Sunday, November 23, 2008

مصر على أغلفة التايم






في رحلة للبحث عن مصر على أغلفة مجلة التايم العريقة خلال القرن الماضي وحتى اليوم .. إكتشفت الآتي

إحتلت مصر غلاف مجلة التايم ستة عشر مرة منهم خمسة عشر مرة لزعماء وملوك مصر بما فيهم رمسيس الثاني

غلاف واحد لشخصية غير مصرية وهو الأميركي جيمس هنري بريستد أول عالم مصريات

أكثر شخصية ظهرت صورتها على الغلاف هي صورة الزعيم جمال عبد الناصر ست مرات

الزعيم أنور السادات ظهر أربع مرات

الملك فاروق مرتين

الرئيس محمد نجيب مرة واحدة

الملك فؤاد مرة واحدة

الرئيس حسني مبارك أطول الرؤساء حكماً لمصر ولا مرة .. غالباً هاتكون فيه مرة قريباً

أكثر عقد ظهرت فيه مصر على الغلاف كان في الخمسينات خمس مرات ، ثم في السبعينات أربع مرات للزعيم أنور السادات

ظهر الزعيم أنور السادات على غلاف نهاية عام 1977 بإعتباره شخصية العام في حدث فريد لم يتكرر مع زعيم عربي بإستثناء الملك فيصل ملك السعودية التي حصل عليها عام 1974

ظهر أبو الهول والأهرامات في الخلفيات أربع مرات ، الأولى مع الملك فاروق ، والثانية مع الرئيس محمد نجيب ، والثالثة مع الزعيم عبد الناصر ، والأخيرة كانت رأس أبو الهول هي رأس الزعيم السادات


التالي الأغلفة بالترتيب التنازلي







********************************

13 comments:

  1. منتظرين المره اللي هتفرح الكل

    ReplyDelete
  2. لسة بدري قوي على وضع الصورة ..بلاش يبقى عنك أمل كده
    السكة طويييييييييييييييلة بشكل
    :(
    هما ممكن يحطوا صورة السبعين مليون مصري واحد واحد قبل ما يحطوا الصورة بتاعته

    ReplyDelete
  3. غالباً هاتكون فيه مرة قريبا

    هههههههههههههههههه

    يارب تكون اللى فبالى

    ReplyDelete
  4. اعتقد ان لم تخني الذاكرة ان جمال مبارك ظهر مرة على غلاف مجلة
    مش عارف التايمز ولا النيوزويك
    مجهود جميل وموضوع رائع
    تحياتي

    ReplyDelete
  5. الموضوع جميل جدا وبحد حاسس انه متعوب عليه ... انا شخصيا مش عاوز صورة اسمه ايه تظهر على غلاف المجله اياها الا فى حاله واحده متهيالى عارفينها ويارب تحصل بقا

    تحياتى

    ReplyDelete
  6. تقصد ايه يعني ، صورة حسني مبارك حاتكون قريبه
    ====================
    طيب ياحلو حايستنوك في المطار
    وابقي قولهم سلاموووووووووووووو عليكم

    ReplyDelete
  7. معتقدش ان لو حصل
    حيحطوا الصورة بتاعت حسنى

    ReplyDelete
  8. انا شايفة ان مبرر عدم نشر صورة بابا حسني في مجلة التايم.. هو انعدااام الديموقراطيةم..
    عشان دول لويعرفوا معنى الديموقارططية هايحطو صورته من ورا و من قدام

    و كانو عملوا عدد خاص كمان

    دول مش عارفين قيمة بابا حسني
    ولا ماما سوزي

    عالم ما بتفهمش في الديموقراطية صحيح

    ReplyDelete
  9. الإحصائية تثير الكثير
    من التساؤلات والتأملات
    والجهد المبذول واضح

    هناك علامات استفهام بين السطور
    تبحث عن إجابات

    ولا تلقى مجيبا

    ودمتم
    وليد

    ReplyDelete
  10. ممتاز اختيارك للمواضيع اللى بتتناولها .. هو حسنى عمل ايه علشان يطلع على غلاف التايم ؟؟

    ReplyDelete
  11. انا ضحكت اوي علي تعليق هبة الصراحة
    عندها حق
    السبعين مليون واحد واحد
    صورتهم تنزل
    قبل صورة الزعيم القائد والاب الحنون في مناسبة لم ولن تتكرر يعني
    :DDD

    بس تسلم يا باشا بجد انا باحب اوي مواضيع حضرتك عن -مش ح اقول احصائيات- بس يعني التجميعات دي او يا سيدي الاحصائيات دي..من مجلات عالمية وزعماء وموقعنا الجغرافي منهم وكدة يعني
    :)

    ReplyDelete
  12. عليك تقاليع انت يا احمد يا بن شقير عجيبه والله
    بس لذيذه
    كل شوية تغطس كده وتتطلعلنا بشئ جديد ومثير

    اما عن صورة بابا حسني يكفي انها طالعه علي عين كل واحد فينا وملغلغة في لغالغينا وقلوبنا

    انظر حولك
    د. خالد عزب

    ReplyDelete
  13. انا بحب السادات جدا"
    وبحترمه
    رغم ان له أخطاء ...فكلنا لنا أخطاء
    ولكنه كان فعلا بيحترم مصر
    مكنش اى حد يقدر يمسنا بكلمة
    دلوقت..حدث ولا حرج

    اما غيره اللى يعنى ياحرام اتحرموا من ان صورتهم تنزل عملوا إيه لمصر...قول عملوا إيه فى

    ReplyDelete