Tuesday, February 17, 2009

جريدة المدونة .. ثورة في عالم الصحافة


والله وعملوها المدونين الأمريكان




أهلا بكم في العدد الإفتتاحي لجريدة المدونة المطبوعة ، أول جريدة في العالم كل محتواها من المدونات ، كل العاملين في الجريدة المدونة يشكر مدونينا والمساهمين والمعلنين على الدعم القوي في بداية انطلاقتنا ، نحن سعداء ونتمنى خدمتكم


هذا هو كان إفتتاحية جريدة المدونات ، جريدة ورقية محتواها كله عبارة عن تدوينات بأقلام المدونين ، صدر العدد الأول منها في 27 يناير الماضي ، الجريدة روحها هو روح المدونات ، وأنت تتصفح أعدادها الأولى سوف تشعر أنك تقرأ مدونات مصرية رفيعة نفس الروح والرشاقة والذكاء واللغة الساخرة المتميزة ، يقول فريق التحرير على موقع جريدة المدونة تعريفاً بالجريدة .. جريدة المدونة هو ثورة في عالم الصحافة تستطيع أن تقرأها وكأنك تتصفح شبكة الإنترنت .. فتستطيع أن تستمتع بقرائتها وأنت في القطار أو اثناء تناولك طعام الإفطار بدون ملل

الجريدة يومية وإن كانت تصدر أسبوعياً حاليا ً وتطبع مرتين وتوزع في مدينة شيكاغو بالإضافة إلى كل من نيويورك وسان فرانسيسكو ، الجريدة يحررها شباب المدونين ويشترك فيها ثلاثمائمة مدون وافقوا على نشر تدويناتهم بها ، وبعض المدونين كانت لهم نرجسية مبررة تماثل نرجسية المدونين المصريين ، فرفضوا نشر تدويناتهم مفضلين أن تستقر تدويناتهم في مدوناتهم فقط ، الجريدة مجانية وتعتمد في تمويل تكلفتها على الإعلانات التي من المتوقع أن تزيد بدرجة تدر أرباحاً على المساهمين فيها

بعدما تصفحت الأعداد الثلاثة الأولى الموجودة على الموقع ، إنبهرت بالمحتوى الداخلي والإخراج الفني العالي وعلى مايبدو سوف تكون تلك الجريدة ثورة جديدة في عالم الصحف الورقية ، ولا يستبعد بعد أن ظهر التدوين في أميركا وإنتشر عالمياً بسرعة كبيرة أن نجد في خلال عامين بين أيدينا جريدة المدونة المصرية في تفاعل جديد بين الصحافة والإنترنت



في بلاد تعرف حقوق الملكية الفكرية وتحترمها ، جملة جميلة في ترويسة الجريدة ..تقول
تم الطبع بتصريح وموافقة صريحة من صاحب كل عمل منشور بالجريدة
Printed with Explicit Permission From Each Content Provider



العدد الأول نسخة بي دي إف
العدد الثاني نسخة بي دي إف
العدد الثالث نسخة بي دي إف

جروب الجريدة على الفيس بوك

16 comments:

  1. يا ريت هنا يتعلموا شويه بدل السرقه العلنى
    وكمان الناس اللى بتسرق من بعض حاجه بقت مقززه
    بصراحه جايه فى توقيت صح مع اللى بيحصل

    ReplyDelete
  2. بصراحة طفرة تخلى اى حد يتمناها لبلدة بس الحكاية مش موضوع عجز فينا او نقص خبرة وعمرة ما هايكون كدة لانى بشوف فى المدونين خبرة وثقافة تفوق اى دلدول من بتوع الجرايد

    ReplyDelete
  3. يااااااااه
    لو كانت موجودة عندنا هنا في مصر كانت بجد هتبقى جريدة جميلة
    بس اسمح لي يا استاذ احمد
    هو ليس دفاعا عن جريدة الشروق
    ولكن الا ترى ان نقل جريدة الشروق عن المدونات المختلفة يساعد على انتشار وازدهار ظاهرة التدوين
    خاصة انهم لا يتجاهلوا ذكر اسم المدونة المنقول عنها
    دة رأيي
    تحياتي واحتراماتي

    ReplyDelete
  4. يااااااااااه
    فعلا عملوها فى امريكا
    معقوله حد من امريكا يكون شافنى فى برنامج شبابيك وانا بتكلم عن جريده للمدونين

    يا اخى العالم الامريكان دول مش ساهلين حتى برنامج شبابيك بيتفرجوا عليه
    صحيح احنا سبقناهم بالفكرة بس هما سبقونا باصدار الجرنال
    نعيش وناخد غيرها

    ReplyDelete
  5. مش بعيده والله يا استاذ احمد واعتقد ان عن قريب ممكن نعملها احلامنا كتير وعايزين نحققها

    ReplyDelete
  6. السؤال الي محيرني من فترة ليه الافكار الي زي دي دائما بتجي من عندهم و احنا و الله العظيم افضل منهم الف مرة
    هل ممكن يجي يوم و احنا العرب الي نصدر لهم افكار زي دي؟؟
    اتمني لكني اشك
    تحياتي

    ReplyDelete
  7. الناس دى على رأى احمد عيد فى فيلم ليلة سقوط بغداد >> النسا دى سبقانة بمليون سنة ضوئية

    والله فكرة جريئة وليه لأ ؟

    شكرا على الخبر وعلى الأعداد

    ReplyDelete
  8. سلام عليكم
    ازيك يا احمد لفت نظري الموضوع جدا
    يمكن عماله اتناقش مع ناس كتير اوى ع الموضوع ده
    والى شغلني اكتر انا واحدة من الناس اللى بيكتبوا عن المدونين في صفحة خاصة عن المدونخانة بملحق تيلي بيزنس اللى بيصدر مع جريدة العالم اليوم كل خميس
    وكنت متخيلة ان الموضوع طالما اشرنا الى اسم المدون واللينك الخاص بالمدونة
    يكون ده مفهوش اي اخلال بحقوق الملكية الفكرية
    يعني الموضوع مش اننا بنجحف بحق حد بالعكس دي فرصه حلوة ان الناس اللى مش بيعرفوا يوصلوا للمدونات يوصلولها من خلال الجرنال
    سواء عندنا او ف الشروف
    او في اي جرنال اهتم بجيل من الشباب معظمهم من المبدعين
    وخليني اقولك ع حاجة
    انت او انا او اي حد لو قرا كتاب حلو وعجبه جدا
    مش ممكن يكتب عنه ف مدونته
    ويقول للناس يا ريت تقروه لانه قيم وفيه افاده
    هو ده بالظبط اللى بنعمله
    يعني ده وجهه نظري طبعا الاختلاف ف الراي لا يفسد للود قضية وموضوعك ده مهم جدا اننا نطرحه
    ونتعرف ع الاراء المختلفة

    ReplyDelete
  9. اه كمان موضوع جريدة للمدونين موضوع مهم جدا وحلو اوى انك كتبت عنه يمكن يكون بوستك ده بداية اننا نلفت نظر الاعلام للتفكير ف عمل جريدة متخصصة كده
    مين عارف يمكن البداية تكون ع ايديك
    سلام

    ReplyDelete
  10. والله أنا أتمنى طبعا أن يكونلنا جريدة مطبوعة تحترم التدوينــات وأصحابها.. بس أنا متأكدة إن المصريين لو حاولوا إنهم يطبقوا الفكرة هيشوهوها وهيصدروا مسخ غير مترابط ومشوه

    ReplyDelete
  11. البوست ده جه في وقته .. وبيتزامن من النقيض تماما اللي بيحصل في مصر وتحديدا من طرف جريدة الشروق

    التدوين على العموم فاجأ العالم بثروة من المبدعين منتشرة هنا وهناك وكانت مجهولة

    والمطبوعات الجديدة شأنها شأن جميع وسائل الإعلام تتزايد أعدادها بإطراد سريع حول العالم مما يزيد من الحاجة إلى مواد جيدة للنشر

    ومن هنا كان الإلتفاف إلى كتابات المدونين

    ولكن يبقى الفرق "بيننا" و"بينهم" دائما هو اسلوب التطبيق .. فعندنا يسرقون ذلك الإبداع دون إستئذان من صاحبه بل ويشوهونه أيضا .. وعندهم العكس

    وأنا لا أرى أن الإستئذان ممكن أن يكلفهم شيئا .. لكنها سياسة فرض العضلات في مجتمع لايحترم فيه القوانين

    ReplyDelete
  12. مش عارفه ليه حضرتك قلت فى الاخر يمكن بعد سنتين ولا حاجه نلاقى جريده لمدونى مصر ؟!

    هو يعنى احنا اتكتب علينا التأخير وبالسنين

    يعنى لو كده كده هنسرق الفكر ونقلدها طيب نقلدها بعد فتره صغيره علشان تبقى حلوه

    حالنا غريب
    الفكره ظريفه جدا اتمنى لو تتنفذ قريب فى مصر

    ReplyDelete
  13. لو تنفذت الفكره في مصر ربما تكون عائق أمام بعض الصحفيين الذين ينقلون الافكار من بعض المدونين -وقد رأيتها بعيني- أرى انه لو حدث هذا سيعترض الصحفيين عليها
    لأنها ليست في مصلحتهم وربما جذبت الشباب إليها وصرفت الانظار عنهم

    ReplyDelete
  14. فعلا ..انا رأيي من رأي آبي ياريتنا نتعلم نمارس الحرية والملكية الفكرية صح

    ReplyDelete
  15. اتمنى اننا نطبق دا هنا من غير عقد ولا نرجيسيات
    وصت المدونات يوصل لكل الناس سهولة

    ReplyDelete