Friday, July 04, 2008

دراسة بحثية : المصري غير سعيد




© Photo copyright : Richarad Messenger


السعادة شعور نسبي تختلف أسبابه من شخص لآخر ، فما يجعلك سعيداً ليس بالضرورة أن يجعل الآخر سعيداً ، ولذلك لم يستطع فرد أن يحدد بوضوح الأسباب التي تتيح السعادة للجميع ، حتى بالنسبة للشخص نفسه تختلف أسباب إحساسه بالسعادة ، فمسببات السعادة تختلف بمرور الوقت فما كنت تعتقد في السابق أنه سوف يشعرك بالسعادة لن يشعرك بما إعتقدته لو حصلت عليه متأخراً كالمال .. الوظيفة .. المرأة .. الشهرة ، لذلك ترتبط أسباب السعادة بتوقيت نجاح الحصول على مسبباتها في وقتها ، هذا بالنسبة للسعادة في شكلها الشخصي ، ولكن بشكل عام يتردد سؤال عن من هم أكثر الشعوب سعادة .. ومن أكثرهم تعاسة ؟

سؤال حاولت الإجابة عنه جامعة ميتشيجان في دراسة بحثية نشرتها أول هذا الشهرعن سعادة الشعوب ، تمت على ثلاثمائة وخمسون ألف شخص في تقليد دأبت على إتباعه منذ عام 1981 ، وفيها تم تحديد السعادة في أمرين أساسيين وهما الحرية في أن تعيش كيفما تريد ، والرضا بما تعيشه

إحتلت الدانمارك المركز الأول في قائمة لسبعة وتسعون دولة ، بينما إحتلت زيمبابوي قائمة أكثر الشعوب تعاسة ومابين الأولى والأخيرة أثبتت القائمة أنه ليس التقدم الإقتصادي وحده من أسباب الشعور بالسعادة فالولايات المتحدة صاحبة أكبر إقتصاد في العالم إحتلت المركز السادس عشر ، وليست الحريات الشخصية فقط سبب سعادة الشعوب فدولة كالسعودية إحتلت المركز الأول عربياً والمركز السادس والعشرون عالمياً في حين أن الشعوب المصرية إحتلت ذيل الدول العربية الست المذكورة بالبحث قبل العراق وبعد السعودية والأردن والمغرب والجزائر على الترتيب ، أي أنها في المركز الخامس عربياً والسادس والسبعون عالمياً

من النتائج التي وجدتها غير متوقعة إحتلال بورتريكو وكولومبيا المركزين الثاني والثالث قبل الدول الأوربية ، وإسرائيل الدولة الغير آمنة تحتل المركز الخامس والأربعون

لم أكن سعيداً لوجود دول مثل فيتنام وغانا ومالي وإيران وبنجلاديش والبوسنة والهند وأوغندا وزامبيا وحتى بوركينا فاسو قد سبقت مصر في الشعوب الأكثر سعادة

أعتقد أنه لو تم عمل هذا البحث بعد قراءة تلك النتيجة ، بالطبع سوف نحصل على مركز أكثر تأخراً مما نحن فيه
ولك الله يا .... مصر

*************************

قائمة ترتيب الدول تجدونها هنا أو هنا




إضحك ياعم ولا يهمك

18 comments:

  1. للأسف أصبحت الإبتسامه بالمحروسه شيئاٌ بعيد المنال
    ولكن هذا لا يمنع أن نحاول سرقه بعض لحظات السعاده من الحياه لعلها تعيننا على مواجهه الواقع إللي لونه زي لون قرن الخروب
    خالص التحيه لك يا أحمد

    ReplyDelete
  2. أنا بحب جدا أتابع أغلب الدراسات البحثية المماثلة على كافة أصعدة الحياة .. وبأندهش جدا من إن مصر بتحتل مرتية متأخرة في كافة جوانب الحياة بلا إستثناء .. لكن مع ذلك الناس اللي جوة مصر مش حاسين بكده قوي .. يعني بألاقي إن الأرقام دي بتشغل بال مجموعة محدودة من المفكرين والمدونين وأمثالهم بينما الشعب العادي مغيب تماما عن هذه الحقائق

    ده في حد ذاته نجاح للحكزمة في إنها تخلي الناس العاديين ما يشوفوش أبعد من أنوفهم

    ReplyDelete
  3. السعادة فعلا حاجة نسبية
    والانسان المصري رغم الكتير اللي بيشوفه لكن راضي
    وعارف ان ده بلاء او ابتلاء من الله سبحانه وتعالي
    عشان كدة رغم كل شئ بيقول الحمد لله
    وكلمة الحمد لله هي اللي بتخليه مش حاسس
    بس كدة

    تحيات

    ReplyDelete
  4. الدراسة دي غلط
    انا بابقي سعيدة جدا وانا بادفع الاجرة الجديدة الزيادة بعد البترول للتاكسي
    وسواق التاكسي سعيد جدا ان مصر بقت زحمة اوووي
    وكل المواطنين سعدا بوجود احمد عز وسطهم
    والطلاب سعداء بالتعليم الحلو اللي باستك من فوق ده

    صدقني المواطن المصري سعيد
    سعيدة مبارك

    :((

    ReplyDelete
  5. انت بتمشى فى الشارع اصلا بتلاقي البؤس على الوجوه
    حتيجي منين الابتسامه
    مشاكل مشاكل و زهق
    ليكي الله يا مصر انتي و شعبك

    ReplyDelete
  6. على رأيك اضحك يا عم ولا يهمك

    ReplyDelete
  7. اعتقد ان الدراسة دي معمولة قبل كده بفترة

    لو اتعملت كل يوم
    مصر هتحتل مركز اكثر تأخرا

    ReplyDelete
  8. شكرا يا أبو حميد على الدراسة ، و إن كانت الأسئلة الموجهة ، و نوع العينة و حجمها و وقت السؤال و حاجات تانية بتحدد مصداقية الردود ، إنما اللي مافيش خلاف عليه إن مافيش حاجة تفرح المصري للأسف .

    على فكرة فكرتني عن موضوع كنت كاتبه عن السعادة ، يا ريت أعرف رأيك فيه .

    ReplyDelete
  9. الحمد لله اننا من ضمن القائمة .. أظن لو وزعوا خبز على النماذج اللتي تمت عليها الدراسة كنا ح نأخذ مركز متقدم عن كده كتير


    سعسدة بالمرور و دمت بكل الخير

    ReplyDelete
  10. هههههه..بوركينا فاسو قبلنا ..ولسه مش هانكون مجودين في الايمه من أساسه

    ReplyDelete
  11. عزيزى

    السعادة مفهوم مطاط فى مجمله من الممكن ان نختلف و نتفق فى معناخ و لمن وضع معايير كالحرية و الرضا فهى طريقة عادلة لرسم ملامح للسعادة التى نتحدث عنهاو بالتالى فاذا طبقنا المعيارين دول على الشعب المصرى فستجد ان الحرية موجودة و لكن ثمنها غالى جدا و لا يوجد ما يحمى من اراد استخدام حريته ال الله اما ان تعتقد ان الحرية مجانية الثمن كالما ء و الهواء فانت واهم و بالتالى فطبقا لهذا المعيار فالشعب المصرى غير سعيد

    اما عن الرضا فحدث و لا حرج فرغم ان القناعة كنز لا يفنى و يا بخت من رضى بقليله الا ان معظم الشعب المصرى لا يجد قليله اصلا و لا تتوفر له الحدود الدنيا من مستوى المعيشى لكى يشعر بادميته

    هذا عن سعادة المصرى طبقا لهذان المعياران..الرضا و الحرية

    اما اذا اردت الحديث عن السعادة كمفهوم فلسفى عموما فستجد العجب العجاب فهناك م يمللك كل شىء و غير سعيد و هناك من لا يمللك شىء و لكنه سعيد
    و
    .
    .
    انا كده طولت قوى فى التعليق

    سلامو عليكوا

    هش

    ReplyDelete
  12. هههههههه
    ان تكون موجودا في القائمة خير من الا تكون موجودا اصلا :) اعني فلسطين طبعا

    وان كنت استغربت لعدم وجود الامارات او الكويت ضمن القائمة

    ReplyDelete
  13. وهو فيه ايه يسعد الناس البسطاء فى البلد دى؟؟

    ReplyDelete
  14. السلام عليكم ورحمة الله وبركاته
    أخى الكريم
    بالله عليك كيف للمصرى أن يكون سعيداً وهو فى الأصل لايعرف ماذا تعنى السعادة
    لقد اندثرت هذه الكلمة من قاموس المصريين ولم يعد لها وجود والجيل الصاعد كله لم يسمع عن هذه الكلمة الغريبة

    وبالمناسبة هو يعنى إيه سعادة ؟؟!!!

    تقبل كل تقديرى واحترامى
    أخوك
    محمد الجرايحى

    ReplyDelete
  15. كان فيه برضه استطلاع راى فى الاهرام
    عن شعبية الرئيس
    واظهر ان
    94%
    مؤيدون له وفرحانين

    يبقى الحمد لله
    سبب حزن المصريين
    اى حاجة تانية

    ممكن يكون لخسارة مصر من مالاوى
    :)

    امام الجيل

    ReplyDelete
  16. عارف يا استاذ شقير رغم فعلا الحزن اللي اصابني بسبب البوست ده ورغم اننا كلنا عارفين اننا يمكن اتعس من كده بكتير

    بس ضحكة المصري اللي في الصورة .. بمليون كلمة ..
    ايه يا جدعان الضحكة الصافية دي !! اللي مش مشروطة ولا مربوطة لا بمال ولا راحة ولا اي حاجة .. انما طالعة من القلب

    انت عارف؟؟
    من مدة كدة كنت في تجمع مع اصدقاء من دول مختلفة وناس كتيير مش اصدقاء برضه
    وشفت جنسيات كتيييييييير
    وكان بينهم شاب صغير السن خليجي الجنسية
    ولكن احد والديه مصري

    وكان بعض الناس بيتكلموا عن انه وسيم وعيونه كلها شقاوة وجدع

    وفي نفس الجلسة قال صديق آخر .. ان ده نصه المصري :))
    الشقاوة والجدعنة والعيون الجريئة دي نصه المصري

    يالا بقى هنعمل ايه .. منهم لله اللي وجعوا قلبه وقلبنا

    ReplyDelete
  17. فعلا السعادة شيء نسبي و أنا موافقاك جداااا ، علي فكرة إن الحاجة لما تيجي بعد وقتها بيضيع الإحساس بيها و بحلاوتها ..فعلا لو مثلا كان نفسك تنجح في شيء معين في حياتك أو حتي تطلع رحلة و بعدين متلعطش إلا بعد كام سنة ...تخيل وقتها مش حيكون للرحلة طعم . سبحان الله .لكن مسألة إكتئاب المصريين دي حالة طبيعية و صحية جداااااااااا.مش شايف معايا إن الحياة في مصر حلوة أوي؟؟!!!

    ReplyDelete
  18. السعاده من غير كلام كتير انك تكون عايش لهدف انك تسعد الناس وتسعد نفسك وتغير أى حاجه ممكن متخليش الواحد سعيد.

    ReplyDelete