Wednesday, February 11, 2009

خدش حياء مدوّنِة ... يتحول لقضية



نهى رشدي ... كلاكيت تاني مرة



التحرش الجنسي وخدش الحياء في الطريق العام ، قضية هامة وظاهرة إنتبه لها المدونون والمراكز الحقوقية في الفترة الأخيرة ونالت كثيراً من إهتمامهم ، بعد حالة الإنفلات الأخلاقي التي يعانيها الشارع المصري حالياً ، ولكن أن يكون أحد المدونين ضحية إحدى تلك الحالات التي تحولت إلى قضية فذلك هو الجديد ، المدونة آسر ياسر (ياسمين سابقاً ) صاحبة مدونة سكاي لايت كانت هي ضحية إحدى حالات خدش الحياء في الطريق العام بطريقة أثارت الرعب في نفسها ، عندما تم التعرض لها أثناء سيرها في طريقها لمنزلها بالمقطم من خلال مجموعة من الشباب في نهايات عقدهم الثاني الذين إلتفوا حولها من كل جانب وأيضا من خلال سيارة تدور حولها بطريقة تبث الرعب ، ثم مالبث الشباب أن تعرضوا لها بصورة تخدش الحياء من خلال مجموعة من الكلمات والألفاظ الخارجة بثت الخوف في قلبها لدرجة شعرت معها بالهلع والعجز من فعل شيئ ، وحتى صراخها فيهم لم يردعهم عن ذلك بعدما شعرت أنهم يقطعون عليها الطريق تماماً بين الذهاب لمنزلها أو العودة للشارع الرئيسي

خلع أحدهم حزامه كنوع من الترهيب والتهديد بالضرب بعدما أطلقت بعض الصرخات التي لامجيب لها ، وقفت آسر في مكانها وإتصلت بالشرطة التي حضرت مسرعة وحاولت مطاردة المتحرشين الذين فروا هرباً إلا من أحدهم صاحب السيارة الذي لم يهتم حتى بالهروب وكأنه لم يفعل شيئاً ، تم القبض عليه وتحول للنيابة التي قامت برفع الدعوى المدنية ضده بقضيه لها رقم وتاريخ

الآن تتعرض آسر لضغوط من كل جانب للتنازل عن القضية حتى لايضيع مستقبل الشاب ذو العشرين ربيعاً صاحب المستوى المادي المرتفع نسبياً ، أسر بدلا من أن تشعر بالراحة والأمان بعدما أصبحت القضية بين جنبات المحكمة أصبحت تشعر بالرعب أكثر من كثرة الضغوط عليها وعلى زوجها والعتاب واللوم لها على أنها سوف تعمل على تدمير مستقبل شاب جامعي لم يفعل شيئاً يزيد كثيراً عما يفعله غيره ، إنتقادات وجهت لآسر من نوعية " وإيه يعنى لما عاكسك ولا قالك كلمتين .. ما كل الستات بتتعاكس وبتسكت " ليرى فيها البعض أنها الجاني بدلاً من المجني عليه ، تماماً مثلما حدث في قضية نهى رشدي ، ولكن القضية هنا التكييف القانوني له جنحة فعل فاضح لو تم ثبوتها يتم توقيع عقوبة حبس مدة لاتزيد عن سنة وغرامة أو إحدى هاتين العقوبتين

لعل آسر من أول المدونات التي قابلتهن وكان ذلك في لقاء المدونين الشهير بالبورصة وكذلك في لقاء الأوبرا ، لذلك إنزعجت كثيرا عندما تركت تعليق تشرح فيه الواقعة وظروفها وتحتاج لرأي يؤكد لها صحة مافعلته

فلنقف جميعاً ورائها في تلك القضية وندعمها برأينا أو بتدوينة تحلل وتفند الواقعة ، التي يحاول فيها البعض أن يثنيها عن إستكمالها ومطالبتهم لها بالتنازل

**************************

لنكن جميعاً يداً واحدة من أجل شارع آمن




32 comments:

  1. حقيقى مش عارفة اشكرك ازاى

    رد فعلك للموضوع كان سريع جدا وحاد .. والأهم انه اعاد لى ثقتى فى نفسى ولو كان فى نفسى تردد ولو 1% فقد اختفى تماما

    انا عارفة انى لجأت للشخص الصح ولو انى كنت متحرجة فى البداية وفكرت كثيرا قبل تلك الخطوة لكن رد فعلك اثلج صدرى

    اشكرك مرة اخرى .. والله تنهمر دموعى ولا اجد كلمات تعبر عن احساسى المفاجىء بالقوة والثقة بعد قراءة هذا البوست

    أكثر الله من أمثالك

    ReplyDelete
  2. لا تنازل عن حق يا اسر نحن معك قلبا وقالبا

    ReplyDelete
  3. تتنازل ايه

    انا مش شايفة انها مفروض تتنازل خالص
    ماحدش جرأ الصيع والبلطجية وعديمي التربية في كل مكان على الستات الا السكوت والكلام السخيف من عينة الست عيب تتكلم او عيب تشتكي والكلام الفارغ ده
    وبعدين اللى اهله مش قادرين يربوه السجن يربيه
    مافش حاجة اسمها عمل حاجة عادية بيعملها كل الشباب

    لاترضخي لاي ضغط ولا تتنازلي عن حقك ولا تنسي ان حقك هذا ليس حقك وحدك بل حق فتيات غيرك قد يهبط من عزمهن تنازلك عن الشكوى

    ولو اهله كانوا خايفين على مستقبله كانوا تعبوا شوية وربوه

    بلاش قلة ادب وسفالة
    خليه يتربى ويكون عبرة لغير هو واي سافل عديم الاخلاق

    تحياتي

    ReplyDelete
  4. العزيزة آسر و استاذ شقير ... انا شايف ان المشكلة دي ناس كتير بتتكلم عنها أخرها في مدونة القهوة العالية في البوست ده
    http://resstlesswaves.blogspot.com/2009/02/blog-post_08.html
    الحقيقة أنا شايف انه حل أن ترفع قضية علي المتحرش فقط لم يعد حل حقيقي لهذه المشكلة ... يجب أن يكون هناك حل أخر بجانب هذا الحل لأن رفع القضية هو حل مؤقت لمشكلة يبدو أنها اكبر من أن تحل بحلول مؤقتة .. اللي بيعمل كده مش واحد أو اتنين ... دي ناس كتير جدا ... لازم يكون في حل من الصغر ... تربية للاطفال الذكور و الاناث في نفس الوقت تجعلهم يكرهون هذا الفعل و ينفرون منه ... مش يتباهوا بيه و يكون مصدر فخر للذكر أنه بيعرف يعاكس كويس أو حتي يتحرش و انه ما يكونش ايضا فخر للأنثي انها بتتعاكس (يعني حلوة ) و صدقوني المشكلة من الطرفين مش من طرف واحد ابدا ... لازم يكون في نوع من التوعية للمراهقين و الاطفال انه السلوك ده مرفوض و انه الانثي ليست وعاء جنسي فقط بجانب رفع القضايا علي المتحرشين ... كنوع من الردع ... غير كده انا شايف انه اللي بيعمل كده و بنحاسبه علي كده بيعمل اللي فعلا اتعلمه طول السنين اللي عاشها ... مش معني كلامي إني ضد رفع القضية عليه ... لكن مابقاش كافي رفع القضايا و بس و لا ايه ؟

    ReplyDelete
  5. مهو المشكله لو هى اتنازلت يعنى
    مفيش حاجه
    والردع هو اللى هيوقف هذا السخف والهوان
    لا تتنازلى ومن حقك ان تتحركى بأمن وكل المصريات وكل من يمشى على تراب مصر
    لابد من وقف هذه النبرة المتهاونه

    من اجل اولادك ونفسك لا تتنزلى
    وليربوا ابناؤهم اذا كانوا يخافون على مستقبلهم

    ReplyDelete
  6. السلام عليكم ورحمة الله وبركاته

    استاذ احمد احييك علي طرح القضيه واحب اقول لها من هنا

    اوعي تتنازلي يا آسر

    لو كل واحده حصل معاها كده وتنازلت تحت الضغوط والادعاء بانها حاجات صغيره وكل واحده بتتعرض للمعاكسه وبتسكت ومستقبل الشاب والكلام ده

    بكره بدل ما تبقي حاجه صغيره هانلاقي مصايب ومنتشره في كل حته

    اوعي تتنازلي يا اسر اوعي


    سلام

    ReplyDelete
  7. لا طبعا متتنازلش المقطم زفت وفيه ناس بتشرب مخضرات وغيره ويعنى هو لما اتحرش بيها مكنش يعرف اللى بيحصل فى التحرش وعقوبته هى ليه تخاف على مستقبله وهو ميخفش
    ولو هنقول مبيقراش جرايد وميعرفش يبقى يتعلم يقرا ويتابع بدل ما هما شباب جاهل مش محترم
    بعد اذنك واذنها هكتب فى الموضوع وهقف معاها ويا ريت متخذلناش وتتنازل بجد لان ده اقل حق ليها
    وايا ك ابقى اسمع واحد يقولى ما هو لبسها الشماعه الهبله اللى بيتكلموا عليها ولا هى مش عارفه ايه
    معلش بجد بس الموضوع ضايقنى مع انى معرفهاش خالص بجد

    ReplyDelete
  8. للاسف الشديد لقد استفحلت الظاهره ولم تعد حالات شاذه وللاسف لا احد يأخذها على محمل الجد على كل حال طريقه نهى رشدي فى الصمود هى الحل ويجب على الزميله المدونه الا تتنازل ابدا ونحن كمدونيين معها واذا كان هناك من حمله لمساعدتها فنحن جاهزون
    تحيه واحترام لها ولك سيد / احمد

    ReplyDelete
  9. نشر ايضا فى بلوجرز تايمز على الرابط

    http://bloggers-times.blogspot.com/2009/02/blog-post_11.html

    نرجو الربط بنا لزيادة الإنتشار

    ReplyDelete
  10. الكلمتين الدائمتين هتضيعي مستقبله
    هو انا مش عارف هي هتضيع مستقبله ليه هو اللى ضيع مستقبل نفسه اصلا باللى عمله واللى هي بتعمله مجرد جزاء للي عمله يعني هي ملهاش اي دعوة بيه ولا بكونه مين ولا ابن مين ولا شخصيته ايه هي عايزة حقها وبس وملهاش دعوة بيه نهائيا غير انه الطرف اللى اعتدي عليها وبس

    انا شايف المبررات اللى بيقولها الناس هايفة جدا وخصوصا عادي ما كل الستات بتتعاكس دا بينضم بردو تحت بند اننا لازم نمشي ف قطيع كله بيتعاكس يبقي لازم تتعاكسي انتى كمان

    لكي الله يا مصر

    ReplyDelete
  11. لا تتنازلى يا عزيزتى .. التنازل لن يتذكّره هؤلاء الأنذال على أنّه رفقفا بهم و بمستقبلهم !! بل سيفهموه بعقولهم الصدءه و منطقهم الأعوج على أنّه تشريع لهم أن يستمرّوا و لحقّهم فيما فعلوه و قد يغريهم بالمزيد فهل أنت على استعداد لتحمّل مسئولية ضحيه جديده قد يلقيها سوء الحظ فى طريقهم !! سيفهمه هؤلاء على أنّه إقرار لهم على فعلتهم و أنّها لا تستحق هذا التهويل و أن كل النساء عليهنّ تحمّل رذالة و سفالة هؤلاء ما كلهنّ بيتعاكسوا و يسكتوا !!

    لا تتنازلى فالحكم بالحبس الذى ناله المتحرّش الأشهر لم يكن رادعا لهؤلاء فكيف بالتنازل !! كيف سيكون تأثير التنازل عليهم إذا كان حكم القضاء لم يردعهم؟

    لا تتنازلى و يكفيك جدّا لجوئك للقضاء لنيل حقّك و ليس عليك بلوغ الهدف النهائى و هو إنزال العقاب بهم فهذا ليس فى نطاق فعلك لكن لا تتنازلى عمّا هو فى نطاق فعلك و قدرتك على التأثير ..

    من يحدّثونك عن مستقبل ضائع عليهم أن يتوجّهوا بحديثهم لأسر هؤلاء الصيّع التى لم تربّيهم بشكل يحفظ لهم مستقبلهم و يريدون من غيرهم أن يحرصوا على مستقبل أبنائهم حيث لم يحرصوا هم على تربيتهم و تنشئتهم بشكل محترم ..

    لا تتنازلى و معلش عشان خاطرنا تحمّلى الرذاله التى تعانى منها حاليا حتى يتناول قضاؤنا المقوّيات التى تلزمه للتحرّك و إبداء الرأى

    ReplyDelete
  12. أؤمن على ما قالته زمان الوصل .. وأضيف :

    على آسر ، وغير آسر حتى ممن ليست لهن مدونة أو من غير فئة الناشطات ألا ينظرن إلى حيثية من يتحرشن بهن إن لجأن إلى القضاء ..

    وعلى أي من عامة الشعب الذين يتم تلطيخ سمعتهم في صفحات الحوادث ألا ينظروا إلى أسماء تلك الصحف وعلاقتها بالسلطة إذا قرر الضحايا ممارسة حقهم القانوني ضد نصايص الصحفيين هؤلاء..

    على كل صاحب حق أن يذكر نفسه ومن حوله أنه لا يزال يوجد "قانون" في هذا البلد ، وأن دعس هذا القانون له "ثمن" يجب على الداعس أن يدفعه ، سواء أكان ابن "بيه" له من يسندونه ، أو صحفي "باشا" له إعلام الحزبوطني والمال السياسي الذي يسانده ، أو سائق "مسطول" أو طبيب مهمل يجد ألفاً ممن يتعاطف معه بحجة أنه "غلبان" ..

    ReplyDelete
  13. تفتكر في حالة الفساد لاجيال كاملة في مصر وفي حالات التحرش والاعتداء الجنسي في مصر بيكون مين الظالم ومين المظلوم.... أعتقد ان علينا أن نجد حل جماعي وليست حلول فردية فالقضية ليست حل ولن تحميها من متحرش أخر او تحمي غيرها من ايدي نفس الاشخاص ...تحياتي ليك يا احمد علي موقفك منها ولكن لاول مرة من سنتين تقريبا اختلف معاك

    ReplyDelete
  14. صرخة حق ... تعليقك فعلا صرخة حق مع أني شايف انها لا يجب أن تتنازل عن القضية

    ReplyDelete
  15. حاجه كمان لفتت نظرى بعد قراءة التعليقات لأنّى كتبت تعليقى الأوّل بعد قراءة البوست مباشرة و قبل قراءة التعليق ..
    لو تنازلتى عن القضيه بسبب حديث فارغ عن مستقبل صاحب العربيه الأمر سيكون فيه شبهة طبقيه لا أرضاها لك ولا لأى صاحب حق ..

    السوّاق فى قضية "نهى رشدى" نال عقوبته و جزاءه ولم يتحدّث أحد عن مستقبله ربّما لأنّه يعمل بمهنه بسيطه و أهله غلابه و على أد الحال .. فهل لمجرّد أن المتّهم فى هذه القضيه يقود سيارته الخاصه و أهله مستواهم أعلى شويه من مستوى أهل السوّاق يفلت من العقاب و يجد من يتحدّث عن مستقبله و يبدى الخوف عليه !! هذا سيكون ظلم مضاعف بجد .. كفايه علينا الغاضبين من تطبيق عقوبة الحبس و الغرامه على السائرين عكس الاتجاه و حجّتهم الدائمه "إزّاى نتحجز مع النشّالين و المجرمين" كأنّهم لم يجرموا بالسير عكس الاتّجاه و تعريض الأبرياء للموت و ذويهم للترمّل أو التيتّم و كأن هذه ليست جرائم قد تكون أشد هولا من جريمة النشل أو السرقه .. أرجوكى لا تتنازلى و تعاملى مع الأمر من نفس الزاويه التى كنتى ستتعاملى بها معه لو كان سائق السيّاره هو سائق توتوك ولاّ ميكروباص ..

    ReplyDelete
  16. اضم صوتي لتعليق كراكيب
    هي مش قضية الولد ده بس
    دي قضية سلوك
    وكانوا زمان بيحلقوا للي بيعاكس ف الشارع اقرع
    بس دلوقتي بقت موضة
    كلهم حالقين قرع
    هاهاهااا
    ياريت يكون في اي شيء تاني
    يبان كعلامة تتعمل للواحد اللي عاكس واحدة
    مش عارفة زي ايه

    بس حاجة زي القرعة كده
    ممكن يلبسوه طرطور لمدة شهر مثلا
    احسن ما يخش السجن
    والا الطراطير كمان هتطلع موضة

    ReplyDelete
  17. رسمة

    يا فندم شكرا لضمك صوتك الي صوتي ... بس انا ضد أي حل فيه تشهير و تهزيق للشخص المعاقب سواء كان بطرطور أو حلاقة شعر ... ايه رأيك نعاقبه بالحبس و بعدها باجباره علي أنه يعمل شيء جيد لمجتمعه ... مثال للشيء الجيد مثلا ... أنه يزرع عشرين شجرة في المكان اللي تحرش فيه بواحدة و علي حسابه ... أو أنه يشارك في حملة توعية ضد التحرش مثلا كشخص متحرش سابق .. أو أنه يبيض بنفسه (مش باقول يدفع فلوس لحد يبيض) واجهة عشرة مباني أو عمارات
    حل التشهير و التهزيق في مكان عام مش مهم قد ما ممكن نحول الشخص ده (حتي و لو كان غصب عنه لشخص نافع لمجتمعه )
    مش عايز أكون مثالي أكثر من اللازم و دعينا نتحدث عن الأمور كما هي و ليس كما ينبغي أن تكون ... عقابه أنه يزرع عشر اشجار في أي مكان مفيهوش شجر .. تخيلي لو كل متحرش مسكوه عاقبوه بزرع عشرة اشجار ... يبقي مصر هتتحول لحديقة مفتوحة رائعة الجمال
    ده رأيي لأني ضد العقوبات اللي فيها إهانه للمعاقب بشكل تشهيري حتي و لو كان متحرش

    ReplyDelete
  18. مش لازم تتراجع
    بل لابد تكمل القضية و تحبسه علشان يتربى

    ربنا يوفقك يا أسر

    ReplyDelete
  19. المشكله فعلا ان الناس بقت بتتعامل مع الاحداث دي كأن المفروض ان البنات تقبلها عادي
    والبنت اللي تتكلم تبقي هي اللي غلطانه وغاويه فضايح

    موقفها صح 100% ربنا معاها ويثبتها يارب

    ReplyDelete
  20. عزيزي كراكيب
    انا دايما كتاباتي لا تخلو من السخرية
    والحقيقة انا ماليش مدونة
    لكن باكتب

    وانا اقترحت حل الطرطور لانه يجب ان اللي يعاكس يتحط عليه علامة والناس كلها تعرف انه متحرش

    ونظرة المجتمع ليه هتخليه يتعظ
    غير كده
    انا بارحب باي اقتراح تاني لعقاب المتحرش

    بس مهم يكون العقاب علامة مش لازم يا سيدي تبقى فيها سخرية
    بس حكاية زرع اشجار دي
    متنفعش خالص

    لان اي واحد شغلته يزرع شجرة هيخاف وهيبطل الشغلانة دي احسن اللي يشوفه بيعمل كده يفكره متحرش

    ويبدو ان فكرة المخضرات دي جتلك م التعليق بتاع آبي
    هاهاها

    وليه انت بترفض سخرية المجتمع من المتحرش
    مع ان هو بتحرشه بيسخر من كيان اي بنت وبيستهين بيه

    ولو خليناه يزرع او يلون او يعمل اي حاجة
    هتلاقي المتحرشين الاغنيا بيجيبوا حد يزرعلهم ويلونلهم بالاجر

    ارجو انك تفكر ف علامة تشير لان هذا الشخص تحرش بفتاة
    واختار اي علامة مفيهاش سخرية
    يعني بدل ما يزرع شجرة
    ممكن يشيل شجرة ويلف بيها في الشارع كل يوم ساعتين وقت الذروة

    ReplyDelete
  21. الحجاب حقيقة ثابتة أم مجال للتفكير

    من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
    ومن هنا تبنت الرابطة أن تكون هي حجة علي من يدور بينهم النقاش علي صفحاتها.
    نفجر الجديد دائما حوارنا اليوم
    الحجاب حقيقة ثابتة أم مجال للتفكير
    وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
    ندعوكم للمشاركة في هذا الحوار المفيد
    تقبلوا دعوتنا ننتظركم لنستفاد منكم
    رابطة هويتي إسلامية

    ReplyDelete
  22. البلد سابت خلاص
    انا مش عارف اخرتها ايه ؟؟؟

    ربنا يرحمنا برحمته

    ReplyDelete
  23. رسمة

    قتلتينى ضحكا

    انا مستنية مدونتك بفارغ الصبر عشان تضحكينا من نفسنا شوية فى زمن عز فيه الضحك من القلب

    ReplyDelete
  24. اعتقد ان مفيش كلام يتقال
    مينفعش التنازل
    عشان بس ده حقك
    زي ما الكل قال هنا
    او زي ما قلنا في مدونة اسر
    ربنا يخفف عنها الضغط ده


    انا بس احب اعلق تعليق على جنب
    لرسمة وهاني كراكيب

    هاني..فكرتك بتاعة ان بجانب العقوبة ان يكون في حاجة لخدمة المجتمع - زي برة كدة- والله يا ريت
    بس الخوف ان يدخل فيها اقاويل عند التنفيذ اللي بحق ومش تتنفذ


    اما رسمة...فانا مت من الضحك رغم ان الوضع العام غير مضحك ههههه...بصراحة ليكي حق تقولي كدة وزيادة..مع اني برضه مش مع اننا نهزأ من واحد..رغم انه بيستهزأ بالبنات لما بيعاكس او يتحرش! بس بيكون الاصلح انه يتربى و يعمل حاجة كويسة ينفع بيها بلده وفي نفس الوقت موقف يربيه
    يروح بقى مناطق عشوائية يخدم فيها اسبوع
    يروح القرى الواقعة تماما يعمل اي حاجة لاهلها
    يقف يوم مع عسكري مرور غلبان في الشارع (مش باهزر)
    يشتغل كمسري على اتوبيس نقل عام و اجر الكمسري مينقطعش انما ياخد اجازة ويريح يوم
    يروحوا مستشفيات من الحكومية المحتاجة ويتطوعوا
    او دور ايتام
    معرفش
    البلد محتاجة كتير
    وممكن نستفيد بالعناصر دي
    اهو ينفعوا بحاجة
    وفعلا ممكن ينصلح حالهم
    ح تبقى قضية
    وعقاب
    وتربية
    السجن بس مش اصلاح وتهذيب

    ReplyDelete
  25. @رسمة
    :))) بصي بعيدا عن أنك بتعرفي تضحكي اللي بيكلمك
    انا شايف ان المجتمع مش هيستفيد حاجة من انه يشيل شجرة و يلف بيها ... هو زي ما اذي واحدة لازم يفيد كذا واحد و واحدة بعمل ما ... بيتهيألي ابيتاف فهمت قصدي و طبعا بالنسبة لتطبيق القانون و انه بيطبق علي ناس ناس تبعا لحالتهم المادية ... فأكيد متفق معاكي
    و بعدين فين مدونتك ؟؟ لازم تعملي واحدة

    ReplyDelete
  26. طبعا انا متابعة حوار كراكيب ورسمة وابيتاف كمان

    هى عموما رسمة كاتبة ساخرة وهو دة اسلوبها .. وطبعا شر البلية ما يضحك

    وتأكدوا انها اكتر واحدة متضايقة عشانى فى الكون كله .. ودى حاجة انا متأكدة منها جدا

    وفكرة انه يتهزأ او يخدم المجتمع انا مش معارضاهم الإتنين

    لأنه فعلا هو اللى بيهزأ نفسه لما يستهين بإمرأة
    وصدقونى لا تأخذنكم بهم شفقة .. احنا بنتكلم هنا عن ناس عاوزين تربية من الأول وجديد

    وبرضه خدمة المجتمع اقتراح جيد ولكن هتلاقى ولاد الناس الهاى راحوا يخدموا فى مناطق راقية والباقى هيشيل الليلة زى التجنيد بالظبط

    على فكرة رسمة هى اختى الجميلة سوسو

    ReplyDelete
  27. موضوع تحرش تاني
    زهقنا من الموضوع ده بقي
    خلاص موضه وبطلت

    موقفك جامد يا ابو شقير
    !!!!!!!!!!!
    الاعمال بالنيات

    انظر حولك
    د. خالد عزب

    ReplyDelete
  28. أحييك على التدوينة أستاذ أحمد
    الموضوع بقيت بحس الناس بتاخده ببساطة ... زي ما يكون واحد بيعلق او بيعاكس بكلمة ... وان كان لا مبرر للمعاكسة بالكلام برضه لإنه خدش للحياء
    لكن الخوف فعلاً من انتشار هذا الموضوع اللي بدأ بالفعل يكتر الفترة الأخيرة... لذلك أضم صوتي لصوتكم في عدم التنازل عن حق آسر وربنا يعينها ويهديها ويهدينا والمسلمين ويصلح أحوالنا جميعاً
    --------------------------
    على هامش التعليق
    اسمحلي أبدي اعجابي الشديد بمدونتك اللي أكيد رأيي مش هيضيف ولا يقلل من شأنها كتير ... لكن فعلاً من التدوينات اللي أعشق متابعتها وإن كنت أول مرة أعلق عند حضرتك
    تحياتي أستاذي الجميل

    ReplyDelete
  29. زي ما قلت قبل كده
    التحرش موضه قديمة
    والاعمال بالنيات
    اسمحلي اختلف مع اغلب من علق

    مين ركب مترو ولا اتوبيس مننا قبل كده وشاف خناقه بين ست وراجل او شاب بتتهمة انه عاكسه او حتي مد ايده عليها بفعل قبيح
    طبعا بتبقي ظيطه اللي يشتم والل ي يعمل فيعها حمش واللي يحاول يهدي
    واللي يشك في الست اصلا انها بتاعة تبالي!!!!!!!!!!!
    المهم غالبا الموضوع بيتلم ويخلص ساعتها وخلاص
    اعتقد كلنا شوفنا الموقف
    طبعا موقف مرفوض بدون جدال
    ولكن
    ولكن لو كل واحده من الستات اللي بيتخانقوا في المترو او الاتوبيس او اي مكان أخر
    عملت محضر وطلعت في واتهمت المتحرش ورفعت قضية والسكه دي
    كام قضية تحرش هتترفع
    وكام واحده هتتشهر
    هل الاتهام بالتحرش الان اقصر الطرق للوصول للشهرة والنجومية
    ما ارفع قضية تحرش بقي والكل يكتب عن الست الهانم
    والتلفزيون يصور وقنوات الرغي تستضفها لمده اسبوع
    وكله يبقي نهي رشدي بقي

    أ. احمد مدونتك محترمة لا تجعلها تستدرج الي اغراض اخري
    راجع موقفك
    انا عارف انك شفت ياسمين في لقاء المدونين الاول وان كنت لم احضر لكن تفاصيل حصلت هناك اعرفها ربما تكون خافية عنك
    قد ارسل علي ايميلك ما لا استطيع ان اكتبه هنا

    مدام أسر ياسمين سابقا
    لو كنت رفعت القضية وفي نفسك غرض واحد في الميه شهرة
    لا تجعليها علي حساب شاب , انا معترف انه مذنب
    لو لأ
    فالأعمال بالنيات

    انظر حولك
    انظر بجد المره دي
    د. خالد عزب

    ReplyDelete
  30. نفسى اصحى من النوم ألاقى مصيبة التحرش دى انتهت
    ربنا يستر

    ReplyDelete
  31. مشكلة بقت قاتلة و منفرة و موترة للاعصاب .. قسما بالله العلي العظيم اني من كتر رعبي طول الليل احلم احلام مزعجة بتتضمن اشارات للتحرش ده سواءا ف الحقيقة او علي الموبايل .. و الله العظيم الواحدة بقت مش متحملة خلاص .. دي مش لازم تحبسه و بس و الله لو تطول تشنؤه ما تترددش .. و يا رب يدل علي كل "الصيع" اللي كانوا معاه و رعبوها دولا ..
    حسبي الله و نعم الوكيل

    ReplyDelete