Sunday, April 06, 2008

آخر الأخبار .. إضراب جديد في الأسبوع الأول من مايو


إضراب جديد في 4 مايو - يوم ميلاد الرئيس


إسراء عبد الفتاح أحمد راشد .. فتاة مصرية شابة أعجبتها فكرة إضراب عام يوم 6 أبريل بعدما وصلتها رسالة على هاتفها المحمول منذ بضعة أيام ، فأنشأت جروب على الفيس بوك يحمل عنوان إضراب عام لشعب مصر 6 أبريل ، وبين ليلة وضحاها توحش هذا الجروب بشكل رهيب ولعله حطم جميع الأرقام القياسيةعلى الفيس بوك من ناحية الإشتراك فتعداده حتى كتابة هذه السطور بلغ سبعة وستون ألفاً ، وتابعته بالأمس فوجدت تسعة أعضاء جدد ينضمون إليه كل دقيقة ، كذلك رسائل المشاركات تخطت جميع الحدود وبلغت اليوم ثمانية عشر رسالة جديدة كل دقيقة ، ومن المعروف أن أي جروب تقليدي يصل في عدة أسابيع إلى مائتين مشترك يعتبر جروب ناجح وفعال ونشط

قلبي يشفق على إسراء من هذه القنبلة على الفيس بوك والتي تتضخم مثل كرة الثلج حتى تحولت الشرارة إلى جميع أفراد الشعب وأحدثت بلبلة لدى القوة السياسية والأمنية المصرية ، فأصبح الموضوع أكبر من طاقة بشر كثيرين يستطيعون أن يتابعوا ويسيطروا على الجروب


ولم تغيب شمس اليوم إلا وكان الإنطباع العام أن إضراب اليوم يحتاج توافقاً على يوم آخر لزيادة حالة العصيان العام ، وهنا ظهر مينا نادي ( وهو على مايبدو في اوائل العشرينيات ) بإنشاء جروب جديد يدعو إلى إضراب جديد في أول إسبوع من مايو والذي يوافق عيد ميلاد الرئيس فيه يوم الرابع من مايو ، دخلت على الجروب فكان منذ عشر دقائق تسعون شخصا والآن أصبح مائة وأربعون ويبدو أنه سيفوق الجروب سابقه وسيصبح الشرارة التالية لإضراب جديد يوم الأحد 4 مايو

من يتابع الأنترنت اليوم سوف يجد شيئاً مختلفاً .. سوف يجد أن المجتمعات التفاعلية مثل الفيس بوك والمدونات ترصد بشكل رهيب لحظة بلحظة بمعنى المدة الزمنية فعلاً كل مايحدث ، وتعمل على زيادة الوعي السياسي الغائب بشكل غير مسبوق لتصبح للحظة الواحدة قيمة .. حقيقة هذه ظاهرة يجب دراستها بشكل متأن وموسع ، فمن كان يتوقع أن تتناقل وكالات الانباء أنباء إضراب عام دعت له مجموعة على الفيس بوك أو مدونات على شبكة الإنترنت ، وتبدو كلمة قوى وطنية غير واقعية وغير حقيقية وعاجزة لديهم عن الوصف الحقيقي بعد أن أصبح السبق من خلال شباب الفيس بوك ، وتقع الحكومة في خطأ أمني غير بسيط بإصدار بيانات أمنية بخصوص الإضراب ، وفي رداً على سؤال لإحدى الحركات الوطنية ( جورج إسحق مع حمدي قنديل في برنامج رئيس التحرير يوم الجمعة السابق ) عن قوة المشاركة في الإضراب ، فيقول أن الجروب على الفيس بوك وصل مائة ألف ، فأصبحت القوى الوطنية تستمد قوتها من الفيس بوك ... أشاهد الجروب اليوم وفي نفس اللحظة يشير أحد الاعضاء إلى رابط يتيح لك الإستماع إلى إذاعة البي بي سي على الهواء وأنت على النت دون أن تغادر المجموعة .. فتجد اللواء فؤاد علام ثم يليه ًعبد الأحد جمال الدين يتحدثون بكلام لايرضي عنه المشاركون فتظهر ردود أفعال المشاركين في الجروب لحظياً تعليقا على كلامهم وبصورة بعيدة عن أي أداء رقابي يتعرض له جهاز إعلامي ، فيتأكد الجميع أنهم كلهم رأيهم واحد في حديث الحكومة الكاذب ، مدونة تنشأ لمتابعة الإضراب لحظة بلحظة وكل دقائق تجد بوست جديد يتابع الحدث من كل مكان في مصر .. عاجل إعتقال فلان .. مظاهرة هناك .. الشرطة تحاصر هذا المكان .. فض مظاهرة في مدينة كذا .. ثم عاجل جدا .. الشوارع في تلك المدينة خالية .. الأمن يحوط هذا الميدان .. هذه الجامعة خالية ... إلخ


فإذا كانت هذه مقدمة ثورة ... فالثورة هذه المرة من على ساحة النت ، تلك الساحة التي لن يستطيع أن يسيطر عليها مخلوق أياً كان .. ويبدو أن الحكومة الإلكترونية وقعت في شر أعمالها

*******************

تحديث : يبدو أنه تم القبض على إسراء عبد الفتاح وهي الآن قيد التحقيق ، وقد غير من أنشأ الجروب الجديد إسمه إلى إسم مستعار وهو واحد مصري

17 comments:

  1. س على اخرها بس فى مجتمعى الصغير كل حاجة ماشية عادى اللهم الا التراب وسيولة فى المرور
    لا احد راضى على ماتفعله الحكومة من عدم سيطرة على الاسواق او السيطرةالغبية لها
    بس مازلت ارى ان الشباب اكثر تحمسا للاضراب كنت لسه بتكلم مع محمد عبد الغفار انى مش مع الاضراب ليوم واحد انا مع مقاطعة السلع يعنى ناخد شهر كامل نقاطع اللحوم والفراخ مثلا مش حنموت يعنى لو عشنا شهر او اتنين من غير فراخ او لحمة لغاية ما التجار يضغطوا على الحومة ويخفضوا الاسعار دى مجرد فكرة انا شخصيا بطبقها مع اى سلعة ترتفع
    مش مفروض نشارك فى الغلاء بالشراء الهستيرى ونرجع نولول
    تحياتى

    ReplyDelete
  2. أفهم من كدة إنك بتشاور عقلك فى تغير رأيك فى البوست السابق يا شقير؟
    ;)

    ReplyDelete
  3. Great storms announce themselves with a single breeze

    ReplyDelete
  4. كان ع الجزيرة جورج اسحق وكان برضه بيشيد بان دعوة من الفيس بوك تحدث ده..وان مفيهاش حاجة ان حتي لو شباب يجربوا يكون ليهم دور فعال
    والمح لما بعد ذلك بقوله
    النهاردة كانوا 40% اللي اضربوا يعني
    بكرة يبقوا اكتر 50% فاكتر
    وانه بيدعم تلك الحركة


    هل ده يخلينا نأمل ان فعلا اضراب الشهر الجاي ممكن يكون اعلي تنظيما و بنسبة مشاركة اعلي واكثرهم ارباكا للحكومة والامن؟

    يا ريت

    ReplyDelete
  5. البوست ده عاطفي شوية يا أستاذة أحمد اللي فات كان
    Quantative
    :)

    ReplyDelete
  6. لا حول ولا قوة الا بالله
    ربنا يفك كربها هي وكل اللي اتقبض عليهم النهاردة
    والله حاجة مؤسفة جداا

    ReplyDelete
  7. طب والأمن عرف سارة منين، جبها من عالفيسبوك؟؟
    واتقبض عليها أو جلها استدعاء ازاي
    فيه جواسيس ولاد وسخة اكيد هما اللي بلغوا عنها

    ReplyDelete
  8. والله الجزيرة فضلت ساكته طول النهار وفي الاخر قالوا اللاضراب الموؤود
    وناس تقول نجح وناس تقول اضراب فاشل
    انا اعن نفسي اعتقد انه امبارح كان حد اجازة طبيعي
    وكمان الوضع كان عادي جدا في اسكندريه و البحيرة وكفر الشيخ
    الناس بس التمني قاتلها وبعدين لو قلنا فشل ها نقيم الفشل ده ازاي؟؟ ما هو محدش حط مقياس واضح او هدف معين نحكم بيه فشل ولالا
    اعتقد انه لو في سلسله اضرابات واعتصامات متواصله ممكن تضغط علي الحومه اكتر لمراعاه الاحوال الاقتصاديه اللي هي سبب المشكله اساسا
    وعموما بيقوالوا برضه في التحليلات
    انه الانخفاض اللي ها يحصل في اسعار السلع اللس اترفع عنها الجمارك زي الرز والزيت
    ها تؤدي الي انخفاض مؤقت
    ثم يحصل حاله من انهيار المنتج المصري الصغير لانه مش ها يقدر ينافس فابلضرورة يقل الانتاج وتزيد الاسعار تاني بتوحش
    يعني مفيش فايده لا في الاضراب ولا في شيل الجمارك لان اصلا الروشته الاقتصاديه دي مش مناسبه لبلدنا
    تحياتي

    ReplyDelete
  9. فى الحرب

    الطائرات تدك وتسوى الأرض بما ومن فيها ولكنها لا تحقق نصراً أبدأ

    اما النصر وكسب الأرض فلقوات المشاه فقط

    ReplyDelete
  10. السلام عليكم ورحمة الله وبركاته

    وزي ما حضرتك ذكرت انه فعلا الاضراب ده بين وزن المدونات والفيس بوك والنت عموما في التأثير في الناس ، وبين اد ايه المدونات بقت علي قدم المساواه مع القنوات الاخباريه والصحف الكبيره اللي كان في كتير منهم بينقلوا عن المدونات الاخبار اللي بتتكتب


    بس هل تعتقد انه بالرغم من كل الاعداد اللي اشتركت وبتشترك في الجروب دي ان الاضراب فعلا نجح او حتي جاب نتيجه

    كل طرف بيقول روايته الخاصه دول يقولوا نجح ودول يوقولوا لا مانجحش

    وهل تعتقد انه مش هايكون من اهم نتايجه انهم يزود القيود الامنيه و يعدوا علينا حتي الانفاس اللي بنتنفسها ويحاولوا فعلا ضرب حصار امني علي النت باي طريقه

    اعتقد اني مش هاصدق انه نجح فعلا الا اذا كان فيه تغيير ملموس وتحقيق لاي مطلب من مطالب الاضراب
    هي دي الحاجه الوحيده اللي هاتخليني اتأكد انه فعلا نجح

    ReplyDelete
  11. يا جماعة هو لسه فى حد بيسأل الاضراب نجح ولا لا !!! انتوا بتعرفوا لاخبار منين ؟؟؟؟؟؟؟؟

    ReplyDelete
  12. This comment has been removed by the author.

    ReplyDelete
  13. دا إضراب كوول يا ماااان

    شوف كده و قوللي رأيك
    Ahmad's Findings

    ReplyDelete
  14. إضراب جديد أو تخريب جديد ما تفرقش كتير
    النتيجة واحدة
    " إستنزاف أكتر للشعب و تخريب أكتر للبلد و معتقلين أكتر عند الحكومة "

    ReplyDelete
  15. يللي انتي عشقك حرية

    في العشق اه ولا شئ ممنوع

    ReplyDelete