Late Night Stories حكاوى آخر الليل

في النهار تولد الحكايات .... وفي أول الليل نحكيها .... وفي آخر الليل أسمع أحلى الحكايات

: Name: Ahmed Shokeir; Location: Cairo, Egypt

View my complete profile

E-mail me @

This blog is best viewed with ... Internet Explorer

Today's Quote ...

" في عيد ميلاد الوزارة : لايكفي أن تكون نظيفاً .. لكي تكون رئيساً للوزراء "

- Me

Today's Quote Powered By: Shokeir

Friday, April 11, 2008

عن التدوين .. وحوار إفتراضي

عن التدوين .. وحوار إفتراضي

Are you on my list?

ماهو المهم في التدوينة ولايهتم به المدونين ؟
العنوان

كيف أكون مدون مثير للجدل ؟
إكتب عن الحجاب وقول إنه مش فرض

إيه الغريب في التدوين ؟
ندرة المدونات الرياضية بالرغم من شعبية الرياضة

من هو المدون الذي إنزعج من إضرابات 6 أبريل ؟
المدونون غير السياسيون

مالذي يشغل بال المدون ؟
التدوينة القادمة

ماالذي يشكو منه المدون ؟
ندرة التعليقات

ماهو التعليق الذي يسبب إحباط ؟
تعليق دعائي ليس له علاقة بالتدوينة

مالذي يقيد حرية المدون ؟
التعليقات

متى يتوقف المدون عن التدوين ؟
عندما يشعر أنه يكتب لنفسه فقط

مالذي يميز التدوين ؟
عشوائيته

متى يشعر المدون بتأثير التدوين عليه ؟
عندما ترصد عينيه أمور لم يهتم بها سابقا

متى ينزعج المدون ؟
عندما لايجد مايكتبه

مالفرق بين المدونات والمنتديات ؟
في المدونات إنت الأدمين

متى يصبح المدون مدمناً ؟

عندما يستقيظ في الرابعة فجراً ويفتح مدونته

52 Comments:

Mo93abS said...: مدونتي مفتوحة من قريب السنة
كل مواضيعي فيها غير منشورة

لا أدري متى يصبح حالي من حالك

دائما متابعين :); April 11, 2008 5:00 AM
Esmeralda said...: الساعه 6:30 اهه صباحا و فاتحاها; April 11, 2008 6:31 AM
خمسة فضفضة said...: السلام عليكم ورحمة الله وبركاته

هو صحيح حوار افتراضي بس حقيقي جدا جدا جدا; April 11, 2008 6:53 AM
la3lahakhier said...: كتير فيه صحيح; April 11, 2008 7:47 AM
Anonymous said...: عارف اللى انا هاكتبة مالوش علاقة باللى انت كاتبة و ده هايزعلك زى مانت بتقول

بس ياريت كل المدونين يتبنوا حملة 4 مايو القادمة

لا لحسنى مبارك على كل عملة ورقية فيكى يامصر- هدية شعب مصر لمبارك

تخيل كل عملة فى مصر مكتوب عليها لا لمبارك

الشعب خايف وديه وسيلة سلمية تماما عشان الناس تشجع بعض !!

عاوزين ديه تكون هدية شعب مصر لمبارك
عاوزين العملة ديه تكون فى ايد مبارك يوم 4 مايو

عاوزين اى حد يمسك عملة مكتوب عليها لا لمبارك يبتدى يفكر
الشخص ده معارض او يعرف حد معارض !!

لما البواب يخدها من واحد راكب عربية
لما المكانيكى ياخدها من بيه

واحده واحده الشعب هايتجرأ

اكتبها بخط واضح وكبير
لا مبارك

انشرها وسط صحابك

هدية شعب مصر لمبارك فى عيد ميلاده; April 11, 2008 10:52 AM
عصفور المدينة said...: زي الفل يا عمو
مبدع وعايزين حقوق الأداء العلني
:); April 11, 2008 11:34 AM
Tarek said...: I liked that profile photos mosaic very much.; April 11, 2008 11:49 AM
Jana said...: على القياس اكتشف أنى مدمنة
بالرغم من تقصيرى الواضح نحو التدوين والمتابعة
تحليل دقيق للغاية

تحياتى; April 11, 2008 12:32 PM
Lasto-adri *Blue* said...: I liked the mosaic as well.. very pretty :)

لكن عندى إجابتين تلاتة مختلفين
:D
كالعادة

ماالذي يشكو منه المدون ؟
إنحدار مستوى التدوين

مالذي يقيد حرية المدون ؟
الرقيب بداخله، مع إشتهار مدونته وسط معارفه

متى يتوقف المدون عن التدوين ؟
عندما لا يجد جديد يضيفه; April 11, 2008 1:50 PM
soha said...: السلام عليكم

حضرتك نسيت كام سؤال

امتى القارئ العادى يحس انه مدمن مدونات ؟؟
لما يلاقى نفسه بيحب يقرا لبعض
المدونيين باستمرار و مستنى جديد دايما و يحس ان يومه مش هيبتدى غير لو قرا بوست يشده

امتى القارئ يبتدى يهتم بالتدوين ؟

لو قرا بوست لشقير

امتى بييجيلى احباط ؟؟

لما بوست شقير بيخلص بحس انه كان لازم يكون فيه تانى

تحياتى; April 11, 2008 2:42 PM
يا مراكبي said...: بجد ده موضوع أحييك عليه

كتير من الأوقات جه على بالي إني أوجه نصائح عامة لسلبيات كتير عن التدوين والمدونين ناس كتير مننا شايفينها ولامسينها لكن ماحدش بيتكلم عنها

أو تلاقي الكلام عنها بيكون في حوار جانبي بين مدونين أصدقاء; April 11, 2008 3:34 PM
وينكى said...: يا ربنا
دى نفس الاجابات اللى كنت حاساها جوايا وانا باقرا الاسئله
دا الواقع بجد
حلوه قوى مجموعة الصور اللى فوق دى
وان كنت بصراحه قعدت ادور على صورتى وسطهم
:P; April 11, 2008 4:15 PM
Anonymous said...: على ذكر العنوان:
همزة المصدر من الفعل الخماسي والسداسي همزة وصل لا همزة قطع!
ـ; April 11, 2008 5:01 PM
SaSo said...: ماالذي يشكو منه المدون ؟
ندرة التعليقات

متى يتوقف المدون عن التدوين ؟
عندما يشعر أنه يكتب لنفسه فقط

جانبك الصواب ف دول
او يمكن صح ف حاله المبتدئين; April 11, 2008 6:38 PM
wanna b a physician said...: طبعا موضوع العنوان ده ناتج من زى ما قولت العشوائية ودى ناتجه من ان ناس كتير بتكتب عن اللى جواه وهى مش موهوبه فى الكتابة او دارسة ومحترفه يعنى
شكرا; April 11, 2008 6:44 PM
wanna b a physician said...: اه نسيت اقولك ان الاستفتاء اللى انت عامله فتح عندى من نفس الجهاز مرة تانية ياريت تشوف اية المشكلة; April 11, 2008 6:45 PM
مـحـمـد مـفـيـد said...: احييك علي كلامك; April 11, 2008 8:53 PM
عصفور المدينة said...: دي مساهمة مني بإجابة هذه الأسئلة

ماهو المهم في التدوينة ولايهتم به المدونون ؟
القاريء

كيف أكون مدون مثير للجدل ؟
انتقد أي حاجة من ثوابت الإسلام

إيه الغريب في التدوين ؟
عدم الاهتمام بإفادة الآخرين في مجال التخصص رغم وجود هذا كثيرا في المدونات الغربية

من هو المدون الذي إنزعج من إضرابات 6 أبريل ؟
انزعج يعني اعترض أو مش اقتنع ولا تقصد اتفاجيء
على كل الإضراب مش واجب ولا هو رؤية تمتلك الصواب المطلق أنه حل سياسي لمشكلتنا

مالذي يشغل بال المدون ؟
كيف أكتب عن هذا؟؟؟؟؟؟

ماالذي يشكو منه المدون ؟
عدم وجود موضوع للكتابة عنه

ماهو التعليق الذي يسبب إحباط ؟
تعليق دعائي ليس له علاقة بالتدوينة

مالذي يقيد حرية المدون ؟
أسرته ومعارفه
:)

متى يتوقف المدون عن التدوين ؟
عندما يكون مشغولا جدا

مالذي يميز التدوين ؟
التنوع
متى يشعر المدون بتأثير التدوين عليه ؟
عندما يرى نفسه قدوة لنفسه

متى ينزعج المدون ؟
عندما يجد عددا كبيرا فهموه خطأ

مالفرق بين المدونات والمنتديات ؟
في التدوين لا يوجد غوغائية

متى يصبح المدون مدمناً ؟
عندما يلغي موعدا لكي يقرأ مدونات أو يدون; April 11, 2008 11:19 PM
عدى النهار said...: فى لمسة فنية تلقائية و جميلة فى معظم كتاباتك بتضفى عليها مذاق خاص إن جاز التعبير; April 11, 2008 11:45 PM
شــــمـس الديـن said...: عارف
انا بدخل هنا كتير بس مش بعلق مش عارفة ليه

بس بعتبرك و عصفور المدينة زي ما تقولوا شيخ حارة المدونين - طبعا اقصد المعني الحلو

الموضوع فيه لمسة رائعة اوي
و احب احييك علي الصور ... انت فعلا ماشاء الله بارع اوي في تخيرك لصورك جدا جدا جدا

لكن اسمح لي اني اضيف بعض اجاباتي الخاصة عن الحوار الافتراضي

ماهو المهم في التدوينة ولايهتم به المدونين ؟
صورة التدوينة اعتقد انها مهمة

كيف أكون مدون مثير للجدل ؟
ان تلعب تعلي من قدر الاشياء الاكثر انحطاط و هي اذدراء الاديان , و الشذوذ

ماهو التعليق الذي يسبب إحباط ؟
عندما يقول احد انهم لم يفهم ما اقصدة او اعرف بعدين ان ناس قرأت و لم تعلق لان الفكرة مبهمة

متى يتوقف المدون عن التدوين ؟
عندما تكون النفسية غير مأهلة للكتابة
و مطحونة من ضغوط الحياة

مالذي يميز التدوين ؟
اللمسة الانسانية التي تعكس راي كل واحد دون حجر علي اي صوت
انسانيتة و حريتة

متى يشعر المدون بتأثير التدوين عليه ؟
عندما يتحسن اسلوبة الكتابي
عندما يصبح اكثر قربا و احساسا بالناس
عندما يري الاشياء العادية التي تمر علي الجميع من منظور مختلف جدير بالتأمل

مالفرق بين المدونات والمنتديات ؟
المدونات تعبر عن نفسك ...تعتبر المدونة صالونا ثقافيا و يعبر المرء عن نفسة اكثر

لكن المنتدي موضوع عام مطروح للمناقشة الجماعية اكثر من تعبير عن راي ذاتي; April 12, 2008 1:51 AM
ahmEd_H said...: Ana mesh fe el-list :D; April 12, 2008 2:05 AM
ahmEd_H said...: Hagar too !; April 12, 2008 2:08 AM
ahmEd_H said...: belmosnba 3ayz sorty 4 x 6; April 12, 2008 2:09 AM
محمد عبد الغفار said...: خايف تعليقى يدايقك

بس انا سعدت جداً لأنى اعرف اكثر من ثلث عدد الصور الموجوده; April 12, 2008 9:03 AM
يقول أنى امرأة said...: تمام مع الى انت كتبتة
بس عجبمى الرد الى اتكتب دة
مالذي يقيد حرية المدون ؟
الرقيب بداخله، مع إشتهار مدونته وسط معارفه

بجد ردمام جدا; April 12, 2008 10:46 AM
هنا الجنة said...: koys enk 2oltely 3la shoyet el 7agat dool :); April 12, 2008 3:15 PM
أحمد كمال said...: انت عارف ، أنا بصراحة مش متابعك جيدا ، لكن دائما باحس إني أعرفك على الحقيقة ، رغم إن ده مش حقيقي

أنا لا أتفق معاك في كل آراءك و لكن مواضيعك تستاهل المناقشة ، و في النهاية شكرا على كل وقت جميل باقضيه هنا; April 12, 2008 9:54 PM
ٍSOU said...: حوار افتراضى و اكتر من حقيقى; April 12, 2008 11:06 PM
rana said...: سؤال اساسى اعتقد انة غايب عن الحوار الافتراضى الرائع دة وهو
لماذا ندون
واعتقد دة ممكن اجابتة تكون عند اول بوست لكل مدونة تقريبا كل الناس بتكون افتتاحيتها_وحتى من غير ما تقصد_ بتكون فيها اجابة عن سؤال انا لية باعمل المدونة دى
لية باضيع وقتك فى قرائتها
وووقتى فى كتابتها
علشان كدة لما بافتح مدونة باحب دايما اخد فكرة عن اول بوست لكل مدون
والصراحة باكتشف حاجات عجيبة وتغيير فى اهتمامات الناس بمرور الزمن; April 12, 2008 11:24 PM
Mohamed ElGohary said...: @lasto Adri

ده جايا من الأكونت بتاع ال
Facebook

عندي زييه

الأستاذ أحمد شقير
هل الرياضة عندنا حقيقية أصلا؟

أشك بالقوي; April 13, 2008 9:31 AM
zordeak said...: حلو أوى الدمج اللى انت عامله فى الموزاييك ده

أنا العين اللى فى النص

:D

قعدت ادور على صورة الحصان اكتئبت لما ملقتهاش واكتشفت فى الاخر انى مش عارف صورة عينى :D

الأسئلة دى جت على بالى كتير اوى

كنت ناوى اخدها اجاوبها عندى زى متقول كده تاج بس لقيت ان معظم اجاباتى هتبقى زيك

ازاى بعرف انى مدمن عالتدوين

غير انى بقوم ساعات الفجر وابص عالمدونة فعلا :D

وانا راجع من الكلية ولسه مغيرتش هدومى ومدخلش الحمام حتى ( حتى لو مزنوق ) اول حاجة اجرى عليها الكومب وطبعا المدونات

مش شرط مدونتى

من اكتر الحاجات اللى تغيظ فعلا لما تلاقى حد بيعلق عندك باعلان من غير ميقرى انت كاتب ايه اصلا

اللى يغيظ اكتر انك تلاقى حد معلقلك وسايب اعلان وانت لسه قايل

:D

بالذمة مش حاجة تشل

;); April 13, 2008 2:56 PM
بثينــــــة said...: انا صورتي منورة
:D
باحس ان فيه علاقة لغوية بين
دون
و
أدمن
هما قرايب صح
:D
تدوينة حلوة و حقيقية; April 13, 2008 3:17 PM
esraa said...: انا صورتي موجوده
:)

فعلا عندك حق في أكتر الاجابات

ده اللي بيحصل فعلا; April 13, 2008 4:03 PM
دعاء said...: حقيقي الأسئلة منطقية والإجابات أكثر منطقية اغلبها صح تمامًا; April 13, 2008 9:36 PM
توتة توتة said...: الساعة 4 الفجر و فاتحة اسمع المزيكا بجد قولت هروح اسمع المزيكا بس; April 14, 2008 4:05 AM
shaimaa samir said...: مالذي يقيد حرية المدون ؟
التعليقات

مش مقتنعة بدى شويتين

اما باقى الحوارفهوصحيح تماما
وبالاخص بتاعة 4 فجرا

شكرا ليك; April 14, 2008 6:36 AM
ana ga3an said...: و الله انت اثرت فعلا كام نقطة مهما
انا بقالي يجي اكتر من شهر مكتبتش حاجة
يعني في حالة خرس تدويني
ربنا يعين الجميع; April 14, 2008 10:50 AM
إبـراهيم ... معـايــا said...: اللي جه ع بالي ، بعد الصور اللي اكتشفت إني مش موجود فيها ، إنه ممكن يتحول إلى تاج يا أستاذ أحمد، ويبقى التاج الشقيري الأول :)
.
.
تحيااااتي; April 14, 2008 11:47 AM
micheal said...: موافقك علي كل كلمه يا أستاذ أحمد
تحياتي; April 14, 2008 4:56 PM
أبوشنب said...: اللي يطلع صورتي

له جايزة كبيرة

اربعة ارغفة عيش بلدي; April 14, 2008 5:31 PM
Reemo said...: عندى شبه يقين ان كل واحد دخل التدوينه دى
دور اول حاجه على صورته

تعليقى ليه علاقه على فكره
الصوره جزء من التدوينه
:D; April 14, 2008 6:28 PM
تائهة فى أرض الأحلام said...: فعلا كلام صح

بالذات الجملة الاخيرة لأن الساعة 5.30 صباحا دلوقتى

تحياتى لك

أنت بجد انسان مميز صاحب مدونة مميزة جدا; April 15, 2008 5:33 AM
شيماء الجيزى said...: استاذ احمد

هو انت للدرجادى ؟
مدمن تدوين
وحاسس بكل المدونين
بجد
حوار حقيقى ميه فى الميه

.............

وحشتنى المدونة
بشدة

تحياتى لك; April 16, 2008 7:33 PM
L.G. said...: نعم نفترض ثم نحقق ثم ندقق ثم نصل لفكر جديد
نعم لبعض الاجابات ولا أعتقد للبعض الآخر
مثلا ما الذي يشغل بال المدون ؟
هل أفيد هل كلماتي لها مردود طيب
ما الذي يشكو منه المدون ؟
لم الناس تقرأ بأعينها وليس بعقلها وقلبها
ما هو التعليق الذي يسبب احباط؟
دعائية / هجوم وسخرية / ألفاظ نابية / عدم فهم للمحتوى
فعلا يجب أن يكون تاج; April 17, 2008 2:41 AM
ادم المصري said...: البوست جميل جدا وفكرته رائعه
واسمحلي يكون تاج
ويتمرر

وبما اني مش باحب التاجات اصلا
لكن البوست دا عاجبني جدا
فانا هابتدي بيه

.

.
.
تحياتي والسلام; April 22, 2008 11:43 AM
mostafarayan said...: والله كلام موزون قوي; April 26, 2008 2:22 PM
rasha said...: بجد فعلا كل اللي بتقول عليه ده صح احيانا كتير ببقب عايزه اكتب لان عندي حاجه عايزه اكتبها والاقي اقبال وتشجيع بالتعليقات واخيانا مالاقيش تعليقات فكون مضايقه واحس اني بكتب لنفسي بس اخبانا بردك اكتب موضوع ومتبقاش التعليقات كتير بس اكون فرحانه ان كتبت اللي انا عيزاه; April 26, 2008 9:24 PM
نبض اسكندرية said...: مجهود تدوينى من الدرجة الاولى

تحليل نفسى صحيح نوعا ما

الله ينور; April 26, 2008 11:23 PM
مصطفى محمد said...: سلامو عليكو

:)
الكلام ده منطبق على جدا; May 11, 2008 2:54 AM
زبادي في الخلاط said...: العزيز دائما أحمد.. حوارك مع النفس جميل كالعادة وصادق .. تحياتي; May 13, 2008 12:28 AM
hamdool said...: thanks
بالتوفيق يا رب; May 20, 2008 6:51 AM
سارورة said...: كلام فى الجون بجد ، بالذات فى موضوع التعليقات الدعائية وموضوع الفرق بين التدوين والمنتديات والادمان .. انا مدمنة وبكل فخر لدرجة انى بنام احلم بمدونتى

مدونتك كلها رووووعة ونفسى الاقى الموضوع اللى اتنشر فى مدونات مصرية للجيب علشان عاجبنى جدا وعايزة اعلق عليه بس حاسة انى تايهة; June 09, 2008 8:04 PM