Tuesday, November 01, 2005


عيد سعيد


كل سنة وإنتم طيبين .. وحشتونى

مكة المكرمة ... بلد تشعر فيها بعظمة الله .. بجلال الله .. بقوة الله ، أو ليس بها بيت الله ؟ فى المدينة تشعر بود وحب وحنان وعشق لسيدنا محمد صلى الله عليه وسلم .. المدينة .. بلد سماحة ورحابة وجمال وحب تشعر بها فى أهلها .. مكة المكرمة بلد هيبة ووقار وعزة وقدسية

بشر.. بشر لاينتهى من جميع الألوان والأشكال أتوا من جميع البلاد ليمارسوا نفس الشعائر ونفس الدعاء ونفس المشاعر .. ونفس السؤال العفو والمغفرة ..ربنا رضاك والجنة ونعوذ بك من سخطك والنار

السعودية .. فليحفظها الله من كل سوء على هذا المجهود الخرافى لخدمة زوار الحرمين الشريفين ، فيكفيها فخرا وشرفا قدرتها على إستضافة وخدمة هذه الملايين العديدة يوميا من زوار الحرمين

المصريين .. بسم الله ماشاء الله ، الحرم كله مصريين .. حول الكعبة .. داخل المسجد .. بالصفا والمروة ..خارج المسجد .. بالمتاجر الشعبية.. بالشوارع .. بالفنادق .. لا تشعر إنك بالسعودية إنك داخل مصر كله بيتكلم مصري ..مصر كلها فى مكة ياجماعة.. تذكرت مشهد عوكل عندما فوجئ أنه بتركيا وشاهد القلعة بجانب البحر وجرى فى الشارع يصرخ .. إيه اللى جاب القلعة جنب البحر ؟ .. وأنا كمان بقيت عامل زيه .. إيه اللى جاب مكة فى مصر ؟

الدعاء .. أثناء الطواف لم أنسى أحدا من الدعاء ، قيل لى إنه من المحبب الدعاء بذكر الأسماء .. جميل .. فى الشوط السابع جاء موعد دعائي للمدونين .. مشكلة كيف أسميهم أئذكرهم بالنيك نيم ولا بإسم البلوج ؟ ادعو.. الله ما إغفر لخربانة أم الله ماإغفر لترفشخنات ، اللهم إرحم وش مكرمش أم اللهم إرحم شاتربوكس .. مشكلة أكبر ولكن لسانى توقف عندما تذكرت المدون إبليس ، وجدتنى سوف أقول اللهم إغفر لإبليس وإرحمه ..!! وطبعا لن يكون هناك تبرير لجارى فى الطواف والذى بدأ يترك الدعاء ويستمع لى بدهشة بعدما كان منذ قليل يردد ورائي .. وإنتهت المشكلة باللهم إغفر للمدونين والمدونات جميعا اللهم إغفر لكل من طلب منى الدعاء له وإرحمه

اللهم آمين

إعذرونى على هذا البوست السريع ونلتقى بعد العيد إن شاء الله .. عيد سعيد عليكم جميعا
Posted by at

33 comments:

  1. نون النساءNovember 01, 2005 12:11 PM

    اهلا يا احمد

    حمدالله على السلامه

    وعيدك مبارك وكل عام وانت ابخير

    بس صج صج ضحكت على

    ايه اللي جاب مكه لمصر


    ياااربي looooooool :PpP~~

    ReplyDelete
  2. GhadaNovember 01, 2005 3:31 PM

    حمد الله على السلامة..
    عقبالي كده لما أروح أعمل عمرة زيك قول آمين
    :)
    كل سنة وإنت طيب

    ReplyDelete
  3. mashi_97November 01, 2005 3:33 PM


    عمرة مقبولة وتقبل الله منا ومنكم صالح الأعمال
    وكل عام وأنت بخيـر
    وأنـا أشهد كذلك على أن مكة تمتلىء بالمصريين
    بارك الله في المصريين ووفقهم.

    ماشي صح

    ReplyDelete
  4. AnonymousNovember 01, 2005 5:17 PM

    الحمدللللللله على سلامتك
    توقعتك تطول وما ترجع الا بعد العيد

    طيب دعيتلي انا :\

    شفت طلعت انا صادقه يوم قلت فيه مصري ما ياخذ عمره برمان
    انا اذا رحت لمكه .. احس اني في دوله غريبه وانا الضيفه والمصري صاحب البلد من كثرهم

    LOOOL!!
    ماشاء الله

    ReplyDelete
  5. enter-q8November 01, 2005 11:46 PM

    تقبل الله طاعتك يا احمد
    والحمدلله على السلامة
    وعيدك مبارك
    وان شاء الله تعوده كل سنة وانت باتم الصحة والعافية

    ReplyDelete
  6. TaraNovember 02, 2005 4:54 AM

    تقبل الله طاعاتك
    و الحمد لله ع السلامة

    شكرا على الدعاء

    :و على رأي غادة
    عقبالي كده لما أروح أعمل عمرة زيك

    فرحت جدا لما الشيخ عبد الرحمن السديس دعا للعراق بالامن والامان في ليلة ختم القرأن

    و كل عام وانتة بألف خير

    ReplyDelete
  7. KING TOOOTNovember 02, 2005 11:54 AM

    الحمد لله على السلامة و عودا ً حميدا ً لأرض الوطن يا أبو حميد
    و حشتنى يا راجل ووحشتنا كتاباتك الجامدة
    طبعاً أنا مبسوط برجوعك و مبسوط أكتر أنك كان عندك الفرصة أنك تروح
    و أتمنى أن ربنا يتقبل منك دعائك و صلاتك و قيامك و ركوعك و سجودك و طوافك و سعيك و كل مناسك عمرتك و يكتب لك الحج عن قريب إن شاء الله
    KING TOOOT

    ReplyDelete
  8. NajmaNovember 02, 2005 6:03 PM

    الحمد لله على السلامة...
    و عيد سعييد

    ReplyDelete
  9. chatterboxNovember 02, 2005 11:03 PM

    el6emdellah 3lal elslama o tgabal allah 6a3tek enshalla o motshkreen 3la edo3a2
    looooooool kan nefsy ashof wesh garak fe6waf o howa beyesm3ak loooool

    ReplyDelete
  10. chatterboxNovember 02, 2005 11:04 PM

    el6emdellah = el7emdellah

    ReplyDelete
  11. KhalidNovember 03, 2005 1:09 AM

    ahhhh you cant emagine how much i envy you!
    haha, in a good way 6ab3an.
    jazak allah kher 3ala iddo3a2 ( y3ni since i come under the category of modawwineen o modawwinat ) and 3asa allah suba7anah o ta3ala yitqabbal minnak o 3eedak sa3eed, ya modawwineen from now on lets agree on this: whenever you pray or go to 3omra or 7aj, always pray for all bloggers!! what do you think? id3i lilmoslimeen o ilmoslimat, o lilmodawwineen o il modawwinat, al 2a7ya2 minhom o il amwat ( ilmoslimeen minhom 6ab3an;) )
    walla i am serious, let's do that all of us, dont you love the idea? :)
    khalid*

    ReplyDelete
  12. ...November 03, 2005 3:16 AM

    العمرة لها وقع خاص فى النفس
    كأنك تتجرد من البقع
    وتبدل روحك

    والمصريين هناك فى كل مكان فعلا
    بس المشكلة فى السعوديين اللى مصرين ينادونى .. يا
    مش قادرة اقولها
    وبيقولوها هناك عادى جدا
    واحد شافنى باكل ايس كريم فى الشارع
    قاللى اتحشمى يا ...

    الله يسامحه
    هو هيروح من ربنا فين

    حمدالله على السلامة
    وكل سنة وانت طيب

    ReplyDelete
  13. unknownNovember 03, 2005 4:19 AM

    تقبل الله
    بس مش كنت تقول نوصيك بكام دعوه كده

    ReplyDelete
  14. shadyNovember 03, 2005 4:54 AM

    هههههههههههه حرام عليك يا احمد حتى وانت هناك

    ReplyDelete
  15. أحمدNovember 04, 2005 1:59 AM

    يعنى جت على ابليس و وقفت

    :-(

    ReplyDelete
  16. allfollowsomeNovember 04, 2005 2:44 AM

    3omrah maqbolah insha allah

    ReplyDelete
  17. ROMANTIC ROSENovember 04, 2005 10:26 AM

    عمره مقبوله و كل سنه و انت اطيب و الي طاعة ربك اقرب ..

    ReplyDelete
  18. KhalidNovember 04, 2005 2:07 PM

    i did it today in jom3a prayer, da3et allahomma i`3fir lilmoslimeen o il moslimat..o il modawwineen o il modawwinta!
    khalid*

    ReplyDelete
  19. mindonnaNovember 05, 2005 2:16 AM

    بجد يا شوكير انت راجل سكرة

    كفاية انك افتكرت المدونين الغلابة اللي محتاجين فعلا الدعاء ليهم بالمغفرة عشان كتر كلامهم:)

    شكرا انك دعتلي هناااك

    تروح و ترجع و انت مغسول من الذنوب بإذن الله:)

    ReplyDelete
  20. AnonymousNovember 05, 2005 2:53 AM

    عمرة مقبولة وحمدلله على السلامة

    مشتائين لحكاويك :)

    تحياتي

    ReplyDelete
  21. freeSoulNovember 05, 2005 3:09 AM

    ربنا يتقبل منك مرتين

    مرة عشانك و مرة عشان دعيتلنا كلنا
    :)

    I heared the same opinion about mekka and madina from my brother and my mother, each time i get more eager to see for myself :)

    Rabena yekremna orayeb, bas akhlas men mosebet el geesh el awel :)

    ReplyDelete
  22. AnonymousNovember 05, 2005 9:49 PM

    Thank you so much for praying for us. You are a wonderful human being.

    May you live in happiness all your life.

    ReplyDelete
  23. الاء سعود المجيبلNovember 06, 2005 2:22 AM

    تقبل الله ..:)

    وعيدك مبارك..:)

    ReplyDelete
  24. مــهــــاجـــرNovember 06, 2005 10:35 AM

    ربنا يتقبل منك يارب وجزاك الله خير إنك إفتكرت المدونين الغلابة وربنا أكرم من سئل حتى ولو لم تذكر أسم إبليس يكفية أنه فى قلبك وأنك ذكرته بالخير عند رب كريم .

    ReplyDelete
  25. chatterboxNovember 07, 2005 2:47 AM

    بالنسبة للكلمة اللي بتقولي عليها يا حلم احنا كمان في الكويت بنقولها عادي دي معناها مختلف عندنا تماما عنكوا فمصر
    تعملي ايه بقه اختلاف اللهجات بيسبب مشاكل كتيرة بس امسيحها فوشوي المرة دي :)))

    ReplyDelete
  26. AnonymousNovember 07, 2005 11:29 AM

    Welcome back ya Ahmad...belated Eid greetings ba2a ma3lesh :)

    ReplyDelete
  27. AnonymousNovember 07, 2005 12:07 PM

    Update yallah :)

    ReplyDelete
  28. KhalidNovember 07, 2005 6:41 PM

    i join so3lowwa and second the noion, update yalla!!
    khalid*

    ReplyDelete
  29. GhadaNovember 07, 2005 6:43 PM

    هاهاهاهاها

    آمين آمين يا رب، فيك الخير والله يا أحمد

    كل سنة وانت طيب

    ReplyDelete
  30. Ahmed ShokeirNovember 08, 2005 12:53 PM

    أعتذر للجميع عن تأخرى فى الرد .. أجازة بأه كل سنة وإنتم طيبين

    نون النساء
    شكرا على تحيتك .. بس ليه البلوج بتاعك مقفول ؟

    ghada
    ياااه .. نورتينا .. فينك من زمان
    عقبالك كده إن شاء الله

    mashi_97
    عمرة مقبولة منك إنت كمان إنشاء الله .. المرة الجاية نكون سوا

    -se3loah-
    الله يسلمك .. لأ كانت الرحلة سريعة جدا.. يعنى بصراحة واخدها خطف

    enter-q8
    شكرا خالد على دعواتك .. تسلم

    tara
    وإنتى طيبة وعقبالك .. فعلا لفت نظرى دعاء السديس للعراق بالأمن والأمان .. ربنا ينهى الفترة دى إنشاء الله

    king tooot
    شكرا على مشاعرك وإعمل حسابك المرة الجاية مع بعض

    Anut Najma
    وإنتى طيبة .. وعيد سعيد فى بغداد

    happy girl forever
    فعلا هما بيكونوا على طبيعتهم جدا
    وكيل وزارة مرة واحدة .. هاها

    chatter box
    إنتى لسه حكاية العربى مش شغالة معاكى
    جارى ده تعب منى أوى كانت كل نظراته ليه ريبه بعد ماكان مبسوط منى وبيردد وراي علشان شاف إن حافظ أدعية كويس

    khalid jarrar
    كويس جدا إقتارحك ده ياخالد وأنا بأيدك فيه ميه فى المية .. خلاص ياجماعة كل واحد تتاح له الفرصة يدعى لجميع المدونين والمدونات .. مين عالم ممكن تكون الدعوة دى هى المنجية

    حلم
    أتفق معاكى فعلا ياحلم ومشكلة الكلمة فعلا هى بالنسبة لينا إحنا يامصريين تعتبر إهانة وعيب للمرأة جدا لكن في جميع الدول العربية الأخرى هى كلمة عادية جدا مرادفة لكل المرأة عندنا .. لكن للأسف الواحد مش عارف يتقبلها أبدا
    للعلم الكلمة هى كلمة إمرأه مع حذف حرفى الألف.. فعلا كلمة أبيحة جدا

    unknown
    شكرا .. مبروك عليكى العمل بالقاهرة .. على فكرة عجبنى البلوج بتاعك جدا .. طبيعي أوى

    shady
    إنت عارف بأه ياشادى اللى فيه طع ، صعب يغيره

    a n g e l
    شكرا على دعواتك الطيبة . ومبروك علبنا عودتك مرة أخرى

    happy girl forever
    حلم تقصد كلمة .. خلاص بأه مضطر أقول كلمة مره أى إمرأه .. دى كلمة عيب وشتيمة جامده عندنا فى مصر وفيها إهانة للبنت جامدة جدا بمعنى أدق خدش حياء جامد

    Ebles
    مش ممكن تقف عليك أبدا .. وأخر موضوعين ليك كانوا بصراحة تحفة وكالعادة مثيرين للجدل

    taher
    يالله .. شد حيلك المرة الجاية جماعة إن شاء الله

    romantic rose
    حمدالله على السلامة .. إيه الغيبة الطويلة دى .. عايزين نشوف ليكى مدونة لوحدك بأه عشان فعلا بتوحشنا كتاباتك

    khaled jarrar
    عمرة مقبولة وربنا يتقبل منك .. وكده تبقى تالت مدون يعملها فى الأيام دى.. ربنا يتقبل دعائك وأهم حاجة دعوتك للجميع

    mindonna
    ميرسي يامندونا .. والله إنتي اللى سكرة..أنا هاخلص وأطلع على مدونتك على طوول

    riyadhawi
    أكيد دلوقت إنت فى الأجازة السنوية .. مستنينك لما ترجع .. وأول حكاويا فى البوست التالى

    free soul
    إيه ده .. إنت فى الجيش اليومين دووول .. ربنا يكرمك وتخلص منه .. عشان كده إنت مختفى ومقل شوية
    إتحرك ياعسكري شوية

    zuzu
    شكرا على كلماتك الحلوة .. إنتى كمان وندرفول وعايزين نشوف ليكى بلوج قريب إنشاء الله

    q8tya
    شكرا كويتية .. وربنا يخليلنا كل حبايب الكويت

    مهاجر
    ربنا يكرمك .. بس مين قال إن المدونين غلابة .. لعلمك إبليس من أعز المدونين عندى بالرغم من قلة تعليقاتى عنده .. بصراحة بخاف

    chatterbox
    وبيجيلكوا قلب تقولوها إزاى عادى كده؟

    dulsinea
    شرفتينا .. ودى فرصة أسعد لينا ولجميع المدونين ياريت نشوفك دايما

    nerro
    late better than never
    ياترى إيه أخبار العيد معاكى

    -se3loah- & khaled jarrar
    خلاص عملنا التحديث .. الأجازة خلصت إمبارح والنهاردة أول يوم عمل

    Ghada
    شكرا ياغادة .. إيه الغيبة الطويلة دى .. وحشتنا بوستاتك
    -------------------------------
    على فكرة دى أحلى تعليقات جاتلى .. كل سنة وكلكم بخير

    ReplyDelete
  31. Slim ThugNovember 15, 2005 11:31 PM

    معليش متأخره أحمد
    الحمد لله على السلامه اخي الكريم
    كلامك عن مكه والمصريين جميل جدا , والله هناك حرب مو عمره , والله دفدفه على كيفك , تجيك مصريه كبيره في السن شويا تكون مخلصه من الطواف وتخترق الصفوف والله المنظر مرا يضحك , هذا راجل وجدع مش حرمه خخخخخ
    فعلا مكه مصر وقت رمضان والحج ..

    تسلم عل البوست الروعه
    وعوده حميده إن شاء الله
    تحياتي

    ReplyDelete
  32. AnonymousFebruary 23, 2007 4:25 AM

    Looking for information and found it at this great site... Wheel chairs van Weight loss hypnosis stop smoking hypnosis stop smoking

    ReplyDelete
  33. AnonymousApril 26, 2007 8:56 PM

    Keep up the good work Nso nursing malpractice insurance lamictal rash picture homes Strap on prom porn access Heritage fragrance Compare moving truck companies Mountainview regional hospital new mexico lawsuit Insurance all terrain vehicle car insurance Buy cheap didrex diet pills online gate openers

    ReplyDelete

Subscribe to: Post Comments (Atom)