Wednesday, November 05, 2008

ملاحظات على إنتخابات أوباما


ملاحظات سريعة على الإنتخابات






واحد : لم ألاحظ أي وجود لقوات الأمن .. أو الأمن المركزي ولا حتى الأمن الغذائي

إتنين : لم يكن هناك حبر فسفوري ولا تركواز

تلاتة : مافيش وزير داخلية ولا رئيس لجنة إنتخابات بيعلن النتيجة .. أنا بصراحة مش عارف النتيجة بيعرفوها إزاي

أربعة : إعلان فوز الرئيس بيتأكد بإقرار المرشح الخاسر بفوز الرئيس

خمسة : جون ماكين مش هايدخل السجن خمس سنين عشان مش بيزور توكيلات أمريكاني

ستة : مافيش ولا واحد ولا حتى أي جهة متطرفة جاب سيرة تزوير في النتيجة

سبعة : ماحدش جاب سيرة بلطجة ولا حتى خناقة واحدة .. بإستثناء الحادثة اللي في الصورة فوق ، أنا مش فاهم إنتخابات إيه دي

تمانية : الناس إنتخبوا في النهار والنتيجة طلعت بالليل ، كأنها انتخابات نقابة النقاشين

تسعة : الإتنين المرشحين إتصلوا ببعض بالتليفون فور إعلان النتيجة

عشرة
: ماكانش فيه أتوبيسات بتنقل الموظفين والمواطنين عشان ينتخبوا

حداشر : لم تذيع السي إن إن ولا الإي بي سي أغنيه إخترناك الأمريكاني ولا أمريكا اليوم في عيد

إتناشر : مافيش أي حد إشتكى من عدم وجود إسمه في الكشوف الإنتخابية . . ده إذا كان فيه أصلاً

تلاتاشر : ماسمعتش كلمة بطاقة إنتخابية

أربعتاشر : نسبة المشاركين ستة وستين في المية .. أكتر من مية وسبعتاشر مليون ... إيه سفن إيه

خمستاشر : الشبه بين إنتخاباتهم وإنتخابتنا تنحصر في أن باراك تعني باللغة السواحيلية ( اللغة الكينية ) مُبارك - معلومة حقيقية

22 comments:

  1. باراك هو مبارك
    انشا الله بكره جمال يطلع علينا باسمه الجديد جمال باراك

    ReplyDelete
  2. وفيه نقطة مهمة كما قيل ان الشباب الامريكى هو من اختار من سيحكم العالم

    ReplyDelete
  3. اللي شاغلني جدا حاليا، هي الحملة الانتخابية الرائعة لأوباما، وكذلك حملة ماكين على الرغم من خسارته
    أنا مش باتكلم عن سياسات المرشحين
    أنا باتكلم عن
    Campaign Management
    الدعايا، والخطب، والرحلات، والمواقع على النت، والفيديوهات، إلخ إلخ
    الناس دي مش طبيعية

    عقابل كده ما نشوف ولو حاجة بسيطة من الكلام ده عندنا

    ReplyDelete
  4. السلام عليكم ورحمة الله وبركاته


    كمان ماحدش طنش انه يروح ينتخب دول حتي لما لقوا ان الانتخاب عن طريق الانترنت والاجهزه الالكترونيه مش دقيق راحوا يدلوا بصوتهم يدوي

    والغريبه جدا واللي مش ممكن تصدق ان نتيجة الناجح ماكانتش 99.9999999999%

    سلام

    ReplyDelete
  5. هههههههههه
    عشان كدة كسب و"بفوز ساحق"

    للحقيقة انا فقدت اهتمامي بالانتخابات بعد ما خرجت منها هيلاري .. يعني ساعتها كانت المنافسة حماسية اكتر
    بس بعديها خلص صار متوقع ان اوباما هو الي يفوز

    لأ وشفت خبر في العربية .. قال ايه علّامة شيعي بينفي ان فوز اوباما هو اشارة على ظهور المهدي المنتظر
    بيقولك كلمة اوباما تعني :انه معنا
    !!

    مش فاهمة فيه ناس متفائلة على ايه !!

    كلهم زي بعض

    ReplyDelete
  6. انا حمار انى ملاحظتش الحاجات دى

    ReplyDelete
  7. قصدك إيه بالظبط؟ بتلمح لإيه؟

    شكلك كده بتدعي إن إنتخاباتهم حرة ونزيهة ومنظمة أكتر من إنتخاباتنا

    إعترف

    ReplyDelete
  8. Fuck America if she decided to elect a nigger scumbag like that Hussein Obama.
    Iam so sorry i felt bad for Sept 11
    i wish terrorists slaughter all of the American people next time.
    now America lost the people who really loved here by such an act

    كس امك ياحسين يااوباما يازنجي يابن دين الكلب و كس ام امريكا و كس ام الامريكان اللى انتخبوك و اللى مانتخابوكش كمان

    ReplyDelete
  9. ههههههه

    انت تقصد مين بالظبط يا استاذ احمد
    الكلام ده فيه تلميح صريح ان انتخابتهم احسن مننا
    وبعدين مالها اغنية اخترناك
    بكره تبقى تحية العلم والنشيد القومي
    شعب بينتخب ويشجع بقلب

    ReplyDelete
  10. يا حول الله يا رب
    بس يبنى حاسب الكلام ده يودى فى داهيه
    اكيد قصدك انتخابات امريكا وانتخابات حد تانى
    والكلام ليكى يا جاره
    ههههههههههههههههههههههههههههههه
    بقولك ايه اذا كانوا حبسوا كل واحد مصوتش لبتوع الحزب الوطنى فى انتخابات البرلمان
    يا جماعه انا مليش دعوه هما الى بيقولوا
    ههههههههههههههههههههه

    ReplyDelete
  11. عشان تعرفوا ان مصر هي اعظم عظمات البلاد
    و حكومتنا اعظم عظمات الحكومات

    و امريكا دي ايه الي ما تفهمش في الانتخابات

    هي الانتخابات تبقى انتخابات من غير تزوير؟
    هي الانتخابات تبقى انتخابات من غير سحق و محق للبني ادمين

    هي الانتخابات تبقى ايه من غير يفط قماش في بلد عرايا..

    اللي ما شفش في مصر انتخابات..

    يبقى ما شفش انتخابات في حياته

    قال امريكا قال
    و على رأي احمد عز بيه باشا
    عجبي!!

    ReplyDelete
  12. نسيت ده الرئيس الكام واحنا الكام ها عارف ولا نعد

    ReplyDelete
  13. ليه المقارنة من الاساس؟
    هو احنا عندنا انتخابات؟
    احنا بيركبنا واحد مينزلش الا لو الحمار مات

    اوروفوار

    ReplyDelete
  14. لأول مره افهم و احس تماما و استوعب المقولة الشهيره
    بتخرط على قلبي بصل

    قلبي بيوجعني و يحرقني و في عينيا دموع

    ليه كده؟
    حرام عليك

    ReplyDelete
  15. هو المواطن مننا يحس ان فيه انتخابات غير بالتزوير والبلطجة برضه؟ دا حتى ميحسش بطعم الانتخابات
    دول شعب مش طبيعي اساسا .. ازاي عايشين من غير تزوير؟ حاجة غريبة جدا

    ReplyDelete
  16. إيه سفن إيه


    ايه ده انت بقيت تقول ايه سفن ايه...زينا يعنى
    دى ممكن نعتبرها النتيجه الستاشر للانتخابات
    :))ِ

    ReplyDelete
  17. معلش بس انا بدي منك خدمة ... ممكن حضرتك تمرالي دعوة على الجايكو

    amr_5a@hotmail.com

    ReplyDelete
  18. احنا نحمد ربنا اننا مش عندنا انتخابات بدل المصاريف وو جع الدماغ كتر خير الحكومة و الحزب الحاكم بيوفر علينا الوقت و الجهد و هو بيقوم بتسويد البطاقات بلا انتخابات بلا و جع دماغ و اللي نعرفه احسن من اللي ما نعرفوش

    ReplyDelete
  19. لشبه بين إنتخاباتهم وإنتخابتنا تنحصر في أن باراك تعني باللغة السواحيلية ( اللغة الكينية ) مُبارك - معلومة حقيقية

    جامدة دي يا باشا

    يعني مباراك حسني جمال

    ممكن ييجي برضو بانتخابات مزيهة

    ReplyDelete
  20. حرام عليك انت ممكن تقارنا ببنجلادش هما عندهم توك توك و احنا كمان :)

    ReplyDelete
  21. استاذ احمد
    وحشتني مدونتك وتدويناتك
    اه كبيرة اوي من القلب يا استاذ احمد
    انا كنت بتابع الانتخابات دي بعين المحروم وبحسرة على حالنا وحال بلدنا
    سعدت جدا بالنتيجة لكني سعدت اكتر بالانتخابات وحرفيتها

    ابو خالد بيقول الناس دي مش طبيعية
    وانا بقول لأ هما اللي طبيعيين احنا اللي مش نافعين

    تحياتي
    محمد سمير

    ReplyDelete
  22. استاذنا الفاضل تدوينتك ظهرت فى جريدة الوطن الكويتية اليوم فى صفحة الكاتب الساخر فؤاد الهاشم . تحياتى

    ReplyDelete