعية إستهلاكية إنتوا أحرار ، لكن أن تتحدثوا بإسم المدونين المصريين لا إنتوا ولاغيركوا تملكوا هذا الحق ... وأعتقد ان صمت جموع المدونين ناتج عن عدم معرفة بما يتم إعداده ولكن بعد الآن لن أعتقد ... لن أتحدث بإسم المدونين ولكني أكاد أرى بعض ردود الفعل عند أسماء بعينها ... ولا أحسبها تمر لديهم
وأخيراً وحيث أن المدونة لاتشتهر بالبذاءات فليس لدي تعليق إلا كلمة واحدة من ثلاث حروف أولها زي أخرها والحرف الأوسط حاء ، إشتهر بها مدوننا المصري أبو الليل .. عروستي !! ؟؟
ملحوظة : كلمة بلوجر بالإنجليزية مكتوبة غلط في البانر
**************************
تحديث : بجانب التعليقات .. روابط تفاعلت مع القضية
القهوة العالية - بلوستون : أحيييييه ياسوسو أحيييييه
ها أنا ذا - أريما : إتحاد المدونين
غواية - عباس العبد : حناكة المحتاجة
جلوبال فويسس أونلاين : إنشاء إتحاد المدونين المصريين
فاتيما - روح قلب ماما : خاااااالص
وجهة نظري - هذه وجهة نظري ببساطة : مدونتي وانا حر فيها
فاتيما - روح قلب ماما : خاااااالص
وجهة نظري - هذه وجهة نظري ببساطة : مدونتي وانا حر فيها
*****************************
إستطعت الوصول لمدونة الأستاذ حسن توفيق وتدوينات متميزة في
وكمان موقع الإتحاد على البلوجر وفيه تعليق من مدون كيوت بيستفسر إنه سجل في موقع مكتوب وجاتله رسالة تاني إنه يسجل على بلوجر وبيسأل هو لازم يسجل مرتين ، وكان الرد حكومي شوية ... للأسف إنت طلبت الانضمام ولكن البيانات ناقصه وهناك إستمارة عضوية نتمنى أن تكتب بها البيانات
الموضوع غريب بجد... وبجد غالبا نكته، لأنها لو فزوره كانت إتحلت
ReplyDeleteحانعيش ونموت شيوعيين هههه .... منقدرش نعيش من غير لجان منبثقه وإتحادات
خبرات إيه إلي عايزين يتبادلوها؟؟ والا تطوير العمليه التدوينيه... أهي دي بقي جديده لانج...يعني حانكتب من اليمين للشمال مثلا؟؟
المفروض إن "العمليه التدوينيه" زي ما بيقولوا دي عمليه عشوائيه حره تماما لا تخضع لأي قواعد او قوانين أو حتي أديان .... كل واحد يدب إلي هو عايزه بالشكل إلي هو عايزه في الوقت إلي هو عايزه
لازم الكلام ده يتوقف تماما لأنهم بعد كده زي ما حضرتك قلت حيتكلموا بإسمنا وحيقرروا بالنيابه عننا، وإلي مش حيشترك معاهم مش بعيد يبقي خارج عن القانون
بيفكروني بميثاق الشرف الإعلامي
معلش أزود علي تعليقي السابق لأني ماكنتش قريت مدونة محمد جرامون
ReplyDeleteهو بيتكلم عن حقوق وواجبات المدونين وفقا للتشريعات والقوانين المصريه، طيب المدون المصري المقيم في بلد تانيه إيه علاقته بالدستور المصري؟
طيب لو مواطن سعودي بيكتب عن مصر، إيه إلي يلزمه بالدستور والقوانين المصريه؟
اول مرة اسمع فيها عن حاجة زي كدة
ReplyDeleteبس فعلا كوميديا بجد
ههههههههههههه
ReplyDeleteضحكت قوي على كلمة لقائة مع السيد رئيس الفريق القومي ولا الاتحاد دي
مين دول ؟؟
بجد فكاهه
كده برضه مخليها مفاجأة انك هتييجي ان شا ءالله ومش اي مجية طيب مستنيه اشوف حضرتك بكره فيها لماضة للصبح
:D
انا اول مرة يجيني الخبر ده
ReplyDeleteولما يعملوا الأتحاد ده مش لازم يبلغونا ولا احنا آخر من يعلم
ولازم نرشح وننتخب هما فاكرينها سبهللة ده احنا اللي بننادي بالديموقراطية يقوموا ياكلوها علينا
ههههههههههههههههه
ReplyDeleteاهو ده بقا الاستعباط بجد
بالنسبه لى التجاهل كفيل بقتله
ReplyDeleteفأبداً سيظل المدون مدون والقافز على الرقاب والنجاحات كذلك ولن يستطيع احد كائن من كان انتزاع خصوصيتى التدوينية منى
عاوزين يعملوا اتحاد يعملوا عاوزين يسيسوا العمليه يسيسوا عاوزين يستضيفوهم فى كل حته باسم المدونين يستضيفوا وكل من يريد ان يشارك فى مواكب الطبل الزمر فاليتفضل
انما لن يستطيع كل ذلك طمس الحقيقة وستظل انت وانا واشقائنا فى التدوين وكل القارئين لنا يعلمون الحقيقه كما هى على ارض الواقع وستظل كذلك هذه الحقيقة متوفرة فى كل وقت لمن اراد ان يبحث عنها ما دمنا على مواقفنا
اما
اسمه ايه ده
ReplyDeleteاصلا المدوانات مينفعش يتعملها حاجة كده لسبب انها فى الاصل حاجة شخصيه
ومعموله لكل فرد يكون ليه حاجة خاصه بيها
مش من حق حد انه يفرض شكل عام للمدونيننن يعملو ايه وميعملوش ويتكلمو فى ايه مش خير ولا ايييييييييييييه؟
العالم دى فاهمه التكنالوجيا غلط انا مش عارفه فى ايه بالظبط بحس ان وضع المدونات فى مصر غير وضعها فى بقيت العالم
عجبى
ننننخخخخ
ReplyDeleteننننخخخخخخخخخخخخخخخخخخخخخخ
ننننننننننننخخخخخخخخخخخخخخخخخخخخخخخخخخخخخخ
----- فاصل --------
أشكرك يا أحمد علي طرح الموضوع. تفتكر لازم نبتدي من أول السطر ونعرّف ما هي المدونة؟
شكرا على الموضوع الجميل ده
ReplyDeleteخفيف، وغريب
انا فاكر برضو مرة قريت عن اتجاد مدوني وسط الدلتا او غرب الدلتا .. حاجة كده
اسمه إيه ده بقى
ReplyDeleteعايزين نحطله اسم غير الفكاهة
ده مثلا اسمه فلول الاتحاد الاشتراكي
اقولك :لابد من تضامن قوى المدونين المناضلة لدحض هذه المحاولة للقفز على منجزات الشعب التدويني الوحدوي وموروثات الحضارة التدوينية
هو ايه الهم و وجع القلب ده
ReplyDeleteالعالم ديه هابله و لا ايه؟؟؟
تعالوا نجمع من كل رجل كبيييييييييييييييييييلاااااااااااااه و نحدفهم بالفيروسات
كنا عايزنك تبقي معانا امبارح :)
ده الكلام ده من زمان قوي يا راجل يا طيب!
ReplyDeleteوفضلوا يهيبوا بالمدونين المصريين انهم ينضموا وانهم يصوتوا..استاذ حسن توفيق على فكرة منتخب :D
وطبعا مراسلاتهم بتوصل لمن يهمه ومن لا يهمه الأمر..وحكاية ملهاش أول من آخر يعني..
وعلى فكرة بالنسبة للبانر اللي مكتوب عليه بلوجر غلط..فده إثبات جامد لمصريتهم ههههههههه
اللي عايز يعمل أي حاجة يعملها..هي عليها جمرك؟..ولو استضيفوا باعتبارهم قادة التدوين في الأمة المصرية فده مش مشكلة كبيرة، يستضافوا كما استضيف الذين من قبلهم، ما في ناس تانية اتعملوا آباء روحيين برضو..كله اعلام وبطيخ ياعم..
ايه يا استاذ احمد
ReplyDeleteايوه طبعاً اتحاد
وفي اشتراك وبيتم الكشف علي المدونين الاول وبعدها يبعتلهم بطاقه التأمين الصحي بتاعتهم
وبعد عمر طويل يصرفوا معاشات لما المدونه تقفل
وكمان كارنيهات تتعلق علي الصدر مكتوب عليها اسمك واسم المدونه واللينك
والبانر علي ظهر الكارنيه
معلش
اصلك مش في مصر
والله العظيم انا ميت من الضحك
انت كده بقي ساقط لينك
اسف ساقط قيد
والله عالم فاضيه
الله يمسيك بالخير يا ابو الليل
ReplyDeleteوالله الراجل دة قالها حكمة جامدة
بس دة لا مؤاخذة استهبال بجد
يعني ايه اتحاد مدونين مصريين
ومين اللي عينهم ومين اللي وافق ومين البني ادم المذكور دة
مين اللي ادالهم الحق يتكلموا باسمي او باسمنا كلنا
طب كويس
وهيبقي لينا نقابة بقي ولا ايه
يعني نقابة المهن التدوينية
حسبي الله ونعم الوكيل في الناس الفاضية دي
عروستي
ReplyDeleteبص ياعم مش عايزك تعمل في الراجل ده خدمة وتعمل له دعاية
لكن بالرغم من كده الفكرة جميلة
اننا نكون جبهة واحده
وكده يعني هتكون جميلة قوي
السلام عليكم ورحمة الله وبركاته
ReplyDeleteسمعت قبل كده عن الموضوع ده
كان الاستاذ حسن توفيق دخل عندي وساب تعليق كاعلان عن الاتحاد بصراحه رحت هناك مره واحده بس ما قريتش باستفاضه ولا عرفت ان الحكايه كده
وسبت تعليق مجامله كده وخلاص ونسيت الموضوع علي اساس انها حاجه مش مهمه
انما ان تكون الحكاية كده فبصراحه يعني حاجه تهلك من الضحك
سلام
ابحث عن الشهرة! وتحدث باسم الاخرين وانت استفزيت منه وشهرته اكتر!!
ReplyDeleteممكن تحصل نتيجه عكسيه.. وممكن تلاقي ناس راحت تبارك برضه وتسجل اسمها يمكن الاتحاد يطلع لهم معاش ولا حاجه
:))
فكرت اخد لينك من البوست ده عندي ياعتباره سوبر بوست بس مش ها اخد
:( عشان ما اشهرهمش اكتر
علي رأي محمد عبد الغفار الاهمال كفيل بقتلهم
اشكرك
تحياتي
معلش يا استاذ احمد انا ليا كام استفتسار وتعليق كده عشان هتخنق بجد
ReplyDeleteالناس دي عبيطة ولا بتستعبط ؟!؟!؟!؟
رئيس اتحاد المدونين المصرييين.؟؟؟؟؟ نعم !!!!ازاي يعني
هم مين الناس دي .. ومين اداهم الحق يتكلموا باسم اي مدونين من الاصل
اذا كنا مانعرفش عدد المدونين المصريين كام اصلا يقولك اتحاد مدونين ..
هو اي هبل وخلاص ؟؟
ازاي بمنتهى البجاحة يكتبوا
المدونين المصريين
الالف واللام لمن لا يعرف جامعة
اي تعني او تشير لجميع المدونين المصريين
يعني بسلامتهم اللي متصورين في قاعة في احد الفنادق وقاعدين على احد المقاهي في القاهرة يقدروا يؤكدوا انهم يتحدثون باسم جميع المدونين المصريين .؟؟؟؟
هي الناس هتفهم امتى ان التدوين ده زي الايميل ..ماشوفناش ليه اتحاد مستخدمي الهوتميل في مصر ..
ده ايه الغلاسة دي ؟؟
ممكن يسموا نفسهم اي حاجة ويبقوا براحتهم
اتحاد مدونين مصريين
(وده لغويا لا يشمل كل المدونين ولكن اتحاد مفتوح يعملوا فيه اللي هم عايزينه)
وساعتها يحطوا اخلاقيات وقواعد وقوانين التدوين واي هبل ان شالله يعملوا عقوبة بالسجن على المدون المخالف للقوانين
بس تبقى على نفسهم .. مش علينا
وبعدين مين بقى اللي بيمولهم ؟؟
ده سؤال
وفي النهاية اقول قولي هذا واتكل على الله
NOT IN MY BLOODY NAME
محدش بيتكلم عني ولا باسمي
وانا مصرية وعندي مدونة ضمن شوية حاجات تانية بعملها في الحياة واضح انها بقت مش مهمة قد التدوين !!
تحياتي يا استاذي العزيز
واعذرني على الانفعال
يعني لينا كارنيه؟
ReplyDeleteهههههههههههه
ReplyDeleteالله يحظك يا محمد يا مفيد
طيب انا عاوز اعرف الكشف بتاعى امتى
فى انتظار تشريفك لمدونتى
تحياتى
كبر دماغك
ReplyDeleteطب جمال الدولى ..كان بيدون على الحيطة
ReplyDeleteوبما ان الحيطة دى ملك الحكومة
ومن مبدأ دى مش حيطتك لوحدك ..دى حيطتنا كلنا
قاموا بمشاركته فى تدوينه ..بطلاء تدويناته
انما انا بادون فى صفحتى الاليكترونية خااااصتى
طب يا ترى حياخدوا رأيى فى لون الطلاء!!!!!!!!!!!!!!!!!؟؟
خاااااصتى يا قوم
خاااااصتى يا هووووو
جمال الدولي؟
ReplyDeleteهههههههه
تبقي أكيد أكيد اسكندرانية :D
حسن توفيق ده منشق عن الاتحاد الحقيقي اللي هو انا رئيسه
ReplyDeleteالشرعية معايا
مفيش اتحاد
انا الاتحاد :)
=========
من ساعة ما شفت البانر بتاعهم و الجملة اللي بتتكتب دي
من اجل مصر
و انا عمال ادمع ... من الضحك
لا لا انا لما ماريان قالت لي مكنتش مستوعبة بس لمااستوعبت اغمن عليا حضرتك
ReplyDeleteايه ده ايه ده؟؟
يا لهوي يا لهوي يا خراشي
اتحاد ايه بس هي دي مهنة؟؟ و مين حسن توفيق ده
اسمه شكله مش غريب عليا
يا خوفي يكون اللي في بالي
بس بجد ايه الفكرة الهزلية دي و ايه الهبل ده
احنا لازم بجد نقف لهم و نمنعهم يا اما حتبقى مصيبة و حلت علينا
تحياتي
لا و لقاات و صور و تصريحات
ReplyDeleteيا لهوي قمة المسخرة
ايه الهبل ده
ReplyDeleteدى ناس بتفرض نفسها على مين وهما مين اصلا؟؟؟
اتحاد ايه وزفت وهبل ايه
والله انا حاسس اننا هنسمع بكره ان الاتحاد ده لجنة من جمعية جيل المستقبل!!!!!!
يا سيدى ع الدلع
ReplyDeleteاتحاد مدونين مصريين مرة واحدة
و احنا بقى معارضى المدونين و لا ايه
ايوة احنا فلول العارضة
هههههههههههه
يا حلاوة يا ولاد
اكيد شعارهم
"التدوين بيتقدم بينا"
يارب اعرف اطلع كارنيه العضوية
عشان لو اتمسكت فى اى قسم اطلع الكارنيه بكل فخر
و اقول للظابط خللى بالك
انا عضو عامل بالاتحاد
حقيقى مسخرة
و انا اوافقك تماما فى الكلمة اللى انت عايز تقولها
الله يمسيك بالخير يابو الليل
كان زمانه ظبطهم ببوست فى كل اللى نفسنا نقوله و خلاهم بطلوا تدوين اساسا
تحياتى يا احمد باشا
هش
وأيه يعني لما يمثلونا غصب عنا واحنا من أمتي يعني بنختار الي بيمثلنا وحتي لو اخترنا يا تري مش هيخدعنا يا سيدي كبر دماغاك ما هي كده كده خربانة
ReplyDeleteو الله دا أنا لما عملت اتحاد المدونين البيطريين كنت فاكر نفسي جامد .. طلعت عبيط
ReplyDeleteلأني كان لازم ساعتها أنتهز الفرصة و ابقى رئيس اتحاد المدونييين البيطرييين الأعظم ، و أجيب السلطنية و اتسلطن
عموما ملحوقة .. العيال ما خدوش بالهم أن الاتحاد من غير رئيس .. هاروح اتمريس بعد التعليق
عموما لو كنت قلقان .. اتطمن
أخوك ليه خبرة في الجو ده
أحنا ممكن ننفذ فكر الحزب الوطني نفسه
ندعو للاتحاد و نلم كل زمايلنا المدونين و نخش و شوية و نعمل تكتل و نطلع أن الهيئة العليا فاسدة و نعمل انتخابات مبكرة و نكسب بشكل ديموقراطي
بعدها نغير اللايحة و نقلبها مراجيح
أنا عن نفسي بأسجل موقفي منهم من دلوقت .. دا جايب الآية بتاعت :
وما يصدر من قول إلا لديه رقيب عتيد
و مصدرها في وش المدونين
زي الترزي اللي معلق على المحل :
و كل شيء فصلناه تفصيلا
يا عم بلا جنان
سلام يا صاحبي
وكان نفسي أشوفك في الحفلة
طيب انا عايزة اشترك في الاتحاد ده و يكون لي بطاقة تدوينية اقبض بيها التموين كل شهر كام بلوج صيني فاضي و كيسين زراير كي بورد و ازازتين كونكشن و لو في صابون اكون متشكرة قوي
ReplyDeleteاهو الواحد يلاقيله معاش لما يبطل تدوين و لا يفكر يطلع
عماش مبكر
الله يشفيك يا ابو الليل علشان تحلنا الفزورة
تحياتي العامرة لعمدة المدونين
جمعية أم ترتر للتدوين دى دمها خفيف
ReplyDeleteكتاباتهم بتفكرنى بأعلان القطر الى بيتحرك و الناس قاعدين على القهوة
" انت لسه قاعد محلك سر , ده التدوين بيتحرك "
ههههههه
يا ولاد الفقرية
انا فاكر زمان من 4 سنين اتكلمنا في فكرة جمعية للمدونين وانا كنت مؤيد للفكرة وبعد غيرت رايي بعد كام شهر عشان بديت احس ان الموضوع الاصلي الهدف منه هو حماية حقوق التعبير بس
ReplyDeleteلقيت فيه ميت حاجة دخلت معاه زي النفسنة والتسييس والادلجة " من ايديولوجية " وناس بتخلص مع ناس وتصفي حساب مع اخرين
المهم بقي مين دول ..يعني مين هو اللي ماسك الاتحاد ..واللا وهمي هو راخر؟
حد يعرف هو مين ؟
احلي حاجة ان ولا واحد منهم معروف
ReplyDeleteانت مين ياعم انت
ده بقي يطلق عليه
قلللللللللللللش
وبعدين ايه الكلام بتاع موظفين الضرايب العقارية ده
وانتخابات مجالس محلية
واستمارات د/26
واي كلام
احلي حاجة ان ولا واحد منهم معروف
ReplyDeleteانت مين ياعم انت
ده بقي يطلق عليه
قلللللللللللللش
وبعدين ايه الكلام بتاع موظفين الضرايب العقارية ده
وانتخابات مجالس محلية
واستمارات د/26
واي كلام
نفسي اعرف ليه دايما فى مصر اللى بينوب عنك ميكون مع نفسه يعنى لا انت تعرفه ولا هو يعرفك ...انتخابات الواحد بيفاجأ بنائب فجاة كدا ..فى الكلية اتحاد الطلاب بيبقى انتخاباته سرية عشان الامفاجأة برضه حتى فى التدوين؟؟؟انا بصراحة مش عارفة هو دة جهل من المدونين بالاحوال لا حبا لمصر فى المفاجأت
ReplyDeleteوبالمناسبة تدوينتك فى الكتاب تحفة عجبتنى اوى ربنا يوفقك وابقي قولى رأيك فى تدوينة مشروع وطن بتاعتى دة لو كنت جبت الكتاب ودة اكيد طبعااااا
ده تعيين حضرتك والا إنتخاب؟
ReplyDeleteطب ضرب والا شتيمة؟
طب قصة والا مناظر طيب؟؟
طب الكارنية بتاعهم ده ..ينفع أدخل بيه سايبر ببلاش والا إيه حيثياته يعني
طب حد يعمل إتحاد للمدونين و هو مش عارف يستهجي كلمة بلوجر
دي إيه الوكسة دي يا رب
لااااااااااا
ReplyDeleteكفاية حرام عليك يا شقير
انا هقع من على الكرسى من الضحك
رئيس الاتحاد ده طلع راجل خطير جدا جدا
عودة اخطر رجل فى العالم
و الناس بتوع اتحاد المدونين دول طلعوا جامدين جدا
تفتكر مين وراهم
هههههههههههههههههههههههه
هش
يا سيد احمد , انت عندك مشكلة فى اللغة و نقلتها للقراء و أنا بحذرك من الموضوع ده
ReplyDeleteالسيد حسن توفيق بتاع البيومى و أم ترتر فقيه لغوى و دى حاجة لا يدركها العامة من أمثالنا و بما ان الأصل فى اللغة هو تعطيش الجيم
فالسيد بيومى ترجمها بالأنجيليزية ( عطش الجيم هنا ) كما تقرأ بالعربية
أى بلوجر ( بتعطيش الجيم ) و ترجمتها ( عطش الجيم برضه ) هى
bloger
و ليس
blogger
-
و يمكن التأكد من ذلك من أصلها اللغوى فى قاموس عبد المجيد الصحاص ( لا تنسى تعطيش الجيم ) و الله الموفق
طيب، أنا هاقول لكم و أكسب فيكم ثواب بما أنكم غلابى زيي: سيبكم من اتحاد المدونين المصريين، اتحاد المدونين العرب أحسن بكثير. مميزات العضوية عندهم أن يكون لك "رقم تدويني"، و ممكن تاخد رغيف عيش زيادة بالأبونيه.
ReplyDeleteسامي كان كتب عن الاتحادات.
يعني حنبقى قلة مندسة في عالم التدوين كمان ؟
ReplyDeleteشكرا لكم الاخوة الاعزاء اسلوبكم الراق فى الحوار والذى اثلج صدرى على المستقبل الذى تمثلونه جيل الشباب ؟
ReplyDeleteكنت اتمنى ان نتناقش او نتحاور ويمكنك التاكد من الاسماء الوهميه التى يضمها الاتحاد بزيارة مدوناتهم والاطلاع على الشعار فى مغظمها واعتقد لو شرفنا بحضوركم الاجتماعات والنقاشات ربما لم يجرء احد على التطاول على هذا هو الاسلوب الامثل للحوار لقد قمت بعمل مدونة على البلوجر للتواصل معك وكى لا يقتصر الاتحاد على مدونى مكتوب وجيران فقط ولكن للاسف يبدو اننى اخطات الطريق
وللعلم لو كلف احكم نفسه واطلع على ما يقوم به الزميل محمد جرامون لشكره
لى سؤال
هل نقابه الصحفيين تعمل على فصل الصحفيين او حبس الصحفين ؟
على الاقل هذا هو الدور الذى نسعى له
الوقوف صفا واحدا بجوار المدون لحمايته
و الاستاذ محمد كلف نفسه ووضع امامكم كل المواد القانونية التى تستخدم لحبس الصحفيين كى نتجنبها ولا نقع فيها وحاول جاهدا ان يشرح لنا قانون نقابة الصحفيين ومجهوده لابد من شكره عليه
وهناك نقطة اخرى
نحن مجموعة تطوعت واعلنت عن تاسيس الاتحاد منذ اول نوفمبر 2007
ولم نقل ان هناك رئيس كلنا مؤسسون
الى ان ننتهى من التاسيس ويتم عمل انتخابات ولوقراء احدكم المقترحات لوجد اننا لا نسعى لمنصب فنحن لا ينقصنا المناصب ولا نسعى لمال كما اتهمتنى بلدياتى للاسف فنحن لسنا جمعية حقوق انسان علشان نخاطب السفارات للمعونة
ولم نقل اننا سوف نفرض اشتراك علشان نصرف معاشات كل همنا الاساسى راى الجميع وانتم اولنا لتصور الهدف من الاتحاد وكيفية القيام بدوره شكرا لكم واسف للاطاله
واتمنى ان تزوروا مدونتى على البلوجر
http://elbayomy.blogspot.com
وهناك مدونتى القديمة على مكتوب
http://elbayomy1.maktoobblog.com
ربما يعجبكم احد بتوع الخضار الذين يعملون على خدمة الاخر بدون مقابل او اجر الا من عند الله فقط وسعيد بالاختلاف فى الراى دون تجاوز لانى لن انزلق لهذا المنزلق
شفت ياعم
ReplyDeleteأديك غلّطنا في الراجل
ومش هييجي ينزلق معانا في المنزلق بتاعنا بعد كده
و الله يا جدعان المشكلة بالنسبالي أن التدوين في حد ذاته عمل نشأ في الأساس علشان الناس تعبر في حرية بعيد عن القوالب
طب ما دلوقتي الجرايد مالية البلد بل أن فيه كتير مننا صحفيين أو حتى بيراسلوا صحف في مصر و برة مصر
علشان كدة كان شيء خرافي جدا أن أحنا نحط لنفسنا قيود بأيدينا
أما موضوع الحماية فوالنبي مين اللي يقدر يحمي مين في مصر .. الناس لسة مادين قانون الطوارق سنتين و الحياة زي الفل . و لو على الشياكة و تقويم محامي و اللجوء للإعلام ففي ميت ألف جمعية حقوقية في مصر بتقوم بالكلامدة و ما بتلزمش الناس بأي حاجة
يا جماعة هو مش عم المثقف البدري فرغلي كان قال أيام الاضراب بتاع 6 ابريل و موضوع الفيسبوك ان المعارضة سبقت الحزب الوطني في استخدام الانترنت للتأثير على الشباب و ان الحزب حيتدارك هذا الخطأ و حيبدأ في اختراق عالم الانترنت السحري عشان يلموا الشباب الوطني الواعد حواليهم؟ أمال تبقى الحكومة ذكية و الكترونية ازاي؟
ReplyDeleteو ادي الناس حتتلم حواليهم أهو
عشان يضحكوا على العبط طبعا
بس احنا وحشين قوي يا جدعان
يعني بدل مانشجعهم و نصقفلهم صقفة حلوة كده نتريق عليهم و على الراجل السكرة ده؟ ده حتى مش بيحب ينزلق
طب ده حتى كده يبقى فيه منافسة بين المدونين المتحدين و المدونين المتشرزمين و انتوا عارفين طبعا ان المنافسة بتدفع للأمام
أمال مصر حتتقدم بينا ازاي؟
ينفع كده كفايه المراره باظت عندي عيب عيب ابقى اقري تعليقاتى عند بلوووو ستون وانت تعرف الرد كويس هههههههههه عموما انا والله قولت كده غيروا اسم الاستنحاد ده لانكم مش بتتكلموا باسمتا وان حاجاتهم عامله زي الحزن الوثني وشكر لكم لحسن تبويظ مرارتي هههههههههههههههه
ReplyDeleteهيكون لينا تأمين صحى وتخفيض عالمواصلات بموجب الكارنية ولا لاء؟؟؟
ReplyDeleteانا كنت بعيد عنهم لحد ما عملوا الدنيئه معايا قررت افتح النار معاكم عليهم ولا فائده من السكوت
ReplyDeleteانا معاهم
ReplyDeleteمش عارف ليه بس معاهم وخلاص
اي حاجه
هو انا دماغي فاضي للتفكير هم بيعملوا ايه
انا بفن ياناس بفن
هما تقريبا بيعملا كده علشان يأمموا المدونات وفي المستقبل يطالبوهم بضريبة تدوين
ReplyDelete