Friday, January 12, 2007

تساؤلات بريئة


تساؤلات

 Click to see the crew names
Click to discover the crew



في المشهد الشهير لإعدام صدام لفت نظري مثلما لفت نظر كثيرين أنه لم يكن ملثما في حين كان من يقوموا بإعدامه ملثمين، عادة من يقوم بالإعدام يكون مكشوف الوجه والملثم هو المجرم ، هل في ذلك معنى خاص ؟

فاكرين حكاية صورة أحمد ومجلة تين ستاف اللي نشرت إحدى صوره من موقع فليكر في عدد نوفمبر والحملة التي قامت على المجلة من خلال البلوجرز والإنترنت ورسائل البريد الإلكتروني ، الأمر الذي دفع المجلة بالوعد بنشر إعتذار في العدد القادم والإشارة إلى أن الصوره من تصويره ، ياترى بالفعل قامت المجلة بذلك ولاّ الموضوع إتنسى ؟

سفاح المعادي لايعتدي جنسيا على ضحاياه ولكن يقوم بطعنهن بمطواه في منطقة ماأسفل البطن أو أسفل الظهر ، هل يعتبر هذا هو التطور الطبيعي للتحرش الجنسي ؟

مالذي يدفع شيرين رضا وسارة شاهين 24 سنة وصيفة ملكة الجمال الذهاب إلى الجناح الملكي رقم 715 لثري خليجي عمره 24 سنة بفندق سميراميس إنتركونتينينتال لدرجة جعلت إدارة الفندق تطلب نزولهما فوراً؟ هل لأنها كانت بالفعل تمارس الدعارة وتحرض على الرذيلة ، أم لأنه ابن شقيق طليقها وكانت في زيارة ودية بريئة ؟

دخل أحد الأشخاص على إبن زعيم التريجرز توفيق الدقن ليخبره أن والده زعيم التريجرز حسن عابدين مات ليتسائل بعنف كيف مات وهو ماشي وهو واقف وهوجالس ، فيعلمه أنه مات وهو موطي ، ليعقب توفيق الدقن بإستنكار وهو موطي !!! إخيييييي . كثيراً ماأقف أمام هذا المشهد لأتسائل ماذا كان يريد أن يقول من كتب هذا المشهد في فيلم فيفا زالاطة ؟

في موضوع أكياس الدم الفاسدة ، كيف يكون عضو مجلس الشعب ووكيل اللجنة الإقتصادية هو نفسه المورد للجهات الحكومية ، أين دوره الرقابي إذن ؟ ألا يوجد قانون يحظر على عضو مجلس الشعب أن يتعامل بأي شكل كان مع مؤسسات حكومية منعاً للشبهات ؟ وحتى متى يتم إكتشاف الفساد بالصدفة ؟

فاكرين المدونين التونسيين ويوم التدوينة البيضاء للإعتراض على حجب السلطات التونسية ثلاث مدونات أشرت وقتها إلى أنها مدونات ليست أكثر من عادية لايوجد بها مايدعو للحجب ، في خطوة جريئة قامت السلطات التونسية بحجب المدونة التونسية التي قامت بالحملة وبحجب مدونة آدم الصوالحي الذي قام بالإتصال بالمدونات الاخرى للإشارة بالحملة ، لماذا كل هذا القلق والخوف الغير مبرر لدى السلطات التونسية ؟

الشيخ وجدي الغزاوي مالك محطة الفجر الدينية يملأ الدنيا ضجيجاً للتبرع للقناة وإلا ستـُغلق ، كما هو الحال في موقعه المنبر يطلب دائماً الدعم المالي ، الغريب أنه يملك أيضا محطة أصول العقارية ، ياترى هل قناة الفجر كان إنشاؤها لوازع ديني ولا الموضوع كله بيزنس في بيزنس ؟

10 comments:

  1. أحلى حاجة في أسئلتك دي هي البراءة المفرطة .. إحنا بنشاركك نفس البراءة ومقدرين طبعا إن ما فيش أي غرض وراء الأسئلة دي

    إوعى تكون مستني حد يجاوبلك على الأسئلة دي .. إحنا إتفقنا إنها بريئة

    ReplyDelete
  2. السلام عليكم

    ادوات الاستفهام اوقات كتير بتفتح للعقل طاقة نور و برده ساعات بتفتح عليه ابواب جهنم.

    اسأل , و كمان اسأل " بعد ما حعرف حاعمل ايه؟"

    اول مرة انت كتبت فيها عن تجربة الحج حسيت بيك كانسان بيحكى تجربة احداثها بتدور فى عالم غير عالمنا .

    تانى مرة و مع الصور اللى انت حطتها حسيت انك زى مراسل صحفى بينقل لينا مشاهد من الحج , محسيتش بحرارة خوض التجربة بالرغم انها مش اى تجربة فى حياة اى انسان مسلم

    على فكرة ده احساس مش تساؤل برىء

    اخوك مؤمن

    ReplyDelete
  3. :) مافيش حاجه ممكن ما تحيركش اليومين دول كله يحير بجد و مش مفهوم أي حاجه
    حاجه فعلا بقت غريبه

    ReplyDelete
  4. والله ياشوقير باشا انا معاك في كل التساؤلات دي

    ولو عرفت ياخويا اجابات للاسألة دي ابقي قولي عليها

    ReplyDelete
  5. هو في الزمن اللي احنا فيه ده حد يملك اجابة؟؟ مش كفاية انهم سايبنا نسأل
    والله انتو ناس طماعة

    ReplyDelete
  6. العزيز احمد

    هل بأسئلتك استنكار ام استفسار

    مشهد صدام مفزع وله دلالة ان يترك وجهه مكشوفا لتكن اخر لقطات الشجاعة التى سوف تكون اخر ما يتذكره التاريخ عن صدام واخفاء الوجوه منطقى لمن يصور اعدام الشيعة لصدام حرصا على سلامتهم

    احمد ومجلة تين ستاف
    وصلتنا جميعا ردود المجلة واعنى كل من ارسل للمجلة يستنكر ما حدث والرسالة واضحة لدى انه لا نية للاعتذار فلا اظن ان هناك اعتذار فى العدد الذى تلاه

    سفاح المعادى الاجابة سوف تكون على صفحات الجرائد بكل وضوح مختل نفسيا لا اعتقد اننا نعرف كلمة مختلفة غير هذه الكلمة المملة

    شيرين الى حد علمى ان هناك سابقة مشاكل بينها وبين ظابط الفندق الذى حرر لها المحضر كنوع من انواع العقاب
    فليست بحاجة الى التواجد بفندق مع عربى اذا ارادت فعل الرذيلة مع ابن اخو زوجها الذى يصغرها باعوام كثيرة

    كان يريد ان يقول فى المشهد انه لم يمت بطلا يظهر البطل ليه موتة خاصة

    اكياس الدم مثلها مثل قضايا كثيرة تفسر لماذا هم من الاساس يدخلون البرلمان
    حجب التدوينات مؤشر على الفزع من تأثير التدوينات وهذا هو الشىء الايجابى

    الفجر تتسول بطريقة الضغط على مستقبل الدين فى العقول

    تدوينى متنوعة الاسئلة لكن مشوقة
    تحياتى

    ReplyDelete
  7. هيا اسئله تستفذ اي عربي بس اشك انك تبحث عن اجابات و لو بتدور اظن انننا كلنا منعرفش و لي يعرف مبيقلش و الفرخة عايزه حبه و الحبه عند الفلاح و الفلاح عايز يرتاح

    ReplyDelete
  8. عجبني قوي البوست ده يا احمد .. علشان اجابات أسئلتك عباره عن كلام عايزه اقوله و دماغي مليانه بيه بس هايص و سايح علي بعضه .. و انا بحب النظام و اجابتي علي اسئلتك هتنظم افكاري و تخرجها مكتوبه .. بس للأسف هتوجع دماغك .. انت اللي جبته لنفسك بقي ..

    في مشهد اعدام صدام .. انت عارف اللي يبقي عارف ان هيتقال افلام و حوارات و هيشككوا ف مليون حاجه و يطلعوا مليون اشاعة ؟؟ فقالوا يجيبوا من الاخر و يصوروه صوت و صوره لان أبو مين اللي هيقول مش صدام و دوبلير و الحقيقي هربوه و قصص .. فقاموا عاملين كده .. و بعد كل ده .. برضه قلنا الكلام ده و مش صدام و حوارات و الحقيقه هنعرفها يوم القيامة ان شاء الله ..

    موضوع صورة أحمد و المجلة .. انا شخصيا معرفش احمد ولا متابعة المجله .. فأنت اللي هتقولنا بقي .. لو المجله دي شهرية فأكيد عدد ديسمبر و يناير هيكون فيهم اجابة شافية لسؤالك ..

    سفاح المعادي .. اجابة سؤالك .. لا أظن !!

    شيرين رضا و سارة شاهين .. الحقيقة لا يعلمها الا الله و هما التلاته .. بس رأيي الشخصي ان القضية متلفقه و الا مكنوش فضحوا الدنيا و كانوا عرفوا يلموا الموضوع .. علي الاقل لعيون الثري العربي ننوس عين امه و جناحه الملكي .. فاكر يا احمد المشهد بتاع عادل امام و شيرين ف فيلم بخيت و عديله لما دخل عليهم مدير فندق شيراتون و راحوا مفوتينله 10.000 دولار راح شاخط ف الكرو بتاعه و قايلهم ازاي تتهموا ناس شرفاء .. سلة فاكهه و شمبنيرا من احسن نوع .. و انجوي يور تايم ؟؟ اظن الوضع ف حالة شيرين و ساره كان اخف .. علي الاقل ما ظبطوهومش متلبسين .. ولا ايه ؟

    انا مش فاهمه السؤال بتاع فيلم فيفا زلاطه ده .. بس م الاخر الفيلم ده بارد .. ده رأيي فيه مع اني عمري ما اتفرجت عليه لانه ببساطة عمره ما شدني !!

    أكياس الدم الفاسده .. الله يخربيتهم .. الله يخربيوتهم .. الله يخربيوتهم ..

    تونس دولا ناس زي الفل .. حكومة محددة موقفها يا ريس .. مش بتتشدق بالديموقراطيه .. بتقمع المحجبات و تمنع الصلاة ف المسجد و تحجب المدونات .. موقفها معلن .. تخشي ايه ؟ من ناحية الدين .. فالمسيطرين علي الحكومه و حبايبها علمانيين .. و بالتالي رافضين فكرة "دحلبة" الدين لحياة المواطنين خوفا علي سلطتهم و استقرارهم .. علي الصعيد السياسي .. فأكيد نفس الفكره .. الخوف من صور واحد زي "وائل عباس" تفضحهم علي رؤوس الاشهاد .. ولا تكالب المدونين علي قضايا الفساد و النبش ف اللي كان و ما هو كائن و اللي هيكون .. فبيجيبوا م الاخر ..

    الغزاوي بيشحت علي المحطة ؟ طيب ما يسمح بمساحة اعلانية زي قناة اقرأ و قناة الناس .. عادي يعني .. و بعدين ما كله بيزنس يا باشا .. لكن بيزنس مع مين .. هو ده السؤال ..

    في نهاية التدوينة دي .. بجد انا بشكرك يا احمد .. و عايزه اقولك حاجه ملاحظاها و حاجة عايزاها .. الحاجة اللي ملاحظاها هي ارتفاع مستوي تدويناتك و عمق ثقافتك و رؤيتك للأشياء .. ما شاء الله .. ربنا يزيدك و تمتعنا كمان و كمان .. الحاجه اللي عايزاها .. عايزاك تخلص بوست بوست .. يعني فيه بوستات ما عليهاش ردود لحد دلوقتي و بوستين ف يوم واحد هيعملموا تشويش علي بعض و يخلوا مش كل الناس تعلق و تقرا و تفكر بالأخص ان البوستين من النوع العيار التقيل ..

    حاجه اخيرة .. انت نسيت نضارة شمس ؟ انت مواعدني ببوست من رمضان .. فاكر ؟ صرفت نظر ولا ايه ؟؟

    خاااااااااالص تحياااااااااتي

    ReplyDelete
  9. و الله اخي انا ماني فاهم شيء؛ يبدو ان حكومتنا اجبن مما يتصور الجميع؛ اذا خافت مني انا العبد الفقير؛ هذه اشارة لمن يفهم؛ لكن من يفهم الآن؟؟؟

    ReplyDelete
  10. هي اسئله مهمه الحقيقه بس فين الحقيقه الله اعلم
    اما بالنسبه لخوف الحكومه التونسيه هوهو خوف حكومه تانيه بالظبط

    ReplyDelete