النتائج الأولية
منذ بضعة ساعات وضعت إستقصاء عن إضراب الرابع من مايو المزمع ، وذلك لتحديد تجاوب الآخرين مع هذه الدعوة وتحديد الإتجاه العام في ظل توابع إضراب السادس من أبريل ، كان سؤال الإستقصاء هل أنت مع أو ضد إضراب يوم الرابع من مايو ، وكانت الخيارت بين مع أو ضد أو لم أسمع عنه من قبل ولكني معه وأخيراً لم أسمع عنه ولكني ضده .. وكانت النتائج الأولية لأول مائة مشارك كالآتي أولا : الموقف من الإضراب
عدد 84 شخص مع الإضراب
عدد 16 شخص ضد الإضراب
ثانياً : العلم بخبر الإضراب
عدد 3 شخصاً لم يعلموا بهذا الإضراب سابقاً
عدد 97 شخصاً علموا بهذا الإضراب
هل ستتغير النتيجة .. هذا ماسوف تبينه مشاركتكم
هذا الإستقصاء لايستطيع واضعه التعديل فيه ، ولايسمح الإستقصاء بأكثر من مشاركة من نفس جهاز الكومبيوتر
ممكن تكون الناس مع الاضراب اللى معناه فى دماغهم وامنياتهم منه هى الدافع ورا تصويتهم عليه
ReplyDeleteياريت حضرتك تعمل استقصاء كمان عن معنى الاضراب والمنتظر منه
تحياتى
وانا عملت استقصاء بين الناس
ReplyDelete:D
a taxi driver today assured me that it will be useless..he was working on 6th of april and nothing really affected anything
he said a real strike should mean collaboration from all governmentral workers..all kinda works should stop...
i told him there is hope..it was just a rehearsal yet
he said that a real strike also should have all shapes of riot..so that this will make the whole minisetrial cabinet to be overthrown..this will make them be judged and quit
another friend.. told me that she wishes that great big companies and all offices would declare it as a decree to its employees to go on strike that day..for it will be a great blow
but as an individual act..it won't have its fruits
كان معكم
مديحة حاتم
بجاور كشك عم عبده
:D
أيوة يا إبي.. بس خدى بالك إن الشركات الخاصة مثلا تدى أجازة ليه؟
ReplyDeleteأغلبهم فى مصر بيدوا مرتبات معقولة نسبيا.. فالعاملين فيها بيكسبوا يعنى.. فيخسروا الشركة ليه
وبالمثل الحكومية اللى محتاجين أصلا الإضراب عشانه.. ما ينفعشى يدوهم اليوم أجازة.. الا لو ودى ما بين المدير والعاملين.... يعنى لو إن هو أصلا متعاطف مع الإضراب ودا برضو مستحيل عشان أغلبهم مطبخين فى قبل بعض
مش عارفة بصراحة
ثم إنما الناس الكبار اللى همه أكتر حد متأثر من الغلاء... زى بابا وماما.. كلهم مزروع فيهم ثقافة الخوف من الحكومة وصعبة يشاركوا
والشباب ما باليد حيلة... وغير كدة أصلا مافيش ثقافة تحركهم إنما هى \وافع عاطفية كلها
ولو قلنا نمتنع عن اللحمة.. ما العدس ح يغلى
ولو قلنا نمتنع عن الكهربا... ما أهلنا اللى بيدفعوا مش إحنا.. ومحدش ناقص حمل غرامة
شئ محير فعلا ومحتاج تفكير كبير... إزاى يكون فى إضراب مؤثر، أغلبه من الشباب.. بدون همجية.. وبدون ما يتاخد على الناس إى شئ من جانب الحكومة.. يعنى ما يتاخدشى عليهم حجة يعنى
بس كدة كدة أحب أقول لك إن الحماس للإضراب الجاى أكبر من الإضراب اللى فات
انما فى النجاح.. أنا لا أعرف
6 إبريل نجح بإنه حمس الناس.. إنما 4 مايو ياترى ح يكون إيه النظام؟
لا لحسنى مبارك على كل عملة ورقية فيكى يامصر
ReplyDeleteياريت كلنا نتبنا الحملة دية
تخيل كل عملة فى مصر مكتوب عليها لا لمبارك
الشعب خايف وديه وسيلة سلمية تماما عشان الناس تشجع بعض !!
لا لحسنى مبارك على كل عملة ورقية فيكى يامصر- هدية شعب مصر لمبارك
ReplyDeleteتخيل كل عملة فى مصر مكتوب عليها لا لمبارك
الشعب خايف وديه وسيلة سلمية تماما عشان الناس تشجع بعض !!
عاوزين ديه تكون هدية شعب مصر لمبارك
عاوزين العملة ديه تكون فى ايد مبارك يوم 4 مايو
عاوزين اى حد يمسك عملة مكتوب عليها لا لمبارك يبتدى يفكر
الشخص ده معارض او يعرف حد معارض !!
لما البواب يخدها من واحد راكب عربية
لما المكانيكى ياخدها من بيه
واحده واحده الشعب هايتجرأ
اكتبها بخط واضح وكبير
لا مبارك
انشرها وسط صحابك
هدية شعب مصر لمبارك فى عيد ميلاده
isa im in !
ReplyDeleteThis comment has been removed by the author.
ReplyDeleteمشكور على الاستفتاء ياشقير اللى بيأكد ان مدونتك بتمثل نبض الشارع التدوينى كله
ReplyDeleteبخصوص الاستفصاء انا باتفق تماما مع تعليق " لست ادرى " واحب اضيف عليه ان عندى احساس خاص ( ارجو ان يكون فى غير محله ) بأن الحكومة حتسخدم كل اسلحتها المشروعة والغير مشروعة عشان ماتخليش الاضراب يبقى واقع ( اى كان تأثيره ) زى اضراب 6 ابريل
انا مع الاضراب 100% .و كل سنة واحن كلنا طيبين مش الريس بس ك(
ReplyDeleteمن الاخر كة وعلى بلاطة وبلاش كلام كتير وسفسطة فارغة
ReplyDeleteايوة الشعب قرفان من كل حاجة
استحمل كتير قوى خلاص الحكومة وصلت الشعب لنقطة الانفجار
خللى اللى يقول يقول
خللى عمرو اديب يهجص وخللى الدقاق يهجص ونظيف يهجص وعيشة تهجص
اهه كله بيهجص على كله
فئة مندسة قال
العالم دى بتكدب الكدبة بيتصدقها ولا اية
وكل دهل من دول يجى فى التليفزيون يقولك دول حرامية وصيع ومندسين
فوقوا بقه
اية الشعب دة يا رب اللى بيستحمل الضرب على القفا كل دة
ايوة صحيح ماهو فى مصر الضرب ع القفا شفا
نعم لإستطلاعات الرأي
ReplyDeleteاحيانا أتساءل لم لا يوجد بكل مدونة استطلاع للرأي
عن نفسي لا أفهم لماذا الاضراب يعني بتحليل حضرتك في الموضوع السابق
ما هي أهدافه تحديدا ومداه وصور التعبير وهكذا
خطوة غير مدروسة أصلا وقد تضر قبل أن تفيد مثل أحداث المحلة من الذي تأذى منها الغلابة
لا الحكومة ولا الوزرا ولا حتى نحافظ محدش فيهم اتأذي لكن طالب قاعد في بيته مات لو الناس بس تفكر
في كل الأحوال صراحة حكون مع الناس على الأقل لترسيخ روابط الاتحاد
لذا الردود غير متوافقة مع موقفي
لست مع ولا ضد ولا مع بدون معرفة ولا ضد بدون معرفة
طب أأقول ايه ؟
أنا مع الأضراب ...أنا بشتغل فى القطاع الخاص و مش أنا لوحدي فى ناس كتير حولى كانو مضربين و أنا منهم يوم 6 أبريل ...فللنهى ما بدأنا و لا لليأس ...أنا متأكد أن الناس لما تتحد هى يبقى ساعتها محدش حيقدر يرهب الشعب ولا الأمن المركزي ولا المعتقلات
ReplyDeleteيا ترى الأخوان فين !؟
يظهر أنهم مش مصريين فعلاً كل يوم بتأكد أكتر أن الناس ديه مبتدورش غير على مصلحتهم و السلطة فقط
والله أعلم بما خفى
الموضوع اتحول من الاضراب الحقيقى الى الاضراب الافتراضى وبالتالى يجب ان تكون الاسئلة هل انت مع او ضد الاضراب الافتراضى؟ اغلب من وافقوا على الاضراب السابق كانوا نايمين فى بيوتهم لغاية الساعة 2 الضهر كالعادة ... الموضوع اتحول لتهريج واضراب كلام فقط .. والكلام ماعليهوش ضرايب وكل اللى نفسه فى حاجة يقولها .. اما الفعل فشيىء آخر غير ما يحدث ، واتوقع نجاح الاضراب على النت أما فى الواقع فلن يحدث شيىء...و تصبحو على خير .
ReplyDeleteok let's all support the idea of peaceful objections.. we were all brought up on "fear", it will take time to break it .. but at the end of the day it must collapse, or we'll better search for another place to live..
ReplyDeletePLEASE WE ALL NEED HOPE